رواية اسير الماضي الفصل الثالث 3 بقلم The Last Line
لقراءة الرواية كاملة بدون إعلانات (اضغط هنا)
ورد:خلاص يا ماما هذاكر جايز في يوم اقابل ياسين 😇
نادية : عوض عليا عوض الصابرين
و فضلت ورد تذاكر و هي بتحلم باليوم اللي ممكن تقابل فيه ياسين و مين عارف مش يمكن دا يتحقق
و في حفلة الكلية بتاعة التخرج قالوا عايزين ياسين يبقى ضيف شرف في الحفلة دي و طبعا ورد متتوصاش اخدت صاحبتها سلمى و راحت بسرعة على مول كبير علشان يجيبوا فساتين التخرج و طبعا ورد و هي بتختار الفستان مبتفكرش غير في ياسين و بعد ما اشتروا الفساتين و خلصوا راحوا على بيت ورد و سلمى كانت هتبات عند ورد علشان يروحوا مع بعض و جه اليوم الموعود كل البنات جهزت مستنيين ياسين بيه و بالفعل اما وصل القاعة كلها سكتت و دخل و قال كلمة للخريجين و قالوا هيرقصوا سلو حتى ياسين كان لازم يختار واحدة يرقص معاها و كانت ورد واقفة على جنب و مرقصتش مع حد فلقت ياسين جاي في اتجاهها و قالها ترقصي معايا و هي طبعا ماصدقت و رقصوا و هو مبصلهاش و لا مرة و كل ما يبصلها هي كانت حاسة ان نظراته دي غريبة
ورد : استاذ ياسين هو فيه حاجة
ياسين مردش عليها
ورد : استاذ ياسين هو حضرتك مالك
ياسين : الموضوع و ما فيه اني برقص غصب عني
ورد : و حضرتك بتتكلم بقرف كدا ليه انا مضربتكش على ايدك علشان ترقص معايا
ياسين : ما انتي البنت الوحيدة اللي مكانتش بترقص مع حد
ورد : يبقى تحترمني و على العموم انت طلعت متكبر و مغرور و انا كنت بحبك او بلاش الكلمة دي الاصح اني اقول انا كنت واخداك قدوة ليا و منبهرة بيك و شيفاك احسن مهندس في الدنيا على الرغم من سنك الصغير بس انت طلعت بتخاف من الصحافة زي اي حد مشهور و متعجرف
ياسين : و انا اخاف من الصحافة ليه
ورد : للاسف انت اكدتلي كلامي
ياسين :اكدتهولك ازاي
ورد : انت بكل بساطة سبت كل الكلام اللي انا قولته و مسكت في
كلمة انك بتخاف من الصحافة و الدليل اني لو سبتك في نص الرقصة و مكملتهاش هتتبهدل قدام الصحافة و منظرك هيتبهدل و ابقى وريني هتعمل ايه
ياسين : طيب انتي مش هتتجرأي تعمليها
ورد : لا هقدر بس قبل ما اعمل كدة احب اقولك ان كل الاعجاب
و الانبهار بيك بالنسبالى اتحول كلو لكره و لو كان في ذرة احترام ليك في قلبي فأنت قتلتها و يا ريت ماشوفكش و لو صدفة حتى
و مشيت ورد و سابته واقف وسط الحفلة لوحده و الصحافة بتجري عليه.
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!