رواية أحببت وأنا على ذمة رجل اخر الفصل الرابع عشر 14 بقلم نوسة حمد
لقراءة الرواية كاملة بدون إعلانات (اضغط هنا)
البارت الرابع عشر
#نوسه_حمد
جاتني مكالمه من رقم غريب رديت عليهو قال لي انا مدير اعمال الفنان فلان ممكن تحذفي الصوره دي قلت ليهو ياتو صوره قال لي م تستهبلي الصوره المنزلاها في القروب قلت ليهو احذفها ليه قال لي عندك معاها مشكله اتفاهمي معاها هي لكن الفنان خط احمر قلت ليهو خط احمر يمسك نفسو عليهو وبعدين هو بي مرتو قلت الادب ليهو شنو ولا حلال عليكم وحرام علينا ياخ انا دردشه ما قلت فيها شي والكاتبو راجلها الكلام الكبشرتو بس اخدت جمله اطلقي عشان نتزوج وفضحتني وبشعت بي وسبحان الله العملتو كان قصدو تخرب علي انا علاقتي مع زوجي واصلا هي كانت خربانه شديد من يوم المنشور انا علاقتي الحمد لله بقت حلوه وما ناقصني شي الحمد لله الا اقيف قدامها وماعندي شي اخاف عليهو عشان تهددني وارخو جسمكم بس الجاي اصعب قال لي انتي ما قدرنا قلت ليهو ح تعمل شنو زي المسلسلات ولا شنو اطمنك انا ما خايفه اعلي مافي خيلك اركبو ومنشور م بحذفو والصور في غيرها الاخطر قال لي ابقي قدر كلامك قلت ليهو قدرو وقفلت الخط وانا برجف لمن عرقي سايل الخوف عاوز اكتلني كاني م كنت البتكلم انا وبقيت اقول لي نفسي يا نسيبه انتي م قدرهم الناس ديل بس هم البدو الكلام دا وحسبي الله ونعم الوكيل فيهم طارق جا داخل طبعا طارق ما من النوع المتابع السوشيل ميديا انا زاتي كنت زيو كده وكنت مطمنه انو هو م ح يعرف الا زول يقول ليهو والمنشور اصلا م بخصني المهم قال لي نوسه كيفك حسيتو مرهق شديد ونفسو قايم قلت ليهو طارق انت مالك قال لي كويس ي نوسه مالي عاوز استحما وانوم قلت ليهو غريبه قال لي تعبان وهناك م بقدر انوم عشان اولادي بكوركو قلت ليهو تمام يا طارق ما بخليك تنوم جيعان استحما مسافه اجهزو قال لي لا لا هديه بتكون منتظراني وشينه اقول ليها اكلت هنا قلت ليهو م مشكله ان شاء الله اكل بسيط حسيتو تعبان شديد وروحو طالعه قطع قلبي طارق م متعود علي شغل العتاله والشغل الشاق وعاوز يثبت نفسو دخل استحما وانا مشيت بقيت اسخن في الاكل وسمعت التلفون يضرب مشيت لقيتو خالد صمتا التلفون وختيتو في الدولاب وبقيت اسال في نفسي هل خالد اتصل عشان يقول لي احذفي صوره مرتي ولا ح يقول لي طلقتها بسبب خيانتها في راسي الف سؤال بس حسيت نفسي انتصرتا عملت الاكل وجيت لقيت طارق غمض عيونو قعدت جنبو وبقيت اصحي فيهو وجسمو كان مولع نار فتح عيونو وقال لي نوسه والله انا مرهق صدقيني لو نومتا ح ارتاح وافضل لي من الف وجبه حنستو اياكل بسيط حسيتو م قادر يقعد علي حيلو تكتلو وسندتو علي اكلتو لقمتين ما زادن اترجاني اخليهو يرتاح حسيتو عيان قطع قلبي جات نور من المدرسه قلت ليها ابوك تعبان تعالي اكلي ونومي خشمك ما تفتحيهو فاهمه قالت لي حاضر نور حنينه جات قعدت جنبو وتبوس فيهو وطبعا طارق نومو خفيف بس نهاي م حسا بيها نور قالت لي ماما بابا جسمو مسخن جيت جنبو لقيتو ما بتهبش لمن برجف من الحمي غطيتو وبقيت قاعده جنبو اعمل ليهو في مكمدات ولسه الحمه شغاله تهرس فيهو والتقول المكمدات زايداهو زياده والوقت اتاخر وتلفونو يضرب وهو نهاي ما واعي بيهو طلعتو من جيب البنطلون لقيتا هديه شلت منو التلفون ورديت عليها قالت لي نوسه كيفك طارق يعني معاكم بركه والله خوفتا يكون لسه م انتها شغل لانو قال لي اشتغلت شغل إضافي عشان المصاريف وامو ناقه فيهو قالت ليهو لا حججتني لا عمرت لي ولا فرش زي الناس ما جبتو لي قال لي شغلي الاضافي دا بدي ليها كلو وشغلي الاساسي دا ليكم انتو
قلت ليها طارق م متعود علي الشغل الشاق انا بعرفو وقبيل جا عشان يجيب لي نور حاجات كانت طالباهم ورقد مسافه اجيب ليهو حاجه لقيتو نام ونور جات جنبو قالت لي بابا جسمو مسخن وبقيت اعمل ليهو في المكمدات والحمه لسه مستمره قالت لي اديهو بندول هو من امس قال لي شاعر بي حمه بس بسكنها بالبندول قلت ليها لا لا دا كده غلط لازم يمشي الدكتور انا منتظراهو يصحا عشان نمشي الدكتور م تقلقي عليهو قالت لي لا كده اطمنت انو هو معاك وزي م عارفه انا الدكتوره منعتني الحركه م بقدر اتحرك قلت ليها انتي زاتك عندك مسؤوليه تتحركي وين ماف طريقه قالت لي اي والله كمان الاولاد متعودين علي شديد قلت ليها لاحظت ليهم ربنا اجزيك كل خير يا هديه م قصرتي معاهم ابداااااا قالت لي العفو اجر زاتو لي الحسنات تلاقيط الدنيا دي م دايمه لي زول قلت ليها فعلا قفلت منها وقلت دي فعلا المره البتزوجوها فيني وما بزعل عليها زوله بتعرف حدودها كويس ومحترماني ومحترماها وم كده وبس بحسها انها اختي عديل م حسستني اني ضرتها وعمري م ح اغلط في حقها طالما طارق م مقصر فيني. جهزت العشاء وقلت النصحيهو ومن ناحيه تانيه شايفاهو مرتاح لكن قلت لازم اصحيهو بقيت اصحي فيهو بعد تعب حتي صحا لي فتح عيوني وكان مخلوع قال لي هديه بتكون منتظراني بقا يزرر في قميصو والحمه تهرس فيهو قلت ليهو طارق يشهد الله انت لا قصرت فيني لا في هديه وهديه اتصلت رديت عليها وطمنتها عليك وقلت ليها نايم قالت خلاص قال لي لا لا يا نوسه ربنا بسالني دا يومها وعندها اطفال وما بتعرف تتصرف لازم اشيل ليها حاجات البيت قلت ليهو طارق مافي مرا م بتعرف تتصرف وهديه زوله عاقله انا شفتها ومدبره م مكلفه بتكون اتصرفت قال لي لا لا اللبن والاولاد غلبني احنسو داير اقوم حسا بي لفه راس قعد ف السرير حنستو قلت ليهو طارق الله يرضا عليك الوقت متاخر انا خايفه اخلي نور براها وما بقدر اخليك تطلع بي حالتك دي انت تعبان شديد قال لي اديني التلفون اديتو التلفون اتصل عليها طلعت مشيت اجهز ف الاكل عندي لحمه عملتها شوربه وطلعت اللحم حمرتو وهو بحب سلطه الإسود عملتها وجيت لقيتو رجع نام صحيتو حلف وقسم م ياكل حنستو كالعاده ولقتين ما زادن قطع قلبي طارق شكلو عيان قلت ليهو طارق اتشجع ارح نمشي الدكتور انا بسندك قال لي لا ي نوسه انا حيلي ما شايلني اقوم اقع ليك في الشارع قلت ليهو امه الله بي خيرها لو وقعتا برفعوك ممكن نمشي قال لي لا انا متاكد لو نومت برتاح حاسي انو جسمي مهلك قلت ليهو طارق ممكن طلب وتسمع كلامي انا والله قلبي بتقطع وشايفاك متعذب كده انا عارفه انو الشغل الحار م بتقدر عليهو بالذات شغل العتاله قال لي نوسه الموضوع دا انا قفلتو زمان انا بي ضراعي بأكلكم وبشربكم هل انا قصرت في حقكم قلت ليهو حاشاك يا طارق بس حنضل علي وانت شقيان فيهن قال لي الشقاوه حقت الرجال وانتي وهديه واولادي تعيشو في سعاده وما ينقصكم شي قلت ليهو الحمد لله خيرك سابق والله قال لي بس موضوع شغلي تاني ما تتناقشي فيهو قلت ليهو طارق ريحني انا عارفه انت الحمل عليك كتير وما نحنا بس امك يا طارق وهديه ع وش ولاده وانا حامل قال لي شنو قلت ليهو حللت قبيل ولقيتو حمل منتظراك تتصل افرحك ما مفتكراك عيان قال لي الحمد لله يا نوسه ماتتصوري انا مبسوط ليك قدر شنو نفسي اسجد سجده شكر اخيرا ح تجيبي لي نور اخو يسندها قلت ليهو وانت حسك بالدنيا وتسندنا كلنا قال لي نوسه ان شاءالله الخير جاي ونام قطع قلبي طارق اتغير شديد لدرجه انو ما اناني ما قال هي حامل ح تزيد علي المصاريف ولا قال الولد داير بيهو شنو عندي الاولاد فرح عشان ما اتحرم من الولاده رغم انو لمن كان متزوج عبله كان بقول لي م عايز ولاده فعلا عبله سرطان حسبي الله ونعم الوكيل فيها خليتو نام وارتاح غطيتو وختيت ليهو مكمدات ومشيت جهزت ملابس نور وصليت وبقيت ادعي في ربنا طارق يرزقو خير كتير وجيت دايره ارقد مسكت التلفون المكالمات م تديك الدرب وما رقم ولا رقمين ولا عشره ارقام مبالغه دخلت دردشه رامي وفتحت المنشور لقيت القيامه قايمه عرفت انو خلاص الموضوع بقا موضوع سوشيل ميديا عاوزه اكتب لي رامي لقيت منو رسايل كتيره قال لي نوسه اوعك تضعفي انا شيلت ليك حقك تالت ومتلت وما شفتي الناس شانين هجوم علي مرت خالد كيف لدرجه انو مابقيت افتح صفحتها ولقيتو مرسل لي رابط هي منزله منشور تعتزر وقالت انها كذابه والدردشه مفبركه واني زميله راجلها وبتغير مني فقامت فبركت دردشه عشان تهددني بيها وطلبت اني اسامحها والتعاليق اكتر من المنشور القلبيهو وردود الناس كيف تسامحك وانتي شهرتي بيها وخربتي بيتها وراجلها طلقها وبقت مجنونه وفي البتقول ليها دي بت خالتي من يوم الكلام النزلتي هي شردت من البيت وتعاليق كلها كذب وكان نفسي اسال الناس دي بتكذب عشان تستفيد شنو لكن انا لسه شغاله بي تحت تحت كان نفسي طارق يكون صاحي عشان اوريهو منشور البت بس كان نايم اتزكرت اخوي ومرتو شيرتو ليهم وكتبت لي اخوي كل الناس تصدق الاتقال الا انت مفترض تقول لا لاني اتربيت معاك في بيت واحد ولا كان تقاطعني بسبب منشور وواحده عاوزه تدمر حياتي ورسلت لي مرتو قلت ليها انا نسيبه حمد المتربيه ميه مره م مره واحده عشان تطاعنيني بالكلام وبعدين ما عارفه الدنيا داسه شنو احتمال تلدي البنزل راسك من بطنك وساعتها ح تحسي بالوجعه العملتيها لي م تخليك واثقه شديد الدنيا بتغير وحظرتها وحظرت اخوي وحسيت نفسي انتصرت شديد دخلت لي رامي قلت ليهو رامي خلاص احذف الصوره رجع لي بمكالمه قال لي زي المسحتها وعزه جلال الله اتمو معاهم للنهايه موش هي عامله فيها الشريف الرضي بأدبها اقسم بالله وعلي فكره ي نوسه عارفه انها سبب في نزول زوجها خالد درجه من وظيفتو وترقيه المدير الجديد هي السبب لانها عامله معاهو علاقه وما كده بس الناس ديل سايطين الشركه سواطه وسارقنها قلت ليهو عرفت كيف قال لي خليك من عرفت كيف المهم انا عرفت وح احارب الفساد البتعمل فيهو دا واديها درس عمرها ما تنساهو قلت ليهو عليك الله يا رامي كفايه انا حقي واخدتو عايزه اعيش مستوره حال مع زوجي واولادي وبالاخص انا حامل وفي ولد اتصل هددني قال مدير اعمال الفنان المتصوره معاهو مرت خالد قال لي اهددك انتي لو راجل يظبط نفسو الفنان م يلعب بي اعراض الناس وهو غيرو انا هسي ساكت واي رقم بتصل عليك احظري زول تردي ليهو ماف قلت ليهو طبعا خالد متصل ميه مره قال لي بالذات خالد ي نوسه احظري موش كان بتفرج علي فضيحتك بي عينو وما مسك مرتو عليهو مالا بقت ليهو حاره لمن جات في عرضو ولا حق الناس ساهل عندو وما تخافي ي نوسه انا وراك وصدقيني ما ح تجيك اي عوجه وانا مسؤول عن اي شي وعشان اطمنك اكتر ح اهكر حساب اي زول بحاول ابتزاك بالكلام وخليها تولع الميديا بالفضايح قلت ليهو رامي انا خوفتا والله قال لي م تخافي وبعدين الفي بطنك دا ح يكون ولد سميهو فارس خلي يجي فارس زيي كده قلت ليهو ان شاء الله بس عليك الله ما تعمل حاجه تانيه نكتفي بي كده قال لي م عندي مشكله ح اكتفي بي كده بس بشرط واحد زول يجيب اسمك في لسانو ماف والبتعدا عليك م ح يحصل طيب عارفه ليه حسيت رده فعلو مبالغه قال لي عشان انتي اشرف منهم وهم كلهم ما نافعين هم الاستاهلو ادمرو ما انتي بالذات لمن عرفت انك خليتي وظيفتك انتي واحده من الناس السودان مستفيد منك بس وريني الفنان دا وغيرو ومرت خالد السودان مستفيد منهم فشنو وانا زول حق ومع الحق قلت ليهو م عارفه اقول شنو بشكرك يا رامي ماقصرت معاي ربنا اديك العافيه قال لي تستاهلي كل الخير وقفل الخط دموعي بقت نازله وحمدت الله اني انتصرت عليهم عشان بتي وسمعتها ما هاميني طارق ولا اخوي ولا الناس هاماني سمعه بتي وما نفسي تعيش مكسوره بسببي والحمد لله قدر الله وما شاء فعل واتعلمت من اخطائي عمري م ح اكرر الغلط دا قلت النشوف طارق الحمه كيف خفت منو مشيت لقيتو بفرفر والذبد طالع بي خشمو بقيت اكورك واصحي فيهو وهو ما واعي اتصلت علي هديه وغلبني اعمل شنو بس لازم اتصرف طارق شكلو خلاص اتصلت علي اخوي وكنت ببكي وبكورك قلت ليهو ساعدني لو مره في خياتك طارق بموت تعال ساعدني نوديهو المستشفى والله يستر …………يتبع
- لقراءة باقي فصول الرواية أضغط على (رواية أحببت وأنا على ذمة رجل اخر)