رواية أحببت وأنا على ذمة رجل اخر الفصل الثاني عشر 12 بقلم نوسة حمد

رواية أحببت وأنا على ذمة رجل اخر الفصل الثاني عشر 12 بقلم نوسة حمد

 

 

البارت الثاني عشر

 

#احببت_وانا_علي_ذمه_اخر12
#نوسه_حمد
كلام رامي خلاني في حيره عبله ليه عاوزه تدمر حياتي معقوله دي خوتنا وصداقتنا وانا ما ضريتا بي حاجه احتمال انا كنت متفوقه اكتر منها ومحبوبه اكتر منها وفي حياتي ماف شي اتوقف علي احتمال تكون البتعمل فيهو دا حسد وغيره منها معقوله في ناس كده وليه تدي الشيطان فرصه للمقارنه بيني وبينها وما شافت مني الا الخير ولا احتمال تكون عاوزه ورثتنا لانو اخوي قال لي حاولت معاي لكن لا بعد اتزوجت طارق واتطلقت قالت ح تتزوج اخوي عشان تخش حياتي من تاني ياربي قصدها تعذبني ولا دا امتحان من ربنا ولا دا ابتلاء غلبني احكي لي طارق قال لي يا نوسه مالك سرحانه فشي قلت ليهو لا والله كدي النقوم اعمل ليك قهوه مسكني من يدي قال لي نوسه ما توزيعني مالك فشنو قلت ليهو طارق انا عاوزه اقول بسّ خايفه منك قال لي نوسه ما تخافي مني خليك صريحه معاي قلت ليهو كنت اتكلم مع رامي قعد يجوط قال لي موش قلت ليك الموضوع دا يقفل حدي هنا نوسه انتي فهمك شنو كان متعصب شديد غلبني اسكتو بقيت واقفه وبعاين ليهو لغايه ما اخد كواريكو قلت ليهو شفت انا خايفه من شنو قال لي عاوزاني اعمل شنو يا نوسه انتي م بتسمعي كلامي انا الفات كلو سامحتك فيهو لاني ظلمتك بس تاني م بسمح ليك تتكلمي مع ولد قلت ليهو طارق دا عدم ثقه سكت م ردا علي قلت ليهو طارق رد علي دا عدم ثقه صاح بقا يعاين لي وانا خلاص دموعي ح تنزل قلت ليهو طارق ما بمعني اني غلطت مره ح اغلط تاني طارق انت لو م وثقت فيني فايده وجودي معاك شنو م بحب الشك بالذات لمن اكون م عامله حاجه غلط وما تنسي اني غلطتا واعترفت بي غلطي وجيت وريتك عديل قال لي نوسه م حكايه عدم ثقه بس انا مؤمن تماما انو اي اتنين الشيطان ثالثها واذا كان ربنا قال النفس اماره بالسوء ما بالك الغير وما تعتبري كواريكي الهسي دي عدم ثقه اعتبريها غيره انتي عرضي البمسك بمسني قلت ليهو طارق والله العظيم ثلاث مرات انا الرجال بقيت اكرهم عديل يعني انو اتكلم مع ولد واعمل علاقه والله الا مجنونه والغلط الغلطتو تاني مستحيل اغلطو انت بس خليني اكمل كلامي وتاني شاكلني قال لي طيب مالو رامي قلت ليهو اتصل عشان يحزرني من عبله قال لي مالا قعدت احكي ليهو انو عبله خاتاني في راسها وما اكتفت انها اتزوجتك قالت ح تتزوج اخوي قال لي شنو قلت ليهو والله دا كلام رامي قال لي اول شي عبله انا طلقتها بس ما اديتها قسيمتها تتزوج كيف واخوك مستحيل يتزوجها انتي براك شايفاهو بخاف من مرتو كيف والله مستحيل يتزوج فيها عاينت ليهو وسكتا وقعدت في السرير قلت ليهو طارق ممكن اسالك ورد علي ما تعتبرني زوجتك قال لي طيب قلت ليهو ليه الراجل بعمل حساب لي مرتو البتهرشو والبتكون واثقه فيهو وبتحترمو وبتولع ليهو يديها شمع بظلمها وبدمرها غلبو يرد قلت ليهو طارق ممكن ترد ليه يا طارق قال لي نوسه المره البتهرش الراجل او النكديه الراجل بخاف من النكد م بخاف منها هي بس بخاف انو ما تريحو واليوم كلو تقعد تنق وتنكد عليهو عيشتو والبتكون طيبه للاسف بستقل طيبتها وانا واحد من الرجال ديل لقيتك انتي طيبه وحنينه وما قصرتي مني مشيت اتزوجت فيك وسمعت كلام الناس فيك بس عارفه ي نوسه يا ريتك كنتي هراشه وهارشاني ومخوفاني ولا اعرس فيك واخرب حياتي وارجع للصفر لو الندم بفيد انا ح اكون ندمان طول عمري بس كلو لخير وفي النهايه هي اقسام ي نوسه انا ربنا قاسم لي من عبله اطفال وان شاء الله ينفعوني واتزوجت التالته عشان تمسكهم لي وربنا قسم لي منها اطفال زواجي التالت ما كان رغبه كان عشان حوجه بعد انتي طلبتي الطلاق ومشيتي وم من حقي اغصبك عشان تربي اطفال م اطفالك الا اذا كان برغبتك هسي مرتي االتالته دي كنت معاها واضح اني عاوزها تربي معاي اولادي ما رفضت سبحان الله ولي قسمه زي م قلت ليك والحمدلله انا شقيان في شغلي بس ضميري مرتاح وبالي مرتاح عشان كده انسي الموضوع دا وما تجيبي لينا سيره عبله تاني لانو سيرتها بتطمم بطني واسمعي كلامي عبله لو عرست تاني تعالي قابليني الله يصرفها مني ومنك قلت ليهو امين يارب مشيت عملت ليهو القهوه وجيت اتونستا معاهو
حسيت انو طارق ما ياهو طارق الظلمني طارق اتغير وبقا حنين شديد زي الزول الما كان واعي ووعا اخدنا عهد مع بعض انو ما يجي يوم ويظلمني وانا وعدتو اني ع قدر م اقدر استحملو حتي لو شاكلني والنقاشات عاديه بتحصل في كل بيت وما مقياس الحياه التعيسه مرت الايام وقلبي قال لي امشي كلمي اخوك انو ما تقع فيهو عبله وحزريهو مشيت لقيتو ماف وياريتني م مشيت مرتو طاعنتني لمن قلبي انقطع وكسرت قلبي هي مفتكره مطاعنتا لي حاجه عاديه بس ربنا م يوريها كسرت القلب الشعرت بيها شكرتها علي تعاملا معاي وقلت ليها انا بتربطني بيك صله قرابه ما عداوه وعمري م غلطت عليك ولا طاعنتك ولا ادخلت في خصوصياتك انتي واخوي وما عارفه تعاملك معاي دا ع اساس شنو اكيد قله اصل منك لانو لو بت اصول لو مشاكلاك بتقابليني كويس وتستضيفيني زي الناس لكن معليش وبلغي اخوي اني جيت اواصل رحمي وسوقتا بتي ومشيت مكسوره ماقدرت زيارتي ولا قدرت اني عمت اولادها والشي المغسني من جيت غمزت لي اولادها دخلو جوه واحد طلع فيهم ماف قلت لي نور امشي العبي معاهم جات قالت لي طردوني انا م موجعني تعاملا لي لكن انا الموجعني تقليل اولادها من شان بتي الطفله البريئه المشت تلعب معاهم مافي قلبها سواد والوجعني اكتر هم اطفال رجعت البيت وبقيت اقول ياربي انت عالم بي انا م عاوزه اقطع صله رحمي واخوي ياهو سندي ح يحتاج لي وح احتاج ليهو بس الاحساس البجيني وانا معاهم مخليني اتمني تاني م اشوفهم طارق اتصل علي قال لي مرتي تعبانه وجريت بيها المستشفى وعارفه امي مستحيل تمسك اولادي لو عندي عندك معزه يا نوسه امسكي لي اولادي يا جيبيهم يا امشي ليهم قلت ليهو طارق العفو م محتاج كلامك دا ديل اخوان نور في النهايه انتو وين النجي اشوف مرتك قال لي لا يا نوسه لو عايزه تخدميني بس اقعدي لي مع اولادي مرتي هاك ليها بالتلفون قلت ليهو خلاص تمام سلمت عليها وكفرت ليها قالت لي جاني نزيف والجنين كويس الدكتور قال نقعد الليله وبكره اشوف الحاصل شنو عشان صحه الجنين قلت ليها ربنا يحفظك ويحفظ الفي بطنك وترجعي بالسلامه قالت لي الاولاد خايفه عليهم قلت ليها م تخافي انا الان ماشه عليهم حسيتا حنينه عليهم شديد متاكده لو دي عبله م ح تكون حنينه عليهم كده
لبست عبايتي وكلمت نور اني ح نمش بيتنا القديم ننوم هناك فرحت فرح شديد مشيت والاولاد متعودين علي مرت طارق ابكو شديد حاولت طبطبت عليهم وسكتهم جات امو لقتني قاعده قالت لي وين ولدي حكيت ليها بالحاصل بقت تعاين لي ساي قالت لي هسي هو الما بخجل حارس ليهو مره عندها نزيف اما دا كلام فاضي ولد تربي وتتعبي فيهو اباري النسوان وفارقتن خساره تربيتي ليهو قربتا اقول ليها يعني اقصر فيه واجباتو عشان تربيتك ليهو ولا عشان يرضيك وبعدين مرتو دي مسكينه لكن نسيبتي دي مستهبله وقادره دايره المره القادره زيها اصلها ما عايزه البتتمسكن وتحترمها وطاعنتني شديد بالكلام وتشيل وتقول لي ولدي المره الصاح ضيعا من يدو كانت مفكره ومدبره القروش عندو زي التراب بس الله ايازا الكان السبب قلت ليها تقصدي انا مالي قلت ليهو طلقا قالت لي هوي يا قليله ادب م ناقصني معاك قلت ادب ما اتناقشت معاها كتير حسيت بي طمام فظيع وطلعت استفرغتا لمن شافتني قالت كور يا يمه علي ولدي كان دايرات تقتلنو بالولاده لاحقات شنو م عرفتكن سكت ساي م رديت عليها وبقيت اسال. في نفسي هل انا حامل ولا بتكون عندي ملاريا بعد فاتت مني اتصلت اتطمنتا علي مرت طارق ووريتو قال لي ان شاءالله خير بعد نجي بكره نمشي دكتور قلت ليهو ان شاءالله قال لي قفلي البيت كويس ونومي ما تخافي احتجتي اي شيء معاك انا بالتلفون قلت ليهو تمام عشيت الاولاد واتصلت للمشرفه قلت ليها تعالي لينا ف البيت القديم وحاولت انوم بس النوم غلبني بقيت مساهره وبتزكر في تفاصيل حياتنا الزمان ومبتسمه والاولاد نامو بعد سلت روح ونور زاتا سمعت الباب بضرب ف الاول خوفتا بس تاني اتشجعتا قلت احتمال اكونن ديل جاراتي عرفني جيت وجن اشوفني قومتا فتحت الباب لقيتا عبله لمن شفتها لمن شهقتا قلت ليها عبله قالت لي اي عبله وينن اولادي وعاوزه تدخل عشان تشيلهم دخلت قدامها وقفلت البااب علي وبقيت ماسكه الباب بكل قوتي وهي شغاله تضرب فيهو والباب م بنقفل الا بي حديده والحديده بعيده مني وما قادره ازح اشيل التلفون ولا اجيب الحديده بقيت اكورك يا نور يانور قومي تعالي لي وغايتو الله يستر عبله عرفت كيف انا براي وهل ح تشيل الاولاد ولا نوسه ح تتصرف ………يتبع

 

• لقراءة باقي فصول الرواية أضغط على (رواية أحببت وأنا على ذمة رجل اخر)