رواية أحببت وأنا على ذمة رجل اخر الفصل العاشر 10 بقلم نوسة حمد

رواية أحببت وأنا على ذمة رجل اخر الفصل العاشر 10 بقلم نوسة حمد

 

 

البارت العاشر

 

#احببت_وانا_علي_ذمه_اخر10
#نوسه_حمد
معاذ اخوي كان جايط شديد وانا م عندي وش اعاين ليهو وسمعت اكعب كلام ممكن اسمعو في حياتي وكلامو كلو صاح قال لي كسرتي عينا قلت ليهو معاذ ممكن تفهمني قال لي افهم شنو واودي وشي وين انا والله نفسي اقتلك وارتاح منك قلت ليهو معاذ اقسم بالله انت مكبر الموضوع مالي درجه انو اكسر عينك اي نعم انا غلطت لمن حبيت وعملت علاقه بس م وصلت لدرجه انو اكسر عينك قال لي بلاي انا لو كنتي بت فتاه وحبيتي عندي فيك راي الحصل لي مخك شنو وانتي في عصمه راجل تحبي جنيتي وليه جبتي لي الكلام وكسرتيني خساره تربيه امي وابوي ليك والحمد لله ماتو ما شافو بتهم وصلت لياتو مرحله حسيت بذنب ح يشق قلبي غير اني في عصمه راجل اهلي ربوني تربيه ما يستاهلو انزل راسهم قلت ليهو معاذ انا غلطت ومعترفه بي غلطي بس انت افهمني ومنو القال ليك الكلام دا قال لي بهمك القال لي الكلام منو وما بهمك الفضيحه العملتيها لينا هسي بعد تكبر بتك دي وتعرف قصتك دي شعورها بكون شنو ح تكوني قدوتها وفخرها قلبي انقسم النص بقيت ابكي ومعاذ ما خلا كلمه كعبه ما قالا لي لمن بتي جات وكانت بتبكي معاي معاذ قال لي جهزي نفسك البيت دا ح يتأجر وح ترجعي لي زوجك وخشمك لو فتحتي ح ادخل بيك النار واريحك واريح نفسي وفات انا بقيت في نار وبتي حست بي مضايقه بقت تسال فيني لدرجه اني ضربتها من دون سبب ولاول مره وكنت حاسه بذنب ما يعلم بيهو الا ربنا واتندمتا ندامه دخلت بتي نومتها واتصلت علي خالد وشكلو حاظرني رسلت ليهو في الواتساب برضو رسايلي ما بتصلو بقيت مخلوعه معناتا دا خالد غدر بي ويارب تصبح الواطه عشان امش الشغل والاقيهو الصباح صحيت بي اتصال معاذ قال لي زوجك بجي يسوقك قلت ليهو طارق اتزوج يا معاذ انا م راجعه ليهو وخليني قال لي انا م بتكلم كتير تكتري كلامك اقسم بالله اشق بطنك النص ولو طيرتي السماء بلحقك غلبني اتكلم معاهو خلاص بقا م عندي وش لبست ومشيت الشغل وناس الشغل بعاينو لي بي استغراب مشيت المكتب عشان الاقي خالد لقيت في المكتب واحد تاني سالت من خالد قال لي خالد اتحول من الفرع دا ممكن تتصلي عليهو قدمت استقالتي وطلعت لانو نظره زمايلي لي كانت قاتله حسيت انو خالد فضحني وكرهت خالد اول مره اكره لي انسان بالشكل دا وكل م اتزكر اني انفضحت مع اخوي قلبي يوجعني رجعت البيت واعصابي متوتره اخوي رجع لي قال لي كنتي وين قلت ليهو مشيت استقيل قال لي دا احسن خبر وزوجك اليوم ح يجيكم ف البيت وما عندك شغله فيهو عرس ولا ما عرس ان شاءالله يعرس فيك ميه انتي بي حياتك وهي بي حياتا طبعا كنت متخوفه من مواجهه طارق وعايشه علي اعصابي عديل وما عندي وش اعاين في عيونو اكيد خالد فضحني ليهو بس لو كسر رقبتي م ح احكي الحقيقه بكتفي بالاسكرنات والكلام الاتقال فيني
طارق جا وملامحو كانت متغيره انا عايشه ع اعصابي وما اتكلمت معاهو وكان بتعامل مع بتو طبيعي وقال ليها ادخلي نومي وانا قاعد ما ماشي تمام انا قربت اقول ليها نور م تمشي بقيت خايفه من مواجهه طارق بقيت عايزه اتحاما في بتي بس نور فاتت انا طوالي دموعي نزلت قال لي ابكي لو البكا بفيد ليه ي نوسه ليه عملتي كده فلنفترض انا ظلمتك وانا غدرت بيك وانا هجرتك ليه تعملي في نفسك كده ليه تنزلي راسي الارض دا منو الغشاك دا عشان اقطع رقبتو واختها تحت كراعي طبعا انا بقيت مخلوعه طارق م عارف الحبيتو خالد طيب عرف من وين والاسكرنات الرسلها منو بقا يتكلم معاي قال لي نوسه انتي عارفه انو لو خونتك راجل الراجل لو حبا وعمل علاقات وهو متزوج ممكن يتزوج والشرع حلل اربعه بس انتي اذا حبيتي وانتي في عصمه راجل ح تعرسي فيني يعني اكيد لا ما حسبتيها صاح دخل حياتنا وحرشك علي وخلاك تفتشي وراي وتفتشي للاسباب والاعزار عشان تضاري بيها فعلتك وتطلبي الطلاق عشان تتزوجيهو قلت ليهو طارق انا م بقول ليك انا م غلطانه انا غلطانه واستاهل الموت بس انا م اتكلمت مع ولد الا لمن انت ظلمتني وخليتني معلقه وحسيت نفسي ما لي لازمه في الدنيا انت رفضتني من دون سبب ياريتني كنت عارفاك متزوج كان وضعت الاسباب لي هجرانك لي كان قلت كتبتو عشان ما يشوفني بس انت تزهج فيني وتفوت تخليني مع التفكير وما عاوزني ومن دون سبب مني شككتني ف نفسي وراسي كان ح ينشقا النص والتفكير عاوز يقتلني وكنت بفتش لحلول عشان اقدر ارجعك بيها م اتوقعت اني ح اقع في حبو لمن اتكلم معاهو وأقسم بالله غصبا عني يا طارق انا انثي ضعيفه الشيطان لعب بي والونسه حلت لي معاهو وكان في مكان فاضي في قلبي وبقيت بين نارين حبك وعصمتك وصدقني قدر الونسه الاتونستها معاهو كنت حاسه بالذنب وما مرت علي لحظه واتهنيت في ونستي معاهو طارق انا غلطانه وندمت بس ممكن توريني انت عرفت كيف قال لي قولي لي الما عرف علاقتي منو قلت ليهو كيف فتح تلفونو ودخل دردشه وفتح ليهو رابط منشور ف الفيس وقال لي اتفضلي طبعا انا اعصابي باظت وحيلي مات وجاتني غضه في قلبي ولمن بقيت ارجف المنشور في قروب نسائي من مجهول الهويه المكتوب كالاتي
الدردشه دي لقيتا في واتساب راجلي واحده متزوجه بتحب زوجي وعامله معاهو علاقه خربت بيتي وخربت علاقتي مع زوجي لدرجه انو وصلنا طريق مسدود انا ما عافيه ليها وحسبي الله ونعم الوكيل فيها شوفو قله الادب وصله لي وين بي راجلها وتعاين لي غيرو ودي صورها البعرفها يقول ليها المره دي منشور في الفيس المره الجايه بتلقي نفسك في السجن ونشرتها عشان افضحها الزي ديل ما يستاهلو الستره والتعاليق واصله الاف طبعا انا انهرتا وغلبني وما قدرت افتح خشمي شيلت تلفوني واتصلت علي زميلي طارق بقا يكورك فيني قلت ليهو طارق انا لازم احذف المنشور دا ناهيك عن اي شي وحسبي الله ونعم الوكيل فيها هي اتصلت علي واحد شغال معانا ومعلم في الهكر قلت ليهو ممكن تخدمني واكون شاكره ليك قال لي طوالي ي نوسه بس ان شاءالله خير قلت ليهو م خير والله انا برسل ليك رابط عاوزاك تحذف المنشور دا باي طريقه قال لي تمام رسلت من تلفون طارق الرابط لي ورسلتو للولد وكان معاي ف الخط لمن فتحو بقا يقول لا حول ولا قوه الا بالله دا كلام شنو قلت ليهو اخدمني ممكن قال لي نوسه م دايره كلام انا بتكلم معاك وشغال بحاول اهكر القروب وانا نفسي اعرف القروبات دي بقبلو منشورات زي دي ليه يعني هي بيتا انخرب تخرب بيتك ولا شنو قلت ليهو لخير والمنشور وراهو كلام كتير ودي ما الحقيقه قال لي فشنو يا نوسه انا ممكن اساعدك ارد ليك كرامتك لانو الزوله دي شكلها عاوزه تخرب عليك م عاوزه تفضح راجلها لانها شالت الكلام العاوزاهو وما جابت كلام راجلها واكيد في دردشات غيرها قلت ليهو طبعا قال لي طيب اسمعيني انا ح احذف المنشور وح اهكر الحساب ح يبقا معاي انا انتي انسخي دردشتو وانصفي نفسك قلت ليهو للاسف الدردشه حذفتها قال لي بسيطه بتعرفي فادي الشغال في زين قلت. ليهو اي قال ادخلي اشرحي ليهو الظلم والفضيحه الوقعتي فيها انتي وخلي يسترد الرسايل نوسه لازم تنضفي نفسك انتي زوله ما ساهله نحنا اشتغلنا معاك وواثقين من ادبك واحترامك مالي درجه تنفضحي كده بس الحمد لله كلو لخير طارق قاعد طبعا يسمع في كلامو قلت ليهو ح تساعدني قال لي طبعا انتي اختي والكلام دا اساءه وح اعرف ليك حساب النشرت الكلام وما كده ي نوسه ح اهكر صفحتها قلت ليهو تكون خدمتني قال لي بس انتي اعملي الخطوه دي اتصلي لي فادي هسي وخلي يحاول يجمّع الرسايل من اول رساله لي اخر رساله واعملي اسكرن ورسلي لي ما عليك انا ح اشيل ليك حقك انتي زوله م ساهله وحزنت لمن عرفت انك استقلتي وما عرفت سبب استقالتك صدقيني السودان خسر مهندسه دماغا يوزن بلد قلت ليهو لخير قال لي اي نعم لخير وما تهمي انتي زوله اختنا البمسك والله بمسنا وما تخافي كلنا بنغلط بس انا الوجعني اسلوب البت اسلوبها بتاع شو م اكتر لكن صدقيني ح اندمها ليك انتي بس جيبي لي الدردشه وانا هسي بهكر الصفحه ح تكون تحت اشرافي انا لمن انزل منشور ابرئك فيهو ح احذف القروب وما كده بس اي قروب ينشر كلام زي دا وفضايح زي دي الا ما اشوفو ح احذفو كفايه فضايح كفايه خراب بيوت

من ستر مسلما ستره الله في الدنيا والآخرة يعني هي شافت الدردشه تعاقب زوجها وتبعدو بالهداوه ولا تعمل منشور وتنزل صورك وهو زاتو م راجل غلبني اقول ليهو دا خالد بس اكيد ح يعرف انو دا خالد ولمن يعرف انا ح اكون رجعت الدردشه من بدايتها لي نهايتا شكرتو وقفلت طارق قال لي نوسه كفايه كلام فاضي قلت ليهو لا يا طارق دا م كلام فاضي دا رد شرف انا ح اجيب للدردشه من الاول وبعد اجيبها ح احكي ليك من الاول للاخر وانا والله ما زي البت قالت انا غلطت م اقول ليك م غلطتا بس يا طارق غصبا عني انا بترجاك تقيف جنبي وتساعدني انا والله ندمت يا طارق صدقني م ح اغلط تاني انا اخدت درس عمري م انساهو وم زعلانه علي الفضيحه لانها كانت صعبه لي وصحتني قلت ليهو طارق اقيف جنبي ما تظلمني مرتين خليني ع الظلم الوقعت فيهو دا قال لي براك انتي وقعتي نفسك في الحاجات دي انتي مفتكره البيوت دي كلها مبسوطين تسعه وتسعين في الميه بعانو وفي رجال بضربو نسوانهم عديل بس ي نوسه لو كل النسوان العندهم مشاكل في حياتهم عملو نفسي العملتي ودخلو في علاقات ح تحل مشكلة بالعكس ح تزيد المشاكل وشوفي انتي حصل ليك شنو ودا غير غضب ربنا وبعدين لو صبرتي علي اجرك عند ربنا عظيم وكده بتقربي من ربنا لانو الزوج جنتك ونارك الصبر الجميل والتغافل عن الزلات يساهم في دوام العشرة وبتكسبي اجر الصابرين بغير حساب ويمكن تكوني سبب في هدايتي ومصيري كان ارجع من الانا بعمل فيهو زي ما انا هسي اتراجعت وصحيت من غفلتي وندمت وانا والله بي امكاني ما اسامحك بس انا غلطت في حقك وما بنسي اني ظلمتك وخليتك تترجيني عشان اعاملك كويس وانا في اللحظه ديك كنت متكبر وكنت واثق انك ما ح تشوفي غيري م واثق ساي كنت متاكد م دخلني الشك في يوم انك ح تحبي غيري كل الكلام الحصل دا انا سبب فيهو واحد تاني غيري كان تكاك وضبحك وانا ربنا لهمني الصبر وما بقول ليك ح افقد الثقه فيك لا ي نوسه لانو عارف انتي م كده وح اقيف معاك وح اساعدك وح ارجع ليك زي ما اتمنيتي وح اخاف فيك ربنا حسيت طارق اتغير شديد ما ياهو طارق الكان زمان قال لي م عاوز منك جنيه قروشك حقاتك وحقاتك بتك انا بديت طريقي براي والحمد لله حامد ربنا علي اي نصيب والغنا غنا النفس ندمت اني في يوم جريت ورا القروش وانا اتزوجت بت من اهل ابوي طيبه وحنينه ح تحبيها لو شفتيها مسكت لي اولادي بعد عبله جدعتهم لي واخدت عهد اني م اظلمها في يوم وعشان نور مستعد انسا اي شي ونبدا حياه جديده ونصحح اغلاطنا كلام طارق طمن قلبي قلت ليهو انا اسفه يا طارق اوعدك ح اكون زي ما انت عاوز وعمري م ح اغلط عليك قلت ليهو طارق ممكن اسالك اخر مره لمن لاقيتك انت كنت عارف الحاصل قال لي ابدا والله المنشور دا ليهو يومين وانا لمن شفتو الدنيا مسخت لي قلت ليهو طيب انت قلت لي بتجيني راكعه قال لي كنت عاوز اخطف منك نور واجننك زي ما جننتيني ورجعتيني لي صوابي لانو الجنا حار وقلت لمن اخطفها ح ترجعي لي وفكرت اعمل المسحيل عشان تحسي اني الامان وتتمني وجودي بس الحصل دا لا اتمنيتو لا اتوقعتو قلت ليهو الكلمك منو قال لي اختي طبعا انا الدنيا مسخت لي فضيحه بي جلاجل الامه الاسلاميه كلها عرفت عني والشعب السوداني لمن يلقا موضوع بتكلم فيهو من غير ما يعرف الحقيقه مرت خالد سففتني التراب
مشيت من طارق و اتصلت علي فادي ووريتو القصه كلها وحكيت ليهو علاقتي مع خالد لغايه م مرتو فضحتني وطلبت منو يساعدني في الاول رفضت بس قلت ليهو عاوزه ابرئ نفسي لاني انفضحت ورسلت ليهو الرابط قلت يمكن يحن علي قال لي تمام ي نوسه بس م تجيبي اسمي لخالد لانو انتي عارفه هو صديقي شديد قلت ليهو خالد انا سلام الله ما عندي معاهو كفايه الفضيحه الحصلت لي انا تاني توبه قال لي طيب اديني يومين وبرجع ليك قلت ليهو تمام عايشه علي اعصابي طارق تما يومو معانا وفات تاني يوم اتصل علي الولد الطلبت منو يهكر الصفحات قال لي انا هكرت الصفحه وحذفت المنشور بتاعك وعرفت صفحه البت النشرت الكلام قال لي دي زوجه خالد صح والراجل هو خالد صح غلبني اتكلم قال لي نوسه انا عرفت اي شي قلت ليهو استرني ماف زول في الشركه يعرف قاال لي العفو قال لي عبله دي منو ………….يتبع
متابعه التعليقات اغلبيتكم قلتو مرت خالد بس كلكم ماف واحده او واحد خطرت بي بالو الطريقه الانفضحت بيها نوسه يلا عبله دخلها بي زوجه خالد شنو لانو الولد سال منها شغلو مخكم؟؟؟؟؟؟

 

• لقراءة باقي فصول الرواية أضغط على (رواية أحببت وأنا على ذمة رجل اخر)