رواية أحببت وأنا على ذمة رجل اخر الفصل الثامن 8 بقلم نوسة حمد

رواية أحببت وأنا على ذمة رجل اخر الفصل الثامن 8 بقلم نوسة حمد

 

 

البارت الثامن

 

#احببت_وانا_علي_ذمه_اخر8
#نوسه_حمد
طارق قال لي انتي وعبله اتفقتن علي قلت ليهو دقيقه عبله شنو الانا يتفق معاها وبخت يدي في يدها قصادك انا م قليله اصل مهما كان انتي ابو نور وعشرتك م بتهون علي قال لي طيب كيف الرقم بي اسم عبله قلت ليهو انت نسيت انا خريجه شنو دي لعبتنا ما بتغلبني انا كنت عاوزه اشيل حقي واوقع عبله زي م وقعتني بس رده فعلك صدمتني وصراحتك اختصرت علي كتير وعايزه اقول ليك يا طارق انا اتوقعت اي شي بس العملتو معاي عمري م اتوقعتو وعايزه اقول ليك انا عمري م ح افكر ارجع ليك وحقي ما بديك ليهو الا تقتلني وبتي ما بديك ليها وما تخرب بيتك التاني ان شاءالله تعيشو مبسوطين انت عندك منها اطفال وكده حبايب يا طارق وما تفتكرها دايمه ليك ولا دايمه ليها وزي م قلت ليك انا عافيه ليك وربنا يغفر ليك ويسهل طريقك وانا م بقدر اعيش معاك ولا دقيقه قال لي نوسه دقيقه ممكن نتفاهم انا م تفتكري عاوز منك شي بس ي نوسه م تحرميني من نور انا مستعد اعتزر ليك العمر كلو وخلاص حقك شيلتيهو تاني في شنو قلت ليهو انت مفتكرني صبرت عليك عشان عاوزه حقي لا والله صبرت عليك عملت شرع ربنا وقعدت معاك كنت مفتكره قلبك بلين بس انت اناني حياتك كلها كانت ليها وانا كنت تحت جزمتك وانا عندي كرامه لو ختو لي سيف في رقبتي قصاد ارجع ليك بختار الموت شوفت المرحله الوصلتني ليها وربنا يغفر ليك طارق بقا مهموم وما قادر يعبر رده فعلو كانت صدمه بالذات لمن وريتو اني عملت الخطه عشان اشيل حقي لا هو نام لا انا نومتا الصبح اذن صليت ورسلت رساله لي خالد فهمتو اي شي وشكلو كان صاحي قال لي انتي مجنونه كيف تتصرفي تصرف زي دا ح تدخليني في مشاكل رديت عليهو قلت ليهو مستحيل اجيب سيرتك وعلي

 

 

فكره طارق من الصدمه ما مركز مع حرف طلع مني ودا ما الموضوع يا خالد انا رسلت عشان اقول ليك بكره شوف لي بيت عاوزه اشتري بيت قال لي تمام عندي زميلي عارض ليهو بيت للبيع لو ما باعو بشوفو ليك قلت ليهو تمام بي اي سعر اشتري قال لي تمام لمن نتلاقه وحدي هنا ما توضحي لطارق اكتر عشان ما ينتقم منك قلت ليهو م فارقه الاعمل العاوزو قال لي تمام حذفت الرسايل واتصلت علي اخوي وطارق سمع صوتي صحا قلت ليهو كيفك قال لي تمام انتي كيفك ربنا م هداك قلت ليهو الحمد لله ربنا هداني وطلبت الطلاق وعاوزاك تجي هسي تبدا مع طارق اجراءات الطلاق وما عاوزه نقاش وما تقول لي لو اطلقتي ح تمشي وين انا م صغيره وبتي الحمد لله سند لي قال لي كدي النجي عليكم طارق بقا اعاين لي ولسه مصدوم قلت ليهو صباح الخير قال لي صباح النور نوسه اعقلي قلت ليهو عقلت انا يا طارق انا مستحيل اقعد في عصمتك يوم طلقني وارتاح يا طارق الحياه بقت مستحيله بينا قال لي ما مستحيله انا ح اطلق عبله ي نوسه قلت ليهو لا مستحيل اول شي عبله عندك منها طفلين وراضيه بي انك ظالم واناني وعارفه حقيقتك المستخبيه يعني ما اظن اجي يوم وتقول ليك انصدمت فيك قال لي انا م شغال بي عبله هسي ولا في بالي عبله اكتر مما في بالي انتي وانا ندمان اني غيرتك وطلعت الجواك قلت ليهو لا اطمن انا ياني نوسه م ح اتغير بس دي رده فعل للظلم والنار الكنت عايشه فيها ولحظه تطلقني ح ابكي وح ازغرت قال لي ما متخيل حياتي بدونك قلت ليهو ما متخيل حياتك بدون واحده ضعيفه تهينا وتزلها وتستحملك وتكون مطيعه ليك ما متخيل حياتك بدون واحده تظهر ليها رجولتك الصارمه وغضبك وتنهي وتأمرها عارف انو عبله ح تقابلك راجل لي راجل سكت م ردا علي اخوي بقا يطق في الباب قلت ليهو اتفضل دخل لقا طارق بس بعاين بي عيونو سلم عليهو وقال ليهو خير ي جماعه ربنا اهدي سركم البتعملو فيهو دا خلوهو الناس بتشاكلو وبرجعو بس م بصلو لمرحله الطلاق طارق قال ليهو وريها عليك الله انا والله من امس غلبني اتفاهم معاها قلت ليهو طارق ما تمثل فيها دور الضحيه انت العملتو ما برضي بت ناس قال لي نوسه كفايه وخلي الكلام قلت ليهو خجلان من عملتك اطمنك يا طارق انا سبب طلاقنا ح اموت بيهو عشان كده م ح اتكلم اخوي قال ليهو فشنو احكو ما تتكلمو بالالغاز قلت ليهو ماف حاجه بس نفذ لي طلبي طارق قال لي نوسه اسمعيني انا موافق بطلقك بس اديني يوم يومين احتمال تحصل معجزه وانتي تخلي الفي راسك قلت ليهو لا انا مصره علي قراري اخوي قال لي اسمعيني اصبري يومين ربنا قادر اهدي سركم عاوزه ارد حلف علي طلاق وقال لي خشمك م تفتحي وان شالله بعد يومين القاك غيرتي رايك ومالو لو عرس فيك الراجل محلالات ليهو اربعه قلت ليهو اعرس فيني تلاته ان شاءالله بس الا صحبتي قال لي صحبتك قلت ليهو اي عبله اخوي بقا مخلوع قال لي اريتني كان عرستها انا زمان دا م كان حصل قلت ليهو كيف يعني قال لي دا م وقتو وانا طالع لو محتاجه حاجه وريني قلت ليهو لا جزاك الله الف خير م قصرت وبقا يعتزر لي قال لي م تزعلي من مرتي قلت ليهو م زعلانه مرتك صاح وانا الغلط من حقها تاخد راحتها زنبها شنو انا اقعد معاها قال لي وعقلي نفسك تفوتي وين قلت ليهو عشان تفوتي وين دا انا ح اشتري بيت وما تشغل بالك علي بس اقيف معاي وطلقني انا صبرت علي حاجات كتيره ما بنسكت عليها وانظلمت ظلم ما برضي ربنا وابغض الحلال عند الله الطلاق بالذات لي الزيي وانا وعدت سبب طلاقي يكون سر وما احكيهو عشان كده خليني بس اعرف اني مضرره م ترخصني لي طارق واهلو اكتر طارق كان نصيب وقسمه وانقطعت ابدا م كنت سبب في الحاله الوصلنا ليها صبرت واستحملت وطاقتي كملت اخوي قال لي خلاص ي نوسه ما تهمي ان شاءالله ربنا يهون وهسي ارجعي واتعاملي مع راجلك عادي وبالاصول قلت ليهو ياريتني مابعرف في الاصول كان هسي اكون في سعاده قال لي معقوله اطردي الشيطان قلت ليهو دي الحقيقه انا وانت اتربيتا تربيه غير الاترباها طارق ومرتك صاح سكت م اتكلم قلت ليهو دي الحقيقه مرتك هسي لو بتعرف الاصول كان انا للان اكون قاعده معاك وعملت ليك الف مشكلة ودي. الحقيقه الاكتشفتها تتعامل بالاصول تتهان وتنزلا قال لي بس صدقيني م ح تقدري تتغيري هسي انا مرتي غيرتني ولا انتي راجلك غيرك مستحملين نعمل شنو قلت ليهو ربنا كريم وربنا ادينا علي حسب نيتنا قال لي امين وطلع رجعت لقيت طارق متوتر قال لي حكيتي لي اخوك بالحقيقه قلت ليهو فالنفترض حكيتا يعني شنو قال لي عليك

 

الله م تصغريني احترميني للنهايه انا والله غلطت وندمان وسافي التراب لو انتي عفيتي لي انا م بسامح نفسي قلت ليهو طارق خلاص انسي ربنا يهون نور صحت واول م صحت لقت ابوها جرت عليهو قالت ليهو بابا انت ما ماشي الشغل صاح قال ليها الليله وبكره اجازه قالت ليهو انا زاتي م ماشه المدرسه قلت ليها لا يا نور ماف كلام زي دا امتحاناتك قربت ماف طريقه بقت تحنس فيني قلت ليها لا وامشي اجهزي الزمن شالت لبسها ومشت الحمام وانا بقيت ارتب في المكان طارق قال لي نور في سنه كم قلت ليهو ي داب فضيت ليها نور في تانيه قال لي م شاء الله السنين بتجري قلت ليهو شديد ودا كلو مخصوم من عمرنا مرت سنين والحياه م ليها طعم حتي الولاده حرمتني منها وكنت مصدقه انك ما عاوز ولاده وانت طلعت متزوج ووالد يعني ما فارق معاك لكن كلو لخير يا طارق ربنا قاسم لي اطلق منك عشان كده م ولدت تاني ما ردا علي مشيت م ركزت معاهو نور جهزت وبتاع الترحيل اتصل علي طارق قال لي خليها اطلعا انا نور كانت مبسوطه وهو سايقها انا طلعت وراهم منظر نور قطع قلبي وهو طلعا في العربيه واظن نور قالت لي صاحباتها دا ابوي وحدي ما العربيه اتحركت هم اعاينو ليهو نور ياداب حست بي ابوها وبي وجودو كان حارمني وحارمها قلت ليهو شفت كيف كنت ظالم بتك وحارمها قال لي نوسه كفايه انا والله كرهان اي شي وفي بالي انتحر ولا اطلقك انا وعيت يا نوسه بترجاك م تحرميني قلت ليهو معليش يا طارق اعيش معاك بياتو نفس اغش عليك زي م انت كنت غاشي علي وعايش معاي باخر نفس احساس صعب م نفسي تضوقو طارق يومين ما طلع ولا فتح تلفونو كان نفسي اعرف رده فعل عبله بعد طارق اتغير منها طارق علي قدر ما يقدر بحاول يقنعني اني ما اطلق بس انا كنت مصره خالد رسل لي رسايل قال لي اسمعيني البيت سمح تعالي شوفيهو قلت ليهو ماف طريقه ولا اقول ليك دقيقه بس برجع ليك قال لي منتظرك م تتاخري في ناس كتيره عاوزنو انا حاسيهو كويس معاك الجيران كلهم ناس معروفين انتي وبتك ما بتلقو مكان اسمح من دا قلت ليهو كويس مشيت عشان اتحجج بي اي طريقه عشان اطلع طارق لقيتو ماف سالت نور قالت لي مشا يفتح الباب طلعت لقيتها عبله كانت تتناقش معاهو لمن شافتني انخلعت قلت ليها عبله اتفضلي مالك واقفه في الشارع وكانت صاره وشها مشيت عملت ليها عصير وجيت شكلو طارق وراها اني عرفت منتظراني اشاكلها ابت تشرب العصير قلت ليها مالك ما شربتي قالت لي م عطشانه قلت ليها العصير م ليهو علاقه بالعطش ولا خايفه اكون عملت ليك فيهو حاجه لا م تخافي وماقلتي لي حمد لله ع سلامه بتك قالت لي صحي عملتو شنو قلت ليها دفعنا القروش طبعا بقت منططه عيونا وغلبها تصبر نفسها تشاكل طارق جنبي قلت ليها حاسه بيك اخدي راحتك يا عبله وعلي العموم مبروك عليك طارق تتهني بيهو بس م اتوقعتها منك يا صحبتي ياخ انتي الشيطان ارحم منك معقولة يا عبله

 

قالت لي نوسه دقيقه افهمك والله دي القسمه قلت ليها القسمه م اعترضت عليها بس القسمه انك تغدري بي وتبيعيني اي شي عشان مصلحتك بقت تتمتم وتتحلف وتقسم انها م قصدها قلت ليها م قصدك كيف وانتي احميتيني القعده بي الموضوع دا ولو ما جبت القروش انتي ما خليتيني في حالي وفي لحظه راحت القروش وطارق خليتو ليك يا عبله ومن بكره اعتبريهو معاك ولا اقول ليك لو م عندك بيت تعالي اسكني معاهو هنا وطلعت خليتهم وسوقتا معاي نور حاولت تتكلم معاي قلت ليها معليش ممكن تحتفظي بي اي كلام لنفسك اتصلت علي خالد ومشيت شوفتا البيت وعجبني شديد طوالي اتصلت علي اخوي جا شاف البيت وعجبو قال لي ح تجيبي القروش من وين حكيت ليهو بالعملتو قال لي بالغتي وبقا يلوم فيني بس قلت ليهو عاوزني اخلي حقي لي عبله قال لي فعلا والله قلت ليهو خلي الكلام وخلينا نخلص فيهو قال لي تمام اتصلنا علي صاحب البيت ودفعنا القروش وقال لي اخوي بكره جيب المحامي وخلص ورقك اخوي قال لي خلاص ارجعي البيت رجعت البيت من الشارع سامعه صوت شفع يكوركو قلت يا ربي عبله صدقت وجات تسكن فعلا كان تنتظرني امشي وتجي بس م فارقه معاي دخلت لقيت طارق شايل البت وتبكي وهو يسكت فيها والولد ادردق بالواطه وهو غالبو يسكتهم قلت ليهو عبله وينا قال لي عبله جدعتهم لي وسافرت ………. يتبع

 

 

• لقراءة باقي فصول الرواية أضغط على (رواية أحببت وأنا على ذمة رجل اخر)