رواية أحببت وأنا على ذمة رجل اخر الفصل السادس 6 بقلم نوسة حمد

رواية أحببت وأنا على ذمة رجل اخر الفصل السادس 6 بقلم نوسة حمد

 

 

البارت السادس

 

#احببت_وانا_علي_ذمه_اخر6
#نوسه_حمد
في اثناء ما انا ببكي طارق جاتو مكالمه وشكلو زول مهم وجايب ليهو اخبار قال لي كدي اسكتي النسمع كلام جنابو دا ان شالله خير سكتا وبقيت قاعده جنبو فتح الاسبيكر قال ليهو جنابو ان شاء الله خير قال ليهو خير ان شاءالله عرفنا الخط مسجل بي اسم منو قال ليهو دا المطلوب وريني بس الخط مسجل بمنو وتاني انا بتي بعرف اجيبا قال ليهو الخط مسجل بي اسم عبله محمد احمد طارق بقا مخلوع وانا مخلوعه اكتر منو مسجل بي اسم عبله دي خالد عملها كيف طارق بقا اعاين لي وقفل الاسبيكر وبقا اقول ليهو يا جنابو انت متاكد قال ليهو كيف م متأكد عندك واتساب ارسل ليك الصوره فيها الرقم بالبيانات قالو ليهو رسلا في الرقم دا يلا انا بقيت من جوه مبسوطه مبسوطه وقلت جا دوري انا اجيد التمثيل خالد عمل العليهو وزياده وكونو انو يوقع لي عبله قروشي م دايراهم نفسي اخرب حياتا زي م دخلت وخربت حياتي
طارق فتح الواتساب وفتح الصوره ولقا كلام الضابط صاح رجع ليهو قال ليهو طيب يا جنابو م قصرتا والباقي بتمو انا ممكن تشطب القضيه وقفل الخط قلت ليهو يشطب القضيه انت جنيت ليه بعد عاوزين نصل لي بتنا تقيف في طريق العداله قال لي نوسه استهدي بالله موش عبله دي زميلتك وصديقه عمرك الناس يقولو شنو قلت ليهو زميلتي ولا مرتك بقا اتمتم قلت ليهو طارق انا عرفت اي شي وفتحت ليهو الفيديو قلت ليهو معقوله يا طارق والد منها اتنين وكنت ببكي ومشاعري منهاره وهو ماسك لي نوسه اسكتي افهمك قلت ليهو تفهمني شنو يا طارق معقوله عبله يا طارق كان تتزوج فيني تلاته ونبقا اربعه بس م تتزوج فيني عبله تكسر قلبي وتدمرني طارق بقا يبكي قلت ليهو تتفق معاك وهي تاكل مخي وتخليني اقيف قصاد اخواني وابيع حقي واسندك بيهو لانك ابو نور في نظري بس طلعت زوجها وهي المستفيده ما انا ودا كلو خليهو امك انا عملت ليهاا شنو لمن تتمنا لي الشر وتنبسط لمن تتزوج فيني صاحبتي ونور ذنبها شنو تجافيها وتحب اولاد عبله اكتر منها عمري ما بنسا منظرك وانت شايل اولاد عبله ونور بتي لو جات وقفت جنبك ساي بتزحها. منك قال لي نوسه والله الفيديو دا مفبرك في حاجه غلط في حمله ضدي قعدت اضحك قلت ليهو كنت بقول كده وكنت بقول طارق مستحيل يعمل كده لغايه م شفت بي عيني والفيديو دا مصور بي كميرت تلفوني ما مفبرك ع فكره نفس الرقم دا جاني منو اتصال وهي الورتني انك متزوج وما قالت انك متزوج وبس قالت لي انك خاين وبتاع كلو وعاوزك انتي تكوني شريفه عارف يعني شنو بتاع كلو يعني اي حرام انت خوضتا فيهو قال لي نوسه دا كذب قلت ليهو م كذب ودقيقه خليك معاي انا عندي زميلنا شغال معانا وفي نفس الوقت شغال في زين ح اخلي يجيب ليك المكالمه بالزمن انا ما عارفه خدعتني كيف وما عرفت صوتا ولا احتمال ادتني واحده تانيه حسبي الله ونعم الوكيل فيها

 

اتصلت في تلفون خالد وسلمت عليهو بي كل ادب هو شكلو فهمني قلت ليهو معليش ي مدير م قصدي اتصل في وقت زي دا بس عاوزه منك خدمه واكون شاكره ليك قال لي العفو يا باشمهندسه اتفضلي خير فشنو قلت ليهو عندك رقم معمر المهندس الشغال في زين قال لي اي مالك عافيه قلت ليهو مممكن تديني ليهو محتاجه ليهو ضروري بتي في خطر قال لي بتك مالا يا ساتر فشنو محتاجين مساعده قلت ليهو خطفوها اتنين وطالبين مبلغ مالي كبير قال لي لا حول ولا قوه الا بالله آلعلي آلعظيم وعملتو شنو ابوها وين عاينت لي طارق قلت ليهو قاعد قال لي دبرتو المبلغ قلت ليهو لا للاسف قال لي ربنا يهون ونصيحتي ليك اتصرفي وجيبي بتك لانو لو عملو فيها حاجه كنوز الدنيا ما ح تنفعك قلت ليهو ان شاء الله ادعي لي قال لي ربنا يجمع بيها وخلاص اخدي اجازه لمن تجمعي بي بتك انزلي قلت ليهو ان شاء الله م بتقصر قفلت منو ورسل لي رقم معمر طوالي اتصلت عليهو قلت ليهو انا زميلتك ومحتاجاك ف خدمه قال لي جدا قلت ليهو في رقم متصل علي يوم كده الساعه واحده انا محتاجه التسجيل ضروري قال لي ان شاء الله بكره اعتبري عندك شكرتو وقفلت وطارق متوتر وطبعا نفسو يتصل لي عبله قال لي نوسه انا ح ابيع العربيه وح اسدد القروش وما بنتظر لي بكره قلت ليهو وقت مرتك انكشفت عاوز تجيب بتك ما كنت قوي الكسرك شنو قال لي نوسه انتي عايزه بتك ولا عايزه كلام كتير قلت ليهو عارف القروش دي ح تمش لمنو لعبله يا طارق قال لي لو مشت لي عبله انا ح اعرف اجيبا من عيونا طبعا طارق عاوز يعمل فيها مفتح وانو القروش لو مشت لي عبله ح يجيبن قلت ليهو انا م ح اقول ليك طلق عبله بس ح اقول ليك طلقني يا طارق وهسي ترمي علي الطلاق لانو لو م طلقتني م ح يحصل خير قال لي نوسه انا مستحيل اطلقك م عشان عبله عشان انا بحبك نوسه قلبك ليه قسا قلت ليهو قلبي شاف غيرك قال لي شنو انتي بتلعبي ولا شنو كيف قلبك شاف غيري انتي بتخونيني يا نوسه قلت ليهو انت السبب قال لي سبب فشنو في بت ناس بتعمل البتعملي دا قلت ليهو اعتبرني ما بت ناس وطلقني قال لي نوسه انتي بتهظري صاح قولي لي بتهظري قلت ليهو لا م بهظر بقا اقول لي دا منو عشان انا امسحو من الكره الارضيه قلت ليهو ليه هو زنبو شنو اعمل فيني انا العاوزو انا الغلطت وانت الوقعتني في الغلط وانا م عافيه ليك اي غلط غلطتو بسببك ياخ حرام عليك تهجرني وحرام عليك تخليني زي البيت الواقف كنت واثق انك بتجي راجع وبتلقاني زي ما انا منتظراك بس انا بحس يا طارق انا رخصت نفسي ليك وشحدت الاهتمام منك شحده انت ما خوفتا فيني الله وهجرتني وانا بت صغيره حسبي الله ونعم الوكيل فيك وفي امك وعبله انا حقي ما عافيه ليكم نتلاقه قدام قال لي نوسه انا م قادر اصدق قلت ليهو لا صدق يا طارق انت قلت لي امك ح اخليها معلقه عشان تتأدب ورغم انا م عملت ليك اي شي انا عشت ايام كئيبه وشايفاك عايش حياتك بالدس مع غيري وياريتك اتزوجتا وشهرت زواجك كان زعلت شهر شهرين ورجعت ليك بس ي طارق تدس زواجك مني وتظهر مرتك تخرب علاقتنا اكتر مما خربانه ربنا بسالك وما كده تستغفلوني وتشيلو حقي ياخ حرام عليك وعاوزني اكون منتظراك للان صدقني انا من يوم هجرتني اعتبرت نفسي مطلقه لانو ماف فرق كان بيني وبين المطلقه شي وبعد الرؤيه اتضحت لي وعاوزين تخطفو بتي وتهددوني احسن ابعد منك ومستحيل اتراجع من قراري لو اقعد في الشارع ولو اعترضتا ح ارفع فيك قضيه انت ومرتك والناس تشهد انو مرتك خطفت بتي واجرت ليها اولاد وهسي تمشي تبيع العربيه وتدبر المبلغ وتجيب لي بتي لو م عملت كده ح امشي ابلغ في مرتك وح اسجنها لا تلم فيها ولا اصلا ح تلم فيني وبقيت الم في ملابسي وملابس نور طارق قال لي نوسه استهدي بالله بتك ح ارجعها وما بقدر اطلقك قلت ليهو لا ح تقدر انا قلت ليك قلبي اختار غيرك ح تعيش معاي وانا بحب غيرك قال لي واثق من قلبك م ح يحب غيري نوسه انتظري انا ح اجيب نور وح ارجع ليك احسن من اول قلت ليهو بعد شنو معليش يا طارق امشي جيب لي بتي ي طارق طارق طلع تلفونو واتصل علي رقم ردا عليهو قال ليهو اها تاني داير تتهمني بشنو قال ليهو لا انا اتصلت عشان افضي الشراكه البينا قال ليهو اخيرا اقتنعت قال ليهو اي وعاوز ابيع العربيه جاهز اجي استلم قال ليهو جاهز مويه ونور وبالزياده كمان قال ليهو مسافه السكه واكون عندك طارق طلع اتصلت علي خالد قلت ليهو معلم يا خالد قعد اضحك قال لي م قلت ليك اصبري ولسه انتي شفتي شي قلت ليهو خالد انا اعترفت لي طارق بي حبي ليك قال لي نوسه انتي جنيتي ماف راجل بقبل كلامك دا قلت ليهو انا بعد طلعت الفي قلبي ووريتو العملتو بي وراهو ضميري ارتاح وما تخاف يا خالد انا م عاوزاك وما عندي الان مشاعر قصادك. قال لي نوسه انا م قصدي بس خايف عليك وانتي عارفه انا قدر شنو بتمناك بس قسمتنا وقدرنا كده قلت ليهو كلو خير انا راضيه بقسمتي وربنا يسعدك يا خالد بتمني ليك السعاده من قلبي وربنا يهدي سرك انت ومرتك وما تضوق الضقتو انا قال لي امين يا نوسه انا انكتب علي واحده اخر همها انا نوسه انا بموت يوميا بسبب برود زوجتي محسساني اني بنك ما زوج همها تلبس افخم لبس تطلع وتتفسح وانا دايسه علي بي جزمتها نفسي تقول لي عيوبي عشان اتصلح بس م تحسسني اني م مرغوب فيني زوجتي مغروره ومتكبره نفسي يوم تحسسني انها بتغير علي وبتحبني وعاوزاني جنبها بالعكس بتحسسني انها بتكون ما سعيده لمن اكون جنبها بتنبسط لمن ابعد منها رغم اني م مقصر فيها موفر ليها كل البتتمناهو بس للاسف

 

قلت ليهو م عارفه اقول شنو ولا بقدر انبز ليك مرتك زي ماقلت ليك احتمال انت بتنصف روحك قال لي معقوله انتي فكرك لو زوجتي كويسه معاي وعبيطه فيني زي م انتي عبيطه في زوجك بفكر اعاين لي غيرها هي السمحت لي اعاين لي غيرها وما عايزاني اتزوج بتهددني لو اتزوجتا تهاجر بي بتي بدون علمي قلت ليهو ربنا يهدي سرها وينور بصيرتها وترجع ليك زي ما تتمني وتحبها قال لي امين وربنا يهدي زوجك ويرجع احسن من اول قلت ليهو كان نفسي اقول امين بس انا طلع من قلبي قال لي دي لحظه زعل انتي م شفتي ملامحك لمن شفتي مع غيرك قلت ليهو دي كانت باقي مشاعر وطلعت كلها مني قال لي خليها علي الله قلت ليهو ونعم بالله وع فكره طارق مشا يبيع العربيه ويبيع نصيبو وعاوز يجي عشان اسلمك ويستلم بتو قال لي بديهو لي الساعه واحده بتصل عليهو وبخلي يستلم بتو من غير م يشوف زول قلت ليهو اعمل حسابك قال لي عيب عليك خاتي لي خطه ح تجننننو عديل بس انتي اطمني
سمعت كركبه الباب قفلت الخط وحذفت المحادثه طارق جا شايل قروش كتير وقعد يحسب فيهن قال لي نوسه بتك ح تكون في حضنك الليله انا م عندي اهم منها حسيت طارق عاوز يرضيني بي اي طريقه هل عشان خاف من اني اطلق ولا عشان صدق انو مرتو الخطفت بتو وعاوزه تنصب عليهو شكلو خالد اداهو درس من غير م يحسسو المهم طارق بقا منتظر المكالمه وخالد اتصل قال ليهو اها عرفت الورا خطف بتك منو طارق اختصرو في الكلام قال ليهو عرفت عدوك الاساسي قال ليهو اسمعني انت عاوز قروش ولا كلام قال ليهو قروش يا راسطه بس عايز اكشف ليك الحولك واسمعني يا مان لو ما انا خلصت علي بتك ح يأجرو غيري وح يخلصو عليها المره دي بتك ح تجيك سليمه بس تاكد تماما الغرض من دا كلو بتك تموت انا بقيت ابكي قال ليهو بتي بعد استلمها ماف زول ح يتجرأ يلمسها والقروش جاهزه اجيك وين قال ليهو لا م تجيني بجيك انا بس خلي التلفون جنبك وزي م وريتك لو اتجرأت وبلغتا انت ومرتك وبتك ح نخلص عليكم قال ليهو تمام قال ليهو دقايق واسلمك بتك وقفل الخط قلت ليهو طارق نستلم بتنا وكفايه فضايح طبعا طارق م عندو وش يبلغ عشان خاتي في بالو ومصدق انو عبله ورا الكلام دا وانا مطمنه انو م ح يبلغ ولا ح يعمل شوشره وفعلا خالد اتصل عليهو وطارق مشا سلم القروش وشال بتو وكان مبسوط وضربات قلبو سامعاها وهو شايل نور وحاضنها وببوس فيها اتمنيت الشعور دا تحس بيهو يوميا نور من شافتني قعدت تبكي شيلتها وحضنتها وبقيت ماسكاها وابكي طارق قال لي الحمد لله دا كابوس نوسه م تبكي تجنني البت ونور تقول لي ماما اسكتي انا تاني ما ماشه منك قلت ليها انا مستحيل اخليك ام طارق جات ولقتني حاضنه بتي حمد لله ع السلامة ماقالتا لي قالت ليهو يا طارق انت جنيت قروشك كلها تضيعا طارق قال ليها يمه ما عاوز نقاش جيتي تقولي لينا حمد لله ع السلامه ولا جيتي تقولي كلامك دا انا م عاوز نقاش قبلت علي قالت لي كل منك خسرتي شغلو قلت ليها الشغل يطير بتي اهم من الشغل وبعدين انتي كان ناسيه انا النزكرك راس مال الشغل دا كلو حقي والاكلتي انتي وعبله دا حقي لمن قلت عبله بقت تعاين لي طارق قلت ليها لعبتكم انكشفت انتي وولدك وصاحبتي انتو مفتكرين الدنيا دايمه ليكم انا راجلي عزرتو بس انتي الحبوبه المفترض قلبك يكون لين بس انتي م قنعانه من الدنيا دي
والله في وحقي ح يخلص دنيا واخره قعدت تكورك فيني انتي كان محترمه م كان عرسك فيك انتي قليله ادب وفاشله طارق قعد يكورك فيها قال ليها يمه م تدخلي في حياتي الزمي حدك كفايه ياخ انا ساكت ليك عمري دا كلو البت دي عملت ليك شنو ما شفتي منها الا الخير بس انتي قلبك اسود امو بقت مخلوعه قالت ليهو تكورك فيني انا عشان المعصعصه الما بتشبه النسوان دي ما عافيه ليك وعرضتك لبني الرضعتو قال ليها م تعفي لي فشنو انا غلطت في حقك يوم ولا سألتك انتي براك شايله شوفك وخاتاهو في مرتي قالت ليهو مرتك الليله انت حاسي بشنو مرتك دي م كانت النقناقه النكديه الليله بقت مرتك قال ليها غلطان تنكد وتنق بي راحتها لو م استحملتها انا البستحملها منو امو قالت لي سجمي م شديد م شديد النوديك لي شيخ قال ليها لا شديد ومن زمان كان مفترض الكلام دا يتقال وانتي تقيفي في حدك ومن هسي يمه ما عندك شغله في نوسه قالت ليهو تنيس قمل وصواب يا الخروف يا العوقه مرتك في السحابه وانتي وراها اوعك تاني تجي تتشكا لي منها وفاتت

 

طارق قال لي نوسه معليش استحملي كلام امي ما تزعلي بقيت اعاين ليهو ومندهشه مالو طارق اتغير هل حسا بالندم انو هجرني وخاف فعلا اكون انا حبيت غيرو ولا قنع من عبله وصدق انها ورا خطف بتو وعاوزه تنصب عليهو قلت ليهو طارق ياريت لو جيت بدري شويه انا خلاص قررتا ومستحيل اتراجع في قراري انا عايزه اطلق ي طارق قال لي نوسه اديني اخر فرصه انا ندمان اقسم بالله عمري ما عاينت ليك ولا لي مشاعرك لاني كنت واثق اني بمشي وبجي القاك منتظراني بس المره دي م حسبتها صاح قلت ليهو معليش يا طارق جد انا م عندي استعداد اعيش معاك وما بقدر اجاملك اكتر بقا يترجا فيني وانا جد بطني طمت منو الصباح طلع انا كسبتها فرصه اتصلت علي خالد شكرتو وقال لي القروش ف الحفظ والصون قلت ليهو تمام خليهن معاك انا علاقتي متوتره مع طارق وما عاوز يطلقني عاوزه اشوف فهمو شنو قال لي م تخربي بيتك استحملي انتي قادره تستحمليهو قلت ليهو حتي انت يا خالد قال لي نوسه عاوزاني اشجعك علي الطلاق وأخرب بيتك اي نعم انا وانتي غلطنا بس ع قدر م حبيتك م نفسي اظلمك ولا اخرب حياتك استحملي ي نوسه ربنا ح يجزيك كل خير قلت ليهو ان شاء الله وقفلت الخط طارق جا داخل وجايب معاهو حاجات للبيت طبعا احساس انو يجيب حاجات للبيت كان حارمني منو كان بخت لي قروش في الطربيز زي الشاحداهو واجر السوق الف واشتري حاجاتي بنفسي قال لي ممكن تعملي لينا اكل اشتهيت الاكل من يدك طارق بقا يتعامل معاي كاني م طالبه الطلاق وكاني م وصلت لطريق مسدود قومتا عملت ليهو الاكل وفي راسي الف سؤال طارق عمل لي عبله شنو لانو سكوتو دا م طمني نهاي معقوله عاوز يسامحها وهي موقفها شنو بعد عرفت التهمه اللبسناها ليها هل طارق حسا بالندم فعلا ولا عرفت مصلحتو وانو عبله عايزه تخرب حياتو وهل نوسه ح تعيش معاهو ولا ح تصر علي الطلاق………يتبع

 

 

• لقراءة باقي فصول الرواية أضغط على (رواية أحببت وأنا على ذمة رجل اخر)