رواية أحببت وأنا على ذمة رجل اخر الفصل الثاني 2 بقلم نوسة حمد

رواية أحببت وأنا على ذمة رجل اخر الفصل الثاني 2 بقلم نوسة حمد

 

 

البارت الثاني

 

#احببت_وانا_علي_ذمه_اخر2
‏#نوسه_حمد
الليل كلو ما نومتا مساهره للصباح وخايفه شديد لانو برانا وافكر طارق وين واتزوج منو هل انا اتابعو ولا اطنش واعيش حياتي بس اطنش كيف وانا عندي كرامه بقيت فاتحه صورنا والاسكرينات المحتفظه بيها والوعود والكلام الزي الشهد اتملكتني غيره وبقيت اقول ياربي هي منو وحلوه هي ولا انا وعملت شنو عشان تعجبو ومتزوجها من متين والاتصلت علي دي منو وغرضها مصلحتي مصلحتي فشنو احتمال دي تكون مرتو عاوزه تخليني اتناقش معاهو واطلب الطلاق عشان الجو يخلا ليها معقوله اخلي حقي ليهم انا كده كده بطني خلاص طمت من طارق بس كل م اتزكر قروشي الشالن واخواني الخربتا وشي معاهم وبعتا ليهم نصيبي وبيعتهم الورثه كلها وخربت عليهم اي شي بي ياتو وش ارجع ليهم ولو اتطلقتا افوت وين واقبل علي وين انا استحمل طارق لغايه ما اشيل منو حقي واخسرو كل شغلو واخلي يشحد زي م بقا حاجه بي قروشي اخلي ولا شي في المجتمع وزي م كسر قلبي ح اكسر قلبو وادمرو وجا اليوم البظهر فيهو كيدي ولازم اصبر وافكر واخطط بس كيف ربنا يهونا نومتا لي ساعه وصحيت بصوت المنبه صليت الصبح ولبست نور وانتظرت الترحيل ساقا جيت راجعه نومتا وصحيت متاخره لبست ومشيت الشغل
كنت زهجانه شديد وتعبانه نفسيا وما عندي مزاج للشغل مشيت عشان كان لازم اكون حضور عندنا شغل نهايه السنه
انا نسيبه عمري ٢٧سنه مهندسه اتزوجت زميلي طارق ما حالفو الحظ واشتغل في مجالو وكان من الناس البعشقو شغل السوق دخل السوق براس مال بسيط وما اتوفق بعد اتزوجت شيلت الورثه بتاعتي عشان يكبر شغلو وخلال سنه كسب اضعاف اضعاف راس المال الاديتو. ليهو وقفت معاهو عشان كانت بينا علاقه ملانه حب وموده واحترام ما كنت مفتكره بجي الزمن وطارق اتغير عودني علي حبو عودني علي وجودو جنبي عودني علي حياه مثاليه فجاه اتغير وكنت محتاره سبب تغيرو معاي شنو كنت بقول اهلو هم السبب لانو امو من اتزوجتو ما بتحبني رغم اني احترمتها شديد وما شافت مني الا كل خير كنت بقول هم حرشوهو لانو اقل حاجه بقول لي ح اخلي ليك البيت دا وفعلا كان بطلع اخليني بالساعات مرات بجي نص الليل وبخليني نايمه زعلانه وبهون عليهو زعلي عادي وكنت بتناقش معاهو عشان علاقتنا ترجع زي زمان وزي م وعدني بس للاسف البتغير ما بالساهل يرجع بالذات المشاعر لو وصلت لمرحله البرود عملت المستحيل عشان ارجع علاقتي بيهو بس للاسف لغايه م جاتني المكالمه وعرفت انو متزوج بس الاتصلت منو شاطبه راسي والمتزوجها منو م عرفتها قعدت ساعات ف الشغل وانا سرحانه لغايه ما جا المدير لقاني سرحانه قال لي يا باشمهندسه مالك م جيتي المكتب رسلت ليك الف زول وبقولو كلموك قلت ليهو منو انا قال لي اي جا زميلي قال لي انتي مالك انا ساعه بتكلم معاك وانتي سرحانه فشنو خير ان شاءالله قلت ليهم خير ان شاءالله بس تعبانه كنت مساهره بتي عيانه المدير قال لي طيب الليله اخدي اجازه وربنا يسلم بتك ان شاءالله قلت ليهو امين جزاك الله الف خير م عارفه اشكرك كيف شكرتو وشلت شنطتي ومشيت وصلت البيت وقلبي موجعني وفي راسي الف سؤال وين الحب الوعدني بيهو وين هو في يومي وين الاهتمام عملت اي شي وحاسه اني بعطي فقط ما باخد تعبت نفسيا بقا عندي هوس وعدم ثقه في نفسي يوميا بتكلم مع نفسي انا مالي فيني شنو ناقص الخلاهو اتغير مني بعد تلاته سنه زواج وكمان يتزوج فيني كان حب حياتي كنا بنحلم في اليوم البنجتمع فيهو في بيت واحد يوميا بحس بفراغ بسبب انشغالو عني اتناقشت معاهو في الموضوع دا بدل المره الف مره لدرجه حسيت نفسي رخيصه مجرد اني طلبت الاهتمام واكتشفت انو الاهتمام ما بنطلب الاهتمام بجي بدون طلب سرحانه وبفكر وبالي بقا مشغول بالبرود الوصلت ليهو علاقتنا نور بتي بتتكلم معاي قالت لي ماما انا جيت من المدرسه عايزه اكل جيعانه قلت ليها حاضر وبقين اتكلم معاها ادوهم شنو في المدرسه وبقت تحكي لي تفاصيل يومها وكانت مبسوطه انها بتحكي لي وانا بستمع ليها عملت ليها الاكل واكلت معاها وصلينا الظهر سوا ونومتا كنت تعبانه شديد صحيت بي صوتو بنادي فيني كانو ما كان بايت بره وما اتناقشنا في موضوع حساس اتبادلت معاهو بنفس الشي كانو م حصل نقاش بينا قلت النشوف نهايتو شنو قلت ليهو براحه نور نايمه قال لي طيب اعملي لي اكل انا جيعان قلت ليهو حاضر مشيت المطبخ عملت الاكل وجبتو ليهو اكل وماسك تلفونو قلت ليهو طارق قال لي نعم ي نوسه قلت ليها انا تعبانه نفسيا قال لي ي ساتر فشنو اوعك تزكري لي موضوع امس دا وتحرقي دمي قلت ليهو ما نفسي تعاملني ببرود كده قال لي تاني قومتي علي جنك برود شنو يا مرا انا مقصر منك في حاجه طلبتي شي واتاخرت عليك قعدت اضحك قلت ليهو انت مفتكر كل حوجتنا طلبات طارق انا ما انسانه ماديه انا تعبت وانا بفتش لطارق السند الوعدني حبو لي يوميا اتجدد ما طارق القاعد جنبي وشايف تعلقي بيهو جن وحبي ليهو خنقه وتقييد قال لي بطلي فلسفه وياها حال المتزوجين السنه الاولي اهتمام وتاني تدريجيا الحياه بتكون تعايش قلت ليهو تعايش يا طارق نحنا م حيوانات نحنا ناس وبنحس انت ليه مصر تطمم بطني طارق انا بقيت لمن اشوف اتنين متزوجين وحلوين ولسه بحبو بعض العبره بتخنقني ليه هم احسن مننا فشنو انت زهجت مني ولا انا مالي عيبي شنو عشان حبك لي يموت بالشكل دا وهي احسن مني بشنو عشان تتزوجها فيني وتحرق قلبي قال لي انتي بقيتي مره نقاقه وكلامك كلو بتحبني وما بتحبني وكمان اثبتي علي اني معرس فيك انتي يا مرا دايره شنو ميه مره قلت ليك انا بحبك وما بحب غيرك ولا عندي مره غيرك بس انا مضغوط ف الشغل وانتي عارفه قلت ليهو طارق انت م قادر تفهمني انا تعبت وانا عاوزه اوصل ليك معلومه انو دي ما الحياه الانا اتمنيتا ولا الانت وعدتني بيها انت بقيت بارد قال لي دا الشيطآن وسوس ليك وقال ليك كده عايزه تخربي بيتك بنقتك الكتيره والمسيخه دي قلت ليهو دي نقه ي طارق خلي ينخرب بيتي الما حاسه فيهو بالراحه دا وكنت ببكي قال لي انا تعبت منك واحسن لي امش لي امي من الصداع الانا فيهو دا وشال مفاتيح عربيتو وفات قلبي انقسم النص وغلبني البعملو انا م عاوزه نصل للبرود دا وحياتنا تبقا اداء واجب بس قومت اتوضيت وصليت ومسكت التلفون لقيت رساله من مديري كاتب لي يا باشمهندسه كيفك اها بعد ارتحتي م حسيتي نفسك احسن رديت عليهو قلت ليهو الحمد لله احسن بكتير وشكرا ليك م قصرت قال لي العفو يا نوسه لو احتجتي لي اي شي انا موجود وما تعتبريني المدير اعتبريني اخوك انتي انسانه م ساهله م بنسا وقفتك معاي قلت ليهو العفو ربنا اديك العافيه واختصرتو عشان م عندي مزاج اتكلم وهو زاتو م قاعد يتونس معاي او يرسل لي غير اليوم شكلو حسا بي مضايقه وغلبني احكي ليهو بالمكالمه الجاتني وتاني يوم مشيت الشغل اول زول لاقيتو هو قال لي اها كيف ان شاء الله احسن قلت ليهو تمام انا احسن بكتير قال لي م عارف المخليك حزينه شنو بس انا اكعب منك وجواي حزن م يعلم بيهو الا ربنا بس صابر تسمحي لي نكون صريحين مع بعض ونحكي هموم بعض احتمال نقدر نساعد بعض حتي لو بالتشجيع ما رديت عليهو وكنت مركزه في شغلي قال لي اسف انا م قصدي وفات مجرد تفكير اني ح افتح قلبي واحكي ليهو بقيت رافضه وبشده لاني بحب طارق شديد وهو واثق فيني بالذات في علاقتي مع زملائي بتربطني بيهم زماله شغل حدها المكتب وبس م فكرت في يوم ادخل حياتي الخاصه في الشغل او احكيها لزول وفي نفس الوقت عاوزه زول يقيف معاي لاني حاسه ح اخوض معركه والشاطر فيها يكسب وانا م شاطره اكتشفت نفسي مجرد م عرفت طارق عرس فيني اني م شاطره ولا ذكيه ضيعتو من يدي رغم اني م قصرت منو احتمال ربنا قاسم ليهو يتزوج بس عقلي رافض يميز الصاح من الغلط في حته انو عرس فيني دي صحي الضر حار الله لا ضوقو لحبيب مرت الايام وانا علاقتي اتوترت مع طارق اكتر مما متوتره جاني احساس انو عاوز يفتح تلفوني بس عاوز بيهو شنو م عارفه وغيرت الرمز قاصده
سالني قال لي انتي منو القال ليك انا متزوج وعايز يخرب بيتنا ويدخل الشك في قلبك سؤالو حسسني هو عايز يعرف انا عرفت من وين قلت ليهو لا ماف زول قال لي بس انت راجلي وانا بحس بيك حسيت بيك متغير من فتره قال لي لا والله انا م متغير بس الشغل وضغطتو وانتي شفتي انا بطلع من الصبح بجي زول نوم بس قلت ليهو معقوله انت اصلا شغال شنو يا طارق قال لي مستحيل اتناقش معاك وتعدي النقاش ع خير لازم تستفزيني بالكلام قلت ليهو كلامي اكتر من عادي وسؤالي منطقي بس انت اتعودت تكبر المواضيع عشان تتهرب من البيت ما انا قال لي تعبت من النقه بمش لي امي بطفش وين يعني قلت ليهو اي بي اماره انك انت امس عامل فيها انو نايم معاهم وانت نايم في مكان تاني اكيد معاها قال لي بتشككي فيني يعني انا كنت نايم في بيتنا وفي غرفتي قلت ليهو كذاب قال لي تكذبيني انا يا ما محترمه اكذب ليه قلت ليهو كذاب ي طارق انا مشيت بيتكم الساعه ١٢وما لقيتك قال لي تمشي بيتنا في وقت متاخر انتي بقيتي م بتعايني لي وبتتصرفي ساي قلت ليهو انت عاوز تتهرب بس وعشان اريحك وتاخد راحتك انا ماشه ي طارق وما ح ارجع هنا تاني وشكرا لي اي شي عملتو فيني وحسبي الله ونعم الوكيل قال لي ماشه وين قلت ليهو ماشه بيت ابوي ولا هو بيت ابوي بعتو ليك ماشه اقعد مع اخوي والله كريم علي قال لي قلتي كده طيب ي نوسه اقعدي في بيتك انا الح اطلع ليك قلت ليهو لا ي طارق انا م هامله عشان اقعد براي اخوي بلمني وكنت ببكي وقلبي مقطوع طارق م صدق اني قررت ابعد منو م فكر حتي يحنسني ويعقلني طارق شكلو بقا مع غيري بقيت البس في بتي ورتبت شنطتي ودموعي نازله سيل طارق بس قاعد يعاين لي م فكر يقول لي نوسه اقعدي اكتر موقف هزاني وقطع قلبي معقوله يا طارق تتخلي عني بالسهوله دي طلعت ولاقتني امو في وشي م سلمت عليها قالت لي دا عدم احترام منك مالك ما بترمي لي السلام م ركزت معاها مشيت وقفت لي عربيه بس اتزكرت جوازي وشهاده ميلاد بتي ورقمها الوطني قلت لازم ارجع اجيبهم عشان طارق ما يشيلهم مني رجعت ومن جنب الباب سامعه صوت امو بتقول ليهو انت مجنون بتبكي عشان واحده البت دي من عرستها قلبي اباها وياما حزرتك منها بس انت م بتسمع كلامي عرستها وجبتها لينا وجع قلب افرح ي ولدي انها طارت منك واوعك تمش تجيبها خليها تترزع عند اهلا وامش لي مرتك التانيه قال ليها يمه ونور قالت ليهو نور بتجيب زيها عشره انصدمت من امو وشكلها عارفه عرسو واثبتت لي انو متزوج دخلت الغرفه من شافوني سكتو وما ركزت معاهم طارق بقا يمسح في دموعو كان نفسي امشي اقول ليهو كل شي ولا دموعك واحرق انا بي جاز بس مشاعري الح تضيعني دي لازم أدوس عليها دخلت شلت اوراقي وطلعت ركبتا ومشيت بيت اخوي لمن شافني بي شنطتي قال لي مالك خير قلت ليهو اتشاكلت انا وطارق وخلاص قنعت منو ح اطلق بقا يكورك فيني ويجوط قال لي ترجعي هسي وقومي النرجعك ليهو قلت ليهو م راجعه كفايه تهيني وتزلني ليهو انا استحملت اي شي مستحيل ارجع خليني هنا معاكم ولا انت م عايزني عاين لي مرتو وبقا يقول لي بيتي مفتوح ليك بس الطلاق عيب قلت ليهو لا م عيب العيب انك ترجعني لواحد دايس بي كرامتي الارض هو واهلو راعي لي قال لي بتك تعيش بعيد من ابوها قلت ليهو ابوها ما عايزا خليني يا معاذ انا والله نفسيا تعبانه وع فكره طارق اتزوج فيني قال لي مالو م يتزوج الراجل محلالات ليهو ٤ ع الطلاق لو جاني كان دبلت ليهو قلت ليهو الما بترضا لي مرتك ما ترضا لي هسي مرتك دي بترضا تعرس فيها نطت لي في حلقي قالت لي بس انا ما المره البعرسو فيها حسب ونسب وفهم وعلم قلت ليها ربنا يزيدك واطمني معاذ م بعرس فيك م عشان انتي م بعرسو فيك بس هو عينو ملانه ومتعلم من هو صغير انو يكتفي بالحاجه العندو ولا م كده يا معاذ قال لي بس ام احمد ما المره البعرسو فيها اخوي عشان مرتو م تزعل يطبل ليها ويجرح فيني بالكلام عاقل والله اختار بيتو انا م بنفعو قعدت مع اخوي وكاني قاعده في نار مرتو كل مره تخبط فيني بالكلام وتطاعن فيني وفي النهايه قالت لي معليش انا م ماخده راحتي يا تشوفي ليك مكان تتلمي فيهو يا ترجعي لي راجلك كلاما نزل علي زي الصاقعه شيلت شنطتي ورجعت البيت لقيت اخت طارق المتزوجه ف البلد قاعده بي اولادها وراجلها قلت ليهم معليش انا جيت م قصرتو حرستو لي البيت ام طارق جات قالت لي كيف تطردي بتي البيت بيت اخوها وما علي كيفك تمشي وتجي راجعه قلت ليها انا وزوجي حرين مع بعض ازعل واجي راجعه وبعدين بدل تفرحي اني رجعت تقولي لي كلامك دا اتمني لي ولدك الخير والخير بجي لي بتك ولا ح تفتشو ليهو بس طالما بتتمني لي الشر بجي اضعاف لي بتك قالت لي بتي سألتك بتي قاعده في بيت اخوها ملك قلت ليها اخوها دا متزوج وعندو مره وبت وبتك م شاء الله والده سبعه قالت لي اسحريهم يا العينك حاره قلت ليها عيني م حاره بس الصاح تمش مع راجلها وترجع في بيتا بعد انا صاحبت البيت جيت طارق جا لقا صوتنا عالي قال لينا خير فشنو وبقا يعاين لي قال لي حمد لله ع السلامه امو قالت ليهو حمد لله علي سلامه شنو مره تطلع بالايام دي م محترمه انا م عافيه ليك لو ما طلقتها طارق بقا يعاين لي وانا منتظره منو ينصفني بس هل ح يطلقني ويسمع كلام امو ولا ح يشغل عقلو ……………..يتبع

 

• لقراءة باقي فصول الرواية أضغط على (رواية أحببت وأنا على ذمة رجل اخر)