رواية ريم وساجد – عشق عن طريق الخطأ الفصل الرابع 4 بقلم نورهان العشري

رواية ريم وساجد – عشق عن طريق الخطأ الفصل الرابع 4 بقلم نورهان العشري

 

البارت الرابع

 

“فعلاً يا أونكل، ريم كانت غامضة أوي الفترة اللي فاتت ومكنتش بتحكيلي حاجة خالص، أنا مصدومة فيها أكتر منكم.”
عاصم بيه حس بنغزة قوية في صدره، الكلام نزل عليه زي الصواعق. بدأ يتنفس بصعوبة وحط إيده على قلبه وهو بيقول بصوت واطي ومخنوق:
“بنتي.. تعمل فيا كدة؟ تحطي راسي في الطين وتكسر قلبي في آخر أيامي؟”

فجأة، عاصم بيه وشه ازرقّ، وبدأ يترعش وجسمه تشنج، ووقع من على الكرسي وهو بيحاول يمسك قميصه ناحية قلبه.
ماجد جرى عليه بلهفة مزيفة وهو بيزعق:
“يا ساتر يا رب! يا عمي! حد يطلب الإسعاف بسرعة! يا عاصم بيه!”
لكن من جوا، ماجد كان بيبتسم لولاء نظرة انتصار.. الخطة نجحت، والأب دلوقتي بقى عنده “قناعة” إن بنته هي اللي غلطانة، ولو رجعت وحكت الحقيقة، هيقولها “أنتي بتألفي عشان تغطي على عملتك السوداء”.

★★★

بعد مرور يومين، ساجد راح لريم في الأوتيل زي ما وعدها. ريم كانت مجهزة نفسها ولابسة الطقم اللي ساجد جابهولها، ملامحها كانت أهدى شوية بس الحزن لسه مالي عينيها.
ركبوا العربية، وساجد سألها بهدوء:
“قررتي هتروحي فين؟”
ريم ردت بصوت واطي: “وديني البيت.. لازم أواجه بابا وأحكيله الحقيقة، مش هقدر أفضل هربانة أكتر من كدة.”نورهان العشري

ساجد هز راسه بالموافقة وبدأ يتحرك. في الحقيقة، ساجد خلال اليومين دول كان عرف كل حاجة. قصة “هروب ابنة رجل الأعمال عاصم بيه” كانت مالية المواقع ومنصات التواصل الاجتماعي، وصور ريم بفستان الفرح كانت في كل حتة. عرف إنها بنت واحد من أكبر رجال الأعمال، وعرف إن “العريس” ماجد طالع في دور الضحية اللي بيدور على مراته المخطوفة أو الهربانة. ريم طبعاً مكنش معاها موبايلها فكانت معزولة تماماً عن اللي بيحصل بره.
وصلوا قدام باب القصر الكبير. ريم بصت لساجد بامتنان حقيقي وقالتله:
“أنا مش عارفة أشكرك إزاي.. بجد لولاك مكنتش عارفة كان ممكن يحصلي إيه. شكراً إنك وقفت جنبي وأنت متعرفنيش.”
ساجد بصلها بنظرة فيها قلق مخفي وغموض، ورد باختصار كعادته:
“انا معملتش حاجة.. خدي بالك من نفسك يا ريم.”
مركزتش أنه عرف اسمها و نزلت من العربية ودخلت من بوابة القصر، وساجد فضل واقف بعربيته. قلبه مكنش مطمن، هيبة المكان والهدوء اللي فيه كان وراهم عاصفة، فقرر يستنى بعيد شوية ويراقب الموقف.

أول ما ريم دخلت، الخدم جروا عليها بذهول وخوف. ريم سألت بلهفة: “بابا فين؟ هو لسه نايم؟”
واحد من الخدم رد بدموع:
“يا ريم هانم، عاصم بيه تعب أوي.. جاله أزمة قلبية حادة والدكاترة قالوا حالته حرجة، هو دلوقتي في المستشفى في العناية المركزة.”
الدنيا لفت بـ ريم، حست إنها هي السبب في اللي حصل لأبوها. صرخت بانهيار وجريت على بره زي المجنونة، مكنتش شايفة قدامها، كانت عايزة تروح لأبوها بأي ثمن.
ساجد شافها خارجة من القصر وهي بتجري وبتعيط بانهيار، نزل من العربية بسرعة وجري عليها مسك إيدها: “ريم! في إيه؟ إيه اللي حصل؟”
ريم كانت بتشهق ومش قادرة تتكلم:
“بابا.. بابا في المستشفى.. جاله أزمة قلبية بسببي.. لازم أروحله يا ساجد، أرجوك!” نورهان العشري
ساجد من غير تردد فتحلها باب العربية:
“اركبي.. أنا هوديكي.”

وصلوا المستشفى في وقت قياسي. أول ما العربية وقفت قدام الباب، ريم شافت من بعيد عربية ماجد وحرسه واقفين. الخوف اتملك منها، خافت لو نزلت مع ساجد، ماجد يستغل الموقف ويقول إنها كانت معاه فعلاً ويأكد التهمة اللي رماها عليها.
بصت لساجد بدموع وقالتله:
“ساجد.. كفاية لحد هنا. ماجد وحرسه هناك، لو شافوني نازلة معاك هيستغلوا ده ضدي وضد بابا. امشي أنت أرجوك.. أنا خلاص بقيت وسط أهلي وهعرف أتصرف.”

ساجد كان عايز يرفض ويفضل جنبها، بس شاف نظرة الرجاء في عينيها. هز راسه ببطء وقالها:
“لو احتجتي أي حاجة.. أنتي عارفة توصليلي إزاي. خدي بالك من نفسك.”
ريم نزلت وجريت لداخل المستشفى، وساجد فضل واقف يبص على طيفها وهو حاسس إن المعركة الحقيقية لسه هتبدأ.

 

• لقراءة باقي فصول الرواية اضغط على (رواية ريم وساجد – عشق عن طريق الخطأ)