رواية غيث ونوسة – اسرار خلف الأبواب الفصل السابع والعشرون 27 بقلم نوسة حمد

رواية غيث ونوسة – اسرار خلف الأبواب الفصل السابع والعشرون 27 بقلم نوسة حمد

 

 

البارت السابع والعشرون

 

#اسرار_خلف_الابواب27
#نوسه_حمد
لقيت سوسن قاعده ومنتظراني وفي خشمها في الف كلام دخلنا الغرفه قالت لي نوسه شمار قلت ليها احكي قالت لي الولد المتزوج سلمي قلت ليها مالو قالت لي سلمي اظنها استفزتو وهددتو وهو جا لي صلاح وقال ليهو جنس كلام عن سلمي قلت ليها كيف قالت لي موش سلمي م من حلتنا وخالتا كانت هنا الله يرحمها وقاعده معاها قلت ليها اي قالت لي يلا العرفتو ابو سلمي اكبر دجال وهو سيد الكتابه قالو الناس بجوهو من وين وين من بره السودان بجوهو قلت ليها خليك جاده قالت لي اي والله دا كلام الولد وم كده جاب لينا رقم ابوها قال لي صلاح عشان تتاكد من كلامي صلاح اول م سجل الرقم في الواتساب ورسل جاتو رساله ترحيبيه معاك الشيخ فلان مرحب بيك انا غير موجود الان وتلقيت رسالتك ياخ الرساله البتكون ترحيبيه دي قلت ليها اها وبعد داك قالت لي خليتو رسل الرساله دي وم عارفه تاني حصل شنو قلت ليها حزري صلاح م يقول اي كلام قالت لي ي بت م تخافي صلاح حالف عليهم والعجب لمن عرف ابوها وعمايلو قالو شده م بكتب السعوديين بجوهو من هناك قلت ليها اعوذ بالله اها والولد الضمنكم شنو يكون م مرسل منها وعايزه توقعنا قالت لي انتي غبيه توقعنا كيف الكلام القالو وقعا هي قلت ليها هو عرف كيف قالت لي النوريك الولد م كان مفتح وكان عميان عديل بس لمن صلاح اتكلم معاهو بقا مصحصح وقال كان ادتو اي شي م بشربو لدرجه شكت فيهو والنوريك الولد عرف سلمي كيف قلت ليها كيف قالت لي اظنو اشترا ليهو تلفون ايفون ١٧برو ماكس جديد وهي طمعت فيهو وعملت المستحيل وقدرت شالتو منو وهو قال ليها اشتغل بشنو فقامت الغبيه ادتو تلفونها وشكلو الايفون عماها وادتو ليهو بواتساب كان مخفي واليوم الادت فيهو التلفون جاها اتصال وطلعت والولد بقا يفتش لقا واتسابها دا وبقا يقرا نوسه م عارفه اقول شنو بس في كلام لو قلتو ح تتاثري قلت ليها سوسن قولي وخليني اتاثر ولا اموت انا بس عايزه اعرف اي شي وصدقيني بقت م فارقه معاي قالت لي الولد قال لينا بفتش في الواتساب لقا دردشتها مع غيث وقال هو م كان مصدقنا فتح دردشتها من الاول مع غيث سلمي عملت المستحيل ووقعت غيث في طريقها قلت ليها كيف يعني غيث م حباها قالت لي اقسم بالله م ح تصدقي نوسه لو شفتي دردشتها مع غيث ح تبكي حسره وتموتي قلت ليها وينا دردشتها قالت لي دقيقه اصبري النحكي قلت ليها سوسن انا اعصابي بايظه قالت لي العجب انا امس اليوم كلو لا صلاح نام لا انا نومتا الولد ادانا التلفون وشال الشريحه الفيهو ومنعنا ندخل فيهو شريحه والولد بطنو طمت من سلمي وقال ح يطلقها قبل م تضيعو زي م ضيعت غيث وغير غيث وراجلها يا حليلو كاتبنو كتابه وشكلو كان عميان عديل وطبعا م وريتك الشي العايزين نمسك فيهو وح ننتقم من سلمي ونتخلص من شرها قلت ليها شنو قالت لي زوجها مهددها انو يفضحها في السوشيل ميديا وهي شكلها بتقنع فيهو ترجع ليهو وتسافر ليهو وهو رافض لانو اتزوج صلاح قال لي ندخل عليهو ونتكلم معاهو يورينا اهلا وين قلت ليها اهلا دايرين بيهم شنو ي سوسن نحنا لينا بي سلمي عايزين تصلو الدجال الكبير وتدمرونا كلنا ولا شنو سوسن صلاح دا مرات بتصرف ساي قالت لي نوسه صلاح راجل لو اتصرف ساي م مشكله بطلع منها وانتي شفتي الحقايق العرفناها دي كلها لو. م صلاح جاب الولد وقعدو ووراهو كان نحنا عرفنا نوسه انتي بس تعايني بعيونك وموش صلاح قال ليك اطلعي منها وح يجيب ليك حقك قلت ليها اي قالت لي بس ابقا تمسكي خشمك عليك قلت ليها خايفاهو يتهور ابو سلمي قلتو اكبر دجال اكيد ما ح يقبل اي ازيه لبتو قالت لي انتي م بتعرفي صلاح عاوز شنو خليهو كده قلت ليها طيب خليتو سوسن ممكن طلب قالت لي شنو قلت ليها ماشه معاك بيتكم وعاوزه اقراء دردشه غيث وعايزه احكي ليك حاجه قالت لي اي م مشكله بس ي نوسه احسن م تقري قلت ليها لا عايزه اقرا عايزه اعرف سلمي عملت شنو عشان غيث وقدرت خلتو يتزوجها وما يوعا لي انو انها في عصمه راجل تاني قالت لي نوسه غيث مظلوم والله موش انا كنت بقول ليك غيث كعب وغيث بتاع مشاكل وانتي كنتي عميانه منو نوسه انا كنت بقول ليك كده عشان تنسيهو لاني حسيتك انتي غيرو م شايفه راجل وكنت بتقطع من جواي اني بشوه في صورتو بس ي نوسه م كنت عايزه اديك امل انو يرجع ليك وياحليلو هو ربنا يشفيهو لي اولادو انتي خلاص شفتي طريقك قلت ليها دا زاتو الموضوع العايزه اكلمك فيهو قالت لي تمام انا زاتي م عملت العشاء لي صلاح وبكون جاي علي البيت ارح نشرب لينا شاي مغرب بزلابيه بمزاج واجهز اكل صلاح قلت ليها رغم اني تعبانه بس ارح نومت اولادي وكلمت امي ومشيت معاها سوسن ادتني التلفون ودخلت المطبخ تعمل في الشاي فتحت لي دردشه غيث وجابتا لي من اول رساله بينهم وانا بقرا ودموعي م وقفت سلمي دخلت علي غيث واول حاجه عملتا طممت بطنو مني وياحليلو هو كان بدافع لي وشغاله ليهو تناظير فيني مرتك م مهتمه بي نفسها وما ناعمه وما مجيهه ولا بتهتم بيك غيث كان بقول ليها نوسه دي ما مرتي دي بتي واي شي تعملو بحسو حلو منها وكان بحرجها دايما وتاني دخلت ليهو بحنك انها حبتو وبتكره راجلا وكانت بتترجاهو يتكلم معاها ولمن تعرف اني عند اهلي كانت بتجيهو اتندمت علي اي لحظه مشيت فيها لي اهلي وخليت راجلي وراي وغيث كان بحرجها وبقول ليها تاني م تجي البيت ونوسه ماف اظنها هي بتجي عشان تشربو حاجه فيها العمل لغايه م العمل مشا فيهو كنت ببكي بكا سوسن جات قالت لي نوسه دا ماضي والحصل حصل انا حاسه بيك بس انتي م عندك ذنب ولا غيث عندو ذنب نوسه البت دي م ساهله ادخلي دردشتها مع ابوها شوفي الكلام غيث دا م خلو ليهو حاجه وزي م اتوقعنا وطلع صاح محمد برضو عملت ليهو عمل ودخلتني دردشتها مع ابوها وقريتا لمن اتعوذتا وبطني فارت علي ابوها قلت ليها عارفه ي سوسن انا سلمي خليتا نفسي ومنا عيني اقتل ابوها والله لو جنبي اعملا قالت لي م بتلحقي صلاح نفسي كلامو وصدقيني ي نوسه صلاح ختا الناس ديل في راسهم م برحمهم وهو اكعب منهم قالت لي انتي في دي خليك من غيث وابوها عايني راجل خالتها م رحمتو ناس ربوها وكانت قاعده معاهم حبت راجل خالتها والعجب رجال حلتنا بالدور الشيخ علي الصايع م خلتو قلت ليها انا مصدومه قالت لي ليك حق انتي هسي م تشغلي بالك ونحنا كده شبه قدرنا ندمرها قلت ليها والولد استفزتو بشنو قالت لي الولد لمن ادتو التلفون وقرا كلامها طوالي دسا التلفون ولمن جات سالتو نكرو وقال باعو وهي قالت ليهو ي تطلع التلفون يا افضحك وجا لي صلاح وقال م راجع ليها تاني وكلم صلاح انو لو جاتو اي حاجة سببها هي والتلفون قال لي م اديهو لي اي زول وصلاح بقا عامل حساب اي شي ما خلا اسكرن ما عملو ورسلو في تلفوني وتلفونو عشان لو حصل اي شيء اكون الادله كلها ماسكها قلت ليها م قادره اصدق وعشان بطني م تطم اكتر بجد م عايزه أمسك التلفون دا تاني قالت لي صلاح زاتو لو عرفني اديتك ليهو بكتلني وشالتو مني ودخلتو الدولاب م قعدت جنبي سمح صلاح جا طبعا بقول لي الشيخه اول م شافني قال لي الشيخه معانا زي الوقت دا دايره تموتي ولا شنو قعدت اضحك قلت ليهو والله جيتكم في موضوع قال لي كدي خليك من الموضوع عرفتي الجديد صاح قلت ليهو سوسن كلمتني قال لي اختك دي غايتو يوم بطلقها بسبب الشمارات قعدت تضحك قالت ليهو بتقدر قال ليها م بقدر والله قلت ليهو طلاق شنو عليك الله تفو من خشمك الله لا وراك طعم الفراق والطلاق قال لي عارفو ي نوسه حسا بي متاثره قال لي انتي قويه وقادره علي اي شي قلت ليها قويه واي شي بس ي صلاح الحياه بدون سند راجل اقسم بالله مووووت قال لي فعلا والله بس كلو بهون بكره بجيك سيد النصيب قلت ليهو دا منو البتزوج واحده عندها تلاته اطفال قال لي في والله قلت ليهو م عايزه انا قال لي كدي الاجي والله ي نوسه تعرسي غصبا عنك قلت ليهو الله كريم وانا هسي جاياكم في حاجه اتصرفت فيها براي قالو لي شنو وكانو خايفين مني قلت ليهم لا م تخافو حاجه عاديه وريتهم اني قررت انفذ وصيه محمد واقيف مع غيث وحكيت ليهم بي ناس الشركه والكلام القالوهو وقراري الاتخدتو والجامعه الاخترتها مقصود عشان امشي هناك من عيون الناس واقيف مع غيث واساعدو م عشان مثلا ارجع ليهو عشان هو ابو اولادي وم نفسي اولادي يكبرو ويلقو ابوهم مجنون ولافي بالشوارع صلاح قال لي والله كبرتي في نظري انتي م تستاهلي الحصل ليك بس معليش يا دنيا وقرارك دا راجل م بياخدو انتي بت بمليون راجل وكونك انك للان حافظه العشره وعايزه تقيفي معاهو م قصرتي والله قلت ليهو يعني قراري دا م زعلكم قال لي بالعكس انا مبسوط منك شديد ونفسي سوسن مرتي دي تتعلم منك قالت ليهو هوي انا مالي انت اعرف جن والله اربطك زي السلام عليكم مالي بضيع عمري اعالج فيك قال ليها عشان كده الله لا حوجني ليك قلت ليهم هوي هسي دا كلام شنو قالو لي نهظر ساي سوسن قالت ليهو بعدين نوسه دي مستحيل اكون زيها حتي لو اتصنعت الحنيه هي الوحيده الشالت حنيه امي لدرجه مبالغ فيها انا طبعي زي ابوي حاد بس عفويه قلت ليها انتي بتحاولي تكوني قويه انا ضعفي هو المخليني لينه وهينه واحتمال عشان م طلعت للحياه قالت لي غايتو يا نوسه العاوزه منك تطلعي وتعرفي وتفتحي اوعك في الجامعه تتعاملي بي مسكنتك دي يحقرو بيك قلت ليها لا لا انا بقيت فاهمه اي شي م تخافي وادعو لي غيث يبقا كويس قالت لي م بننساهو وكلمتهم انو يومين وح اسافر قالو لي ح نعمل ليك حفله وداع قلت ليهم تمام طلعت منهم ومشيت البيت حاولت انوم التعب علي النفسيات العلي غلبني انوم شيلت تلفوني ودخلت واتساب غيث بقيت اقرا في دردشتنا والحياه الكنا فيها وبكيت قدرتي ولقيت اخر ظهور ليهو قبل شهور كتبت ليهو اليوم اول مره اكتشف الحقيقه وقبل اكتشفها قررت اقيف معاك واساعدك عشان وصيه محمد اخوك بعديها اكتشفت انو انت م حبيت سلمي وهي الجرت وراك ودمرتك ودمرت حياتي وغلطتي اني دخلتها بيتي انا بكتب في الكلام دا ومتاكده انك م ح تقراهو بس نفسي اتكلم غيث انا م حبيت غيرك انت تستاهل حبي دا واكتر انت كنت معيشني ملكه وما كده انت كنت شايفني ملكه انا من يوم ما فارقتك وانا عباره عن زوله مافاهمه للدنيا حاجه انا بتمني انك تبقا كويس لي اولادك انا قسمتي شيلتها من الدنيا زمان واكتفيت كنت بكتب وببكي بكا وفتحت صورو معاي وقلبي انقطع تعبت شديد اولادي التقول حسو بي بقو يبكو معاي لغايه م امي قامت مخلوعه جات داخله لقتني عيوني حمر وظاهر اني كنت ببكي قالت لي بسم الله مالكم ي بتي فشنو قلت ليها ماف شي قالت لي شنو الماف شي انتي عيونك حمر كنتي تبكي قلت ليها يمه اتخيلي غيث طلع مظلوم قالت لي كيف قلت ليها يمه سلمي دمرت حياتي قالت لي معليش ي بتي وراجلك زاتو كان م هين سلمي قدرتو برضو هو غلطان قلت ليها انا كنت مفتكره زيك كده يمه لغايه م اليوم اكتشفت الحقيقه وقعدت احكي ليها امي خافت زياده من سلمي وقالت لي الولد دا انسيهو وماعندك فيهو شغله انتي عايزه ابوها تاني يعمل ليك شنو قلت ليها يمه انا نسيتو وما عايزاهو تاني بس م عشان خايفه من سلمي ولا ابوها نسيتو عشان قدرت اعيش بدونو قالت لي قدرتي شنو لو قدرتي م بتتبكي كده قلت ليها يمه انتي مفتكره قلبي دا حجر 🧱 ماضي اي نعم بس م بالساهل انساهو قالت لي لا راسك فوق رقبتك تنسيهو وتاني لو جبتي اسم غيث لا انتي بتي لا انا بعرفك امي كانت غضبانه وبقيت محتاره اكلمهم اني ح اخلي غيث يقعد معاي واعالجو ولا اسكت وأختهم امام الامر الواقع زي م عملت بتقديمي للجامعه لانو اهلي متعصبين ف الموضوع دا انتو رايكم شنو لايك في الحلقه في صفحتي ومتابعه لصفحتي الشخصية ………… يتبع

 

• لقراءة باقي فصول الرواية أضغط على (رواية أسرار خلف الأبواب)