رواية غيث ونوسة – اسرار خلف الأبواب الفصل السادس والعشرون 26 بقلم نوسة حمد

رواية غيث ونوسة – اسرار خلف الأبواب الفصل السادس والعشرون 26 بقلم نوسة حمد

 

البارت السادس والعشرون

 

#اسرار_خلف_الابواب 26
#نوسه_حمد
صلاح بقا يقنع في الولد عشان يساعدنا ونقلب الطاوله علي سلمي لانها زورت اوراق وقوت موقفها قدام الشرطه بقو مصدقنها هي ومكذبني انا الولد قال ستين يمين رامي كذاب ورامي طلع فيهو كلام شين وم بخليهو الا يقتلو انا بقيت خايفه علي رامي قلت ليهو نحنا نهظر معاك طوالي صلاح قاطعني قال لي نهظر شنو انتي مفتكراني خايف منو وشوف يا ولدنا هدا رامي جنبك اقسم بالله تلمسو الا ادخلك السجن وعشان تكون عارف اول شي صوره العقد انا عندي وصورك مع سلمي عندي تقل ادبك تاني يوم ح افضحكم وانا لا بخاف من سلمي لا بخاف منك وناديتك بالهداوه نخت يدنا في بعض ونتخلص من شر البت دي لانها ح تدمرك وعلي فكره ابوك صاحبي بنصلي الصبح سوا وانا م جايبك عشان موقف نسيبه لا انا جايبك عشان ما عايز ليك الازيه وتاني انت حر وتطلع من هنا تفتح خشمك مع سلمي انا ح اعرف وما تلومني تاني م عايزنا نتخلص منها ونكشفها خليك معاها ونحنا ح نعرف كيف نتخلص منها وانت الوقت داك ح تكون ضيعتا وضيعت اهلك والقانون لا يحمي المغفلين الزيك اصحا لنفسك الولد اصرا علي موقفو وحلف ابا يقول الحقيقه ولا يتفق معانا علي سلمي واظنو لمن طلع هدد رامي بس عمري م شفت في شجاعت رامي جا داخل اضحك قال م ح يساعدكم انا عارف وانا م خايف منو انا وريتو وعاوز مصلحتو بس هو في غفله لسه واصحابي كلهم من عرسها بعدو منو لانهم نصهم الكتير عارفين قصه غيث والحصل ليهو ماف زول بتمني يرتبط بي واحده زي دي بس اقنعتو كيف الله اعلم قلت ليهو دي شيطان وبتعمل اي شي المهم اطمنت انو رامي م خايف منو بس قلت لي راجل سوسن نهاي م كان تتصرف كده هسي لو الزول دا مشا كلمها وعملت لينا خطه تانيه العملتو دا هين والشرطه ح تعرف المزور الاوراق منو والقضيه ح تنقلب لي ضدها
بس هسي لو الولد دا مشا قال ليها الناس ديل متفقين عليها ووراها بي كلامنا دا صلاح قال لي اطلعي من الموضوع دا انا بعرف اتصرف كيف وكان غضبان وبنبز في الولد وقال انو هو زول ممتاز البت دي ح تدمرو سوسن قالت ليهو مالك ومالو لينا بي روحنا قال ليها كيف مالي ومالو الزول دا ابوهو اخوي عديل زول ليهو سمعتو الناس كلها بتحترمو اجي الماقام من الواطه دا ينزل راسو والله ما رضياناها ليهو بس نشوف نهايتو شنو وانا سلمي بعرف اتصرف معاها قلت ليهو ربنا كريم وبعد يومين كانت عندنا جلسه ودينا كل الاوراق الموثقه للشرطه بس اجلو الجلسات لبعد شهر صلاح قال لي شهر سنه نحنا وراهم هم الاعملو العايزنو قلت ليهم بس انا قدمت للجامعه وما معروف يشيلوني وين قالو لي مالو تجي من هناك للجلسات قلت ليهم تمام رجعت البيت كلمت اهلي وقلت ليهم انا تاني م معروف ظروفي احتمال يشيلوني في اي جامعه ابوي قال لي ومالو اطلبو العلم ولو في الصين قلت ليهو ان شاء الله
اتصلت علي نمارق وسالتها سفيان قدم لي ولا م قدم لي قالت لي قدم ليك من داخل الجامعه النتيجه بعد اسبوع وريتا بالحاصل قالت لي كلو بي وقتو قلت ليها تمام انا بجهز نفسي وبمش زياره لي ناس غيث وبتفاهم معاهم ولازم يمشي معاي واحد من اهلو قالت لي اي اي انتي بس اتصرفي وسفيان قال غيث بعرف اجيبو هنا كده كده عاوز يمشي يعزيهم قلت ليها ظابط دا هم تاني نزل مني قالت لي ي بت في دي م تخافي والله ناس الشركه قالو اي شي بخص علاجو وتكاليف سفرو متكفلين بيها قلت ليها ظابط ربنا يهونا
قفلت منها ونومتا الصباح كلمت اهلي قلت ليهم قبل الجامعه ماشه اشوف غيث واسلم علي اهلو ابوي قال لي النمشي معاك رفضتا قلت ليهو عايزه ابيت معاهم عديت كم يوم نمارق قالت لي قبلوك اداره اعمال قلت ليها ظابط كلمت اهلي وقالو لي بورسودان بعيده اصلا م بتمشي قلت ليهم اها اعمل شنو دي الجامعه القبلوني فيها حنستهم واقتنعو لي وما كانو عايزين يفارقوني وطبعا ولاده سحر قربت عايزه اسافر قبل الولاده امي قالت لي احضريها قلت ليها لا ح نتشاكل ساي امي قالت لي هسي اولادك ديل بتوديهم وين قلت ليها بشتغل وبأجر بت امينه تكون تراعيهم لي لمن اكون في الجامعه قالت لي انا لو م ولاده اختك الشهر الاول كان مشيت معاك قلت ليها يمه ابوي م بتخلا براهو وانا بسكن جنب نمارق في شقه جنبهم عشان اكون قريبه وانتي وسوسن الشغل هنا م توقفو قالت لي بس تلد اختك وبنرجع نشتغل تاني يوم مشيت ناس غيث وكلمت نمارق قالت لي سفيان بجي بكره قلت ليها كده كده انا ح ابيت بنتظرو عشان اشوف الفهم شنو قالت لي الاسبوع الاول ح تقعدو معانا لانو في شقه جنبنا ناسا راجعين ألجزيره وسفيان حجزا ليكم قلت ليها لا لا يا نمارق صعب قالت لي هو شنو الصعب لا صعب ولا اي شي والناس ديل احتمال يطلعو قبل الاسبوع عندهم ولدهم عريس منتظرنو وراجعين كلهم قلت ليها طيب استحملوني انا اولادي صعبين قالت لي معقوله والله انا بتي امينه مريحاني ولا بحس بي بتي نهاي اليوم كلو معاها وبقت عايزاها هي اكتر مني قلت ليها البت دي م عندها اخت انا عايزه اجيب بت لي اولادي وغيث ح يكون قاعد يعني البرنامج ح يكون صعب علي قلت ليها طبعا م كلمت اهلي بي غيث لانو لو عرفو ابوي ح يزعل مني وانا الله عالم بي نيتي والله غيث م عايزاهو بس نفسي ابقا كويس ويرجع شغلو واولادو يفتخرو بيهو قالت لي كلو بحصل بس انتي اسمعي كلامي وما تعاندي العناد بخرب اي شي قلت ليها والله م ح اعاند انا ح اعمل وصيه محمد الله يرحمو قالت لي بس تمام قلت ليها سفيان بكره لازم اصر انو يجي معاهو زول من اهلو فاهمه انا بتابع معاهو العلاج لكن م بقدر اعمل كل الحاجات قالت لي اكيد المهم قفلت منها وكل م اشوف غيث قلبي بوجعني رجع كانو طفل بضحك بس ومن يشوفني يدخل ويطلع ويضحك الشي الوجعني وقطع قلبي اخواتو بهرشنو بقولن ليهو يلا اقعد بره قلت ليهن خلوهو غيث لو كويس محل فيها نسوان م بجيها قالت لي غيث عين ووقعت فيهو انتي ليه خليتيها عرستو قلت ليهم انتو ماقادرين تفهمو الناس ديل متزوجين بالسنين انا م عرفتهم كانو بمثلو علي وبخدعوني ونهاي م شكيت فيهم لغايه م مره فتحت دولاب غيث لقيت القسيمه وصدمتني والصدمني اكتر صحبتي المتزوجه البي اولادها قالت لي والله ي نسيبه غيث م اشكرو ليك عشان اخوي وكده لكن والله غيث من قام واحده من بنات الحله عاين ليها مافي وكلهن باكيات فيهو بس هو اختارك انتي ونحنا دورناك من جوه قلبنا م كنا قايلين انوبحصل كده وهسي كلامات الناس كتيره ونحنا خجلانين نقول الحقيقه قالو اختار الغريبه وجننتو قلت ليها والله الغريبه كانت شايلاهو فوق راسها وانتو جيتو وشفتو حياتنا كانت كيف بس الله يقطعها سلمي دمرتني ودمرت سمعتي انا وغيث هسي دا كلو هين نقول لي اولادنا شنو بعد يكبرو قالت لي نوسه معليش اولادك هم البنفعوك وبنفعو ابوهم انتي مفتكره نحنا النفعنا منو ياهو غيث دا بس تاني قطع علاقتو بينا ولا جنيه م برسلو لي امي لمن ماتت وكل م تتزكرو بتقول غيث غيرنو النسوان وانا عافيه ليهو ماتت وهي عافيه ليهو وقبل م تموت بيوم غير كلمه غيث م قاعده تقول حاجه ومحمد اخوي كان زعلان من غيث لانو قال ليهو انسو حاجه اسمها غيث وهدا محمد زاتو لحق امي ربنا يرحمو ويغفر ليهو قلت ليها كلها اقدار وانا هسي جايه في موضوع غيث وحكيت ليها الحاصل كلو فرحت فرح لمن قامت وحضنتني قلت ليها مني دا ابو اولادي انا والله اهلي م عارفين اني اخترت الجامعه بورسودان عشان اطلع واعالج غيث والعايزه منكم انو لازم يمشي معانا زول انتي عارفه الوضع قالت لي غيث اخوي كان ببقا كويس انا مستعده اخلي بيتي واولادي وامشي لغايه م يتعالج قلت ليها مني باذن الله غيث ح يتعالج انا متاكده وح يرجع احسن من اول قالت لي يسمع منك ربنا فرحتي قلبي ي نوسه قلت ليها هسي جهزو حاجاتكم ملابسك وملابس غيث وانا بكره بنتظر سفيان لغايه م اجي واودعكم وانا يومين بالكتير بلحقكم قالت لي هدي قومه اجهز حاجاتنا قلت ليها تمام وتاني يوم سفيان جا بي عربيه الشركه ومعاهو سواق ولمن شاف غيث بكا بكا والله قطع قلوبنا وغيث م فاهم شي اكرمناهو ولغايه م سافرو ومني مشت مع غيث قالت لي م تتاخري سمح قلت ليها برجع بيتنا الليله وبكره ولا بعدو بجهز حالي وبجي قالت لي تمام ودعت اهل غيث ومشيت اهل غيث بسيطين شديد وطيبين طيبه تحير م عارفه غيث قسا عليهم كيف وقلبو طاوعو بس م منو من الشيطان المعرسها الله يقطعها وصلت بيتنا العشاء لقيت سوسن منتظراني قالت لي شمار قلت ليها شنو قالت لي الولد المتزوج سلمي خاف وجا لي صلاح لانها حاولت تستفزو وحكا لينا جنس كلام نوسه اسكتي بس قلت ليها شنو احكي …….يتبع

 

• لقراءة باقي فصول الرواية أضغط على (رواية أسرار خلف الأبواب)