رواية غيث ونوسة – اسرار خلف الأبواب الفصل الخامس والعشرون 25 بقلم نوسة حمد

رواية غيث ونوسة – اسرار خلف الأبواب الفصل الخامس والعشرون 25 بقلم نوسة حمد

 

 

البارت الخامس والعشرون

 

#اسرار_خلف_الابواب25
#نوسه_حمد
مشيت المحكمه وكلي امل وشجاعه وحماس اني ح اتخلص من الحيه الاسمها سلمي بس كلام الضابط شطب راسي بعد كنت بتكلم بثقه اول م قال لي كل الاوراق المثبته عندهم وانو سلمي اتزوجت غيث بعد اطلقت وانا م زوجتو والقسيمه الاصليه بتاعت غيث وسلمي مزوره الشي الخلاني اقوي موقفي بعد حاولت استسلم شنو المحامي بتاع سلمي قال لي القسيمه دي مزوره وممكن انا افتح فيك بلاغ بتهمه رد شرف لانو انتي طعنتي فيها يا تديني ليها يا نرفع قضيه وندفعك دم قلبك قلت ليها ارفع اي قضيه تخطر علي بالك وري سلمي انو نسيبه صحبتها الزمان ماتت انا واحده تانيه م بتعرفوها وموش لو زورتو م ح تقدرو تواصلو انا م ح اقنع وما ح استسلم حق اولادي ح شيلو وانت هسي م بتخجل بايع ضميرك عشان قروش هسي لو جاك قدر الله القروش دي ح تعمل ليك شنو قال لي انتي قليله ادب قلت ليهو لا انا متربيه ومتربيه كويس كمان قليل الادب انت وما بتخاف ربك ياخ انا متزوجه غيث وعملو لي عرس وعقدو علي قدام اهلي واهلو تجَو تقولو قسيمتي مزوره وقسيمتها هي الاصل انا م غبيه مفتكرين انكم ح تهرشوني متاكده من سلمي عايزه تستغل ضعفي وخوف اهلي من الفضايح والناس بس وصل ليها معلومه انو نحنا اتغيرنا غيرت طيبتنا وبرائتنا بي خساستها وقادرين نقيف قدامها م انا براي معاي كل اهل غيث وعشان توصل ليها المعلومه صاح دي اختها وزوجها هم الدعموني وشجعوني ولسه ح اقيف قدامها العمر كلو والجلسه الجايه ح تتفاجأ
سوسن قالت لي نوسه كفايه ويلا مشيت منو ونفسي الصق ليهو كيف محامي كبير في العمر انا متاكده انو متزوج وبي اولادو كيف يقبل علي نفسو ويأكل اولادو مال حرام معقوله الدنيا دي فيها خباثه بالشكل دا طبعا كل مره بتفاجأ بي ناس ضمايرهم وسخانه انا كنت مقفوله بين اهلي وزوجي وبيتي وكل طلباتي مجابه م احتكيت بالناس عشان اعرف ضمايرهم بعد حصل الحصل واطلقت شفت كميه بشر في حياتي فيهم الكعب والسمح بس بقيت احس انو دي م صفاتنا السودانيه السمحه بحس انو ديل م نحنا سبب التغير شنو م عارفه كان ممكن اقول النت والعولمه بس انا كنت داخله مواقع التواصل الاجتماعي بس م غيرتني ولا حسيت انها اثرت فيني بشي تفكيري بقا مشوش ومصدومه عديل سوسن قالت لي نسيبه افهمي شي واحد انتي وانا الاخوات الاتربينا في بيت واحد ما واحد فعشان كده م تنخلعي من العالم بس خليك قويه وكلمتك واحده لا تلفي لا تدوري وكان حسيتي ممكن الكذب ح يطلعك من ورطه م تكذبي وصدقيني الورطه لو نزلت علي دماغك وتكوني م كذبتي ح اكون وراها خير انا حاسه بيك وفي عيونك قريت اي شي وعايزه اقول لك في ضابط خسيس والجنبو م خسيس بعد طلعنا سمعتو قال ليهو المحامي دا شكلو بكذب والاوراق العندو ما سليمه نأجل الجلسات نتاكد قال ليهو ماف جلسات ح تتاجل لو هي م اثبتت ابقا هي الكذابه وانا الله جابني راجعه عشان اسمع الكلام دا وعايزه اقول ليك نحنا ح نتحرك من بكره نمشي السجل المدني نجيب شهادات اولادك الميلاديه ونوثق قسيمه زواجك وخلي سلمي التزوير ينفعا طبعا هي عملت كده عشان من اول جلسه تهرشك لأنها عارفاك خوافه وعارفه نقطه ضعفك ح تقول انتي ح تخافي وح تستسلمي وهي ح تعمل العايزاهو بس ح تنصدم لمن المحامي يقول ليها كلامك دا وانا عندي احساس م ح يوصل ليها اي شي عشان هو عايز قروش ودي كده من صالحنا وتاني ي نوسه نقطه ضعفك م توريها لزول احتفظي بي أي شي لنفسك قلت ليها انا ربنا اداني قوه عشان انزع بيها اي نقطه ضعف قالت لي الحمد لله ونحنا معاك والله الا نموت قلت ليها بعد الشر عليك سوسن انا من دونك ولا اي شي راجلها قال لي نمشي البيت نفطر ونطلع نظبط الاوراق دي وعندي ليكم خطه سلمي الا تطير والله قلت ليهو شنو قال لي كدي نفطر ونجيب الورق واوريكم مشينا فطرنا وطلعنا وثقنا القسيمه وظبطنا الاوراق وجينا راجعين راجل سوسن اتصل علي رامي جابو اتكلم معاهو قال ليهو انت الولد الاتزوج سلمي صحبك شديد قال لينا اي مالو فشنو حكينا ليهو القصه من الاول للاخر الولد بقا محتار ومنطط عيونو قال لينا معقوله دي سلمي قلنا ليهو انت بتعرفا قال اي امس كانت عازمانا راجل سوسن صلاح بقا يشاكل فيهو قال ليهو تاني اوعك تدخل بيتا انت مجنون وقال انو الولد مأجر ليهو بيت وهي عايزه تبيع بيت غيث عشان تشغل قروشو قلت ليهو الا في حلمها وبقيت اسال في صلاح عاوز بالولد الاتزوج سلمي شنو قال لينا ماعندكم شغله قال لي رامي جيبَو لي عاوزو ضروري الولد دا انا بعرف ابوهو واهلو ولو عرفو العملو دا ممكن يضبحوهو عديل رامي قال ليهو خلاص انا بكره بعزمو قهوه وانت اتكلم معاهو قال ليهو تمام انا بقيت عايزه اعرف صلاح عايز اعمل شنو بقيت خايفه منو خوف شديد قال لي نوسه اتاكدي لو م افيدك ما بضرك وانتي م تخافي ميه مره وريتك بكره فضي حالك وتعالي لينا قلت ليهو بكره عندي طلبات لازم اسلمهم وما جهزتهم قال لي هسي تمشي معاك سوسن جهزي شغلك كلو والولد البوصل امك بتسلموتعالي هنا قلت ليهو تمام مشينا انا وسوسن جهزنا اي شي وخلصنا قريب العشاء تعبنا تعب الموت بس الحمد لله ع كل حال كلو بهون عشان اولادي صلاح جا ساق سوسن وقال لي بكره بنتصل ليك طوالي تعالي قلت ليهم تمام وفاتو جيت حكيت لي امي وابوي بسلمي والعملتو ابوي اتغاظ منها قال لي البت دي لو سكتنا ليها اكتر كان عملت شنو قلت ليهو عشان كده انتو ساعدوني وانا بتقوا بيكم قال لي نحنا معاك وح نقيف جنبك قلت ليهم م بتقصرو واعفو لي انا ما بي يدي قسمتي كده قال لي انتي الاعفي لينا مقصرين في حقك م قادرين نعمل شي مكتفين قلت ليهم وقفتكم جنبي بالدنيا وان شاء الله انتصر وعايزه اقول حاجه يا ابوي محمد موصيني علي غيث وحاسه اني مقصره منو قال لي مالو غيث ربنا رايد ليهو الجن وجنو زاتو م كعب زول رايق وقاعد ف البيت م بلف بالشوراع قلت ليهو يابا كيف رايق غيث مربط بالجنازير قال لي اها ونعمل ليهو شنو قلت ليهو يابا دا ابو اولادي قال لي مطلقك وبسببو انتي هسي معذبه البنات في عمرك سعيدات وماسكات بيوتن قلت ليهو اقرب مثال ليك سحر سعيده ولا ماسكه بيتا قال لي سحر مدلعه وخربها دلعنا لكن راجلا زول كويس بس بتي الكعبه وانا فاهمه م بقيف معاها نهاي قدر م تجيني بمشكله بقيف مع راجلا م شايفاها خلت البتعمل فيهو قلت ليهو بركه الاعترفت انها مدلعه قال لي معليش ي بتي هي الحتاله غصبا عننا دلعناها وندمنا ع دلعها قلت ليهو الله اهديها انا ضربت ليك مثل ليه انو في المشاكل وماف واحده سعيده ومشاكلهم مختلفه وهسي سوسن دي نسابتها كانو كعبين ومعذبنها عذاب لغايه م رحلو منهم حتى ارتاحوا وعاشو سعدين وما بالك ديل نحنا بس كل المتزوجين عندهم قصص مختلفه قال لي اي وفي منهم السعيدات قلت ليهو طيب انا أقرب مثال ليك شفت السعاده الكنت فيها غيث دا كان م محوجني لاي شي وكنت اسعد انسانه لا سمعتو لا سمعني لغايه م الشيطان دي دخلت حياتي ودشرتني كل السعاده الضوقتها في حياتي قال لي ي بتي كلو لخير وانا متاكد ح تكوني اسعد انسانه والجاي كلو خير بتونس معاهو كده اتصلت علي نمارق حكيت ليها اي شي قاالت لي دي شيطان اقسم بالله قالت لي الدليل بتاع الجامعات ظهر عاوزه تقدمي قلت ليها بقدم الخرطوم ولا الجزيره هنا قالت لي لا النبي اتصلت عشان اقنعك قلت ليها كيف قالت لي سفيان اتكلم معاي في موضوعك وموضوع غيث قلت ليها شنو قالت لي سفيان قال انتي تجي تقري هنا جنبي وتجيبي غيث معاك يتعالج هنا لانو ناس الشركه بتاعتو اتكفلو بي علاجو كلوووو عشان غيث كان شاطر وكان مديرهم قلت ليها شنو قالت لي يعني م عارفه انو غيث كان مدير ناس سفيان قلت ليها والله اول مره اعرف قالت لي كمان النوريك غيث اكتر واحد متعلم فيهو وبقدر يخاطب الاجانب ديل ومظبط الشغل معاهم الناس كلها معتمدين عليهو لمن غيث مرض ووقف الشركه اتاثرت شديد وشغلها قلا شديد المدير الاجنبي بتاعها لمن عرف غيث مريض وقدمو ليهو شهادتو المرضيه قال اتكفل بكل علاجو لدرجه انو ممكن اعين ليهو طبيب نفسي ليهو وعشان مقر الشركه في بورسودان احسن تكونو هنا قلت ليها نمارق كلامك كلو انا معاك فيهو بس انا م بقدر اعمل كده اهلي رافضين وقالو لي طلقك وجدعك م عندك شغله فيهَو قالت لي نوسه ما ترجعي ليهو ساعديهو يبقا كويس ويتعالج وانا قاعده لو مشيتي الجامعه علي انا وبتي الشغاله نجي نقعد معاهم قلت ليها ذنبك شنو ي نمارق قالت لي ذنبي اني اختك وعايزه مصلحت اولادك وغيث ناس الشركة مطالبين بيهو والشي الما عارفاهو راجلك كانت عندو قروش تراب فاتت وين اسالي نفسك وخلي المسكنه دي عليك الله اتلحلحي شويه الحياه م اكل وشراب قلت ليها كيف الكلام دا قالت لي سفيان قال انو وظيفتو دي والمبلغ البياخدو الرئيس م بياخدو بس وقع في مره مسكينه ودخلت واحده حياتا شالتو منها قلت ليها نمارق انا والله م عارفه زمان كنت كده مالي بس اتعلمت لكن بعد فات الاوان قالت لي الأوان م فات فكري راجلك م تخلي ارجعي ليهو بعد يتعالج قلت ليها عشان اكون معاك واضحه غيث م برجع ليهو لو قامت الساعه انا بس عايزه انفذ وصيه اخوهو واساعدو لي اولادو لمن يبقا كويس غير سلام الله م بلقا مني شي قالت لي اي تمام بس ساعديهو عشان اولادك والدنيا محتاجه وهم محتاجين لي ابوهم قلت ليها تمام مبدئيا انا موافقه قدمي لي للجامعه خلي سفيان يقدم لي في جامعتك زاتا قالت لي ميه ميه وما تشيلي هم وسفيان قال مستعد يقيف مع غيث لمن يبقا كويس وطبعا م وريتك سفيان بحب غيث لشنو قال لي لمن فكرت اتزوجك م كانت عندي قروش غيث قال ليهو عرسك لمن انتهي علي ورجعن لي تاني وياهَن ديل الامانه السفيان عايز يسلمك ليها قلت ليها لا والله ي نمارق معقوله انا افتكرتهن حقوق قالت لي انتي عويره سفيان زاتو م تعب فيهن ادتن ليهو الشركه ودا دين لازم يسددو قلت ليها م بينا ي نمارق قالت لي في الدين بينا هسي انتي لو ادينتي مني الف رجعي لي بس لو قلتي عايزه الف وجيتي ترجعي لي م بشيلو مهما عملتي حتي لو زعلتي بس الدين دين قلت ليها ربنا يسعدكم ي نمارق وشوفي الصدف دي كيف لاقيتيني وكنتي بتحبي سفيان وسفيان طلع صاحب غيث عشان غيث ربنا رايد ليهو المرض وسندو يموت وسفيان يقيف جنبو كلها تدابير ربنا والحمد لله قالت لي والله نحنا معاكم لمن نموت شكرتها وكنت مبسوطه بيهم وزعلت لي نظرتي لسفيان اول مره بس انا م كنت عارفه انهم بحبو بعض ونظراتو كانت قصاد نمارق قلت ليها النبي خلي يعفي لي قالت ليي عافي ليك وحكيت ليهو زمان ومات بالضحك قلت ليها الحمد لله قفلت منها ونومتا نومه
صحيت متاخره مسافه فطرت سوسن قالت لي تعالي وخلي اولادك لي امي مشيت ليهم لقيتهم قاعدين ورامي والولد المتزوج سلمي م صغير اكبر من رامي صلاح سلم عليهو وقال ليهو مقدمه طويله وعريضه وقال ليهو انا عارف انك متزوج سلمي الولد بقا محمر لي رامي ورامي لمن قام زاتو حسا بالاحراج صلاح قال ليهو اانا عاوز مصلحتك اسمع كلامي للنهايه وتاني اعمل الداير تعملو الولد نكر انو متزوج سلمي صلاح قال ليهو الشينه منكوره بس انا عايزه احكي ليك قصه باشمهندس طيب وولد ناس وخلوق وحياتو كانت منوره بي اسرتو ودخلت سلمي قلبت حياتهم لعتمه قال ليهو منو قال ليهو نسيبه دي اخت مرتي وصاحبت سلمي وما كانت مكتشقا عنها حاجه لانها كانت عامله زي الحيه خدعتها ودخلت بيتا واتزوجت راجلها وهي في عصمه راجل تاني لمن سوسن مرتي ونوسه كشفوها الراجل طلقها وشال اولادو وهرب عارف الحصل لي راجل نسيبه شنو قال ليهو شنو قال ليهو هداك مربط بالجنازير ودي نهايه البباري الحرام هسي انت العقد ليك منو وعرستك عشان شنو الولد بقا يتمتم قال ليهم رامي كذاب وانا م متزوج سلمي صلاح قال ليهو من حقك تكذبو بس عايز اقول ليك حاجه محمد اخو غيث عارف لمن وقف قصادها حصل شنو مرض مرض عجزو الدكاتره انو يشخصو عارف لمن الدكاتره م يشخصو مرض لزول يعني شنو يعني الزول دا معمول ليهو عمل ومات الله يرحمو وهي السبب في موتو وانت مصيرك واحد من الاتنين يا تموت يا تتربط بالجنازير وح تبيعك بيت اهلك وح تكتب اهلك وح تفقدهم وانا عايز مصلحتك ومصلحه الزوله دي عايزين نكشفها ونخت يدينا في بعض ونتخلص منها وما تقول انك ح تتخلص منها بي اخوي واخوك الزوله دي م ح تفارقك بالساهل ح تدمرك اختار يا تقيف معانا يا تغرق زي بقيه الجماعه والخيار ليك حسيت انو تصرف صلاح غلط الولد خاف منننا وبقا رافض يتكلم ونحنا كده وقعنا في الفخ لو مشا كلمها بي كلامنا دا تتوقعو الح يحصل شنو……….. يتبع

 

• لقراءة باقي فصول الرواية أضغط على (رواية أسرار خلف الأبواب)