رواية احببت متهم الفصل العاشر 10 بقلم نهلة أيمن

رواية احببت متهم الفصل العاشر 10 بقلم نهلة أيمن

 

 

البارت العاشر

 

همسه كانت قاعده فى مكتبها ومركزه على ورق قدامها بشده ..لحد ما لقت باب المكتب اتفتح ..ودخل منه شخص..
قالت بنرفزه
_هو مفيش باب يتخبط عليه ولا ايه؟؟
ملقتش رد رفعت وشها وقالت بعصبيه
_ هو انا مش….سكتت وبصت للشخص اللى واقف بفرحه واشتياق وقامت جريت عليه حضنته بحب كبير..
قال بحنان
_ وحشتيني اوي يهمستي.!
همسه بحب
_ وانت كمان وحشتني اوي يا انس..!!
ربت انس على رأسها بحنان..
_ حبيبتى عامله ايه؟
_انا تمام الحمدلله وانت..
_ انا بقيت بخير لما شوفتك..
_ دايما يارب..تعالَ اقعد..
دخلو وقعدوا همسه اتكلمت بقمص
_ ده كلو ومتسألش عليا؟
_ حقك عليا والله م انتي عارفه الشغل..
_ عارفه يحبيبى ربنا يعينك..اتكلمت بعدها بهدوء وقالت
_ طب ها عرفت حاجه ممكن تفيدنا؟!
اتنهد انس وقال
_ اه للاسف..وحاجه هتبقى صعبه عليهم اوي..
_ للدرجادى؟!
_ ايوا لانهم لما يكتشفو ان اللى بيأذيهم ده يبقى…
_ يبقى ايه؟
_ يبقى ابوهم يهمسه…الباشا هو نفسه محمود ابوهم
بصتله همسه بصمت ..مش عارفه تقول ايه؟..اصل ازاى!! ابوهم يعمل كدا دول حتي يبقو اولاده !.
همسه بحيره
_ بس..بس ازاى دول ولاده !؟
ابتسم انس بسخريه وقال
_ اومال لو تعرفى انه عنده بنت بقا !
_ بتقول ايه؟؟ يعني هو كان متجوز قبل طنط !! طب ولو كدا هي فين؟
_ اهه والاحلى بقا انه رماها فى ملجأ عشان يقدر يتجوز والده التوأم..
همسه بتوهان
_ مش مصدقه بجد هو فى كدا !
_ ولسه مش هتصدقى اكتر لما تعرفى هي مين…
بصتله بتساؤل عشان يكمل ..فقال ببرود
_ تبقى رنا البنت اللى عاصم اتجوزها ف السر !
همسه كانت بصاله من كميه الصدمات اللى قالها ..والحوار بقى معقد اكتر من الاول…
_ طب عرفت منين هي اللى حكتلك؟
_ ايوا
_ طب احكيلى وكمان هو يعرف انها بنته ؟
انس قال بهدوء
_ اسمعي…
&فلاش&
انس اتكلم بتساؤل
_ وهي فين بنته دي دلوقتى؟
بصتله رنا بدموع..
انس بصدمه اخرى
_ انتي؟؟؟ ازاى؟
ردت رنا ببكاء
_ايوا اناا …اناا اللى ابوها رماهاا وهي لسه عيله.. انا اللى هُنت عليه وسابنى..عشان خاطر يروح يتجوز ويكمل حياته ! اول ما ماما ماتت رماني واتخلى عني ! مفكرش فيا ! هو سابنى ومهموش حد غير نفسه وبس..هو اللى خلاني ابقى بنت مش كويسه خلاني وحشه ..خلاني بقيت اشوف نفسى حقيره وزباله اوي..خلاني ابقى قاتله يا انس ..خلاني ابقى مجرمه.. انا بكرهو بكرهو اوي يا انس..
انس كان بيبصلها بشفقه…بعيدا عن ايه حاجه حصلت ..بس هو متعاطف معاها…
اتكلم بهدوء
_ اهدي يا رنا بس اكيد انتي جواكي لسه كويسه ..تقدرى تصلحي كل ده..
ردت عليه بسرعه وقالت
_ لا..لا انا بقيت مشوهه من جوه يا انس كل اللى حصلى بقى نقطه سودا فى حياتي ومش عارفه اتخطاها..
ابتسم انس وقال
_ بس تقدرى تصلحى كل ده؟ وتاخدي حقك..
بصتله بدموع
_ ازاى؟
_ هو يعرف انك بنته؟
_ لا..ومش هيعرف..
_ بالعكس عشان تعرفى تاخدي حقك لازم يعرف..
_ طب فهمني ازاى؟
_ الاول يا رنا انتي عايزه تتغيرى ولا لا؟
سكتت شويه بعدها ردت عليه قالت
_ عايزه اتغير يا انس عايزه ابقى بنى ادمه كويسه..
ابتسم انس وقال
_ يبقى خلاص هتسمعى كلامي..
هزت رأسها بموافقه ..
_ يبقى اتفقنا..
&رجوع للواقع&
_ بس ده اللى حصل..
همسه كانت بتفكر تعمل ايه؟
_ بتفكرى ف ايه؟
اتنهدت همسه وقالت
_ بفكر بأنها ملهاش ذنب ف كل اللى حصل …هي عملت كل حاجه نتيجه للى حصلها زمان .انا مش ببررلها والله بس هي فعلا اتظلمت..لازم تاخد حقها يا انس..هتساعدنى؟
ابتسم انس وقال
_ معاكي يهموسه كدا كدا..
ابتسمتله بحب وقالت
_ تمام يبقى اول حاجه لازم نعملها اني اقابل رنا… كلمها يا انس وقولها انكو عايزين تتقابلو..
_ اعتبريه حصل..
_ تمام كدا وسيب الباقى على ربنا ثم عليا…
☆☆☆☆☆☆☆☆☆☆
(عند الباشا)
**********
كان مستني اخبار مهمه…وكل شويه يبص على التليفون…
دخل مساعده وقال
_ يباشا..معاد العمليه قرب…
اتكلم وهو دماغه مشغوله
_ تمام ماشى
بصله مساعده باستغراب من حالته
_ انت كويس يباشا؟
_ اه كويس
_ متأكد؟
رد عليه بغضب
_ قولت اه خلااص امشى غور بقاا..قاطعه رن تليفونه فرد بلهفه
_ هاا وصلت لحاجه؟
رد الطرف الاخر
_ ايوا يباشا البنت طلعت عايشه…
رد بفرحه
_ بجد؟ طب عرفت اي عنوان ليها او اي حاجه اقدر اوصلها بيها !
الطرف الاخر
_ اللى عرفته انها لما تمت عشره سنين في عيله خدتها وفضلت عايشه معاهم لحد ما تمت ال١٨ سنه وهما اتوفوا وهي مشيت…
_ اقلب الدنيا عليها ..البنت دي لازم تلاقيها سامع..
_ تمام يباشا…اه صح يباشا عرفت اسمها
_ قول بسرعه
_ اسمها رنا محمد الاسيوطي…
ردد الاسم بصدمه
_ رنا ؟!!!!
&&&&&&&&&&&
عبدالرحمن كان بيتمشى بالعربيه وهو بيفكر ف اللى حصل واللى بيحصل وهو مش قادر يستوعب حاجه…اكتر شخص وثق فيه كان سبب انه يكره اخوه ويحاول يقتله ويحبسه !! طب ليه بيعمل كدا؟ هدفه ايه…؟
وقف العربيه بضيق ونزل منها وقال
_ يارب اظهر الحقيقه..انا تعبت خلاص…
وقف سرحان شويه لحد ما لمحها قاعده على النيل بتعيط !! قرب منها وقعد جنبها بهدوء…بصتله وعنيها مليانه دموع وقالت
_ انت بتعمل ايه هنا؟
رد بهدوء
_ بتعيطي ليه؟
لفت وشها وقالت
_ ملكش دعوه..
_ احسن برضو مش مهتم اعرف…
بصتله بعصبيه..ف ابتسم وقال
_ بهزر..قولى بتعيطي لي؟
_ انت السبب..
رد باستغراب
_ انا؟؟
_ اه انت ومتتكلمش معايا بقى
_ انتي عبيطه؟
رفعت صوباعها فى وشه وقالت
_ لا بقولك ايه هتقل ادبك هزعلك ماشى؟
_ لا يجدع..؟ طب وريني انا عايز ازعل…
بصتله شويه وركزت ف ملامحه بعدها بعدت بسرعه وقالت
_ بنى ادم مستفز…
ابتسم عبدالرحمن عليها ومد ايده وقال
_ طيب انا عبدالرحمن وانتي؟
بصت لايده شويه بعدها قالت
_ اتشرفت بيك انا بسنت…
_ اهلا بيكي ي بُسبس
بصتله باستنكار
_ بُسبس؟
حمحم باحراج
_ كلمه عفويه يعني …المهم قولى بقا كنتى بتعيطي ليه؟
تنهدت بزعل وقالت
_ روحت الامتحان متأخر وعكيت جامد وده كله بسببك عشاان سيادتك خبطت فيا الصبح…
ابتسم على عصبيتها وقال
_طب انا اسف..ان شاء الله يستي هيعدي على خير تفائلى
_ يارب…بعدها بصت ف الساعه وقالت
_ انا اتأخرت اوي مضطره امشى…
قال بسرعه
_ هشوفك تانى؟ احم اقصد يعني…
قاطعته ببسمه
_ لو لينا نصيب نتقابل تاني هنتقابل يلا سلام..
_ سلام…
بسنت مشيت وهو فضل سارح ف اثرها وابتسم ومشى
♤♤♤♤♤♤♤♤♤♤♤♤♤
(فى شقه أنس)
&&&&&&&&&&
كانت همسه قاعده هي وانس مستنين..رناا..
انس اتكلم وقال
_ تفتكرى هتوافق باللى هنقوله؟
همسه ردت بثقه وقالت
_ رنا جواها شخص كويس يا أنس..وبعدين هتوافق عشان تاخد حقها وحق والدتها بس بالعدل ..
انس اتنهد وقال
_ اتمني توافق..
همسه بتساؤل
_ بتحبها يا أنس؟
بصلها بتوتر وقال
_ ايه ! لا بحب ايه لا طبعا..
_ متأكد؟
_ اه ..اه طبعا متأكد….قاطع كلامهم صوت خبط على الباب..انس غمض عينه براحه..انه الباب نجده…فقام عشان يفتح…
همسه
_ بتحبها يا أنس..وانا متأكده من كدا بس ياريت انت كمان متظلمهاش يا انس..
انس فتح الباب وكانت رنا ابتسمت ليه وقالت
_ اول م قولت انك عايزني جيت على طول…
_ اممم ادخلى
ردت باستغراب
_ مالك يا انس؟
_ مليش ادخلى يلا…
دخلت وهي مستغربه طريقته بس اتصدمت لما لقت همسه قاعده…
_ انس هي بتعمل ايه هنا؟ انت تعرفها !
اتكلمت همسه بهدوء
_ ممكن تقعدى ونتكلم بهدوء !
بصت رنا لأنس وقالت
_ انت جايبها هنا ليه؟ سكتت شويه وقالت بدموع
_ انس انت هتبلغ عنى؟ هتتخلى عني انت كمان !
بصتلها همسه بلطف وقالت
_ رنا انا هنا عشان اساعدك مش عشان أذيكي صدقيني والله …
_ تساعديني ف اي؟
_ اساعدك تاخدي حقك وحق والدتك وكمان هساعدك ف قضيه قتل عاصم…!
رنا وجهت كلامها لانس وقالت بخوف
_ انت قولتلها يا انس! انت بعتنى
انس اخيرا اتكلم وقال بهدوء
_ رنا ممكن تقعدي عشان نفهمك
_ ايوا..اسمعيني بس للاخر…بس مقابل مساعدتي انا كمان عايزه مساعدتك..
_ انتي عايزه ايه بالظبط..واساعدك ازاى؟
_ هتوصليني للباشا وتساعديني ناخد منه اعتراف بأنه هو اللى قتل عاصم وكمان هو اللى حرض عاصم لقتل شهد….
رنا بحيره
_ بس انا مش هعرف اعمل كدا اناا…
قاطعها أنس ومسك ايدها بحنان
_ لا هتعرفى ثقى ف نفسك…وبعدين انا هكون معاكي متخافيش…
ابتسمتله رنا بأمتنان…
اما همسه بصتلهم ببسمه ومن جواها قالت
_ مش هخليك تخسرها يا انس…
♡♡♡♡♡♡♡♡♡♡♡♡♡♡
يُتبع..

 

• لقراءة باقي فصول الرواية أضغط على (رواية احببت متهم)