رواية غيث ونوسة – اسرار خلف الأبواب الفصل الثالث والعشرون 23 بقلم نوسة حمد

رواية غيث ونوسة – اسرار خلف الأبواب الفصل الثالث والعشرون 23 بقلم نوسة حمد

 

 

البارت الثالث والعشرون

 

#اسرار_خلف_الابواب23.
#نوسه_حمد
سوسن قالت لي نوسه فاتنك جنس شمارات اسكتي بس قلت ليها شنو ي سوسن قالت لي سلمي قلت ليها مالا ان شاء الله ماتت قالت لي ي ريت بس موضوع غير دا قلت ليها شنو م تحرقي روحي قالت لي تتزكري ولد اخت راجلي الشاف سلمي دفنت العمل قلت ليها اي مالو قالت لي أمس جا قال لي صاحبو اتزوج سلمي قلت ليها غريبه اتزوجت ولد صغير سوسن انتي متأكده قالت لي حلف لي بي الله قلت ليها الولد دا عندو قروش قالت لي لا بس ابوهو اكبر جزار في المحليه وغنيانين بس الولد صغير قلت ليها دقس والله الزوله دي م عرستو حبا فيهو الزوله دي طمعانه فيهم وح تدمرهم وح تشوفي الولد العرستو دا لمن شافوها ختت العمل وطلعو كان معاهم قالت لي دي م بتفوت علي اول سؤال سألتو لي رامي وحزرتو انو يجيب سيره الكلام دا قلت ليها الحمد لله بقيت محتاره في سلمي هل دي شخصيتا ولا انا كنت مخدوعه فيها معقوله للدرجه دي سلمي تستغفلني وتدخل بيتي وتكتب راجلي وتخليهو يمشي وراها ويعرسها وتجنننو كل م اتزكر المغسه المغستني ليها وانها خربت بيتي بداعيها من جوه قلبي

 

 

مرت الايام وظهرت النتيجه وكنت عايشه علي اعصابي والحمد لله جبتا 82 فرحت فرح واهلي اشيلو ويزغرتو لي وسجدت سجده شكر وابوي اشيل ويوزع في الحلاوه والبارد والناس تبارك كنت فخوره اني م اتأثرت بالحاصل لي ونجحت بتفوق الحمد لله وربنا عوضني وفرحه نجاحي عمري م ضوقتها اكتشفت كل فرحه طعمها براهو جربت فرحه الزواج وفرحه الإنجاب فرحه النجاح والانجاب ديل فرحتهم توزن الدنيا كلها اتصلت علي نمارق فرحتها معاي وزغرتت لي زغاريت قلت ليها الفضل يرجع لي ربنا وليك انا بشكر الصدفه اللمتني بيك قالت لي انتي احلى اخت في دنيتي نوسه انتي امي واختي وابوي حتي وانتي بعيده مني برائتك وطيبتك في وشي قلت ليها انتي الطيبه والله ربنا اديم خوتنا يارب قالت لي امين سفيان بسال منكم طوالي وبسال من غيث واخوهو الاسمو محمد دا متواصل معانا بس شايفاهو قال لي عيان قلت ليها محمد مالو قالت لي والله م عاارفه بس سفيان قال لي اخو غيث عيان واتصل عليهو عشان في قروش ح تجي لي غيث قال لي سفيان استلما انت انا تعبان قلت ليها ياربي مالو الا اتصل اشوفو قفلت من نمارق واتصلت عليهو وصوتو كان كعب شديد وبتنفس بصعوبه قلت ليهو الحاصل شنو الف سلامه ليك قال لي والله م عارف العندي م خلينا فحص م عملناهو وكل الفحوصات نظيفه بس انا م كويس حاسي اني ح اموت قلت ليهو بعد الشر عليك ربنا يقومك بالسلامة ونفرح بي زواجك قال لي في الجنه ان شاء الله وانا والله ي نوسه كنت جاييكم بس م قادر اتحرك ومركبين لي جهاز الأوكسجين قلت ليهو م بتقصر ح نجيكم نحنا قال لي ي ريت تجي واكون شاكر ليك حسيت انو محمد م طبيعي مشيت لقيت ابوي قاعد قال لي مالك مخلوعه قلت ليهو ابوي محمد اخو غيث تعبان شديد وانا لازم امش ليهم دا عم اولادي ووقف معاي ولاخر لحظه حزين علي طلاقي ابوي قال لي خلاص تمام زياره المريض فيها اجر بكره بمشي معاك قلت ليهو طيب تمام منها واسوق معاي اولادي اشوفو اهلهم قال لي تمام مشيت نومتا وبالي في اخو غيث بقيت اتزكر سلمي ومصايبها وهو قال متحديها اكيد حصل شي يا كمان هو يكون عيان ساي
الصباح لبسنا َوطلعنا انا وابوي وقبل نتحرك اتصلنا كلمنا محمد قال لينا تشرفو وصلناهم قريب الفطور اول م دخلنا شفت غيث مربط بالجنازير في مظله جنب الباب لا شعوريا دموعي جرت وبكيت قدرتي ابوي لمن بقا يشاكل فيني منظرو قطع قلبي ولقينا اخوات غيث سلمن علي وعزيتن في امهن وقالن لي والله الحاصل عليك كلو م عارفنو وماقايلين غيث طلقك ولا ختاك في موقف شين وعرس صاحبتك المتزوجه قلت ليهن الحمد لله ع ما اراد الله كل الحصل قسمه ونصيب ومالو محمد قالو لي محمد الحمد لله بس فجاه وقع بقا لا بجر يد لا كراع م خلينا ليهو دكتور كان جاري مع غيث بوديهو الدكتور كل فتره وكان ساكي حقوقو وحصلت مشكله البيت قلت ليهن مشكله شنو وبيت منو قالن لي انتي م عارفه مرت غيث العرسها فيك باعت البيت ومحمد لمن عرف مشا فرتق البيعه ووقف قدامها واتحدتو قام محمد رفع فيها قضيه انها اتزوجت وهي متزوجه الجلسه الاولي محمد جا منها لا برفع يد لا كراع واي قلت ليهم الزوله دي اكيد عملت ليهو حاجه لأنها بتاعت مصايب قالو لي م خلينا دكتور واخر دكتور دا قالا لينا عديل ودوهو لشيخ وافتحو ليهو قران كلامهم قطع قلبي الولد صغير يا حليلو سلمي الله ينتقم منها ويدمرها زي م دمرت الناس اخوات غيث شالو اولادي الصغار وفرحانين بيهم شديد قالو لي الله ادي ابوهم العافيه

 

 

ويشفيهو من الهو فيهو دا ويفرح بيهم قلت ليهم امين ومشيت لمحمد الولد قطع قلبي جهاز الأوكسجين من ناحيه والقسطره وحالتو حاله سلمت عليهو وكفرت ليهو قال لي كنت جاييكم بكراعي بس الله م هون لي سفيان ح يجيب ليك امانه حقتكم والجلسه الجايه في المحكمه تمشي انتي ماتخلي حق اولادك يضيع الزوله دي هي الغلط وما من حقها تبيع البيت انا طعنت فيها بس محتاج ليك انتي زاتك تمشي الجلسه قلت ليهو ان شاء الله قال لي لو جاتني حاجه اقيفي مع غيث حتي لو م عايزه ترجعي ليهو دا ابو اولادك اولادك بعد يكبرو ح يحتاجو ليهو انا عارف هو مطلقك واي شي بس صدقيني غيث م براهو اقيفي جنبو وليك الاجر ولو انا بقيت كويس اخوي والله م اقصر منو حتي لو كان مخاصمنا دا لحمنا ودمنا ما بنرضا فيهو قلت ليهو ليك طوله العمر م تقول كده ان شاء الله ح تبقا كويس وغيث ح يبقا كويس وتعرسو مع بعض قال لي ان شاء الله ياخ بس العمر م معروف الولد قطع قلبي والقالو لي م بقدر اعملو بالذات اني اقيف قدام سلمي في محكمه ح تدمرني زي م دمرتو ودمرت غيث قيلنا معاهم ورجعت بهم اكبر علي همي وحكيت لي امي قالت لي كور علي الولد صغير سلمي الله ينتقم منها قالت لي كل منك انتي السبب قلت ليها يمه دا كلام شنو مالي انا قالت لي بت زي دي تدخليها بيتك استفدتي شنو قلت ليها يمه انا والله كنت شايفاها بت محترمه اكتر مني والحصل منها دا كلو صادمني عديل قالت لي غايتو فتحتي لي نفسك ابواب جهنم قلت ليها الله كريم ان شاء الله ولد الناس يبقا كويس يمه ياحليلو همو كلو ادي اولادي حقهم قطع قلبي والله قالت لي طيب والطيبه ظاهره في وشو راجلك لقا وتقا ونساهم وحاربهم قلت ليها لا يمه والله غيث كان بريدهم ريده وكان بعمل ليهم الف حساب وحقو كلو ليهم بس اظنو من طلقني وارتبط بي سلمي حاربهم وبكون خجلان من سبب طلاقي منو م عايز يقولو ليهم عشان كده قطع علاقتو بيهم يا كمان سلمي كتبتو انو م يشوف اهلو ويقسا عليهم ودا كلو وارد بس الشي المتاكده منو سلمي ورا مرض محمد دا لانو قال لي رفع فيها قضيه وهي اي زول يعمل ليها حاجه بتضرو يمه فكرك عملت في غيث كده ليه بعد كانت طايره بيهو السماء اكون كشفها ولا العمل فكا وجددتو ليهو بواحد اقوي غايتو للشافتو عيني دا م بتوقع منها غير الحاجات دي وشكلها عايزه تضرني انا واولادي عشان تشيل البيت امي قالت لي مالك ومال البيت ان شاء الله تشيل بيتنا القاعدين فيهو دا زاتو احسن تبعدي من شرها شوفي حماك اتحداها ووقف في طريقها رقدتو ف السرير قلت ليها

 

 

يمه كل شي قدر قالت لي اي نعم بس السحر والعين واردات وهي بقت سبب في مرضهم ودمارهم وانا خايفه عليك ي بتي اوعك تسمعي كلام زول وتقولي بيت اولادي اولادك فاهمين للبيت شنو صغار م جايبين خبر تقومي تقيفي قدامها ترقدك في السرير اولادك محتاجين ليك كضابه لو قلت ليك بسد مكانتك انا خلاص بقيت كبيره في العمر وماف واحده من اخواتك فاضيه ليهم ولا عماتهم وابوهم م جايب خبر قلت ليها يمه هسي انتي مالك طوالي جريتي للشين قالت لي يختي سلمي دي من عرفناها ما شفنا سمح الله ينقم منها وكلام محمد دا انسيهو انا م ح اخليك قلت ليها كويس يمه وان شاء الله هو يبقا كويس ويقيف في حق اخوهو براهو ويعالج اخوهو قالت لي ان شاء الله
مرت الايام واتصلت في تلفون محمد قلت افقدو ماف رد اشيل واتصل ماف رد وعندي رقم اخواتو اتصلت برضو م ردو لي نهايه اليوم اتصلت وردت علي واحده من اخواتو اسمها مني سلمت عليها وصوتا كان م طبيعي قلت ليها اتصلت عشان اطمئن علي محمد قالت لي يا حليل محمد ي نسيبه ياحليل اخوي اللامينا ولما غيث وتعب في علاجَو يا حليل محمد البفتش لي حق اولادك ياحليل محمد الاخر كلامو غيث واولاد غيث هي تبكي وانا حاسه الدنيا لافه بي قلت ليها مني محمد مالو ما تتشائمي ليهو ان شاء الله يبقا كويس قالت لي محمد اخوي مات يا نسيبه……………….. يتبع

 

 

• لقراءة باقي فصول الرواية أضغط على (رواية أسرار خلف الأبواب)