رواية غيث ونوسة – اسرار خلف الأبواب الفصل الثاني والعشرون 22 بقلم نوسة حمد

رواية غيث ونوسة – اسرار خلف الأبواب الفصل الثاني والعشرون 22 بقلم نوسة حمد

 

 

البارت الثاني والعشرون

 

#اسرار_خلف_الابواب22
#نوسه_حمد
سوسن قالت لي نوسه انتي م عارفه كميه الرعب الجواي نوسه الزوله دي بتاعت مصايب وح تدمرك وانا خايفه علي اولادك انتي م شفتي الكلام المكتوب قلت ليها سوسن انت هسي جيتي تطمنيني ولا تطيري قلبي انا هسي اعمل شنو انا ذنبي شنو الزوله دي تكتبني بعد غيث خليتو ليها معناتا سلمي دي م قصدها غيث ولا قروشَو قصدها تدمرني انا واولادي ويا خساره ودي القلت اختي ودخلتها بيتي ومديت ليها يدي وكنت مخلصه ليها وفي كل المجتمعات بدافع ليها دا جزاي سوسن قالت لي انتي مسكينه شديد هسي عايني لي انا اختك الكبيره لا عندي صاحبه لا قريبه الناس كلهم اصحابي بس بعيد بعيد مفتكراني هبله ادخل لي واحده بيتي واقول زي اختي لا والله اذا كان ربنا قال النفس اماره بالسوء فما بالك نفوس تانيه نوسه نحنا حزرناك بس انتي كنتي عمياء عديل ياخ كتير خسرتينا بي سببها قلت ليها سوسن م تزكريني وهدا حقكم خلص عشان فضلتا الغريبه عليكم قالت لي غريبه لي غريبه بتفرق عشان م نظلم البقيه شوفي نمارق دي اكتر من اخت وغير ارشدتك للطريق الصاح وساعدتك م ضرتك قلت ليها نمارق ولا مقارنه سوسن انتي عارفه سلمي دي شده م حاسده زمان لمن اقول ليها نفسي ادخل الجامعه زيك تنبزها لي وتقول لي الجامعه كلام فاضي والقرو عملو شنو عكس نمارق اول شي قالت لي نوسه التعليم حلو ولازم تتعلمي واصرت اني اقرا نورت عقلي الله ينور عقلها ويضلم عقل سلمي والبتعمل لينا فيهو دا يرجع ليها ي رب قالت لي اصلا ح يرجع ليها اصبري وعايني بي عيونك واتفرجي وهسي كدي خلينا في المصيبه الفي يدي دي قلت ليها نكلم امي نحنا امور الكتابه دي م بنفهم فيها قالت لي ارح مشينا لقينا امي تصلي انتظرناها لمن خلصت سوسن حكت ليها القصه من الاول قالت لينا كدي الورق سوسن منعتا تفتحو وربطناهو في كيس عندنا شيخ في حلتنا مشينا ليهو بالورق لمن فتحَو لمن اتعوذ وامي تقول ليهو فيهو شنو ياشيخ قال ليها خليك من الفيهو نسيبه دي منو امي قالت ليهو بتي دي وغيث وكريم ديل منَو قلت ليهو دا زوجي وولدي قال لي اول شي انا الورق دا بغسلو في البحر وانتي يوميا الصبح تصحي تقري سوره البقره ويس وتحصني اولادك وتكوني علي طهاره وزوجك كذالك قلت ليهو زوجي الحمد لله علي م اراد الله هو طلقني بسبب الزوله العامله العمل دي وجننتو وبقا فاقد الوعي قال لي اعوذ بالله منها زي م بتدمر في الناس مصيرها تدمر قلت ليهو متين لكن هدت حيلنا قال لي ي بتي الناس الزي ديل بكونو غرقانين غرق في المعاصي ربنا بديهم فرصه فرصتين تلاته عشان يخلو البعملو فيهو دا اتراجعو وبطلو البعملو فيهو واستغفرو ربنا بغفر ليهم الا حق الناس ولو بقو مواصلين في الطريق دا ربنا بديهم اضعاف البعملو للناس ودا امتحان ي بتي اصبري وان شاء الله م يحصل الا الخير واسمعي كلامي اتحصني وكوني علي طهاره انتي زوله متعلمه م جاهله بعد تصلي اقعدي في مصلايتك م تقومي وامسكي المصحف وبوريك الايات البتبطل السحر ردديها يوميا وان شاء الله ما بتجيك عوجه واهم شي الزول الكشف البت العملت العمل دي م يتكلم عشان احتمال تمش تجددو خلوها تعيش علي انو خطتها نجحت وانك ح تدمري والتشوف قدره ربنا فوق كل شي كشفها ليكم قلت ليهو شكرا ليك كلامك طمن قلبي وانا ح اعمل كل القلت لي عليهو باذن الله قال لي بس الله يفتح عليك امي شكرتو ودايره تديهَو قروش حلف قال ليها انا م بتاجر بالدين انا بقرا للناس وبعالجهم لوجهه الله تعالي وبكون مبسوط لمن اعالج انسان وانقذو من الدمار وماهمي القروش نهاي ولو احتجتو لي في اي وقت تعالو انا قاعد وزوجك لو في طريقه جيبو لي بعالجو قلت ليهو م بتقصر زوجي مع اهلو قال لي ربنا يشفيهو شكرناهو وطلعنا قلت لي سوسن بركه الكلمنا امي لو ما هي كان نحنا خربنا اي شي ماشين في الشارع لاقتنا من بعيد سلمي نزلتا عربيه نحنا شايفنها وهي م شايفانا لمن اندسينا منها بعد شويه لاقاها واحد من اولاد حلتنا اداها مفتاح ونحنا نعاين بس م فاهمين اي شي امي قالت لينا نفس م اسمعو لمن الزوله دي تفوت انتظرناها لمن فاتت مع الولد انا قلت الا الحقها امي شاكلتني وساقتني قالت لي دايره بيها شنو ان شاء الله تحرق وتغرق م عندك فيها شغله قلت ليها يمه دا منو قالت لي انا اولاد الحله القامو جداد ديل م بعرفهم اسمعيني البت دي م عندك فيها شغله خليك في روحك قلت ليها نفسي اعرف مشت بيتهم ولا لسه قاعده في بيت غيث قالت لي مالك ومالا َوصلنا البيت لقيت محمد اخو غيث قاعد مع ابوي سلمنا عليهو ودخلت علي اولادي ابوي قال لي امي اعملي الاكل سوسن اختي ساعدتها وغدوهم وانا م طلعت عليهم تاني لغايه م ابوي ناداني ليهو طلعت شايله كرم ولدي لانو كان ببكي قال لي م شاء الله ربنا يحفظو غايتو اولادك م شالو منك شي يشبهو غيث قلت ليهو فعلا والله وهو كيف قال لي خليها بالنيه ي نوسه غيث اخوي ادمر الله اعلم ارجع زي اول وشكلو كان مدمن والدكتور قال نخليهو في المصحه بس انا رفضتا وبقيت متابع ليهو في العلاج قلت ليهو ربنا يشفيهو قال لي نوسه انا جيتك في موضوعين الموضوع الاول القروش ديل حقات اولادك تدسيهم تاكليهم المهم دا حقهم قلت ليهو محمد انا والله عافيه ليكم القروش دي محتاجين ليها في علاج غيث انا والله مستوره معاي قال لي نوسه خلي الطيبه دي ودا حقك انا لو احرقو م بشيلو تاني قال لي ممكن ي نوسه ترجعي بيتك ابوي طوالي قال ليهو بيت شنو انا م عندي بت مطلقه بتمش تقعد في بيت راجل بيتي لو قطيه بشيلني وبشيلا محمد قال ليهو عارف يا حاج بس دا بيت اولادها العمر م معروف وما معروف غيث يرجع طبيعي ولا لا والزوله الاسمها سلمي دي عايزه تبيع البيت لمن بتك تقعد فيهو بي اولادها م ح تقدر تعمل حاجه وانا والله مع اخوي مافيني حيل اسكت لي قضايا وقعاد نسيبه في بيتها بوضح لينا الزوله دي عايزه تعمل شنو انا م عايز الفاس تقع في الراس انا غشيت البيت هسي والناس الماجرين فوق ليكم قالو لي مرت غيث الجديده طردتنا ونحنا قاعدين في المكان دا لينا سنين كلم لينا نسيبه قلت ليهو محمد انا م بقدر اقعد فيهو عشان انت م بتعرف نوايا الزوله دي وعشان اكون معاك واضحه الزوله دي بتاعت شيوخ لو وقفنا في طريقها صدقني ي محمد ح نخسر أرواحنا قال لي ونسكت عشان نخسر حق اخوي التعب فيهو انا م بسكت والله وخليها تكتبني قلت ليهو محمد الزوله دي والله كعبه لو ختتك في راسها مشكله قال لي كمان عشان اقول ليك انا الختيتا في راسي يا انا ويا هي سلام عليكم وفات محمد ولد صغير اصغر من غيث وسلمي م ح تخليهو في حالو ح تدمرو
مرت الايام والشهور وتاني م عرفت عنهم اخبار ونمارق ولدت مشيت لي ولادتها والسمايه وقعدت معاها اسبوعين ولدتها ورجعتا تشيل وتوصي فيني علي اولادي وروحي وبقت خايفه لمن كلمتها بي حركات سلمي قالت لي م هينه واصلا راجلك دا من الاول عملت ليهو شي قلت ليها الله يشفيهو غيث رجعت بيتنا وكنت مشتاقه ليهم جنس شوق وسوسن لقيتا قاعده منتظراني قالت لي طبعا جنس كلامات قلت ليها كيف قالت لي تتزكري الولد الشاف سلمي عملت العمل ولد اخت راجلي قلت ليها اي مالو قالت لي طبعا صاحبو اتزوج سلمي قلت ليها شنو شنو……….. يتبع

 

• لقراءة باقي فصول الرواية أضغط على (رواية أسرار خلف الأبواب)