رواية غيث ونوسة – اسرار خلف الأبواب الفصل السادس عشر 16 بقلم نوسة حمد

رواية غيث ونوسة – اسرار خلف الأبواب الفصل السادس عشر 16 بقلم نوسة حمد

 

 

البارت السادس عشر

 

#اسرار_خلف_الابواب16
#نوسه_حمد
قلت ليها خالتو فاطمه انا والله حته اني اتزوج دي م اظن انا نفسيا ما مهيأ لي اني اكون زوجه ح اظلم ولدك لانو انا بقت عندي فوبيا من الرجال قالت لي يعني ح تقعدي كده قلت ليها. م معروف البحصل شنو انا هسي عايزه ارجع اهلي وعايزه اشوف رده فعل ابوي وغيث ولازم اتشجع علي اللحظات دي قالت لي ربنا يهون ليك والله انا دورتك من قلبي لي ولدي بس الله يسعدك قلت ليها وانا والله احسن من ولدك ومنك م بلقا بس الحمد لله علي قسمتي قالت لي م مشكله م معروف الظروف نمارق جات لقتنا نتونس سلمت علينا وقالت لينا مشيت عزلت الدهب وحجزنا الصاله قلت ليها يعني ح تعرسي كده قالت لي اكيد طبعا ي نوسه قلت ليها عرسك متين قالت لي بعد شهر قلت ليها هيا م اظني احضرو قالت لي نوسه لو م حضرتي عرسي ما ح ارضا منك وبزعل قلت ليها نمارق انا قررت خلاص اني ارجع اهلي قالت لي عارفه ي نوسه وشهر م فرقت والله محتاجه ليك ممكن م تخزليني وتقعدي معاي خالتو فاطمه قالت لي م تكسري خاطرها قلت ليها هدي خالتو فاطمه معاك وبتها معاك م بتحتاجيني انا قالت لي بس انتي اختي شديد نمارق طيبه شديد قلت ليها ان شاءالله بشوف طبعا صحبتها بت خالتو فاطمه بتقرا طب في الخرطوم ولمن جينا جيتنا التانيه مالقيناها بس قالت بتجي للعرس قلت ليها هي بتقيف معاك اصرت اني احضر عرسها وانا م عندي استعداد احضر اي شي قلت ليها نمارق انتو عاملين عرس وجوطه وصاله ونسيتو مرتو قالت لي هو محزرني هسي قبل العرس انو م افتح خشمي بس بعد نتزوج لو عرفت خلاص بس قال م عازم زول من طرفها يعني م ح تعرف قلت ليها عرس وفي صاله وما تعرف ي بت نحنا في السودان بلد الشمارات معقوله بس ما يصلها شمار عررسو التاني قالت لي ان شاءالله م ح تعرف وخليك منها نوسه اقعدي قلت ليها اول شي فاجأتيني بالصاله

 

 

دي قالت لي والله كنا م عايزين نعمل عرس ولخمه بس امو قالت ليهو البت فتاه اعمل ليها عرس قلت ليها اهلو بجو قالت لي اكيد قلت ليها يلا شيلي شيلتك يوم الصاله انتي ح تتزعمطي والله مرتو الداينصوره دي م ح تخليك قالت لي لا م ح تجي انتي بس قولي م ح تمشي قلت ليها نقعد وين قالت لي اصلا نحنا ح ناجر شقه وسفيان م بجي فيها الا ليله الدخله انتي الشهر دا تقعدي معاي انحبس فيهو وانتي زاتك تتميزي معاي قلت ليها انا ياحليلك ي نمارق حبسه شنو اشهد الله انا وشي بي صابونه م قاعده اغسلو قالت لي دا زمان لكن والله لي عرسي تغسلي وتمسحي كمان قلت ليها ان شاءالله ربنا يسهل وعشان انتي وقفتي معاي في ولادتي مستحيل افوتك فرحت فرح شديد بقيت افكر اهلي اتصرف معاهم كيف تاني يوم سفيان اتصل وقال لي نمارق جهزو حالكم بعد المغرب جاي اسوقكم اجرت الشقه قالت ليهو طيب وجات كلمتني م عارفه انا نهاي راجلا دا م ارتحت ليهو وما حابه احرجها طالما انا ماشه منهم م عندي فيهو شغله بس نمارق يتيمه وصبرت في الحياه تجي في النهايه تتخوزق قلبي معاها بعد المغرب انتظرناهو جا بي عربيتو ساقنا ومشينا الشقه شقه رهيبه عباره عن جنه بس شكلو عندو القروش قلت ليها شغال شنو قالت لي مهندس قلت ليها م شاءالله قال لينا اخدو راحتكم دا اكل جاهز والتلاجه ملانه وجيت ليكم حاجات الشهر نمارق شكلها بتحبو شديد ولا خجلت مني قعدت تتكلم معاهو بي رومانسيه وشكلو هو بحبها حب م عادي غايتو انا بقيت واقفه ف نصهم صغيره قلت ليهم احم احم اعتزرو لي وودعها وفات قال ليها بجي غاشيك للجامعه قالت ليهو تمام قالت لي سفيان حنين شديد قلت ليها سفيان هين انا بس خايفه من مرتو قالت لي انتي قايلاني م خايفه بس اعمل شنو خلاص البقا بقا وانا سفيان م بخلي ليها لو ماتت قلت ليها ربنا يسعدك حبيبتي قالت لي امين يارب ويعوضك انتي بي راجل يسندك قلت ليها ي بت راجل شنو انتي جنيتي والله انا ولا بفكر تاني اعرس بكمل قرايتي وبمتحن من البيت هسي بعد جينا هنا عايزه اقرا وامش امتحن في بلدنا قالت لي والله فكره ي نوسه بس بوصيك م تخلي قرايتك قلت ليها لا ان شالله ويلا ناكل كريم شكلو جيعان بقينا ناكل ونتونس قالت لي كلام بوجع القلب قالت لي عارفه ي نوسه اكل زي دا كنت بحلم بيهو حلم خيلاني رغم انهم ربوني بس لمن يجيبو لي اولادهم اكل زي دا بخلوني لمن انوم وياكلوهو وانا بكون م نايمه اصلا ودموعي بتكون في عيني وما بحسسهم اني شفتهم قلت ليها معليش حبيبتي ربنا عوضك قالت لي الحمد لله في تفاصيل كتيره انا كنت فاقداها انتي مفتكراني سفيان شفتو لمن جينا ناجر لا ي نوسه قلت ليها كيف بتعرفيهو انتي قالت لي النحكي ليك سفيان دا عرفتو في الفيس وحبينا بعض دا قبل اقدم للجامعه المهم هو صارحني انو متزوج وما ولد وعايز يتزوج في مرتو وقال لي استخيري المهم ي نوسه استخرتا ولقيت نفسي مرتاحه للموضوع ولمن جيت اقدم للجامعه قدم لي هو ولمن جينا هنا هو كان متابع معاي لمن فتشنا ومالقينا مكان هو قال لي زوجتو في غرفتين فوق بتاجرهن لي بنات الجامعه ممكن تمشو ليها ف الاول خوفتا بس هو قال لي م اقول ليك انتي حاجه ووصف لي المكان قال لي في بتاع دكان اسالي بوريكم قلت ليها ايوا دا هو الكان بتكلم معاك دا قالت لي اي ي نوسه ومشينا انا وانتي وأجرنا ورغم الحصل ف النهايه بس ربنا شافنا تتزكري لمن قلت لي راجلها نظراتو غريبه طبعا هو بكون اعاين لي قلت ليها نمارق انتي البتحكي فيهو دا جد قالت لي اي والله وحكيتو عشان اطمن قلبك وع فكره سفيان ولا خايف علي مشاعر مرتو ولا شي بس خايف منها تبوظ ليهو العرس انا قلت ليك كده ساي قلتا ليها مبالغه سوقتني بالخلا قالت لي غصبا عني والله سفيان كان محزرني لانو الزمن داك انا م بعرفك شديد خايفين كنا انتي تتكلمي ولمن اطمئنيت ليك وعرفتك قلت اصارحك قلت ليها يا زوله المهم انو هو م كذب عليك واوفا بي وعدو واتزوجك قالت لي الحمد لله ي نوسه والله انتي بس سفيان م بتعرفي انا م قدرت ادافع ليهو واقول ليك هو كان بعاين لي وانا غمزت ليهو لانو انتي م كنتي عارفه الحقيقه بس لو عرفتي والله طيب ومسكين مستحمل مرتو دي استحمال لانها زميلتو وكانو بحبو بعض من زمن الجامعه وكان دفعتو كلها بتحكي بي علاقتهم وبعد اتخرجو واشتغل اتزوجها وما كانت سمينه كده قال وعندها مشاكل كتيره ومابتلد وكلمني قال لي م ح اطلقا واكسر قلبها وانا م انانيه وافقتا بس لمن دقتني شميتا شمه واصلي م بخليها يوم بجلدها جلده لمن تتادب واشحد في الله تعرف عرسنا عشان تنجلط قلت ليها بتنجلط والله قالت لي ان شاءالله قلت ليها نمارق بس هي الاولي احترميها قالت لي بس هي م محترمه دقتني ي نوسه في مره واعيه بتتصرف تصرفها دا هسي انتي لمن عرفتي قصه زوجك وقبضتي مع صحبتك موش سكتي عشان تستري قلت ليها اي والله قالت لي شوفي دي تكورك زي المجنونه وشخصيتا قويه سفيان حاكي لي بيها قلت ليها م مشكله بس زوجك يعرف يعدل بينكم قالت لي من الناحيه دي مطمئنه
سفيان زول بخاف الله وعندو الاهل معزتهم براهم م بدخلهم في حياتو الزوجيه والزوجه معزتا براها م بدخلا في مشاكل البيت

 

زول واعي ي نوسه فهمتي قلت ليها والله صحي زي م قلتي التعليم ليهو اثر ي نمارق بس فجاه اتزكرت غيث وعملتو قلتا ليها والله ماليهو اثر دي طبع قام بيها الولد دا قالت لي والتعليم والعلم بالحاجه ليهو اثر ي نوسه قلت ليها هسي شرفي غيث دا متعلم وعمل شنو قالت لي والله م عارفه قصه زوجك دي شنو بس هي غريبه شويه انا م قادره اقتنع بيها م عارفه ليه قلت ليها نمارق كيف غريبه صحبتي مصاحباني ودخلت بيتي وشافا حباها قالت لي معقوله ي نوسه الكلام دا قولي لطفل قلت ليها كيف يعني انتي تقصدي شنو قالت لي نوسه اراهنك في قصه خلف الموضوع انا بس م بعرف بس في قصه غامضه مع مرور الايام ح تعرفيها قلت ليها انا لا دايره اعرف قصتهم لا عايزه اشوف خلقهم بطني عليهم دم ممكن اقتلهم قالت لي م تتهوري ي نوسه اوعك خليك زوله واعيه قلت ليها اوعا كيف وانتي بتقولي لي في قصه غامضه قالت لي م كده قلت ليك احتمال ي نوسه وكل الاحتمالات وراده بنسبه ٩٠ف الميه قلت ليها الله معاهم شديد والله ينور بصيرتي بي اولادي اربيهم احسن تربيه راجل شنو البخلي محور حياتي وطبعا انا كنت بقنع في نفسي وبشجع فيها بالكلام بس جواي م مقتنعه الراجل هو السند الحقيقي بس اعمل شنو الحمد لله 💔💔💔
مرت الايام ونمارق بدت الحبسه وطبعا نمارق م اوصفتها ضعيفه بس م الضعف الشاذ ولونها فاتح وحلوه ملامح وشها بتدي لي افراح عصام ونظيفه وراقيه ورقيقه المهم جابت الكريمات وبقت قاعده تخلط وتسوط والبغلبها تتصل لي صاحبتها بت خالتو فاطمه ملت ليها جردلين بس ملتن بشنو م عارفه انا بس شايله اولادي واعاين وقامت عملت خلطه وش قال لي نوسه الجردل دا الترطيب والجردل دا التفتيح قلت ليها والله نوسه بتعرف بس تمسح واحد اتنين م بقدر عليهن قالت لي ماهو لازم لو فتحتي ترطبي قلت ليها ومالو ارطب ساي تفتيح متفتحه لمنو انا راجعه البلد قالت لي لا ي نوسه لي نفسك م لي زول قلت ليها نمارق افهميني انا لو رجعتا البلد وفاتحه جسمي بقولو كنت لافه ساي اعفيني ممكن قالت لي خلاص المهم رطبي قلت ليها خلاص بقيت كل م اصلي اجي اتمسح من جردل الترطيب اظنو لوني فتح اكتر من نمارق لمن خوفتا وقفتو قالت لي نوسه م توقفي والله جسمك بقا ناير انتي كنتي حارمه نفسك من الميز قلت ليها زمان كنت مميزه عندي راجل بعاين لي هسي اتميز لمنو قالت لي غايتو انتي مخك رابطه الميز بالراجل مالك قلت ليها عشان م اتميزت الا للعرس قالت لي انا م بقدر اغير صفات فيك مكتسبه بس بقدر اقنعك نوسه انتي لو عاينتي لي وشك ساي وكان نظيف وسمح معنوياتك بتبقا فل قلت ليها فعلا بس انا م حابه قالت لي خلاص راسك قوي
مرت الايام والعرس خلاص قرب وجهزت مع نمارق اي شي وطبعا هي عملت عزومتها يوم العقد بس باقي ليها العرس واهلا كلهم جو اهل امها واهل ابوها وناس حلتهم وناس ظريفين وعلي نياتهم فرحانين لنمارق شديد وطبعا نمارق حاكيه ليهم عني وشكروني وقالو لي ربنا اديم خوتكم قلت ليهم امين
نمارق جابت لي كريم بدله واولادي كل واحد لبسه وانا جابت لي توب قلت ليها ليه تاعبه نفسك قالت لي دا سفيان والله نزلني عشان اختار ليكم الحاجات دي وبعدين م تغلا عليك يا نوسه حاجه ربنا يحفظك قلت ليها تسلمي حبيبتي انا المفترض اهدي ليك قالت لي وجودك معاي بالدنيا ووقفتك معاي بالدنيا
نمارق مشت الكوفير رسمت وجهزت نفسها وانا قاعده مع اهلا حبيتهم شديد وهم زاتهم حبو اولادي ومن جو ما حسسوني بتعب الاكل يعملنو براهن ورجالهم ناس مبالغه انزلو يجيبو الحاجات ومرات اكل جاهز لغايه م جات لحظه الصاله نمارق قبل تمش الكوفير حنستني امش معاها قلت ليها لا والله خليني بلبس وبتمكيج براي ساقت معاها بنات خالا وصحبتها وفاتت م شفتها الا لحظه الزفه وكانو حلوين شديد واهل سفيان فرحانين بيهو سفيان شال المايك قبل يرقصو اسلو وبقا يقول في كلام ويشهد في اهل نمارق انو ح يكون ليها اخ واب قبل زوج وما ح يغلط عليها ويقول في وعود حلوه قال عشان هي يتيمه هم يبكو وهي تبكي وانا ابكي لغايه م سكتوها وحضنها قدام الناس وبقو يرقصو مع بعض وانا من بعيد متابعه واولادي ابكو اول مره يحضرو عرس وحفلتها كانت بي ايمان الشريف وحاجه روعه شديد م قصر منها نهاي ليها حق تحبو كده خالات نمارق قالو لي

الا تقومس تشجعي نمارق ادينا اولادك بنمسكهم ليك اديتن ليهم ومشيت بقيت ارقص مع نمارق واشجع فيها بس من بعيد شفت غيث ماسك سلمي وسلمي فاكه شعرها والتوب كانها عروس وغيث كان بسلم علي العريس بطريقه كانو بعرفو ليهو سنين انا هنا راسي بقا كبير وماشي لافي وغلبني البقولو بس غيث لمحني وجاي علي انا طوالي جريت منو والله يستر…………..يتبع

 

 

• لقراءة باقي فصول الرواية أضغط على (رواية أسرار خلف الأبواب)