رواية غيث ونوسة – اسرار خلف الأبواب الفصل الثاني عشر 12 بقلم نوسة حمد
رواية غيث ونوسة – اسرار خلف الأبواب الفصل الثاني عشر 12 بقلم نوسة حمد
البارت الثاني عشر
بقيت ابكي بكا لمن حسيت ولدي خايف مني حاولت اقنع نفسي اني اسكت بس بقيت ابكي وجواي في الف الم وحزن بقيت م عارفه انا عايزه شنو ندمت في قرار اني اطلع بس كل م اعاين لموقف ابوي بقول بركه الطلعتا نمارق جات لقتني ابكي قالت لي نوسه مالك فشنو ي بت ح تكتلي نفسك بالحزن عايني لي ولدك دا قلت ليها انا تعبانه ونفسياتي في الارض نمارق انا م عارفه مالي انا م كنت كده تفكيري م عارفه الحصل عليهو شنو انا كنت مرتاحه تفكير م قاعده افكر وحياتي ماشه فل الفل بس انا هسي م عارفه مالي رسلت لغيث وم عندي استعداد اكمل معاهو دردشه رسلت للولد الركبني البص ودي اكتر حاجه واجعاني انا عمري م فكرت اكلم ولد لاي سبب الله انتقم منهم خلوني اعمل حاجات عمري م فكرت فيها نمارق قالت لي نوسه اهدي انتي كده ح تجني والله قلت ليها دا لو ما جنيت ي نمارق انا م كويسه حاسه اني ح اعمل حاجات كتيره ما ح ترضيني قالت لي كدي قولي بسم الله اطردي الشيطان ماتخلي يلعب بيك اشغلي نفسك بي اي حاجه قلت ليها اعمل شنو انا بعد انتي مشيتي الجامعه نزلت افتش شغل ما لقيت اي زول يشوف عندي ولد يقول لي م عندي شغل قالت لي بتتسهل ي نوسه حته الشغل دي هسي اصبري فيها شويه ونحنا معانا قروش كويسه بتقعدنا قلت ليها انا لازم اشتغل قالت لي بتشتغلي ي نوسه انا هسي عايزه اطلعك من الانتي فيهو دا نوسه م تطبلي نفسك في الغرفه اطلعي اتونسي مع صاحبت البيت قلت ليها نمارق اي شي بعملو الا اني اجعل الحاله واحده واتونس مع المره دي قالت لي انتي كعبه معناتا قلت ليها لا ي نمارق انا م كعبه زوجها م مريح م شفتي بعاين لينا كيف لمن شافنا قالت لي نوسه راجلا م عندك فيهو شغله قلت ليها عشان م عندي فيهو شغله امسك نفسي واقعد في غرفتي بس انا لمن اجي طالعه بدعي ربنا اني م اشوفو قالت لي دا هوس منك قلت ليها اعمل شنو بقيت خايفه نمارق حسي بي انا م كويسه قالت لي نوسه خلاص ارجعي اهلك سرحت واتزكرت اني طلعت ايام واكيد خبري ملا الحله وغيث بكون منتظرني بالشرطه عشان يشيل مني ولدو قلت ليها نمارق اهون لي اقعد هنا بس م ح ارجع انتي عارفه التفكير البقا مسيطر علي اني انتقم من سلمي بس انتقم كيف م عارفه نمارق قالت لي اولا انتي شخصيتك ضعيفه م تدخلي نفسك في متاهات انتي هسي رسلتي رسايل ساي قعدتي تبكي خلي كمان تنتقمي انا متاكده انك ح تتهوري ويا نوسه اسمعيني اهدي وحاولي تكوني علي طبيعتك ما تحاولي انك تتغيري زي مثلا انتي م حصل كلمتي اولاد الخلاك ترسلي للولد شنو اكيد بتدور في ذهنك حاجاات كتيره قلت ليها نمارق خلاص الحصل حصل والولد دا بجد محترم خايف علي ولدي قالت لي طيب مدام محترم مالك مضايقه وضميرك مأنبك زي الكانك عملتي غلط قلت ليها بس عشان ما متعوده بس والله هو قمه الاحترام مدا لي يدو في عز حوجتي قالت لي م قلنا حاجه وجزاهو عند ربنا بس انتي م ترسلي ليهو عشان انتي لو اتواصلتي معاهو احتمال تتهوري وتصلي لي قرارات ما من صالحك قلت ليها فعلا كلامك صاح انا عندي قناعه البت م تتكلم مع الولد لاي سبب من الاسباب لانو الشيطان شاطر قالت لي انتي زوله واعيه بس انتي طلعتي من تجربه سيئه ما من صالحك تتخذي اي قرار ارتباط قلت ليها مالي الدرجه دي ارتباط شنو انا بس شايفه تواصلي معاهو غلط بتكلم معاها هو اتصل قالت لي اها بدينا قلت ليها م ح ارد وبقا يتصل ويتصل وهو م شاء الله روحو طويله النوع البتصل م بقيف داك عشره مكالمات م رديت عليهن جاتني رساله منو قال لي نوسه كيف طمنيني عليك وعدم ردك لي بخليني اقول انك م كويسه وشايل هم ولدك وقاطع قلبي عليك الله لمن تقري رسالتي دي ردي علي نمارق قالت لي دا حنك منو انا الاولاد بعرف حنكهم الليله اقول ليك خايف علي ولدك وغيرو وغيرو بكره يطلب حاجات م كويسه ويستغل ضعفك كلام نمارق خوفني وانا اصلا خايفه شديد من التواصل اتجاهلتو وما رديت عليهو وبقيت اراجع في نفسي انا لازم م اكون ضعيفه وم اخاف ولازم اطلع من جو القعده في الغرفه وبكره تاني افتش شغل م لقيت بشتغل ست شاي اصلو الرزق الحلال م عيب بس العيب القاها جاهزه واشحد وريت نمارق قالت لي نوسه لا م تتهوري كيف ست شاي قلت ليها عادي قالت لي م عادي يا نوسه قلت ليها ماتبقا نظرتك لي ست الشاي انها م كويسه في واحدات شريفات وعايزات اكسبن بالحلال قالت لي طيب ي نوسه بالعقل كده انتي ح تعملي الشاي تبيعي لمنو للرجال صاح والرجال بكونو متحاوطنك صاح وتقومي تمشي تقدمي الشاي وفي النفوسهم ضعيفه ح يتغزلو فيك وح يعاكسوك ودا في حد زاتو حرام امشي بيعي اي شي في الشارع بس شي اخلي الرجال اتلمو فيك ي نوسه ابعدي منو انا عايزه مصلحتك انتي زي اختي والله قلت ليها عشان كده انا بحكي ليك اي شي ومعتبراك اكتر من اختي وما عندي غيرك واي كلمه تطلع منك بعمل ليها الف حساب نمارق كلامها حلو وبت فاهمه وانا النوع الكنت مطبوله داك وماشه بحياه معينه واتخزلت بقيت م براعي لاي شي وكل تصرفاتي متهوره حمدت الله انو لاقيت نمارق الله اديها العافيه قلت خلاص اتعلم من الحياه شويه شويه اليوم داك عديتو تمام والولد تاني اتصل ورسل وما رديت وجاتني رسايل من غيث مارديت قلت احسن تبعدي عن الشر غيث شيطان احتمال يكشفني طوالي حظرتو وتاني توبتا ما بكرر غلطي دا وح انساهو للابد بس سلمي م ح اخليها لو اتعلم كيد النساء جواي حقد اتجاها نفسي ادمرها زي م دمرت حياتي مرت الايام وقابلت مع دكتوره قالت لي انتي حامل بتؤام كان نفسي اكون معاي زوجي ونفرح مع بعض بس للأسف الخبر دا نزل علي وانا منفصله والهم ح يكتلني م ح اقدر علي الحمل واشتغل وانا لازم اشتغل بقيت منهاره عديل الدكتوره قالت لي مالك مهمومه ما تفكري ربنا كريم قلت ليها الحمد لله ي دكتوره ممكن تكتبي لي العلاجات الممكن اخدهم طول فتره حملي عشان انا م عندي قروش اجي اكشف شهريا قالت لي طبعا لا بالذات الحاملين بتؤام مفترض شهريا يقابلو عشان صحه البيبي وانتي زوجك وين متوفي ولا م شغال قلت ليها لا مختلفين وانا شقيت طريقي براي قالت لي حتي لو منفصله لازم هو يصرف عليك لانو ديل اولادو قلت ليها زوجي صعب بعد اختلفنا تاني م عارفه عنو شي قالت لي طيب انا بكتب ليك ورقه تمشي توديها للمدير الطبي يصرح ليك شهريا تجي تقابلي و تتعالجي مجاني قلت ليها شكرا ي دكتوره بجد م عارفه اقول ليك شنو قالت لي العفو وغير دا كلو لازم انتي تهتمي بنفسك قلت ليها طيب ي دكتوره انا ولدي صغير ولسه برضع قالت لي ح تتعبي انتي شديد ممكن ولدك تشربي حليب صناعي عشان انتي حامل قلت ليها الحليب في الشهر محتاج كم انا م عندي قدره ي دكتوره احسن لي الرضاعه الطبيعيه وربنا عالم بي حالي ربنا بسهلا قالت لي م ح اضغط عليك وربنا يوفقك رجعت البيت وكان نفسي الخبر دا اشيلو ادي لي اهلي ولا زوجي واكون مبسوطه بس للاسف
نمارق جات لقتني محتاره وسرحانه قالت لي نوسه سيبيها علي الله مالك عايزه تجنني نفسك خليك طبيعيه مالك فشنو هسي وبتفكري فشنو قلت ليها انا في مصيبه يا نمارق قالت لي مصيبه شنو ي بت الله لا جاب مصايب قلت ليها انا حامل بتؤام قالت لي بالغتي قطعتي قلبي وايوي يوي يوي قلت ليها بتهظري صاح نمارق انا التؤام ديل اتم حملن كيف وح يمنعوني الشغل والولاده تكون بكم ولو احتاجو حضانه لو ارتحت هسي من المقابله واقابل مجان زي ما كتبت لي الدكتوره بس في تفاصيل في المستقبل صعبه قالت لي نوسه كدي استهدي بالله انتي حدي الان ربنا معاك شوفي قلتي بقو لي المقابله مجان دي براها نعمه احمدي الله وماتفكري بعيد خليها والله بتظبط انا متاكده قلت ليها يارب والحمد لله ربنا اديني الصحه ليهم ويعوض صبري خير نمارق قالت لي نوسه انا في حاجه عايزه اسالك منها كل م اجي اسالك بنسا انتي قريتي حدي كم قلت ليها انا قريت حدي تالت ثانوي وما جبتها عشان كنت بليده قعدت تضحك قالت لي ماف زول بليد في زول مفهم نفسو انو بليد وفي زول مهمل رايك شنو ترجعي تمتحني تالت التعليم حلو ي نوسه انتي ليه تحرمي نفسك من احلي حاجه في الدنيا قلت ليها انتي عارفه نحنا ابوي من تالته بعرس لينا ماعندو حاجه اسمها قرايه عشان كده ما سعيت ليها شديد وتاني بقيت في حياتي قالت لي نوسه انتي عارفه فرق في التعامل حتي مع زوجك والمجتمع المره المتعلمه من الجاهله في تفاصيل كده بجد بتحتاج واحده تكون متعلمه في دي انتي دقستي ومعليش ما تلومي زوجك لانو قلتي مهندس وانتي ما كملتي تعليمك قلت ليها مالي لي الدرجه دي يا نمارق انا م جاهله بس انا وقفت تعليم قالت لي بثبت ليك هسي سلمي قاريه جامعه صاح قلت ليها اي سلمي ابوها م زينا م بعرس ليهم قالت لي عايزه اثبت ليك البت المتعلمه حتي في تفكيرها بتكون فاهمه وحريفه يعني زولتك دي اكلت دماغو بالحنك الانتي م ح يخطر ببالك لانك يا نوسه فهمك بسيط بسبب عدم تكميل دراستك واسمعي كلامي انا بشرح ليك دا كلو عشان اقنعك تقري تقري وتنفعي نفسك واولادك ولمن تدخلي الجامعه ح تحسي بالفرق قلت ليها بس يا نمارق انا ظروفي صعبه محتاجه اشتغل مش اقرا قالت لي ربنا بسهلا طلب العلم زاتو حاجه م ساهله صدقيني ح تدعي لي بس اسمعي كلامي واصلا هم هنا بدو دراسه جديده ويا نوسه م ضروري انك تطلعي للشغل ممكن من البيت تشتغلي اي شغل وانا بسوق ليك انا عندي صفحه كبيره في الفيس رايك شنو قلت ليها بس اي شغل تاني في حد زاتو عاوز قروش قالت لي انتي عندك خبره في شنو وانا بوريك انتي بس خلئ الموضوع دا علي وح تشتغلي لمن ادين منك وح تقولي نمارق قالت قلت ليها يلا انا عندي خبره في الخبايز والكوكيز ماف زول بلحقني فيهم قالت لي بس كمان انتي شغلتك دي ساهله واصبري لي ادخل ليك النت اتصفح وافهم ليك الناس بدو شغل كيف وانتي حاجاتك بسيطه نبدا بفرن صغير ولو الشغل ظبط تشتري الكبير وعشان هسي م اخرب عليك الفرن ح نشتركو سوا لو نجحتي ابقا حقك وترجعي لي قروشي لو شغلك م ظبط نعتبرو اشترينا لينا نعمل في حاجاتنا رايك شنو قلت ليها م عارفه من دونك انا كان عملت شنو نمارق بجد انتي كنز ووقع في طريقي قالت لي ربنا م نساك رسل ليك البتكون معاك وسندك وانتي زاتك ربنا رسلك لي ح تكوني لي سند في البلد دي بس انتي طاوعيني لمصلحتك اصلا م تطاوعيني في اي شي تاني قلت ليها م قصرتي ومن بكره نعمل كل القلتي عليهو وعندي دافع اني اقرا كلامك دخل راسي وبشتغل في البيت ربنا يهون لي ويسهل طريقي قالت لي بس دا الكلام وح تشكريني يا نوسه انا متاكده وخلي موضوع تسويق شغلك دا علي انا متبرعه بي التسويق انتي م عليك الا تجهزي الطلبات حدي بتاع التوصيل انا بشوفو ليك ولا اقول ليك انا زاتي بشتغل توصيل استفيد قلت ليها ان شاءالله يا نمارق نصل للكلام دا قالت لي بنصل انا متاكده ويلا قومي ختي كريم دا وخلينا نصلي ركعتين واستخيري وندعا ونتوكل بعديهم نمارق زوله فاهمه وزوله فعلا متعلمه والتعليم ليهو اثر شفتو فيها هي عشان كده قدرت اقنعتني وان شاءالله ربنا يسهل لي وتشوفو البحصل ليها الحلقات الجايه………..يتبع
- لقراءة باقي فصول الرواية أضغط على (رواية أسرار خلف الأبواب)