رواية غيث ونوسة – اسرار خلف الأبواب الفصل السابع 7 بقلم نوسة حمد

رواية غيث ونوسة – اسرار خلف الأبواب الفصل السابع 7 بقلم نوسة حمد

 

 

البارت السابع

 

 

#اسرار_خلف_الابواب7
#نوسه_حمد
جاتني رسايل من سلمي بكل ثقه قالت لي نوسه ممكن تاني م ترسلي لي راجلي انتي عايزه منو شنو نحنا صريحيين مع بعض وجا حكا لي قال انتي بتتواصلي معاهو ممكن تاني ما القا منك رسايل قلت ليها راجلك شنو البتونس معاهو انتي اظنك جنيتي يا سلمي وبعدين انا راجلك الطرطور البتهرشي دا ما بملي عيني قالت لي احترمي نفسك قلت ليها لمن انتي تحترمي نفسك انا بحترمها واحسن يا سلمي تتجاوزيني انتي مفتكراني ح اتمسكن ليك م تطلعي غضبي ياسلمي ولمي راجلك عليك رسايلي دي م وصلتها حظرتني بقيت ماسكه تلفوني ومحتاره في قوه عين سلمي والله صحي الزول لمن اكون عامل مصيبه بتكون عينو قويه غيث جا لقاني سرحانه عاين لي بغضب وحسيت بطنو طامه مني شديد قلت ليهو غيث انا منتظراك تحكي لي منو البتتكلم معاها قال لي نوسه منو البتكلم معاها انا م بتكلم مع اي بت انتي بس الحمل مخليك تتخيلي حاجات قلت ليهو لا ماف حمل مخليني اتخيل انا سمعتك وانا مصره اعرف الحقيقه وحدي الان مدياك فرصه تحكي وانا وعدتك اقسم بالله اسامحك لكن لو عرفت بطريقتي الخاصه اقسم بالله في الشارع تاني م ح تشوفني واولادك م تسال منهم قال لي جنيتي انتي اولادي بتجيهم حاجه اقسم بالله قبيلتك كلها احرقا قلت ليهو م تقدر وانا مدياك فرصه وساكته انت من سكات وريني قال لي نوسه ميه مره ماف شي قلت ليهو تمام م تلوم الا نفسك وانت من الان عدوي م زوجي قال لي كيف قلت ليهو عديل عشان السبب الانت عارفو وداسي مني وقايل الايام بتسترك بس ي غيث صدمتني اقسم بالله مالقيت غير سلمي المتزوجه قال لي سلمي شنو قلت ليهو انت فاهمني وانا فاهماك بس ي غيث انا كرهتك وبطني طمت منك ومتندمه اني عرستك انا م عندي مشكله لو اتزوجت بس تتزوج واحده متزوجه قال لي نوسه انتي مجنونه ولا شنو جبتي الكلام دا من وين م تظلمي البت وتخربي بيتا قلت ليهو خايف علي بيتا وما خايف علي بيتي عايز تعمل ليها هي حساب وما تعمل لي ولي اولادك حساب غيث حرام عليك قال لي اول شي البت دي صحبتك انتي وانا بعرفا معرفه انها صحبتك بس البتقولي فيهو دا مافيهو نسبه من الصحه انتي بقت تجيك تهيأت وبنصحك م تستمري علي كده قلت ليهو الشينه منكوره ي غيث بس حبيت اسالك غيث انت عارف عقوبه انك تتزوج واحده متزوجه قال لي عقوبه شنو انتي جنيتي والله وطلع مني ومشا البلكونه وانا بقيت فاتحه القسيمه وبقرا فيها وببكي سمعتو يتكلم بالتلفون وقال ليها سلمي لازم نعمل حسابنا نحنا في حاجات م عملنا ليها حساب وعلي فكره نوسه شكلها كشفتنا واظن رده فعلها كانت كلها خوف وهو ماسك ليها م تخافي حبيبتي انا لو ادعا الامر وهي اصرت علي كلامها بتهما انها مجنونه وبشوف لي دكتور يزور لي تقرير حسيت انو غيث مايل انو ينصف سلمي اكتر كان نفسي يقول ليها يا بت الحلال مرتي شكلها عرفت الحقيقه وانا ما عايز اخرب بيتي انتي من طريق وانا من طريق بس رده فعلو صدمتني ودمرتني معقوله دا غيث الكلامو كلو حب وغزل حسيتو قفل التلفون ورجعت عملت فيها نفسي م سمعتو وبي قلبي قلت ليهو عايز يتهمني بالجنون ح اجننك انا ي غيث وما ح ارحمك لاني اديتك بدل الفرصه الف قررت اكلم اختي سوسن لازم زول يسندني انا براي صعب اتصرف وقلت كدي النكتب في القروب بتاع الاستشارات المهم كتبت وبقيت اقرا في التعاليقات كلهم اجمعو علي اني م ادخل اختي في الصوره عشان م معروف الظروف وفي القالو لي احسن من سكات تشيلي حقك المهم راسي بقا جايط وقلت استخير وتاني يوم اشوف البحصل شنو استخرت وتاني يوم حسيت اني لازم اكلم سوسن اختي وبقت عندي رغبه شديده اني اكلمها لبست عبايتي وشيلت ولدي وقلت لي غيث وديني ناس سوسن انا تعبانه محتاجه ابعد من الجو دا قال لي سوسن بكون زوجها قاعد قلت ليهو م مشكله بكون في الديوان اقنعتو انو يوديني وبعد وداني عايز يعمل فيها فالح قال ليها اختك دي بقت تتهيأ ليها حاجات كتيره وعيها قالت ليهو نوسه صغيره زايد الحمل عليها وطفلها الصغير دا استحملها ي غيث كلها تسعه شهور قال ليها انا بستحملا بس ما تتوهم بي حاجات زي دي وفات انا خشمي م فتحتو سوسن قالت لي نوسه مالك حبيبتي حاسه بيك مهمومه وما ياهك نوسه اختي البسمتها ما بتفارقها قلت ليها سوسن انا العلي م هين انا جيت احكي ليك بس علي شرط ي سوسن تحلفي لي قسم انك م ح تكلمي زول والكلام يفضل سر وبالذات سحر اختي انتي عارفه براك قالت لي نوسه جنيتي سحر بالذات م قاعده اتكلم معاها بي اي شي قلت ليها تمام فتحت صوره القسيمه واديتا ليها بقت تقرا وقالت لي نوسه يعني غيث اتزوج فيك قلت ليها مالفت نظرك حاجه تانيه سوسن دققي قالت لي اي قريتا قلت ليها عرفتي مرت غيث منو قالت لي يعني انتي بتعرفيها قلت ليها سوسن انتي شكلك م ركزتي مع الاسم اقريهو تاني ح تعرفي غيث اتزوج فيني منو لمن قرت الاسم تاني وتالت ورابع قالت لي مستحيل ي نوسه سلمي صحبتك نوسه سلمي متزوجه يعني مستحيل القسيمه دي تكون حقيقيه قلت ليها لا حقيقيه وانا كنت زيك م مصدقه لغايه م عرفت حقايق كتيره والزوله دي يا سوسن متزوجاهو وعندهم شقه ولو شفتي ولدها الصغير اشبه كريم ولدي شديد قالت لي كمان نوسه انتي جاده لا حول ولا قوه الا بالله آلعلي آلعظيم قلت ليها دي الحقيقه الانا موتا بيها وع فكره يا سوسن انا واجهت غيث ونكر والخلاني اتغاظ شنو قال ليها لو نوسه اتكلمت انا بصفها بالجنون قالت لي جن يركبو التافه الحقير دا تطلقي منو ي نوسه دا م راجل والله.
قلت ليها سوسن اطلق وارجع بيتنا سحر تاكل لحمي ولحم اولادي لا اعيش سعيده لا اولادي يكونو سعيدين انا المصبرني علي الخيانه دي اني قاعده في بيتي مرتاحه بس وصلت مرحله م قادر استحمل خيانتو لي انا بموت في اليوم الف مره قالت لي نوسه والله ح تجني اسمعي كلامي كلمي ابوي واطلقي قلت ليها واجي بيتنا وبدل المشاكل الف مشاكل ويوميا سحر لا ح ترتاح لا ح تريحني والله انا لو علي اطلق هسي بس ارحم لي غيث وخيانتو من سحر وهسي لو سحر دي متزوجه وفي بيت براها كان انا اطلقت وقعدت مع ابوي وامي بس للاسف قالت لي سحر شنو البتعملي ليها حساب انا بتكلم معااها ولو سالتك بقطع رقبتها قلت ليها لا ي سوسن نعديها اليوم كلو نقاشات انا م جيتك عشان تقولي لي اطلقي انا جيتك عشان تشوفي لي حلول انا ح اموت روحي دي طلعت قالت لي حل لشنو ي بت دي جريمه راجل سلمي لو اشتكاهم بوديهم ورا الشمس قلت ليها خلي يشتكي وغيث ياخد جزاتو عشان يتأدب قالت لي يختي مالك متمسكه بيهو كده طلقي العفن كده قلت ليها سوسن اموت ليك م تجيبي سيره الطلاق قالت لي ح ترخصي نفسك قلت ليها رضيانه اها ح تشوفي لي حل قالت لي الحل الوحيد نعرف شقتهم علي وين ونقبضهم عديل ونجيب معانا راجل سلمي ونكشف حقيقتهم ونخلي يقتل سلمي لانو مستحيل يواصل معاها قلت ليها اها اكشفهم كيف قالت لي بكره اخلقي ليك مشكله من ماف واستفذي وقت راحتو وانا بكون في شارعكم بره اول م راجلك يطلع غضبان اكيد ح يتصل عليها انا بتبعو بعربيه وبشوف مكانهم قلت ليها فكره قالت لي لازم تستفذي شديد عشان تعرفي الشقه قلت ليها ظابط قالت لي اتاكدي من رقم راجل سلمي واديني ليهو انا اديتو ليها وطلبت عربيه ومشيت بيتي المهم تاني يوم خلقت لي شكله طويله وعريضه عشان اخلي يطفش وفعلا اول م اتناقشت معاهو طلع خلا لي البيت وسوسن اختي بقت متبعاهو لغايه مافعلا جاتو سلمي وطلعو وطلعت وراهم عرفت مكان الشقه اتصلت علي قالت لي تعالي سريع ركبت عربيه ووصلتها وطوالي اتصلت علي راجل سلمي وقلنا ليهو نحنا عايزنك ممكن تجينا قال في مشوار قلنا ليهو معليش تعال هسي قال لينا خلاص بقينا منتظرنو لغايه م جا سلمت عليهو وقلت ليهو عايزاك تشوف حاجه ممكن تطلع معانا قال لينا م فاهم شي قلت ليهو ح تفهم بعد تشوف بقا مخلوع ومشينا قلت ليهو اضرب الجرس وزح من جنب الباب المهم ضربنا الجرس وزحينا من جنب الباب وغيث وسلمي بصوت واحد قالو لينا منو الفي الباب خشمنا م فتحناهو لغايه م فتحو الباب وسلمي قاعده ليها بي بجامه بيت وغيث برضو ………يتبع
معليش يا جماعه اسفه ع التاخير انا عندي مشكله ف الاقامه وشرايحي قفلت والواي فاي برضو استحملوني انا بعاني عشان انشر ليكم
اعملو لي متابعه في صفحتي دي عايزه اخليها صفحتي الرئيسيه للنشر وبكرر ما عندي قروبات ف الواتس ولا الفيس بي اسمي غير صفحتي دي عايزه اغير الاعدادات وافتحها اخليها عامه تابعوني

 

 

• لقراءة باقي فصول الرواية أضغط على (رواية أسرار خلف الأبواب)