رواية غيث ونوسة – اسرار خلف الأبواب الفصل الخامس 5 بقلم نوسة حمد

رواية غيث ونوسة – اسرار خلف الأبواب الفصل الخامس 5 بقلم نوسة حمد

 

البارت الخامس

 

#اسرار_خلف_الابواب5
#نوسه_حمد
راجل سلمي جا قال لي سلمي تتزكري لمن مشيتو تصيفو وانتي ونوسه عايزه اعرف التوقيت دا انا بخلعه نصيييييف متين دا ونوسه منو نوسه انا سلمي بقت تتمتم وتعاين لي وعايزه تغمز لي لكن م قادره وتغمز لي كيف وهي مصيفه مع راجلي وهو شغال ليها ياخ اتزكري اليوم دا وانا زاتي بقيت عايزاها تتزكرو عشان اعرفها كانت مع راجلي لانو بتزكر علي كم مره غيث بقول لي عندي مأموريه قالت ليهو عايز بيهو شنو انت اليوم دا وحسيتا من طريق كلاما هارشاهو قال ليها عايز اتزكر حاجه ياخ انتي ي نوسه ما بتتزكري بقيت ساكته واعاين في عيون سلمي وهي عايزه تجن قدرت هرشتو وفات من جنبنا قلت ليها سلمي متين انا مشيت صيفت معاك انتي كذبتي علي راجلك ليه ومشيتي وين ومع منو قالت لي والله مشيت مع قروب الجامعه وقلت كان كلمتو بحميني بس معاك م بحميني قلت ليها سلمي ممكن تاني م تكذبي فيني وبعدين انتي عندك اطفال مشيتي اسبوع وخليتيهم مع منو واصغر واخد ليك برضع واصغر ولد ليها قطعه من كريم ولدي بس قالت لي خليتهم مع ابوهم قلت ليها قلبك قوي اقسم بالله بقت تغير في الموضوع وتعلق علي فستاني ومكياجي ورغم انها م حصل علقت لي عليهم رغم صحبتها لي بس بحسها ما قاعده تعجبها حاجه حقتي م ركزت معاها وخليتا واقفه ومشيت وهي زاتا فاتت مشيت قعدت مع راجلها وبقيت اتونس واضحك وميته موت بالضحك قال لي ما قايلك ظريفه كده وانا في الحقيقه لا ظريفه لا اي شي حامضه ترمس ما بتبلع بس متصنعه ليهو الظرافه غيث شايفني وبقا غضبان جاني قال لي قومي ما ركزت معاهو بقيت صاره ليهو وشي وقومتا سلمي وداع م ودعتها وطبعا انا وراجل سلمي اتبادلنا الارقام حسيت اني رخصت نفسي وح يفهم غلط بس انا عايزه رقمو لقدام مشيت مع غيث وكان زهجان وبكورك وفتح باب العربيه بزهجه ركبت وبقا يناهد وطلع ليهو بخاخ عملو قلت ليهو دا بتاع شنو قال لي ازمه قلت ليهو ومن متين عندك الازمه سكت م ردا علي بقيت كل مره اكتشف حاجات عنو ما القسيمه الاكتشفتها وبس الخمره اللقيتو بشرب فيها وغيرو وغيرو قال لي نوسه دي حركات شنو انتي م شايفه نفسك قلت ليهو مالي انا ي غيث قال لي مخليا النسوان وقاعده مع راجل صحبتك وتتونسي وانا م عملتي لي اعتبار شايفاني ديوث ولا شنو قعدت اضحك قلت ليهو حاشاك بس ع الاقل انا قعدت معاهو قدام الناس وغرضي كان شريف كنت عايزه اتونس واضحك بس م عندي هدف غير كده وبعدين انت مضايق مالك قال لي عايزاني اشوف مرتي بتتونس م راجل وعايزاني اكون كيف قلت ليهو فعلا حاره نار اعفي لي وانا اصلا من اتزوجتك اقسم بالله راجل بالغلط م عاينت ليهو م عشان م اخوانك بس عشان اهلي عرفو ربوني ولو علي الخيانه اكتشفت النسوان كلهن خايانات حسبي الله ونعم الوكيل فيهن مفتكرات الحقيقه م ح تظهر قال لي اكيد بس ممكن تاني م تكرري حركتك دي حسيتو منزعج قلت ليهو حاضر هدي اعصابك وبقا ساكت وكانو في سرو بقول طعم الخيانه مر بي قلبي قلت ليهو لسه م سقيتك منو ياغيث قلت ليهو غيث تتزكر لمن كانت عندك مأموريه قال لي اي مالو قلت ليهو عايزه التاريخ دا قال لي عاوزه بيهو شنو قلت ليهو عايزه اتزكر بيهو مواعيدها قال لي بتزكر انا يوم ١/٨مشيت وجيت بعد اسبوع. قلت ليها معناتا انا احسب للحمل من الزمن دا وانا اصلا عايزه اعرف الزمن بس عشان ااكد بيهو انو سلمي كانت معاهو عايزه امسك ادله كتيره وانا في صمت 🤫 هو حسا انو في حاجه قال لي في حاجه يا نوسه قلت ليهو ابداااا ماف شي وصلنا البيت وغيث غضبان شديد وانا مبسوطه اني غيظتو قبل نصل تلفونو اتصل عاين ليهو وجدعو قلت ليهو رد قال لي م عايز ارد دا زميلي قلت ليهو رد احتمال اكون محتاجك في حاجه قال لي نوسه ممكن نقفل الموضوع دا انا م عايز ارد مش براحتي قلت ليهو حر وصلنا البيت وكان زهجان قال لي اعملي لي اكل قلت ليهو م بقدر قال لي كترتي والله قلت ليهو اقل من شهر م قادر تستحملني وشوف سنيني دي كلها وانا تحت رجليك انت اناني اقسم بالله قال لي دي سنه الحياه لازم تكوني انتي سند البيت اجي داخل القا الاكل وتعملي لي كل حاجاتي فطور 🍳 شاي ☕️ حمام 🛁 قلت ليهو انتو الرجال ديل انانيين شديد الزوجه بعد شهر العسل عندكم خدامه قال لي لا م خدامه بس دي سنه الحياه قلت ليهو ايوا سنه الحياه انو مرتك تهلك جسمها في خدمتك وانتو تشوفو غيرها حتي لو كانت جميله وما مقصره بعد تكون خدامه تحتك بتشوفو غيرا قال لي دا كلام شنو ما تجمعي انا م زي باقي الرجال حصل مره شفتيني مع بت طبعا نفسي في ربع ثقتو دي وح ابقا كويسه شديد اتكلم بثقه وهي الخيانه الخاني ليها ما سبقو فيها زول مخالف للشريعه والقانون قال لي. اختصري ح تعملي لي الاكل ولا اقوم اعملو براي قلت ليهو لا م ح اعملو قام مني ورزع الباب في وشي بس نهاي م ركزت معاهو وشبه بقيت بارده غيرت ملابسي وغسلت وشي وصليت ونومتا ولدي ونومتا نومه م صحيت الا وهو بكركب ماش الشغل وطبعا هو بكركب عشان انا اقوم وانا فتحت عيوني بكل برود قلت ليهو براحه عشان كريم م يصحا اتغاظ مني وفات بقيت في الحال دا اكتر من اسبوعين اجي القا البيت مقلب قلب انظفو واطبخ وغسيل بغسل ملابسي وملابس ولدي نهاي ما قاعده اغسل ليهو وبعمل الاكل براهو يوم ابوي جاني شايل عكازو وبعد رحبت بيهو وسلم علي كريم قال لي جيتك في شكيه قلت ليهو شكيه شنو قال لي راجلك جا شكاك لي قلت ليهو خير قال لي مالك ي بت مابيه البيت وشغلتو الراجل شغال اجي يرتاح ولا يشتغل ليك طوالي اتشجعت وقلت ليهو ابوي انا حامل زمان م اعترضت علي اي شي وشايله بيتي بس هسي دا ظرف وهو بدل يشتكيني يشوف ليهو حلول يشوف ليهو بت تشتغل لي ابوي قال لي عيب ي بت الكلام دا امك سلمتك ليهو مرا وماليه مركزك مالك في النهايه عايزه تخربي طبعك قلت ليهو ابوي انا م قصرت منو من اتزوجت حصل جا شكاني ليك قال لي ابدا والله اول مره يشكيك قلت ليهو لانو انا والله ماقادره يا ابوي عديل م قادره وتعبانه الله عالم بي وهو م من حقو يشتكيني لانو انا م بستهبل انا بي عزري قال لي ي بتي اتقدري وشوفي حياتك قلت ليهو يابا م قادره غيث يفتش بت تشتغل لي وعندو القروش م عدمان قال لي غلط يجيب بت وانتي قادره قلت ليهو والله م قادره ي ابوي ربنا عالم بي قال لي خلاص بخلي سحر اختك تجي تشتغل ليك قلت ليهو لا يا ابوي سحر بتاعت مشاكل المره الفاتت اتشاكلت معاهو وانا زاتي م عايزاها لانها م بتسكت ساي انا اكبر منها م محترماني وعليك الله ي ابوي ما تطاوعها في اي شي سحر دي صعبه وكلاما كتير شديد قال لي هسي يعني انا الراجل جا شكاك لي ارجع اقول ليهو ابت تسمع كلامي راعي لي واعملي لي اعتبار قلت ليهو يابا كلامك من فوق راسي بس ي ابوي غيث غلطان وفي غلطو م تطاوعو م مفترض يجي يشتكيني ليك كان لمن جا اشتكاني ليك تقول ليهو هاك السوط دا اعمل فيها الدايرو انا سلمتك ليها ولو عصتك دق دقها وخليهو علي كده ابوي انا الفي قلبي ومتحملاهو يهد جبال وما قاعده اشكي همي لي زول حتي لو كانت امي صابره ومتوكله علي ربنا بس كمان في حاجات مابقدر استحملها اكتر زي جسمي وصحتي من عرستو وانا مولعه ليهو اصابعي شمع ماقدر القديم الجديد ما ح يقدرو وانت راجل وبتعرف قال لي ي بتي غلبتيني في الكلام قلت ليهو يابا في تفاصيل مابنقدر نحكيها وانا صابره يا ابوي وخليني صابره كده لو اتكلمت ح اهد بيتي الاصلا بقا ماليهو لازمه وصابره عشان اولادي قال لي كيف الكلام دا ي بتي فشنو احكي لي النشيل معاك الهم قلت ليهو يابا خليني مستحيل اتكلم وربنا يتولاني بي رحمتو وعشان ي ابوي م تدخل نفسك في حته ضيقه اي راجل بجي يشكي ليك واحده من بناتك م تجي تقول النهرشا لا لا يابا بتك بتكون مستحمله القرف والمشاكل م تبقا انت والدنيا والراجل عليها وعشان ترضي عليهو قول ليهو انا اديتك ليها اعمل فيها العاوزو اجبر بخاطرو بس م تجي عشان منظرك قدامو تكسر خاطر بتك وانا واعيه بعمل فشنو قال لي ي بتي ما عارف العليك وانتي م عايزه تتكلمي والله انا هسي كلامو هو خليتو بقيت فيك انتي قلت ليهو صابره ي ابوي م تخاف وبعرف اتخلص من المشاكل بس انا م عايزاك تدخل فيها انت لانك م ح تقدر قال لي الله يهدي سركم يابتي وربنا كريم قلت ليهو ونعم بالله بتكلم معاي كده غيث جا داخل ابوي طوالي مشا بي كلامي وبقا يقول لي راجلك دا تسمعي كلامو وواجبك تقومي بيهو وما تقصري وتاني م اجي اشكيك لي لو حا شكاك لي بلم فيك اجلدك وانت ي غيث البت دي م سمعت كلامك جر خرطوش المويه من بره واجلدها انا بقيت مدنقره راسي وبقول ليهو ان شاء الله يابا وقال لي يلا اها ودعتك الله راجلك دا تاني ما يجي يشكيك لي قلت ليهو ان شاء الله ابوي فات وغيث قدمو وجاني قلت ليهو غيث ليه تمش تشكيني لي ابوي ابوي عارف شنو عن حياتنا قال لي حياتنا مالا قلت ليهو م مالا حياتنا حياتنا مافيها شي بس م تشكيني لي ابوي ابوي لا ضاق الحمل لا ضاق التربيه ما ح يعرف المعانا الانا معانياها وانا معرساك لي ميه سنه ياتو يوم قصرت في حقك وياتو يوم اشتكيتك مستحمله وواقعه في النار قال لي مالك الناقصك شنو قلت ليهو غيث ما تسألني كتير وبدل تشتكيني ريحني جيب بت تشتغل لي انت م شاء الله عندك القروش م عدمان قال لي انا م بحب خمج الشغالات وانتي عارفه بحب الاستقرار قلت ليهو دا ظرف انت م بتعرف ولو م قادر تستحمل عررررس ي غيث قال لي شايفه كده قلت ليهو افضل حل قال لي تمام ومشا مني لمن قلبي وجعني م عارفه ليه زعلت لمن حسيت انو فكره العرس وقعت ليهو في راسو وانا عارفه تماما انو هو متزوج بس انا الشي المصبرني المتزوجها متزوجه وبي راجلها عايزه اكشفهم قدام بعض واندمهم واسففهم التراب وح يطلقها وانا ما اظني بعد كده اقدر اسامح غيث بقيت ابكي علي اولادي الحا يتشردو بسبب حركات ابوهم بقيت اتحسبن علي سلمي الدخلت حياتي ودمرتها وعايزه تشرد اولادي حسبي الله ونعم الوكيل فيها حقي يخلص دنيا واخره طلع مني ومشا البلكونه وبقا يتكلم بالتلفون وسمعتو بقول ليها اعملي اكل واسبقيني علي الشقه حولت ليك مصاريف بنكك انا طوالي جيت داخله قلت ليهو دي منو البتعمل ليك الاكل وتسبقك علي الشقه دي ………..يتبع

 

 

• لقراءة باقي فصول الرواية أضغط على (رواية أسرار خلف الأبواب)