رواية غيث ونوسة – اسرار خلف الأبواب الفصل الثاني 2 بقلم نوسة حمد

رواية غيث ونوسة – اسرار خلف الأبواب الفصل الثاني 2 بقلم نوسة حمد

 

البارت الثاني

 

#اسرار_خلف_الابواب2
#نوسه_حمد
ابوي مسكنا جلدنا كلنا لمن تعب من الضرب وبقا يناهد ويكورك انا م عندي وليه بتعلي صوتها تجي انتي تعلي صوتك وكمان قدام راجلك شكلي م عرفت اربيك السيطان ديل تاني بتتزكريهن كل ما تجي تعلي صوتك وراجلك الاهبل القاعد وسطكن دا ان شالله اتعلم درس اما قله ادب وكلام فاضي امي ماسكه ليهو المويه وتقول ليها اهدا ياحاج البت صغيره والحاصل عليها م هين انت جيت من غير م تسالها وقعت فيها خبت قال ليها هوي يا وليه انا الحاصل البخلي المره تعلي صوتا مابهمني انا البهمني بيتي دا مافيهو حرمه انسمع ليها صوت بنات بعد خارجتهن مني جايبات رجالن وجايات يكشفن حالي انتي دايره الناس يقولو انا ما مربيكم وصوت حرماتو في السماء انا بس بعاين لي ابوي وما اتكلمت قلت بي قلبي لو عارف العلي يا ابوي والهم الجبتو بي يدي ح تعزرني ودموعي نازله وحاضنه ولدي علي واعاين ليهو واتكلم في سري قلت ليهو ياكريم ماعارف ابوك العملو فيني ابوك خاني وما خاني ساي ابوك دمرني اتزوج مره متزوجه وياربي حكم الشرع شنو في الحته دي ولا نظره المجتمع ولا هي اذا ولدت اولادها بكونو اولاد غيث ولا اولاد راجلها بقيت اتعوذ منها والشي المحيرني صحبتي دي نهاي م تنشاف غداره وما حسيت انها ح تطعني في ضهري ولا النوع البتحب اللبس والميز عشان اقول اغرت راجلي عاديه واكتر من عاديه لا لون لا جسم لا شعر وانا خلقه الله البشوفني بقول مصريه شعر ولون وقوام كل اولاد اهلي كانو عايزني لغايه م جا غيث لمناسبه بتاعت ولد عمي واعجب بي وخطبني وحتي استخاره م استخرت وافقت عليهو وكانت قسمتي معاهو ولي قسمه كريم ولدي وما معروف الفي بطني دا سرحانه ودموعي عشره عشره وحيل فيني ماف عشان اقوم لاني م ماكله حاجه وحتي عشاء امس استفرغتو امي شغاله تهدي في ابوي واختي شغاله تقول ليهو بركه الدقيتو كان داير ادقني الما محترم اختي تشيل وتزيد في النيران وابوي يهرج ويهرج واختي دي النوع البتحب تصطاد في المويه العكره يعني امي وابوي ديل ماسكاهم علي حسابها واي صغيره وكبيره تتحكم فيها وابوي معجب بيها وبسمع كلاما انا اتغظت من اختي في حين انو انا كرهانه راجلي ولو لقيتو في النار ازيدو حطب بس كذب اختي طمم بطني وابوي شغال يكورك بنات م محترمات وانا الدايره تموت تقل ادبها بجلدا م تقولي لي حامل وامي تشيل وتحنس فيهو وهو ما داير يهدا انا قلت احسن الملم كرامتي وامش بيتي لغايه م اشوف للراجل دا صرفه وادمرو زي م دمرني وصاحبتي اخليها تمشي وتكلم نفسها ودايره اقوم بولدي شفت طشاش وراسي لفه بس قلت لي امي يمه هاك كريم م تابعت كلامي وقعت وما عارفه امي شالت مني ولدي ولا وقعت بيهو م وعيت الا وانا مركبين لي دربات وامي وابوي واختي جنبي وسامعه صوت امي تلوم في ابوي وتشاكل في اختي قالت ليها انتي فتانه فتنتي اختك وهيجتي ابوك وانا سامعه كلامهم وابوي يقول ليها يا وليه اسكتي عشان ما اسقيك الدرب دي بنخرينك وولدي يبكي فتحت وبصوت واطي قلت ليها يمه كريم وين قالت لي كور علي ي بتي وقعتي من عدم الاكل يابتي م تعملي في نفسك كده مالو كان حملتي النسوان ديل كلهن حملن في اولادن صغار يابتي بتموتي بالمغسه بي قلبي قلت ليها فعلا ح اموت بالمغسه شيلت ولدي وضميتو علي ابوي جا وقف جنبي قال لي سلامتك يابتي معليش اذا قسيت عليك انا والله نفسي تعيشو مستورين وماف زول اجيب سيرتكم بي حاجه شينه دا كل القصد واعفي لي ابوي رغم قساويتو بطبطب علينا لكن بعد فوات الاوان قلت ليهو ماف حاجه يا ابوي واختي سحر تعاين لي ولا فتحت خشمها جاني احساس انها عدوي ما اختي م ركزت معاهم شديد وبقيت ساكته الممرضه قالت لي الحمل ف الشهور الاولي بعمل كده لازم تحافظي علي الفي بطنك لانك مرضع وحامل حاولي اكلي وشبعي نفسك قلت ليها ان شاء الله قالت لي العلاجات دي الدكتور كتبها ليك مبدئيه وقال ليك لازم تمشي لدكتور نساء وتوليد قلت ليها ان شاءالله يا دكتوره وانا ممكن اطلع قالت لي ان شاءالله عندك دربين خلصيهن وطوالي بجي اخرجك وقالت لي امي جيبو ليها وجبه دسمه الزوله دي شكلها م بتاكل اختي طوالي قالت ليها م بتاكل معرسه ليها راجل شوم امي قالت ليها ي بت عما قلع عينك ابوي طلع مع الممرضه يجيب ليهو اكل طوالي انا قلت ليها سحر لو سمحتي ممكن م تدخلي في خصوصياتي وانا شايفاك غير بتزيدي في النار ما بتعملي في حاجه وابوي انتي الما عرف يربيك م نحنا بقت تفاصح فيني شويه كده وجات اختي سوسن وملهوفه علي ودمعتا في عينا وهي النوع الحنين داك وخوافه خوف ممكن تموت لو في زول جاتو حاجه قلت ليها سوسن انا كويسه م تخافي علي قالت لي م تهمي ي نوسه والله الفي بطنك دا نربي معاك م بنخليك براك بي قلبي قلت ليها لو علي الفي بطني هينه انتي م عارفه العلي سحر طوالي قالت ليها هوي البربي منو معاها والله حدها الاربعين بس وتتخارج لي راجلها الشوم دا نحنا م ح نستقبلها اكتر من كده غلبني زاتو ارد امي ضربتا في ضهرا قالت ليها انتي حدك وين صمي خشمك دا سوسن قالت ليها سحر عليك الله دا م وقتك اسكتي خشمك دا م تفتحي ولو فتحتي انا بكسرو ليك انتي عارفاني لا عندي شغله في ابوك لا امي سوسن رغم انها حنينه بس حقانيه سحر قعدت تفاصح فيها وقربن انضربن امي لمن عملت روحها دايره تصدم عشان تسكتن بعد شويه ابوي جاب الاكل وجا قعد جنبي داير يأكلني وانا حاسه بطمام م عادي قلت ليهو خليني يا ابوي انا م جيعانه قال لي معناتا زعلانه مني وكان م اكلتي لا بتي لا بعرفك ابوي النوع البعد يشاكلنا اقعد جنبنا يطبطب علينا قلت ليهو خلاص باكل حبه بقا يأكل فيني لمن قربت استفرغ امي قالت ليهو كفاها الممرضه جات لقت الاكل جنبي قالت لي انفعك ولازم يوميا تاكلي وجبه زي دي بعد اسبوع تجينا حيلك شاديك وتمشي علي العلاجات دي وبعد كده تتفضلو تمشو وخرجتني قلت ليهم ماشه بيتي امي قالت لي م بخليك بالحال دا ابوي قال لي اقعدي يومين قلت ليهم لا احسن امشي قال لي خلاص انا بمش اوصلك وركب ناس امي عربيه وركبنا نحنا عربيه وصلنا بيتي لقيت صاحبتي جنب الباب مع راجلي غيث لمن شافني لمن انخلع وبقا يقول ليها كدي ادخلي هدي نسيبه جات هي لمن اتلفتت لقتني وراها لمن بقت تتمتم والساعه كانت واحده صباحااا……..يتبع

 

• لقراءة باقي فصول الرواية أضغط على (رواية أسرار خلف الأبواب)