رواية غرام العز الفصل الثالث 3 بقلم فرح وائل

رواية غرام العز الفصل الثالث 3 بقلم فرح وائل

 

البارت الثالث

 

 

رواية غرام العز الفصل الثالث 3 بقلم فرح وائل
= هو انت!! انت ورايا في كل حته يا جدع انت ارحمني.
_ كارما!! انتي ايه اللي جابك هنا
= دا بيت خالتي يعني اجي براحتي انت اللي جاي ليه.
_ جاي ازور صاحبي العيان
= صاحبك اللي كسرت ايده
_ والمره الجايه هتبقي رقبته
= انت فرحان بطولك اللي ع الفاضي دا مش عارفه ليه.. دا انت منفوخ هوا اصلا
_ هوا ها!!
*وفضل يقرب..وانا ببعد*
= هو انت ليه علطول واخد وضع التقدم للامام كده ما تقف مكاانك
_ لا انا بس عايز اشوف حوار الهوا دا
*سيبته وجريت ناحيه المطبخ وانا بنادي ع خالتو وهو ضحك جامد ودخل لمهاب*
& في ايه يابت المروشه انتي مالك!!
= واحد صاحب الواد هوبا جه ودخله جوه الاوضه
& مين فيهم
= دا علي اساس اني حفظاهم يعني ما ابنك كل شويه مدخل واحد ومطلع التاني فاكر نفسه في بانسيون
& شكله ايه طيب الولا دا
= طويل كده وعينيه لونها بني وشعره بني وعنده عضلات وقمحاوي كده وعنده غمازه وبكف رقيق وصغير وعيون فنان محتار
& ايه دا
= ااا سوري اندمجت ودخلت في مواصفات بكار..اصله الكراش بتاعي بتاع 2020
& يبنتي بطلي هبل وركزي معايا مين فيهم
= اسمه عز الدين يا خاالتو
& الواد زيزوو
= زيزو!!
& اه..يلا بسرعه روحي شوفيه يشرب ايه
= الله مالك يا خالتو ملهوفه كده ليه هو انتي شكلك منمره عليه بعد ما الحاج اتوفي ولا ايه..بصي هو حلو الصراحه بس مش من توبنا يا بنتي
& امشي يابت بدل ما اقوملك..امشيي
*طلعت وروحتلهم وانا خايفه اروح الصراحه..بقيت عايزه اتلاشي التواجد معاه في مكان..حلوه كلمه اتلاشي التواجد دي ابقوا فكروني اكتبها في مرافعه من مرافعاتي المجيده*
= احم..تشرب ايه
_ مش لازم شكرا
= لا لازم انت عايز الناس تاكل وشنا وتقول اللي مشربش حاجه في بيت مهاب اهو اهو
_ هو انتي لسانك دا مبتعرفيش تحطيه في بوقك خالص
= لا بحب اسيبه حر طليق..*وروحت طلعت لساني*
_ هقطعهولك ع فكره
= اه ما اصل انا هسكتلك واقولك شطوره حبيب مامي كمل في حته لسه متقطعتش
@ خلاص بس بقا يا كرما في ايه
= الله انت مش شايفه يا هوبا ولا ايه
_ مش عيب علي شحط زيك ويتقاله يا هوبا!!
& يا زيزو يا حبيبي عامل ايه
*طبعا انفجرنا ضحك انا وهوبا عشان خالتو دخلت وخلت شكله عره اوي وسطنا وهو كان لسه بيتريق ع اسم هوبا*
= ههههه هههه مش قااادره هموووووت شكلك بقا قطونيل اوي الصراحه
@ قطونيل القطن بيتكلم
_ جرا ايه يا سوسو يرضيكي كده خلتيهم يتريقوا عليا
& ملكش دعوه بيهم عبيطه واتلمت علي اهبل دول عايزهم يعملوا ايه يعني
= ولا يا هوبا احنا بنتهان يلا
@ اخدت بالي
= طب وهتسكت!! دي بتشتمك يبني لو انت هتسكت انا مش هسكت
@ ايوا بنت خالتي الجااامده بقا هتعملي ايه
= هشتم معاها ????
& ربنا يهبلك اكتر واكتر يابت اختي..تشرب ايه يحبيبي
*طبعا عز كان مسخسخ ضحك..وقع في عيله هبله والله..معالينا اول ما خالتو سألتو وقف ضحك ورجع لوقاره واحترامه وكده يعني*
_ اي حاجه قمر منك يا سوسو
& يحبيبي هخش اعملك احلي عصير
_ تسلميلي
*ودخلت خالتو تعمل للشملول عصير وانا قعدت ع الكرسي اللي جمب السرير اللي قاعد عليه مهاب..وعز كان قاعد ع الكرسي اللي قصادنا*
_ الف سلامه عليك يا بطل
@ حبيبي الله يسلمك
_ هتنزل بقا الشغل ولا هتتدلع وتعمل فيها تعبان
= الله!! انت مش شايف الولا تعبان ودراعه مكسور ازاي دا اقل واجب يعني انه ياخد اسبوع اجازه ولا حاجه انت مش شايف وشه اصفر ازاي
_ ازاي؟!
= اهو انت مش شايف وشه يقلب امه اصفر ازاي..وبعدين مش انت اللي كسرتله ايده علي رأي المثل تقتل القتيل وتمشي في جنازته صحيح
_ اه وايه كمان مش عايزه تطلعيني واكل مال اليتامي بالمره
@ خلاص يا كارما متكبريش الموضوع
_ انا عايز افهم بس مين الكبير فيكو
@ انا طبعا
_ ولما هو انااا طبعا سايبها تتكلم ليه ع اساس انها امك مثلا..وبعدين هي مالها اساسا
= هو ايه اللي انا مالي دا انت بجح صحيح
@ خلاص يا كارما عشان خاطري مش هتتعاركو هنا
= انا مش بتاعه خناقات اصلا انا شخص مسالم بطبعي والله
_ اه اومال
*جيب ببصله بقرف كده لمحت جمبه علبه شوكلاته و بوكيه ورد شكله حلو اوي..روحت واخدتهم وهما الاتنين بيبصولي ومستغربين اوي*
= ايدا يا هوبا بقا عندك علبه الشوكليت دي كلها ومديني الشكولاتايه اللي في الدرج يمعفن!!
@ مش انا اللي جايبها يا ام لسانين
= اومال مين
@ عز
= امم ماشي طيب والورد!!
@ عز برضه
= جايب ورد!! ورد
_ ايه هو الورد من الممنوعات عندكم ولا ايه..زيه زي المخدرات يعني!!
= لا بس مفيش حد بيجيب لحد عيان ورد
_ بجد!! اومال بيجيبو ايه بقا
= كيلو برتقان علي كيلو موز كده
_ موز اه جاي ازور قرد؟!
= اتريق اتريق ما انت عايش عشلن تتريق اصلا
*روحت وقعدت علي الكرسي وربعت رجلي وحطيت الشكولاته ع رجلي والورد في حضني كده وبدأت افتح الشكولاته واكلها*
_ هو انتي بتعملي ايه
= ايه!! باكل شكولاته مش شايف
_ لا هو انا شايف بس دي بتاعه مهاب!! لو عايزه انا ممكن اجيبلك يعني وسبيهاله
= انا ومهاب واحد ع فكره بعدين مهاب مش بيحب الشوكليت وثالثا بقا انا مش وخداهم منك انت انا وخداهم من هوبا
_ انا اللي جايبهم!!
= ايوا بس اديتهم لمهاب وبقوا بتوع مهاب..يبقي هو بقا ادهولي مش انت
*عز بص لمهاب بصه استغراب كده راح مهاب ضحك ورد عليه*
@ والله يبني ما اديتها حاجه ????
= مش محتاج تقول يبني انا بحس بيك
*بصلي وضحك وبدأ هو وعز يتكلمو في الشغل وكده وانا طبعا كلت الشوكلاته وزهقانه ف قولت هروح اقف في البلكونه اللي في اوضه مهاب شويه*
*دخلت البلكونه وانا حاضنه الورد وعماله اغني وادندن مع نفسي كده وابص للسما*
= عقلي مني طاار اول نا قابلته..دا اللي خد بتار كل اللي شغلته..هو دا يا ناس خلاص حبيبي واعمل ايه هويت يعني مش بأيدي
_ هو مين دا بقا!!
*طبعا اتخضيت جداا ولفيت بسرعه لقيته واقف وحاطط ايده في جيبه ومبتسم*
= الله يخربيييتك خضتني
_ خدتي عليا ع فكره..انتي ناسيه ان انا ظابط.
= ظابط دي في القسم لكن هنا انت صاحب ابن خالتي
_ اممم حلو الكلام دا عجبني
= طب كويس اخطبهولك
_ هو مين دا
= الكلام..ماهو عاجبك
_ بت اتلمي انتي مش قدي
= نينيني انت جاي ليه اصلا
_ جاي اشم هوا
= تشم هوا!! لا وانت الصادق جيت سحبت الاكسجين اللي في المكان كله
_ لسانك الطويل دا هقطعهولك
= ابقي وريني شطارتك ياعسل..وبعدين فين مهاب
_ راح يغير هدومه عشان هينزل معايا
= اه طب وسع وسع خليني اطلع
_لا
= يعم وسع كده وانت زي الحيطه
_ ايه!! قولتي ايه
= ااا مقولتش اا
_ لا قولتي..حيطه مش كده
= لا محصلش
*رفع حاجبه وربع ايده كده وبصلي وانا خوقت الصراحه*
= وسع وعديني
_ ولو موسعتش!!
= هنط من البلكونه والله انا بقولك اهو
_ انتي تخرسي خالص انتي لولايا كان زمانك في السجن
= ليه يا اخوياا كنت ممسوكه بوصولات امانه
_ لا مرتشيه..بقا انا عز الدين ا…
= لا عنك انت انا هكمل..*وبدأت اقلده* “بقا انا عز الدين عبد البارئ اللي محدش يقدر يبص في وشه واحده زيك تيجي وتقولي ترشيني!!”
*قعد يضحك جامد طبعا.. وضحكته كانت قمر اووي!! اي دا يا كارما انتي هتخيبي ولا ايه انا س‏نجل وهفضل طول عمري سنجل وهموت سنجل*
_ انا مش بعمل كده ع فكره.. ومكنتش هقول كده اصلا
= بقولك ايه بقا ماتعملش فيها عاملي فيها مش ناقصه
_ مالك!!
=مليش.. الا صحيح يا حضره الظابط فين الكارنيه بتاعي.
_ ما قولت نسيته
= بس مهاب قالي انه كان معاك!!
_ اا لا هو كان في المكتب وكده بس نسيت اديهولك
= بس انت قولت نسيته في البيت
_ من الاخر انا عايزك تيجي بكره
= ليه!!
_ هو كده مزاجي
= طب انا مش هاجي بقا واديه ل هوبا
_ انا مش هديه لحد وانتي اللي هتيجي تاخديه وبلاش هوبا دي عشان رده فعلي مش هتعجبك
= انت مش قولتلي هوبا دي في البيت مش في القسم!! وانا في البيت يبقي اقول اللي انا عيزاه
_ لا ولما اقول كلمه تتسمع بلاش هوبا دي تاني اسمه مهاب
*سابني ومشي وفضلت واقفه متغاظه منه يخربيت بروده بجد مش طيقاااه…طلعت لقيت مهاب خلص لبس ونزلنا وصمم انه يوصلني*
= يا مهاب لسه بدري هروح لوحدي انا مش عيله
@ قولت لا مش سيره هي
= طيب ما انت كده كده عربيتك في الصيانه!.
@ هنركب مع عز نوصلك وبعدين نروح مشوارنا
= لا انا هروح لوحدي و…
_ ما قالك لا يلا اخلصي واركبي ولا عاجبك وقفتنا في الشارع كده
= انت مالك انت انا بكلم مهاب و..
@ يلا يا كارما اركبي بقا متتعبنيش
= اووف ماشي
@ ايه اللي انتي مسكاه دا!!
= دا الورد بتاعك
@ اه ما انا واخد بالي..بس حضرتك واخداه ليه
= عادي يعني ما انت مش هتعمل بيه حاجه..لكن انا هتصور بيه كام صوره وانزله ع الانستجرام واكتب لحالي احلالي او ورده ماسكه ورد او ايه رايكم يا بنات في القمر دا حاجات كلبوبات انت متشغلش بالك.
@ طب يلا يا اخره صبري
= لا بس ايه رايك مش لايق ع الطقم بس لو كان ابيض كان هيبقي احلي يلا مش مشكله
_ طب نمشي بقا ولا ايه
*بصيتله بقرف كده وركبت العربيه ورا وهما ركبوا قدام وعز هو اللي سايق العربيه*
= ما تشغل عمرو دياب!!
_ لا
= طب تامر حسني
_ لا
= طب عنبه طيب
_ عنبه!! ايه عنبه دا
= مش عااارف عنبه!! دا من اهم الفنانين في الوطن العربي
_ عنبه دا فنان
= اه مغني مهرجنات
_ مهرجانات اه لا مش بسمع التلوث دا طبعا
= اومال انت بتسمع ايه
_ بسمع ام كلثوم مثلا اا..
= ام كلسون ايه دي اللي بتسمعها شغلنا حاجه شعبي يبني الله يهديك
_ كلسون!! ششش اسكتي خالص
= يعني مش هتشغل عنبه!!
_ استحاااله طبعا انا علي جثتي الحاجات دي تشتغل في عربيتي *وراح مشوح كده قال يعني مش همه*
*بعد خمس دقايق*
= اندال اندال انداااااااااال والله ما فيكم جدعااااااااااان
_ شششش بس بس كفايه ازعااااج
@ سيب المهرجان دا والنبي بحبه
_ حتي انت يا مهاب!! انتو معاقين يبني؟!
*قفل المهرجان الحيوان وكمل سواقه عادي*
= انت قفلت المهرجان ليه
_ مزعج
= ع اساس انك عمرك ما سمعت مهرجانات يعني
_ لا
= انت متعرفش في حياتك غير مهرجانه الجونه بتاع نجيب سويرس يعني!!
_ اه واسكتي بقا
= اووف سكت..بني ادم صامت المفروض يسموك عز سايلنت
_ ما هما لو هيسموني عز سايلنت هيسموكي كارما ڤايبريش
= يا خفه..ركز في السواقه ركز بدل ما نلبس في حيط ولا شجره وانا لسه في عز شبابي عايزه اتجوز واجيب عيال
_طب بطلي رغي بدل ما البسك انتي في حيط
*قطع حديثها صوت اتصال من هاتفها*
= اي دا دي ريهام
@ طب ردي بسرعه وسلميلي عليها
= والنبي اتنيل
*رديت ع المكالمه*
= الو
«………………
= مين معايا وريهام فين!!
«…………………
= ايه!! هي فين دلوقتي
«………………….
@ في ايه يا كارما ريهام مالها
= اطلع بسرعه علي المستشفي ريهام عملت حادثه
يتبع..

 

• لقراءة باقي فصول الرواية اضغط على (رواية غرام العز)