رواية رغبة في الإنتقام الفصل الرابع والثلاثون 34 بقلم نوسة حمد

رواية رغبة في الإنتقام الفصل الرابع والثلاثون 34 بقلم نوسة حمد

 

 

البارت الرابع والثلاثون

 

#رغبة_في_الانتقام34
#نوسه حمد
محمد قال لي عاوز منال علي سنه الله ورسوله قلت ليهو بشوفها ليك بس زي م شايف هي والده جديد صعب انها ترتبط قال لي م عندي مشكله لو وافقت ما متسرع وصراحه ي نوسه عايز اقول ليك سر قلت ليهو قول ي محمد قال لي انا كنت متزوج وبدل المره اتزوجت تلاته وكل خلافي معاهن الولآده الاولي م كنت عارف سبب عدم الولاده شنو ووصلنا لطريق مسدود بعد تلاته سنه واتزوجت بعديها طوالي والتانيه انا وهي كنا حلوين لغايه م طلبت الطلاق من غير سبب وطلقتها واتزوجت التالته وبرضو م ولدنا مشينا الخرطوم لدكتور في مستشفى دريم شاطر واكتشفت انو انا الما بلد ساعتها الدنيا ضلمت في وشي وهي كانت بتصبر فيني وقالت لي رضيانه بس هي صغيره قلت م بظلمها نهاي طلقتها ووديتا اهلا وتاني م فكرت اتزوج غير هسي وعشان منال والده اطفال صغار وبالذات المولود الشايلاهو جديد نفسي اتزوجها ويوعا للدنيا ويشوفني انا جنبو من يفتح ويفتكرني ابوهو ويقول لي ابوي العبره خنقتني ليهو بالذات لمن شفت دموعو قلت ليهو ان شاء الله يا جنابو اتحقق البتحلم بيهو بس انت اديني وقت اقنعها ليك وعلي فكره منال دي صحبتي قبل اعرف عمار وذكي وان شاء الله ح اقدر اقنعها بس هل ذكي ح يوافق قال لي م عارف والله قلت ليهو ح يوافق والله لانو ما ح يلقا الاحسن منك قال لي المهم انا تكلت الموضوع دا عليك وعلي اقل من مهلك شوفيهو لي وبترجاك تقنعيها قلت ليهو ان شاء الله اوعدك يا محمد ودعني وفات لمن حكا لي قصتو قلبي انقطع وقلت لازم اقنع منال باي فهم وقبل منال اخت ذكي في الصوره واحكي ليهو اي شي والكلام دا بعد اتزوج ويستقر مع تهاني بمش ليهم

 

 

مرت الايام وذكي جاب لي تهاني جنس حاجات م شاءالله م قصر منها نهاي وقدرت اقنعها انها تلبس وتتمكيج لمن اجي اسوقها ورسمت واتجيهت وهي م شاءالله جميله جمال م عادي والعجب يومها اللبست ذكي لمن جا اسوقها لمن انخلع وطبعا ايثار بتها قالت م بتمش معاها قلت ليها خليها معاي مونساني وكل عصريه بنجيك نتونس معاك تهاني اتجرست لمن جات تمشي ونحنا زاتو اتجرسنا اكتر منها فاتت خلت لينا البيت مسيخ ما بنقعد ونحنا زمنا بقا ضيق قلت لي ندي اجتهدي لي في نفسك انا م بعرف لحاجات البنات دي عشان ح تكونو تلاته عروسات لازم تطلعي احلي واحده فيهن وانا خليني للشغله واتفقنا نعمل عرسهم كلهم مع بعض رجعنا حجزنا لي العروسات تاني عشان العرس بسبب ظروفي اتاجل والحجز اتلغي لانو زمنو فات وانا بقيت اجهز في الحاجات وقلت لي ندي بتمسح معاك كان ابقا نايره وانا من الله خلقني م مسحت وشي ولا بي فير من اول ايام وشي بقا رهيب ابوي قال لي ي بت دا شنو المسوياهو في وشك دا قلت ليهو دا فير قال لي خلاص تاني م تعملي قلت ليهو ندي زاتا عملت قال لي ندي عروس انتي م تكتري قلت ليهو حاضر يابا م بعملو قعد اضحك قال لي لا لا خلاص اعملي بقاك سمحه خايف اسحروك قلت ليهو يسحرو لي شنو يابا قال لي انتي احلي واحده في بناتي قلت ليهو انت داير تجبر بخاطري يابا م تغش علي انا عاديه والله قال لي انا م بجامل بس انتي خلقه واخلاق بخت البتزوجك قلت ليهو انا مستحيل اتزوج يابا افوتك انت واميمه وناجي وايثار وين قال لي الله كريم ي بتي انا والله اول راجل اديك ليهو قلت ليهو راجل بسوقني منكم ما دايراهو يابا قال لي انا والله م بخليك تحرسيني انا عايز أشوف اولادك قبل اموت قلت ليهو ان شاء الله ليك طولت العمر يابا تحج وتعمر قال لي عارفه نفسي اعمر نفسي اخفف ذنوبي قلت ليهو يابا انه غفور رحيم قال لي لكنه شديد العقاب قلت ليهو يابا لازم تنسا الماضي واستغفر كتير ربنا عالم بالنوايا وقادر يغفر ليك كل ذنوبك انت م تتعب نفسك وتتعب قلبك وعقلك بالتفكير باب التوبه مفتوح لغايه اخر يوم في عمرك وربنا هو العالم بالاخره احتمال زول اكون شيخ وبصلي صلواتو وبصوم وبذكي واكون بعمل المعصيه تحت تحت وما يتوب لغايه م يموت ويكون بصلي واي شي بس بتجاهل معصيتو وما بتوب احتمال ربنا ادخلو النار بسبب علمو بالمعصيه والتمادي فيها وهو ملتزم وانت كنت علي غفله يا ابوي احتمال ربنا يغفر ليك وتخش الجنه ودي كلها بيد ربنا نحن بس نسعي نكفر عن ذنوبنا وماف انسان معصوم من الخطا انا القدامك دي احتمال اكون بلساني اخطأت وربنا قال خير الخطائون التوابون يعني انت اتوكل علي ربنا واستغفر يابا كل م تلقا نفسك براك استغفر خشمك دا م يقيف من الاستغفار لغايه ما تصل مرحله ابقا ليك عاده وربنا كريم عليك ونحنا عافيين ليك اي شي فجاه دموعو نزلت قال لي ذنب امك بشيلو في رقبتي لمن اموت قلت ليهو يابا امي الحصل ليها م بي سببك دا قضاء وقدر انت م مقتنع بالقضاء والقدر يعني امي كان كانت متزوج راجل غيرك كان ح تموت بالطريقه دي لانو ربنا كاتب ليها في عمر معين يحصل ليها كده وتموت قال لي لكن انا لو مشيت جبتها ليها الدايه م كان ماتت قلت ليهو ابوي استغفر عليك الله انا هسي من قبيل بشرح ليك افهم انو امي ف الزمن دا وفي العمر دا وهي بتولد ربنا رايد ليها انها تموت حتي لو وديتا لي دكتور عديل خليها الدايه لانو دي قضاء وقدر والإيمان بالقضاء والقدر من صفات المؤمن وانا شخصيا يابا احتمال اكون كنت مضايقه منك وفي يوم امي الماتت كرهتك الكره الواحد دا ودا احساس طبيعي بس انا بعد كبرت ووعيت بقيت افتش لي رضاك وافتش لي انو انت تضمنا عليك ونستقر اسريا والماضي بالفيهو اقسم بالله نسيتو وامي رغم الحصل ليها معاك كنا لمن نضايق منك بتقول لينا عيب دا ابوكم مهما الدنيا جارت عليهو دا ابوكم نهاي لا تزعلو منو لا تكرهو امي لو كانت ربت فينا انو نكرهك عشان الصفات الكانت عندك كان للان لو لقيناك في النار نزيدك حطب ورغم انو نادر تعب وصارع احساس الماضي ومرض نفسيا وكان بصارع الطيبه واللين الزرعتا فيهو امي مع الغضب اتجاهك ودفع التمن صحتو والحمد لله ربنا رجعو للصواب واول م اشتغل ربنا فتحها عليهو عارف يابا نادر دا لمن اشتغل مع ناس مهند ما كان شغلهم زي هسي مهند قال لي اول م اخوك اشتغل معانا الناس بقو يجوهو من وين وين ربنا سخر لينا جنود الارض ودي دعوات امي لينا لغايه م ماتت قاطعني في الكلام قال لي انا اتزوجت المراءه الصالحه بس كنت ليها م صالح ياريتني كنت صالح م كان حصل الحصل قلت ليهو يابا نرجع تاني انا ميه مره قلت ليك دا قدرها افهم يابا عشان م تتعب نفسيتك قال لي الله يكملك بعقلك ويصلح حالك وانا بعد درس اليوم دا م داير حاجه تانيه اطمئنيت علي مستقبلك ومستقبل اخوانك لو ربنا شال امانتو بكون مرتاح قلت ليهو يارب يا ابوي تشيل اولاد اولادي وتكون لي سند في الدنيا قال لي امين يا الغاليه ربنا يخليك لي سبحان الله ابوي اتغير شديد اتمنيت امي تشوف اللين الهو فيهو دا لانها كانت بتحبو بس قدر الله وما شاء فعل والحمد لله م انحرمنا من عطفو بعد مشيت منو سجدت سجده شكر 🙏

 

 

مرت الايام وتهاني ما شاء الله مستقره وذكي محترم شديد ونهاي م كان بعاملني انو كان عايزني وطبعا هي عارفه وما متأثره بالموضوع لانو اصلا هو لمن كان عايزني عشان بس يلد ويربي معاي اخواني يعني ماف قصص بينا ما حصل يوم جابت لي سيره وهو زاتو م حصل مره حسيت انو بنظر لي نظره ما ياها بالعكس بقيت احس كانو شايفني بتو رغم انو م كبير بس مجرد اتزوج تهاني حسيت بالاحساس دا وبقا صاحب ابوي شديد ابوي كل يومين العصر اقول لي ماشي اشرب قهوه معاهو اسوق اميمه وايثار ويمش مره فتحت معاهو موضوع جنابو محمد وحكيت ليهو ظروفو طبعا هو زول متعلم وفاهم قال لي والله يا نوسه دي امور شخصيه ومنال صغيره واكيد ح تتزوج وانا والله بدل تجيب لي راجل لي اولاد ولدي ديل احسن لي جنابو محمد وبالذات لمن قلتي انو ما بلد وانا والله موافق بس هي كيف تقنعيها قلت ليهو انا قلت افتح معاك الموضوع انت اول وتاني منال بعرف اتصرف معاها قال لي وريها من الاول انو انا موافق احتمال تقول انا ما بوافق انا والله م عندي اي مشكله ربنا يسعدها بت حلال وطيبه وهي السببب في زواجي من تهاني قلت ليهو طيب انا ح اقنعها باذن الله ومن دربي داك مشيت ليها واتناقشت معاها قالت لي مستحيل اتزوج معقوله يا نوسه قلت ليها شنو الما معقوله انتي بت صغيره ومحتاجه البسندك وانا والله شايفه جنابو محمد دا احسن راجل ممكن ترتبطي بيهو وما تقولي انا جايه أقنعك عشان هو وقف معاي لا والله بس انا حسيت انو ولد حلال ومحترم وبخاف ربنا وصدقيني الدنيا دي محتاجه راجل ما بتقدري عليها براك عليك الله استخيري وهو م شفقان قالت لي نوسه كدي استغفري انا شايله لي طفل في يدي اجي اتزوج قلت ليها هو قال م عندو مشكله بنتظر انتي بس وافقي واتعرفو علي بعض وتاني تتزوجو متين دي هينه قالت لي نوسه والله م مفكره ف الموضوع بس انتي خليها علي الله قلت ليها المهم انا وراك لمن تقتنعي قالت لي يختي انتي تعرسي للناس نسيتي نفسك سرحت بعيد قلت ليها انا متزوجه ووالده قالت لي بخلعه شنو شنو قلت ليها دقيقه م تفهمي غلط هسي ابوي دا براهو م راجل واميمه وايثار وناجي ديل اولادي قالت لي نوسه هوي انا عايزه اديك النصيحه شوفي مهما اخلصتي لي اخوانك ديل وربيتيهم وعلمتهيم ح يكونو اخوانك بعد يكبرو بعرسو وظروفهم بتتغير اخوانك احتمال اجن النسوان اغيرنهم واخواتك احتمال ابقن في مسؤوليتن وبكونو في حياتهم الخاصه بس اذا عندك جنا دا لو طار السماء ولدك وما بنشغل منك اوعك الدنيا تنسيك مصلحتك خليك واعيه واخوانك م شاء الله م قصرتي منهم والله اميمه الصغيره دي انا شايفاها ما شاء الله وزي م انتي م قصرتي في البيت ولا في ابوك ح تكون زيك وما ح تقصر من ابوها لغايه ما ربنا اديها ولد الحلال وم شاء الله هديل كلكم بقيتو جنب ابوكم يعني اصحي لي روحك والدي ليك جنا ينفعك قلت ليها ان شاء الله ربنا كريم القسمه م معروفه وين قالت لي المهم فكره انك ترفضي راجل بحجه اهلك دا اكبر غلط اسكني جنبهم وكل يوم امشي وتعالي فيهم قلت ليها الله يرزقني بولد الحلال البرضا اني اكون جنبهم قالت لي ان شاءالله نخليها للايام بس عايزه استاذنك تتواصلي مع محمد رايك شنو قالت لي ان شالله قلت ليها يعني اديهو رقمك قالت لي تمام 👌 رجعت البيت واتصلت عليهو عديل واديتو البشاره انو احتمال توافق وهسي هي رافضه عشان الطفل الفي يدها قال لي بنتظر لمن يكبر واديتو رقمها وشكرني وقال لي المحكمه يوم الاحد تجي تحضريها شايف ذكي جاي قلت ليهو لازم احضرها نفسي اشوف معتصم دا محكوم عليهو بالاعدام قال لي ابشرك ياهو البحصل وبدل الدليل بقا عندي الف والزول دا تحت منصبو دا عامل بلاوي كانت ح تدمر المجتمع بس ربنا ستر قلت ليهو يستاهل وحقي م بضيع وجسمي المقطع بس سببو دا قال لي معليش ي نوسه م تستاهلي واعفي لي م قدرت احميك قلت ليهو انت م عندك ذنب بس حقي بخلص قال لي اكيد وودعني وقفل

 

مرت الايام وخلاص العرس قرب رفعت سماعه التلفون واتصلت علي اهل ابوي بالنفر واهل امي كذالك ورسلت ليهم الدعوه والعنوان واتساب قلت ليهم في الجامع زيعو والبجينا كلو حبابو قالو لي ان شاء الله وريت نادر قلت ليهو غير البعملو الطباخ تعمل شغل خاص للاهل لانهم كلهم جايين قال لي ان شاءالله وفرحني قال لي لقيت البيت الجنب بيتنا عارضنو للبيع وعايز اشتريهو والخبر المفرح التاني خال مهند دا برضو بايع بيتو ح اشتري ليكم بقروشكم بتاعت البيت الفي الخرطوم لانها قاعده في الحساب قلت ليهو نادر ممكن قروش البيت دي تودي ابوي منها عمره قال لي نوسه ابوي انا بوديهو عمره وما براهو انتو معاهو ان شاء الله عمره رمضان وعامله ليهو مفاجاه عليك الله م تكلمي قلت ليهو ان شاء الله بس نفسو في العمره قال لي ادعي لي بدل عمره بس اعمر ليهو واحججو والله ما ح ابخل عليهو بحاجه فرحت شديد بتغير نادر ومن فكره الانتقام وصل مرحله الطاعه ودي صعب اي زول يصلها الشي التاني اللاحظت ليهو وانو وقف من الطبيب النفسي ومن الحبوب حمدت ربنا شكلو خطيبتو باقيه ليهو اكتر من طبيب نفسي وفعلا الانسان بتعافا مرات بالحب ❤️💕
قبل يوم من الجلسه مشيت ناس تهاني وكلمت ذكي اني ماشه معاهو المحكمه قال لي تمام منال زاتا ماشه تاني يوم الصباح لبست ومشيت معاهم المحممه ويا سبحان الله من شكل ملاذ ومعتصم الوشوش دي كانها ممسحنها بي سكن بس شكلها دي النيه السوداء انعكست في وشهم واللهم لا شماته بس البحصل ليهم كلو يستاهلو وجات لحظه حكمهم وحكمو علي معتصم بالاعدام وعلي ملاذ بالسجن عشرين سنه سبحان الله يمهل ولا يهمل دا الحكم الكانو عايزنو لي بالظلم ربنا رداهو فيهو ودايما عداله ربنا فوق كل شي وكل زول بياخد نصيبو لو طال الزمن ولا قصر قطع قلبنا ولدهم قال لي امو ماشي مع ابوي ذكي امو كانت بتبكي طوالي ذكي قال ليها م عندي مانع ولدك في الحفظ والصون اذا موافقه قالت ليهو ماعندي زول جنبي اهلي اتبرو مني من عملتي دي ومعتصم من عرفتو م عندو اهل واكتشفنا انو مقطوع من شجره ذكي قال ليها بتعرفي بيتي ولدك امانه في رقبتي متي م تطلعي تعالي ليهو ومعتصم ودع ولدو وبكا بكا الناس كلها اتأثرت بس هو المعاصي عمتو وما عمل حساب للحظه دي م رضا بالقليل وسكت واصعب حاجه ارتكبها قتل الروح وما كده كان عايز بدل الروح يقتل اتنين وعمل المستحيل عشان يعدموني بس الخير انتصر علي الشر …………….يتبع

 

 

 

• لقراءة باقي فصول الرواية أضغط على (رواية رغبة في الإنتقام)