رواية رغبة في الإنتقام الفصل الثاني والثلاثون 32 بقلم نوسة حمد

رواية رغبة في الإنتقام الفصل الثاني والثلاثون 32 بقلم نوسة حمد

 

 

البارت الثاني والثلاثون

 

#رغبة_في_الانتقام32
#نوسه حمد
الضابط معتصم قال لي العسكري دي ما بتحس وح تعذبني وما عايزه تتكلم انا طالع اجيب سجاره شوف شغلتك وخليها تورينا وفات العسكري قرب مني وشكلو كان غريب بقيت خاته يدي في وشي من الخوف قال لي م تخافي مني انا م زي معتصم م ح اضربك وبدا يتغزل فيني ومسكني بكل قوتو وانا بقيت ازح فيهو مني وعلي قدر م قدرت بعدتو مني وبقيت اكورك باعلي صوت كتم لي نفسي وحاول يغنصبني وانا بكل ما املك من قوه طيرتو بعيد مني قال لي انتي القوه دي جبتيها من وين جنبي كرسي شيلتو قلت ليهو لو قربت مني بلبسك الكرسي دا انتو جنيتو ولا شنو اقتلني وريحني لكن لو جنيت م بخليك تلمس شرفي قال لي انتي م اشرف من غيرك وايه رايك انا بمزاجك وغصبا عنك بلمس شرفك قلت ليهو ح يبقا اخر يوم في عمرك وتاني حاول اعتدي علي بقيت ماسكاهو من رقبتو كان يموت في يدي ولحسن حظي الضابط محمد جا داخل ومعاهو معتصم في وقت واحد لمن شفتو كاني شفت ملاك طوالي جريت عليهو قلت ليهو عليك الله يا جنابو خليهم يعدموني واموت بشرفي افضل لي من اخسر شرفي وبقيت اترجا فيهو ودموعي عشره عشره قلت ليهو عليك الله ارحموني انا م عايزه

 

 

برائتي انا اهون لي اموت ولا زول يلمس شرفي قال لي ودا منو البقدر يمس شرفك قلت ليهو العسكري دا طوالي معتصم استلم الجو مني قال ليهو انت جنيت ي زول كيف تغلط بالشكل دا وانت الجابك هنا منو زاتو انا بقيت محتاره في معتصم قلت ليهو كيف الجابو هنا منو انت بتمثل ولا شنو انت قصتك شنو عاوز مني شنو انا عملت ليك شنو ليه عاوز بكل السبل تدمرني ياخ حرام عليك وتف عليك تفيت ليهو في وشو لمن بقا جايط وطاخ اداني كف قال لي انتي م محترمه انتي مفتكره نفسك بتتعاملي مع اختك اصحي وشوفي انتي بتتكلمي مع مننو انا ضابط يا استاذه قعدت اضحك قلت ليهو ودا دليل علي عدم ثقتك بنفسك انا هسي قلت ليك انت م ضابط اقسم بالله م عارفه لكن انت ما ضابط ولا قريت ربع القروهو الضباط مجرد من الانسانيه الاسلوب الاستخدمو معاي اقسم بالله اكبر مجرم م بستخدمو ليهو والتعذيب عشان الزول اعترف ما بالطريقه الانت استخدمها معاي وحسبي الله ونعم الوكيل فيك يا ظالم حقي يخلص منك يوم القيامه محمد قال ليهو دقيقه منو العسكري دا ومتين جا القسم حقنا ومنو السمح ليهو يطلع السجينه دي كان موجهه الاسئله دي لي جنابو معتصم قال ليهو والله انا جيت معاك ما عارف والله نكر العسكري وانو هو الطلعني جنابو محمد بقا يسال فيهو قال ليهو انت الحولك القسم بتاعنا منو بقا ساكت وخشمو مافتحو قال ليهو بتكلم معاك رد حلف ابا ارد قال لي يا نسيبه انتي انا بسئلك وتردي بكل وضوح منو الجابك من السجن منو قلت ليهو جنابو معتصم طوالي معتصم قال لي انا يا كذابه وكان داير يديني تاني كف طوالي جنابو محمد مسكو قال ليهو اوعك تمد يدك عليها قال ليهو انت ما سامعها بتكذب فيني وانت ليه البت دي متعاطف معاها قال ليهو انا م متعاطف معاها ولا بعرفها انا واقف مع الحق قال ليهو ياتو حق انت بتتكلم عنو البت دي انحكم عليها بالاعدام انت جيت وقفت الحكم دا شنو موش تعاطف معاها ياتو حق بسمح ليك توقف الحكم قال ليهو لانها بريئه والقضيه دي ما ماسكها براك يعني انا مسؤول امام ربنا في اي حكم بنحكم للزوله دي وبعدين اسكت خليني افهم منها جنابو محمد بقا يسال فيني من لحظه جابوني من السجن حكيت ليهو اي شي معتصم نكر العسكري وقال لا بعرفو لا شافو بقا يسال ف العسكري وشكلو خايف نهاي م ردا عليهو جنابو محمد بقا يكورك للعسكري الواقف جنب باب السجن وسألو قال ليهو منو القال ليك طلع السجينه دي من السجن قال ليهو جنابو معتصم طبعا معتصم عايز يغالط العسكري طوالي جنابو محمد وقفو وسكتو وقال للعسكري منو العسكري دا ومتين حولوهو هنا قال ليهو والله مابعرف انا جيت لقيتو مع جنابو معتصم قال ليهو طيب شكرا ليك وتاني ما تجيب سجينه الا اكون عندها جلسه في المحكمه غير كده ممنوع تطلع سجينه من السجن ويلا انصرف بقا يسال ف العسكري وقال ليهو اديني بطاقتك وبياناتك والقسم الكنت شغال فيهو ومنو الحولك لينا هنا نحنا ما عندنا عسكري بغتصب سجينه الكلام دا هناك في المسلسلات والافلام لكن هنا عندنا انضابط وتكون علي حق خلاف زالك انت زاتك تكون مكان السجينه دي العسكري راسو م رفعو قال ليهو طلع البطاقه بقا يتمتم قال ليهو م تتمتم لي اديني البطاقه بتاعتك ولا وريني منو الضابط الحولك لينا قال ليهو جابني جنابو معتصم وجنابو معتصم حلف قال م بعرفو جنابو محمد بقا يتكلم مع جنابو معتصم واتناقشو وكل واحد صوتو اعلي من التاني ورجعوني انا السجن وبقو ينتاقشو مشيت منهم وكنت ببكي وملابسي شبه مقطعه والدم سايل مني وبعد م كنت حاسه بالالم حسيت بي الالم وشكلو الجروح التهبت اول ما السجينات شافني انخلعن وبقين يقولن لي دا منو الضربك وليه يضربوك وانا ابكي بدموعي وغلبني ارد ادني ملابس لبستها والدم لسه سايل في واحده قالت لي نلتخ ليك الجروح دي بي بيت عنكبوت 🕸️ قالو بروح الجروح وبقن افتشن ولقن ليهن بيت عنكبوت جن لتخنو لي ف الجرح والجرح ماشي ينتح لمن جاتني برده ورجفه وحمه غطوني بي بطانيه ولسه انا ارجف من البرد الدخل فيني ولمن جا الليل انا حالتي ازدات سوء وجسمي بقا نار والحمه زادت علي ولمن طشيت شبكه بقيت اتكلم بره من راسي وتاني مافهمت اي شي وشكلو بقيت م واعيه وأسعفوني المستشفى تلاته يوم انت م فاهمه حاجه ولا واعيه لمن فتحت لقيت نفسي في المستشفى بقيت اسال انا وين وانا مالي قالو لي انتي الجروح الفي جسمك التهبت وعملت ليك حمه والحمه طارت في الراس والحمد لله بعد الحمه خفت بقيتي تمام بقيت اتزكر في اخر حاجه حصلت لي قالو لي في ضابط كان بجي يوميا يطمئن علي حالتك قلت ليهم دا جنابو محمد قالو لي اي بتكلم مع الممرضه كده جنابو معتصم جا داخل قال للمرضه كيف حالتها بقت تقول ليهو كويسه الحمد لله حالها افضل ممكن هسي نخرجها ليكم وتقدرو تسوقوها وتكمل علاجاتها في السجن قال ليهم تمام ممكن نسوقها هسي قالت ليهو اي قلت ليها لالا انا لسه عيانه ي دكتوره محتاجه علاجات انا تعبانه وبقيت اغمز ليها قالت ليهو اي ممكن تسوقوها بكره لانو الزوله دي تعبانه قال ليها يا زوله موش قلتي انو ممكن نسوقها هسي يلا اكتبي ليها علاجات وخلينا نسوقوها انا بقيت ابكي قلت ليها عليك الله م تخرجيني انا لسه م كويسه قال لي م علي كيفك بطلي كلام يا سجينه واسكتي وطبعا البت بقت م فاهمه اي شي ادتني علاجاتي وقالت لي بعد اسبوع تعالي تابعي الجروح الفي جسمك دي وكتبت لي ورقه بي كده وكتبت لي الخروج معتصم ساقني وطلعت معاهو وانا برجف من الخوف واصعب احساس ممكن يواجهك تكون تحت رحمه رجال الشرطه بقيت م فاهمه شي وقفنا قدام عربيه فخمه وقال لي اركبي قلت ليهو منو انا مستحيل اركب الا في عربيه الشرطه قال لي بطلي فارغ واركبي انتي قصتك شنو قلت ليهو ما عندي قصه بس انا عايزه اركب في عربيه الشرطه الجابتني قال لي م تتكلمي كتير ويلا اركبي وعاوز يمسكني قلت ليهو بركب براي ركبت العربيه وضربات قلبي زادت قلت الزول دا لو ركبت معاهو ح يخلص علي شكلو وكده انا في خطر بس اتصرف

 

 

 

كيف والمسافه طالت قلت ليهو نحنا ماشين وين قال لي م تتكلمي خشمك عندك والعربيه مشت مسافه طويله استحاله اكون موديني القسم وانا خلاص اعصابي باظت وصلنا مكان مخيف وفيهو ناس مخيفين الاولاد المصارعين البنشوفن في الافلام ديل قال لي انزلي قلت ليهو انا هنا م بنزل رجعني السجن قال لي ح تنزلي ولا املي بطنك رصاص ونزلت دخلت المكان والفيهو مرعبين ومعتصم دا شكلو رئيس عصابه ما ضابط شرطه وحاول يضربني بس قال لي انتي م بتحسي واي اسلوب م نفع معاك بس في اسلوب ح ينفع معاك وشديد اشر ليهو لي واحد مشا وجا جاب معاهو ندي اختي انا انهرتا وقلت ليهم ندي لا عليكم الله ندي لا قال لي اتحديتيني وانتي م قدر التحدي انا م بتعرفيني ممكن اعمل اي شيء يخطر علي بالك وانتي ذكيه جداااااااا احب اقول ليك انا ضابط واسطه يعني لا قريت كليه لا شفت لي قرايه والدبوره دي جبتها شفتنه مني وقوه يعني ماف شي بغلبني وانتي عامله فيها قويه لقيتينا كيف قلت ليهو عليك الله ما تهبش اختي قال لي انا م ح اهبشا بس علي شرط البقولو تعملي بالملي والحته فاهمه ولا مافاهمه بكره عندك جلسه محمد عاوز اقدم دليل برائتك وح يطلعك وانا ح انكشف قصاد اني اخلي اختك في حاله حاجه واحده لا بزيدا لا بعيدا قلت ليهو شنو وانا موافقه قال لي انا ح ارجعك المستشفى هسي وبكره عندك جلسه بعد الضابط محمد اقدم دليل برائتك والقاضي يبدا يشيل اقوالك تقولي ليهم انا القتلت عمار حتي لو جنابو محمد مقدم اي شي انتي تقولي ليهم لا انا القتلتو وتحلفي قسم وانا عندي زول بكون هناك احضر الجلسه نفذتي القلتو ليك اختك ف نفس اليوم ح ترجع بيتكم ما نفذتي القلتو ليك اختك ح ندمرها رايك شنو قلت ليهو موافقه بس عليكم الله اختي م تصلوها ندي قالت لي نوسه عليك الله ما تنفذي كلامو خليهم يعملو العايزنو بس انتي م تكذبي خلي الضابط يثبت برائتك وانا خليني البحصل يحصل قلت ليها مستحيل وانا موافقه ي جنابو قال لي تمام ادا واحد من الاولاد الواقفين مفاتيح العربيه وقال ليهو وديها المستشفى قلت ليهو اول شي فكو اختي واطمنئن عليها واعرف انها وصلت ح انفذ كلامك قال لي مفتكراني غبي يعني. لا بعد الجلسه وتنفذي كلامي اختك ح تكون في البيت خلاف زالك المكان دا ما ح تجيهو لانو مافي في الكره الارضيه وح تفقدي اختك قلت ليهو لا عليك الله والله اعمل اي شي انت تقول لي عليهو اختي دي امانه في رقبتي ووصيه امي ممكن تبعدوها من القصه وانا والله انفذ القلت لي عليهو بالحرف قال لي تمام وعشان كمان اطمنك نحنا بكره ح نكون قريب المحكمه اول م اجيني تلفون انو انتي نفذتي اختك ح اخليها تجيك جوه وتودعك قلت ليهو كده موافقه شديد وندي تبكي تقول لي عليك الله خليني النموت انا انتي اهلي م بقدرو يعيشو من غيرك من يوم انسجنتي ما شوفنا يوم كويس قلت ليها ح تعيشو ي ندي زي م قدرتو تعيشو من غير امي ح تعيشو من غيري قالت لي امي كنا صغار مافاهمين ليها شي لمن ماتت قومنا لقيناك انتي امنا ليه تقطعي قلب ابوي قلت ليهو عليك الله يا ندي قولي لي ابوي انا عافيه ليك وما تنساني بالدعوات وخلي يتزوج مرت عم احمد ضروري عشان ما تكون في حرمه في وجودها في بيتنا والحمد لله ربنا بعوضكم بيها انا خلوني كنت ببكي وندي اكعب علي ورجعوني المستشفى الولد لاقا الممرضه الخرجتني وقال ليها ما تجيبي سيره بي اي كلمه ولا تقولي جنابو معتصم جا ساقها واداها قروش بس رفضت شكلها ضميرا صاحي بعد فات الولد جات تتكلم معاي وانا كنتت ببكي قالت لي انتي مالك احكي لي فشنو قلت ليها لا لا مافي شي القالو ليك الولد دا نفذي قالت لي لا انا م ح اكذب ح اقول الحقيقه والبحصل يحصل انا لا بخاف لي من ضابط لا عسكري انتي ليه خايفه منهم الضابط الجا ساقك دا م تمام قلت ليها عليك الله خليني واموت ليك م تتكلمي قالت لي مستحيل وعشان كمان اوريك انا ح ابلغ فيهو القانون م لعب نحنا في فيلم هندي قلت ليها عليك الله لا انا والله الحاصل علي ما شفتو الا في الافلام الهنديه ولو اتكلمتي يا دكتوره اختي ح تموت قالت لي اختك الدخلا في الموضوع شنو ي بت قلت ليها ممكن بس م تسأليني قالت لي شوفي انا لو وريتيني الحقيقه انا بسكت لو انتي ابيتي بتكلم قلت ليها ح اوريك بس توعديني انك تسكتي قالت لي طيب بقيت احكي ليها من طق طرق للسلام عليكم البت بقت مخلوعه ومنططه عيونا وقالت لي ديل عصابه اموتو هم وتعيشي انتي ي نوسه اسمعيني اختك م بتجيها حاجه قلت ليها لا والله بجيها اقسم بالله بجيها اموت ليك خليني وما تتكلمي بي حاجه انا خلاص

 

 

قدر العيشتو في الدنيا دي كفاي ما عايزه اعيش تاني اختي مخطوبه وبتحب خطيبها وعرسها قريب انا م عندي امل ولا هدف اخواتي بعد ابوي اتزوج مرت عم احمد ما ح يحتاجوني الموت ارحم من الشايفاهو دا البت لمن قعدت تبكي اترجيتا وقعدت ليها في الارض وكنت ببكي بكا ذكي وجنابو محمد جو وفرحانين وبقو يحكو لي قال لي كل شي لخير والعسكري الغريب داك هو الخلصنا من القضيه دي وجنابو محمد بقا يحكي لي وهو فرحان قال لي اكتشفت انو العسكري دا م عسكري واعترف انو الجاب ليهو الزي جنابو معتصم وهو القتل عمار وأعترف يعني بكره برائتك وكانو فرحانين وانا نهاي لا فرحانه لا فتحت خشمي قالو لي مالك م رديت الدكتوره قالت ليهم نوسه دي عيانه عليكم الله خلوها ترتاح تعالو سوقوها بكره قالو لي تمام اخيرا ح ترتاحي يا نوسه والف سلامه ليك ياغاليه ودموعك دي غاليه انتي قويه وانا كل كلمه بقعد ابكي زياده وبتخيل في منظر اهلي بكونو يفتشو لي ندي وعشان ندي انا مستعده اعمل اي شي وقومتا صليت وبقيت ادعي ربنا اني ماعندي حيله في يدي والكذب حرام بس اعمل شنو وكمان احلف قسم بقيت ادعي ربنا يظهر الحق انا خلاص تعبت وروحي دي طلعت
والدكتوره تمش وتجيني وتسال فيني وريتا انو وعدني بعد الجلسه انهم يجيبو لي اختي واليوم داك م نومتا تاني يوم العسكري جا ساقني ومشينا المحكمه وجنابو محمد قدم دليل برائتي والعسكري اعترف انو هو القتل عمار وهو العذبني وحاول يغتصبني وانو ورا الكلام دا جنابو معتصم وانو مديهو زي عسكري وارتكب كتير من الجرايم القاضي بقا يسال فيني قلت ليهم لا ديل كذابين انا القتلت عمار وممكن احلف قسم بي كده ……..يتبع

 

 

لقراءة باقي فصول الرواية أضغط على (رواية رغبة في الإنتقام)