رواية عانيت لأحبك الفصل الثالث والثلاثون 33 بقلم فاطمة محمود
رواية عانيت لأحبك الفصل الثالث والثلاثون 33 بقلم فاطمة محمود
البارت الثالث والثلاثون
” رواية عانيت لاحُبك ”
” البارت الثالث وثلاثون ”
” الكاتبة فاطمه محمود ”
واللِّيْن باللِّيْن والودّ بالودّ ، والبـَادِئ بِـاللُّطف تـألَفُه الرُّوحُ وَتَهوَاه 🦋.
فارس بيكون نايم وبيصحا علي صراخ نور
فارس بفزع : في ايه
نور كانت واقفه علي السرير : انت اللي ايه منومك هنا
فارس اتنهد: يا حبيبتي هو احنا مش امبارح اتجوزنا
فقدتي الذاكره ولا ايه
نور : وايه دخل الجواز بانك تكون معايا في نفس
الاوضه
فارس بانفعال : يارب صبرني ما هو دا الموضوع اصلا
انا جوزك يعني كل حاجه عادي وبعدين انتي متعرفيش
ولا ايه
نور قعدت بعصبية طفوليه : ونا ايه عرفني هو انا
اتجوزت قبل كدا يعني
فارس : هو انتي كمان متعصبه كمان يابت
نور : الله هو انا قولت حاجه
فارس : انا هنام عليا الحرام لو لقيتك عملتي حاجه
كدا ولا كدا هتشوفي هعمل فيكي ايه
نور : يعني انت هتنام وهتسبني
فارس : هو انا هسافر ما انا هتخمد جمبك يحبيبتي اهو
نور : هتخمد و يحبيبتي ايه الرومانسيه اللي عندك دي
فارس : لاا بقولك ايه متعلقيش انا مصدقت اتجوز
بس مش عارف ليه جاب نتيجه عكسيه معايا
نور بغيظ : قصدك ايه يا بشمهندس فارس
فارس : قصدي انك تيجي تنامي معايا
نور : لاا انا مش عاوزه انام
فارس : بس انا عاوز انام
نور : طيب وبعدين هنعمل ايه
فارس : هنعمل ايه في ايه
نور : انت عاوز تنام ونا مش عاوزه
فارس : مش محتاجه تفكير هو كلامي اللي
هيمشي هتنامي
نور : نعم
فارس علي صوته : في حاجه عاوزه تقوليها
نور : بقول ننام
فارس بابتسامة : تعالي نامي في حضني
نور قربت من فارس ونامت في حضنه فارس غمض
عيونه ونور فضلت صاحيه
نور بصتله : فارس
فارس : نامي يا نور
نور : حاضر
………………………………………
عند سلمي بتفتح عيونها بتشوف يوسف بيبصلها
بتخبي وشها بالملايه يوسف بيشيله من علي وشها
يوسف بحب : ينفع تخبي عني الجمال دا كله
سلمي كانت بتبص بعيونها بعيد ومش عارفه ترد
يوسف : سلمي
سلمي بصتله : نعم يا يوسف
يوسف : يقلب يوسف ممكن اعرف مالك
سلمي : بصراحه
يوسف : اممم
سلمي : انا مكسوفه اوي مش قادره ابصلك
يوسف : ليه يحبيبي
سلمي : اني الاقي نفسي نايمه في حضنك لوحدها
تخليني اتكسف حاجه جديده عليا
يوسف : بس انا عاوزك متكسفيش انا يوسف حبيبك
وبعدين لازم تتعودي علي كدا
سلمي : اتعود
يوسف : ايوا ما انتي مش هاني غير في حضني
سلمي اتكسفت
يوسف بابتسامة : برضو مكسوفه
سلمي هزت راسها بكسوف
يوسف : طيب تعالي اشيل ام الكسوف دا
يوسف قرب من سلمي بحب وذهبوا للعالم الخاص بيهم
………………………………………
ملك بتكون في المطبخ بتعمل اكل وجرس الباب بيرن
بتخرج وبتفتح الباب
سوزان : عامله ايه يحبيبتي
ملك بتحضنها : الحمدلله بخير يا ماما وحشاني اوي
سوزان : ونتي كمان
ملك : طيب اتفضلي
سوزان بتدخل الشقه وبتقعد علي الكنبه
سوزان : عامله ايه طمنيني عليكي ومراد عامل ايه
ملك : الحمدلله تمام
مراد : هو لسه في الشغل
ملك : ايوا
سوزان : شكلك كنتي بتعملي حاجه وعطلتك
ملك : لاا يحبيبتي انا خلصت
سوزان : طيب مفيش اي حاجه
ملك باستغراب : حاجه ايه
سوزان : حمل يعني
ملك بابتسامة : لاا يماما .. طيب اجبلك حاجه تشربيها
سوزان : لاا اقعدي عاوزاكي في موضوع مهم
ملك : خير يماما في ايه
سوزان : خير يحبيبتي انا اعرف دكتور نسا شاطر جدا
ملك : ايوا بس مش فاهمه برضو
سوزان : تروحي عنده وتطمني وتشوفي ليه التاخير
ملك : انتي بتقولي ايه يماما
سوزان : يحبيبتي وفيها ايه هاتيلك حتته عيل يسندك
ويبقا اخوكي وابنك
ملك : بس انا مفتحتش الموضوع دا مع مراد
سوزان : اتكلمي معاه وقوليلو انا اخدت معاد علي
الساعه 10
ملك : اختي ليه يماما مش ممكن يرفض
سوزان : يابنتي فكري في نفسك شويه وهو يرفض ليه
ملك : حاضر
سوزان : طيب انا همشي ويبقا اكلمك عشان نروح
عند الدكتور
ملك : انتي هتمشي ليه اقعدي شويه اتغدي معانا مراد
خلاص علي وصول
سوزان : لاا يحبيبتي اسيبكم علي راحتكم
سوزان قامت وملك قامت معاها وفتحت الباب
وسوزان خرجت
ملك : مع السلامه
سوزان : سلام يحبيبتي
ملك قفلت الباب وفضلت واقفه شويه وبعدين قعدت
علي الكنبه تفكر في كلام مامتها وجرس الباب رن
قامت تفتح
ملك : مراد
شهد بضحك : لاا شهد بس ممكن تبقي مراد عادي
ملك بابتسامة : ادخلي يا لمضه
شهد دخلت وقعدت هي وملك
شهد بابتسامة : انا مبسوطه جدا جدا جدا
ملك بابتسامة : يارب علطول بس ايه سبب الانبساط
شهد : انت ماختيش بالك امبارح ولا ايه
ملك : علي ايه بالظبط
شهد : سيف طلب اني ارقص معاه
ملك : اه افتكرت كنت خيالك ونسيبت بس ازاي
شهد : بجد مش عارفه انا مصدقتش نفسي اصلا
كنت فاكره اني بحلم
ملك بغمزه : شكله هيقع ياعم
شهد بضحك : مش عارفه هو شايفني ايه بس انا مبسوطه
ملك بابتسامة : أن شاء الله يحبيبتي يبقا من نصيبك
شهد : يارب يا ملوكه بمناسبه السعاده دي مفيش حاجه
حلوه
ملك بضحك : عامله اكل متقلقيش
شهد بضحك : اخويا عندو حق يحبك والله
ملك بضحك : طيب تعالي يلاا
شهد : يلاا
ملك وشهد بيدخلوا المطبخ وملك وغرف اكل
وبعدين بتقعد هي وشهد
ملك : دوقي بقا وقوليلي رايك
شهد اكلت من الطبق وبصيت لملك : ايه دا
ملك : متقوليش بالله انه وحش
شهد : وحش ايه دا تحفه انتي طلعتي ست بيت
شاطره كمان يابت يا ملك
ملك بابتسامة : طبعا يابنتي امال انتي فاكره ايه
شهد : ايوا ياعم افرحي انتي وسبيني اكمل اكل انا
ملك : بالهنا يروحي
شهد : قلبي
شهد فضلت تاكل وملك كانت ماسكه الفون
شهد قامت غسلت ايديها
ملك :عامله ايس كوفي قولت دا ميفوتش علي شوشو
شهد : قلب شوشو والله العظيم هاتي بقا
ملك بضحك : حاضر
ملك طلعت كوبيتين من التلاجه وشهد مسكت كوبايه
وحطيت أيدها علي كتف ملك
شهد : تعالي بقا نطلع البلكونه
ملك : ماشي
شهد وملك طلعوا في البلكونه
ملك : نقعد
شهد : لاا تعالي نقف
ملك : اوك
شهد شربت من الكوبايه
ملك : هاا ايه رايك
شهد : يقلبي انتي كل حاجه منك حلوه مش
محتاجه كلام
ملك بضحك : حبيبي
شهد : قوليلي بقا الواد مراد عامل معاكي ايه
ملك بابتسامة : الحمدلله
شهد : لو زعلك قوليلي
ملك بابتسامة : ربنا رزقني باحسن شخص ورزقني
باحسن عيله واخت
شهد بابتسامة : هاتي حضن
ملك حضنت شهد وبعديت عنها
شهد : تصدقي انك انتي خساره في اخويا مراد
ملك بضحك : لاا طبعا دا يابختي بيه
شهد بضحك : ايوا يا محنو
باب الجرس رن
ملك : هفتح يا شوشو
شهد : اوك يحبيبي
ملك خرجت من البلكونه وفتحت الباب
ملك : حمدالله على سلامتك يحبيبي
مراد حضنها : الله يسلمك يروحي
شهد خرجت من البلكونه وشافت مراد حاضن ملك
شهد : نحن هنا يا روميو
مراد مراد بعد عن ملك وبصلها : ايه جابك هنا يابت
شهد : هو انا جايه عشانك يعني انا جايه لملوكه
ملك : براحتك يحبيبتي
شهد : اللي ليا .. هامشي انا
ملك : خليكي يشهد
شهد كانت هترد مراد قاطعها : تقعد فين يلاا يحبيبتي
كويس ان عندك دم اصلا وهتمشي
شهد : انا مش هرد عليك هنا ليا بيت ولما جوزي
يجي وياخدني هرد عليك هنا
ملك : متزعليش يشوشو ايه اللي بتقوله دا يمراد
مراد : اسكتي انتي ولما يجي ياستي ونا مش
هجيلك اصلا
شهد : ماشي ماشي
شهد خرجت ومراد قفل الباب وقرب من ملك
ملك : ليه كدا تزعل منك
مراد : يابنتي انا وشهد علطول كدا هتتعودي وبعدين
انتي وحشتيني
ملك : ونت كمان
مراد : انا ايه
ملك : يعني مش عارف
مراد : ياستي عاوز اسمع
ملك : تسمع ايه
مراد : يوو يا ملك
ملك برقه : وحشتيني
مراد بص لعيونها بتوهان : لاا مش قادر
خلص جملته وشال ملك ودخل اوضتهم وقفل الباب
برجله نزلها عالسرير وفك زراير القميص وقلعه وقرب
من ملك
………………………………………
مالك كان خارج من الحمام وبينشف شعره بالفوطه
وفي فوطه علي خصره وقف قدام المرايا و آيه جات
علي باله وابتسم مسك الفون ورن عليها
آيه : الو
مالك بابتسامة : ايوا
آيه : عامل ايه يا مالك
مالك : بخير لما سمعت صوتك بس مالك انتي كويسه
آيه : حاسه حاجه نقصاني بغياب سلمي
مالك : حقك طبعا انتو كنتو سوا في كل حاجه
بس هنعمل ايه هي الحياه كدا
آيه : ايوا معاك حق
مالك : طيب تسمحيلي اطلعك من مود الاكتئاب دا
آيه بضحك : مفيش مانع يا دكتور
مالك بابتسامة : طيب نتقابل انهارده
آيه : امم افكر
مالك : لاا والله
آيه بضحك : بهزر معاك ماشي موافقه
مالك : خلاص نتقابل كمان ساعتين
آيه : تمام بس انت مروحتش الشغل ليه
مالك : الشغل بقا سهر
آيه : ماشي
مالك : ماشي يا توتا باي
آيه : باي يا مالك
مالك قفل والإبتسامة كانت علي وشه لبس تيشرت باللون
الاسود وبنطلون اسود و كوتش ابيض وبعدين خرج من الشقه ورن جرس شقه سيف بس مردش مالك نزل لشقه
هناء رن الجرس وفتحتله ودخل
مالك : ايه يا نونا عامله ايه
هناء : الحمدلله يحبيبي
مالك : انا قولت اجي اقعد معاكي شويه انتي ليك
ابنين لسه برضو
هناء : ربنا ميحرمني منكم انت وسيف يارب
مالك : ويخليكي لينا يا احلا نونا
هناء : سيف فين
مالك : مش عارف رنيت جرس الشقه مردش
مش عارف في الشغل ولا ايه
هناء : الغايب عذره معاه
مالك : نونا انا حابب اتكلم معاكي في حاجه
هناء : اتفضل يحبيبي
مالك : انتي وعمو كانت علاقتكم بما وبابا قويه جدا
هناء : ايوا طبعا
مالك : يعني اكيد تعرفي حاجات كتير
هناء : مش فاهمه حاجه
مالك : هو بابا كان متجوز غير ماما
هناء : انت بتقول ايه يمالك
مالك : نونا ردي عليا بابا كان متجوز غير ماما
هناء سكتت
مالك : يعني الكلام دا صح
هناء : انت عرفت ازاي
مالك : ليه خبيتي عليا طيب
هناء : انا مخبتش بس باباك الله يرحمه مكانش
حابب حد يعرف
مالك : طيب انا عاوز افهم لاني حاسس اني
تايه بجد
هناء : انا هحكيلك باباك كان صاحب ابو يوسف وأبو
سيف بالروح كان صاحبهم جدا وكانوا بيتقابلوا كتير
غالبا معظم الوقت كانوا سوا بس شغلهم كان مختلف
مالك : كملي
هناء : مامتك كانت صحبتي واختي تقريبا كانت تيجي
عندي برضو كتير الصدفه قابلتهم سوا باباك كان متجوز
بس من اول مره شافها جيه سألني عنها وحبها وكان نفسه
أي صدفه تجمعه بيها لدرجه كان بيتلكك ويجي وقت ما تكون هنا هي كمان كانت معجبه بيه فقرر أنه يتجوزها
بس كان مخبي عنها فكره أنه متجوز قبلها مكنتش حابه
اخبي عنها عشان صحبتي بس هو طلب مني مقولهاش
وهو اللي يقولها بعد فتره من جوازهم قلها وهي مقدرتش
تفضل معاه وطلبت الطلاق بس وقتها عرفنا أنها حامل بيك
وباباك كان رافض يطلقها وهي في الاخر رجعتله واتقبلت
وهو قلها أنه هيطلقها بس هي رفضت لأنها كدا هتحس
بالذنب أنها كانت السبب الموضوع خلص وفضلوا عايشين
سوا
مالك : انتي متعرفيش أن ليا اخت
هناء : انا كنت اعرف بس باباك الله يرحمه قالنا
في لحظاته الاخيره ومقالش هي مين مامتك
مكانتش عارفه تعمل ايه ومن زعلها ماتت بعد
فتره قصيره
مالك دموعه نزلت وهناء حضنته بعد عنها ومسح
دموعه : اختي طلعت ملك مرات مراد انا عاوز اقول
اني اخوها بلاش اضيع وقت كفايه اللي فات
هناء : ملك من اول ما ڜفتها ونا حبتها مش زي
مامتها ابدا
مالك بابتسامة : معاكي حق هي طيبه خالص
هناء : بس انت عرفت ازاي
مالك : من يوم جوازهم مراد طلب مني اجيب القسيمة
انا ويوسف عرفت بالموضوع
هناء : عنده حق والله باباك أنه يتجوز علي سوزان
دي تطفش بلد بحالها
مالك ضحك علي كلام هناء
هناء : عارف من الفتره دي كلها ومتقوليش
مالك : اعمل ايه كل ما كنت عاوز اتكلم معاكي
تحصل حاجه
هناء : طيب حد تاني عرف
مالك : مراد والشباب
هناء : طيب وهتقولها امتي
مالك : مش عارف والله
هناء : خير ان شاء الله يحبيبي
مالك : أن شاء الله .. هتروحي لنور ولا يوسف
هناء : والله ما عارفه قولت اسيبهم انهارده واروح
لنور بكره ويوسف بليل كدا
مالك بضحك : بلاش ابنك تروحيله دا حالف لو حد
راحله هيرميه من فوقه وبعدين الواد مصدق اتجوز
هناء بابتسامة : ربنا يسعدهم يارب
مالك : امين .. همشي انا عشان معايا مشوار كدا
هناء : ماشي يحبيبي
………………………………………
مراد بيكون نايم وفي حضنه ملك
ملك بصتله : مراد
مراد بابتسامة : قلب مراد
ملك : عاوزه اتكلم معاك
مراد : امم هو في حاجه اهم من كدا
ملك بتبعد عنه وبتبصله : مراد انا عاوزه اتكلم
معاك بجد
مراد شدها فحضنه : طيب اتكلمي بس بلاش تبعدي
عني
ملك : انت ممكن تزعل مني
مراد : لاا يحبيبتي ازعل منك ليه
ملك : لاا بجد هتزعل مني
مراد : هو في ايه يا ملك
ملك بعدت عنه ومسكت وش مراد بايدها : مراد انا بحبك
مراد مسك ايدها وباسها : ونا بعشقك يروح مراد
بس ممكن افهم مالك
ملك حضنت مراد جامد واخدت نفس قبل ما تتكلم
ملك : ماما انهارده جات واتكلمت معايا في موضوع
الخلفه وقالتلي علي دكتور واخدت معاد علي الساعه
10
ملك استنيت رد فعل من مراد بعديت عنه وبصتله
ملك : مراد انت مبتردش ليه
مراد : عاوزاني اقولك ايه مثلا ما انتي خلاص قررتي
ولا كانك انك متجوزه وجوزك المفروض يعرف
ملك : مراد والله انت فاهم غلط انا
مراد قاطعها بعصبية : انتي ايه بتكلمي مع امك اللي
هي كانت السبب في بعدك عني ودلوقتي هتبقا السبب
في موضوع الخلفه وبعدين احنا ملناش سنه متجوزين
عشان تروحي لدكتور ودي حكمه ربنا هنعمل ايه لسه
مجاش الوقت
ملك : انت ليه مش عاوز تفهم أن ماما هي اللي طلبت
مني كدا انا والله مكانش الموضوع في دماغي وهي
حابه اني اجيب طفل
مراد بعصبية : خلاص تمام روحي البسي عشان
متتاخريش علي امك ما هو بقا مفيش اي رأي ليا
ملك مسكت ايد مراد : مراد
مراد بعد ايد ملك ودخل الحمام ملك طلعت هدوم لي
وفضلت واقفه مستنيه بعد وقت مراد بيخرج وبياخد
الهدوم اللي مع ملك وبيتجاهلها لبس وخرج من الاوضه
ملك خرجت ورا : مراد عشان خاطري اسمعني
مراد خرج من الشقه ونزل ملك فضلت واقفه ودموعها
نزلت قفلت الباب دخلت اوضه النوم وهدوم مراد كانت
علي السرير مسكتها ومسحت دموعها والفون رن مسكته ورديت
ملك : ايوا يا ماما
سوزان : ايه يحبيبتي قولتي لمراد
ملك : لاا يماما
سوزان : ليه
ملك : عشان انا مش رايحه لدكتور
سوزان : يحبيبتي انتي بس هتشوفي ايه سبب التأخير
ملك : ماما سبيني علي راحتي انا راضيه الحمدلله
علي اي حاجه
سوزان :اللي يريحك يا ملك
ملك : طيب انا هقفل يماما
سوزان : مع السلامه يحبيبتي
ملك قفلت ورميت الفون علي السرير ودموعها فضلت تنزل
………………………………………
سلمي بتفوق وبدور بعيونها علي يوسف في الاوضه
ومبيبقاش موجود بتمسك الروب وبتلبسه بتخرج من
الاوضه وبتسمع صوت جاي من المطبخ بتدخل وبتشوف
يوسف بيعمل اكل
سلمي : يوسف
يوسف بيبصلها : يا قلب يوسف ايه نزلك من السرير
سلمي بكسوف : احم انا فوقت ملقتكش جمبي
يوسف : قولت اعملك حاجه تاكلها لما تفوقي
سلمي : تعبت نفسك ليه
يوسف : اتعبك عشانك يروحي بصي انا خلصت
تعالي يلا
يوسف مسك الصينيه وخرج وسلمي خرجت هي كمان
يوسف حط الصينيه علي التربيزه وقعد سلمي كانت
هتقعد شدها وقعدها علي رجله
سلمي : يوسف مش هينفع
يوسف : مش هينفع ليه انا عاوزك كدا في حضني
سلمي : بس كدا مش هتعرف تاكل
يوسف : لاا كدا هعرف اكل اوي .. ناكل
سلمي : لاا انا مش هقدر اكل
يوسف : ليه يحبيبي
سلمي : مش قادره يا يوسف والله
يوسف : لاا مينفعش لازم تاكلي شويه
سلمي : يوسف
يوسف : هتاكلي يعني هتاكلي
يوسف مسك المعلقه وسلمي اللي بصتله
يوسف : عشان خاطري
سلمي اكلت ويوسف فضل يأكلها سلمي كانت بصاله
بكل حب ويوسف بصلها بابتسامة فضلوا يأكلوا سوا
وهما مبسوطين
………………………………………
آيه بتخرج من باب العماره ومالك بيكون واقف
بتقرب من بالعربية وبتركب
آيه : ازيك مالك
مالك : اهلا يا آيه
آيه : هنروح فين
مالك : لاا دي مفاجاه
آيه : امم لو كدا ماشي
مالك مشي بالعربية وبعد وقت بيكون وصل وبيقف
وبينزل وبيفتح الباب لـ آيه
آيه : متهزرش
مالك بضحك : انزلي طيب
آيه بتنزل وبتبص علي شكل البحر وبترجع تبص
لمالك : واو يا مالك انا بحب شكل البحر اوي
مالك : ما انا عارف
آيه : عرفت ازاي
مالك : لما سافرنا الساحل
آيه : فكرتني كانت احلا ايام
مالك : مش حابه تقعدي
آيه : لاا خليني واقفه شويه
مالك : ماشي
آيه : بقولك ايه ما تيجي نتصور
مالك : فكره حلوه
آيه مسكت الفون واتصورت هي ومالك
آيه : صورني انا بقا
مالك مسك الفون و آيه فضلت تتصور كتير
مالك : مش كفايه بقا يا توتا
آيه : انت زهقت مني ولا آيه
مالك بابتسامة. : ونا اقدر
آيه : تبقا تصورني ونت ساكت
مالك : حاضر
آيه فضلت تتصور شويه
آيه ؛: خلاص كفايه كدا
مالك : طيب الحمدلله
آيه : علفكره يا مالك مراتك هتزهقك بانك تصورها
مالك بابتسامة : يسلام دا حلم بنسبالي والله
آيه بابتسامة : هو انت حبيت قبل كدا
مالك : امم ايوا
آيه : لاا دا انت كدا تحكيلي
مالك بضحك : احكيلك ايه
آيه بابتسامة : احكيلي قصه الحب بدأت ازاي
مالك بصلها بحب : من اول مره شوفتها ونا حسيت
احساس غريب لقيت قلبي كل ما يشوفها يدق حاولت
اتجاهله واتجاهل مشاعري بس لقيت نفسي بتعلق بيها
اكتر
آيه : طيب وليه تتجاهل مشاعرك مصرحتهاش ليه
مالك : لأني بنسبالها صديق يعني حب من طرف واحد
ونا مقدرش بعد ما بقيت صديقها ابعدها عني بعترافي
آيه حسيت شعور غريب بس تجاهلته : ممكن اعرف
هي مين
مالك : انتي متعرفهاش اصلا
آيه : ليه هي مش من اسكندريه
مالك : لاا في امريكا
آيه : امم امريكا
مالك : هو ايه حصل امبارح شفتك ونتي راجعه
وكان سيف وراكي
آيه بصيت للبحر : سيف كان عاوز نرجع بس قولتله
مش هينفع كمل حياتك واكيد هتلاقي انسانه احسن
مني
مالك : آيه انتي بجد مش حابه ترجعي ولا عشان
زعلانه من سيف لسه
آيه : بصراحه مش قادره انساه كلامه ليا مبقتش
قادره خلاص اني ابقا معاه
مالك : يعني زعلانه منه
آيه : لاا مش زعلانه منه بس منسيتش الكلام يعني
مالك : يعني خلاص مبقتش حابه انك تكوني معاه
آيه : مش فكره عاوز او مش عاوزه بس خلاص مبقاش
ينفع
مالك : طيب انتي من جواكي بقيتي كويسه
آيه بابتسامة : اه الحمدلله الحياه حلوه بس نفتح
قلبنا ليها شويه
مالك : طيب ايه رايك في ايس كريم
آيه : ياريت والله
مالك : طيب يلاا بينا
مالك و آيه ركبوا العربية وبعدين نزلوا قدام مطعم
دخلوا وقعدو علي تربيزه
مالك : لو سمحت ايس كريم فانيليا
الجرسون : اومرك يا فندم تحب تطلب حاجه تانيه
مالك بابتسامة : لو كمان قهوة
الجرسون : حاضر يا فندم
الجرسون مشي و آيه بصيت لمالك : هو انت
عرفت ازاي ان الفانيليا المفضله عندي
مالك : لما كنا في الساحل وجبتلك ايس كريم
آيه : امم ونت القهوة دي علطول بتشربها
مفيش تغير
مالك : اتعودت عليها خلاص مبعرفش اشرب حاجه غيرها
آيه : انا بحسك زي بتوع الروايات الغامضين دول
حياتهم كلها هدوم باللون الاسود وقهوة
مالك بضحك : لاا بقا انا هدومي مش كلها باللون الاسود
آيه ضحكت والجرسون وصل بالايس كريم والقهوة
مالك شرب من القهوة و آيه اكلت من الآيس كريم
………………………………………
مراد بيفتح باب الشقه وبتكون هاديه بيدور في كل
الشقه علي ملك بعدين بيدخل اوضه النوم وبيشوفها
نايمه بيقرب منها وبيشوف دموعها علي خده بيمسحها
بايدو وباس خدها ملك حسيت فتحت عيونها وشافت
مراد بصتله بزعل وقعدت مراد قعد جمبها وملك بعدت
مراد : انا اسف
ملك فضلت ساكته مراد مسك ايدها وملك بصتله
بدموع واترمت في حضنه وفضلت تعيط
ملك بعيط : ليه مشيت وسبتني يمراد انا كنت هموت
من القلق عليك عارفه اني غلطت بس والله ما كنت
اقصد
مراد : حقك عليا يقلب مراد انا متخلف ومجنون
عشان نزلت وسبتك لوحدك
ملك بعدت عنه : متقولش علي حبيبي كدا
مراد بابتسامة : طيب انا مستعد اني تتعاقب باي
حاجه تطلبيها مني
ملك حضنته : كنت عامل اكل ليك بس عقابك
اني مش هخليك تاكل او تعمل حاجه وهفضل
في حضنك
مراد : دا احلا عقاب .. انتي مروحتيش مع مامتك
ملك : انت فاكر اني هطلع من غير ما تعرف
مراد : ملك انتي احلا حاجه حصلتلي في حياتي
ملك : ونت الحاجه الحلوه اللي انا عايشه عشانها
………………………………………
سيف نزل من العربية وبيدخل العمارة وبيطلع
السلم
مالك : سيف
سيف بيقف وبيبص لمالك : مالك ازيك
مالك : انا كويس انت لسه راجع من الشغل
سيف : اه والله
مالك : طيب ليه يابني بتضغط علي نفسك أوي كدا
سيف : اعمل ايه يمالك والله الشغل كتير
مالك بضحك : دا يوسف كان شايل عنك كتير
سيف بضحك : واحنا جامدين برضو ياعم
مالك بابتسامة : ربنا معاك يحبيبي
سيف : يارب يغالي .. امال جاي منين
مالك : كنت في مشوار كدا
سيف : طيب بقولك ايه انا كنت ناوي اطلع ليوسف
ارخم عليه شويه
مالك : كنت اتمني بس معايا شغل
سيف : شغلك بقا سهر
مالك : ايوا
سيف : هنعوضها أن شاء الله
مالك : ماشي هطلع انا عشان اغير هدومي
واروح الشغل
سيف : تمام
مالك و سيف كل واحد طلع شقته
………………………………………
فارس : نور انا جعان
نور : اطلب اكل
فارس : اطلب ايه انا عاوز اكول اكل بيتي عاوز
ادوق الاكل من ايدك
نور : بوس ايدي احلا من الاكل
فارس : يالههوي عليا انا ايه اللي بيحصلي دا يارب
نور : انا حاسه انك مش طايقني
فارس : لسه حاسه
نور : هو في ايه يفارس
جرس الباب رن
فارس : مفيش انا هقوم افتح
فارس قام وخرج من الاوضه وفتح الباب كانت زينب
فارس : اتفضلي يماما
زينب حطيت الصينيه علي السفره: لاا يحبيبي
انا جبتلكم اكل
فارس : طيب استني اندهلك علي نور
زينب : لاا سيبها ونا همشي وفي اكل في التلاجه
فارس : متحرمش منك يا ست الكل
زينب مشيت وفارس قعد علي السفره
فارس : نور
نور خرجت من الاوضه و وقفت جمب وبصيت للاكل
فارس : اقعد يلاا عشان تاكلي
نور : مين جاب الاكل دا
فارس : ماما
نور : وقاعد بتاكل ولا كانك زعلتني
فارس : يروحي والله ما اقصد انا بس كنت جعان
اقعدي يلاا
نور : لاا مش عاوزه
فارس : اقعدي هاكلك بايدي
نور قعدت جمب فارس وبصيتله بابتسامة : يلاا اكلني
فارس اكل نور وبصتله : الاكل تحفه يا فارس
فارس بابتسامة : طيب يلاا كولي عشان عاوز اكل بقا
نور : لاا انا هاكلك
نور مسكت المعلقه واكلت فارس واكلوا سوا فارس
خلص اكل وقام ونور قامت معاه غسلو ايديهم
وقعدو جنب بعض علي الكنبه
فارس : ما تعمليلي قهوة ينوري
نور : من عيوني يا عيون نوري
نور راحت المطبخ وفتحت ضرفه المطبخ تدور
على القهوة وملقتهاش
نور : هي فين القهوة
فضلت واقفه وبعدين لقيتها موجود علي جمب
اخديتها وعملت القهوة
فارس من برا : ايه ينور ليكي ساعه جوا
نور : جايه اهو
نور مسكت الصينيه وخرجت لفارس حطيت الصينيه
قدامه وقعدت جمبه
نور : دوقها وقولي ايه رايك
فارس مسك الفنجان واول ما داق من القهوة
كشر من طعمها وبص لنور اللي مستنيه رايه
نور : وحشه
فارس : لاا جميله يحبيبتي
نور بزعل : الحقيقه أنها وحشه
فارس : اه
نور بصتله
فارس : شويه مش اوي يعني وبعدين كفايه
الايد الحلوه دي عملتها
نور بصتله : بس دا مش هيخليها حلوه
فارس حط ايدو علي كتفها : المره الجايه هتبقا
حلوه اهم حاجه عندي انتي
نور سندت براسها علي صدر فارس : وعد مني هحاول
اتعلمها واعملها كويس عشان جوزي حبيبي
فارس باس راسها : جوزك حبيبك كفايه وجودك في
حياته يا احلى نوري
نور حضنته : انا عاوزه انام
فارس قام وشال نور ودخل بيها الاوضه ونزلها
وفارس نام ونور نامت في حضنه
………………………………………
آيه : ماما بابا يلاا عشان تاكلوا
زينب : انا ماليش نفس يا آيه كولي يحبيبتي انتي
محمد : انا مش عاوز يحبيبتي
آيه : ايه دا يجماعه ونا هاكل لوحدي وبعدين انتو
ماكلتوش حاجه ابدا يرضيكم اكل لوحدي يعني
زينب ومحمد بيقعد علي السفره
آيه : يلاا بقا عشان خاطري
زينب و محمد بدأ ياكلو
آيه : انا عارفه ان البيت بقا غريب بنسبالكم وزعلانين
من عدم وجود فارس وسلمي عشان كدا قولت نكلم
سلمي بعد ما نتعشا وفارس يبقا نروح نشوفه بكره
هو مش بعيد معانا في نفس العماره
زينب : انا كنت عاوزه اكلم سلمي بس باباكي رفض
محمد : يا زينب مكانش ينفع تكلمها الصبح كدا
زينب : ونا اعمل ايه عاوزه اطمن علي بنتي
محمد : بنتك مع جوزها اطمني عليها
آيه : خلاص يماما احنا هنكلمها بس كولي الاول
زينب : انا اكلت مش قادره تاني
آيه لمت الاطباق ودخلتها المطبخ وبعدين طلعت وقعدت
جمب محمد ومسكت الفون ورنيت علي سلمي والفون
كان مقفول
زينب : رديت
آيه : تليفونها مقفول يماما
زينب : طيب رني علي يوسف
محمد : يوسف ايه اللي ترني عليه دا انهارده اول
يوم جواز ليهم سبيهم شويه بقا
زينب : طيب انا هروح انام
زينب راحت اوضتها و آيه بصيت لمحمد : بابا
هي ماما هتفضل مدايقه كدا
محمد : مش عارف والله
آيه : هي زعلانه منك
محمد : اه وكل دا عشان رفضت أنها تكلم سلمي
آيه : طيب قوم يا بابا صالحها ونا هروح انام
محمد : تصبحي علي خير يحبيبتي
آيه : ونت من أهل الخير يحبيبي
محمد راح أوضه و آيه راحت اوضتها واترميت
علي السرير
آيه : يااه معقوله كل الفراغ دا فعلا الإنسان اللي
بنحبو لما بيبعد بنحس أن مفيش حياه
مسك الفون وفضلت تقلب فيه شويه وفجاه رن
وكان مالك ورديت
آيه : دا انا قولت مش هترن عليا عشان معاك شغل
مالك : لاا ابدا يتوتا انا اول ما خلصت شغل كلمتك علطول
المهم طمنيني عنك
آيه : انا قاعده زهقانه خالص
مالك : طيب مكلمتنيش ليه احنا مش اتفقنا أننا
اصحاب وتكلميني في أي وقت
آيه بابتسامة : طيب اديني فرصه اتكلم
مالك : اتفضلي
آيه : انت مش قولت معاك شغل سهر
مالك : ايوا
آيه : فاكيد هتبقا مشغول
مالك : لاا انتي بتتلكك بقا
ايه : والله زي ما بقولك
مالك : ياستي انا لو مش فاضي افضالك
آيه بابتسامة : لاا لاا انا كدا هتعود
مالك : وماله اتعودي هو انا عندي كام توتا
آيه : اكيد مش اكتر من حبيبتك انا معرفش اسمها
مالك : امم مهم يعني
آيه : انت مش حابب تقول اسمها يعني
مالك : لاا مش كدا
آيه : امال
مالك : ايسل
آيه : ايسل امم حلو
مالك : لازم يبقا حلو
آيه بغيره : يسلام
مالك : لاا وكمان هي قمر في نفسها
آيه : امم وايه كمان
مالك : اوصفلك ايه ولا ايه بس
آيه : لاا دا انت واقع اوي بقا
مالك : واقع دا ايه دا انا من اول مره شوفتها
ومعرفتش اسيطر علي مشاعري
آيه : ماشي ياعم روميو اسيبك مع ذكرياتك
انت و ايسل
مالك : سيبك من ايسل دلوقتي هو انتي مالك
آيه : لاا ابدا مفيش الوقت اتاخر وعاوزه انام
ونت اكيد معاك شغل
مالك : تمام اسيبك تنامي ويبقا اكلمك الصبح
آيه : تمام .. تصبح على خير
مالك : ونتي من اهله
آيه بتقفل مع مالك فضلت تفكر في كلامها لما حسيت
بغيره علي مالك
آيه : هو ايه اللي انا حسيته دا لاا لاا انا ومالك صحاب
وبس
………………………………………
صباح جديد
محمد و زينب و آيه و شهد بينزلوا من العربية
وبيطلعوا العمارة لسلمي بيكونو طالعين و زينب
بتقف
آيه بتبصلها : في ايه يماما
زينب : هسلم علي ام يوسف ميصحش نطلع من غير
ما اسلم عليها
شهد : ماشي يا زوزا
شهد بترن جرس وبتفتح هناء
هناء : ونا اقول العماره نورت ليه
زينب : حبيبتي تسلمي دا انتي اللي منورها
هناء : ازيكم يا بنات
آيه و شهد : الحمدلله يا نونا
هناء : طيب اتفضلوا يجماعه اتفضل يا ابو فارس
محمد : يزيد فضلك تسلمي
زينب : انا قولت اسلم عليكي واخدك نطلع مع بعض
لسلمي ويوسف
هناء : طيب يحبيبتي ثواني
هناء دخلت وبعد شويه طلعت وطلعوا سوا لشقه يوسف
ورنو الجرس ومحدش رد
محمد بإحراج : الظاهر جينا في وقت مش مناسب
هناء : متقولش كدا اكيد هيرد
هناء رنيت الجرس و شهد قربت من آيه بهمس :
مشغوله طبعا سلمي
آيه بصتله : الله يخرب بيتك
آيه خلصت جملتها والباب اتفتح
يوسف : اسف والله يجماعه
محمد : احنا اللي اسفين يابني ان جينا من غير معاد
يوسف : متقولش كدا ياعمي تيجي في اي وقت
اتفضلوا
زينب : سلمي فين يا يوسف
يوسف : جوا يا حماتي
محمد وزينب وهناء دخلوا
شهد : ايه يا منشاوي البت سلمي عامله معاك ايه
يوسف بضحك : الحمدلله
شهد : متخفش اتكلم هي مش موجوده
آيه : يابنتي اهدي على نفسك شويه
يوسف بضحك : انا حاسس انك عاوزه تعملي
مشكله وخلاص
آيه : سيبك منها دي مجنونه
سلمي : واقفين كدا ليه
شهد قربت منها وحضنتها : سلومتي لسه بوصي
يوسف عليكي
يوسف بضحك : حصل
سلمي : امم انا مش عارفه ليه حاسه انك بتحوري
عليا يا شهد
شهد : ونا بتاعت كدا برضو
آيه : سيبك من البت دي هاتي حضن وحشاني
سلمي حضنت ايه بابتسامة : ونتي اكتر يا توتا
يوسف : طيب ادخلوا جوا وحبو في بعض براحتكم
سلمي : اختي و وحشاني فيها ايه
يوسف : يحبيبي انا قصدي مينفعش عالباب ادخلي جوا
شهد بتريقه : ادخلي يحبيبي ادخلي
يوسف بضحك : تيجي منك انتي يا شهد تتريقي عليا
شهد : ما يمنشاوي مينفعش كدا احنا سناجل يعني
بلاش تقول الكلام قدامنا
يوسف : مراتي وبحبها
شهد رفعت ايدها : عقبالنا يارب
آيه : فضحتنا الله يخرب بيتك
يوسف بضحك : طيب ادخلوا
………………………………………
مالك نزل من العربية ودخل العماره وشاف سيف
نازل علي السلم
سيف : انت لسه راجع
مالك : ايوا وتعبان ومحتاج انام
سيف : تنام ايه دا انا كنت متفق انهارده نروح نطمن
علي يوسف
مالك : لاا خليها مره تانيه انت عارف صاحبك لو شافنا
هيرمينا من فوق
سيف : تعال بس لو حصل حاجه متخافش انا معاك
مالك : اه يا خوفي تبعني اول ما نطلع
سيف مسك ايد مالك بضحك : لاا بس تعال
سيف و مالك طلعوا شقه يوسف واول ما وصلوا
سيف فضل يخبط علي الباب ويرن الجرس
يوسف فتح الباب
سيف : والله عمال اقوله يمالك عيب مينفعش كدا
مفيش فايده قولتله يابني منروحش دلوقتي قالي
لاا هنروح طبعا ونت عارفو
مالك بصله بصدمه : انا
يوسف : مالك اللي قال كدا
سيف : اه واسأله عندك اهو
مالك : اساله ايه انا قولت مش طالع ونت اللي اصريت
يلعن ابو اللي يصدق كلامك يا اخي
يوسف : طيب أدخلوا وبعدين ليا كلام معاكم
مالك دخل وسيف مسك ايدو : هو ماله هادي كدا ياض
انا قلقان منو بصراحه
مالك بصله : انت تخرس خالص
سيف : ما تهدي ياعم انا عملت كدا عشان عارف
مش هيقولك حاجه انما انا الغلبان كله بيجي عليا
مالك : يحرام ظلمينك اوي
يوسف : بطلو رغي
سيف : حاضر
يوسف دخل ومالك وسيف دخلوا ورا واتفاجو
بعيله سلمي
مالك بإحراج : صباح الخير
الكل : صباح الخير
سيف : صباح الخير يجماعه نورتونا
الكل رد الصباح والبنات كانوا بيضحكو علي شكلهم
مالك بهمس : الله يخرب بيتك احرجتنا قدامهم لو كنت
عارف دا هيحصل مكنتش سمعت كلامك
سيف : اللي حصل اقعد بس
مالك وسيف قعدو جمب بعض مالك بص علي آيه
اللي كانت بصاله وكاتمه ضحكتها ابتسم ليها آيه
شالت عيونها وفضلت تتكلم ومالك كان باصص
عليها سلمي و البنات قاموا راحو المطبخ وفون
سيف رن واستاذن وخرج يرد علي المكالمه
في المطبخ
سلمي : شهد ممكن تاخدي الصينيه دي وطلعيها
شهد : من عيوني يا احلا عروسه
سلمي بابتسامة : حبيبتي
شهد خرجت وسلمي بصيت لـ آيه
آيه : في ايه بتبصيلي كدا ليه
سلمي : انتي اللي في ايه
آيه : سلمي اتكلمي بوضوح في آيه
سيف كان خلص المكالمه وكان ماشي ووقف لما
سمع اسم مالك
سلمي : مالك
آيه باستغراب : ماله مالك
سلمي : مش شايل عيونه من عليكي
آيه : لاا بتهيالك مفيش حاجه
سلمي : يعني انتي مفيش اي شعور من ناحيتك لمالك
آيه : بصراحه مش عارفه بحس بشعور غريب لما اكون
معاه مش عارفه احدد الشعور دا ايه
سلمي : انتي وقعتي خلاص يحبيبتي ونت لسه مش
عارفه ايه هو الشعور دا
آيه : والله ما عارفه
سيف اول ما خلصوا كلامهم خرج من الشقه ومشي
وركب عربيته وكان يسوق وكلام آيه بيتردد في دماغه
بعد وقت وصل ونزل ودخل القسم ودخل مكتب قعد علي
الكرسي وهو مش حاسس بنفسه ابدا
سيف : يعني خلاص عمرها ما هتبقا ليا تاني ونا اللي
كنت فاكر كلامها في اني ابعد عنها مكانش جد
فضل يفكر في كلامها وبعدين مسك الفون وسكت شويه
سيف : تتجوزيني
- لقراءة باقي فصول الرواية أضغط على (رواية عانيت لأحبك)