رواية عشق بين بحور الدم الفصل التاسع 9 بقلم أسماء السعيد

رواية عشق بين بحور الدم الفصل التاسع 9 بقلم أسماء السعيد

 

 

البارت التاسع

 

 

#عشق_بين_بحور_الدم part9
في الصباح_______وتحديدا في غرفه ادهم
بتصحي دهب علي خبط الباب وبتبص تلاقي ادهم نايم علي بطنه ومديلها ضهره المعضل واخدت بالها من الوشم
دهب وهيا بتفرك في عينها زي الاطفال:دا بجد الله شكله حلو اووي
وبتمد ايدها بتوتر وتحسس علي الوشم وهيا مبهوره بس بتستوعب لما الباب بيخبط اقوي وبتيشلها بسرعه
وبترجع وبتحط ايدها علي كتفه المعضل بهدوء وتوتر:ادهم يا يا ادهم
ادهم بنوم:اممم
دهب بتوتر:في حد بيخبط علي الباب
بيفتح عين واحده وبيبصلها وبيبص للبسها وبيتنهد وبيغمض تاني وبيقوم بضيق وهيا بتقوم تتدخل حمام
بيتجه للباب وبيفتحه وكانت صفيه
صفيه بحب:صباح الخير ياولدي
ادهم بنوم:صباح الخير ياما خيير
صفيه بتبص عليه وبستغراب:ايه الي مطلعك اكده
ادهم ببرود:خلصيني ياما خيير كنت نايم
صفيه بهدوء وبتبتسم:جدك جامع كبار البلد واعمامك وعاوزك في المجلس دلوك
ادهم بضيق:ماشي روحي واني نازل ياما طوالي
بتبتسم وبتمشي وهو بيدخل وبيقفل الباب وبيقرب يولع سيجاره بس فجأه دهب بتشدها قبل مايولعها
ادهم برفعه حاجب:هيا مش ناقصاكي علي الصبح

 

 

دهب بتوتر:غلط عليك كدا افطر واشربها بعدين
بيتنهد ادهم:طلعيلي جلبيه عشان نازل اعملي مصلحه في حياتك. …. وبيدخل الحمام وهيا بتتنهد
بتدخل الدريسنج وبترتدي دريس اصفر فاتح وطرحه بيضه وكانت جميله اوي وكوتش ابيض وبتطلع لادهم جلبيه سوداء قاتم وساعه وبرفيم عجبها وشبشب رجالي من الجلد الطبيعي…
……. بعد مده بيطلع ادهم وبيبصلها بهدوء وبيقرب يلبس وهيا بتبصله بتوتر
ادهم بببرود:ها عاوزه اييه اتكلمي
اتصدمت انه فهم انها عاوزه تتكلم وبتوتر:بصراحه انا انا عاوزه اشوف بابا وماما
ادهم وهو يرتدي ساعته:اممم هبقي اوديكي لما افضي
دهب بعند:ارجوك يا ادهم نفسي اشوفهم اووي هروح وابقي تعالي خدني
بيقرب ادهم منها وبيشدها من خصرها لعنده بقوه:انتي اخدتي عليا اووي ودا مش في مصلحتك يا بنت العدوو
وقولت هشوف جديعاوزني في اييه وهاخدك خلصنا
بتتوتر دهب وقلبها بينبض بقوه وهو بيلاحظ وبيحب يلعب علي اوتارها وبيقرب منها وبيقبلها بحنان وهيا بتتصدم وبتحاول تبعد بس هو مش بيبعد غير لما بيلاقيها مبقتش قادره تتنفس
…يبصلها بسخريه وبروود وبياخد موبايله ويخرج وهيا قلبها هيخرج من مكانه وبتحط ايدها علي شفتيها وبتبتسم
دهب بتوتر:اييه دا اعقلي يادهب بس الواد قمر ايه العبط ده…. وضربت راسها بسخريه ونزلت وراه
@@@@@@@@@@@@@@@@@@@@@@
في غرفه المجلس….. كان متجمع كبار البلده وشيخ البلده واولاد زيدان وجميع عائله الجارحي وكبارها.
الشيخ:خير يازيدان
زيدان بصرامه:خير ياشيخنا خير بس ادهم يجي وهنعرف كل شيء
اميين بستغراب :ادهم هو في اييه يا ابوي
زيدان:مفيش حااجة
بيتفتح الباب وبيدخل ادهم ووراه عرفه بكل بروود وهيبه
ورجوله:سلام عليكم
الجميع:وعليكم السلام
زيدان بيقف من علي الكرسي الدهبي في اسود الخاص به
وبيقرب من ادهم الي باصصله ببرود ورفعه حاجب
زيدان حط ايده علي كتف ادهم وبحزم:انا قررت اني اخلي ادهم الجارحي حفيدي الكبير مكاني
بيتصدم الجميع حتي اميين واخواته وادهم بصله بجمود
الشيخ بهدوء:خير يا زيدان بس في ولدك اميين الكبير اشمعنا ادهم
زيدان بصرامه:ده قراري وادهم انا هموت وانا مطمن طول ما هو الكبير وهو أمن من ابوه كمان
ادهم بحده وبرود:بس انا هسافر ومش قاعد اهنه ياجدي وانا مش هقدر اتحمل الحمل ده تقييل جوي
زيدان بيربت علي كتفه:معلش عشان اموت مطمن وانا هفضل ماسك كل حاجه اهنه بس انت هتكون الكبير يا ادهم عشان اطمن علي البلد دي ياولدي وعشان عيله العمايره معاهم العموديه من ايام الجد الكبير واحنا معانا الكبير من ايام الجد الكبير ومينفعش اعطيها لاي حد انت شوفت كتير وهتقدر تحكم بالعدل
بيتنهد ادهم وبيبص للجميع الي فيهم مبسوط والي مصدوم والي غيران
اميين ببهدوء:وانا واثق فيك يا ادهم انك احق بيها مني انا شخصيا يا ولدي
عزيز بفرحه:مبروك ياولدي
غالب بضيق:مبروك
جبري بسعاده:مبروك ياواد ياكبير … وبيضحك
بيقرب ادهم لما جده بيمدله عصايته الدهبيه في اسود وعلي راسها مجيم صغير من الذهب الخالص علي شكل اسد… وبيقعد علي الكرسي وبيمسك العصايه بكل هيبه وجده بيقعد جمبه علي يمينه وعرفه علي اليسار
ادهم بحده وغضب:اسمعوو بقا انا عارفكم واحد واحد وعارف العيبكم وعارف انتو بتخططو لايه وبتاخدو اييه من الفلاحين من اليوم الي ادهم الجارحي مسك فيه البلد وبقا الكبير كل شيء بحساب واحترام والي هيمشي علي الكلام ده فوق راسي غير اكده تحت رجلي فاهمين
انبهر الجميع من طريقته وقوته وبتوتر:فاهميين
زيدان بفخر:الي عنده مشكله يجي عشان الكبير يحلهاله
وبيبدأ الناس تدخل ورا بعضها ويحكو مشاكلهم وادهم يردعليهم بحلول متقدمه وسهله ومفيده بكل هدوء والي غلطان بيحاسبه .. وزيدان بيبصله بفخر وثقه وادهم مضايق والجميع مصدوم من طريقه كلامه وحله للمشاكل
@@@@@@@@@@@@@@@@@@@@@@
في قصر العميري______وتحديدا علي الغداء
كان متجمع الجميع.. وبيتغدو في هدوء
مراد بهدوء:عرفت الي حصل يا ابوي
عمران بقلق:خير حصل اييه
مراد:ادهم الجارحي بقا كبير البلد من كام ساعه
رانيا بفرحه:بجد
مراد:بجد والله البلد كلها بتتكلم وملمومه حوالي قصر الجرايحه وهو بيحللهم مشاكلهم
جليله بصدمه:تب وزيدان جراله حاجه ولا اييه
مراد بهدوء:لاء هو اتنازل عن المنصب لادهم
مني بغل:يابختها بتكم دلوك بقت مرت الكبير
نواره بحده:مني قولي مشاء الله
مني بسخريه وحقد:يووه هو انا هحسدها يعني
بتبصلها نواره بضيق وبتكمل اكل وهيا بتفكر في دهب
عمران بهدوء:يازين ما عمل
خلف بستغراب:كييف يعني الكلام ده
عمران :ببساطه ادهم فعلا مينفعلوش غير اكده الواد مشاء الله طول بعرض راجل وهيقدر يوقف الفساد الي جاي من فوق واني واثق
خلف بتوتر وخبث:الا قولي ياعمران بعد عمر طويل يعني يا اخوي العموديه هتروح لميين اني مش اكده
عمران بحده وضيق:لاه هتروح لمراد ولدي

 

 

خلف بعصبيه:لييه واني رحت فيين يا اخوي
جليله بحده:خلف اسكت خالص انت بتعلي صوتك علي اخوك الكبير وقدامي
خلف بيتوتر وبيتوعد وبيكمل اكل ومني بتبصله بغموض
جليله بحزم:قولي ياعمران ليه رفضت تبيع الارض لود المغاوري
عمران بص لخلف الي اتوتر وبسخريه:اني حرر ياما وده واحد عاوز يشتري الارض بفلاحينها واني مش موافق اييه هبيع الخلق
جليله بحده:ده هيقبضهم زيك واكتر كمان
عمران بغضب:لاه ده عاوزهم عبيد عشان يزلهم واني مرضاش لاهلي وناسي الذله فاهمين ولو كان خلف مسخنك عليا ف انا حر وده مالي فاهمين هو فاشل انا عطيته عشرين فدان وقولتله شغلهم عمل فيهم اييه ضيعهم وكتب نصهم بإسم مراته الغريبه عننا ما تردي اوعك تفكريني عبيط اني واعي لكل حاجه
جليله بغضب وحده:بإسم مراتته صووح الكلام ده ياخلف
خلف اتوترو المعلقه وقعت من ايده الي اترعشت ومني اتوترت وخافت وكانت بتبص لعمران بكره
خلف برعب:ها ياما اني
جليله بصرامه:صوح الكلام ده ياخلف انطق ياواد انطق
خلف نزل راسه:ااه ياما كتبتلها عشر فدادين من سنتين
بتقف جليله بغضب:ياسعييد انت يازفت
بيدخل سعيد الغفير بسرعه:ايوا يا حاجه اؤمريني
جليله بحزم وغضب:تروح تجيب عارف المحامي من دارهم دلوك وتيجي حالا وخليه يجيب ورق بيع وشره يلاا
بيخرج سعيد بسرعه وبيتصدم الجميع معادا عمران الي بيبصلهم بغضب
مني بتوتر:مش خير ياست الحاجه
جليله بجبروت:لاء مش خير يابت سلامه هتمضي بيع وشره علي الارضي وهترجع لصاحبها وانتي ملكيش حاجه
خلف بيتوتر:بس ياما هو
جليله بحده:انت تخرس خالص حسابك معايا عسير
بيسكت وهو بيبص لعمران الي بياكل ببرود بكل حقد وكره
وكذالك مني
مني بحده وتوتر:مش همضي
جليله بجبروت وغضب:يبقي ولادك الي هياخدوهم بس بالورث منك بعد ما تموتي
بتصعق مني برعب وبتبص لخلف الي ميقلش عنها حاجه
امير بخوف:وفيها اييه ياجدتي ما الخير كتير وبرضو مرت عمي عندها
جليله بغضب:نواره ااه عندها بس من ورثها في حق ابوها الله يرحمه الي هو عم عمران حسن العميري يعني عمران مكتبلهاش حاجه انما امك من برا العيله وملهاش حاجه ولو عاوز يكتبلها يكتبلها بفلوسه هو مش من املاك العيله
…….. بعد شويه بيدخل سعيد ومعاه عارف المحامي
عارف بتوتر:خير ياحاجه
جليله بحده:جبت الورق
عارف :ااه مين الي هيبيع
جليلة:مني سلامه ل عمران العميري
بيبصلها الجميع بصدمه معادا عمران وبيزيد الحقد في قلوبهم وخاصتاً مني وخلف وامير
عارف بهدوء:تمام اتفضلي البايع يمضي هنا
وبيمدلها الورق وعليه قلم وهيا بتاخده وبتحكه قدام مني الي بتتوتر
جليله بحده:امضي يلا
بتمسك القلم وايدها ببترعش:ياحاجه انا
جليله بحزم:يلا امضي
بتمضي غصب عنها وهيا بتتحسر وبتبص للجميع بكره
جليله بحده:تروح تسجلهم حالا في الشهر العقاري
بياخد عارف الورق:تحت امرك ياحاجه… وبيخرج بسرعه
ومني بتطلع فوق ووراها خلف وامير
عمران بيبصلها ببرود وبيتجه لمكتبه ووراه مراد ورانيا ونواره ورقيه بيبدأو يلمو السفره وجليله ببتجه للمندره الخارجيه
@@@@@@@@@@@@@@@@@@@@@@
في قصر الجارحي______تحديدا في الصالون
كانت قاعده صفيه وعايده وجواهر وبيتكلمو سوا
عايده بضحك:يخيبك يا جواهر موتيني من الضحك
جواهر بضحك:يختي اضحكي محدش واخد منها حاجه
صفيه بطيبه:نورتينا ياجواهر حاكم احنا عارفين حكايه حبك انتي وجبري من سنين
جواهر بخجل:هو احنا مشهورين اكده
عايده بضحك:يا ابوي كنا بندخل نصحي جبري نلاقيه بيندهلك وهو نايم
بتضحك جواهر :ياستي الحمدلله ربنا يديم الموده بينا
صفيه بهدوء:يارب احسن الواحد تعب من حكايه الدم دي جووي
بيتنهدو وبتنزل دهب بكل هدوء وبتقرب تقعد جمب جواهر
دهب:سلام عليكم
الجميع:عليكم السلام
دهب بتبص لجواهر بإبتسامه:عامله ايه ياجواهر
جواهر بتبصلها بسخريه:كويسه
دهب بضحك:لاويه بوزك لييه جدتي مش اهنه عشان تلوي بوزك ولا هيا سخمتك كلمتين من ورايا
بتضحك جواهر غصب عنها دهب بمرح:ضحكت يعني قلبها مال والفرق الي بينا اتشال
وبتحضن جواهر بضحك وهيا بتحضنها:وحشتيني يا مقروضه مبقتيش تعبريني
عايده بضحك:هتعبرك كيف وهيا معاها ادهم
دهب بتوتر وضحك:لاء عادي انا كنت عاوزه اسيبك مع حبيبك بقا
صفيه بضحك:مش قلتلك مشهورين
جواهر بتضحك والجميع بيضحك بس بتنزل تماره وبتتضايق لما بتلاقي دهب وبتقرب تقعد جمب صفيه
صفيه بهدوء:عامله اييه ياتماره
تماره بغل وهيا بتبص لدهب:كويسه يا خالتي
دهب بهدوء:بقولك اييه انا ابوي وحشني
جواهر :وانا كمان والله
دهب بضحك:بصراحه الواد مراد وحشني وامي كمان
جواهر بضحك:دا ارتاح منك ياشيخه دا انتي كنتي بتجنينه
عايده:مراد ده اخوكي مش اكده
دهب:ااه وهو الي اتجوز من اهنه
عايده بحب:ونعم الجوز متجوز رانيا بتي وبتشكرلي في اخلاقه وهدوءه
بتبص دهب لجواهر وبينفجرو في الضحك وبيستغربو الجميع
جواهر بضحك:دا مراد دا مفيش في اخلاقه وهدوءه صح يا دهب
دهب بسخريه:اكييد هههه
بيدخل ادهم ووراه زيدان وعرفه وامين وعزيز وجبري وغالب وبيقربو يقعدو وادهم بيقعد جمب دهب وتماره بتولع
زيدان بسعاده:باركو لادهم
صفيه:علي اييه
زيدان بفخر:بقا كبير البلد مكاني
عايده بحب وسعاده:مبروك ياكبير تستاهل يا ولدي
ادهم ببرود:الله يبارك فيكي ياما عايده
صفيه بفرحه:مبروك ياولدي
ادهم:الله يبارك فيكي ياما
جواهر:مبروك
ادهم:الله يبارك فيكي
تماره بخبث:مبروك يا ابن خالتي مبروك يا ادهم الف مبروك
بصلها ادهم ومرضش عليها وهيا بتغلي اكترر وبيبص لدهب كأنه مستنيها تتكلم
دهب بهدوء وصوت مسموع له هو فقط:مبروك يا ادهم
ادهم بهدوء:الله يبارك فيكي يا دهب
بتتوتر دهب جامد :انت عرفت اسمي ازاي انا مقولتلكش عليه
ادهم بهدوء:انت بعرف اي حاجه يا دهب
دهب بطفوله:يلا عشان توديني لبابا

 

بيتنهد ادهم وبيقف:يلاا
زيدان:علي فيين
ادهم ببرود:رايح دوار العمايره
بيتصدمو لانهم مازالو اعداء
زيدان بقلق:خلي بالك من نفسك
جواهر بهدوء:جبري تعالي نروح عاوزه اجيب حاجه من هناك وازور اهلي
جبري بحب:قومي يلا نروح
وبيخرج ادهم ودهب وتماره بتبصلهم بغل وبيركبو سياره ادهم وبينطلقو لدوار العميري
ووراهم جواهر وجبري بسيارته…
@@@@@@@@@@@@@@@@@@@@@@
استووووووب…. احمممم😅

 

 

 

• لقراءة باقي فصول الرواية أضغط على (رواية عشق بين بحور الدم)