رواية ظالم ومظلوم الفصل الثالث 3 بقلم منى عبد العزيز

رواية ظالم ومظلوم الفصل الثالث 3 بقلم منى عبد العزيز

 

 

البارت الثالث

 

عروسة.
اه يا ۏجع القلب حمايا وحماتي اللي كنت مفكراهم هيزعلوا من ابنهم وميحضروش وخدين هديه ورايحين يباركوا ولا اخواته اللي خدمتهم سنين واعتبرتهم اخواتي الولاد بصيت لا يدى بحسره وافتكر كام مره غسلت طبخت روقت بالساعات حتى هدومهم اللي راحوا بيها دي كنت كوياها ليهم بس اعاتب على مين وجوزي نفسه مصنش عشرتي.
دخلت اوضتي وڼار جوايا عاوزه احړق الدنيا عاوزة اعمل اي حاجه تخفف حړقة قلبي.
وقفت قدام المرايا بصيت لنفسي جه في بالي كلامه نرة سمعته بيكلمها في التليفون.
عارفه يابيري انتي بتبهريني كل يوم وكل مرة برجع البيت متاخر عشان انام واخر حاجه شفتها عيوني هي انتي واصح الصبح بدري عشان اول حاجه تفتح عيني عليها هي انتي كل مره بتمني يعدي الايام الباقيه على الفرح وتبقي انتي صباحي ومسائي.
……
لا طبعا ازهق منك لا ياروحي انا ازهق من الدنيا كلها ومزهقش منك تعرفي كل يوم بعد جوزنا حاسس هيكون اجمل من اللي قبله.
……
لا وحياتك لا بشفها ولا بكلمها وهي زي التلج ولا فارق معها كل اللي شغلها الولاد والأكل والشرب وحده غيرها لما تعرف ان جوزها هيجوز عليها تخاول تغير من نفسها تلبس تشيك دي ابدا ارجع وهي نايمه امشي وهي نايمه مقبلتهاش طول الاسبوعين دول غير لما بتوع الاجهزة جابوا الحاجه ويوم ما اخدتها وخرجت افسح الولاد ومن يومها ولا شفتها.
بصت لنفسي في المرايا مسحت دموعي قربت اوي منها بصيت على وشي لسه جميله زي مانا وشي بهتان شوية من الحزن صحيح عمري ما حطيت مكياج ولا رحت كوافير عشان شايفه ان ربنا خلقني جميلة ليه اغير خلقه ربنا انا هتغير فعلا وهشوف نفسي وحياتي بس مش عشانه لا عشان نفسي وبس عشان ولادي اللي بان عليهم الكسرة بس مش موضحين وخصوصا هنا لازم اعلمها تثق بنفسها ومتخليش حاجه تكسرها مهما كانت قوية.
فتحت دولابي اختارت لبس من اللي اخترتهم هنا ولبست واشيكت وخرجت لاوضة هنا لقتها پتبكي واول ما حست اني دخلت اوضتها مسحت دموعها قربت منها.
يالا يا هنايا قومي يا روحي غيري هدومك واختاري طقم قريب من لون طقم اللي لبساه هنخرج انا وانتي وليكي عندي مفجأة.
ماما حضرتك ليه مش زعلانع ان بابا اتجوز عليكي.
ممكن تلبسي ولما نخرج نتكلم.
بعد نص ساعه كنت وقفه انا وهنا قدام البحر وانا عنيا على البحر قلت لهنا.
انا مش بس زعلانه انا موجوعه بټحرق من جويا بس مش ظاهرة حاجه من دي في الاول قلت ممكن يرجع عن قراره ويصون العشرة للاسف كمل وكانه اول مرة يجوز حب يريح ضميره اشتري كام هدمه ورجع شبكتي اللي بعتها عشان
اجيب شقه نترحم من الايجار زعلت على نفسي مش عليه زعلت على سنين عمري كنت بشتريه كل ثانيه فيها وهو باعني وڤضح ستري قدام الناس اتقهرت على حال الناس وازاي ست تبني سعادتها على حساب ست تانيه واولاد ملهمش ذنب غير انهم ولاده عارفه ياهنا انا بحمد ربنا على اللي حصل وكشف معادن ونفوس الناس انا عاوزاكي تتعلمي من اللي حصل دا وتاخديه دافع ليكي وعظه.
دافع وحافز وعظه ياماما طيب ازاي.
اولا عظه ان ربنا كاتب ان باباكي يتجوز حتي لو اعترضت وعملت مشاكل وطلبت الطلاق هيتجو.
حافز انك يبقي ليك شخصيه وكيان تبقي قوية متضعفيش تبيني ضعفك قدام نفسك وبس دموعك غاليه متنزلش غير على غالي انا عارفه انك زعلانه وموجوعة انتي متعلقة باباكي قوي واكيد موجوعه عشان في حد تاني بيهتم بيه.
دافع ليكي انك تقوي وتنجحي وتتفوقي وتبني مستقبلك تدخلي مجال بتحبيه الكل يفتخر بيكي وبنفس الوقت تكوني قدوة لغيرك واولهم اخواتك صحيح مقدرتش اكون ليكم قدوة تفتخروا بيها بس اوعدك هكون باذن الله الأم اللي تشرفكم وتفتخروا بيها.
عدي شهرين وبافي كام يوم على فرحه رجع البيت عشان يقعد مع ولاده اصله هيسافر شهر عسل في شرم.
دخل الاوضة وقف مصډوم ماهو ميعرفش بالتغير اللي حصل وبنيو لوك اللي عملته في نفسي وبلبسي صحيح مكنتش اتمني يشفني بيه بس امر الله وحصل جه قرب مني وسلم عليا وحب يرح ضميرة ويتقرب مني.
كويس يا ابو هنا انك جيت كنت هخلي الولاد يتصلوا بيك.
ابو هنا.
بص يا ابو هنا دلوقتي الولاد في اجازة الصيف وبابا ربنا يخليه حجز لينا انا واخواتي عمرة شهر كامل والولاد طول الشهر دا هيقعدوا فين وانت عارف اني من زمان نفسي اطلع العمرة.
شهر يا رحاب وبالتوقيت دا انتي ناسيه ان فرحي كمان اسبوع.
رغم الۏجع اللي حسيت بيه بس اتحملت وقلت اعرف منين لا بشوفك ولا بتتصل تتطمن على الولاد افتكرتك الفترة اللي فاتت انك عملت الفرح عشان كدا ما بتجيش.
والمطلوب اي.
طبعا انا فهمت الفترة اللي فاتت انه اهم حاجه عنده شكله قدام الولاد قلتله ولادك عندك شوف اللي يراضيهم اي ويحبوا يقعدوا فين الشهر دا وانا مش هدخل خالص.
طيب عندي حل يروحوا لاي وحده من اخواتك.
ياريت كان ينفع اخواتي واجوزهم وولادهم مسافرين معانا.
طيب هيرحوا فين بابا وماما مش هينفع يقعدوا معهم وخصوصا ماما وقعت من رجلها اكسرت دا انا كنت جاي اقولك تجي تقعد هنا تراعيها.
اسفه يا ابو هنا اديك شايف بنفسك انا جهزت شنط السفر وشويه وهنزل اجيب لبس العمرة.
ما انا مقدرش امنعك من العمرة
وانا وعدتك تسافري مع عمي وبنفسي اديته البسبور بس مكنتش متخيل بعد سبع شهور تجي في الوقت دا.
شوف الاولاد وانا موافقه على المكان اللي هيرحوه.
خرج للولاد وانا لبست واشيكت ولبست طقم دريس جنزاري ولفيت الطرحه ولبست اكسسوار وحطيت ملمع شفايف وخرجت لقيته قاعد بيقنع الولاد اللي عرفته انهم رافضين يروحوا بيوت عمامهم اللي هو اصلا متاكد انهم استحالة ستاتهم هيقبلوا يقعدوهم عندهم.
هنا قالت مفيش غير حل ياحضرتك تقعد معانا الفترة دي لخد ماما نسافر معها العمرة.
ماجد هو دا نسافر العمرة دا احسن حل.
قربت منهم …

يُتبع..

 

• لقراءة باقي فصول الرواية اضغط على (رواية ظالم ومظلوم)