رواية ظالم ومظلوم الفصل الثاني 2 بقلم منى عبد العزيز

رواية ظالم ومظلوم الفصل الثاني 2 بقلم منى عبد العزيز

 

البارت الثاني

 

 

في السر والعلن كل اللي انا فيه دا بسببك انتي وبفضل وقوفك جنبي.
رحاب حطت اديها على قلبها حاسة انه بيتقطع جواها بلعت ريقها اللي عامل زي الشوك اي لازمته الكلام دا يا عادل.
عادل بسرعه رحاب انا خطبت عبير زملتي في الشغل وقرينا الفاتحة.
متفتكريش اني خنتك ولا عملت كدا فراغت عين ڠصب عني قلبي مال ليها كل ما اقاوم وابعد قلبي يتعلق بيها اكتر شهور وانا بحاول ابعد القيني بقرب منها اكتر رحاب انا راجل ليا متطلبات ودا مش معناه انك مقصرة لاء بس في حاجات محتاجها ودا ملقتوش غير عند عبير.
غمضت عيني حاسه الاوضه بتقلب بيا مش قادرة استوعب اللي سمعته وقفت زي اللي قرصني عقرب اول ما حسيت بايده بتمسك ايدي وخرجت برة الأوضه دخلت الحمام واڼهارت من العياط لولي سمعت صوت مالك ابني بينادي وبيخبط.
قمت بسرعة غسلت وشي وفتحت الباب دخل ابني وخرجت وقفت بالصالة خروج مالك اللي سألني.
ماما وقفه كدا ليه.
بصيت ليه وقربت منه وقلت له.
مالك انت بتحبني.
بضحكة في اي يا ماما.
جوبني انت بتحبني ولو خيروك بيني وبين بابا تختار مين.
ماما اي الاسئلة الغريبة دي.
جاوبني يامالك بصراحه ولازم تختار حد فينا متقولش انتم الاتنين.
مع اني مش فاهم كلام حضرتك بس انا لو هختارك هختارك لانك امي وحببتي وبتعمليلي كل حاجه بحبها مع ان اوقات بتمسكي ايدك علينا بس انتي امي.
طيب وبابا بابا عمره ما زعلاني وكل اللي بنطلبه بيعمله لينا غير انه طيب اوي.
لوخياروني هختارك انتي لانك امي وختار بردة بابا لانه بابا.
طيب لو حد فينا بعد عنكم وقال انكم كبرتم وهو هيسبكم ويسافر هتختار مين.
على حسب.
ازاي على حسب.
ماما انا عاوز انام.
جاوب وادخل نام.
لو بابا هيسافر شغل عشان يعيشنا افضل هوافق افضل مع حضرتك لكن حضرتك هتروحي فين مش بتشتغلي ولا عندك مكان تروحي فيه غير بيت جدو ودا بنروح نزوره كام ساعه وبنصدق نرجع بتنا من الزحمة اللي فيه.
طيب لو بابا قال انه مش عايز حد معه وانا هروح بيت جدوا.
بسرعة هفضل عايش هنا في بيتنا لوحدي ولا اروح دقيقه عند جدوا ابدا.
وتسبني.
مش هسيبك هزورك لكن اعيش هناك لاء دا هنا وحضرتك منشفاها اوي لا خروج لا فسح حتى شړي الاكل بترفضيه يبال بقي عند جدوا اللي كل حاجه بالمسطرة.
غمضت عنيها وشاورت ليه وضمت شفايفها تكتم صړخة ۏجع بعد شوية اتعدلت في وقفتها دخلت الحمام غسلت وشها بصت في المرايا وقالت.
لما دا كلام عيل عمره عشر سنين كلام ماجد وهنا هيكون
اي بقي انا في نظرهم بحرمهم من كل حاجه انا اللي بحرم نفسي من اللقمة عشان اوفرها ليهم بخاف عليهم من اكل بره يتعبهم وبعملهم كل اللي بيطلبوه عشان احميهم بس انا ازاي اعاتب على عيل كل هامه اللعب والاكل والكبير اللي حرمت نفسي من ابسط حقوقي عشان اقف جنبه باع عشرتي وبيقولي حاجه مش بايدة قلبه مال ليها وانا اي قلبه ما هوبش جنبي بس انا مش هشتري اللي باعوني.
نشفت وشها وخرجت راحت اوضة النوم وقبل ما ادخل سمعت صوته بيكلم مع حد وبيقول.
انا عاوز افتح عيني واغمضهم القيكي في بيتي
اعملي حسابك يوم الاحد هنخرج بعد الشغل نجيب الشبكة نختاروا فرش الشقه واوضة النوم على ذؤقك يا روحي.
وبعدها قال الشقه خلاص اتوضبت مبقاش نقصها غير تتفرش وتنوريها يا روح قلبي ونور عيني.
ھموت من اللي سمعته الشقة اتوضبت معقوله كان ناوي من زمان زانا مكنتش حاسة ولا فاهمه مقدرتش استحمل اكتر من كده
وفتحت الباب اتلخبطت وقفل التليفون بسرعة ووقف اول ما دخلت وقرب مني وقال كنت لسه جاي اطمن عليكي.
_ غمضت عيني اخدت نفس اهدي من نفسي واديرت ابص في وشه بصيت في عينه ملقتش نفسي فيها حتي ملمحه اللي بعشقها بقت باهته مش قابله اشوفها اديرت بسرعه وقلتله.
مبروك يا ابو هنا ربنا يتمم بخير
بفرحه وقال يبارك فيكي يا ام هنا كنت متأكد انك هتوافقي ومراهن على كدا اوعدك هعدل بينكم ومن قبل ما اخد اي خطوة في الجواز هغير عفش البيت هنا والاجهزة وكمان هجيب ليكي شبكتم اللي بعناها اول ما اشترينا الشقة دي.
اديه اللي حضڼي بيهم زي شوك وحبل بېخنقني وبيحرق بجسمي كلامه ڼار بتولع كل خليه بجسمي بقيت هجنن سنين والشقه عاوزة تتوضب والاجهزة زهقت من كتر الصيانة ومجاش في باله يغيرها فجأة اكتشف دا بس هو اللي جابه لنفسه والله لأعرفه العدل يبقي ازاي بس كل حاجه في وقتها حلوة.
فكيت ايده وحاولت ارسم ابتسامه وبصوت هادي وجوايا بيتقطع يلا نام والصبح ان شاء الله نتكلم براحتنا بس قبل ما انسي انت كنت واعد الولاد هننزل الجمعة نشتري لبس المدارس وتفسحهم.
تمام تمام بكرة بعد الصلاة اي رايك نوديهم الملاهي وبعد منها ننزل نشتري كل اللي هم وانتي عاوزاه.
بهمس لنفسها قالت اللي انتي عاوزاه لاول مرة من سبعتاشر سنه تنطقها لكن انت طلبتها ونولتها من عنيا.
من فرحته نام وانا خرجت بره الاوضه دخلت الصالون شفت التورته والهدايا اللي بعت حلقي ورحت اشترتها ليه والولاد يقدموها ليه فتحتها كلها وكنت هقطعها وارميها في الژبالة حاجه قالتلي لاء رديها حتى لو بالخسارة بسرعه لمتهم وحطتهم
في الاكياس من تاني واخدتهم وحطيتهم في درفه عندى بقفل على الحاجه المهمه فيها ورجعت شلت كل الزينه والبلالين اللي في الشقه ورمتهم بالژبالة حتى حروف اسمه مخلتش حرف غير وانا بدوس عليه برجلي وارميه الفجر اذن وانا شايله كل حاجه اتوضيت وصليت ورميت نفسي على الكنبه ونمت بس عقلي رافض ينام بقيت في صراع انا وهو بيكلمني واكلمه واتفقنا على اللي هنعمله وكل قلبي ما يدخل افكره بالكلام اللي سمعته منه.
معرفش نمت ازاي ولا امته بس صحيت وانا جسمي كل حته فيه بتوجعني رحت اوضه الاولاد لقتهم نايمين وقفت شويه ابصلهم وصحتهم ورحت اوضة النوم عشان اغير واجهز الفطار وقفت لتاني مرة على صوت كلامه وضحكته اللي مجلجله في الاوضه وبيقول.
اول ما فتحت عنيا لقتني مشتاق اسمع صوتك رنيت على طول عشان اسمع صوت الكروان هههههههه لا وحياتك من فرحتي انك خلاص بقيتي ليا وكلها كام يوم وهتبقي على اسمي عارفه يابيري انتي طول الليل معايا في حلمي مسبتنيش ثانيه واحده لا والله حتي ما نمتش جنبي لاء وحياتك عندي ولا قربت منها شايل شوقي ولهفتي كلها ليوم فرحنا.
قتلني بكلامه بعدت عن الباب كم خطوة وبعدها جريت على الصالون قفلت علي نفسي بكتم صوت صړيخي وفضلت قاعده مع نفسي وعقلي رجع يكلمني وبعدها خرجت ولا كأني سمعت حاجه روحت لأولادي.
يلا يا ولاد البسوا هدمكم هنخرج النهاردة ونشتري كل اللي نفسكم فيه كل واحد فيكم يفكر في اللي عاوز يشتريه ويكتبه في ورقه على ما بابا يلبس ونخرج.
رحت الاوضه كان لسه بيكلم وقال متقلقيش ياروحي الفيزا معايا بجيبي كل حاجه عاوزها هنشتريها والكاش لو خلص هدفع بالفيزا.
فتحت الباب قفل التليفون وقبل ما يكلم قلت له بسرعه مش عاوزه اسمع صوته الولاد من فرحتهم بالفسحه لبسوا وقالوا عاوزين يتفسحوا اليوم من اوله.
تمام تمام طلبتهم أوامر هاخد دش بسرعه واغير ونمشي على طول.
لبست وخرجت رحت المطبخ وقفت خمس دقايق سمعته بيقول للولاد هينزل يجهز العربية على ما ننزل.
شويه ونزلنا والولاد مقصروش بطلباتهم ههههه والله لو انا كنت خطتت سنه قدام ما كنت قدرت اجمع ربع اللي اشتروه المهم جه الدور عليا قلت العيال وخربوها جات عليا سبعتاشر سنه مشترتش طرحه بس ما بينتش دخلت مع هنا وقلتلها هنوش اختاري ليا لبس على الموضة انا مش عارفه اي الجديد.
هنا بسعادة بابا اختار وقلبي جامد.
عادل اكيد يا هنوش زوقك حلو زي زوقي اختاري وانا هدفع.
ابتسمت وانا جوايا بقول جبته لنفسك وسبت هنا تبدع بجد ابهرتني مخلتش حاجه مشترتهاش لبس وحجاب واكسسورات
وشنط وجزم دفع وهو وشه جايب الوان اصله كان فاكر اني هعمل زي مل مرة واقول عندي لبس كتير اهم حاجه انت والولاد.
جاله تليفون وبقي متخبل يرد ولا يعمل اي قربت منه وقلتله.
جيب الفيزا ادفع على ما تخلص مكلمتك.
خرج راح العربية يكلم براحته وانا استغليت الفرصه بجد جاتلي على طبق دهب مش فضة ورحت على محل اجهزة كهربائية واشتريت تلاجه وبتوجاز وغساله اتوماتيك ومكنسه كهرباء وشاشه كبيره ومكوة بخار وطربيزة مكوه وطقم حلل جديد ودفعت تمنها وعملت الفواتير باسني غير كام حاجه عملتها باسمه واتفقت مع اصحاب المحل على الشحن واديتهم العنوان خرجت ليه وانا بقوله ببراءه.
ابوهنا الفيزا اهي بس في حاجه بسيطه كدا عملتها اصل انت اتاخرت والفرصه كانت هتروح من ادينا.
فرصة اي.
شاورت على محل الاجهزة في الشارع وقلتله شايف محل البرنسيسه دا عامل عرض ساعة الحظ على الاجهزة بنص تمنها وانا لقتها فرصه واشترت ودفعت تمتها من الفيزا بس متزعلش نفسك لو مش عجبك نلغي البيعه.
وشه جاب ألوان وقال بتهته لاء مدام انتي مبسوطه خلاص.
قلتله على العموم ما تقلقش هنبيع القدام وتمنها رجعه للفيزآ.
لاء ما فيش حاجه خلصتم كل حاجه ولا لسه في حاجه نقصاكم.
هنا بصراحه يابابا من ناحية لسه فالسه بس ماما زي عادتها بتقول كفاية كده.
ماجد بابا انا كنت عاوز اشتري ساعة وماما رفضة بعد اذنك تشتريها لي.
اكيد ياحبيبي حد فيكم عاوز حاجه تاني لان لو مشيت من هنا مش هرجع تاني.
مالك انا كمان عاوز ساعه وكوتشي كورة.
وانتي ياهنا في سلسلة عجباني من زمان فكره ياماما شفتها على رنا صحبتي وقلتيلي لما اتخطب اشتريها.
عيب ياهنا الكلام دا دي سلسله دهب وغاليه.
بابا قال الغالي يرخص عشاني مش كدا يابابا.
اكيد ياحبيبي تعالي وريني السلسله وانا هشتريها.
رجعنا البيت
بعد ما الولاد قضوا وقت حلو اكتشفت يومها حاجه غريبه
اكتشفت ان الراجل مدام في دماغه حاجه وعاوز يعملها لو هيخسر كل اللي حلته هيعملها اكتشفت اني كنت غبيه وبوفر لغيري وانا حرمت نفسي على اساس بعمل لمستقبل ولادي وادبق القرش على القرش وطلعت انا الام البخيلة المقصرة مع ولادها وهو الاب الحنين اللي لو طال خته من السماء لولادة هيجبها اللحظة دى لي عرفت مالك قال اختار بابا في كل الحالات.
_اسبوعين عدوا مكناش بتشوف فيهم عادل غير ساعة النوم في الفترة دي عرفت انه كتب الكتاب وصورة نزلها على صفحته وبالصدفة قريت تعليقات اهله وشفت تهانيهم ليه شفت صورة لحماتي وحمايا
وبيقدموا هدية للعروسه وهو كاتب تحت الصورة اجمل هديه من ولدي وولدتي لاجمل

يُتبع..

 

• لقراءة باقي فصول الرواية اضغط على (رواية ظالم ومظلوم)