رواية عانيت لأحبك الفصل الحادي والثلاثون 31 بقلم فاطمة محمود
رواية عانيت لأحبك الفصل الحادي والثلاثون 31 بقلم فاطمة محمود
البارت الحادي والثلاثون
” رواية عانيت لأحُبك ”
” الواحد وثلاثون ”
” الكاتبه فاطمه محمود ”
الِ بعيد عن العين عُمرو مبعد عن القلب 🖤.
يوسف بصدمه : تاليا
تاليا : ايوا تاليا حبيبتك
يوسف بسخريه : حبيبتي انتي ناسيه انك نهيتي
كل حاجه بايدك
تاليا قربت منو : بس انا لسه بحبك ومتاكده انك
انت كمان بتحبني
يوسف : لاا مبقتش بحبك
تاليا : انا عارفه انك بتقولي كدا عشان مدايق مني
بس بلاش تكدب انت لسه بتحبني
تاليا قربت من يوسف وحضنته يوسف غمض عيونه
وبعدها عنو تاليا كانت هنتكلم شاف الدبله في ايدو
تاليا : يوسف انت لابس دبله ليه
يوسف : الواحد بيلبس دبله ليه
تاليا : انت مش معقول تتجوز اكيد لاا
يوسف : لاا ليه امبارح كان كتب كتابي
تاليا بصدمه : انت بتقول ايه ازاي دا يحصل
يوسف : انا دلوقتي راجل متجوز وبحب مراتي
ومش عاوز مشاكل وياريت تبعدي عني
تاليا مسكته من هدومه : انت ليا انا مش لحد غيري
يا يوسف ومش هطلع من حياتك وهتطلق مراتك
وتتجوزني
يوسف مسك أيدها وبعدها : انتي شكلك اتجننتي علي
الاخر مين دي اللي اطلقها دا انا مصدقت اتجوزتها انا
بحبها وبحبها اوي كمان وخلي عندك احساس واخرجي
تاليا : انت ازاي عملت كدا بجد ازاي حبتها طيب ونا
مفكرتش فيا ولا في حبي ليك
يوسف : لاا بقولك ايه متعشيش دور الضحيه افتكري
مين فينا اللي بعد عن التاني ونا مش غلطان اني حبيت
سلمي لانها بجد بتحبني مش تسبني وتبعد وترجع بمزاجها
تاليا : عارفه اني غلطانه وجيت أصلح غلطي انا بحبك
يا يوسف حاولت كتير اشيلك من دماغي بس مش عارفه
يوسف : تاليا الكلام دا ملوش لازمه اتمني منك تطلعيني
من دماغك
تاليا بعصبية : ونا مش هسيبك يا يوسف انت ليا انا
وهتفضل ليا ويبقا بتحلم لو سيبتك تتجوز
تاليا خرجت بعصبية ويوسف رجع قعد علي الكرسي
واخد نفس طويل وفضل يفكر في كلام تاليا
يوسف : عارف انها مجنونه وهتعمل اي حاجه
رجع يكمل شغله بس تفكيره مشغول بكلام تاليا
………………………………………
شهد بتكون قاعده في اوضتها بزهق وبعدين بتخرج
وبتطلع من شقتهم وبتطلع شقه مراد بترن الجرس
وبتفتح ملك
ملك : تعالي يا شوشو
شهد بتدخل وبتقعد علي الكنبه وملك بتقعد جمبها
ملك : تشربي ايه
شهد : لاا مش عاوزه حاجه
ملك : ليه اعملك ايس كوفي حلو
شهد : ملك انا مدايقه اوي
ملك : طيب احكيلي اللي مدايقك لو حابه
شهد : انا كاتمه في قلبي ومحدش يعرف قولت
اجاي اتكلم معاكي
ملك : طيب احكي يا حبيبتي
شهد : انا موجوعه اوي وهو مش شايفني كدا ونا
بحبو ونفسي يشوفني لو لمره وحده بس كاني هوا
بنسباله عارفه اني ممكن ابقا مش كويسه عشان بفكر
في بس مش بايدي حبه بيكبر في قلبي كل يوم بجد
تعبت اوي يا ملك
ملك : طيب ليه متكلمنيش معاه وتقوليلو علي
اللي حاسه من ناحيته
شهد : فكرت في كدا بس مينفعش
ملك : ليه مينفعش
شهد : عشان هو لسه بيحب آيه باين عليه في
كل تصرفاته
ملك : ثواني افهم آيه مين هو انتي مين اللي
بتحبيه
شهد : سيف
ملك : انتي ملقتيش غير سيف يا شهد
شهد : هو انا بايدي يا ملك
ملك : شهد انا خايفه عليكي لانه متزعليش مني يعني
بيحب آيه ونتي وهو علاقه مستحيله
شهد دموعها نزلت : مش عارفه حظي كدا ليه
لما حبيت حبيت من طرف واحد تعرفي انها صعبه
اوي تبقي انتي شايفه قدامك ونفسك تتكلمي معاه
بس للاسف هو شايف وحده تانيه
ملك : شهد حاولي تفكري في مستقبلك متفضليش
موقفه حياتك عشانه
شهد مسحت دموعها : صعبه عليا بس هحاول
ملك بتحاول تطلع شهد من زعلها : بقولك ايه انا
جعانه ايه رايك نعمل اكل سوا
شهد : ياريت انا هموت من الجوع
ملك بضحك : طيب يلاا بينا عالمطبخ
شهد : يلاا
شهد وملك راحو المطبخ يعملوا اكل سوا
………………………………………
فارس بيكون مستني مايا قدام الفيلا ومايا
بتوصل بتنزل من العربية وبتقرب منو
مايا : معلش اتاخرت عليك يا فارس
فارس : ولا يهمك الفيلا جاهزه تقدري تشوفيها
مايا : طيب ممكن تدخل معايا
فارس : تمام
مايا وفارس بيدخلوا الفيلا ومايا بتفضل تتفرج
علي الديكورات
مايا بانبهار : بجد تحفه فنيه
فارس بابتسامة : اهم حاجه عجبتك
مايا : دي فوق الوصف يا فارس بجد انت اشطر
مهندس ديكور اتعاملت معاه وياريت متكونش اخر
مره
فارس : اكيد أن شاء الله .. طيب انا استاذن عشان
ورايا شغل في الشركه
مايا مسكت ايدو : ممكن نشرب قهوة سوا
فارس بص علي أيدها ومايا بعديت ايديها
مايا : سوري فارس
فارس : مفيش مشكله
مايا : طيب يلاا
فارس ومايا بيخرجوا وفون فارس بيرن
فارس : الو
نور : ايه مش سال في مراتك ابدا كدا
فارس بضحك : اسف يحبيبي كنت مشغول شويه
نور : طيب مش هنخرج سوا
فارس : حاليا انا مشغول هخلص وهنخرج
مايا بدلع : يلاا يا فارس
نور سمعت صوتها واتجننت وفارس اللي غمض
عيونه من اللي هيحصل
نور بعصبية : مين دي
فارس : اهدي يا نور قولتلك انا في الشغل
نور بعصبية : شغل ايه أن شاء الله اللي يبقا في بنت
فارس : ما طبيعة تعامل شغلي رجاله وبنات
نور بعصبية : وهي لحد دلوقتي الهانم مخلصتش
شغل معاك
فارس : مش فاهم
نور : مش هي نفس البنت اللي كلمتك قبل كدا
وكانت معاك في المكتب
فارس : اه هي
نور : بتعمل ايه معاها بقا دلوقتي
فارس : كنت خلصت الفيلا بتاعتها وسلمتها ليها
نور : طيب سلمتها الفيلا موجوده مع حضرتك ليه
فارس : ما انا همشي اهو
نور : تمام كدا امشي عشان جناني ليطلع عليك
فارس : نور انا هقفل دلوقتي عشان شكلك اتجننتي
علي الآخر
نور : نصيبك بقا في وحده مجنونه
فارس : واحلا نصيب
نور : تقدر تقول غير كدا
فارس : لاا مقدرش طبعا
نور : ايوا كدا
فارس : طيب هرجع اكمل شغل
نور : تمام خليه ينفعك
فارس بضحك : ماشي
فارس بيقفل ومايا بتكون واقفه بصاله
مايا : شكلي عملت مشكله بينكم
فارس : لاا ابدا
مايا : طيب انا هركب عربيتي ونت كمان ونشرب
قهوة في الكافيه
فارس : تمام
فارس بيركب عربيته وبيمشي وبعد وقت بيوقف
قدام كافيه وبينزل من العربيه وبيدخل وبعدين
بتدخل مايا وبتقعد وبتطلب قهوة وبعد وقت
فارس بيمشي وبيروح علي الشركه
………………………………………
سلمي بتنزل من العمارة وبتخرج وبتشوف
يوسف واقف بالعربية بتركب
يوسف بيقرب منها وبيحضنها : وحشتيني
سلمي بتزقه : علي فكره مينفعش كدا
يوسف : عارفه يا سلمي والله العظيم نتجوز بس
ونا هاخد حقي منك من اللي بتعمليه فيا دا
سلمي بضحك : هتعمل ايه يعني
يوسف : مالكش دعوه
سلمي بابتسامة : طيب هتوديني فين
يوسف : انتي عاوزه تروحي فين
سلمي : اي مكان بس اهم حاجه اكون معاك
يوسف بابتسامة : انا كدا هضعف
سلمي بضحك : لاا اجمد كدا
يوسف بضحك : ماشي
يوسف ساق وسلمي فضلت تطلع أيدها من شباك
العربيه في الهوا
يوسف بصلها : دخلي ايدك
سلمي : انا بحب اعمل كدا
يوسف : دخليها بقولك
سلمي دخلت ايديها وقرب من يوسف : شغلي
اغنيه طيب
يوسف : شوفي عاوزه تشغلي ايه
سلمي شغلت اغنيه نفسي اقولك وبعدين بصيت
ليوسف اللي كان مبتسم ليها قربت منو وحضنت
دراعه وفضلت تغني ليوسف
يوسف كان مبسوط جدا وصلت رساله للفون بتاعه
شافها وكانت من تاليا اللي عباره عن
لو مقولتش لسلمي انا هقولها
يوسف قرأ الرساله واديق جدا سلمي بصتله وشافته
مدايق بعديت عنه وبصتله
سلمي : مالك يا يوسف
يوسف بضيق : مفيش
سلمي : مفيش ازاي احكيلي اللي مدايقك
يوسف بصلها كتير ومتكلمش
سلمي : بتبصلي ليه
يوسف : سلمي انتي ممكن تبعدي عني لو حصل
اي حاجه بنا
سلمي : لاا طبعا انت حبيبي مقدرش اتخيل حياتي
من غيرك وبعدين انت عارف انا بحبك قد ايه
يوسف : عارف بس لو كان في مشكله حصلت وكانت
سبب المشكله بنت هتعنلي ايه مثلا
سلمي مسكت هدومه : بنت ايه دي أن شاء الله دا انا
اقتلك قبل ما تفكر تعملها يا يوسف
يوسف بابتسامة : انا مش عارف أشوف غيرك اصلا
سلمي : مش عارف يعني انت حاولت تشوف غيري
يوسف : لاا ونبي بلاش نكد انهارده
سلمي : طيب تسوق يحبيبي ومتحاولش
يوسف بضحك : طيب مش جعانه
سلمي بضحك : جعانه والله
يوسف : نروح نتغدا ياستي انتي زي مراتي برضو
سلمي : لاا وجدع يا جوزي
بعد وقت وصلوا قدام المطعم ونزلوا ودخلوا
المطعم وقعدوا
يوسف : تاكلي ايه يحبيبي
سلمي : يااه يحبيبي ايه الحلاوه دي
يوسف بضحك : انتي كلك هتضعي مني انهارده
سلمي : طيب اطلب انت اكل علي زوقك
يوسف : حاضر يحبيبي
سلمي : يالهوي
يوسف ضحك عليها وبعدين طلب اكل واكلوا
………………………………………
آيه بتكون قاعده علي الكنبه و زينب بتخرج
من المطبخ و بتقعد جمبها
زينب : حبيبت قلبي امها قاعده سرحانه في ايه
آيه بابتسامة : مفيش يماما عادي
زينب : لو حاجه مديقاكي قوليلي بس بلاش تخبي
في قلبك
آيه : مفيش حاجه يا ست الكل بس زهقانه شويه
زينب : طيب انزلي اخرجي
آيه : مش عاوزه يماما
زينب : انزلي بس قابلي البنات وغير من نفسيتك
شويه
آيه : حاضر يماما
آيه بتدخل اوضتها وتغير هدومها وبعدين بتخرج
آيه : عاوزه حاجه يماما
زينب : خدي بالك من نفسك يا حبيبتي
آيه : حاضر
آيه بتنزل وبتركب تاكس وبعد وقت بتنزل وبتدخل
كافيه وبتقعد وبيقرب منها الجرسون
الجرسون : تشربي ايه يا فندم
آيه : لاا شكرا مش عاوزه دلوقتي
الجرسون بيمشي و آيه بتمسك الفون وبترن
علي ريهام
ريهام : لسه فكراني يابت
آيه بضحك : علي بالي والله
ريهام : وحشاني يجزمه
آيه: ونتي كمان يقلبي .. طيب ايه مش هتيجي
ريهام : اجي فين
آيه : بقالنا كتير متقابلناش قولت نتقابل في كافيه
ريهام : والله فكره برضو خلاص هكلم اسراء ونيجي
بس كافيه اي
آيه : هبعتلك اللوكيشن
ريهام : اشطاا
………………………………………
فارس بيكون واقف بالعربية وبيرن علي نور
اللي بترد عليه
فارس : انزلي
نور : عاوز ايه
فارس : انزلي عاوزك
نور : طيب
فارس بيقفل وبيفضل مستني نور اللي بتنزل
وبتركب العربية
نور : عاوز ايه يا فارس
فارس : قلب فارس
نور : لاا متغيرش الموضوع انا مدايقه منك اصلا
فارس : ايه حصل عشان تدايقي
نور : لاا محصلش حاجه اكلم جوزي الاقي بنت معاه
ومش اول مره وشكلها ملزقه
فارس بضحك : ونتي شوفتيه عشان تقولي ملزقه
نور : باين من صوتها
فارس : لو شوفتها هتغيري رايك فيها
نور بعصبية : نعم هو ايه اللي اشوفها يعني انت
بتبصلها اوي كدا
فارس بضحك : شكلك حلو اوي ونتي غيرانه كدا
نور : انا اولع ونتي تضحك براحتك يا بشمهندش
فارس مسك خد نور بضحك : قمر اوي
نور : البنت دي متتعاملش معاها تاني
فارس : ازاي طيب يعني اقولها مفيش شغل
كدا بضر الشركه
نور : يبقا متتعاملش معاها انت
فارس : حاضر
نور : بقولك ايه انا عاوزه انزل الشركه ادرب
فارس : لاا تدريب ايه انتي ناسيه اننا هنتجوز
يا حبيبتي
نور : لسه يعني انزل دلوقتي واهو اشوف الشغل
فارس : فاضل اقل من اسبوع يبقا تشوفي اي حاجه
محتاجها عشان الوقت
نور : حاضر طيب انا هنزل
فارس : يبقا كلميني
نور : اوك باي
فارس : باي
نور طلعت وفارس مشي
………………………………………
عند البنات في الكافيه
اسراء : انا اول ما ريهام كلمتني جيت علطول
قولت مقدرتش افوت الخروجه دي
آيه بابتسامة : وحشتيني جدا والله يا سوسو
وحشوني كمان ياسين وسلمي
اسراء : ونتي كمان يا توتا وياسين كان نفسه
يشوفك وسلمي كمان
آيه : حبايب قلبي مجوش معاكي ليه
اسراء : عند اوديهم لماما عشان نعرف نتكلم
قوليلي بقا انتي اخبارك ايه
آيه : الحمدلله كويسه
ريهام بضحك : اسراء بتسالك اخبارك ايه
يعني انتي وسيف
آيه سكتت
اسراء : سكتي ليه يا توتا
آيه : انا وسيف سبنا بعض
ريهام : ازاي دا حصل
آيه : كل حاجه قسمه ونصيب
اسراء : طيب ايه حصل يوصلكم لكدا
آيه : مش حابه اتكلم يا اسراء
ريهام : طيب محاولتيش ليه يا آيه انتي كنتي بتحبيه
آيه : في حاجات مينفعش نحاول عشانها لأنها بتبقا
منتهيه والحب مش كل حاجه
اسراء : انتي تستاهلي كل خير يا توتا وان شاء الله
ربنا يعوضك
آيه ابتسمت وغيرت الموضوع : قوليلي بقا عامل ايه
ممدوح
ريهام : الحمدلله كويس
البنات فضلوا يتكلموا كتير وبعدين كل وحده
مشيت
………………………………………
في المطعم كان يوسف بيتكلم هو وسلمي
وشاف تاليا بتدخل المطعم وبتقعد علي التربيه
اللي قصاده بيفضل باصصلها
سلمي : بتبص علي ايه
يوسف : لاا مفيش يلاا بينا
سلمي : يلاا
يوسف قام وسلمي مسكت الشنطه ومسك ايد
يوسف تاليا شافت أيديهم قامت وقربت منهم
ويوسف اتوتر حاول يمس بسرعه عشان يخرج
سلمي : براحه يا يوسف كدا هقع
يوسف وقف : انتي كويسه
سلمي : رجلي وجعلتني من الكعب بس
تاليا قرب منهم وكتفها لمس كتف سلمي
تاليا : انا اسفه انتي كويسه
سلمي : اه ولا يهمك
تاليا : اساعدك طيب
يوسف : لاا شكرا جوزي موجود
تاليا ابتسمت وفضلت تبص ليوسف اللي
مدايق منها
يوسف : طيب هتعرفي تمشي يحبيبي
سلمي : امسك ايدي بس
يوسف قرب منها وشالها
سلمي : يوسف انت بتعمل ايه نزلني
يوسف : اسكتي
تاليا كانت بصالهم بعصبية وغيره وسلمي استغربت
نظراتها ويوسف خرج هو وشايلها ونزلها قدام العربيه
ومسك ايديها وركبت وهو ركب وساق
سلمي : شوفت البنت اللي خبطت فيا بالغلط
يوسف بصلها : مالها
سلمي : مش عارفه ليه لما شلتني ادايقت اوي
يوسف : متفكريش كتير عادي
سلمي : مستغربه بس ليه الكره دا وهي متعرفناش
اصلا
يوسف : ممكن تبطلي كلام عن حد غيرنا احنا
هنتجوز يعني معانا ميه حاجه عاوزين نعملها
سلمي : مش كنا الجلنا شويه لقدام يا يوسف
يوسف : لاا انا مش هستني تاني اتفقت مع عمي
محمد بعد كتب الكتاب باسبوع وبعدين انتي مش
حابه نتجوز
سلمي : حابه طبعا
يوسف : طيب بكره هاخدك تختاري الفستان
سلمي بابتسامة : ماشي
………………………………………
آيه بتكون داخله المستشفى وبتمشي وبتشوف
مريم واقفه مع عمر
آيه بتقرب منهم : مريم
مريم بتبصلها : توتااا وحشتيني
آيه بابتسامة : ونتي كمان عامله ايه
مريم : بخير لما شفتك يروحي انتي عامله ايه
آيه : الحمدلله يا مريومه .. ازيك يا عمر
عمر بابتسامة : بخير الحمدلله ..انتي عامله ايه
آيه: الحمدلله
مريم : تعالي بقا نتكلم شويه
آيه : فين مالك
مريم : فين مالك يا عمر
عمر : في مكتبه
آيه : طيب هسلم عليه وارجعلك اوك
مريم : اوك
آيه بتروح لمكتب مالك وبتخبط علي الباب
مالك : ادخل
آيه بتدخل : عامل ايه
مالك بابتسامة : آيه انتي عامله ايه
آيه : كويسه الحمدلله
مالك : اقعدي طيب
آيه بتقعد وبتبص علي المكتب : علي طول
قاعد في المكتب
مالك : لما يبقا مفيش شغل بفضل هنا .. تشربي ايه
آيه : اي حاجه
مالك : تحبي نخرج من المستشفى
آيه : لو معاك شغل بلاش
مالك : انا لو معايا الغيه عشانك
آيه : لاا طبعا مينفعش
مالك بابتسامة : متقلقيش انا كنت همشي بس
قعدت في المكتب شويه
آيه : لو كان كدا ماشي
مالك مسك الفون ومحفظته : يلاا بينا
خرجوا من المكتب و من المستشفى وراحو كافيه
قريب من المستشفى
مالك : قوليلي انتي كويسه دلوقتي
آيه رفعت كتفها : مش عارفه
مالك : حاسس انك بداري حاجه ورا ابتسامتك
آيه : مش عارفه أبان اني مبسوطه او مش فارق
معايا انا بتوجع طول الوقت بحاول ابقا كويسه
بس فجاه تحصلي حاجه ترجعني لنقطه الصفر
مالك بابتسامة : هتعدي يا آيه طول ما هتحاولي
هتعدي لو انتي حابه ترجعي ارجعي بس بلاش تبقي
في الحاله دي عشان خاطري
آيه : مش عارفه اعمل اي حاجه يا مالك الاختيارات
كلها متنفعش
مالك : سيف لسه بيحبك ونتي لسه بتحبيه ليه مينفعش
آيه : عشان كل حاجه خلصت خلاص لاا في رجوع
ولا كلام تاني
مالك : طيب متخبيش في قلبك اكيد لما تعيطي
هترتاحي شويه
آيه : طيب انا لازم امشي
مالك : استني هوصلك
بيخرجوا من الكافيه ومالك و آيه بيركبوا العربية
………………………………………
يوسف بيكون في اوضته والفون بيرن كتير
وبتكون تاليا في الاخر بيرد
يوسف بعصبية : انتي عاوزه ايه
تاليا : متتعصبش طيب
يوسف : بترني ليه
تاليا : اكيد عشان اتكلم معاك
يوسف : ونتي مبتفهميش ليه قولتلك ابعدي
عن حياتي
تاليا : صعب يا بيبي
يوسف بعصبية : تاليا بطلي طريقتك المستفزة دي انتي
ايه مش بتحسي شليني من دماغك
تاليا : خلاص هطلع من حياتي بس ممكن تيجي نتقابل
يوسف : نتقابل ليه
تاليا : لآخر مره يا يوسف ومش هتشوفني تاني عشان خاطري
يوسف : تمام اقابلك فين
تاليا : في
يوسف قفل وغير هدومه وطلع من اوضته ونزل
وركب عربيته وبعد وقت وقف بالعربية ونزل منها
ودخل مطعم وشافها قاعده رفعت ايدها لي وراح
عندها وقعد
تاليا : مبسوطه اوي انك جيت
يوسف فضل ساكت ومردش
تاليا : شكلك قمر اوي انهارده يا بختها بيك
كان نفسي اقول يا بختي بيك
يوسف : انتي عاوزه ايه
تاليا : نتكلم شويه ونشرب حاجه وبعدين يبقا امشي
تاليا طلبت عصير
تاليا : اشرب
يوسف : مبحبش العصير
تاليا : اشربه عشان متشوفنيش تاني
يوسف مسك كوبايه العصير وشرب منها
يوسف : همشي انا
تاليا : طيب ممكن توصلني
يوسف : اتفضلي
خرجوا من المطعم وركبوا العربية وبعد وقت
يوسف بيوقف بالعربية وتاليا بتبصله
تاليا : ممكن تطلع معايا
يوسف : لاا وانزلي يلا
تاليا : عشان خاطري يا يوسف
يوسف بيحس بدوخه ومبيعرفش يركز وفجاه
بيغمي عليه
تاليا : يوسف فوق .. طيب كويس أنه فقد الوعي خالص
بتنزل من العربية وبتدخل العمارة وبتقرب من البواب
تاليا : لو سمحت ممكن تساعدني
البواب : اسعدك في ايه يا هانم
تاليا : جوزي اغمي عليه فجاه ومش بيفوق طلعه
معايا الشقه بس
البواب : هو حضرتك متجوزه
تاليا بتوتر : اه هو كان مسافر وانهارده رجع بس اغمي
عليه في العربية
البواب : طيب اتفضلي
تاليا رجعت للعربية والبوابة كان معاها وفتحت باب العربية
والبواب مسك يوسف ودخل العماره وطلع بي تاليا كانت ركنت العربية ونزلت وطلعت كان البواب وصل قدام الشقه
تاليا فتحت باب الشقه واخدت يوسف من البواب
تاليا : شكرا ليك
البواب : العفو يا هانم
البواب مشي وتاليا دخلت بيوسف الوضع النوم بتاعتها
ونومته علي السرير سابت الشنطه علي الكنبه وقربت منو
تاليا : انا مش قولتلك انت ليا انا وبس يا يوسف باراتك
او غصب عنك بس اهم حاجه انك معايا دلوقتي وفي
حضني
بعدين قلعته قميصه وقربت منو وبتتصور صور كتير
وبتفتح تليفون يوسف وبتاخد رقم سلمي وبتبعت الصور
ليها وبتنام في حضنه وبتفضل تبصله بابتسامة
تاليا : كل حاجه هتبقا كويسه خلاص ونت هتبقا ليا
………………………………………
سلمي بتكون نايمه علي السرير وبتوصل رساله ليها
سلمي : اخيرا افتكرتني
بتمسك الفون وبتفتح الرساله بتكون عباره عن صور
يوسف وتاليا سلمي بتتصدم ويتمسك الفون وبتفضل
تبص بصدمه ودموع
سلمي بدموع : لاا لاا اكيد الصور دي غلط يوسف
مستحيل يعمل فيا كدا
فضلت تعيط وهي بتشوف الصور ومش مصدقه
اللي شايفه
………………………………………
يوسف بيفوق وبيكون حاسس بوجع شديد في دماغه
بيبص حواليه وبيشوف تاليا نايمه في حضنه بيتصدم
وبيبعد عنها وبيبص علي شكله اللي مكانش لابس هدوم
تاليا بتبصله
يوسف بصدمه : انتي عملتي ايه
تاليا بتمثيل : انت اللي عملت امبارح طلبت مني إنك
تطلع معايا الشقه وقربت مني و
تاليا سكتت ويوسف اتصدم من كلامها
يوسف : سكتي ليه كملي
تاليا : انت فاهم الباقي
يوسف بعصبية : حصل حاجه بينا
تاليا بصتله ومرديتش
يوسف بعصبية : انطقي بقولك حصل حاجه
تاليا هزت رأسها ويوسف قام من علي السرير
ومسك قميصه ولبسه
تاليا : انت رايح فين
يوسف بعصبية : بقولك ايه انا هنشي ومش عاوز
اشوف وشك دا تانيه
تاليا : انت بتهرب بعد ما عملت عملتك
يوسف بعصبية : سبيني افكر هعمل ايه في المصيبه دي
تاليا : هو مفيش غير حل واحد نتجوز
يوسف بعصبية : دا مستحيل يحصل
يوسف خرج من الاوضه ومن الشقه تاليا بتبص
علي نفسها في المرايه بخبث : برافو يا تاليا بجد
تستاهلي بوسه
………………………………………
آيه بتخرج من اوضتها وبتدخل اوضه سلمي
آيه : سلمي
سلمي مبتكونش موجوده في الاوضه
و آيه بتخرج من الأوضه وبيكون محمد
زينب وفارس قاعدين علي السفره بيفطرو
آيه : سلمي مش موجوده
زينب : اكيد في اوضتها
آيه : شوفتها مش موجوده
محمد : هتكون راحت فين يعني
فارس : آيه كلمني البنات ممكن يعرفو حاجه
آيه كلمت البنات ومحدش يعرف حاجه عنها
آيه : كلمت البنات وميعرفوش حاجه انا قلقانه عليها
فارس : طيب امبارح حصلت معاها حاجه
آيه : لاا دي كانت راجعه مبسوطه جدا
فارس : طيب انا هكلمك يوسف
فارس رن علي يوسف وتليفونه مقفول
فارس : يوسف تليفونه مقفول
زينب : طيب جرب ترن علي سلمي اكيد معاها تليفونها
فارس رن علي سلمي : تليفونها مقفول يماما
محمد : مش غريبه الاتنين تليفوناتهم مقفوله
فارس : اكيد في حاجه انا هنزل ادور عليها
آيه : هنزل معاك يفارس
فارس : خليكي يا آيه انتي مع ماما وانا أن شاء الله
هلاقيها
محمد : انا هنزل معاك
فارس : خليك انت يا بابا
محمد : لاا انا مش هعرف اقعد
آيه : يبقا طمني يا فارس
فارس : حاضر
فارس ومحمد خراجو و آيه فضلت تهدي في زينب
………………………………………
هناء : طيب يعني هي كويسه
نور : محدش عارف يماما ملهاش اي اثر
هناء : هو يوسف فين
نور : مشفتهوش امبارح هروح اوضته واقوله
علي اختفاء سلمي
نور بتروح اوضه يوسف وبتخبط علي الباب بس
مفيش رد بتفتح الباب وبتدخل والاوضه مش بيبقا
فيها يوسف بتخبط علي الحمام
نور : يوسف انت هنا
نور بتفضل واقفه مستنيه رد
يوسف بعد وقت : ايوا
نور : طيب اطلع عشان في حاجه مهمه عاوزه اتكلم
معاك فيها
يوسف : طيب
نور بتقعد علي الكنبه ويوسف بيفضل واقف تحت
المياه بيحاول يفتكر اي حاجه بس مش فاكر بعدين
بيخرج من الحمام وبيكون علي وسطه فوطه كبيره
نور وقفت وقربت منو : انت كويس
يوسف : كويس
نور : يعني مفيش حاجه حاصله معاك
يوسف : لاا ايه الحاجه المهمه
نور : سلمي
يوسف بقلق : مالها سلمي
نور : آيه رنيت عليا وقالتلي مش موجوده في البيت
يوسف : ازاي يعني هتكون راحت فين
نور : مش عارفه بس ملهاش اي اثر حتي مبتردش
علي الفون
يوسف مسك القميص اللي علي السرير بسرعه : طيب
انا هغير وهنزل ادور عليها
نور : طيب .. تليفونك كان مقفول ليه وكنت فين امبارح
يوسف : كان معايا شغل فا اتاخرت شويه برا البيت
والفون كان فاضل شاحن
نور : متاكد دي اول مره تتأخر كدا
يوسف بعصبية : في ايه يا نور انتي هتحققي معايا
ولا ايه قولتلك كان معايا شغل
نور اتخضيت من عصبية : تمام يا يوسف
نور خرجت ويوسف ادايق من نفسه جدا
قعد علي السرير وحط رأسه بين ايديها
………………………………………
سلمي بتكون واقفه قدام العماره وبتفضل بصالها
وبعدين بتدخل وتطلع شقه يوسف وبترن الجرس
وبتفتحلها الباب نور
نور اول ما بتشوفها بتحضنها : سلمي دا انا هنموت
من القلق عليكي
بعدت عنها وسلمي مكانتش بتعمل اي رد فعل
نور : لسه قايله ليوسف ولما عرف قلق عليكي جدا
وبيغير هدومه عشان ينزل يدور عليكي كنتي فين
سلمي : يوسف فين
نور : موجود في اوضته
سلمي : عاوزه اشوفه
نور : طيب ادخلي اتكلمي معاه في اوضته وانا هطمن
فارس و آيه
سلمي دخلت من غير اي كلمه و هناء شافتها بس سلمي
فضلت مكمله طريقها ل اوضه يوسف وهناء استغربت
شكلها
هناء : نور
نور : ايوا يماما
هناء : هي سلمي شكلها كدا ليه
نور : مش عارفه كنت عاوزه اعرف مالها بس فضلت
تقول عاوزه اشوف يوسف
هناء : طيب طمني عيلتها عليها
نور : حاضر
نور رنيت علي آيه اللي رديت عليها
نور : ايوا يا توتا سلمي جات هنا من شويه
آيه بقلق : طيب هي كويسه طمنيني
نور : ايوا كويسه الحمدلله اطمني
آيه : طيب انا هاجي اخدها
نور : طيب تمام
………………………………………
سلمي بتكون واقفه قدام باب اوضه يوسف
ودموعها بتنزل وبتمسحها وبتاخد نفس طويل
وبعدين بتفتح الباب يوسف اول ما بيشوفها
بيقرب منها وبيحضنها
يوسف : سلمي ليه عملتي فيا كدا قلقتيني عليكي
سلمي فضلت ثابته ويوسف بعد عنها وبصلها ومسك
وشها بين ايديه : مش المفروض تقوليلي انك هتنزلي
او تقولي لاهلك عشان منقلقش عليكي
سلمي بتفضل بصاله ودموعها في عنيها
يوسف بيرجع يحضنها وبعدين بيبصلها وبيشوف
دموعها في عنيها : مالك يحبيبي ليه دموعك دي
سلمي بصوت ضعيف : كنت فين امبارح
يوسف : كنت في البيت
سلمي : ليه مكلمتنيش
يوسف بتوتر : كنت تعبان شويه يحبيبي
سلمي : انت ازاي كدا
يوسف : مش فاهم
سلمي : ازاي بتكدب عليا ونت باصص في عنيا
يوسف : اهدي يحبيبي عارف انك زعلانه اني
متكلمناش ونا اسف بس بلاش الكلام اللي بتقوليه دا
سلمي : انت كمان مكمل في كدبك عليا
يوسف : انا كدبت في ايه بس
سلمي مقدرتش تمسك دموعها : ازاي خدعتني كدا
زنبي اني بحبك يعني عشان تعمل فيا كدا ازاي انا
هنت عليك كدا ازاي قربت من وحده تانيه ازاي قدرت
تحط وحده مكاني انا كنت بعمل كل حاجه انت عاوزه
وكنت بسمع كلامك ونت تيجي في الاخر تكسر قلبي
انا بجد مش قادره اصدق ان حبيبي قدر يعمل فيا كدا
انا بجد مخدوعه فيك
فضلت دموعها تنزل وهي بصاله ويوسف اللي كان
كاره نفسه بسبب غباءؤ كسر قلب حبيبته
يوسف مسك ايديها : سلمي عشان خاطري اسمعني
انا هشرحلك كل حاجه بلاش تحكمي عليا قبل ما
تسمعي اللي حصل
سلمي بعدت ايدو وفتحت الفون علي صور يوسف
و تاليا : تشرحلي ايه هي الخيانه بقا ليها شرح كمان
لاا وهي نفس البنت اللي كانت في الكافيه ونا اقول
كانت مدايقه ليه لما شلتني اتاريه انت وهي علي علاقه
بس انا مش هقف في طريقكم ولا هجبرك تكدب عليا
يوسف مسكها : سلمي بطلي جنان انتي بتقولي ايه
سلمي بدموع : مش دي الحقيقه اللي انا كنت زي
الغبية ومعرفهاش
يوسف : لاا مش دي الحقيقه
سلمي بدموع : طلقني يا يوسف
يوسف بعصبية : الكلام دا مش هيحصل انتي
هتفضلي علي اسمي لو حصل ايه انتي ليا انا وبس
سلمي بدموع : ما انا كنت ليك ونت اللي بعدتني
يوسف : سلمي عشان خاطري لو بتحبيني بلاش
تبعدي عني انا والله العظيم بحبك ومقدرش اتخيل
حياتي مع وحده غيرك
سلمي بدموع : متنساش اللي حصل بينكم باين في
الصور اوي وهي هتعوضك عن وجودي
يوسف بعصبية : سلمي
سلمي بدموع : طلقني عشان خاطري لو لسه بتحبني
زي ما بتقول
يوسف : انا لو طلقتك يبقا عمري ما حبيتك
سلمي : بنسبالي انك بتحبني طلقني وكمل حياتك
سلمي فضلت تبصله وبعدين خرجت من الاوضه
ويوسف اتعصب وفضل يكسر في الاوضه
………………………………………
عند سلمي بتكون خارجه من الشقه ونور يتقرب منها
نور : سلمي انتي رايحه فين وليه شكلك كدا
سلمي : مفيش يا نور
نور : طيب استني آيه و فارس جاين
سلمي : عاوزه ابقي لوحدي
نور : طيب استني انزل معاكي
سلمي : عشان خاطري يا نور سبيني لوحدي
سلمي خرجت ونور فضلت واقفه وبعدين راحت اوضه
يوسف ودخلت
نور : ممكن افهم سلمي مالها
يوسف : لو سمحتي يا نور مش عاوز اتكلم
نور : لاا هتكلم ايه اللي حصل
يوسف: سلمي طلبت مني الطلاق
نور بصدمه : ايه طيب ايه السبب انتو كنتو كويسين
يوسف حكالها عن كل اللي حصل
نور : يعني حصلت بينكم حاجه انت وتاليا
يوسف : مش عارف مش فاكر اي حاجه بس هي
بتقول اه
نور سكتت شويه وبعدين بصتله : طيب انت هتعمل ايه
يوسف : مش عارف .. سبيني يا نور لوحدي
نور طبطت علي كتفه : حاضر
نور خرجت ويوسف فضل قاعد ودمعته نزلت
يوسف : انا بجد هيحصلي حاجه لو بعدتي عني يا سلمي
………………………………………
سلمي كانت خارجه من العماره وفضلت تمشي
شويه ودموعها بتنزل
فارس بيكون بالعربيه ومعاه آيه اول ما بيشوفها بينزل
هو و آيه وبيقربو منها
فارس : سلمي انتي كويسه
سلمي كانت ساكته ومبتردش
آيه : حبيبتي طمنينا عليكي
سلمي فضلت ساكته وفارس مسكها وركبها العربيه
و آيه فضلت جمبها وفارس ساق
بعد وقت وصلوا وفارس نزل و آيه نزلت وهي ماسكه
سلمي وطلعوا كلهم زينب فتحتلهم وحضنت سلمي
زينب : ازاي تعملي كدا فيا يا سلمي
محمد بيبص علي شكل سلمي : مالك يا حبيبتي
وكنتي فين
فارس : سلمي اتكلمي كنتي فين
سلمي : كنت عند يوسف
محمد : ليه وازاي تروحي من غير ما تقولي
سلمي : مكنتش عارفه افكر يا بابا
آيه : ليه حصل ايه
سلمي فضلت تعيط وزينب حضنتها : خلاص يا حبيبتي
اهدي متتكلميش دلوقتي
فارس : سبيها تكمل يا ماما
زينب : انت مش شايف حالتها
فارس : لازم افهم حصل ايه
سلمي مسحت دموعها : يوسف خاني
فارس : انتي بتقولي ايه دا ازاي
سلمي : ملهاش شرح خاني مع بنت
آيه : ازاي دا يوسف بيحبك ازاي يعمل كدا
زينب : خلاص بلاش تتكلموا دلوقتي خدي سلمي
يا آيه خليها ترتاح شويه
آيه : حاضر يا ماما
آيه بتاخد سلمي وبتروح الاوضه
فارس : يخون اختي دا انا مش هرحمو
محمد : بلاش تتسرع يا فارس
فارس : انت بتقول ايه يا بابا انت سمعت بنفسك
محمد: اسمع الكلام يا فارس
فارس : حاضر
فارس بيدخل اوضته وزينب بتقعد ومحمد بيقعد
جمبها
زينب: مش عارفه ليه بناتي حظهم كدا
محمد : بلاش الكلام دا يا زينب
زينب : انت مش شايف يا محمد آيه دخلت المستشفى
بسبب سيف ودلوقتي سلمي مش عارفه تتكلم بسبب
يوسف
محمد : سلمي محتاجه وقت وهتبقا كويسه
زينب : انت متعرفش هي كانت بتحبه ازاي دا
خلاص اتجوزو والفرح كان بعد يومين الناس تقول
ايه دلوقتي
محمد : كل حاجه نصيب واللي ربنا عاوزه هيكون
زينب : طيب انت هتعمل ايه دلوقتي
محمد : اكيد هو هيتكلم معايا
زينب : طيب
………………………………………
في اوضه سلمي كانت مش مبطله عياط
و آيه موجوده معاها
آيه : عشان خاطري اهدي يا سلمي
سلمي بعياط : مش قادره اصدق يا آيه يوسف
يعمل فيا كدا
آيه : طيب انتي اتاكدتي من كلامك
سلمي مسكت الفون وفتحته و آيه شافت الصور
وبعدين بصيت لسلمي
آيه : بس هو نايم
سلمي : انتي مش شايفه انو من غير هدوم وهي
شكلها ازاي
آيه : طيب مين البنت دي
سلمي بدموع : لما كنا في الكافيه كانت هناك
بس معرفش هي مين
آيه : اهدي يا حبيبتي
………………………………………
فارس كان في اوضته وماسك الفون ورن علي نور
نور : فارس
فارس : هي مين اللي مع اخوكي دي
نور : دي تبقي حبيبته القديمه
فارس : حبيبته القديمه
نور : ايوا
فارس : لما هو بيحبها اوي كدا دخل حياتي اختي
ليه
نور : يوسف بيحب سلمي يا فارس
فارس : اه يعني انا لو خنتك دا بنسبالك حب
نور : فارس انت مش فاهم حاجه
فارس بعصبية : يا ستي فهميني
نور : هما كانوا مرتبطين بس هي فجاه سابته بدون اي
سبب ودلوقتي رجعت ولما شافت سلمي قالته أنه يطلقها وهو ليها وبس قالها اطلعي من حياتي وهي وافقت وقالتله إنه يقابلها لاخر مره ويوسف وافق عشان تطلع من حياته وراحو كافيه وشرب عصير وطلبت أنه يوصلها وبعد كدا
قالي انه مش فاكر حاجه بس لما فاق شافها في حضنه
فارس : يوسف غلطان برضو مكانش وافق انه يقابلها
نور : عارفه أن اخويا غلطان بس هو كان كل همه
سلمي متبعدش عنه
فارس : طيب انا هروح الشركه
نور : خد بالك من نفسك
فارس : حاضر سلام
نور : سلام
- لقراءة باقي فصول الرواية أضغط على (رواية عانيت لأحبك)
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)