رواية رغبة في الإنتقام الفصل الحادي والعشرون 21 بقلم نوسة حمد

رواية رغبة في الإنتقام الفصل الحادي والعشرون 21 بقلم نوسة حمد

 

 

البارت الحادي والعشرون

 

#رغبة_في_الانتقام21
#نوسه حمد
قفلت من نادر وراسي بقا يودي ويجيب والشمار حرقني لاول مرة في حياتي وابوي حلف وقسم ابا ينوم قدر م قلت ليهو انت مالك مساهر قال لي ماف شي انت مالك دايره تنوميني فشنو واخوك دا قبيل بسوسوس ليك بقول ليك فشنو قلت ليهو اخوي بحكي لي بي اخواني انهم ممتحنين سكت مسافه وسرح بعيد حسيتو متاثر قال لي انتو سامحتوني ياربي اخوانك بكونو متزكرين وشعورهم ح يكون شنو لو شافوني قلت ليهو ابوي اخواني ان شالله تشوفهم اقسم بالله غير قرايتهم وتفوقهم ما بفكرو بشي انا متاكده انك ح ترتاح معاهم اكتر مننا قال لي والغاليه قلت ليهو منو اميمه قال لي في غاليه غيرا ودمعتو كانت في عينو قلت ليهو اتزكر يا ابوي لمن اتعابطت فيك ف الشارع كانها عرفتك وهي نهاي م بتقيف قدام زول هاديه وما بتحس بوجودا قال لي زي امك الما حافظت عليها انا ندمان وبقا يبكي باعلي صوت لمن انا بقيت ابكي معاهو قلت ليهو يابا خلينا ندعي ليها امي محتاجه دعوات قال لي امك ماتت بالهم وانا غافل وبعد ماتت موتا ما صحاني اذدتا سوء زياده وادمنت الحرام ربنا يغفر لي قلت ليهو ابوي انت الراجل ماسك عليك شنو هددنا بيهو قال لي والله ي بتي ماني عارفو انا كنت لمن بشرب بغيب عن الوعي وما بفهم شي الله اعلم اكون صورني كيف بس ي بتي انا اهون لي يفضحني وانا استاهل بس م تمشي معاهو انتي ولا بديك ليهو قلت ليهو لا اطمئن نادر قال لينا لو جاكم هنا وهددكم قولو ليهو امش افضحنا واكيد نادر

 

 

عمل شي بس قال جنبو ناس م حكا لي ابوي بعد تعب نام اتصلت علي نادر م ردا علي عرفتو بكون نايم واظنو هو م نايم الخط مشغول رسل لي رساله قال لي مالك بتكلم مع خطيبتي الحاصل عليكم انتي وابوي شنو رديت ليهو برساله قلت ليهو ماف شي بس الشمار حارقني اقفل منها وارجع لي قال لي لا لا ماف طريقه نومي بكره بنتفاهم البت دي ما بتصدق اني عايزه اتكلم مع اختي في وقت زي دا عشان كده نومي تصبحي علي خير انتي وابوي رسلت ليهو ضحكه قلت ليهو انا الفهمني شنو في امور الحب والعباطه بتاعتو دي بس حسدتكم يلا خلاص م ح ازعجك بنوم بس اول م اصحا بتصل وريتك انا رداها لي قال لي مصيرك تجربي العباطه دي وخلاص انا الصباح بدري بتصل عليك سلام
بقيت سرحانه في القسمه الوقع فيها نادر ولا التغير الحصل ليهو اتزكرت امي كانت بتعالج فيهو عشان بعد يكبر يتزوج وتفرح بيهو قلت وينك يا امي عشان تفرحي بي نادر ياريت لو بتسمعني كان مشيت حكيت ليها عشان ترتاح في قبرها انا متاكده لغايه م ماتت هي بتفكر فينا وفي الحا يحصل لينا وقبل ربنا ما يقبض روحا شكلها ادعت لينا دعوه استجابت ونحنا الحمد لله من ماتت ما احتجنا ولا عدمنا وربنا وفقنا من عندو ❤️
نومتا مرتاحه شديد هموم كتيره انزاحت مني الصباح صحيت بالتلفون بتاع نادر اداني اخواني اتكلمت معاهم قالو لي تعالي عشان تودينا الامتحان نحنا مشتاقين ليك قلت ليهم محتاجين حاجه يشرحوها ليكم ندي قالت لي عايزين زول يشرح لينا الانجليزي والرياضيات قلت ليهم سمح وانتو خلو بالكم من نفسكم ومن اختكم انا م بتاخر جايه قالو لي خلاص ادوني نادر تاني اتكلمت معاهو قلت ليهو م حكيت لي الحصل شنو قال لي الحصل كتير انا مشيت بنفسي المكان الوصفتي لي ومشيت عملت نفسي اني عايز العب معاهم واني رجل اعمال وكنت لابس لبس خافي شكلي المهم لمن عرفت الراجل العايزك شغال بغسل لي الكبارات ديل الكبابي وبكب ليهم السم البتسممو بيهو دا اخدت راحتي وصورتو فيديوهات وهم بهينو وبزلو فيهو وشكلو ابوي زاتو كان زيو كده الناس ديل ما بقدرو عليهم ناس كبار والقروش عندهم زي اللعب وقدرت صورت منهم فيديو وح اهددو بيهو ح اخلي يقابلني ويحذف كل مقاطع ابوي انا امس بعد قفلت من خطيبتي رسلت ليهو فيديو وهو مزلول زي الكلب وسكران حيلو م قادر يشيلو ويا انا يا هو وما بقيف علي الفيديوهات والله ما يحترم نفسو اوقعهم كلهم قلت ليهو نادر انا خوفتا الخوف ابوي م يخلو في حالو لازم نحنا نقنع ابوي وابوي نلمو علينا مالو ومال حياه الزله والحرام قال لي نوسه ابوي الله اعلم بعد الضاقو دا يرجع ليهم بس الفضايح ما حبابا كدي اشوف رده فعلو وبوريك قلت ليهو ان شاء الله يخاف قال لي من ناحيه اخاف ح يخاف لو فضح ابوي انا زاتي يفضحو في الحله شايف نفسو وماسكين انو مدير اعمال وماعارفين انو داير ليهو خماره زي الفي فيلم مصري.
قلت ليهو يعني في الناس الاغني منو قال لي اغني منو وبس ديل مليارديرات القروش عندهم وسخ دنيا عشان كده بلعبو بيها ونوعيه الراجل دا وابوي شغالين ليهم زي الخدامين ومنظرهم يطمم البطن قدر البشتغلوهو بلعبو بيهو تاني واطمنك ما شفت لي في المكان دا نسوان الا بكونو امشو ليهم في مكان تاني انا متاكد الفيديوهات المصوره مافيها نسوان المهم نشوف نهايتو شنو ولو جاكم ما تتكلمو معاهو وانا شايف في اقرب زمن امشي مع ابوي البلد خلي يسلم علي اخوانو ويبل

 

 

شوقو وهو لمن اجي ح يلقاكم مافي بفتكر انكم رحلتو بقنع وح يواجهني انا تاني وانا هسي قبل اطلع الشغل بحول لي عم احمد قروش اخلي يسلمك ليهم في باقي اليوم دا وما اوصيك خلو بالكم من نفسكم وابوي م ينفعل العمليه جديده وحاولي من البيت اقنعو انو لو ماشي يتناقش م يمش يمش يعافيهم ويصافحهم ويجي راجع العمر م معروف قلت ليهو طيب قفلت منو ابوي قال لي اها قال ليك شنو قلت ليهو ابوي انت م كنت نايم قال لي نايم وسامع قومتا قعدت جنبو ومسكت يدو وقلت ليهو الكلام الاخير القالو لي نادر قال لي ربنا يكملكم بعقلكم لا لا م تخافو من اي تصرف يبدر مني وانا واعي انا يا بتي ما سئ ولا شرير بس انا الخمره هي الكانت متحكمه فيني كل تصرفاتي ناتجه من عدم وعي في زول ي بتي بيابا جناهو الا زول م واعي ولا في زول بيقطع صله رحمو امك تعبت عشان تقنعني اني اخلي السم الكنت بشربو بس انا كنت مدمن وبكورك فيها لاني م واعي بس عايز اشرب عايزه اتلهي في الدنيا بالمحرمات ياريتني انشغلت في تربيتكم واتلهيت في شغل ورزق بالحلال بس مابنفع الندم هسي وانا عايز اصلح غلطي وزي م قال اخوك العمر م معروف ح امش أصالحهم واطايبهم واوصيهم عليكم لو ربنا شال امانتو قلت ليهو لو ماشي عشان تصافيهم ارح بس عشان توصيهم علينا لا يا ابوي وليك طولت العمر وانا ونادر شقينا طريقنا م محتاجين لزول ونحنا كبار م صغار يابا قال لي عارف بس تعبتو قلت ليهو نحنا والله ما تعبنا رزقنا متسهل لينا بطريقه مبالغه لو في تعب تعبت امي ربنا يرحمها بس كانت مبسوطه قال لي يعني انا تاني م ح اشوف امك احترت في كلامو وعزرتو زمنو دا كلو م كان واعي بسبب البشربو دا قلت ليهو ابوي امي خلاص فاتت للاحسن مني واحسن منك الا نصلها بي دعواتنا عارف يا ابوي انا لمن طلعت من الحله دي نهاي م خوفت رغم اني طلعت في عمر صغير وكنت مستعده انوم في الشارع وما خايفه عارف ليه لاني قدر ما اتعب واخت راسي انوم الفتره البكون نايماها كلها ما بشوف غير امي وانها بتطبطب علي وبتطمن في قلبي وبتقول لي كلمه في نص اي لحظه عشتها في الحلم بتقول لي ان شاءالله يابتي ولمن اصحا بس بتتردد في راسي اول م افتح عيوني بقول ان شاءالله يا امي كل الخير والعافيه لي ولي اخواني واخوي وابوي بصحا بطاقه ايجابيه ودا من حلم بس عشان كده م حسيت بي اي معاناة بالعكس ربنا سخر لي ولدين اكرموني وعرفوني علي امهم وادوني بيت وفرشو لي ونادر اخوي اشتغل معاهم الولد الشغال معاهو نادر قال لي من اخوي ختا كراعو في الشغل انا بقيت بربح اضعاف الكنت بربحو زمان لانونادر محبوب والناس كلها بتجي عشانو هم عندهم دكاكين جمله في حلفا قال لي م شاء الله اخوك عشان نظيف من جوه قلت ليهو اخوي لحقتو في النهايه كان ح يضيع وحكيت ليهو بالكان فيهو قال لي امك عرفت تخلف يابتي ربنا يديك الفي مرادك ويرزقك براجل يسعدك ويطمنك قلت ليهو امين وخلاص قوم عشان تتسوك واديك الشاي نلبس نطلع قال لي ارح قومتو ومشا استحما واتسوك جا لقاني مجهزه ليهو ملابسو والشاي شرب الشاي ولبس وطلعنا غشينا ناس عم احمد وشيلنا القروش وسافرنا حله ابوي المسافه م كانت بعيده وصلنا هناك طبعا الحله كلها مستغربه في ابوي وكل زول يلاقينا يرحب بينا الا اخوانو نزلنا عند اخوهو الكبير كان خاتي صينيه الاكل جنبو ولا قال لينا اتفضلو ونحنا جايين من سفر كورك لي بتو تجي تشيل الصينيه وجات بتو زي الشبشبه شالتا سلام الله م ادتنا ليهو عمي مفتكرنا جايين نشحدو بقا يتعزر انا الديون علي وانا الحياه وانا وانا طبعا انا عشان شحدتو لي عمليه ابوي ناقشه فيلمو قلت ليهو عمي ما تقدم اعزارك نحنا جابتنا صله الرحم ما جينا نشحدكم ولا محتاجين ليكم وانا جيت البي رغبه ابوي بس تعاملكم انا شفتو ابوي سكتني طوالي سكتا خليت ابوي اتكلم معاهو ومن الظلم الحاصل ليهو من حياه ابوهو والسبب في الحاصل لي ابوي دا انو ابوهو كان بفرق بينهم وكان ابوي اخر همو وضاع قدام عينو ما اشتغل بيهو ولا رجعو للطريق الصيحيح كان بنبزو وبفضل اعمامي الكبار ابوي كان بتكلم مع عمي بحرقه قشيت ليهو دموعو وقلت ليهو ابوي كفايه انا لو عارفه كده م كان جبتك قدرت سكتو وقال لي عمي انا عافي لي ابوي وعافي ليكم وجيت عشان اودعكم انا ماش مع اولادي ياهم البقو لي هم وعمي ولا خجل مويه ما ادانا ليها لمن طلعنا منهم مفتكرنا عايزين نشحدو ومشينا لي اعمامي التانين دا اكعب من دا ما لقينا الرحب بينا الا عمتي من شافت ابوي بكت معاهو بكا لمت الناس كلهم وفضلتنا علي بيتا وماقصرت مننا اكرمتنا اكرام

 

 

واولادا وبناتا فرحانين بينا وانا زاتي حبيتهم وقعدنا معاهم يومين ابوي العافيه رجعت ليهو لمن جينا ماشين وابوي ودع عمتي وقال ليها احتمال م نتلاقي ماشي مكان بعيد عمتي تاني انفقعت بالبكا وقالت ليهو ما تنقطع مني زي زمان وكتبت ليهم رقمي قلت ليهم ح اعزمكم لي عرس نادر وانبسطو لمن عرفو نادر بقا كويس عمتي زعلت قالت لي كنت دايراهو لي بتي بس مافي نصيب ربنا يسعدو وقالت لي ان شاءالله ح نجي لي عرسو. ودعناهم ومشينا لمن وصلنا الحله لقيت ذكي منتظرنا جنب خشم الباب وشكلو جا هسي م طول معاهو عم احمد سلمنا عليهم ابوي قال لي هي عايني دا الدكتور العمل لي العمليه الجابو هنا شنو م قلت ليهو حاجه المهم فضلناهم وذكي اطمئن علي صحه ابوي ابوي قال ليهو والله انا مبسوط من تعامل دكاتره السودان لدرجه انو بعد العمليه يجي يطمئن عليك ذكي قعد اضحك قال ليهو لانك تستاهل وانا جيت لموضوع تاني طوالي انا قومتا م نفسي اواجهه عيون ذكي وطلب يدي من ابوي ابوي قال ليهو هسي سوقا معاك اندفع شديد في الرد قلت ليهو ابوي قول بسم الله ذكي قعد قعدتو مع ابوي وقال ليهو حاولو ادوني رد بعد اسبوع لانو انا مسافر بره جاني شغل بره ولو وافقت ح اسوقها معاي هي واخوانها ابوي قال ليهو من هسي موافقين غمزت لي ابوي نظام ما تندفع كده شديد ابوي النوع الصريح قال لي مالك غمزتي لي قلت ليهو انا لا لا عيوني بس واجعاتني وذكي م طول معانا وفات عم احمد وابوي بحاولو يقنعو فيني وريتهم انو نادر الرافض ما انا قالو لي نادر خليهو ح نقنعو م تضيعي عليك الراجل دا اصرار ذكي علي الزواج مني حيرني عديل قلت ليهم ح استخير تاني ماعدينا دقايق الباب بيضرب بكل قوه ابوي بقا يرجف قال لي الله يستر الله يستر حسيتو كانو منتظر مصيبه ح تحصل بس المصيبه شنو الله اعلم …..يتبع

 

لقراءة باقي فصول الرواية أضغط على (رواية رغبة في الإنتقام)