رواية شمس ضلامي الفصل السادس عشر 16 بقلم ليلي

رواية شمس ضلامي الفصل السادس عشر 16 بقلم ليلي

 

البارت السادس عشر

 

با براهيم(كمل هضرتو): كانت دايراها فعينيها وهي كدلك شحال جلسات معايا ملي كانت مزاال سغييورة وشحال تعاودنا قدام لبحر لي كانو عويناتها مشاء لله بحالو..كان كلشي كايبغيها ولكن مع دلك الحساد والحقاد مازكلوهاش ابنتي..لعبو ليها بعقلها حتا بغات واحد لولد لله يااخد فييه لحق فهاااد النهااار لله يرزيه فما عز عليه كيما رزانا فديك لبنية..يابنتي بسبابو مات المرحومة ملي هرب بلبنت ولاااوعلم واش داها بزز مهم لحي كامل سمع غوات مها فديك ليلة وهي كاتبكي وتنوح لربي لي خلقها.. وفديك ليلة نيت مها مصبراتش وطاحت بسكتة قلبية هزوها مات فالطريق لله يرحمها تماك لخبار داعت فالمدينة باها مارضاش سخط السخط لكبير على بنتو و مشا لكندا وعمرو جا تالواحد النهار لي كان جا هنا هو و مرتو الجديدة ليسمح ليا ولاكن كانت قد بنتو يخ…
(باقي لهضرة مسمعتهاش حيت ودني بداو كيصفرو)
اش هادشي ياربي صدمة من ورا صدمة حتا لين انزيد نصبر حتاا لييين ماما ماتت بسبااابي وبا تزوج مرا خرا عايش مامسوقش وخباري لي داعت.
4
.فيناهوا المستقبل لي جيت علا ودو فيناهيا ميمتي لي طريقي كلها وكنتخيل عناقها كيغايكون فينو با لي تمنيت نسمع رضاه مرة خرا هه لي باليا رجع سخط
طحت فلارض صافي مبقيتش قادة نصبر..بقيت مبلوكية ساهية ودموع شلال من عيني
با براهيم(تحدر عندي بقا مدة كيشوف فعينيا):نتييييي هادييييي ابنتييييي
انا(غوت علا حر جهدي):علااااااااش اربييي علااااش
عنقني وحن فيا بقا كيمسد على شعري ودموعي سايحين
(بنت مولات لفيلا لي خدام فيها با براهيم مكانتش كاتحملني):براااهيييييم شكاديييير تماك محلي لخدمة باش تجمع لا مزيان
جات وقفات علينا:اوووه شكون كنشوووف بنت الدار لكبيرة لي جابت لعار وقتلات مها وهربات باها

بغيت نوض ليها ولكن اااش بصفتي ااش هضرتها كلها صحيحة حدرت راسي وسكت
با براهيم:سمحيلينا الالة حم لالة واخا ندخلها عندي غير هاد ليلة رامعدها فين تمشي
هي:شناااهواا انا ندخل لدااري هاد لجرتومة اوه سيبا بوسيبل نونونو اون بليس
(c’est pas possible non non en plus)
دادي مغايبغيش اصلا مكانش كايحمل باها يلاه تبعنيي عندك بزاف مايدار
ضار كيشوفيها مالقا ليا جهد
با براهيم:واخا الالة..ااه بنتي تفكرت باك قبل مايمشي خلا ليا واحد لبرية نعطيها ليك لا ربما رجعتي شي نهار
انا:واخا ابا براهيم انا هنا تاترجع
مشا ورجع كيجري مخبي شي حاجة عطاني ديك لبرية وجبد جوج تفاحات وقرعة دلما عطاهم ليا باس علا راسي بعدما وصاني ومشا..
كان ضلام قرب يطيح خديت دكشي وهبطت لحدا لبحر سهيت بعيييييد كنضور فراسي كاع هادشي لي طرالي..
الروتين لي كت عايشا فيه لقراية فكندا حب الخير لي كت باغا ندير رجوعي للمغرب لقائي بيه تقربي منو علاقة حبنا هه كنقصد حبي ليه زواجنا لي ترفض وقسوة بابا علينا هروبي معاه لعفن فين سكنت تمارة لي ضربت ليالينا الزوينة ضحكنا وفرحنا..تم الاغتصاب الضرب الخيانة العنف اللفضي والجسدي التكرفيس السعية والطليب لي طلبت البياتة فديور لقحاب
وفزناقي ولدي لي مشا قبل منشوفو..
رجوعي للاصلي باش نكمل لي بديت كانلقا ماما ماتت بسبابي وبا سخط عليا ومشا تزوج بعدما شوهتو وخليت لبادي ولغادي داوي عليه ودبا تشردي هنا اه هنا ضرب دائرة كبيييرة ورجعت فلخر لنقطة البداية هاني جالسة فرملة قدام لبحر لكمرة فوقي ونسيم البرد كايلعب بيا ولكن واش ديك لبنت هي هادي؟ لا مكنضنش

ضارت بيا الدنيا فبعض اشهر فقدت كلشي من نهار هربت من دارنا ونا كنخصر حاجة بحاجة فقدت ماما وبابا ورضاهم وتقتهم من بعد فقدت شرفي وعلاقتي مع ربي فقدت داك دري لي كنت كنبغي فقدت سعادتي فقدت ولدي فقدت راسي كلشي كلشي مشاا ليا
جبدت ديك لبرية حليتها كنقرا ومع كل حرف كتنزل دمعة
(ملي غاتكوني شادة هاد الرسالة غاتكوني ماشي بنتي لي ربيت وكبرت غاتكوني بنت الزنقة مدلوولة شبعو فيها الدياب كبت حيت بما انك رجعتي غايكون داك لي تقتي فيه تاهوا لاحك..دليتي راسك ودللتينا معاك مك ماتت بسبااابك عمر ضميرك ايتهنا ومك ماتت بسبابك نتي لي قتلتيها شوهتينا فلمدينة وخليتيني سيرة على كل لسان بغيت نقولك من نهار فتي العتبة مانتي بنتي مانا باك انا ساخط عليك دنيا و اخرا والورت مغاتشديش منو تاريال العائلة كلها حلفت ليهم مايصلوكش ولكن اصلا شكون يديك تجيبي ليه لعار وباش نزيد نعدبك قبر مك مغانقوليكش فين كاين ودبا قطعي هاد لورقة ورجعي منين جيتي رجعي لوسخك هو لي يليق بيك)
ضرني قلبي بزاف كت عارفا شنو غايكون فديك الرسالة واخا عمري ضنيت نسمع هادشي من بابا عمري ضنيت راسي نوصل لهاد لحالة..
شفت فلبحر شوفة مطولة عقلي ترون افكار ودكريات كتيرة كاتمشي وتجي مرة فرح مرة حزن غوت علا جهدي ونا شادة فراسي حسيت بصداع قااسح فراسي شوية حسيت بشي حاجة سخونة نازلة من ودني قست نشوف لقيتو دم تصدمت تبلوكيت تسمرت فشلت بقيت كنشوف فالدم لي فيدي وحيت قارية الطب عرفت انه 70% عندي ورم فراسي بقيت كانفيبري بلاصتي لعنت الطب لي قريت كدبت راسي حيت ماعنديش لوجه باش نقابل ربي معندييش..بقيت هكاك دم مابغاش يحبس من ودني حتا غيبت طحت طيحة وحدة معاودتش فقت

تاحسيت بشي قطرات دلما فوق وجهي حليت عيني علا امل نلقاه هو لكن كيفاش للمستحيل ان يتحقق..كانت واحد لبنت لونها مخطوف شافتني حليت عيني عاد رتاحت شرباتني لما ومشات..
وهكاك دوزت شهر تما..راسي ولا كيضرني بزاف مما زاد اكد ليا شكوكي حوايجي تقطعو كنبات تما فوق رملة بوحدي مع دكرياتي فينما بانلي شي دري كنجري عندو طامعة يكون هو ولكن للاسف عمرو كان هو..لماكلة كت كانبقا بجوع النهار كامل وفلعشية كنمشي نشوف لي خلاو ناس كنهزو ناكلو ولا نضور علا لبراكس..وليت سيرة على كل لسان بنت فلان بنت الدار لكبيرة راهيا فين كتنعس راهيا راهيا راهيا…الخ وليت كندوز كيلعنوني الناس كاين لي كيضربني كاع لبوليس شحال من مرة جاو داوني حتا ولفوني تما مبقاوش كيوصلوني..التحرش هه لي يوميا حتا كنعس كنفيق كنلقا شي واحد كيتلمس فيا جوج مرات تعرضت للاغتصاب ..
كنت كنواجه هادشي كامل ببرودة صافي قلبي برد عقلي تسوطا فشلت مبقيتش قادة ندير شي فعل وليت راضية بكلشي كنتسنا لموت ايمتا توصل..كان با براهيم مرة مرة كيجيب ليا مناكل..تالصباح واحد النهار جابليا شي صرف
با براهيم:بنتي
شفت فيه وبتاسمت
با براهيم:هاك ابنتي هاد لبركة جمعتها ليك حيدي من هنا راه تكرفستي بزاف
عنقني باسلي علا راسي وصاني نتهلا فراسي ومشا
شفت فيدي كانو فلوس قليلة فكرت شحال وشحال وفلخر قررت نرجع عندو ضنيت غايكون ندم فهاد الشهر وغايكون حس وبانت ليه بلاصتي..قلت غايكون تفكر حبنا وغايقبل بيا ونبداو حياتنا من جديد

مشيت بديك لحالة لمحطة كانو ايجريو عليا تاوريتهم لفلوس قطعت ورقتي وطلعت لكار شديت بلاصتي كانو قدامي جوج مزوجين هي محجبة وهو بلحيتو كريشتها سابقاها شفت فيديهم كانو لخواتم باينا مزوجين..حنيت راسي مخبية دموعي فصراحة ضرني قلبي بزاف شحال حلمت علاقتنا تكون هكاك مي مكتابش..صبرت راسي بلي لي جاي غايكون زوين جلست وقلع لكار داني نعاس تاوصلنا حسيت بشي حد كيفيق فيا حليت عيني كانت ديك لبنت وراجلها بعيد كيشوف فلارض وكيتسنا مرتو
هي(بابتسامة بريئة):نوضي اختي راه وصلنا هادي اخر محطة للكار
انا: شكرا اختي
بغيت نوض ولكن شتها كاتمد ليا قرعة دلما ومصحف صغيور
هي:ختي طريق كلها ونتي كتهلوسي شحال من مرة غوتي بواحد سمية ومرة مرة تعيطي على ولدك فصراحة اختي معرفتش اش وصلك لهاد لحالة ولكن تشبتي بلله سبحانه وتعالى هو بوحدو قادر يفاجيها عليك وهدا راه غير امتحان من عند ربي هاكي شربي شوية دلما باش يفوتك لحال وخلي هدا معاك قدما قريتيه وتقربتي من لي خلقك قدما سعدتي فحياتك( الكريسون كايعيط باش نهبطو باست على راسي وكملات)تا حاجة متستاهل اختي ونتي فنة مشاءلله ماتستاهليش تهلاي فراسك ومتنسايش طريق الله
مشات
هي(لراجلها):عطيتها المصحف لي شريت قبيلة
راجلها(باس علا راسها): ها علاش كنبغيك كتفكري فغيرك قبل راسك ههه نشري انا لام ولدي مصاحيف ماشي غير واحد
عنقاتو ومشاو كيضحكو وداو بالي معاهم

هبطت من لكار خشيت لمصحف فجيبي شربت لقرعة كلها ولحتها شحاال كنت موحشة لما كنت كنشرب ديال لبحر ماالح ولا كنسلت فجرادي ونشرب من تيوات..
مشيت طايرا ونا كنفرنس كنتخيل العناق كيف غايكون كنتخيل طريقة باش غايطلب سماحة كنتخيل حالتو كيفاش غانلقاها ملي بقا بلا بيا كنتخيل اول ليلة لينا من ورا هدشي كامل كنتخيل للقطة لي غانقوليه بلي مسامحاه ولقطة لي غانسمع منو تاني كلمة (شمس ضلامي)..

دخلت للحي كنضحك ممسوقاش لحالتي لي كانت حالة حوايجي مقطعين لحمي باين كلشي مغبر وجهي مغيس شعري منتوف واقف فالسما كان همي هو امتا نتلاح فحضنو..
ضورت عيني فجنابي كنشوف بنادم واقف وكيشوفيا عينيهم مدمعين مفهمت والو كلشي كيشووف فيا بشفقة كلشي واقف وكيشوفيا دنيا وقفات فديك لقطة انا وسطهم وضحكتي بدات كاتلاشا كنشوفيهم كاين لي هبطو دموعو كاين لي بغا يهضر ومقدرتش مفهمت والو قدما زدت كنزيد نشوفهم فديك لحالة كاين لي تابعني كاع وليت كنضور وسطهم كيلهبيلة مفهمت والو جريت لدار تعرضات ليا امينة كتبكي شداتني وضارو بينا شي ناس
امينة:علاش رجعتي علاش مكانش عليك تجي
انا(دويت متحمسة):هه؟! كفاش علاش؟ انا رجعت عند حبيبي(شيرت ليهم لدار) انا نسيت كلشي ورجعت عندو غانسامحو اامينة وغانبداو حياة جديدة انا نسيت كلشي صافي انا رجعت لحبيبي
الناس(كانو شاهدين علا حبي ليه وعشقي ليه وكدلك على عدااابي معاه): لا حول ولا قوة الا بلله
فتيحة:شوفي..(سكتات كتمسح فدموعها)
امال متكية عليها حابسة دموعها
واحد لمرا:بنتيي مديريش فراسك هكا

انا مبقيت فاهمة والو حسيت براسي وسط عزو قلبي بدا كايخبط خفت تكون وقعاتليه شي حاجة:شششش ..ششنوو طاري اش واقع
كنحرك فامينة بجهد باش تقولي ووااالو مدواتش غير كتبكي طلقتها ومشيت كنجري لدار نطمأن قلبي تا سمعت واحد لكلمة من ورايا لي قتلاتني لي كانت اخر قرطاسة فقلبي تقتلني خسرت ماما خسرت ولدي ومحسيتش بداك الاحساس حيت فديك لقطة خسرت روحي خسرت نفسي خسرت اخر حبة اكسجين فحياتي ديك لكلمة كانت بحال شي خنجر تغرس فقلبي مئات و الاف المرات فالتانية فوسط قلبي..
****:ناري مسكينة على حالة باش جات باش تلقاه فلخر مزوج وعايش حياتو
قلبي تشلل عقلي تبلوكا كنسمع غير تصفاااار فودني وقفت ضرت كنشوف فلي قالها كنتسنا شي واحد يكدب ديك الهضرة كنتسناه يخرج من شي بلاصة يقوليا غير بغيت نعصبك ونضحك معاك اشمس ضلامي بغيت شي واحد يفيقني بغيت نحل عيني نلقا كلشي سراب مبغيييتش هاد لحقيقة مبغيتهاااش..
معرفتش كيندير نقوليك باش حسيت فقلبي..ااه نصبر علا كلشي علاا كلشي ولكن هادي لا.. كيفاش؟؟ كيفااااش ؟ صبرت معاه دليت راسي علا ودو بغيتوو عشقتو ضحيت بكلشي علا ودو باش يتزوج؟؟ ها؟؟ قولولي واش باش يتزوج؟؟؟ نهار رجعت نصحح كلشي ونبداو من جديد لقيتو مزوج؟؟ لا لا هه مايمكنش اكيد كدوب اكيد شي مقلب هدا لا مايمكنش هو مايديرهاش ايه كايمشي عند لقحاب ولكن مايقدرش يقيس شي وحدة من غيري فلحلال لا ميمكنش ياك ميمكنش هههه صبر صبر دبا انا حبيبي تزوج؟ لي نبغي تزوج؟ لي نعشق انا غايولد من وحدة خرا؟ احلامي لي حلمت غايحققهم مع وحدة خرا؟

لا مايمكنش هو كايبغيني غير انا هه انا هي شمس ضلامو اه اناا شمس ضلاموو مايمكنش يشوف فغيري ياك بوحدي لي كاينا ميقدرش ياك ميقدرش هو واعدني عمرو يتخلا عليا هه تانا شحال مسطية مغانتيقش لهضرة لي سمعت حيت واعدنا بعضياتنا عمرنا نتيقو فشي حد من غير بعضياتنا ههه وهادو كيقولو ليا تزوج هه منيتهم؟ هههههه قالو ليك تزوج هههه واش منيييت بنادم كايقولي حبيبي تزوج؟ ههههه مكايعرفوش يكدبو هههه لالا غايكون هو لي قاليهم يقولوها ليا باش يخلعني كيف ديما ههههه مسخوط بغا يخلعني هدا هههه شفتوه ياك قاليك بغا يخلعني ههههه احبيبي داكشي مانتيقوش انا ههههه ضحك وكدب عليا فكلشي تالحبنا لا اصلا ولدنا جاي فالطريق ميمكنش يخليه هههه هوف اش كانقول انا مايمكنش يخليه عاد مايمكنش ممممم اشانسميوه جاسم ممم لا نسميوه قمر اه اه قمر زوينة صافي غانقولها ليه غاتعحبو بزاااااف هه غانديرو شي عرس مطرطق غانعرض عليكم كاملييييين غانطلع فلعمارية وغانبقا نلوح عليكم لورد ياك..حبييييبييييي ياناا تزووووج حبيييبييي مشاااا وخلاااانيييي حبييبييييي تزووووج مشااااا عند وحدةة خراااا كواااانييييي فقلبييييي ياااربيييي كواااانيييي فقلبيييييي علاااااش علاااااش يااك بغييييتك يااااك عشقتتتك يااااك تقت فيييييك يااااك ضحيت برااسي علاا ودك ياااااك عدبتيني فحيااتييي ورجعت نضوي ليك حيااااتك علااااش ضلمتيييي ليااا حياااااتيييي علاااااش علااااش خرجتييي عليااا علااااش ااااش درت لييييك ااااش شنو دنبييي قووولياااااا ااااش درت ليك من غيييير اننييي بغيييتك رضيييت بالدل علا ودككك علااااش درتي ليا هاادشيييي هربتيني غتاصبتيني دللتيني عدبتيني قتلتي روح فكرشي عدبتيني فحيااااتيي ومع دلك منسيييتش حبك علااااااش درتي ليا هدشييي علاااش

قاطعني وقال وهو هاز راسو محاملش يشوفيا: ماعرفتيش علاش ياك؟ انا نقوليك حيت هاديي اشرررف منك بزاااااف حيت هادي بنت دارهم نقية شريفة عفيفة عمر ولد لمرا قاسها تستاهل نديها مرتي كنبغيها وكنموت عليها جبتها بالدقايقية وطلعتها فلعمارية وهزيت رااسي بيها ههه اما وحدة بحالك؟ اش غاندير بيها وحدة لي ماخليت بيها تابرتوش دزت عليها ودازو عليها صحابي و نجي انا فلخر ندي لوسخ ههه منيتك؟ نتي قحبة وغاتبقااي قحبة موسخة عمرك تحيدي منك داك العفن وميمكنش ليا انا نتزوج بقحبة ايييه انا بغيتك فليام لولة لي كنتي معززة راسك ولكن دبا طلعتييي ليا فكري ايييه مليت منك خويت فيك كبتي شبعت منك درت فيك لي بغيت شنو مزال عندي ماندير بيك مليييت ملييت يييخخخ تفو ههه قاتليك انا نديها طلابة تفوو عرفتي شنو عفتك ولله دبا انا كت كنعس مع هادي وكت كنقول لها كنبغيك ههههههه وازويييينة هادي.. دبا غاتفوووتي سااحتيي عليك وغاتفووووتي مرتي(هز يديها باسها) وولدنا تاهوا وسيري عيشي فوسخك لي هو اصلك اصلا ولاكنتي رجعتي باش نبداو من جديد ههه سمحيلي اختي ءءء نسيت حتا ختي ماتجيش معاك بغيت نقوليك لو كان رجع لوقت لور كنت اندير نفس الشي هه اش غانتسنا من وحدة خلات واليديها على ود شخص غريب وخانت تقتهم كيما هربتي من داركم اتهربي مني كيما هزيتي ليا رجليك اتهزيهم لغيري ولعربوون راه باين من دبا(كيطلع فيا ويهبط بشوفات ناقسين)..نسيتك وهضرتي معاك سلات سيري بحالك رانيي كانبغيي مرتيي سيري رجعي لوسخك
شد فمرتو وضار غادي مخليني مبلوكية هضرتو هضرتو هضرتو قتلاتني عمريي تخيلتو يقولي ديك لهضرة عمري ضنيت نوصلو لهاد لحالة

 

• لقراءة باقي فصول الرواية اضغط على (رواية شمس ضلامي)