رواية شمس ضلامي الفصل الثاني عشر 12 بقلم ليلي

رواية شمس ضلامي الفصل الثاني عشر 12 بقلم ليلي

 

البارت الثاني عشر

 

 

حتا قفزني ملي شتو داخل من باب ت السطح هاز بونجة وكاشة وجوج وسايد نضت كنجري عاونتو حطيت دكشي فلبيت وبقيت كنشوفيه كيفاش غانديرو نعسو علا بونجة وحدة وزيد لاحطيناها منها لارض غاتطلع لبرودة حرت ولكن ماشي مشكل نعديو بلي كان..
هزيت راسي شتو مدخل تاني 2 كارطان وبلاستيكة فيها شي حاجة ضرت كنشوفيه باستفهام
هو:هاكي هاد لميكة فيها باش نتعشاو وهاد لكراطن شديتهم من عند مول لحانوت انحلوهم ونفرشوهم من لتحت
دكشي لي كان
هزيت لميكة طليت عليها لقيت فيها جوج كاسكروطات وعاصير وقرعة دلما حطيت دكشي فالجنب وفرشت لكراطن ومن فوقهم لبونجة طويت لكاشة وحطيتها فوق منها لوسايد مصبرتش كان قتلني الجوع جلسنا كناكلو بالسكات كل واحد شارد بعيد كملت ديالي انا لولة وخا مشبعتش نضت غسلت يدي رجعت
لقيتو حاط ليا نص كاسكروطو وناض غسل يديه كنت عارفاه مشبعش وخلالي حقو باش نشبع انا..
عضيت عضة ونضت ديتو ليه وكلتو ليه بزز بيدي وقلبناها ضحك..
سدينا علينا وتكينا فوق ديك لبونجة لي طبعا يلاه تكفاه غا هو لي كتافو عرض من لباب
تكا وتكيت فوقو كنلعب ليه فلحيتو وكنهضرو حتا داني نعاس علا صدرو كنت عيانة نيت فين عمري هزيت لخناشي فين عمري طلعت دروج بلا اسانسور فين عمري بعدت علا دارنا وضربت لمرطوب والصباغة بيدي..
ولكن كلشي كان علا ود حبي وعشقي ليه..وهكا دازت ليلتنا اللولة..
صبح صباح جديد فقت معاقلاش علا راسي فين انا ضورت عيني فلبيت مزيان عاد تفكرت..
شفت لقيت راسي مغطية بجوج كواش وهو مكاينش
قفزت كنترعد بزاف دلحوايج طاحو ليا فراسي بقيت كنترعد بوحدي تكمشت فقنت لبيت محسيتش بدموعي امتا بداو يسيلو ❤❤
بقيت حانيا راسي كنبكي حتا سمعت الحس فدروج وهنا زادت خلعتي وخوفي هزيت واحد لخشبة كانت تما ووقفت ورا لباب كنترعد سادة عيني كنشهد..لكن لحتها من يدي وطحت كنبكي ملي سمعت صوتو كيعيط لي.. هو لي زاد تصدم ملي دخل وشافني فديك لحالة بقا كيمخض فيا ويسولني واش قاسني شي حد واش دارلي شي حد شي حاجة وهو كلو مخلوع..
مقدرت نقول والو غير كنبكي حيت فري حسيت بقلبي غايسكت حسيت براسي والو بلا بيه انا مكيناش يلا مكانش هو انا ماعندي تا اهمية بلا بيه يلا تخلا عليا نموت مافيهاش..
2
عنقتو وضمني ليه من بعد شرح ليا بلي خرج غا يجيب لفطور وصاف ومن حسن حضنا تلاقا شي مرا كبيرة فالدروج ملي كان هابط قالت ليه يلا حتاج شي حاجة نسولو فيها وحتا من تلاجتها نقدرو نحطو فيها علامن نضبرو لراسنا وهي نيت لي عطاتو مانطة اخرا وطبيسيل و جوج كيسان جوج معيلقات موس ومقلة كحلة بلحريگ وبريريد صغيور تاهوا مشوط..هادشي باش بدينا ههه

مفرشين لكارطون وعدنا جوج جوج من لحاجة جوج معيلقات جوج كيسان..وفليل كنباتو معنقين باش ندفيو راسنا دازت 15 يوم كلها عمري خرجت ولا خرجنا كان هو كيمشي يجيب التقضية ويجي كنجلسو بجوج نهار وليل عمرو قاسني ولا قرب ليا واخا كنعس مخشية فحضنو..
حتا لواحد الليلة لي كنا مشتاقين لبعضنا بزاف معرفتش كيفاش وطرا لي طرا دوزنا لليلة حمراء ووليت ديالو..
12
فقت داك نهار ولقيتو فجنبي كيشوفيا مبتاسم تفكرت احدات لبارح وخبيت وجهي حشمانة منو..جرني عنقني ليه
وقالي:انا عمري نخليك نتي ديالي بوحدي كنواعدك اشمس ضلامي❤

نضت دوشت فطواليط لي كانت تم صغيرة توضيت وصليت وانا ندعي الله يسمح لي للحضة ضعف مني
كملت ضرت كنشوفيه لقيتو ساهي فيا..بقيت كنشير ليه عاد تفافا ناض عمر اتاي ونا حطيت شوية ت الخبز لي شاط من لبارح والزيت..
حطينا وبقينا كناكلو مرة يخشي ليا دغمة مرة نشربليه اتاي والدنيا مقادانا بلفرحة..كملنا شفت فيه
وقلت:شوف خاص نزيدو شي حاجة
هو:فاش
انا:هنا خاص شي كوكوت وبونجة خرا عل اقل
هو(تنهد بقلة حيلة):واخا تانشوف
عرفتو مبغاش يقوليا معنديش نضت حليت صاكي جبدت واحد سنسلة ت الدهب ديالي مشيت عندو وحطيتها ليه فيديه
وقلت ليه:هاك هاباش تعاون راها غاليا تشاطر معا دهايبي مزيان وجيب لينا بونجة خرا وكوكوت خلاص لبوطة جبتيها شوف كاينين شي تلاجات صغيوورين دايرين غير شي 450 درهم جيب لينا شي وحدة لالقيتيها ويلا شاط خلي باش نصرفو مزال
بقا شحال شادها فيديه كيشوفيها تغرغرو عينيه فجأة جرني باسني بوسة مطولة وكيلعادة
قالي(كنبغيك اشمس ضلامي نتي لي نورتي لي ضلامي وليلي كنبغيك)
8
مشا خرج وجلست انا كنتسناه..سهيت فالدم لي علا لبونجة ومشا بالي بعيد ملي كنت كنحلم مع ماما بنهار عرسي..
تفافيت دغيا وهزيت ديك لبونجة خرجتها لسطح مسحت ديك لبلاصة مزيان وحطيتها تنشف كنفكر فشرفي لي عطيتو ليه بلا منتردد كنفكر فربي لي عصيت كنفكر فتقة ماما لي خنت..
بزاف دلحوايج تضربو ليا فراسي..ضحكت بالجنب على راسي ونضت دخلت لبيت كنقلب فين نتلها حتا دخل حبيبي ومعاه شي دراري صغار معاونينو فدكشي لي هاز حطوه سلم عليهم ومشاو❤

كان هاز تلاجة مواصلاش ميترو فالطول وبونجة وگاميلة جداد وميكة فيها شي حوايج ليا(
بيجامة سروال وتيشورت وجليليبة خفاف)..ستفنا دكشي وهكا داز شهر علينا..
كنشوف فداري هه كنقصد بيتي كيتفرش شوية بشوية..
ولات حالتي حالة غلاضيت حيت كنعس معاه بشرتي صفارت شعري بدا كيطيح عيني دبالو وزراگو ملتحت..
انا ماشي ديال ديك لعيشة عمري تاتخيلت راسي نتلاوح تما..صبرت شحال علا ودو..هو لي كان كيخرجني فكل عشية يدي فيدو مخلينا تاقنت النهار واليل ديالنا..بلحق كانت حاجة وحدة لي ضراني هي الزواج كانت شي حاجة ناقساني بزاف هو واعدني غايتزوج بيا ونا تايقة فيه تيقة عمية ولكن ديما كنقول غير كيتسنا لوقت المناسب ومزال متقادات الامور..
ودكشي علاش عمري جبدت ليه لهضرة..حيت واخا هكاك مكانتش شي حااجة ضرورية عندي نيت كنت باغا غا نبقا حداه معاه تحت جناحو وفحضنو..
واحد النهار على غير ليام فقت عريانة فحضنو مبتاسمة من احدات البارح.. نضت شفت شحال الساعة كانت لوحدة وهو كان معول يفيق بكري يخرج يقلب على خدمة ضرت عندو كنعيط ليه مكيجاوبنيش كنحرك فيه والو مكيستاجوبش ليا كنهز لو يدو كاطيح..
بقيت حالة عيني مكنرمشش قلبي حاسة بيه غايخرج نزلو من عيني الدموع بلا حس ونا كنشوفيه ممتد فوق لارض هكاك تلفت حرت معرفت مندير طحت مصدومة حداه شي حاجة لي متقبلهاش عقلي اااو كيفاش حبيبي غايخليني كيفاش لا ميمكنش لا ياك واعدني نسميو بنتنا لولة قمر ياك واعدني نتزوجو ونخرجو من هاد لخربة ياك واعدني عمرو يخليني ياك واعدني نبقاو بجوج حتا يضفر لي شعري لي غايكون بيض بالشيب
ياك كيقولي شمس ضلامو لي نورت حياتو علاش ضلم لي حياتي انا علاش علاش يمشي ويخليني علاش ياك كان كيقوليا تالموت مغاتفرقناش يلا مت غايتبعني…..💔
2

نهاريت بلبكا فوق صدرو حتا حسيت بشي يد تقيلة كتمرر فوق راسي قلبي تهز من بلاصتو هزيت راسي كنشوف فعينيه لي حمرييين بزاف جغمة دم بزز باش حالهم
نطق بصعوبة(سمحيلي اشمس ضلامي سمحيلي كنبغيك)وسد عينيه..ديك الساعة انا بحالا تسرفقت وفقت من لگلبة قست راسو لقيتو طااايب جريت لحت عليا جلابتي
حيدت عليه لكاشة ونوضتو وما هو مغيب معاقلش علا راسو ماوقفتو غير بلكشايف رشيت عليه شوية دلما لوجهو باش يتوكض لبست ليه تيشورت حيت كان لابس ديجا شورط..
خشيت ليه صندالة فرجلو وتكيتو عليا ضهري هو لي كان حاط تقلو كامل عليا ولكن ديك الساعة ماكان هامني والو معرفتش ديك القوة منين جاتني.. عيني ضلامو كنشوفو قدامي غير هو المهم ماتقيسو تامضرة وصلتو قدام لموبل اه خمسة طاج ونا مهبطاه علا كتافي بدون ميعاوننا حتا واحد..وكدلك ملي وصلنا قدام الباب تاحد ماتسوق لينا..شديت طاكسي وديتو لسبيطار لحومة لي كان قريب..
خلصت مول طاكسي كان راجل كبيير الشيب كاسي راسو.. كيشوفيا شي شوفات غراب بحالا كيشفق عليا..مديتهاش فيه هبطت ونزل تاهوا عاوني باش نهبطو حبيبي حتا دخلناه شكرتو ومشا..وما انا تصدمت من حال السبيطار ناس فلارض كتوجع ولفرمليات شادين جماعة كيطرطقو فلمسكة ممسوقينش لناس لي كتموت..
لحالة حالة عمري شت هادشي انا لي مولفة غير كندخل لكلينيك كيجيو كيجريو عندي لفرامليا..
سست هاد الافكار من راسي وحيحت عليهم بلغوات حتا جا عندي واحد لفرملي دخلو لواحد لبيت سرحو فوق واحد لباياص فحصو بلا سيروم بلا جوج قاليا بلي حرارتو كانت مرتفعة بزاف ولحمدلله لي جبتو بكري وما كنت انفقدو هادي لي فينما تخيلتها كانبغي نهبل..❤
يتبع….

 

• لقراءة باقي فصول الرواية اضغط على (رواية شمس ضلامي)