رواية شمس ضلامي الفصل العاشر 10 بقلم ليلي

البارت العاشر

معجبنيش داك الجو مبغيتوش يتقلق فقررت نبدل لهضرة واخا عيانة ولكن قويت راسي ورسمت ابتسامتي لي لطالما كانت مصدر قوتنا بجوج كيف كيقول هو..
(يلاه يلاه ياك شمس ضلامك مبغيتيهاش تكرفس وازيد اصاحبي نضبرو على شي اوطيل ءءء على فين نباتو)
هز فيا عينو مهضرش جرني وزدنا علا رجلينا معرفتوش فين غادي بيا..حتا وقفنا قدام واحد الاوطيل مابيهش مهم ديال ليحسن لعوان..
ضار شافيا محاملش راسو(سمحيلي معنديش انا لي حمار هربت بيك وجيبي خاوي مهم معنديش باش نديك لوطيل سانك ايطوال انباتو ليلة هنا ويحن لله من بعد)
1
معجبنيش لجيست لي دار جريتو من يدو حتا بعدنا وقفت وشفت فيه
قلت ليه(سمع انا هنا معاك ماشي علا فلوسك ولا علا لقصاير ولبياتا فليزوطيل سانكيطوال انا هنا باش نعيشو لمرة قبل الحلوة وزيد دبا معايا نضبرو فين نبقاو ديما وديك تلتالاف لليلة فداك لوطيل راه زايدا فينا)
شافيا شحال ورسم ابتسامتو لي كتسطيني..لي كان اكبر طموحاتي هو نشوفها ديما على وجهو سوا نكون قريبة ليه ولا بعيدة..
بقيت ساهيا فيه شحال فحين هو بحالا تفكر شي حاجة جبد تيليفونو و مشا كيهضر مع شي صاحبو كاين هنا علله يضبر لينا فين نسكنو..
قطع معاه وبقينا كنتسناوه شوية كنشوفوه جاي راكب واحد سونطروا..عرفت انهم مدة متشاوفو غير من طريقة السلام ديالهم..ملي تسالمو ضار عندي يسلم عليا
محملتوش عنكشوني شوفاتو لي كلهم عبارات من فوقي لتحتي تقول بغا يفصل عليا جلابة مد يدو
وقال(سلام انا مراد).
2
.محملتش نمد يدي ليه كتافيت بالرد على السلام وقلبت وجهي..شي لي عجب حبيبي..مهم ركبت معاه وركب مراد فموطورو باش نمشيو نشوفو فين انبقاو..7❤

بعد نص الساعة من التسركيل فالزناقي وقفنا فواحد الحي الشعبي من الدرجة لولة فين كانو مجمعين العيالات صحاب خط فلحجبان على تبركيك وتقرقيب الناب..
هنا بنات كون بقاو عريانات حسن من داك نص شبر لي لابسات كيطرطقو فلمسكة ولايحين الشبكة علله تصيد ليهم باش يدوزو الليلة..ولهيه مزلعين الدراري ها لي كيتكيف ها لي شاد قرعة دلبيرا وكيهلل على عباد لله هالي كيبيع ويشري فالغبرة..ونا بكاوني عايشة حياة خرا هدشي ركب فيا الرعب..
فيقني من سهوتي صوتو
هو:مراد اش هادشي منيتشك الساط باغيني نجيبها لهنا
مراد:واغير صبر اصاحبي تشوف وحكم
هو:هاادشي معاجبنيش زيد قدامي نشوف
ودكشي لي كان وصلنا لواحد الدار من 5 طاج كلها مخربشة السباغة طاحت غاحالتها من برا كتعيف بقينا واقفين شوية وعينين عبادلله علينا حتا جا عدنا واحد السيد ريحة الشراب سابقاه عرفتو مول الدار

مول الدار:السلام عليكم نتوما هوما لي بغيتو لبيت د السطح
هو:لا
مراد:اه اه هوما حنا
ضار عندنا وغمزنا ملقينا منديرو من غير نمشيو معاه ونشوفو..دخلنا ولكن مكانش لاسانسور هنا زدت تفقست وغانطلع سانكيام ايطاج علا رجلي وريحة لي كانت فالدروج تسكرك بلا شراب..
عفست علا راسي وزدت لكن كيف ديما بطلي..حبيبي.. هزني وطلع بيا حتال اخر درجة حطني ومشا مع الراجل يشوفو لبيت..
كان بيت متوسط الحجم كلو مخزز الصباغة طايحة ولبريك كيبان لحيط مخزز بليميديتي عندو شريجم واحد صغيور طايحين ليه بيبانو وقراعي د الشراب مزلعين فيه وريحة كتعطعط غاضربت طلة هربت حتا جا عندي💚

لقراءة باقي فصول الرواية اضغط على (رواية شمس ضلامي)

____

لو عاوز تقرأ الفصول الجديدة من الرواية دي بشكل حصري قبل صدورها

أنضم لقناتنا على تليجرام (من هنا)

البارت العاشر

اترك تعليقاً إلغاء الرد