رواية رغبة في الإنتقام الفصل العشرون 20 بقلم نوسة حمد

رواية رغبة في الإنتقام الفصل العشرون 20 بقلم نوسة حمد

 

 

البارت العشرون

 

 

 

#رغبة_في_الانتقام20
#نوسه حمد
راسي بقا جايط وحاسه نفسي زي الغرقانه ما لاقيه اليد البتتمدا لي وابوي قدر م حاولت اعرف منو الحاصل ما وراني بالحقيقه وفي تفكيري وغضبي داك تلفوني اتصل لقيتو نادر كان مبسوط وبحكي لي قال لي جاك عريس قلت ليهو منو قال لي زول بتعرفي حق المعرفه قلت ليهو دا منو يا نادر قال لي سيف لمن قلبي قال شح قلت ليهو نادر خليك من سيف وخطبتو لي انت ما شفت المصيبه قال لي مصيبه شنو قلت ليهو الراجل الابوي عقد لي عليهو قال لي مالو قلت ليهو جا هنا وقال الا يسوقني وابوي رفض يسوقني وقال ليهو انا غيرت راي الراجل قال ليهو يا تخليها تمش معاي يا افضحك شكلو ماسك علي ابوي حاجات في تلفونو قال لي كيف يعني قلت ليهو عديل قال لي ابوي بفضحك ف النت وقال جاي الجمعه اسوقني وانا

 

 

بقتل روحي عديل ولا الزول دا يمسك يدي قال لي ومنو البخليهو يمسك يدك مستحيل ودي مصايب شنو المقابلانا دي كان جايط قلت ليهو نادر الكواريك م بتحل خلينا نفكر ابوي والله حاسي بالذنب ختيت ليهو الاكل اباهو ووشو انخطف ابوي ربنا سترو م انفضح الراجل دا داير يفضحو حسبي الله ونعم الوكيل فيهو قال لي اعرفي لي اسمو وساكن في ياتو بلد واي شي ولازم ابوي اوريك مكان بلعبو قلت ليهو ح تعمل شنو عايز تضيع نفسك بسببي قال لي لو وصلت لدرجه اني اضيع نفسي ح اضيعها ولا انتي تضيعي بس انتي اسمعي القلتو ليك اعرفي البشر دا ساكن في ياتو محل واديني عنوان للمكان الهم بمارسو فيهو الرزيله دا وما عليك تاني قلت ليهو سمح قفلت الخط وسالت ابوي حلف ابا يوريني قال لي الناس ديل م بتقدرو عليهم انتو مفتكرنهم ناس بسيطين زيي ديل رجال اعمال كبار ف البلد انا في وسطهم كنت زي الحشره وكانو راغبني عشان بونسهم مستحيل اوصفهم ليكم ح يضروكم قلت ليهو لو اجتمعو الجن والإنس عشان يضروك بشي وربنا م قاسمو م بحصل عشان كده قوي قلبك ووريني عليك الله قال لي. م تضيعو بسبب المواضيع دي انتي ارجعي لي اخوانك وخلوني انا قلت ليهو ما راجعه ي ابوي ارجع كيف والراجل دا يفضحك وعين تاني نعاين بيها م عندنا عايز تشمت علينا اهل امي قال لي البقا بقا خلاص الزول دا م بنقدر عليهو قلت ليهو نادر م جاي م تخاف عليهو بس ح يشوف ناس يقبضو الراجل دا ويحذفو الحاجات الماسكها عليك دي حسيتو عايز يوريني بس متردد قال لي ي بتي لو الاولاد ديل لمو فيهم الناس الهناك ديل لا انتي لا اخوك لا انا م ح يخلونا حيين واخوانك الصغار يتشردو قلت ليهو ح يعملو شنو مثلا يقتلونا قال لي دي ابسط حاجه انا م بوصف ليكم مكانهم حنستو قلت ليهو نادر قال م ح نظهر ف الصوره عليك الله وريني ليهم كده كده انا ميته حسيت ابوي مكسور وغالبو البعملو قلت ليهو ابوي ساعدنا بس ورينا الراجل دا بقعد وين وبلعبو وين بعد تحانيس وصف لي وقال لي اذا عايزه تدخلي

 

 

اخوك في الموضوع انا بمرق قلت ليهو اخوي في حلفا يجي كيف هنا بس قال بتصرف قبل الجمعه تجي بقيت ادعي ربنا ينتهي الموضوع دا علي خير واتخارج من البلد دي لو ابوي م مشا ح ننجبر نعرس ليهو واحده تقعد معاهو بس دي منو البتقبل بي راجل كبير وطرحت علي الموضوع قال لي ي بت عرس شنو انا كان داير اعرس كان عرستا من امك اتوفت قلت ليهو ما هو يا تمشي معانا يا نعرس ليك قال لي انا البلد البعيده دي م بقدر عليها قلت ليهو انت نسيت البلد القاعدين فيها دي م بلدنا يا ابوي جابتنا الظروف قال لي جابتنا الفضايح ياريت الزمن يرجع بي ياريتو قلت ليهو ابوي عليك الله الماضي دا انساهو عشان تقدر تعيش وتستغفر وترجع لي ربك وتمشي عمره وحج قال لي نفسي قبل م اموت ازور بيت الله قلت ليهو ح تمشي ي ابوي باذن الله وح نعمر لي امي وح نحججك بس انت ابقا كويس قال لي ان شاءالله مرات بحسو بشوف الحاجه دي بعيده وما ح تحصل قلت ليهو ابوي انت مفتكرني بمشي فيك بالكلام انا والله لو ابيع ف الشارع اوديك العمره قال لي انا م عملت ليكم حاجه عشان انتو تعملو لي وكما تدين تدان قعدت اضحك قلت ليهو ابوي كما تدين تدان والبتسوي برجع ليك والكلامات دي كلها ما في علاقاتك مع ولدك لحمك ودمك مهما انت قسيت وعملت اي شي مستحيل نقول ننتقم منك او نضوقك وحتي لو قولنا ما ح نكون بوعينا ونادر القلت عايز يقتلك دا نادر كان مريض نفسيا نادر م بقا كويس الا لمن خطب لاخر لحظه هو عايز انتقم منك م اكذب عليك بس هو كان م كويس وعقلو م كويس هسي نادر رجع اقابل مع طبيب نفسي وبياخد في علاجو ادعي ليهو ربنا يشفيهو ما عندو ذنب في الهو فيهو قعد ابكي قال لي انا السبب انا المرضت ولدي انا المرتي ماتت قدام عيني انا م استاهل اكون عايش ليه عالجتيني ليه خليتيني اعيش انا م استاهل اعيش الموت ارحم لي عشان انسا الماضي قلت ليهو ابوي استغفر واحمد ربنا والفرصه قدامك امي ماتت الله يرحمها ادعي ليها ونحنا قدامك احتويتا خاف علينا حسسنا انك ابونا م تدينا احساس انك مجبور علينا وعندك الاهم مننا قال لي ربنا يهون وشيل الافكار من راسك انت ابونا مهما كان بديت اقنع ابوي شويه شويه من الخوف الهو فيهو احتمال بعد الخوف يزح منو يسافر معاي خليتو نام اتصلت لي نادر وقلت ليهو ابوي عقلو ملان كلام وللان م قادر اقتنع انو نحنا ح نعاملو كويس شايف عشان هو عاملنا معامله كعبه انو نحنا ح نعاملو نفس الشي انا وضحت ليهو قال لي خلي الايام بثبت ليهو اها وصف ليك قلت ليهو طبعا قال لي كلام خطير نادر اوعك تخاطر قال لي شنو م اخاطر البلطجه الاتعلمتها زمان دا وقتها قلبي قال شح قلت ليهو نادر م تتهور انا اقنعت ابوي بالقوه انو يوصف لي وقلت ليهو انك انت م ماشي للراجل ح توصي زول قال لي بس خليهو عايش ع كده وانا البلطجيه الكنت مباريهم حذفت ارقامهم وما عايز اعرفهم تاني عشان لو عرفتهم ح ارجع ادمر نفسي انا الان نفسيا مرتاح بس حقك مابخلي اضيع والبني ادم دا م بخليهو يفضحنا انتي عارفه الوضع حساس ونسابتي ديل انصاري سنه يعني بعد عرفت البت وحبيتا وحبتني ممكن تخليني لو عرفت ماضي ابوي عشان كده ماضي ابوي لازم ينتهي نحنا عايزين نعيش قلت ليهو ان شاء الله قال لي اخوانك امتحاناتهم قربت انتي م ح تجي. اتزكرت انهم ممتحنين تالت متوسط قلت ليهو لا لا ح اجي قال لي طبعا متنافسين مع بعض ونستهم غير القرايه م عندهم شي الوحيدين الرجعوني للصاح هم عشانهم مستعد اعمل اي شيء قال لي عرفتي تربي ي نوسه قلت ليهو الله يقدرني اكتر واربيهم اكتر اظنو اتزكر موضوع سيف قال لي اها رايك شنو في سيف قلت ليهو سيف متزوج يا نادر قال لي ومالو الراجل محلالات ليهو اربعه وبعدين سيف دا زول ضكران ومحترم شديد قلت ليهو فعلا بس انا اقعد بايره م اتزوج راجل مره وكلمو كده عليك الله قال لي يعني دا اخر كلام عندك قلت ليهو اي م بقدر اقول غير كده قال لي تمام ربنا اديك ولد الحلال يسعدك وتسعديهو قلت ليهو نادر انا عايزه ذكي قعد اكورك قال لي ذكي تاني الراجل دا تشيليهو من راسك قلت ليهو ليه قال لي بس كده قلت ليهو لا م بس كده وريني واقنعني بس م تخليني كده قال لي شفتي براك قله ادب ولدو قلت ليهو وانا مالي ومال ولدو انا عايزاهو هو وفي زواجي دا عايزه اضحي بنفسي عشان اخواني قال لي مالن اخوانك قلت ليهو ذكي قال لي ح اخلي اخواني يعيشو معاي ماف راجل بقبل بكده وانا عايزاهو م بقدر اخلي اخواني قال لي وانا فوتا وين اخوانك ح يعيشو معاي انا قلت ليهو اكون لمعلوميتك المره ما زي الراجل ممكن ذكي يستحمل اخواني بس مرتك لا قال لي بالعكس انتي م لحقتي تتعرفي علي خطيبتي. والله زوله طيبه وقلبها ابيض قلت ليهو مهما كان اذا كان انت مراتك بتجيك لحظه وتكره فيها نفسك وتكون ما طايقها عشان كده ي نادر خلي مرتك بعيده وعيشو حياتكم انتو مع بعض من غير جوطه وربنا يتم علي خير قال لي برضو م موافق انتي م تقنعيني انا كلمتي واحده حسيت انو في شي في

 

 

راسو حاولت افهم منو وقال لي نوسه عمار ولد ذكي دا م كويس قالو مريض عديل وبتاع حركات انا اطمئن علي اختي المعاك كيف واطمئن عليك انتي زاتك كيف لانو زول مريض بالبنات ومستعد اي بت يتحرش بيها حتي لو كانت عجوز راسي بقا كبير وبي قلبي قلت ليهو فعلا كلامك صاح قلت ليهو انت القال ليك منو قال لي قال لينا صاحبو عديل لانو حاول يتحرش بي مرتو شوفي م قدر الخوه البينهم وعايز يتحرش بمرتو عشان كده تنسي ذكي نهاي بطني طمت شديد ما عندي تاني حجه اتحاجج بيها واقول لي ذكي شنو كرهت ولدو اكتر مما كرهاناهو قلت ليهو حاضر يا نادر الشايفو قال لي ان شاءالله قسمتك موجوده م تستعجلي وانا زاتي م شبعت منك عايزه تخليني لمنو انتي م اختي انتي امي كلام نادر اثرني شديد وم ح اخزلو ابدا.قلت ليهو انا زاتي م شبعت منك ❤️
قفلت منو ورسلت لذكي رساله طويله وعريضه بعديها طوالي اتصل علي هو ساكت وانا ساكته نهاي م اتكلم بس بستغفر قلت ليهو انا اسفه اقرا كلامي كويس وافهمو انا ام م اخت وبس عايزه اكون لي اخواني وبس وتصبح ع خير قال لي نوسه كلامك فاهمو وما تقفلي نومي ممكن قلت ليهو انوم كيف قال لي بس نومي افتحي الاسبيكر اصلا انا م عايز اتكلم ممكن طلبو غريب قلت ليهو انا م بيني وبينك حاجه عشان انوم ف الخط قال لي لا بينك انا حبيتك غلبني ارد وغلبني اقول اي شي سكتا ونومتا وتاني صحيت قفلت تلفوني وجدعتو ح اخليني احبو اكتر مما حاباهو
مرت الايام وتلفوني م بفتحو الا اجي اتصل لي نادر وابوي بلغ العافيه وقال لي الا توديني لي اخواني قلت ليهو اصلا ما ح اوديك ليهم انا اتصلت عليهم وانت بين الحياه والموت احرجوني قال لي عشان كده لازم توديني ليهم عندي كلام داير اقولو

 

 

قلت ليهو بتصل ليهم قال لي لا لازم انا امش بنفسي قلت ليهو طيب النكلم نادر ارسل لي قروش اتصلت علي نادر و وريتو قال لي طوالي امشو ماف مشكله بحول ليك عند عم احمد بجيبن ليك بليل انتي وين ابوي جنبك قلت ليهو اي فشنو قال لي طبعا انا مشيت المكان الوصفو ابوي نوسه ابوي ليهو حق يخاف قلت ليهو كيف قال لي م شفتي الناس الفيهو للان انا مستغرب ابوي دا كان هناك بعمل فشنو والله الا كان ليهم ارجوز لكن الناس ديل لا من توبو لا بقدر عليهم قلت ليهو عرفت كيف قال لي بحكي ليك لمن تزحي من ابوي قلت ليهو الجمعه قربت بجي يتعابط فينا قال لي خليهو يجي وقولي ليهو افضح ابوي بس وانا بكره بعد تزحي من ابوي بفهمك …….يتبع

 

 

 

• لقراءة باقي فصول الرواية أضغط على (رواية رغبة في الإنتقام)