رواية رغبة في الإنتقام الفصل الثامن عشر 18 بقلم نوسة حمد

رواية رغبة في الإنتقام الفصل الثامن عشر 18 بقلم نوسة حمد

 

 

البارت الثامن عشر

 

#رغبة_في_الانتقام18
#نوسه حمد
وانا غرقانه في النوم بعد هم وتعب جسدي ومعنوي سمعت صوت غليظ بصحي فيني بقول لي نوسه فتحت عيوني وبقيت مندهشة 😮 دا الراجل العقد لي عليهو ابوي قلت ليهو انت الجابك شنو ومنو سمح ليك انك تدخل لي قال لي انتي مفتكره انك ح تهربي مني تاني وقومي ارح معاي بيتك وكان عايز يمسكني من يدي قلت ليهو بيت شنو انت مجنون ولا شنو انا من مكاني دا شبر م متحركه ولو لمستني ح اكسر يدك وقصه انو ابوي داير يعرسني ليك دي تنساها انا ادفن روحي حيه ولا اتزوجك وكنت بكورك فيهو شديد ذكي جا داخل وانا بقيت مخلوعه زياده اقول لي ذكي شنو وابرر موقف ابوي بشنو ذكي قال ليهو انت منو يا عم قال ليهو انت مالك ومالي اشتغل شغلك دي مرتي وانا حر فيها ذكي بقا اعاين لي قال ليهو مرتك مرتك كيف ومع كلامو داك نادر وسيف ومهند جو داخلين سلمو وقالو لينا فشنو وطبعا نادر نهاي م سلم علي ذكي سلم علي وقال لي ديل عندهم هنا شنو انا غالبني انطق حرف اتكلم اقول شنو طوالي الراجل قال لي انتي بقيتي م كويسه ولا شنو

 

 

ديل شنو الرجال الملقطاهم ديل وشكلك عايزه تتربي من جديد بت تهرب من ابوها دا معناتو شنو ومن سكات اطلعي معاي نادر مسكو بي يد واحده والراجل فيهو روح واحده كان ح يموت في يدو قال ليهو انت المنو وراجل تحترم سنك عشان نحترمك ولا بتجدع الكلام كده ذكي مسك نادر وقال ليهو دقيقه نفهم دا راجل اختك كيف الراجل بقا يكورك فيهم وقال ليهم بسجنكم والله انتو ما عارفين انا منو يا شماسه دي مرتي علي سنه الله ورسوله ودي القسيمه وطلعا ليهم نادر شال القسيمه وبقا يقرا فيها وغالبو يتكلم ذكي قال ليهو دقيقه شالا منو قراها واداها ليهو وطوالي طلع نادر قال ليهو شوف قرار ابوي القديم داك تشيلو من راسك وشوف القروش الكنت طالبهم لي ابوي كم وطوالي ح نديك ليهن وتسلمنا قسيمه الطلاق سيف كان بعاين لي ومتأثر شديد شكلو حسا بالجواي وانا خلاص كل الامال ضاعت مني وذكي شكلو انصدم من الكلام وماقدرت ابرر ليهو وطلع نادر طرد الراجل وقال ليهو يا تطلقها يا بالمحكمه تطلقها ولو ما طلقتها ح اطبق فيك نظريه فيثاغورس ما طبقا في الرياضيات عشان كده اتجاوزني مهند وسيف بقو يحجزو فيهو وقالو ليهو خلاص اطلع امشي لانو دا زاتو م مكان تتناقش فيهو في الكلام دا وابوها بين الحياه والموت والراجل طلع فات نادر قال لي الزول دا الجابو منو هنا قلت ليهو انا م عارفه والله ومن غير استاذن دخل الغرفه والوصفها ليهو منو م عارفه قال لي الوصفها ليهو منو دي م دايره اتنين تلات بكونو ناس المستشفى بس الوصف ليهو المستشفى منو اتزكرت كلام عم احمد وانو بعد الخطبه دعو لي ابوي وحكيت لي نادر قلت ليهو عم احمد بكون دقس ونسا قصتو وانا زاتي نسيت نادر قال لي م عليك منو ح يطلقك غصبا عنو بالمحكمه ح يطلقك قلت ليهو اكيد قال لي ابوي وين قلت ليهو ف العنايه م اظن يخلوك تدخل انا لازم الحق ذكي واخلي يدخلك قال لي الذفت دا انسيهو يا نوسه وما يجي هنا انا ابوي بتكفل بيهو م عندك فيهو شغله وانا ربنا فتحها علي قلت ليهو ان شاء الله ربنا يوفقك ويسهل طريقك قال لي امين وطلعت معاهو ومشينا حنسنا الدكتوره ودخلت نادر اخوي وبعد مسافه جا دموعو في عينو قال لي م اتوقعت في يوم من الايام اشوف ابوي كده ورغم اني كنت عايز اوصلو للمرحله دي انا قلت ليهو نادر عليك الله السيره دي تاني م تجيبا في خشمك وادعي لي ابوي انا نفسي ابوي يبقا كويس ويصحا ويشوفنا جنبو ونفسي قلبو يحن ويحضنا ويعوضنا عن حنانو وعطفو الفاقدنو قال لي ان شاءالله
بعد العصر عم احمد جا نادر قال لي ارجعي مع عم احمد ارتاحي مع مرتو وانا الليله بقعد مع ابوي قلت ليهو ان شاء الله مهند وسيف وصلنا وفاتو وقالو لي م تشيلي هم اخوانك ماف حاجه بتجيهم قلت ليهو تمام بعد تصل ي مهند اديني ندي بالتلفون
مرت عم احمد رحبت بي وقالت لي احمد حكا لي بي الدكتور فاعل الخير العمل ليهو العمليه انو داير يعرسك ويشكر فيهو شكر 🙏 قلت ليهو نسيبه بت اميمه تستاهل لانها بت طيبه قلت ليها والله شكلو الموضوع م ح يتم قالت لي كيف فشنو حكيت ليها بالراجل الابوي عقد لي عليهو قالت لي العقد دا باطل ما صاح اكيد ح يطلقك قلت ليها اكيد بس ذكي م كان عارف شي وانا م حكيت ليهو بشي قالت لي هو لو باقي عليك ح يرجع ليك وما تابعت كلاما ذكي اتصل قلت ليها سبحان الله السيره بتجيب سيدا رديت عليهو قال لي كيفك قلت ليهو تمام وابوك كيف قلت ليهو كويس خليت معاهو نادر اخوي قال لي وانتي مشيتي مع راجلك ولا شنو قلت ليهو كيف يعني ذكي انت فاهم غلط قال لي فاهم شنو الراجل وراني قسيمه زواجكم ع الاقل كان تقولي لي انا متزوجه وكيف نفسك تسمح ليك توافقي علي وانتي متزوجه ما حرام عليك انا كنت بحترمك شديد ليه يا نوسه خليتيني اخسر ثقتي فيك قلت ليهو ذكي ممكن تفهمني وانا مستعده احكي ليك بالحقيقه بس ع شرط يا ذكي البحكيهو تنساهو وما تزكرو لي في يوم ولا اجي يوم وتعايرني بيهو قال لي احكي سامعك حكيت ليهو بي ابوي وانو من كترت

 

 

 

الشراب كان م واعي وبتصرف ساي ومن ضمن تصرفاتو الساي عقد لي علي الراجل دا بسبب اللعبه بتاعت القمار دي وابوي خسر فيها وماكان عندو قروش يسدد والراجل اداهو خيارين يا البيت يا انا وضحا بي انا وانا لمن عرفت القصه هربني احمد وجيتكم هناك والدنيا ضحكت لي واشتغلت ونسيت اي شي ذكي بقا مندهش قال لي معقوله ابوك يعمل كده نوسه م تكذبي في ابوك عشان تحسني صورتك قدامي ماف اب بعمل كده قلت ليهو ليك حق م تصدق لانو كلامك صاح وانا اكتر من الحقيقه الحكيتا ليك م ح اقدر احكي ليك وجع السنين العيشتو وربنا اديك بت الحلال واي قرش صرفتو في ابوي ح نرجعو ليك قال لي نوسه م تقولي كده واحكي انا سامعك ياتو وجع الانتي بتتكلمي عنو احكي خليني اخفف عليك قلت ليهو خليها بالنيه ي ذكي انا حكيت ليك عشان ماتفهمني غلط وكلو لخير ربنا ح يديك بت حلال قال لي لا انا عايزك انتي وانا اسف اني فهمت غلط وزعلت منك بجد لو م اتكلمت معاك كان ح اكون فاهم غلط كده بس الحمد لله اني اتكلمت معاك وانا لسه عايزك ومستعد اعمل اي شي عشان تكوني حلالي قلت ليهو انا محتااره ي ذكي انت الف بت تتمناك ودكتورات ومن توبك ليه مصر ترتبط بي انا ولا انت عوض ربنا الجميل قال لي بس انا عوض ربنا ليك وماعايز غير اكون كده وح اديك زمن تفكري نهاي م ح اضغط عليك قلت ليهو نادر من كلام عمار ولدك زعلان ورافضك قال لي ليهو حق عمار ولدي كلامو جارح انا زعلت منو وللان ما بتكلم معاي انا زول كبير وقراري يمشي بالذات في حاجه انا حابيها وهسي بعتزر ليك ي نوسه اسف بالنيابه عنو وانا تاني م ح اخد قرارو في حاجه وح اعزمو من ضمن المعزومين وعشان انتي بت م ح اظلمك ح اعمل ليك عرس الكل يحكي عنو قلت ليهو ان شاء الله ابوي يبقا كويس اي شي بدبر قال لي ومن بكره تمشي ترفعي قضيه في الراجل دا وتطلبي الطلاق بالمحكمه. قلت ليهو نادر قال ح يعمل كده قال لي تمام ربنا يوفقك ي ست البنات وماتخافي طالما كنتي مغصوبه ع الزواج دا انا وراك وح انتظرك
مرت الايام وابوي ماشي في تحسن ووفتح من الغيبوبه الفيها وكانت لحظه وعيو تعادل الدنيا كلها نادر الكان مفكر انتقم من ابوي اول واحد جرا عليهو وابوي اول م فتح عرفنا وكان بقول لينا انا وين ونحنا حاولنا بسطنا ليهو مرضو وقال الا يطلع من المستشفى م ح يعمل العمليه دكتور ذكي جا حنسو واقنعو انو يعمل العمليه وابوي اقتنع والشي الموجع قلبي ابوي نهاي م بتكلم كتير بعاين لينا بعيونو ودمعتو اليوم كلو سايله حسيت بيهو بتندم علي اي لحظه ف الماضي قلت لازم اطمن قلبو قلت ليهو ابوي مالك فشنو ماتهم نحنا معاك عاين لي بنظره حنيه اتمنيتا من زمان واحتمال دي تكون اول مره ابوي زاتو يركز في

 

 

ملامحي قال لي اخوانك وين المات فيهم منو غير البت الاخيره قلت ليهو اخواني بخير يابا واختي الولدتا امي كويسه يابا تتزكر لمن في يوم ف الشارع في بت اتعابطت فيك جنب الشجره الفي شارع ناس احمد امام الجامع قال لي البت الامها طرشه ديك قلت ليهو لا دي ما امها دي انا ودي اختي اميمه سميتا علي امي قال لي والراجل المعاك دا منو انتي اتزوجتي قلت ليهو لا نحنا كنا بنمثل عليك دا مهند الولد الاستضافنا في حلتن وادانا بيت خالو وشغل نادر معاهو قال لي ونادر لقيتي وين قلت ليهو دي قصص كتيره يا ابوي بعد تبقا كويس بحكيها ليك هسي الدكتور قرر العمليه بعد بكره قال لي انا عايش لمتين كان تخلوني مجدوع اموت اريح ليكم مالكم ومال العذاب وانا استحمل نتايج غلطي طالما انا كنت سيئ قلت ليهو ابوي ممكن تنسا الماضي قال لي الماضي ماهين عشان اتنسي انا كنت في نعمه من بعد موت امك ولمن فقدتكم انا عيان والجيران كانو بعطفو علي وادوني بواقي الاكل قلت ليهو الحمد لله يا ابوي كلو لخير ابوي كان متاثر شديد وشكلو فتره مرضو قنعتو من الكان بعمل فيهو .
ابوي عملو ليهو العمليه ونجحت الحمد لله وذكي كان مهتم بيهو شديذ وأبوي متكيف منو وما عارفو دا منو بس لاحظت لي ابوي عندو عدم ثقه اتجاهنا مثلا لو جينا نقومو ما بثق فينا بقول لينا زحو منو لو اي زول غيرنا بجي يمسكو يقومو بقوم ليهو اتناقشت معاهو قلت ليهو ابوي انت ليه خايف مننا كده قال لي خايف العملتو فيكم تعملو فيني ……….يتبع

 

 

 

• لقراءة باقي فصول الرواية أضغط على (رواية رغبة في الإنتقام)