رواية رغبة في الإنتقام الفصل الخامس عشر 15 بقلم نوسة حمد

رواية رغبة في الإنتقام الفصل الخامس عشر 15 بقلم نوسة حمد

 

 

البارت الخامس عشر

 

 

#رغبة_في_الانتقام15
#نوسه حمد
نادر اخوي قال لي تعالي جيبي العصير طلعت شايله العصير وعمار بعد كان مبسوط واضحك لمن شافني لمن انخلع وقام علي حيلو قال لي ابوك دي العايز تتزوجها ذكي قال ليهو اي ومالا دي بقا صاري وشو وقال ليهو كيف مالا ابوي انت جنيت عايز اخواني يكونو من دي ذكي قال ليهو ومالا دي يا عمار ودا كلام شنو انت مجنون ولا شنو قال ليهو لا انا م مجنون انت المجنون وعايز توطي راسنا وتعرس خدامه بيوت انا العبره خنقتني والمويه وقعت من يدي ودموعي بقت جاريه سيل نادر اخوي قال ليهو شوف يا زول هوي انا احترمتك عشان في بيتي لكن اقسم بالله لو م في بيتي الا ادفنك حي الخدامه دي وقفت مع امك الانت ما شغال بيها ولا فاضي ليها مشغول بي حياتك الخاصه وانا اختي م خدامه احترم نفسك وسوق ابوك ويلا من هنا انا بقيت منهاره عديل ذكي ساق عمار وطلعو وانا بقيت ابكي وصدا صوت عمار لسه بيتردد في اضاني نادر قال لي نوسه اسكتي عليك الله الف واحد يتمناك انتي م تستاهلي اصلا تعيشي معاهم معليش ي نوسه م تبكي م نفسي

 

 

اشوفك منكسره قلت ليهو نادر انا تعبت والله وروحي دي طلعت نفسيا م كويسه قال لي نوسه م تفكري وكلو بي امر ربنا بهون انتي ولا تزعلي نفسك وناس زي ديل زاتو ما لينا الشرف نناسبهم ولدو دا ح يعذبك قلت ليهو الحمد لله انو الموضوع وقف عند كده بنتكلم كده مهند جا داخل وبقا اعاين للكبابي الفي الارض وملابسي المتبهدله بالعصير قال لي نوسه مالك فشنو قلت ليهو عمار قال علي خادم وشغاله ف البيوت ونادر طردهم قال لي معقوله هو كان عايز يتزوجك وطلب يدك مني قلت ليهو لكن الزمن داك م كنت شغاله ف بيت ناس قال لي اي فعلا بس ي نوسه م تزعلي قسمتك قاعده ان شاءالله بس استهدي بالله وانا جيت افرحكم قلت ليهو فرحنا ي مهند نفسنا نفرح قال لينا خلاص انا قررت اتزوج ان شاءالله قلت ليهو احسن قرار عاوز تتزوج منو قال لي بت عمي رحمه قلت ليهو بعرفها شفتها مره بت هاديه ومحترمه قال لي عشان كده عايز اتزوجها وكلمتت امي تمش ليهم وتجي تسوقك قلت ليهو طوالي ي مهند دا يوم المنا قال لي نادر عقبالك م ناوي تعرس قال ليهو والله النيه في بس منو البترضا بي قال ليهو انت بس قول عايز والبت الدايرها انا دي عندها اخت انصاريه انا م حصل شفت وشها بس قالو جميله جمال م عادي ولو موافق ابشر بالخير والله عرسك مع عرسي اها رايك شنو نادر قال ليهو والله انا م عندي راي شوف راي نوسه قلت ليهو راي انا هسي بتعرفو وقفت في نص الحوش بقيت ازغرت لميت الناس كلهم وبقو يسالو فشنو قلت ليهم اخواني نجحو لمن طلعو مننا مهند قال لي اجهزي انا بمش اكلم امي واجيك ونشوف اخت مرتي لي نادر بالمره لحقت مهند قلت ليهو مهند لكن انت عارف نادر مالو قال لي نوسه م عليك بت عمي دي لو وافقت اضمني نادر بقا كويس وما عندو حاجه وحرم توافق العرس والشنطه وكلو علي قلت ليهو لا لا والله مستحيل لازم نادر يشتري اي شيء وانا بشتغل اصرف علي اخواني قاطعني ف الكلام قال لي نوسه شغل ماف تاني والله لو انقسمنا اللقمه ما بنخليك تشتغلي عند ناس كل يوم بمر علي واشوف معدن ناس مهند وامو بعرف انو الدنيا بي خيرها ولو حرمتك ح تعوضك شوف نحنا اتحرمنا من الام وحنانها والاب وحنيتو العمرها ما حسينا بيها وعوضني بي ناس في حنيتهم ما شفتا مهند قال لي اجهزي نادر بقا مبسوط قلت ليهو نادر ممكن طلب قال لي اتفضلي قلت ليهو ممكن تصلي انا نفسي تكون ملتزم قال لي حاضر ي نوسه وقام مشا استحما واتوضا وصلا انا سجدت سجده شكر وكنت مبسوطه ودموعي في عيني مهند بقا يكورك لي قلت ليهو جايه نادر قال لي اميمه خليها م تسوقيها ولازم ي نوسه تحكي للبت بي الحقيقه اني م عندي قروش وعايشكم انتو قلت ليهو دي مواضيع م تفكر فيها ربنا كريم قال لي عايز اكون صريح قلت ليهو ان شاء الله وطلعت مشينا لي عم مهند ولاقتنا البت العايزنها لي نادر ايه من الجمال ملاك عديل لمن شفتها قلت مستحيل توافق علي نادر المهم دخلنا وام مهند طوالي فتحت الموضوع مع اهل البنات عم مهند قال احسن من ولد اخوي ما بلقا وقولو ليهو مبروك ام مهند قالت ليهو واحسن منكم ما بنلقا واخو نسيبه دي شغال مع مهند ولد ممتاز ومحترم عم مهند قال ليها والله انا م عندي مشكله لو علي هسي اعقد ليكم بس خلونا نسألها هي لو وافقت خلاص لو م وافقت انا م ح اغصبها. قلنا ليهم خلاص استشيروها وردو علينا وح نخليهو يجي مع مهند عشان تشوفو قالو لينا تمام اكرمونا م قصرو مننا ناس طيبين شديد ولا مقارنه بي ناس مهند وناس بسيطين زينا رجعتا مبسوطه لقيت نادر شايل اميمه وقاعد في الشارع قال لي اها بشري ان شالله خير قلت ليهو كلو خير بس دعواتك وقالو تجي مع مهند عشان تشوفك وتشوفها قال لي ان شاءالله شيلت منو اميمه ودخلت رقدتها نامت طلعت عشان استحما والحمام جنب باب الشارع سمعت نادر اتكلم بالتلفون وبقول للزول اسمعني انا اي قرش محتاج ليهو بعد كده م ح ارسل ليك ولا جنيه انا عايز اعرس ومدام انت كل مره عايز تتصل وتقول احول ليك انسا الموضوع لانو عندي مواضيع اهم وتاني م تتصل علي انا فرحت فرح قلبي بقا يدق قلت الحمد لله نادر شكلو داير يخلي ابوي في حالو وربنا شغلو بي فكره العرس دي اول يوم احس نفسي مرتاحه وضميري مرتاح بعد رقدت مسكت التلفون لقيت ذكي مرسل لي ميه رساله انو ما ازعل من كلام ولدو وما كان قاصد حاجه وانو لسه مصر علي فكره الزواج مني دا لو عايز اتزوج رديت عليهو قلت ليهو معليش انا م ح اقدر ارتبط بيك ربنا اديك بت الحلال تسعدك وتسعدا طوالي ردا لي قال لي بت حلال غيرك ما عايزها وانا مصر اننا نتزوج وحددي لي مواعيد تاني مع اخوك قلت ليهو لا اخوي م موافق وتاني ردا علي برسايل كتيره بس م رديت عليهو ونومتا صحيت الصباح جهزت اخواني للمدرسه ونظفت البيت وعملت اكلي طلعت عشان اجيب لي حاجات للفطور لاقيت عمار في وشي لمن اتبسملتا قال لي نوسه بيتكم فيهو منو عايزك في كلمتين م ح اقدر اقيف ف الشارع عشان الناس قلت ليهو معليش م ح اقدر

 

 

افضلك قال لي نوسه انتي ليه وافقتي علي ابوي وعارفه اني بحبك قلت ليهو حب شنو انت انسان مريض ودا م حب دا اسمو اصرار منك متعود اي حاجه عايزها تصل ليها وانا م قدرت تصل لي فقررت تتزوجني انا م غبيه بفهم ولو انطبقت السماء ع الارض انا م بخليك تمسك يدي ولو سمحت تاني ما توقفني في الشارع واحترم نفسك بقا يترجا فيني اتلفت عليهو قلت ليهو م تعرس البت الكانت خادم لي امك ومشيت منو وصلت الدكان سيف طلع لي من وين م عارفه لمن خوفت قال لي واقفه مع البشر دا ليه وكنت زهجانه وقافله معاي قلت ليهو ياخ مالك ومالي اول مره تكون م عندي رغبه ارد علي سيف قال لي اسف وفات انا قلبي وجعني واتندمتا ندامه اني رديت عليهو كده بس كان لازم ارد كده هو متزوج عايز مني شنو كفايه انو يوهمني بالحب وهو قلبو مع غيري شيلت حاجاتي ورجعت البيت فطرت انا واميمه ونومنا نادر اخوي اظنو جا سمعت صوت كركبه هو النوع الما مزعج نهاي ولا بصحيني بس فتحت عيوني لقيتو لابس لبس حلو قلت ليهو م شاء الله قال لي رايك شنو قلت ليهو زوقك حلو اها وين قال لي ماشين لي العروس عشان تشوفني طبعا نادر اخوي طويل ولونو فاتح ووجيهه شديد اوجه واحد فينا زمان لمن مرض امي بتقول العين وقعت فيهو قلت ليهو نادر كل م تحس انو الرجفه عايزه تجيك ما تظهرا سكت ما ردا علي قال لي الفيهو خير يبقا والعلي م جبتو براي دي قسمه ربنا الما منها مفر قلت ليهو بس العليك بتعالج يا نادر طاوعني واسمع كلامي انت عايز تبني اسره لازم تكون واعي وواعي شديد كمان قال لي نوسه هسي دا م وقتو م تمسكي في الكلام دا كتير وطلع حسيتو زهج مني جريت وراهو اعتزرت ليهو قال لي م تهمي يا غاليه اقدار ربنا كلها حلوه وما ح يحصل الا الخير واوعدك ي نوسه لو البت دي وافقت ح تشوفي نادر تاني قلت ليهو ان شاء الله ي نادر
حسيت انو نادر يمكن يتغير ويشيل فكره الانتقام من راسو لو اتزوج وبقت ادعي في ربنا انو ربنا يشغلو بي مرتو واولادو
اليوم داك عايشه علي اعصابي ولمن مقلقه ومتوتره لمن نادر جا اول كلمه قالا لي نوسه ادعي لي البت توافق بي قلت ليهو

 

 

اها رايك شنو فيها قال لي م شاء الله بت ملتزومه ومؤدبه ودي صفات حلوه شديد قلت ليهو باذن الله يا نادر ح يوافقو نصلي وندعي دخل جوه غير ملابسو وجا صلا المغرب قال لي النمش اجيب ليك حاجات زلابيه نفسي في زلابيه زي حقت امي قال لي نوسه كان نفسي امي تكون حاضره وتخطب لي قلت ليهو نادر الحمد لله ع كل حال وانا معاك ي نادر اقسم بالله نهاي ما افارقك الا تتزوج ومن هسي شوف بيت اجرو وبيني وبين مرتك تبقا المؤده والعشره نهاي م ح ادخل في حياتك ولا ح اظلمك ولا اظلمها نادر قال لي نوسه مستحيل افوتكم قلت ليهو تكون قريب لينا انا م تخاف علي ناجي م شاء الله كبر وبقا واعي قال لي فعلا والله ناجي حار اكتر مني ربنا يحفظهم وينفعوك ي نوسه قلت ليهو امين ياهم ديل اولادي ❤️
نادر مشا جاب الحاجات وجيت عملت الزلابيه بطريقه امي والشاي واخواني قاعدين جنبي مبسوطين بس ناجي حسيتو بدا يكبر ويخجل مني لكن ندي لسه متعابطه فيني وما شاء الله كبرت وبقت حلاتا ومهتمه بقرايتها اكتر من حاجات البنات اتمنيت انها تكون بتحب حاجات البنات بس شكلها طالعه زوله علم بس
مرت الايام ونادر ادوهو الموافقه وطوالي اشترا للبت الهديه وتلفون وودينا ليهم قوله خير وام مهند فرحانه لنادر اكتر من مهند وكان يوم حلو شديد بس انا ربنا م قاسم لي السعاده رجعت البيت لقيت عم احمد متصل علي قال لي نوسه الحقي ابوك انا انخلعت وانهرتا وقلت ليهو ابوي مالو وفي راسي في الف سؤال اكون الزول المرسلو نادر اعمل حاجه لي ابوي عملا ولا ابوي مالو وراسي بقا يودي ويجيب والله يجيب العواقب سليمه ……..يتبع

 

 

 

• لقراءة باقي فصول الرواية أضغط على (رواية رغبة في الإنتقام)