رواية رغبة في الإنتقام الفصل الرابع عشر 14 بقلم نوسة حمد

رواية رغبة في الإنتقام الفصل الرابع عشر 14 بقلم نوسة حمد

 

 

البارت الرابع عشر

 

 

#رغبة_في_الانتقام14
#نوسه حمد
بقيت محتاره غلبني ارد علي ذكي وفي نفس الوقت حكايه ولدو دي هي الحا تكون سبب في رفضي ليهو لانو م ح يخليني وانا بكرهو وبكره اتعامل معاهو ولو اتزوجت ابوهو ح يجي البيت بحجه انو دا بيت ابوهو وهو زول م محترم انا متاكده تماما انو ما ح يحترم نفسو معاي وحاجه تانيه ذكي زول ممتاز ومحترم شديد وزول بخاف الله وكان مخلص لمرتو بطريقه غريبه ومن حقو يتزوج عشان الولاده بس م كسر بي خاطرها بقيت م قادره ارد قال لي رايك شنو ي نوسه انا والله ما بغصبك ولا ح اضغط عليك وما اقول ليك انا خاتي عيني عليك من بدري لا والله كنت بحترمك جدا لانك بت ناس محترمه ومكافحه ونهاي م نظرت لي انك بت شغاله واني ممكن اتثاقل عليك واضايقك لا والله كنت بحترم المبدأ الانتي ماشه بيهو بس لمن زوجتي اتوفت ولدي عمار قال لي تتزوج عشان تجيب لي اخوان وعشان تلقا واحده تونسك بدل تكون براك اول واحده فكرت فيها انتي منها اشيل اجر اني اربي معاك اخوانك الايتام قلت ليهو بالمناسبه في اسرار كتيره انتو م عارفنها قال لي انا مستعد اوافق علي اي شي حتي لو غلطتي قبل كده قلت ليهو لا اسرار مالي الدرجه دي بس حاجات تانيه قالت لي احكي قلت ليهو اعفيني م بقدر احكي ولا بقدر ارتبط بيك لاسباب قال لي انتي متزوجه غلبني ارد اتزكرت اخر كلام ابوي لي انو عقد لي علي الراجل ما رديت عليهو قال لي نوسه م مشكله انا بخليك تفكري وح اقول لي عمار اني ح اتزوج نسيبه قلت ليهو لا لا عليك الله م تقول ليهو ورده فعلي كانت بخلعه كانو في شي قال لي ليه م اكلمو في حاجه قلت ليهو لا بس م تكلمو قال لي طيب بنتظر منك رد وم ح اضايقك بالاتصالات وانا عندي مأموريه بره السودان ح امشي واجي القاك فكرتي تمام قلت ليهو ذكي انا م بقدر اتزوجك قال لي حبيبه انا م مستعجل ع الرد علي راحتك فكري سلام وقفل الخط راسي ضرب بقيت مقيده شديد وما عارفه

 

 

 

افكر كيف لاصاحبه احكي ليها لا ام لا اخت لا خاله لا دا لا دا. وبقيت بين بينين ذكي ما الراجل البرفضوهو وهو م كبير ف السن حتي في شكلو م ظاهر بس عمار ولدو مطمم بطني وخايفه اتورط واضايقني العقل ما بقول اني اوافق علي ذكي وقلبي مشغول مع سيف بس م عارفه اعمل شنو. نومتا محتاره وقلبي في سيف لدرجه اني بقيت اتخيل انو هو زوجي تاني يوم الصباح جاتني رساله من ذكي ودعني فيها وقال لي فكري 🧐 قررت اني احكي لي ام مهند لانها قريبه لي بعد طلعت اخواني المدرسه اختي كانت عيانه مشيت بيها الدكتور وكان المكان زحمه مبالغ فيها وجوطه ومشاكل وهمجيه بقيت منتظره دوري لمحت الاولاد الجو من المطار مع سيف بس م ركزت كتير ولا عاينت ليهم تاني هم من شافوني جو سلمو علي وقالو لي عافيه ان شاءالله قلت ليهم اميمه عيانه جبتها الدكتور قالو لي بتك دي قلت ليهم لا دي اختي الحكيت ليكم بيها بقو يشاغلو فيها وقالو لي نحنا دورنا قريب ح نخليك تدخلني في مكانا شكرتهم شديد قلت ليهم جزاكم الله الف خير قالو لي العفو قربت اسالهم من سيف ومافكرت كتير سيف جا لمن شافهم واقفين معاي حمر لي وبقا غضبان حتي الاولاد لاحظو ليهو من دون م يسلم علي ولا يسالني جيت هنا لشنو قال لي اقعدي جنب النسوان ديلك الاولاد بقو يتكلمو معاهو وهو كانو م سامع بي عيونو راغبني لغايه م قعدت ف نص النسوان وكل دقيقه عيني تقع في عينو احمر لي بي نظراتو كانو بقول لي اصبري لمن بقيت خايفه واتوترت دور الاولا جا سيف قال لي يلا ادخلي دخلت ودخل معاي قبل اقعد في كرسي الدكتور سيف كانو ف كلمه واقفه ليهو في حلقو قال لي تاني لو لقيتك واقفه مع ولد م ح ارحمك والدكتور شغال لينا اتفضلو قعدت ف الكرسي وهو قعد قصادي انا بتكلم لمن بتمتم قال لي بتك دي قلت ليهو لا دي اختي كتبت لينا فحوصات وقاس وزنها ودرجه حراراتها وقال لي عندها لوز لازم عمليه لو جاهزين ندخلا ليكم في لسته بكره سيف قال ليهو جاهزين دخلا عاينت ليهو وقلت ليهو لا قال لي ليه م ينفع البت دي تقعد اكتر الصديد دا بعمل مشاكل م تتاخري اكتر سيف قال لي نوسه ما تتكلمي كتير انا قلت ليهو دخلا سكت وما رديت الدكتور كتب لينا اجراءات العمليه وطلعنا قلت ليهو سيف انا م جاهزه قال لي من ياتو ناحيه لو ماديه علي الطلاق ماف زول يدفع غيري والكلام دا منتهي م عايز فيهو نقاش قلت ليهو سيف انا م ح اوافق قال لي انا حلفت طلاق يا بت الناس قلت ليهو انت متزوج قال لي اي بطني طمت وخلاص مافضل لي الا ابكي وملامحي اتغيرت قال لي نوسه مالك م رديت عليهو ارد اقول شنو انا راكزه زمني دا اكلو اجي اقول لي لي ولد انا بحبك مستحيل بس شبه شيلت نظري منو مستحيل اضوق مرتو المرار واحتمال بتكون بتحبو مستحيل اخونها ومن لحظتها ديك قررت اني اشيلو من قلبي طلعت من المستشفى وسيف فارقني ف المستشفى ولاقيت واحد من الاولاد ف الدكان اسمو معمر قال لي اها اختك ظهر ليها شنو حكيت ليهو قال لي تمام سيف م ح يقصر ونحنا م ح نقصر بكره انا الصباح اختي قالت عازماني ومنها ح اجي مع سيف قلت ليهو اختك متزوجه قال لي اي مرت سيف اختي طبعا انخلعت شديد قلت سيف اتعامل معاي بطريقه تدخل الزول في شك اكيد الولد دا ح يكلم اختو بقيت خايفه وعايزه ابرر قلت ليهو والله انتو اخواني الما ولدتكم امي شكرا ليكم مشيت البيت لقيت نادر اتكلم وم بتكلم بي الغاز سكتا اميمه اختي وبقيت اسمع في كلامو وهو بقول ليهو كيف يعني غالبك والقروش البحول فيهن ديل بتوديهن وين المهم كلام كتير فهمت انو بخطط مع واحد انو يضر ابوي وبقول ليهو انا عايز اضوقو العذاب الاتعذبتو امي ما اموت طوالي انا انخلعت واتجمدتا في مكاني وحيلي كلووو مات. اتشجعتا ودخلت من شافني قفل الخط قال لي كنتي وين قلت ليهو اميمه عيانه طبعا هو بحبها شديد شالا مني وقال لي مالا قومي ارح نوديها اكبر دكتور هنا وكان ملهوف عليها قلت ليهو نادر انا وديتا وقررو ليها عمليه قال لي عمليه شنو مالا اختك قلت ليهو لا لا عمليه لوز عاديه م تخاف قال لي تمام م تشيلي هم للقروش انا معاي اتزكرت سيف قلت م بكلمو والقروش العندو احسن اشيلن منو بدل يخسرن في الكان بتكلم معاهو قلت ليهو م عايزه اضغط عليك قال لي كيف ي نوسه انا هنا ولي امركم اي شي محتاجين ليهو انا ملزم منو قلت ليهو نادر انا محتاجه لي عافيتك وصحتك قال لي نوسه تاني عايزه تتكلمي اطلع اخلي ليك البيت قلت ليهو لا يا نادر عليك الله م تقول كده بس م عاجبني حالك والرجفه البتجيك دي عليك الله لو بتعزني ارح نمش الدكتور قال لي العلي انا دا علاجو حاجه

 

 

واحده وقربت باذن الله قلت ليهو نادر ع فكره انا سمعتك لمن بتتكلم بالتلفون نادر ناهيك عن العملو ابوك اتزكر امي وحنيتها عليك وانت كنت م واعي هي بتشوفك اوعا انسان رغم انو ف نظر الناس انت مجنون بس امي ما في نظرها انت اوعا انسان راعي لي تربيتها ليك اخلفها بالسمح عشان هي الربتك دموعو جرت وبقا يبكي زي الطفل ولاول مره احضنو لاني كنت محتاجه ابكي وبقينا نبكي كانو امي ماتت هسي لغايه م سمعنا صوت مهند بكورك لينا قال لينا فشنو يا ناس نادر قشا دموعو وطلع ليهو انا لبست عبايتي وطلعت قلت ليهو اتفضل قال لي لا لا مستعجل والله جيت اعزمكم مهيد نجح ف اخر سمستر وعاملين ليهو كرامه امي اصرت علي اجيكم بنفسي وقال لي نادر امشي الديوان مهيد اخواي معاهو اصحابو قال ليهو ان شاءالله نادر طلع طوالي انا انتظرت اخواني جو اكلتهم ونومتا اميمه هم قالو لي ممتحنين م ح ينومو قلت ليهم طيب ربنا يوفقكم ولو اميمه جاتا حمه تعالو لي قالو لي تمام طلعت مشيت لقيت الناس كتار سلمت عليهم ودخلت ساعدتا ام مهند وجهزت معاها الاكل واكرمنا الضيوف واستاذنت منها وكلمتها بعمليه اميمه قالت لي بكره بجي امش معاك رجعت لقيت اميمه ياحليلا تلعب ضميتا علي ونومتا االصباح بدري مهند جاب امو وجا مشينا كلنا وسيف ومعاهو الاولاد جو ونادر يحلف وسيف يحلف يدفع مهند قال ليهم لا دا لا دا دفع القروش بتاعت العمليه واميمه دخلوها العمليه وماعدت دقايق طلعوها الحمد لله والدكتور طمنا وخرجونا في نفس اليوم ام مهند رجعت معاي كسبتها فرصه قلت احكي ليها وحكيت ليها بي ذكي وطلبو لي قالت لي ولا تفكري طوالي وافقي اول شي ذكي دا اكبر جراح قلت ليهو دكتور هو قالت لي اي انتي م عارفه قلت ليها لا والله قالت لي وافقي طوالي وزول محترم هو ما مننا مرتو المن هنا هو تقريبا من الجزيره ولو دايره فعلا تعيشي مستوره وافقي عليهو قلت ليها م عارفه بس م اظن قالت لي م تتهابلي فرصه وما تضيعيها انا والله كنت هامه ليك مافي راجل بقبل بيك انتي واخوانك واخوانك محتاجين ليك عشان كده وافقي م قدرت احكي ليها بي ولدو
مرت الايام وبقيت افكر في موضوع ذكي واستخرتا وشايفه انو افضل لي ذكي وكلمت نادر قال لي طوالي والله انا زاتي بكون مطمن عليك لو اتزوجتي قلت ليهو ان شاء الله قلت ليهو لو اتزوجتا ورحلت انت بتمشي وين قال لي بقعد هنا قلت ليهو رايك شنو تتزوج ابتسم وحسيتو راغب الزواج قال لي دي منو البترضا بواحد زيي قلت ليهو راقدات والله انت هين انت سيد الاولاد ان شاءالله ربنا ح اديك واحده هديه ورضيه قال لي م معروف ان شاءالله قلت ليهو كلم مهنذ واستشيرو في موضوع الزواج دا قال لي هسي بتصل عليهو اتصل عليهو وفاتح الاسبيكر قال ليهو والله ذكي مافيهو كلمه بس قبل اليوم ولدو قال داير نوسه انا اتزكرت انو هو فعلا طلب يدي من مهند نادر قال لي صحي الكلام دا قلت ليهو اي مهند قال ليهو لكن يا زول احسن ليها

 

تتزوج ذكي راجل محترم وبتطمئن علي اخوانها يعني ما ح يحرمها منهم وان شاء الله خير اختك رايها شنو قلت ليهو سامعاك ي مهند والله انا م عندي راي الراي رايكم كلكم قال لي يا زوله مبروك خلي يجي يقابلنا بكره قلت ليهو طيب رسلت لي ذكي رساله قال لي تمام العصر بجيب عمار وبجيكم وبعملا ليهو مفاجاه تاني يوم جهزنا الحاجات وانتظرناهم وطبعا عمار م بعرف بيتنا ولا بعرف نادر اخوي استقبلهم وقعدو انا كنت بعاين ليهم نادر كورك لي طلعت شايله المويه عمار لمن شافني وقف علي حيلو قال لي ابوهو دي العروس ……يتبع

 

 

• لقراءة باقي فصول الرواية أضغط على (رواية رغبة في الإنتقام)