رواية رغبة في الإنتقام الفصل الثالث عشر 13 بقلم نوسة حمد

رواية رغبة في الإنتقام الفصل الثالث عشر 13 بقلم نوسة حمد

 

 

البارت الثالث عشر

 

#رغبة_في_الانتقام13
#نوسه حمد
قبل ابدا الحلقه اول مره احس توقعاتكم ما ظبطت وقريت كل التعاليق يلا ح اوريكم اليوم ولد الناس الشغاله معاهم طلع منو
مشيت ناس حاجه ثريا الشغاله معاهم طقيت الباب جاتني هي زاتا لمن شافتني لمن فرحت قالت لي بركه الجيتي هسي في سيرتك ولدي الليله جانا زياره وحكيت ليهو بيك قال لي اتشوقت اشوفها كدي ادخلي سلمي عليهو من بعيد بقت تقول ليهو نسيبه جات وانا م كنت شايفه وشو لمن قالت ليهو كده قام وانا لمن شفتو لمن انخلعت وهو زاتو انخلع لمن بقيت اتمتم مدا لي يدو وانا ساعه سرحانه وبفكر وبالي ما معاي وبتكلم في سري معقوله ي دنيا اطيب ناس لاقوني اطلع ولدهم دا وهو شغال لي ي بت سرحانه وين قلت ليهو لا لا امو مبسوطه عشان عايزه تعرفني عليهو قالت لي ولدي دا الحمد لله ربيتو احسن تربيه بي قلبي قلت ليها ولدك يمه م شفتيهو بعمل فشنو ابتسمت وبقيت اعاين ليها وهي تمدح فيهو بي اسمح الصفات اقسم بالله لو دي انا وامي بتمدحني كده انا والشيطان نهاي ما نتلاقه عشان م اكسر عين امي الفخوره بي بس في ناس كده ما بحسو ودمهم بقري والخطايا بتجري في دمهم جري ما بالساهل يتخلو عنها وامو تشيل وتشكر فيهو وانا بس مبتسمه واسمع فيهو وتاني تشيل وتشكر فيني ليهو وهو عينو نهاي ما نزلا مني انا م كنت بعاين ليهو بس حاسه بيهو شديد قالت لي ما عرفتك بي اسمو اسمو عمار بي قلبي قلت ليها انتي ما جايبه خبر اني بعرف ولدك قالت لي عندو مدرسه م شاء الله ربنا وفقو وفتحها عليهو وبمجهودو فتح مدرسه وبسمعتو مدرستو بقت من اكبر المدارس في حلفا الناس

 

 

 

كلهم راغبنها قربت اقولا ليها لو واصل في البعمل فيهو دا مدرستو دي ح تدمر ربنا بمهلا عليك وبشبعك شبع من فضلو بس الطريق الغلط بخسرك اي شي وهي شغاله تمدح وتشكر شكلها معجبه بيهو شديد وهو ولدا الوحيد قالت لي متزوج وبي اولادو ومرتو هسي م شاء الله حامل ما ادتني فرصه زاتو اتنفس شده م معجبه بيهو المهم انا خلاص بطني طمت من الشغل معاهم وهو بعد عرف اني شغاله مع امو ما بستأمن نفسي معاهم وشيلت هم اوضح لحاجه ثريا كيف رفضي للشغل بس قلت ح تدبر استاذنت منها قالت لي بري والله م بتفوتي عمار كان ضابح وجاب لحم كتير قلت للبت تعملو كلو شيه لازم تحضريها بي قلبي قلت ليها اكلها وادشرها كان قعدت بس اعتزرت بطريقه ظريفه انو اخواني م شفتهم وكده وهي اصرت اني اقعد بس رفضتا وشيلتني نصيبي ومشيت اول م طلعت عمار جا لاحقني بالعربيه انا بي يد شايله الصحن وبيد شايله اختي وحالتي صعبه وهو ماشي معاي بالخطوه قال لي اخيرا ح الاقيك كل مره انا دوخت عديل عليك قلت ليهو عمار عليك الله عاين لي امك دي خليها مرتك ثقت امك فيك وشكرها ليك دا بستاهل الخيانه انا والله لو في مكانك لو الشيطان راكبني اعتكف عديل لمن اطردو بس مستحيل اواصل في الطريق دا قال لي نوسه انا والله توبتا بس عايز اتزوجك ومستعد والله اشيلك في عيوني قلت ليهو دي من سابع المستحيلات انا والله اقتل روحي عديل وما اتزوجك ولو سمحت ما تلحقني انا اخوي صعب ومشيت منو قلت ليهو اكون لمعلوميتك انا ح اخلي الشغل مع امك بسببك ومشيت دخلت البيت لقيت اخواني منتظرني جيعانين ختيت ليهم الشيه وقعدت اكلت معاهم وفضلنا لي نادر ونومتهم ونومتا اختي وبقيت سرحانه ف الدنيا دي ح توديني وين معقوله تضيق علي كده حاجه ثريا وراجلها اطيب ناس بس بسبب ولدهم ح افارقهم وقررت اقول لي حاجه ثريا اخوي منعني واشكرها واخليها وفي سرحاني داك اتزكرت سيف من اتزكرو قلبي ادق اول مره اجيني احساس حب اتجاه ولد وبقيت ادعي في ربنا اكون من نصيبي ومرات بقنع نفسي انو م ح القا ولد يقبل بي اخواني واخواني محتاجين لي بالذات اختي اميمه ممكن نادر وندي بعد يدخلو الجامعه يعتمدو علي نفسهم بس دي لسه طفله اتمنيت امي كانت تكون حيه انا م بقدر ع المسؤوليه نفسي اعيش زي باقي البنات احب واتحب بقيت في حوجه ماسه للحب والغرام بس ظروفي كلها م بتسمح لي والحمد لله علي ما اراد الله.
مرت الايام وانا بشحد ربنا الاقي سيف مافضل لي الا اسال مهند يوم مهند جا بيتنا قال لي نوسه عايزك ف موضوع تعالي بيتنا قلت ليهو طيب لحقتو في بيتهم قال لي نوسه نادر اخوك دا م طبيعي انا ولد وبفهم عندو مرات بسرح فيهم لمن بكون م واعي وبتجيهو زي لحظه كده بكون زي الخايف وبصارع في حاجه جواهو لمن برجف قلت ليهو انا لاحظت للرجفه دي قال لي شوفي ي نوسه كلام الدكتور صاح اخوك محتاج مقابله والشي المخيف تاني في رقم بتصل عليهو الرقم دا لمن اتصل نادر دا بتكلم بالالغاز قلت ليهو بقول شنو قال لي م فهمت منو شي ولمن يتصل بزح من الناس بعيد انا خايف عليهو وهو والله ف السوق معاي قمه الادب والاحترام الناس كلها بتشكر فيهو وفي ناس عديل بقنعو فيهو عشان يخليني ويشتغل معاهم بس

 

 

 

هو اصيل ما ببيعني قلت ليهو اكيد ي مهند طيب انا اعمل شنو قال لي شوفي م اكذب عليك لا انا لا انتي ح تقدري تقنعيهو رايك شنو نقنعو نعرس ليهو قلت ليهو لا طبعا بت الناس ذنبها شنو وعشان اكون معاك واضحه نادر اخوي بخطط انتقم من ابوي ويقتلو عديل مهند قال لي يا ساتر كيف يعني قلت ليهو دي قصص كتيره انا م بقدر احكيها لاني لو حكيتا زاتي ح اتعب اكتر منو بس انا م بفكر اقتل ابوي بس الخلاصه نحنا عشنا ظلم م يعلم بيهو الا ربنا قال لي كيف ودا منو الظلمكم قلت ليهو يا ريتو لو كان زول عادي ابوي ي مهند المهم نحنا اطفال كنا بنشوف امي تكافح وتتعب وتشتغل في شمس الله الحاره دي ابوي اشيل منها القروش وياريتا بقت ع شيل القروش بضربها مهند بقا يتحوقل قلت ليههو لغايه امي م ماتت بسبب ولاده اميمه اختي دي وابوي لمن صحتو كورك فيها ونايم اشخر كانو في عالم تاني انا لمن جابو خبر امي انا فكرت اقتلو في يوم وفاه امي شده ما القهر قتلني بس انا بطبعي وسوسه الشيطان بطردها ونادر اخوي اصلا كان مريض بياخد حبوب موت امي وعاهو شويه بس بقا تفكيرو م واعي ابقا كيف ي مهند انا اعرس لي اخوي اظلم بت الناس م عندها ذنب انا اخت عديل اخوي اترجاهو نمش الدكتور عشان م يدمر نفسو انا محتاجه ليهو اخواتي محتاجات ليهو وان شاءالله اقدر اقنعو قال لي طيب ي نوسه المهم انو هو يتعالج اخوك زول شهم م يستاهل قلت ليهو اي والله بس معليش ي دنيا طلعت من ناس مهند بليل متاخر ودموعي مغرقاني غرق وم كنت شايله اميمه اختي وكنت ببكي بصوت مسموع م قدرت اهدا نهاي سمعت لي صوت ولد قال لي الجميل من وين لمن انخلعت ابيت ارد عليهو وبقيت خايفه منو قال لي مالك خايفه من وين انتي شيلت لي حجر من الارض قلت ليهو ح تزح من طريقي ولا افلقك بالحجر دا وحاول اضايقني ويتحاوطني بكل الاتجاهات شكلو سكران وانا زوغت منو وجريت عديل فجاه سمعت صوت زول بضرب فيهو شكلو دا ولد شافو بضايق فيني ضربو ضرب انا من بعيد ما شايفاهو ومشيت قبل اصل سمعت صوت الولد قال لي نوسه وكنا جنب دكان اضاءتو بسيطه اتلفت وراي لقيتو سيف لمن قلبي قال شح وابتسمت انا متاكده تماما حسا بي مبسوطه قال لي نوسه الطلعك بليل شنو وجيتي من وين قلت ليهو انا كنت عند ناس مهند قال لي تاني م تتحاومي بليل عندك النهار كلو امشي ليهم زي م عايزه مافي زول بيسالك بس كمان بليل غلط تطلعي قلت ليهو والله اول مره انا اساسا بخاف اطلع براي قال لي شاطره يلا امشي البيت انا واقف ليك هنا 👈 لمن تدخلي قلت ليهو حاضر مشيت منو وانا مبسوطه شديد وطايره من الفرح قلبي ادق شكلي حبيتو بس احبو كيف الله يسترني
حاجه ثريا رسلت لي مشيت ليها وكذبت عليها قلت ليها م بقدر اجيك انا راجعه البلد وزعلت وحزنت شديد قالت لي انا الايام دي م كويسه ضربات قلبي زايده اتمنيتك تكوني جنبي قلت ليها والله ما هاين علي افوتك بس اعفي لي يمه ودعتني ودموعا في عينا وماخليت ليها حاجه ما ادتني ليها وراجلها ملاني قروش واداني رقمو وكتبت ليهو رقمي قلت ليهو بكون متواصله معاكم وطمننتو علي عم احمد الساهم في عمليتو وقلت ليهو الحمد لله باشر الحياه وبقا ميه ميه ودعواتهم ليك ماليها حد قال لي العفو يا نوسه دا الواجب زول امام جامع اتستاهل كل الخير وربنا يوفقو ويبعد منو المرض وعليك الله لو في حالات زيو تاني خليني اشارك الاجر قلت ليهو م بتقصر ربنا اديك العافيه وطلعت منهم قلبي مقطوع عليهم بجد الدنيا دي ما بتديك اي شي هم مؤدبين ومحترمين وولدهم قليل ادب وما محترم بس الذنب م عليهم هم هو بقا كبير وواعي ومتزوج وانا طالعه لقيتو في وشي قال لي جيت متاخر صاح الحاله دي عندي اجتماع 📅 لمن امي قالت لي اتصلت لنوسه خليتو وجيت جاري جري قلت ليهو يعني م جيت جاري تطمئن علي امك المضايقه قال لي امي مالا الحمد لله بتاخد في علاجتا الحمد لله قلت ليهو ربنا اهديك ي عمار وانا خليت امك بسببك وعليك الله عاين ليهم هم وبطل مضايقه البنات لو م عندك الاخت عندك البت خاف عليها وسلام عليكم ومشيت منو وقلبي مقطوع حاول الحقني وقفتو قال لي نوسه انا والله عايزك لي زوجه قلت ليهو السماء قريب ريح نفسك لا بالحلال ح تلم فيني لا بالحرام ح تلم فيني يلا سلام ومشيت منو ومرت الايام واخباري انقطعت منهم وطبعا سيف بقا يقعد جنب الدكان مخصوص عشان يشوفني وكل مره بسلم علي كنت بشوف الخوف

 

 

علي في عيونو وحبيتو لدرجه بعيده جدااا وحسيت انو بحبني وبحاول باي طريقه يلاقيني بس لا قال لي بحبك لا كلام المراهقين دا بس بحس انا واديتو احساس اني بحبو لكن واحد فينا نطقها ماف وكنت طايره من الفرح عايشه في دوامه من السعاده عمري م عيشت فيها لغايه ما يوم جاني اتصال من عم ذكي وكان ببكي بلغني انو زوجتو اتوفت وكان حزين شديد انا زاتي قلبي انقطع وبكيت بكا ومشيت ليهم عزيتهم ولاقيت منال عم ذكي حكا ليها بي وهي زاتا خجلت تقول ليهو بعرفها اليوم داك قيلت معاهم وطلعت متاخره نادر اخوي شاكلني وحرم علي المرقه تاني وبقيت م بمرق وعم ذكي كل مره بتصل يطمئن علي وعلي اخواني يوم فاجأني بالكلام قال لي نوسه انا عايز اتزوجك واجيبك معاي هنا في بيتي وتربي اخوانك م بحرمك منهم وان شاء الله ربنا يرزق لي منك جنا انا من زمان كان نفسي في جنا بس كنت بحب زوجتي شديد م عايز اكسر خاطرها انا بقيت محتاره بين اتنين سيف الماعارفاهو متزوج ولا لا وحبي ليهو وبين راجل قبل بي وبي اخواني اوافق عليهو واربي اخواني في حياه نظيفه وابعد من حياه المعاناه دي ولا اصل لي سيف ونتزوج انتو رايكم شنو …….يتبع

 

 

• لقراءة باقي فصول الرواية أضغط على (رواية رغبة في الإنتقام)