رواية رغبة في الإنتقام الفصل العاشر 10 بقلم نوسة حمد
رواية رغبة في الإنتقام الفصل العاشر 10 بقلم نوسة حمد
البارت العاشر
#رغبة_في_الانتقام10
#نوسه حمد
اميمه اختي بقت واقفه جنب ابوي وهو يسلم عليها انا خلاص قلبي وقف لو قبلت علي ابوي ح يعرفني ح يعرفني حتي وانا مغطيه وشي نهاي م رفعت راسي وهو اقول لي يا بت بتك دي واقفه في طريق العربات تعالي امسكيها عملت فيها نفسي ما سامعاهو اتصلت لمهند قلت ليهو مهند انت وين م عرفت الوصف الوصفتو ليك قال لي عرفتو وانا قربت ليك فشنو ي نوسه تتكلمي كده قلت ليهو ابوي م تابعت كلمه ابوي سمح ابوي بقا اقول لي ي بت انتي م سامعه امسكي بتك دي وهي كانت متعابطه فيهو عباطه ما رديت ولا اتلفت فجاه سمعت صوت مهند وراي سلم عليهو وشال منو اميمه قال ليهو مرتك دي ساعه اتكلم معاها ابت تتلف علي قال ليهو معليش مرتي طرشه وابوي بقا واقف كانو حاسي بشي انا نهاي ما اتلفت عليهو مهند مسكني من يدي وساقني ومشينا لمن بعدنا شويه فكاني واعتزر لي قال لي انا اسف اني مسكت يدك قلت ليهو لا عادي وفتحت وشي وحالتي كانت صعبه عرقي نازل من وشي مهند قال لي نوسه معقوله بتخافي منو للدرجه دي قلت ليهو انا م خايفه منو بس خايفه علي مستقبل اخواني انا والله قنعتا كده كده مستقبلي ضايع بس خايفه يعمل الفي راسو ويعرس لي واخواني يتبهدلو قال لي ما بتجيكم عوجه بأذن الله قال لي هسي نحنا نمش وين قلت ليهو نمش مكان نادر كان قاعد انت تسال الرجال الشغالين هناك نعرفو في اي قسم قال لي جدا مشينا هناك مهند قعدني في مطعم وفات بعد زمن جاني قال لي وصفو لي ودقيقه خلينا ناكل حاجه ونتحرك طلب لينا اكل اكلنا وطلع تلفوناتو اتصل علي كميه من الناس قال لي قومي ارح في صاحبي ضابط 👮♀️ منتظرنا قلت ليهو تمام ركبنا ومشينا لقيناهو واقف لينا بره القسم سلم علي مهند وعرفو بي وبدينا نحكي ليهو عن الحاصل قال لينا تمام نشوف القضيه الممسوكين فيها لو حاجه بسيطه انا بطلعو بكفاله قلنا ليهو تمام. مشينا معاهو واتكلم مع الضباط وعرف المشكلة شنو قالو انهم بلطجيه وناس السوق مضررين منهم واستحاله يطلعوهم الضابط حاول معاهم بس رفضو دخلني ليهو قلت ليهو اخوي مريض نفسي وكان بتعالج وامي كانت مهتمه بيهو بس ربنا شال امانتو بعد وفاه امي اخوي طلع ووصل للفيهو هسي دا قالو لي جيبي شهاده من المصحه الكان بتعالج فيها وتاني نشوف البحصل شنو مهند قال لي بتعرفي الدكتور قلت ليهو اي مره كان مشيت مع امي قال لي تمام ارح نمشي من مكانا داك ومعاي الضابط زاتو ركبنا عربيه ومشينا الدكتور قطعنا تزكره ودخلنا الدكتور من شافني اتزكر قال لي كيفكم اها اخوك بقا كيف وان شالله خير الوالده تاني ما جابتو العياده قلت ليهو امي اتوفت الله يرحمها واخوي بعد وفاه امي طلع وبقينا في مشكله اكبر حكيت ليهو الحاصل قال لي اخوك لازم يتعالج اخوك داخل في صدمه من تعامل ابوك معاكم ممكن عديل يصل مرحله يقتل ابوك غلبني اقول ليهو فعلا ناوي علي كده قلت ليهو هسي هو مسجون لانو اتلما ليهو علي شماسه وناس السوق اضررو منهم بلغو فيهم وهسي محجوزين والضابط قال ما بطلعو وانا عايزه اطلعو واسوقو معاي حلفا قال لي طيب انا ح اكتب ليك تقرير اعرضي علي الشرطه وان شالله بيطلع بس يا بتي بعد يطلع لازم اخوك يتعالج قلت ليهو حاضر ان شالله شيلنا التقرير اديناهو للضابط ومشينا القسم لقينا الضابط قاعد منتتظرنا واديناهو التقرير صورو ورسلو لطبيب شغال معاهم وبقينا منتظرين وطلعو نادر اخوي بالتقرير الطبي نادر لمن شافني م اتكلم معاي كنت منتظره رده فعل عكس الشفتها مهند سلم عليهو سلم بكل ادب طلعنا من القسم وشكرنا الضابط مهند قال لينا نمشي المينا لو لقينا بص نتحرك طوالي لو م لقينا نبيت في الميناء زاتو والصبح نتحرك المهم مشينا المينا ولحسن حظنا لقينا بص وحجزنا وركبنا نادر قال لي دا منو قلت ليهو ديل الاولاد الساعدوني قال لي كيف حكيت ليهو بقا ساكت وقال لي تاني ما القاك معاهو ما تقولي انا روحتا ولا زفت حسيتو متوتر انا بقيت دموعي في عيوني ومبسوطه قلت ليهو انا عايزاك تحميني وتحمي اخوانك انا محتاجه ليك قال لي نوسه هسي انتي مالك بتبكي قشي دموعك ديل وتاني م اشوفهن وانا معاك وان شالله عوجه م بتجينا قلت ليهو ولا ح تنتقم من ابوي ابتسم وقال لي لازم اخد تار امي قلت ليهو نادر تار شنو امي ماتت ف الولاده قال لي كان انتي بتنسي انا م بنسا امي كانت بتترجا فيهو عشان ينادي ليها الدايه وهو للاسف الطغيان جاري في دمو انا مستحيل اخليهو زي ما امي ماتت موته زي دي هو يموت زيها انا قلبي بقا ادق بس اتزكرت كلام الدكتور قال لي اخوك لسه محتاج علاج ما حبيت احاورو في الكلام كتير لانو كان غضبان قلت مع مرور الزمن بقدر اقنعو حمدت ربنا انو اقتنع وجا معاي وصلنا نص الليل مشينا مع مهند بيتهم امو يا حليلا صحت ف الليل داك وعملت لينا اكل اكلنا وشيلنا اخواني ومشينا البيت مهند قال لي نادر بكره بجي اسوقك معاي السوق حسيت نادر زهجان من مهند ومهند طيب ولد خدوم وكريم ونادر لو ما فهمو صاح دي ح تبقا مشكله الوحيدين المدو لي يدهم بعد وصلنا قلت ليهو نادر انا مرتاحه نفسيا امي وصتني عليكم عليك الله اوعدني ما ح نفترق نربي اخوانا قال لي ان شاء الله ما بفارقكم الا بعد انتقم ما حاورتو كتير وكاني م سمعتو وقلت لازم اوضح ليهو الحقيقه من الاول وبقيت احكي ليهو بحركه ابوي الكان ح يعملا ولغايه ما عم احمد قال لي سوقي اخوانك واهربي ربنا كريم عليكم وحكيت ليهو بناس مهند ووقفتهم معاي وبي خيلاني الخزلوني ميه مره وطلبت منو يحترمهم قال لي انا م عندي مشكله بس ما القاك معاهم تاني فهمتي انتي عرضي كيف م اخاف عليك واغير قلت ليهو ان شاء الله يا نادر م ح تشوف مننا الا الانت عايزو لاحظت لي نادر عندو زي رجفه كده قال لي م تركزي ماف شي ونام طوالي اخواني طبعا ما شافو نادر نايمين كانو نادر شال اختي ومهند شال اخوي واميمه اصلا كانت معاي انا بقيت مبسوطه ودموعي مغرقاني كان نفسي امي تشوف نادر كويس وغرقت في النوم م صحيت الا بصوت اخواني يكوروكو وفرحانين بشوفه نادر وهو فرحان اكتر منهم منظر كان مريح شديد ❤️ قومت عملت ليهم الشاي ولبسو ونادر قدمهم لغايه المدرسه وجا داخل معاهو مهند مهند قال لي نادر اخوك دا ح اشغلو معاي مهيد ممتحن ومافاضي للشغل قلت ليهو م عندي مشكله هو رايو شنو قال ليهو موافق ونادر م كان عندو ملابس مهند مشا جاب ليهو ملابس غير وطلع انا ضميري بقا مرتاح.
عم احمد اتصل علي وشكلو تعبان شديد وانا كنت فرحانه بحكي ليهو بي نادر قال لي الحمد لله قلت ليهو كيف انت قال لي والله انا م كويس حالي كل يوم ماشي أسوأ اتصلت عشان اقول ليك انا ضميري مأنبني والموت م معروف عايز اكلم ابوك بالحقيقه ……يتبع
- لقراءة باقي فصول الرواية أضغط على (رواية رغبة في الإنتقام)
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)