رواية ويفيد بآي الندم الفصل التاسع عشر 19 بقلم حنين هاني

البارت التاسع عشر

بارت19
سليم. ايوه متبصيش كده انا فعلا عارف كل حاجه
كيان بصدمه. اي؟ ازاي وعرفت منين هي طنط شاهنده حكتلك
سليم. لا ماما محكتش حاجه بصراحه انا يوم مكنتي مع ماما كنت معدي ووقفت علي صوت عياطك ويعني اتشديت اعرف انتي بتعيطي ليه
بصتلو وهي مزهوله طيب هو عارف ازاي اتجوزني. طيب ازاي
سليم. متستغربيش كده بصي ياكيان انا مش هخبي ليكي
انا فعلا اتشديت ليكي بس كل مافتكر الحقيقه وانك غلطي غلطه بشعه زي دي استحقر نفسي مش هكدب عليكي بس ارجع واقول ان ميخصنيش ماضيكي ويخصني من ساعت ماتكتبي علي اسمي بس انا بردو راجل وشعوري اني احس اني قبلت بحاجه زي كده ممكن تقتلني طبعا هتقولي مدام كل ده اتجوزتني ليه هقولك عشان لقتني بتشدلك عرفت قد اي انتي ملتزمه وطيبه وكل حاجه فيكي كويسه قولت مش هاخد الذنب ده بكل حاجه فاهو بس انا طالب. منك فتره احازل اتخطي الفكره دي عشان اقدر اتعايش معاكي وانا عرفت كل حاجه عنك وبردو سبب انا اتجوزتك بالسرعه. دي عشان مش قادر اشوفك بتبهدلي اكتر من كده و حاجه كمان
بصتلو وهي مش عارفه هي بتحلم ولا حقيقه
سليم. حاولي تكسبني عشان اقدر اتخطي المرحلة دي وميكنش في حاجز بنا عن اذنك وسابها ودخل البلكونه تاني
غمضت عنيهت بوجع كبير
صحيح الكلام وجعها لانو السبب غلطها بس ثانيه
معقول انسان يكون عارف حقيقه شخص وغلط وهو يروح يطلبو للجواز
هي احترمتو كانت متوقعه ردة فعل اوحش من كده بس فعلا البني ادمين انواع
ياشخص يتطلع خاين لمجرد انك ثقتي فيه
ياشخص ياطلع متربي ويشيل غلطة حد تاني
اه ياربي شكلي لسه مش هرتاح دلوقتي
وبصت في اثرو
يمكن تكون طيب بس اكيد شخصيتك صعبه
شكلي كده هتعب معاك وراحت نامت من كتر التعب
***************
عنيها سرحت في النوم وهي بتعملي وسانده علي ايدها والتانيه علي وشو فاق من النوم بص عليها لقاها نايمه وبتعملو كمادات بص ليها وسرح فيها
عمار. اي ده ملامحه حلوه اوي وهاديه يخربيتك جمالك اول مره اخد بالي انك حلوه كده ولا النمش الخفيف الي علي خدودك
فضل سرحان فيها لغايت ملاقها بتتحرك رجع عمل نفسو نايم
صحيت زينب
زينب. اه يايديي انا نمت كل ده وبعدين رجعت حطت ايدها علي راسها تتطمن عليه
اوف الحمدلله حرارتو نزلت وجت عشان تقوم لقتو بيشدها ايدها لحضنو وعامل نفسو نايم وحركها الناحيه التانيه
زينب. اي ده هو طمعان في ايدي ولا اي حاول عمار ميضحكش عشان يشوفها هتعمل اي
وحاولت تشد ايدها بص هو ماسكها جامد
زينب. وبعدين بقا وقالت بهمس عمار عمار
عمار. امم
زينب. انتا ماسك ايدي
عمار. شوووشو وهوب راح شدها ووقعت لحضنو وحضنها وهو لسه ماسك ايدها اتصدمت من الي عملو ومبقتش سامعه غير دقات قلبها كان نفسو يشوف ملامحها دلوقتي بس هو مش عارف اصلا عمل كدا ليه بس عجبو الوضع وحط ايدو حاوطها من ضهرها ونام في حضنها بتملك
حاولت تقوم بس كان نايم بتقلو
فضلت انفاسها عاليه جدا وهو مستمتع بكدا بس في الاخر استلمت وبدات تهدا والغريب ان قلبها بيدق باحساس اول مره تحسو محستهوش قبل كدا حته ولا لياسين فضلت تفكر لغايت ماعنيها راحت في النوم لما خس بيها عمار انها نامت فتح عينا وفضل باصص لملامحها وحط ايدو علي وشها وفضل يملس عليه وهو في حاجه من جواه بتشدو يعمل كده وفي الاخر خدها في حضنو جامد واعد يمش في ريحتة شعرها ويستنشق عبرها وهو مرتاح نفسيا وهو قريب منها وفي الاخر نام هو كمان بس المره دي نايم مرتاح مش زي الايام الي فاتت من ساعت الي حصل وهو مش بينام كويس علي طول تفكير تفكير بس المره دي كانت مختلفه نام وهو مرتاح نسي الدنيا ونام في حضنها
**********
وعدا اليوم بسلام
في الصباح
**********
منصور. وهي عامله ايه
مرفت. فرحانه وبتقولي البيت الي اعدت في جميل جداً ومرتاحه اوي
منصور. طيب الحمدلله وهتبدا شغل امتا
مرفت. قالتلي انها هتروح عشان في اختبارات بتتعمل وبعدين تبدا الشغل
منصور. علي خير ان شاءلله وقامو علي صوت الباب الي بيدق جامد
مرفت. الله ومين الي بيخبط كده
منصور. اما اروح اشوف وراح فتح منصور
علاء بعصبيه. صحيح الي سمعتو دي هي بنتك سابت البلد ومشيت
منصور. وانتا دخلك ياجدع انتا
علاء. لا ليا بنتك مش هتكون لحد غيري وهتفضل في طوعي وانا مش هسمحلها تتطلع بره البلد دي
منصور. لا ده انتا شكلك اتجنتت علي الاخر انتا كمان جاي تتهدني في بيتي اما انك انسان بجح صح مكفكش الي عملتو فيها عايز اي دلوقتي ايدها اترفدت جاي ليه
علاء. جاي اقولك ان بنتك دي هتكوني ليا غصبن عنها انا علاء ولما بحط حاجه في دماغي بعملها خليك فاكر كلامي ده كويس
منصور. اعلا مافي خيالك اركبو
علاء. هتشوف اي الي هيحصل لما لقيها واجبها ليك وهي مراتي وانا هعرف ازاي القيها كويس وسابو ومشي
منصور. اتفوه علي الي جابك
مرفت. يامراري انا خايفه للمجنون ده فعلا يعمل حاجه لبت لو لاقها
منصور. طيب وهو هيوصلها ازاي
مرفت. مصيبه لو كان ممشي حد وراها لغايت القاهره
منصور. تفتكري متقلقيش بنتك قويه ومش هتسمح لحد ياذيها وحاول يهديها بالكلام وهو فعلا دماغو بتجيبو توديه
**********
واحد. ياباشا اخنا تعبنا من اللف
كريم. خلاص ارجعو انتو
واحد تاني. طب وانتا هتعمل ايه
كريم. مش عارف بس كل الي اعرفو اني مش هينفع اخش بالبلد غير ونا معايا كيان
واحد. انا خلاص تعبت من كتر الف
كريم بجمود. قولت خلاص ارجعو وانا هدور عليها
واحد. وانتا هتفضل لوحدك
كريم. اه ويلا بقا وفعلا سبوه ومشيو
وبعدين ياكيان ادور علكيي فين تاني روحتي فين ياكل حياتي قلبي موجوع في بعدك اوي انا بتعرف اني ظلمتك اوي بس ارجعيلي وانا هصلح كل غلطي ارجعليي ياكل دنيتي ودمعه خانتو ونزلت وفتح فونو وبص لصوره كانو متصورينها سوا هي واقفه ماسكه البوكيه وهو واقفه بيبصلها بحب
انا غبي بسبب غبائي ضيعت اكتر انسانه حبتها انا غبي
ضاعت اكتر حد كان بيفهمني قبل ماتكلم ضاع احن شخص عليا ضاع سبب فرحتي وضحكتي ارجعلي بقا ياكيان انا اسف يانور عيني ضيعتك مني بسبب غبائي بس لا لازم الاقيكي مش هيأس ابدا حته لو فضلت ادور عليكي الباقي من عمري لازم الاقيكي يانور عيني(نيهييهاييييي ميعرفش انو نور عينو اصلا اتجوزت
لحظة ندم بعنوان هيجلييي موجوع دموعو تعبااه😅🤡)
************
زين. ده ياصباح النشاط والرياضه
كارما. اهو بسلي نفسي عشان انسا التعب قام حضنها من ضهرها
زين. الف سلامه عليكي ياروح قلبي بس خلي بالك عشان متتعبيش
كارما. حاضر انا اصلا بعمل شوية تمارين خفيفه
زين. ماشي ياروحي موطر اسيبك بقا عشان انزل الشغل وممكن اتاخر النهارده
كارما. مع ان مش بحب اعد من غير بس يلا روح شغلك روح يابطلي كده وخوف المتهمين منك
زين باسها من خدها. ده عشان خاطر عيونك هقبلهم متوحش
كارما بضحك. لا مش لدرجه
زين. انا قولت كده بردو وسابها وراح غير عشان ينزل
زين. كرملتي هتنزلي معايا ولا هتنامي
كارما. لا هنام
زين. ماشي ياروحي خلي بالك من نفسك كويس ياروحي انا نازل ونزل وهي رجعت كملت نوم من التعب نازل على السلم وقف علي صوت رنا
رنا. زين
زين. في سرو أصبحنا وصبح الملك لله وبصلها خير
رنا. صباح الخير
زين. صباح النور عاوزه حاجه
رنا. ممكن توصلني في طريقك
زين. لا متاخر
رنا. بليز يازين
زين. قولتلك لا متاخر
رنا. بليز عشان خاطري
زين. طيب اتفضلي ومشيت وراه وراكبو العربيه وهو مش طايقها
*******
صحيت لقتو لسه نايم وحضنها وهو مستسلم تماما للنوم وسرخت في ملامحو وهي باصه ليه ملامحو هاديه وهو نايم وهو فتح عينه وبصلها
عمار. بتبصلي كده ليه عارف اني حلو
زينب قامت على طول. هاا ابدا ده انا كنت راحه اصحيك وسرحت
عمار. منا عارف انك سرحتي في جمالي
زينب. مغرور اوي على فكره وعشان تدراي كسوفها خدت هدوم وراحت الحمام على طول وهو قام وهو نشط حاسس انو كان بقالو كتيرر مش بينام طلعت زينب. رايح في حته
عمار. اه رايح الكليه
زينب. اوكي وانا نازله الشغل
عمار. ماشي وراح فتح الدرج وطلع فلوس وراح حطها قدامها اتفضلي دول خليهم معاكي
زينب. لا معايا
عمار. الي معاكي ميخصنيش الي يخصني الي بدهولك
زينب. طيب ماشي وخدتهم ومشيت بس قبل ماتنزل بصتلو وابتسمت وهو رد الابتسامه ونزلت لقت ياسين في الجنينه
ياسين. صباح الخير يامرات اخويا
زينب. صباح النور
ياسين. صحيح اي اخبار الجواز مبسوطه بعندك صح
زينب. حطه لو ميخصكش اني اقولك يابن عمي
ياسين عنديه اوي وعندك وداكي في داهيه
كانت حوريه صحيت وطلعت تقف في البلكونة وشافتهم وهي مستغربه ازاي واقفه مع اخوه جوزها وبتتكلم معاها عادي وده لان متعرفش انهم ولاد عم وباصه وهي مركزه عليهم
زينب. قولتلك بردو انو ميخصكش
ياسين. تعرفي يازينب انا مبسوط اني متجوزتكيش بصتلو بستغراب
اه مش تستغربي مش عارف ليه بس مبقاش ليه مشاعر نحيتك مشاعري انتي قتليتها
زينب. ده احسن ليا وليك
ياسين. سلام يامرات اخويا وبصلها باصه خاليه من المشاعر وهو نفس الكلام
وبعدين مشيت هي كمان وكل ده واقفه حوريه بتتفرج عليهم الي فات علي صوت الفون
حوريه. اي ياحبيبتي
مرفت. اي ياحوريه انتي كويسه
حوريه. اه ياحبيبتي وانتي عامله ايه
مرفت. مش كويسه خالص
حوريه. ليه بس في اي
مرفت.********ده شكلو مجنون انا خايفه عليكي منو
حوريه. ياماما خضيتني انا افتكرت موضوع كبير ولا جرالك حاجه انتي او بابا فكك منو ياحبيبتي حته لو فكر يعملي حاجه انا مش هسكتلو
مرفت. ماشي ياحبيبتي خلي بالك من نفسك كويس وقفلت
حوريه. وبعدين معاك انتا شكلك مش ناوي تجبها لبر معايا مكفكش الي عملتو واعدت تفكر وبعدين دخلت لبست عشان تروح المقابله الي شاهندي قالتها عليها
*******
صحي سليم وهو لسه نايم ومغطيه وشها بالغطا
سليم. حد ينام وهو مغطي وشو كده وراح شال الغطا عشان يصحيها وبصلها لقا شعرها مفرود علي المخده ومتنعكش وهي نايمه في سابع نومه
سليم. اه ياقلبي يالي مش قادر علي الجمال ده يخربيتك ده انتي تسحري طيب دي الواحد يمسك نفسو قدامها كده ازاي
يارب الصبر من عندك وبصلها بصه كمان
لا لا قلبي مش مستحمل وبعدين ياااه هو كل يوم هصحا علي الجمال ده كلو لوحدي لا ده الحمدلله انها منبقه ومحدش بيشوفها وبعدين افتكر اه يابن. ياعمار شافها بقا هو شافها من غير نقاب
لا اهدا ياسليم هي كانت تعبانه وهو دكتور
لا بس برضو هو شافها وبعدين بقا في ام الصرعات دي وخد نفس وبدا يصحيها بجمود لما اتمالك اعصابو
سليم. كيان كيان اصحي فتحت كيان عيونها وبصلتو ورجعت نامت تاني
سليم. لا لا ده كده الموضوع مش نافع ورجع خد نفس تاني وصحها
كيان كيان اصحي يلا
فتحت عيونها والمره دي صحيت فعلا وقامت اتعدلت
كيان. هو انا نمت كتيرر
سليم. لا مش اوي يعني فوقي يلا
كيان. حاضر
سليم يخربيت ام الرقه. ماشي انا نازل الشغل
كيان. ينفع اسالك سوال
سليم. اتفضلي
كيان. انتا بتشتغل اي
سليم. بشتغل في العقارات
كيان. اه تمام وسكتت وبعدين رجعت بصت ليه
هو انا ينفع اطلب منك طلب
سليم. اتفضلي
كيان. انا قدمت في كذا كليه ومحدش قبلني هو انتا ممكن تساعدني انتا مش عارف انا قد بحب شغلي
بصلها واتكلم. تمام هاتي ورقك وانا هتصرف نطتت من السرير بفرحه بجد
سليم. ايوه وجريت جابت الورق
كيان. اتفضل
سليم. ماشي مع السلامه ونزل
كيان. مالو ده الله وقلدتو ماشي مع السلامه نينيهييييي وراحت بقا عشان تصلي وتنزل فاهي المفروض تكسب العيله دي كلها
*********
زينب. يوووه بقا هو كل يوم بتطني توجعني وسابت الشغل الي في ايدها وهي تعبانه لا انا مش قادره انا هروح اكشف عشان تعبتت بقا ولمت حاجاتها ونزلت كانت راحه للعربيه بس وقفت تاكس
السواق. علي فين يامدام
زينب. علي المستشفى ولا اقولك اطلع على كلية القاهره
السواق. حاضر ومشي
هدي. والله يابني كل حاجه تتحل بس اهم حاجه لازم تقطع معاهم
عمار. والله مكنت متيخل ان يجي يوم ويحصل كده من اقرب اتنين كانو ليا
هدي. نصحتك كتيرر اوي ياعمار بس انتا الي مكنتش شايف فيهم عيب
عمار. يلا اهو ادينا اكشتفتهم جواهم حقد عمري ماشوفتو في حد وصلت بيهم انهم عايزني ابقا مدمن
هدي. الحمدلله ان ربنا ستر
عمار. الحمدلله مش عارف يابت ياهدي من غير كنت هتكلم مع مين فيكي حاجه لله كده
هدي. عشان تعرف بس الهيي يطمر
عمار. ياستي يتردلك في فرحك
هدي. انا قررت الاعتزال ومش هتجوز
عمار. اه وهتفضي اعده في اربيزنا بقا واحنا مش مستحملين
هدي. اي ده للدرجه دي يابني اخص
ضحك عمار واعدو يتكلمو شويه فا هي هدي دي صديقتو من ايام الطفولة وبير اسرارو ولما مجموعو مجبش طب دخلت هي معاه صيداله عشان ميبعدوش عن بعد
زينب. تمام شكرا ووقفت قدام الجامعه وطلعت فونها ورنت عليها
بص للفون استغرب اول مره ترن عليه
عمار. الو
زينب. انا بره الكليه اطلع
عمار. في اي
زينب. اطلع بس
عمار. ماشي وقفل
هدي. في اي
عمار. مش عارف زينب بره و وبتقولي اطلع يلا بينا
هدي. المره دي بقا عليا انا
عمار. بس يابت وطلع حاسب وطلعو سوا وهي واقفه
عمار. بس بقا انتي اي رايك
هدي. والله انتا هتتعب بس اكيد هيبقي الموضوع كويس جدا
عمار. بتفهمي بردو وضحكو سوا
زينب. لا والله ماهو بيضحك اهو وبعدين مين دي وطالع معاها كده ليه
شافها عمار وراح ليها
عمار. في اي
زينب وهي باصه لهدي. عاوزك نروح مشوار سوا
عمار. ماشي يلا
هدي. طيب هستاذن انا بقا
عمار. تعالي هوصلك زينب دي هدي زميلتي ودي زينب بنت عمي
مدت هدي ايدها. اهلا وسهلا
زينب. ومراتو اهلا بيكي
استغرب حركتها
هدي. اه منا عارفه عمار قالي انو اتجوز
زينب. والله طيب كويس انك عرفتي انو متجوز حست هدي من كلامها بحاجه
هدي. احمم طيب عن اذنكم فرصه سعيده يازينب
عمار. تعالي يابنتي هوصلك
هدي. لا مالهوش لزوم
عمار. قولت اركبي وكل ده وهي باصه لزينب وهي مش طايقه نفسها اصلا ومشي وهما مشيو وراه
هدي في نفسها. والله ياعمار لوريك يالهوي دي هتكلني
راحت زينب وركبت وقفلت الباب بصوت عالي
وركبت هدي ورا طلع وساق عشان يوصل هدي الي عارف بيتها وكمان قريب من الجامعه وهي متابعه كلامهم الي موقفش عن الكليه وكده وهي كل ده شايطه وهي مش عارفه السبب
زينب. انا مالي مايولع
عمار. يلا حمدالله على السلامة
هدي. الله يسلمك شكرا فرصه سعيده يازينب
زينب. انا اسعد ونزلت
عمار. ابقي ابعتي المحاضرات
هدي. حاضر هبعتهم على الوتس على طول
زينب. لا ده كده كتيرر كمان وتس طيب ماشي ومشيت هدي
عمار. هااا في اي ومشوار اي
زينب. والله لسه فاكر لا كتر خيرك
عمار. اي يابنتي في اي وبعدين مش كنتي بتعملي الشغل حصل اي وفين عربيتك
زينب. في الشغل تعبت ومقدرتش اسوق فاجتلك توديني المستشفى
عمار. مالك
زينب. مش عارفه بطني بقالها فتره كده بتوجعني اوي وصداع وبحس الضغط واطي
عمار. ماشي وراح علي المستشفى ونزلو سوا وقطع كشف ليها واستنو الدور وبعدين دخلت
الدكتوره. ها احكيلي عن الاعراض الي بتحصلك
زينب. بطني بقالها فتره بيجلي وجع كانها بتتقطع وكمان صداع ولما بقوم علي طول بتمسكني دوخه جامده ممكن تعد دقيقه او اكتر
الدكتوره. تمام في حاجه تاني
زينب. لا بس كده
الدكتوره. حضرتك متجوزه بصت زينب لعمار الي قدامها اي المخزي من السوال يعني بس ردت ايوه
الدكتوره. بقالك قد اي
زينب. يعني ممكن داخله في شهر
الدكتوره. تمام اطلعي علي السرير وطلعت وشاورت علي مكان الوجع وبعدين عملت ليها سونار
الدكتوره. زي ماتوقعت يامدام زينب مبروك انتي حامل في تلت اسابيع
نزلت صدمه عليه. حامل
الدكتوره. ايوه مبروك ياستاذ انا هكتب ليكي علي تحاليل تعمليها وهكتبلك علي علاج دلوقتي عقبال ما التحاليل دي تطلع وهحولك على دكتور نسا وتوليد
قامت زينب وحست بشعور حلو اوي راحت سمعت كلام الدكتوره وهي بتقولها علي نصايح وكل ده وهو في حته تانيه
الدكتوره. الف مبروك مره تانيه
ونزلو وهو مش سامع غير كلمة مبروك حامل زي ماوقعت نزلو وفتح العربيه وركب وهي كانت لسه هتركب بس استغربت هدوءو اي معقول مش فرحان اه ماهو اكيد كان هيطلقني عشان خاطر الاستاذه صح وركبت وهو مش في الدنيا اصلا
زينب. هو انتا مالك كده علي فكره لو حاطط في دماغك انك هتطلقني عشان تتجوز صحبتك دي انا معنديش مشاكل وابني وبنتي انا هربيه كويس ومش عاوزه منك حاجه
بصلها هو ده الي هي بتفكر فيه غبيه وبعدين بصلها تاني
عمار. زينب هو انتي مسامحني
اتنهدت زينب وبعدين بصتلو. اه ياعمار انا سمحتك علي الي حصل ومع ان الحمل ده جيه بالغصب وغير متوقع بس انا لما سمعت الخبر مش عارفه اوصف فرحتي كانت اخر حاجه ممكن اتوقعها اني اكون حامل
بصلها وسكتت وبعدين دور العربيه عشان يمشي
زينب. اقف عند صيداليه عشان اجيب العلاج
عمار. هاتي الروچته وبليل هجيبو ليكي
زينب. علي فكره الامر عادي انا معايا فلوس
عمار. قولتلك فلوسك دي لنفسك وهاتي الروچته بليل وانا راجع من الشغل هيجبو ليكي
زينب. طيب هتوديني فين
عمار. هروحك عشان ورايا شغل
زينب. ماشي وحطت ايدها على بطنها وحضنتها وغمضت عينها وبصلها عمار وهو مش عارف اي الي هيحصل في الي جاي
…..
بارت20
رنا بتسفزار. لا بس مكنتش اتوقع انك يوم متجوز تتكون كارما العاميه من قلت وقبل متكمل كلامها رد عليها بعصبيه
زين. اخرسي يارنا اوعا دماغك توزك بس انك تغلطي فيها انتي فاهمه
رنا. عادي يعني بتكلم معايا يازين وبعدين انتا مش وعدتني بالجواز واحنا صغيرين مكنتش اعرف انك بترجع في كلامك
ولحد هنا طفح الكيل ووقف العربيه جامد
زين بعصبيه. لما تجي تتكلمي اعرفي انتي بتتكلمي مع مين انتي فاهمه وبعدين مبقاش غيرك انتي واتجوزك واه لو كنت بقول كنت بقول عشان تحلي عن دماغي بس اصلا موعدتكيش بالجواز ومن الاخر يارنا حركات مش تمام او خبث هتزعلي من وساعتها هعرفك بقا ساعتها ازاي لعبتي مع زين وانزلي عشان انا مش هستحمل تكوني معايا في العربيه
رنا. انتا هتنزلني بجد
زين. انجزي
رنا. ماشي يازين ونزلت واول مانزلت طلع بالعربيه بسرعه
ماشي يازين انا هوريك بقا وحيات امي ماهنينك في حياتك انتا والعاميه بقا تسبني انا وتببص لي دي قال كنت بقول كده عشان خاطر تحلي عن دماغي
تمام انا بقا جيت ومورايش غيرك انتا والعاميه بتاعتك ولو مكنتش ليا عادي بس مش هتكونو لبعد ومشيت وهي الحقد مالي قلبها
********
سهير. اي ده انتي اي الي جابك بدري
زينب. مفيش تعبت وعمار جبني انا طالعه انام
وطلعت من غير كلام
تهاني بستغراب. هو مش زينب وياسين كانو بيحبو بعض
شوقي. لا ياتهاني ده كان كلام زينب دلوقتي بقت مرات عمار وياريت محدش يتفتح الموضوع ده تاني
تهاني. ماشي ياحبيبي الي تحبو
يونس. صباح الخير
تهاني. صباح النور ياحبيبي اي رايح فين كده
يونس. رايح مشوار كده مقابلة شغل
شوقي. ربنا يعينك ياحبيبي ها ناوي تعمل اي
يونس. منا لسه هشوف ماهو ده المشوار واحده منزله اعلان انها عاوزه شريك يشاركها الشركه بتاعت بابها ولسه هشوف الدنيا بقا
شوقي. ربنا يعينك ياحبيبي يلاخدني معاك انا كمان رايح اشوف اعملو اي في المعمل
يونس. يلا طيب وخدو معاه
شاهنده ياختي هو مفيش دم
سهير. في اي ياختي
شاهنده. تعالو نطلع نشوف البت الي تعبانه دي
جميله. والله عندك حق يلا وطلعو ودخلو اوضة زينب الي كانت اعده علي طرف السرير بنفس هدومها وسرحانه وهي حاطه ايدها على بطنها وسرحانه دخلو التلاته ومحستش بيهم وبردو بنفس الوضع بصو لبعدهم بستغراب
جميله. زينب ياحبيبتي
زينب. هاا اي ده دخلتو امتا
سهير. اسمالله عليكي ياقلب امك احنا بقالنا شويه واقفين
شاهنده. وسعي ياختي منك ليها كتك الارف بلا فايده وراحت حضنت البت
مالك ياحبيبتي في حاجه حصلت طلعت زينب من حضنها وبصت عليها وحطت ايدها على بطنها واتكلمت بهدوء
زينب. انا حامل
وقع الخبر علي الكل طبعا هما توقعو انها هتقول هتنزلو بس حاولو يدو ردة فعل طبيعي
جميله. ده يانهار ابيض لولوليييييي
سهير. مبروك ياروح قلب امك
شاهنده. بس منك ليها وبصت لزينب طيب وانتي شايفه الخبر ده يخليكي زعلانه بالطريقة دي
زينب. لا ماهو المشكله مش فيا
انا لما سمعت الخبر نسيت كل حاجه ومكنش فيه غير فرحه في قلبي لغايت ماشوفت وش عمار الي مكنش مكنيش مبين. اي ردة فعل كانو اتصدم
جميله. يعني اي مش فاهمين حاجه
بصتلها زينب. يعني شكل ابنك كان هيتجوز زميلتو بس تقريبا الخبر الي سمعو لغبط كل افكارو
جميله. ازاي بس الكلام ده عمار لو في حاجه بيقول
زينب. والله بقا شوفي ابنك بس لو كنتو شفتوه في الوقت ده كنت هتعرفو ليه بقول كده
شاهنده. سيبك منو المهم انتي مبسوطه
نسيت كل الحزن والفرحخ ظهرت
مش قادره اوصف فرحتي بجد مكنتش اتوقع التعب الي فيه يكون حمل بس احساس حلو اوي
اعدو جمبها يفرحو لفرحتها واتنهدت سهير براحه كانت فاكره انها عاوزه تسقط وبعدين نزلو وسبوها ترتاح
********
المدير. مدام شاهنده فعلا مكدبتش علينا انتي بجد نموذج هيكون مشرف للمدرسه
حوريه. مش عارفه اقولك ايه علي كلامك ده بس ان شاءلله هكون ديما قد الثقه دي
المدير. وده العشم بردو ياستاذ انا حوريه احنا هنمضي معاكي قعد بمدة سنه وفي خلال السنه دي طبعا لازم نشوف نموذج مشرف وبعد كده هتكون معانا علي طول
حوريه. ان شاءلله حضرتك ومضت الورق واتفقت علي كل حاجه وحاسه ان ربنا عوضها بخطوه جديده وجميله في حياتها وبعدين نزلت واعدت تتمشا وهي بتبص علي الاماكن ونفسيتها مرتاحه وبعد كتيرر من اللف والفرجه معرفتش هي فين المناظر الحلوه شدتها لغايت مبقتش عارفه هي فين
حوريه. ياخرابي انا توهتت انا دخلت مين ياربي هيعيط
لو سمحت اي قلة الزوق دي وجت توقف حد تسالو بردو مردش
اي الناس دي كتكم القرف مش عاوزه حاجه وبعدين طلعت فونها ورنت علي كيان الي كانت اعده معاهم تحت
كيان. اي ياحبيبتي
حوريه. كيان الحقيني
كيان بخضه. اي في اي انتي كويسه
حوريه. لا انا توهتت ومش عارفه انا فين خالص ومحدش راضي يقف ويقولي انا فين هيعيط ياكيان
كيان. توهتي ازاي ولا مشتيي ازاي
حوريه. مش عارفه طلعت من المدرسه قولت اتمشا وبعدين لقيتني بمشي في شوارع شكلها حلو وفضلت ماشيه لغايت مدحلت مناطق كتيرر تعالييي خدينيي انا خوفت
كيان. طيب حاولي تسالي اي حد اسم المكان انا كده يعني هوصلك ازاي
حوريه. استني هسال تاني
لو سمحت يووه لو سمحت هو اي الناس دي محدش عايز يقف
كيان. طيب حاولي تتطلعي من المكان الي دخلتي منو
حوريه. مش عارفه انا مشيت ومخدش بالي تعالي خدينيي انا عاوزه اروح بيتنا انا غلطانه اني سمعت كلامك وجيت وفعلا خلاص كانت علي وشك العياط
كيان. انا جايه ياحوريه ياحبيبتي متقلقيش وقفلت
طنط شاهنده ممكن تجي معايا
شاهنده. هو في اي بس
كيان. حوريه تاهتت ومش عارفه هي فين
جميله. طيب بس اهدي ياسين خلص شغلو خليها تبعتك اللوكيشن ونبعتو ليه ويروح يجيبها
كيان. طيب ماشي ورنت عليها
حوريه. اي انتي فين
كيان. هو انا لحقت ابعتي اللوكيشن الي تنتي فين
حوريه. حاضر عشان خاطري مش تتاخري
كيان. متقلقيش ياحبيبتي وقفلت وخدت اللوكيشن وبعتو لياسين الي راح عشان يجيبها ويخدها فرصه يضايق فيها بعد تلت ساعه كان بيدور عليها في الشارع ولقاها واقفه وباين علي وشها التوتر وقف قدامها وفتح الشباك وبصلها من تحت النضاره اركبي
حوريه. اي ده هو انتا فين كيان
ياسين. اركبي انجزي عشان الطريق راحت تركب وهي مضايقه
ياسين. مش عيب واحده في سنك تتوه كده كانها طفله
حوريه. بقولك ايه ياض انتا حلك من دماغي وبعدين انا متطلبتش منك المساعدة اصلا
ياسين. علي اساس انا الي روحت عيطت لكيان وقولتلها الحقيني انا تايهه تعالي خدييني انا هيعيط وخوفتي وقبلتي عيله طبعا هو ميعرفش كل الكلام ده هو كان تخمين امو كلمتو وقالتلو روح هاتها لانها تاهتت ميعرفش ان ده حصل
حوريه. بقولك ايه ملكش دعوه اصلا وانا كلامي مع كيان انها حكتلك علي الموضوع وانها اصلا كلمتك انتا تجيي انتا مستفز متوقعش كل الي قالو ده حصل كان اصلا بيستفزها وبصت ناحيت الشباك وهي مضايقه
حس انو كده هيعمل مشكله بين الاختين
ياسين. احم حوريه بصي انا اسف انا بس كنت بستفزك اصلا كيان مش اتكلمت معايا ماما هي الي كلمتني
بصراحه كنت برخم مش اكتر انا اسف ياستي بصتلو وهزت راسها
حوريه. تمام مفيش حاجه
ياسين. طيب انا شايف. من ساعت ماتقابلنا واحنا مش طايقيين بعض خالص اي رايك نبقا فريند
حوريه. مع اني مبحبش كده عشان بشوف الشباب ديما بتكون ملزقه في الصحوبيه بس شكلك محترم شويه اوكي فريند
ياسين. بعد القصيده دي اوكي وبعدين ليه واخده عاطل علي باطل
حوريه. بعيد عنك مشوفتش واحد عدل سوري في اللفظ بس كلهم فعلا ولا بلاش
ياسين. ده شكل سيرتنا متشوه عندك خالص
حوريه. حقيقه ايوه وضحكت بص علي ضحكتها كده وابتسم من جواه
طيب احكيلي عن نفسك
حوريه. شوفت مش قولت انكم صنف واحد
ياسين. كل ده عشان بقولك احكيلي عن نفسك
حوريه. ايوه الاول احكيلي عن نفسك وبعدين في حد في حياتك طيب انا عاوز ابقا مقرب ليكي اكتر طيب نتجي نروح في مكان كذا طيب بقولك ايه انا بحبك مفيش تغير
ياسين. اي اي اسطوانه وفتحت اي كل ده كل ده عشان بقولك عرفيني عن نفسك خلاص مش عايز اعرف بس خلي بالك صوابعك مش كلها شبهه بعض
حوريه. لا انتا من سلالة الرجاله يعني فيك طبعهم
ياسين. مش عارف حاسس ان حد كان في حياتك معقدك من الصنف كلو
حوريه. ده مش بس كرهني في الصنف بتاعكو تؤتؤ ده كرهني في الدنيا كلها
ياسين. اي كنتي بتحبي ابو لهب ولا اي
حوريه. تصدق انا هحكيلك وهعترف في الاخر اني عندي حق بص ياسيديي**********************وده كل الي حصل تفتكر بعد الي حصل ده هل امان لراجل في حياتي
ياسين. بعيد عن اي حاجه بس ده لا يمكن يكون انسان عادي بس هو سوال يعني في الاول كنتي متقبله الوضع لغايت ماعرفتي سنو
حوريه. يعني بنسبة 70في الميه اه لاني شايفه انو انسان كويس محترم بيعامل الاطفال بحب فا لما جيه كلمني ودخل البيت وعرف بابا وعرفت سنو اتصدمت ورفضت بكل ادب واحترام لكن بقا شيطانو غلبو لغايت ماحبو ده قبل باذي
ياسين. امممم حقيقي موضوع غريب ازاي واحد يجيلو قلب يهدد اطفال
حوريه. وحصل
ياسين. بس تعرفي اول مره يعني اشوف واحده مش بتحب الي بيكون اكبر منها بشويه ده يعني كتيرر بيقولو اخدو كبير عشان يكون عاقل وارتاح
حوريه. لا افضل يكون قريب مني في السن نعدي مراحل عمرنا مع بعض محسش انو الفرق ده هيعمل حاجز ويتشارك كل حاجه بحبها انتا فاهم قصدي
ياسين. فاهم وجهةة نظرك حلوه اوي
حوريه. مرسيي
ياسين. بقولك تعالي هعزمك علي كوفي
حوريه. اممم وده بمناسبة اي
ياسين. الصداقه الي بدات من النهارده وبصلها بتسامه وخدها وراح يشربو قهوهه
*********
علي العصر
روح سليم دخل رما السلام وبص لكيان الي بصتلو بتوتر وندا عليها وطلعو
كيان بتوتر. عاوز حاجه
سليم. يعني جوزك جيه المفروض تحضري ليه الحمام وتتطلعي ليه هدوم وكده يعني قلعت النقاب وهي بتبصلو
كيان. حضرتك بتحب تعيش في دور سي السيد
سليم بستغراب. مش فاهم
كيان. لا اصل كده ده دور سي السيد وانا مبحبش كده
قرب عليها سليم وخلع القميص
اومال بتحبي اي بس
كيان. اي ده انتا بتقرب لي
سليم. اصلي معجب عندك مانع
بصتلو كيان وسرحت فيه وهو بص لعيونها وسرح هو كمان ولسه بيقرب منها لغايت ماوقفتو بايدها
كيان. كفايه انتا بتقرب ليه
سليم بخبث. انتي مش مراتي يبقا اقرب راحتي ولا انتي شايفه غير كده
كيان. ها بس بس اصل
سليم. اصل اي افهم من كده انك بتمنعنيي من حقي عليكي هو ده الي تعملتيه في الدين انك تنمعي جوزك ياستاذه منو حقو عليكي وراح بعد عمتا مكنتش هقرب اصلا وسابها ودخل وبعدين طلع وهو بياخد هدومو
كيان. علي فكره انا مكنش قصدي انا بس
سليم. مش داعي للمبرارت لاني مش هصدق اي حاجه
تقربيا كده شكل الحب القديم لسه مقصر فيكي وسابها وخرج وهو متعصب سمعت كده واتصدمت وعنيها دمعت واعدت تعيط
*********
خلص شغل وجاب اكل وجبلها العلاج وروح من غير مايتكلم مع حد او حد يشوفو طلع ودخل حط الحاجه على الطربيزه وبص عليها لقاها نايمه وباين عليها التعب وراح بص عليها وحط ايدو علي خدها وقامت هي بخضه
عمار. اي اهدي في اي
زينب. لا مفيش اصلي نمت وانا تعبانه فاتخضيت
عمار. طيب اهدي مفيش حاجه خدي اشربي وشربها بقولك ايه بصتلو زينب بمعني اي
انا جبت اكل وجبتلك معايا تعالي ناكل سوا عشان جعان بصتلو بتسامه وقامت معاه
عمار. اعدي وشد ايدها واعدها جمبو
بصي ده العلاج وبدا يشرحلها كل علاء بيتاخد امتا بصتلو وهي مش عارفه هو مبسوط ولا مش مبسوط مش عارفه حاجه نظرة عيونو خاليه من اي حاجه ممكن تتقال
زينب. عمار
عمار. نعم
زينب. ينفع اسالك سوال
عمار. عارف هتقولي اي وبصلها بصي يازينب انا لسه مش مستوعب مكدبش عليكي
مش عارف استوعب اصلا الي حصل يعني في يوم وليله ولقيت كل حاجه اتحولت تماما انا اذيتك ومعترف بغلطي وعشان حطه اقدر اصلحو حاولت وقولت احاول اخليكي تمسحيني فا لما سمعت الخبر ده خوفت اني اسبب ليكي وجع اكتر من الي سببتو خايف ان اجي اسمع كلمة عاوزة انزلو ساعتها هكرهه نفسي انا وصلتك لمرحلة انك كاره بنتك او ابنك الي في بطنك
مثلا خلفتي واتقبلتي الامر خايف لما تجي تبصي في وشهم تفتكري كل حاجه تفتكري وانا بعذبك وانتي بتحاولي بكل قوتك تبعديني تفتكري ان اقذر انسان تعرفيته في حياتك وساعتها يبدا حبك ده يتحول لكرهه لما تفتكري كل لحظه بتعديي وانتي بتتعذبي وانا السبب فيها انا اسف على الوجع الي هسببو ليكي عارف اني قذر اوي بس والله انا مكنتش في وعي
حطت زينب ايدها على ايدو وبصتلو. بس انتا مش وحش وياريت متقولش علي نفسك كده تاني وانا سماحتك ياعمار من يوم مشوفتك ندمان هو الموضوع كان صعب شويه واني اتقبل الفكره ان حياتي في لحظه اتقبلت بس انا سامحتك من بدري وانا لما عرفت الخبر مش فاكره اصلا سبب الاساسي انا كل الي فكرت فيه ان جوه بطني في روح وبعدين هتكبر ولما اولد تبقا قدام عيني يعني خلاص انا نسيت الحوار تماما صدقني بصلها بتسامه
زينب. احم يعني انتا الصبح مكنتش زعلان لما عرفت عشان مش هتتجوز صحبتك
عمار. لا طبعا وبعدين مسمهاش صحبتك اسمها اننا زمايل وبعدين انا وهي اصلا مفيش بينا غير صداقه واخوه وبس ولو زي مابتقولي كنت خطبتها من زمان اوي اصل هي مش معرفت سنه ولا اتنين دي معرفت سنين وياريت تقفلي علي الموضوع بقا
زينب. يعني بس كده
عمار. ايو في اي
زينب. يعني اصل اصل
عمار بشك. اصل اي
زينب. اصل قولت لمك لما عرفت موضوع الحمل اضايقت عشان كنت هتطلقني وتتجوز صحبتك دي
بصلها بزهول. يعني انتي مخك الف واخرج وحكا السيناريو
زينب. بالظبط
عمار. تمام مفيش اي حاجه انا هسكت يلا عشان ناكل وراح طلع الاكل الي اول ماريحتو طلعت حست ان بطنها قابله عليها
زينب. اي ده ابعد بسرعه وجريت علي الحمام علي طول قام وراها وكانت بترجع دخل وراها راخت زقتو
زينب بتعب. اطلع بره انتا انا كويسه
عمار. اطلع اي انتي عبيطه وقرب منها وسندها في حضنو وهي لسه بترجع وواقف معاها وبعدين غسل وشها وطلعها
اعدها علي السرير
عمار. هديتي اسف مكنتش اعرف انك هتتعبي من الاكل كده
زينب بتعب. مفيش حاجه انا كويسه
عمار. هنزل اجبلك حاجه سخنه ونزل وهي فضلت باصه في اثرو وفرحانه للاهتمام اكتر حاجه فرحتها انو مقرفش منها وفضل واقف ساندها
وبعدين حطت اديها علي بطنها واتكلمت
شكلي كده هحب ابوك او ابوكي وهقع وقعه محدش هيحلقني منها
واستوبببب بقا علي كده
يلا بسرعه عاوزه رايكم
يتبع

لقراءة باقي فصول الرواية اضغط على (رواية ويفيد بآي الندم)

____

لو عاوز تقرأ الفصول الجديدة من الرواية دي بشكل حصري قبل صدورها

أنضم لقناتنا على تليجرام (من هنا)

البارت التاسع عشر

اترك تعليقاً إلغاء الرد