رواية تشابك أرواح كاملة – جميع الفصول في مكان واحد | بقلم هبة أحمد

رواية تشابك أرواح كاملة – جميع الفصول في مكان واحد | بقلم هبة أحمد

رواية تشابك أرواح هي رواية من روايات الكاتبة هبة أحمد التي تألقت في كتابتها وأبدعت بشكل كبير جدًا، وتعد من أقوى الروايات التي يتم قراءتها في الفترة الاخيرة على الرغم من أنها نُرشت للمرة الأولى في عام 2022 ولهذا نوفرها لكم كاملة اليوم للقراءة المباشرة في صفحة واحدة.

اقرأ ايضًا:

• رواية أمنية ضائعة كاملة – جميع الفصول في مكان واحد | بقلم ديانا ماريا

رواية تشابك أرواح الفصل الأول

_ هننبسط ايه في الجو دا ياشيخه قولي كلام غير دا .. بس انا هوافق تدري ليش لأني زهقت من البيت

يلا هاتيلنا ورقتين وقلم واكتبي اللي هقولك عليه

_ سمعينا ياست رحمه قولي

_ برجاء التكرم من سيادتكم بالموافقه علي منحي اجازه من يوم 20/1 الي يوم 25/1 ………….

يلا هاتي بقي الورقتين دول وانا هروح اقدمهم وانزل اجيب حاجه نشربها بس فالمقابل ياسلمي هتخلصيلي كل الشغل بتاعي دا عشان مش هينفع نمشي ونسيبه وانا بصراحه مودي وحش مش عايزه اشتغل

صوت الباب بيتقفل

_ انتي يابت يا رحمه طب اديني فرصه ارفض طيب ..ايه الصحاب دي ياربي كل دا عشان نسافر يومين منك لله يارحمه

…….

تعالي اقعدي معايا النهارده بقي ياسلمي عشان نطلع بكره بدري

_ ماشي هروح اجيب شنطتي واجيلك

_ روحت البيت وقولت اعمل اكل خفيف علي ماسلمي تيجي .. حقيقي البيت بقي كئيب اوي من يوم وفاة ماما وانا لوحدي .. انا اصلا دايما لوحدي ماليش اخوات ولا حتي كان ليا صحاب غير لما اشتغلت عرفت سلمي.. بس امي كانت ماليه عليا حياتي حقيقي مكنتش اتمني ابدا انها تروح مني كان نفسي تفضل عايشه طول العمر بس هي كانت تعبانه اوي في الفتره الاخيره اكيد هي مرتاحه هناك اكتر .. الله يرحمها

_مسكت الموبايل وفتحت الشات بتاعنا وكتبت … تفتكر ليه كل حاجه بنحبها لازم تسيبنا وتمشي

امي وحشتني اوي ياحمزه اكيد هي في مكان احسن دلوقتي صح ..بس برده ليه تمشي ليه متفضلش موجوده علي طول هي كانت بتهون عليا حاجات كتير اوي .. انت كمان ليه تمشي وتسبني ها ليه

عارفه انك دلوقتي هتقولي انا ممشيتش انتي اللي اجبرتيني اني امشي والكلام دا بس صدقني انت اللي وصلتني لكده اصلا انت لو بتحبني مكنتش زعلتني

صوت جرس الباب بيرن .. قفلت الموبايل بسرعه كأن خايفه حد يشوفني وقومت افتح

_ يابت انتي ايه مابتصدقي تحطي ايدك ع الجرس ارحميني شويه احنا لسه ايامنا طويله مع بعض خفي شويه ها

_ والله يا رحمه هو انا كده اذا كان عاجبك طب والله انا عاملالك بهجه في حياتك ياكئيبه ياعدوة الفرحه

طب خشي ياختي خلينا ناكل وننام عشان نلحق القطر

_ خشي انتي هاتي الاكل دانا حتي ضيفتك ياشيخه وهاتي موبايلك اتصور عليه

_ هاتلاقيه عندك ع السفره

دخلت اجيب الاكل وطلعت لقيت سلمي حاطه الموبايل قدامها ع السفره وبصالي بشر

_ انتي لسه بتبعتي لحمزه يارحمه

_ حمزه ايه مين اللي قالك

_ والله الشات بتاعكو اللي انتي سايباه مفتوح هو اللي بيقول مش انا مينفعش اللي انتي بتعمليه دا خالص انا قولت انتي خلاص بدأتي تنسي ليه بتعملي كده في نفسك دا ميستاهلكيش دا واحد باعك وراح لواحده متستاهلش اوهمته انها بتحبه عشان فلوسه ايه يخلي واحده متجوزه تتطلق من جوزها وتتجوزه غير انها ست مش كويسه .. صدقيني حمزه نفسه مسيره هيكتشف حقيقتها بس الوقت ساعتها هيكون فات .. زي ماباعت جوزها هتبيعه بس بعد ماتكون خدت اللي وراه واللي قدامه .. فوقي لنفسك انتي مش واخده بالك من الناس اللي بيحبوكي ومعلقه نفسك بحمزه دا اساسا انتو عمركو ماكنتو شبه بعض .. وهو كان بيستغل حبك ليه .. انا تعبت منك يارحمه بجد بقالي قد ايه بقول الكلام دا وانتي مفيش فايده فيكي … انا هقوم انام احسن لو فضلت قاعده قدامك كده هقولك كلام يزعلك

قامت سلمي ودخلت الاوضه وانا فضلت ابص علي السراب سرحت لأيام حلوه كنا فيها مع بعض وقعدت اقول لنفسي مش معقول دا كله كان كدب بس فوقت علي صوت سلمي وهي بتقولي انتي مش واخده بالك من الناس اللي بيحبوكي

مين اللي بيحبني معقول في حد بيحبني وانا مش حاسه ..للدرجادي هو شاغل تفكيري لدرجة انو مش مخليني شايفه اللي حواليا

فضلت قاعده ع السفره وقت طويل لحد ماالفجر اذن قومت اتوضيت وصليت ودعيت ربنا انو يشيلو من عقلي وقلبي .. دعيت ربنا اني انساه

قومت دخلت الاوضه وصحيت سلمي عشان نلبس

_ حقك عليا متزعليش بس والله غصب عني انا بس بحاول اطلع اللي جوايا في الشات مش اكتر انتي يعني شوفتيني كلمته

_ وانتي كمان كنتي عايزه تكلميه ياست رحمه دانا كنت طلعت عينك من مكانها والله

_لو بتحبيني بجد ادعيلي انساه مش تعليلي في صوتك والشويتين اللي عملتيهم بالليل دول خلي بالك انا سكتلك عشان مكنتش قادره اتخانق مش اكتر

_ يعني مش عشان كنتي غلطانه

_ تؤتؤ اطلاقا

… لبسنا ونزلنا عشان نلحق القطر اللي رايح اسكندريه الجو مكانش وحش اوي بس مكانش احسن حاجه

ركبنا القطر وكنت واخده روايه معايا حطيت الهاند فري في ودني ومسكت الروايه وبصيت علي سلمي بصه اخيره وهي بتروح في النوم ضحكت وحطيت وشي في الروايه مفوقتش غير والقطر بيقف والناس بتنزل

صحيت سلمي ونزلنا من القطر

لقيتها بتشد ايدي وبتقولي شوفي من هناك مش دا استاذ غيث استخبي بقي ليشوفنا ويدينا شغل هنا كمان نخلصه

_ استخبي من مين ياعبيطه احنا في اجازه ياماما يعني هو مالوش اي سلطه علينا دلوقتي .. يعني تحطي ايدك في جيبك كده وتعدي من قدامه ولا يهمك اي حاجه .. بصي تعالي ورايا هنسلم عليه

_ استني انتي ساحباني فين .. بقولك استني.. هتودينا في داهيه يخربيتك

_ مستر غيث ازي حضرتك

_ انسه رحمه عامله ايه .. اخبارك ايه يااستاذه سلمي

_ احنا كويسين الحمدلله

_ خير في حاجه ولا ايه

_ سلمي ردت : لا مفيش احنا في اجازه اصلا اوعي تقولي في شغل احنا جايين نستريح

اتكيت علي اديها جامد بأنها تسكت بس مفيش فايده

_لا انا مش جاي في شغل اصلا دا في حفله في الفندق اللي تبع الشركه هنا عشان الصفقه الجديده وانا جاي عشان كده .. اجازه سعيده

_ ميرسي يامستر غيث .. نستأذن حضرتك عشان نلحق احنا

_ انتو نازلين فين صحيح

_ هنشوف شقه لسه

_ وليه شقه تعالو ع الفندق تبع الشركه علي طول ومتقلقوش في خصم كبير للموظفين

_لا ميرسي يامستر احنا هنشوف شقه قريبه من البحر احسن

_ بقولك فندق الشركه تقوليلي شقه يارحمه

يلا هاتو الشنط وتعالو هنلاقي العربيه واقفه بره

استسلمنا لكلامه وشال معانا الشنط وطلعنا لاقينا العربيه واقفه والسواق بيفتحلنا الباب ركبنا انا وسلمي والاستاذ غيث والسواق دخلو الشنط

تفتكري الفندق هيبقي احلي من الشقه ياسلمي انا كنت حابه نكون براحتنا

_ هو الاكيد ان الفندق احسن كفايه اننا مش هنطبخ انا عارفه انك كنتي هتقرفينا بموضوع الاكل دا واسكتي بقي احسن يسمعنا

الحقيقه هو كان مركز اوي مع الموبايل وكل شويه يجيله مكالمه

_ هو حضرتك في اجازه يامستر غيث ولا شغل

_ لا ياانسه سلمي انا في اجازه بس ليه بتسألي

_ اصل حضرتك حتي وانت في اجازه بتشتغل يعني بصراحه دا الواحد مابيصدق ياخد يوم اجازه عشان يفصل وحضرتك برده شغال يعني مش عارفه اقول لحضرتك ايه للدرجادي الشغل مهم في حياتك

كان لسه هيرد بس العربيه وقفت فقال وصلنا

نزلنا من العربيه ودخلنا الفندق .. المكان كان حلو اوي وهادي ومريح قعدنا في الريسيبشن ومستر غيث جابلنا مفتاح الاوض بس احنا صممنا انا وسلمي نقعد مع بعض في اوضه واحده اصل هتبقي اجازه ازاي يعني وكل واحد قاعد في اوضه

اخدنا المفتاح وطلعنا

اول ما دخلت وقفت في البلكونه المنظر كان حلو اوي الجو كان برد والبحر كان موجه عالي عمال يخبط في الصخور وقلبي كان بيتنفض من مكانه

سلمي كانت بتحط هدومنا في الدولاب وانا حقيقي كنت بستمتع بالمنظر

فوقت علي صوت سلمي وهي بتقول

_ مش قولتلك الجو هيعجبك

_ انا مبحبش البرد بحس ان قلبي بيوجعني من لسعة البرد دي بخاف وجسمي بيقشعر .. الشتا بيفكرني بيه وانا مش عايزه افتكره .. كان بيفضل الشتا وكان دايما بيقولي اني شبه المطر لما بروح مكان بخليه اجمل زي المطر لما بينزل ع الارض بيرويها ويخليها احسن واجمل

_ انتي هتقلبيها نكد يارحمه ابوس ايدك فكي خلينا ننزل ننبسط شويه يلا

_ نزلنا من الاوضه وكنا بنسأل علي مكان المطعم في الريسيبشن بس قابلنا مستر غيث تحت

_ جعانين اكيد .. انا كمان رايح المطعم تحبو نروح سوا انا لوحدي مش معايا حد

مكانش عندي مشكله انو يجي اه مش كارهه وجوده بس مش حابه انو يكون موجود اوي يعني عايزه انا وسلمي نكون براحتنا كنت لسه هقوله مش عايزين نزعج حضرتك واخلع بشياكه بس سلمي اتسحبت من لسانها وقالتله _ ياريت والله نتشرف بحضرتك

_ كان نفسي ساعتها اديها علي دماغها والله بس سكت مشيت وراهم للمطعم وقعدنا وطلبنا الاكل

_سلمي كانت بتتكلم معاه في اي حاجه وكل حاجه وانا كنت بتفرج عليهم وساكته كنت حاسه ان في حاجه هتحصل ومستنياها تحصل

استأذنت منهم وقومت ادخل الحمام … وانا بغسل ايدي سمعت واحده بتتكلم مع واحد بصوت عالي نسبيا مكانش قصدي اسمعهم بس شكلها ونبرة صوتها خلوني اتلفت ليها وبالذات وانا بقفل الباب وانا خارجه لما قالت حمزه لازم يمضي بكره اوعي تسيبه يمشي من غير مايمضي علي البيع

كان قلبي بيدق جامد كالعاده لما بسمع اسمه بس حمدت ربنا اني خرجت استغفرت ربنا وبصيت للسما وشاورت علي قلبي ودعيت وقولت مش هيخرج من هنا بقي ولا ايه

لسه بتحرك لاقتني خبطت في حد

نزلت اجيب شنطتي اللي وقعت وانا بقول

_ انا اسفه والله انا بس كنت بكلم ربنا في موضوع كده

_ رحمه ….

الصوت دخل في قلبي والله كأن كل اللي كنت بعمله طول الايام اللي فاتت دا ضاع اول مانطق اسمي علي لسانه وبعدين دانا لسه بدعي يارب لسه بقول خرجه من قلبي مفيش ثواني الاقيه في وشي …. اكيد دي علامه…

كنت خايفه ارفع راسي لفوق اشوفه كنت حاسه اني بحلم كان نفسي اختفي اي حاجه تحصل تخليني امشي ومشوفهوش دموعي كانت هتنزل مجرد ماحسيت ان هو اللي بيتكلم انا فضلت ع الارض خايفه اقوم خايفه ارفع راسي لفوق ….

يتبع…

رواية تشابك أرواح الفصل الثاني

غمضت عيني يمكن اكون بحلم وهصحي من الحلم دا .. اصل اشمعن يعني لما اقرر انساه يطلع قدامي

اخدت شنطتي من ع الارض وبصيت لإيده اللي ماددها عشان اسند عليها واقوم كان فيها دبلتي .. اه دبلتي لسه موجوده فيها .. مش هنسي ابدا يوم مانزلنا نختار الشبكه بتاعتي مع امي وباقي عيلته وهربنا منهم وسط الزحمه عشان نختار دبلته لوحدنا .. ولما اختارناها وقال لصاحب المحل يحفر اسمي عليها .. الذكريات دي كلها جات في دماغي في اقل من الثانيه لدرجة اني اتهزيت وانا بقف وببص علي ايه الممدوده ليا وكنت هقع تاني بس مسكت دماغي .. معرفش امتي وازاي حصل بس لقيت عيني بقت في عنيه .. انا اصلا عمري مابصيت في عينيه واحنا مع بعض كنت بتحرج او بخاف معرفش .. بس انا دلوقتي قدامه وباصه في عنيه وهو كمان شايفني ومركز في عيني .. كنت عايزه اجري اهرب حد يشدني يخرجني من هنا .. انا اتحبست بس مش جوه المكان لا انا اتحبست جوه عنيه .. مش عارفه اطلع.. جوايا مشاعر متضاربه ومليون حاجه بتقولي دا خاين ومليون حاجه غيرها بتقولي بس بتحبيه

مفوقتش غير علي صوته وهو بيقولي رحمه انتي كويسه

هزيت دماغي واتنهدت بصعوبه وقولتله اه تمام

_ انتي جايه ليه هنا

_ تبع الشركه

_ انا مبسوط اوي اني شوفتك

كنت لسه هرد بس لاقيت باب الحمام اتفتح وواحده طالعه بتقوله معلش اتأخرت عليك ياحمزه

_ لوهله عقلي ترجم انها اكيد مراته انا اه مشوفتهاش قبل كده بس ربكته اول ماشافها وخوفه بتقول انها اكيد مراته … بس اللي اخدت بالي منه وعقلي ترجمه وسط كل اللي بيحصل دا ان دي الست اللي كانت جوه في الحمام

عملت نفسي بنفض هدومي واعتذرتله اني مكنتش واخده بالي لما خبطنا في بعض ومشيت

_مقدرتش ارجع عند سلمي ومستر غيث كان نفسي اتنفس بعد ماحسيت ان المكان ضيق عليا اوي في وجوده لدرجة اني مش عارفه اتنفس في مكان هو فيه .. دي كانت اول مره اشوفه بعد ماسبنا بعض .. اوقات كنت بتمني اني اشوفه او احتي المحه بس مكانش بيحصل .. اشمعن النهارده لما قررت اتخطاه وانسي الاقيه في وشي

سألت نفسي للمره المليون هو انتي ليه بتعملي كل حاجه وعكسها انتي بتحبيه ولا بتكرهيه

لاقيت ايد بتتحط علي كتفي فاتخضيت بصيت ورايا لقيت سلمي بتقولي..

_ قولي بقي انك عايزه تقعدي ع البسين

_ لا والله مش كده انا حسيت اني تعبانه فجيت اشم هوا انا اسفه يامستر غيث ممكن ندخل انا بقيت احسن

_ بجد حاسه نفسك كويسه .. انتي بتتعبي دايما كده يعني ولا اول مره

_ لا هي اول مره بس ممكن يكون ارهاق من السفر وكده متشغلش بالك يامستر

_ بصيت لسلمي اللي كانت مركزه معايا تركيز غريب وحاولت اتفادي نظراتها ليا

مستر غيث مشي قدامنا وهي شدتني من ايدي لحد ماهو سبق عننا بكتير

_ وشك مصفر كده ليه يارحمه انطقي .. وكمان عنيكي كأنك هتعيطي .. هو في حد زعلك

_ انا شوفته .. هو هنا .. في نفس المكان اللي انا فيه بيتنفس نفس الهوا اللي بتنفسه .. يمكن يكون شايفني دلوقتي كمان .. حمزه هنا ياسلمي

بصتلي بجمود وقالت _ طب وايه يعني هنا هيفرق معانا ايه يعني .. وجوده من عدمه ميشغلناش يارحمه .. اوعي تكوني كلمتيه

_ ملحقتش .. قصدي مراته جات يعني فانا مشيت .. اصلا مكنتش هرد … يوووه بقي انتي بتبصيلي كده متخوفنيش .. مستر غيث بينادي يلا وبعدين هكملك يلا…

انا كنت بهرب منها .. لو حكتلها اللي حصل هتقول اني غلطانه .. انا معملتش حاجه دا رد فعل تلقائي والله هي سلمي علي طول مكبره المواضيع كده

دخلنا المطعم تاني .. كنت بحاول اعمل ان الموضوع مش فارقلي عشان سلمي متاخدش بالها فاتكلمت مع مستر غيث كتير .. كنت فاكره انو مبيعرفش يعمل حاجه غير الشغل بس طلع بيهزر وعنده سنان اهو وبيضحك كمان ماشاء الله .. حقيقي الناس اللي ماسكين مناصب في شعلهم دول الله يكون في عونهم

_ تحبو تحضرو الحفله بكره

بصيت لسلمي بعد مامستر غيث عرض علينا نحضر الحفله لقيتها هي كمان بتبصلي كأنها بتسألني

حرك عينه بينا احنا الاتنين وقال تمام منتظركو بكره .. همشي انا بقي عشان ورايا شغل

_الراجل دا ذوق والله انا كنت هموت واحضر يارحمه

_ لا متموتيش قبل ماتفكري هتلبسي ايه بكره يافالحه احنا ادبسنا وش .. حفله زي دي عايزه لبس وتجهيزات كتير واحنا جايين نأنتخ وبصراحه كده معييش فلوس لفساتين .. اتصرفي انتي بقي

_ احنا اصلا لو جبنا فستاتين مش هيبقي معانا فلوس ندفع حجز الاوتيل

_ شوفتي بقي يبقي مش هينفع احنا هنعتذرله بكره الصبح

… طلعنا نتفسح شويه في حوالين الاوتيل وقعدنا ع البحر سوا انا وسلمي .. كنت خايفه تفاتحني في موضوع حمزه بس هي متكلمتش خالص .. احنا الاتنين ساكتين واكتفينا اننا نبص ع البحر ونتفرج علي الغروب

بعد لف كتير طلعنا الاوضه عشان ننام

كانت سلمي في الحمام وانا كنت واقفه في البلكونه مستنياها تطلع

باب الاوضه خبط .. طلعت عشان افتح لاقيت…..

يتبع…

رواية تشابك أرواح الفصل الثالث

باب الاوضه خبط .. طلعت عشان افتح لاقيت بنوته في اواخر العشرينات ابتسمتلي وقالت مستر غيث بعتني لحضرتك عشان الحفله

_ ايوه بس احنا مش هينفع نحضر .. قصدي يعني كنا هنعتذرله عشان ورانا حاجات تانيه .. طيب ممكن تتفضلي جوه ثواني بس وانا هتصل عليه ابلغه

.. دخلت البنت الاوضه وخبطت علي سلمي عشان تخرج من الحمام وقولتلها ان في ناس تبع الشركه بره

مسكت موبايلي ورنيت علي مستر غيث

_ خلصتو ولا لسه

_ لا حضرتك احنا معملناش حاجه اصلا .. احنا بنعتذر مش هنقدر نحضر

_ مش هينفع يارحمه انا عملت حسابي انكو هتكونو موجودين مفيش اعتذارات دا شغل مش لعب .. انتو هتكونو معايا وعايز عينكو تبقي عليا دايما عشان هحتاجكو انكو تستقبلو الناس وكمان تتكلمو معاهم في حاجات تخص شركتنا .. وقبل ماتقوليلي ان دا مش شغلك او انكو في اجازه .. انا بطلب دا بصفه شخصيه لأني شايف ان اسلوبك انتي وسلمي كويس جدا وهينفعني بكره .. البنت اللي جاتلك هتاخد مقاساتكو عشان اللبس واي حاجه هتقوليلها عليها هي هتنفذها وياريت بسرعه لأن الحفله بكره يعني فاضل عليها ساعات بس

قفل في وشي

بصيت للموبايل كام ثانيه وحطيته ع الترابيزه اللي قدامي وقولت للبنت ابدأي خدي مقاسات سلمي علي مااعمل حاجه وجايه

سبتهم ودخلت البلكونه وفضلت الف حوالين نفسي واشتم علي مستر غيث .. دا حتي مدانيش فرصه اعترض او اوافق .. ايه المعامله دي .. طب والله بعد الحفله لهقوله ان المعامله دي متنفعش معانا خالص ..

دخلت الاوضه لقيت سلمي عماله تقول للبنت علي ستايل الفستان اللي هي عايزاه … بعدها بدأت تاخد مقاساتي انا كمان واتفقنا علي فستان بسيط لونه ازرق

مشيت البنت وبعدها حكيت لسلمي اللي حصل وانا دمي محروق وهي كانت طايره من السعاده عشان هتحضر الحفله

اليوم عدي وكان لازم ننام عشان الحفله بكره

غمضت عيني وحلمت بحمزه بيمد ايديه ليا وانا خايفه امسكها وايده دي كان كلها شوك والشوك بيزيد كل ماالوقت بيعدي

صحيت من النوم مفزوعه واتوضيت وصليت الفجر وكانت سلمي لسه نايمه .. نزلت ع البحر

كان مستر غيث واقف هناك هو كمان

وقفت ع الجهه التانيه وعملت نفسي مخدتش بالي منه لحد مالقيت حمزه قدامي

ابتسملي وقعد

_ لو قولتلك اسف عمرها ماهتفيد بحاجه صح

_ اه صح

_ لسه مبتحبيش كلمة اسف

_ مالهاش معني .. مبتصلحش حاجه اتكسرت

_ عندك حق يا رحمه

_ انا مش مرتاح .. من يوم مابعدنا وانا حياتي متلخبطه .. مش عارف اعيش كويس .. مش لاقي معني لحياتي وانتي بعيده .. انا عارف اني غلطان بس صدقيني الموضوع مكانش زي مانتي فاكره ..

_ ممكن منتكلمش في الموضوع دا .. وانساني ياحمزه لأني تقريبا نسيتك ..

_ انا عارف انك بتقولي كده عشان ابعد بس انا لسه …

كان لسه هيكمل بس صوت مراته خلاه يسكت ووشه يحمر اول ماسمعها بتنادي باسمه

دي تاني مره اشوفه خايف منها بالشكل دا

بس المره دي لاقيتها بتوجهلي الكلام وبتقولي

_ دي تاني مره اشوفك واقفه معاه .. انتي مين بالظبط وعايزه منه ايه

_ اولا هو اللي واقف معايا مش انا اللي واقفه معاه وبعدين جوزك دا ميلزمنيش في حاجه.. كان معايا ياحبيبتي وسبتهولك .. اشبعي بيه

قولت الكلام دا وانا نفسي الطشها قلمين الصفرا دي خطافة الرجاله

صوتنا ابتدي يعلي وهي بترد عليا وحمزه واقف مش عارف ياخد موقف ولا يتصرف لحد ما مستر غيث جه علي صوتنا

وقف وسطنا وقال في حاجه يارحمه

ردت مرات حمزه وقالت

_ انت تعرف الاشكال دي منين يااستاذ غيث

_ معلش يامدام هند بس دي رحمه موظفه عندنا في الشركه ومن احسن الناس عندنا وكمان انا اعرفها معرفه شخصيه .. خير بس ايه اللي حصل

_ يامستر غيث الست دي مش محترمه انت تعرفها منين دي جايه لحد عندي تتخانق معايا انا مش فاهمه فين مشكلتها اصلا

حمزه اتكلم وقال

_ انا اسف ياجماعه دا سوء تفاهم انا بعتذر ياغيث عن اللي حصل .. اشوفك بالليل في الحفله

واخدت مراته ومشي

_ هو جاي الحفله بالليل

_ ايوه دا من ضمن الشركات اللي اتعاقدنا معاهم

_ هو في ايه يارحمه فهميني كنتو بتتخانقو ليه

_ حمزه كان خطيبي

_ وبعدين

_ سابني عشان هند اوهمته انها بتحبه بس الحقيقه انها عايزاه عشان فلوسه

_ ومين اللي قالك كده

_ احساسي دي مش منظر واحده بتحب .. وبعدين دا بيخاف منها يامستر انت مش شايف شكله بيبقي عامل ازاي في وجودها

قولت كده وانا بضحك جامد عشان افتكرت شكله

ضحك مستر غيث وقالي عندك حق بس طالما كده متزعليش عليه كده هو ميستاهلكيش

_ مانا عارفه بس انا زعلانه علي حالي مش اكتر

كان لسه هيتكلم بس قطع كلامه رنه موبايلي وكانت من سلمي

_ رحمه البنت بتاعة الفساتين هنا وعايزاكي عشان تشوفي الفستان

_ حاضر جايه

_ معلش يامستر غيث هقوم عشان هعمل بروفه للفستان

_ تمام تعالي هطلع معاكي عشان هروح اوضتي اخد منها حاجات وانزل القاعه عشان الحفله اشوفهم وصلو لفين

وانتي خلصي فستانك وياريت تنزليلي انتي وسلمي

_ حاضر

طلعت الاوضه وعملت بروفه للفستان وكان تحفه عليا وبتاع سلمي كمان كان حلو اوي عليها

خلصنا ونزلنا القاعه وكنا بنشرف علي التجهيزات الاخيره للحفله خلصنا كل حاجه ومستر غيث استعجلنا عشان نطلع نلبس

لبسنا الفساتين وعملنا ميك اب وكان شكلنا حلو اوي

نزلنا الحفله وكنا مع مستر غيث بنستقبل الناس

الحفله كانت حلوه اوي بس كانت زحمه

ماصدقت الدنيا هديت وطلعت بره وسبت سلمي ومستر غيث مع الناس جوه

_ هتفضلي تهربي مني كتير

_ علي فكره خضتني .. وبعدين اهرب منك ليه هو انا عامله عمله .. ولا خايفه من حد يشوفني زيك فمبطلعش غير في الضلمه .. حمزه انا لحد فتره قريبه كنت فاكره انك شخص خاين بس لكن النهارده اكتشفت كمان انك شخص جبان وكداب .. وعايش دور الضحيه .. انا كنت مخدوعه فيك.. انا كل يوم بيعدي وبعرفك علي حقيقتك ياحمزه بكرهك .. انت خدعتني سنتين كاملين مفهمني انك بتحبني .. بس انت مكنتش بتحب غير نفسك ومصلحتك والحمدلله ربنا وقعك في اللي شبهك .. مراتك اللي انت فاكرها بتحبك دي هتبيعك اللي وراك واللي قدامك .. انا سمعتها بنفسي واحنا في حمام المطعم .. لو سمحت متحاولش توقفني تاني مهما حصل

سيبته ومشيت وانا جوايا مرتاح .. يمكن لو مكانش حصل اللي حصل الصبح دا انا مكنتش عرفت حمزه علي حقيقته بس اللي حصل دا خلي صورته قدامي تتهز اكتر ماكانت انا حاسه اني كرهته

ابتسمت وانا بردد الكلام دا جوايا واول مادخلت جوه وشوفت سلمي حضنتها وقولتلها بهمس انا حاسه انو خرج من جوايا ياسلمي انا مبقتش بحبه

حضنتني اكتر وقالتلي كنت عارفه انك هتفوقي من اللي اللي انتي فيه دا يارحمه اخيرا ياحبيبتي ربنا يريح بالك يارب ويسامحه بقي علي اللي عمله

_ انتو مش مركزين معايا خالص علي فكره

_ سوري يامستر غيث بس كان في موضوع كده بنخلصه

طب ممكن نركز شويه مع الناس

_ تمام يامستر غيث

بدأنا نركز اكتر في الحفله ومع الناس ومستر غيث طلع يقول كلمه عشان يرحب بالناس اللي في الحفله ويتمم التعاقدات مع الشركات

خرجنا انا وسلمي بره شويه عشان نتكلم

_ انا مبسوطه اوي يارحمه انك خلاص رجعتي لعقلك

_ انا كمان حاسه اني كنت بستنزف في مشاعري ع الفاضي .. انا حاسه اني كده مرتاحه اكتر

_ طب اسكتي احسن حمزه الزفت دا جاي ورا اهو

_ هو انتي فاكره يعني لما تقوليلي كلمتين وتمشي اني هسيبك يارحمه

_ حمزه لوسمحت متتخطاش حدودك اكتر من كده .. ولاحظ انك راجل متجوز .. ومراتك لو جات وشافتك واقف معايا تاني شكلك هيبقي وحش اوي .. لو سمحت امشي

سلمي اتكلمت

_ جرا ايه يااستاذ حمزه هو انت مش سامع ولا ايه مالك واقف متنح كده

_ خليكي في حالك ياسلمي انا بكلم رحمه .. انا اعتذرتلك يارحمه للدرجادي مش فارقلك

_ هو انت مبتفهمش بقولك مبقتش عايزاك خلي عندك دم انت راجل متجوز.. لو سمحت امشي

_ في حاجه يااستاذ حمزه .. ايه اللي بيحصل هنا يارحمه

قولت في سري شكلها كملت ومستر غيث جه علي صوتنا .. يارب عدي اليوم دا علي خير

ضغطت علي ايد سلمي بخوف فقالت

_ مستر غيث حمزه بيضايق رحمه واعتقد كده عيب يعني يحصل وانت موجود

_ استاذ حمزه اظن عيب اوي اني اشوفك مره واتنين بتحاول تتعرض لرحمه .. انا المره اللي فاتت سكت عشان مدام هند كانت واقفه محبتش اكبر الموضوع بس انا محبش اشوفك مره تانيه واقف معاها وإلا هفسخ العقد مع شركتك

_ متدخلش نفسك في الموضوع ياغيث دا حوار قديم بيني وبين رحمه ولازم اخلصه دلوقتي

_ وايه بقي الموضوع اللي بينك وبين خطيبتي ياحمزه

معرفش ايه اللي حصل بس انا حسيت ان الدنيا بقت سوده قدامي .. وصدي الكلمه فضل يرن في ودني .. وصوت سلمي وهي بتكرر الكلمه وبتقول خطيبته .. انا سكت مقدرتش انطق بحرف لما بصيتله وهو غمض عينيه وهز دماغه بأني اسكت .. صوتهم بدأ يعلي وحمزه بدأ يتعصب ومستر غيث كان كل اللي عمال يردده هي كلمه واحده اياك تتعرض لخطيبتي تاني وإلا هحبسك

الناس بدأت تتلم ع الصوت وانا حقيقي بدأت افقد اعصابي كنت خايفه ومتوتره معرفش ازاي وامتي حسيت ببروده ايديه في ايدي .. يالهوي دي ايد مستر غيث مش سلمي .. كان منفعل جدا وعمال يزعق وانا خايفه ونفسي اشد ايدي واجري حاولت اعمل اي حاجه عشان يسكتو بس معرفتش لحد مالقيت نفسي بقع ع الارض وسلمي بتصوت ….

يتبع…

رواية تشابك أرواح الفصل الرابع

وقعت ع الارض ولقيتهم بطلو خناق وقال غيث لحمزه بتحذير لو حصلها حاجه هوديك في داهيه اتفضل امشي واعمل حسابك لو قربت منها مره تانيه انا مش هسمي عليك

انا مكنتش تعبانه ولا حاجه انا بس ملقتش حل يخليهم يسكتو غير اني اعمل كده

سلمي كانت بتعيط جامد ومسكت في جاكت البدله بتاع حمزه وفضلت تقوله

_انا هخرب بيتك ياحمزه انت السبب في اللي حصلها دا اتا هوديك في داهيه

بس لما حست اني بمثل سكتت وبدأت تقومني

مستر غيث مشي الناس وطلب منهم يدخلو يكملو الحفله تاني وانو هيرجعلهم بعد مايوصلني الاوضه بس سلمي رفضت انو يجي وانا ساعتها اتكلمت وقولتله

_ مستر غيث انا بقيت كويسه والله اتفضل انت مع ضيوفك ولما تخلص هتلاقيني مستنياك علي البحر

_ متأكده يارحمه انك هتقدري تمشي

_ ايوه صدقني انا كويسه

مشي مستر غيث مع ضيوفه وكان كل شويه يتلفت حواليه يبص عليا

بعد ماتأكدنا انو مشي اتنفست براحه وبصيت لسلمي وضحكنا بصوت عالي

_ هش وطي صوتك ياسلمي هتفضحينا

_ كده تخضيني عليكي يارحمه انا قولت انتي اغمي عليكي بجد

_ يابنتي انا ملقتش حل اعمله عشان يسكتو غير كده .. بس انا فعلا كان هيغمي عليا اول ماقال اني خطيبته .. انا مش عارفه الراجل دا اتهبل ولا ايه

_ عيب يارحمه كده يعني دا جزاته انو انقذك من حمزه

_ انا كنت اقدر اوقف حمزه عند حده علي فكره من غير غيث هو اللي اتحشر بينا معرفش ليه

_سيبك المهم ينفع كده الحفله اللي باظت دي انا ملحقتش افرح بالفستان ياشيخه منك لله ياحمزه

_ والله انتي رايقه هو دا وقت فستان .. بقولك قاله اني خطيبته انا اتصرف ازاي دلوقتي

_ ياستي كبري بكره الناس تنسي .. محدش هيركز

_ سلمي الحفله كان كلها صحفيين اساسا والخبر دا بكره الصبح هيكون علي كل المواقع

خطوبة رجل الاعمال غيث الحديدي من موظفة شركته

.. هو انتي فاكره ان خطوبة غيث دي هتعدي عادي كده .. دا رجل اعمال وشاب وحلو ومشهور وبصراحه كده انا مش عارفه هو ازاي قدر ينطقها دانا مش قادره استوعب الكلمه لحد دلوقتي

بقولك ايه يارحمه متشيلنيش الهم بقي هو لما هيخلص الحفله هيجي يتكلم معاكي اكيد ابقي شوفيه هيقولك ايه بقي

_ انا هقوم اغير الفستان دا مش هتيجي

_ لا انا هقعد استناه هنا .. اطلعي انتي

_ ماشي متتأخريش

طلعت سلمي الاوضه وانا فضلت قاعده مستنيه مستر غيث ودماغي فيها مليون حاجه .. ليه يقولهم اننا مخطوبين وازاي يعمل كده .. طب والصحافه لما تنزل الخبر انا وضعي هيكون ايه .. وازاي هنعرف نكذب الخبر اللي اتقال دا .. وياريتها اشاعه دا مستر غيث بنفسه هو اللي قال كده يعني مش هيفع نكذبه

قطع تفكيري صوت مستر غيث وهو بيقول

_ عامله ايه دلوقتي

_ الحمدلله انا كويسه

_ بتفكري في ايه

_ حاجات كتير والله انا مش عارفه بصراحه حضرتك ليه تقول اننا مخطوبين

_عادي يارحمه هي دي حاجه تزعلك

بصتله بتعجب وقولتله

_ ايوه اكيد عشان دي كذب مش حقيقه احنا مش مخطوبين

_ طب ماتيجي نتخطب

_انت بتقول ايه ياغيث

_بهزر ياستي .. انا بجد ملقتش حاجه اقولها غير كده عشان حمزه يبطل يضايقك وصدقيني انتي لو مكنتيش تعبتي واغمي عليكي انا كنت هزعله جامد

_ مستر غيث حضرتك معملتش حساب الصحافه اللي كانت موجوده الخبر دا بكره الصبح هيكون تريند علي كل المواقع انت بجد حطيتنا في موقف صعب اوي

قطع كلامي صوت رنة موبايله

طب اهدي بس وانا هفهمك بس ثواني هرد علي بابا

_ ايوه يا بابا .. مين اللي قالك الكلام دا .. لا والله هو بس حصل حوار كده هحكيلك عليه لما اجيلك .. يابابا هو يعني انت شايفني اتجوزت دي مجرد خطوبه .. وبعدين انا كان قصدي بيها اننا في مشروع خطوبه .. انت عارف بقي المواقع والصحافه .. لا متقلقش الحفله مشيت كويس .. اه وقعنا العقود بس في عقد مكملش .. لما اجيلك هحكيلك .. اه بكره ان شاء الله .. الله يسلمك ياحج .. سلام

قفل الموبايل وبصلي وهو بيضحك وقال

_ واضح انهم مستنوش للصبح .. بابا عرف

_ حقيقي انا مش عارفه اقولك ايه .. اه انت كنت عايز تبعد حمزه عني بس انت دخلتني في مشكله كبيره

كملت كلامي بعصبيه

_ لو سمحت خرجني من الموضوع دا دلوقتي حالا

اتصرف بقي كلمهم قولهم انك كنت بتهزر اي حاجه انا اهلي لو عرفو باللي حصل دا هيكون في رد فعل مش هيعجبني ولا هيعجبك

يتبع…

رواية تشابك أرواح الفصل الخامس

جماعه هو انتو مبتعملوش لايكات ليه هو انا مقصره معاكو في حاجه

التفاعل كل جزء بيقل عن الجزء اللي قبله

ياعمي اللي حضرتك بتقوله دا عيب انت هتتخلي عني دانا بنت اخوك ازاي عايز تجوزني ابنك غصب عني .. انا معرفوش .. اخر مره شوفته كنا بنلعب استغمايه .. منتصر دا انا بعتبره اخويا

وااه يابت حسن انتي اللي هتعرفيني العيب إياك متخليش العرق الصعيدي اللي چوايا يطلع عليكي .. اخفي من وشي دلوقت

خوفت من نبرة صوته اللي اتغيرت فجأه وكنت هقوم امشي فعلا لحد مامرات عمي سمعت صوتنا وجات

_ خير ياعمده في ايه

_ تعالي ياست ورد شوفي بت حسن چايه لحد هنا برچليها تصدقي ده

شدتني لحضنها في ثواني وقالتلي

_ اهلا يااهلا ازيك يارحمه يابتي عامله ايه وامك عامله ايه

_ انا الحمد لله يامرات عمي .. بس ماما الله يرحمها

_ يالهوي والله مانعرف يابنتي حقك علينا .. الف رحمه ونور تنزل عليها كانت ست اصيله

_ جرا ايه ياوليه انتي عايزه تموتيني ناقص عمر ولا ايه هو انا چايبك عشان تسلمو علي بعض … بت حسن جايه بعد السنين دي كلها عشان عايزه تتچوز حد غير منتصر ولدك

_ ياحچ حكم في الاول وفي الاخر برده دا چواز يعني منقدرش نغصب البت علي حاچه .. منتصر ابني زينة الشباب .. والبنيه رحمة زينة البنات كلتهم … منقدرش نغصبها علي منتصر ابننا

_ والله عال ياورد هو انتي دلوقت اللي هتجولي اچوز ولدي لمين

_ حقك عليا ياعمي … انا اسفه يامرات عمي

بس انا مش طالبه منكو غير انكو تقفو معايا .. انا عمري ماهطلب منك ورثي ياعمي

_ وانتي فكرك اني هاكل عليكي حقك في ورث ابوكي عاد … لا بابت حسن .. انا بس انتي مش هتاخدي مني مليم غير لما تتچوزي راچل بچد ميكونش طمعان فيكي وفي فلوسك

_ ياعمي طب اقعد معاه بس الاول وبعدين تقدر تحكم عليه بنفسك … واللي هتقوله ساعتها انا هوافق بيه .. انا عمري ماهتجوز غير برضاك طبعا

_ ياحچ حكم رحمه عندها حق اقعد معاه ياخويا الاول وساعتها يحلها الف حلال

بعد تفكير رد علي مرات عمي وقال

_ خلاص خليه يچي بكره .. ولا عنده مشكله انو يچي الصعيد

_ لا ياعمي مفيش اي مشكله انا هبلغه

مرات عمي قالت

_ربنا يهدي سرك يارحمه يابتي .. تعالي معايا ياماما يلا عشان تغيري خلجاتك وترتاحي من تعب الطريق

خدتني مرات عمي وطلعتني الاوضه وقالتلي

_متقلقيش يارحمه .. عمك قلبه طيب والله.. ميتخيرش عن ابوكي الله يرحمه .. هو بس خايف عليكي .. الدنيا مبقاش فيها امان

_ ربنا يهدي النفوس يامرات عمي .. حقك عليا لو عملتلك مشكله

_ ياخبر يارحمه انتي معزتك عندي كيف منتصر بالظبط واكتر كمان اوعي تقولي كده تاني

_ يعني حضرتك مش زعلانه مني عشان رفضت منتصر

حطت ايديها علي شعري بحنان وقالت

_ معاش ولا كان اللي يقدر يغصبك علي حاچه انتي مش عايزاها يابنتي طول مانا عايشه .. منتصر ابني انتي متعرفيهوش عشان ترفضيه او توافقي بيه .. لو عرفتيه انتي بنفسك اللي هتيجي تقوليلي چوزيهولي يامرات عمي

قالت كده وهي بتضحك وبتقوم من علي السرير

_ ارتاحي وانا هصحيكي علي ميعاد الغدا

الحقيقه ان مرات عمي دي اطيب ست شوفتها بعد امي الله يرحمها ومعرفش هي ازاي بتقدر تستحمل عمي في وقت عصبيته

نمت وانا بفكر من تعب السفر وصحيت علي خبط الباب

_ مين

_ انا منتصر يارحمه .. ماما بتبلغك ان الاكل جاهز ومستنيينك تحت

_ حاضر جايه

قومت غيرت هدومي ونزلت قعدت معاهم ع السفره استقبال منتصر ومرات عمي ليا كان حلو اوي بس عمي كان صارم جدا في التعامل حتي مع ابنه

اليوم خلص وطلعت عشان انام بس افتكرت اني نسيت غيث اللي المفروض يكون هنا بكره

اتصلت عليه وبلغته ان عمي مستنيه بكره وبعتله لوكيشن بالمكان ونمت

صحيت تاني يوم متأخر اوي ومعرفش اصلا نمت كل دا ازاي

كان منتصر بيخبط علي الباب

_ اصحي يارحمه كل دا نوم انتي جايه تنامي عندنا ولا ايه

فتحت الباب

_ ايه يامنتصر هو النوم عندكو بفلوس

_لا ياستي بس اصحي نقعد نتكلم مع بعض شويه نرغي في اي حاجه دانتي يومين وراجعه حتي

_ حاضر انا هغير وانزلك تحت

_ هستناكي في الجنينه

غيرت هدومي ونزلت تحت وقعدنا نتكلم سوا انا ومنتصر وحكيتله علي اللي حصل معايا انا وغيث وليه قررنا نتخطب

_ موضوع غريب والله يارحمه .. ربنا يستر وابويا يعدي الموضوع دا وميقفش فيه … اصل ابويا دماغه ناشفه وانا عارفه

عدي اليوم وغيث وصل البيت كنت متوتره جدا وخايفه

قعد مع عمي ومنتصر ومرات عمي كانت واقفه في المطبخ بتجهز الضيافه

_ مرات عمي هو انا هطلع امتي

_ معندناش بنات بتطلع يارحمه .. انا هنا مش في مصر يابتي .. استهدي بالله واقري قرآن في سرك ومتقلقيش طالما منتصر ولدي قاعد معاهم بره يبقي خير ان شاء الله .. منتصر عاقل وبيعرف يوزن الامور كويس ولو حصل حاچه هيعرف يهدي عمك الحاچ

_ربنا يستر يامرات عمي

_ منور يااستاذ غيث .. انا منتصر ابن الحاچ حكم وابقي ابن عم رحمه وزي اخوها بالظبط

_ اتشرفت بيك يااستاذ منتصر وبالحاج حكم طبعا .. مبسوط جدا اني في وسطيكم النهارده

_ ادخل في الموضوع ياولدي وبلاش تزويق في الكلام عاد ورانا مصالح

اتنحح غيث وقال

_ طبعا الانسه رحمه قالت لحضرتك علي طلبي وبتمني اني اسمع الموافقه منك .. انا طالب ايد الانسه رحمه من حضرتك

_ وانت بقي تعرف رحمه منين

_ انا مدير الشركه اللي هي بتشتغل فيها .. والحقيقه انها شخصيه محترمه جدا طبعا واخلاقها عاليه وطبعا يشرفني جدا انك تعتبرني زي ابنك

_ وانت چاي بطولك كده ليه اهلك مش موافقين إياك

_ لا طبعا ياعمي هو بس انا جيت اتعرف علي حضرتك وان شاء الله لو حضرتك قبلت اني اكون ابنك انا هجيب والد واجي في الوقت اللي يناسبك .. انا والدي مسعد الحديدي لو حضرتك حابب تسأل عليا برده

_ اكيد طبعا هسأل عنك وعن اهلك … مش هديك بنتي كده بالساهل

منتصر اتكلم عشان يخفف حدة الموضوع شويه

_اول مره تيجي قنا بقي يابشمهندس ولا ايه

_ ايوه الحقيقه هي اول مره بس ان شاء الله هاجي هنا كتير بعد كده

اليوم عدي ومشي غيث وبعدها عمي متكلمش معايا خالص بس منتصر قالي ان طالما عمي طلب يقابل والده يبقي هو كده موافق عليه

اطمنت شويه واتصلت بغيث اشوفه وصل فين

_ ايه ياغيث وصلت لفين

_ والله يارحمه هانت انا خلاص فاضلي نص ساعه كده .. عمك متكلمش معاكي في حاجه

_ لا مكلمنيش هو حصل حاجه

_ لا بس مش عارف انا حاسس انو مش طايقني كده وكمان دماغه شكلها صعب اوي

_ مش صعيدي عايزه يعمل ايه يعني..متنساش ياغيث انك انت اللي مورطني في الموضوع دا

_ ياستي هو انا نطقت انتي عايزه تقلبيها خناق وخلاص .. اقفلي يارحمه خليني اركز في السواقه

….

يتبع…

رواية تشابك أرواح الفصل السادس

ياعمي اللي حضرتك بتقوله دا عيب انت هتتخلي عني دانا بنت اخوك ازاي عايز تجوزني ابنك غصب عني .. انا معرفوش .. اخر مره شوفته كنا بنلعب استغمايه .. منتصر دا انا بعتبره اخويا
وااه يابت حسن انتي اللي هتعرفيني العيب إياك متخليش العرق الصعيدي اللي چوايا يطلع عليكي .. اخفي من وشي دلوقت
خوفت من نبرة صوته اللي اتغيرت فجأه وكنت هقوم امشي فعلا لحد مامرات عمي سمعت صوتنا وجات
_ خير ياعمده في ايه
_ تعالي ياست ورد شوفي بت حسن چايه لحد هنا برچليها تصدقي ده
شدتني لحضنها في ثواني وقالتلي
_ اهلا يااهلا ازيك يارحمه يابتي عامله ايه وامك عامله ايه
_ انا الحمد لله يامرات عمي .. بس ماما الله يرحمها
_ يالهوي والله مانعرف يابنتي حقك علينا .. الف رحمه ونور تنزل عليها كانت ست اصيله
_ جرا ايه ياوليه انتي عايزه تموتيني ناقص عمر ولا ايه هو انا چايبك عشان تسلمو علي بعض … بت حسن جايه بعد السنين دي كلها عشان عايزه تتچوز حد غير منتصر ولدك
_ ياحچ حكم في الاول وفي الاخر برده دا چواز يعني منقدرش نغصب البت علي حاچه .. منتصر ابني زينة الشباب .. والبنيه رحمة زينة البنات كلتهم … منقدرش نغصبها علي منتصر ابننا
_ والله عال ياورد هو انتي دلوقت اللي هتجولي اچوز ولدي لمين
_ حقك عليا ياعمي … انا اسفه يامرات عمي

بس انا مش طالبه منكو غير انكو تقفو معايا .. انا عمري ماهطلب منك ورثي ياعمي
_ وانتي فكرك اني هاكل عليكي حقك في ورث ابوكي عاد … لا بابت حسن .. انا بس انتي مش هتاخدي مني مليم غير لما تتچوزي راچل بچد ميكونش طمعان فيكي وفي فلوسك
_ ياعمي طب اقعد معاه بس الاول وبعدين تقدر تحكم عليه بنفسك … واللي هتقوله ساعتها انا هوافق بيه .. انا عمري ماهتجوز غير برضاك طبعا
_ ياحچ حكم رحمه عندها حق اقعد معاه ياخويا الاول وساعتها يحلها الف حلال

بعد تفكير رد علي مرات عمي وقال
_ خلاص خليه يچي بكره .. ولا عنده مشكله انو يچي الصعيد
_ لا ياعمي مفيش اي مشكله انا هبلغه
مرات عمي قالت
_ربنا يهدي سرك يارحمه يابتي .. تعالي معايا ياماما يلا عشان تغيري خلجاتك وترتاحي من تعب الطريق
خدتني مرات عمي وطلعتني الاوضه وقالتلي
_متقلقيش يارحمه .. عمك قلبه طيب والله.. ميتخيرش عن ابوكي الله يرحمه .. هو بس خايف عليكي .. الدنيا مبقاش فيها امان
_ ربنا يهدي النفوس يامرات عمي .. حقك عليا لو عملتلك مشكله
_ ياخبر يارحمه انتي معزتك عندي كيف منتصر بالظبط واكتر كمان اوعي تقولي كده تاني
_ يعني حضرتك مش زعلانه مني عشان رفضت منتصر
حطت ايديها علي شعري بحنان وقالت
_ معاش ولا كان اللي يقدر يغصبك علي حاچه انتي مش عايزاها يابنتي طول مانا عايشه .. منتصر ابني انتي متعرفيهوش عشان ترفضيه او توافقي بيه .. لو عرفتيه انتي بنفسك اللي هتيجي تقوليلي چوزيهولي يامرات عمي
قالت كده وهي بتضحك وبتقوم من علي السرير
_ ارتاحي وانا هصحيكي علي ميعاد الغدا
الحقيقه ان مرات عمي دي اطيب ست شوفتها بعد امي الله يرحمها ومعرفش هي ازاي بتقدر تستحمل عمي في وقت عصبيته
نمت وانا بفكر من تعب السفر وصحيت علي خبط الباب
_ مين
_ انا منتصر يارحمه .. ماما بتبلغك ان الاكل جاهز ومستنيينك تحت
_ حاضر جايه

قومت غيرت هدومي ونزلت قعدت معاهم ع السفره استقبال منتصر ومرات عمي ليا كان حلو اوي بس عمي كان صارم جدا في التعامل حتي مع ابنه
اليوم خلص وطلعت عشان انام بس افتكرت اني نسيت غيث اللي المفروض يكون هنا بكره
اتصلت عليه وبلغته ان عمي مستنيه بكره وبعتله لوكيشن بالمكان ونمت
صحيت تاني يوم متأخر اوي ومعرفش اصلا نمت كل دا ازاي
كان منتصر بيخبط علي الباب
_ اصحي يارحمه كل دا نوم انتي جايه تنامي عندنا ولا ايه
فتحت الباب
_ ايه يامنتصر هو النوم عندكو بفلوس
_لا ياستي بس اصحي نقعد نتكلم مع بعض شويه نرغي في اي حاجه دانتي يومين وراجعه حتي
_ حاضر انا هغير وانزلك تحت
_ هستناكي في الجنينه
غيرت هدومي ونزلت تحت وقعدنا نتكلم سوا انا ومنتصر وحكيتله علي اللي حصل معايا انا وغيث وليه قررنا نتخطب
_ موضوع غريب والله يارحمه .. ربنا يستر وابويا يعدي الموضوع دا وميقفش فيه … اصل ابويا دماغه ناشفه وانا عارفه
عدي اليوم وغيث وصل البيت كنت متوتره جدا وخايفه
قعد مع عمي ومنتصر ومرات عمي كانت واقفه في المطبخ بتجهز الضيافه
_ مرات عمي هو انا هطلع امتي
_ معندناش بنات بتطلع يارحمه .. انا هنا مش في مصر يابتي .. استهدي بالله واقري قرآن في سرك ومتقلقيش طالما منتصر ولدي قاعد معاهم بره يبقي خير ان شاء الله .. منتصر عاقل وبيعرف يوزن الامور كويس ولو حصل حاچه هيعرف يهدي عمك الحاچ

_ربنا يستر يامرات عمي
_ منور يااستاذ غيث .. انا منتصر ابن الحاچ حكم وابقي ابن عم رحمه وزي اخوها بالظبط
_ اتشرفت بيك يااستاذ منتصر وبالحاج حكم طبعا .. مبسوط جدا اني في وسطيكم النهارده
_ ادخل في الموضوع ياولدي وبلاش تزويق في الكلام عاد ورانا مصالح
اتنحح غيث وقال

_ طبعا الانسه رحمه قالت لحضرتك علي طلبي وبتمني اني اسمع الموافقه منك .. انا طالب ايد الانسه رحمه من حضرتك
_ وانت بقي تعرف رحمه منين
_ انا مدير الشركه اللي هي بتشتغل فيها .. والحقيقه انها شخصيه محترمه جدا طبعا واخلاقها عاليه وطبعا يشرفني جدا انك تعتبرني زي ابنك
_ وانت چاي بطولك كده ليه اهلك مش موافقين إياك
_ لا طبعا ياعمي هو بس انا جيت اتعرف علي حضرتك وان شاء الله لو حضرتك قبلت اني اكون ابنك انا هجيب والد واجي في الوقت اللي يناسبك .. انا والدي مسعد الحديدي لو حضرتك حابب تسأل عليا برده
_ اكيد طبعا هسأل عنك وعن اهلك … مش هديك بنتي كده بالساهل
منتصر اتكلم عشان يخفف حدة الموضوع شويه

_اول مره تيجي قنا بقي يابشمهندس ولا ايه
_ ايوه الحقيقه هي اول مره بس ان شاء الله هاجي هنا كتير بعد كده
اليوم عدي ومشي غيث وبعدها عمي متكلمش معايا خالص بس منتصر قالي ان طالما عمي طلب يقابل والده يبقي هو كده موافق عليه

اطمنت شويه واتصلت بغيث اشوفه وصل فين
_ ايه ياغيث وصلت لفين
_ والله يارحمه هانت انا خلاص فاضلي نص ساعه كده .. عمك متكلمش معاكي في حاجه
_ لا مكلمنيش هو حصل حاجه
_ لا بس مش عارف انا حاسس انو مش طايقني كده وكمان دماغه شكلها صعب اوي
_ مش صعيدي عايزه يعمل ايه يعني..متنساش ياغيث انك انت اللي مورطني في الموضوع دا
_ ياستي هو انا نطقت انتي عايزه تقلبيها خناق وخلاص .. اقفلي يارحمه خليني اركز في السواقه

يتبع…

رواية تشابك أرواح الفصل السابع

الفصل السابع من رواية تشابك أرواح لا يزال قيد الكتابة، إذا أردت أن تقرأه كاملة اكتب تعليق على هذه الصفحة وأنضم لقناتنا على تليجرام.