رواية دمعة فاطمة الفصل الثاني 2 بقلم مصطفى جابر

رواية دمعة فاطمة الفصل الثاني 2 بقلم مصطفى جابر

 

البارت الثاني

 

 

انا مش هاجي معاكم انتو ربنا هيدخلكم النار خدتوا تيته بعيد عني وحطتوها في الدار وانا لما اكبر هوديكم نفس المكان.
كف قوي نزل علي وشه من ميرفت؛ انت عيل قليل الادب والظاهر انه لما كنت بتقعد معاها كانت بتملى دماغك بالسم زيها.
محمود بدموع: هي دماغها مش سم انتي اللي شريرة و انا كلمت عمو رعد وقولت له عاللي حصل وقالي انه هينزل قريب اوي.
حسام بخوف: رعد نازل ؟. نازل ازاي ؟
محمود بغضب: زي الناس انا هروح ل تيته معاه لما ييجي وهعيش معاهك.علشان انتو وحشين.
ميرفت بغضب : قولتلك اخرس متجيبش سيرتها تاني علي لسانك انت فاهم يالا.

 

 

حسام بعدها بغضب: اهدي يا ميرفت الواد لسه صغير مينفعش تكلميه كده
ميرفت بغضب: اسكت انت خليني اربيه عمال يدافع عنها وبيقل أدبه عليا
حسام بزعيق: ميررفت كفاية بقي منتي عارفه أنه كان متعلق بيها
ميرفت بغل: اسكت مسمعش صوتك واللي انا اقوله يمشي ماشي.
حسام بحزن: ماشي بس متمديش ايدك علي الواد
محمود بدموع: لا شاطر دي بقيت هيا راجل وانت لا يا بابا اخص عالرجوله أخص.
جري علي اوضته وقفل الباب بغضب.
ميرفت بغضب: اروح اضربه واخلص عليه يعني عشان ترتاح يا بن بطني يارب تموت.
حسام ضربها بالكف: اخرسي بقي اخرسي خليتي ابني شايفني رخيص اووي
ميرفت ردت له الكف: ايدك دي لو اتمدت عليا تاني هجيبلك اخواتي يخلصو عليك بس لا مش هعمل كده عشان انت جوزي غور من وشي يالله.
.. حسام مشي بجمود..
جالها تليفون…
ميرفت بغضب: خير انتي كمان.
حنين بهدؤء: حبيت ابلغك ان في بنت خدت الست فاطمه تعيش عندها.
ميرفت ببرود: ما تاخدها ولا تتحرق انا مالي.
حنين بقرف: انا حبيت ابلغكم بس واللي خدتها تمارا المرشدي سيدة الاعمال المعروفة.
ميرفت بطمع: قولتي اي سيدة اعمال ؟ اديني عنوانها بسرعه
حنين باستغراب: مش الموضوع مكنش همك دلوقتي ؟
ميرفت ببرود: غيرت رأيي انتي مالك انجزي يلا.
حنين ادتها العنوان و ميرفت ابتسمت بخبث: حلو اوي اللعبه هتحلو علي الاخر يا حماتي المصون.
… بعد شويه في الفيلا…
تمارا بحنان: اي رايك يا ماما البيت حلو ولا اقولك يا بطوط.
فاطمه بابتسامة: اللي انتي عاوزاه يا بنتي.
تمارا بحنان: احكي لي بقا عن عيالك دول شويه.
فاطمه بحزن: عندي حسام دا في دلدول مراته و بيخاف منها اوي زي ما تقولي شخصيته ضعيفه قدامها و عندي رعد مهندس معروف سافر امريكا من تلت سنين ودايما علي تواصل معايا وبيبعت لي فلوس كتير بحوشها في البنك ولما ربنا ياخد السر الالهي تروح ليهم تاني ومقولتش لحد عليها خوفت من طمع ميرفت و جهل حسام … اقولك سر … انتي تعرفي ان البيت اللي هما عايشين فيه ده بأسم رعد وورثه من ابوه و حسام ورث ارض ضيعها علي مشاريع فاشلة و علي مراته واهلها.
تمارا بهدؤء: حسام شخصيته اعوذ بالله متزعليش مني ورعد مش عارفه احدد.
فاطمه بابتسامة: في بقي محمود بن ميرفت وحسام دا الخالق الناطق جده حكم الولد سبحان الله عنده استيعاب اكبر من سنه ربنا يبارك فيه و بيحفظ قراءن بسرعه عيني عليه باردة.

 

 

تمارا بضحك: علي رأي المثل يخلق من ضهر الفاسد عالم
فاطمه بضحك: مش كلهم والله
تمارا بغيظ: ايوا هو اي اعتراض وخلاص تعرفي انا بابا وماما اتوفي من خمس سنين ومليش غير عمي مسافر الكويت و اهلي سابوا لي كل حاجه من وقتها وانا عاوزة اسمهم يفضل مرفوع في السماء من الشركة للمصنع للفيلا الدنيا وحشه من غير الأهل اوي.
تمارا عيطت و فاطمه حضنتها: انا اهلك يا حبيبتي اي رايك دلوقتي اعملك صنيه البطاطس بالفراخ بتاعتي ..هتنسيكي كل هموم الدنيا.
تمارا بابتسامة : موافقه وهساعدك يالله بينا
.. دخلوا يحضروا الاكل… .. بعد شويه…
بتدخل ميرفت الفيلا وهيا لابسه عباية وبتبص بذهول حولين منها: بقي حماتي عايشة هنا يا نهاري.
الخدامه بهدؤء: استني تمارا هانم جاية لحضرتك حالا.
ميرفت بتحط رجل علي رجل: استعجليها شويه قولي ليها ميرفت هانم عاوزاكي.
الخدامه بسخرية لنفسها : انتي هانم دا شكل واحده خدامه والله معا احترامي للخدمين.
دخلت تنادي تمارا…
تمارا بتخرج ببرود: خير عاوزة اي.
ميرفت بغيرة من جمال تمارا: كل خير يا حبيبتي اومال فاطمه حماتي فين ؟
تمارا قعدت ببرود: معنديش حد بالاسم دا.
ميرفت بغضب: بت انتي متكلمنيش كده انتي متعرفيش أنا مين ؟
الحارس مسكها بغضب خافت..
تمارا ببرود: كنتي بتقولي اي معلش مسمعتش.
ميرفت بخوف: مش قصدي يا ست هانم انا بس حماتي وحشتنا وعاوزاها ترجع معايا.
تمارا بسخرية: تعالي دغري واتكلمي بسرعه انا وقتي ب فلوس.
ميرفت بخوف: مانا قولتلك عايزه حماتي وكلك نظر بقا.
تمارا بسخرية: اها قولي انك عاوزاه فلوس مش عاوزاه حماتك اصلا.
ميرفت بغيظ: لا طبعا عاوزاها.
تمارا ببرود: تاخدي كام و تغوري من هنا يا طماعه.
ميرفت بغضب: انا مسمحلكيش مش عشان معاكي فلوس تتنططي علي خلق الله انا اهلي تجار علي فكره.
تمارا وقفت قدامها: ايوه طبعا منا عارفه اهلك .. اهلك تجار البهائم المسروقه ونصهم محبوس صح كده ؟
ميرفت بلعت ريقها بخوف: لا لا انا اهلي مش حراميه.

 

 

تمارا طلعت فلوس من جيبها: دول خمسين الف جنيه كويسين.
ميرفت شدتهم بجشع: اوي اوي انا اول مرة امسك مبلغ زي دا كله رايح علي الديون.
تمارا بقرف: دا مرتب خدامتي علي فكرة بس الفرق بينك وبينها هي بتجري علي لقمة عيشها وانتي بتجري علي خراب البيوت.
… تمارا شدت الفلوس تاني ميرفت اتصدمت…
تمارا بخبث: بصراحه بفكر ارجع في كلامي هزودك كمان الفين لو روحتي بوستي ايد وراس حماتك اللي انتي مديتي ايدك عليها.
ميرفت بغيظ: وابوس رجليها كمان لو حضرتك امرتي
تمارا ببرود: تمم سيبها يا سعد تعالي ورايا .
.. خرجت الجنينه و وراها ميرفت…
فاطمه بصتلها بجمود: جاية لي هنا يا ميرفت.
ميرفت بتبوس دماغها وايديها: حقك عليا يا حماتي ساعة شيطان انا متربتش حقك عليا والله
فاطمه بصت لها باستغراب…
تمارا رمت الفلوس علي الارض: خديهم من تحت رجلين حماتك وتغوري برا.
فاطمه خدت الفلوس الاول : دي فلوسك يا بنتي ازاي عاوزة تديهم ليها ؟
ميرفت بغيظ؛ الله وانتي مالك انتي الست بتراضيني علشان اسيبك تعيشي هنا
فاطمه بجمود: لو ادتيها مليم من شقاكي انا هرجع الدار.
تمارا بصدمة: وعلي اي عشان حته واحدة زي دي يا سعد خدها ارميها برا.
ميرفت بزعيق: انا مترميش برا والله لهقول ل ابنك يا ولية يا خرفانه وانتي يا اللي عاملة لي هانم بتكرشيني أنا ؟
تمارا بقرف: اه بطردك يا بنت الناس الحراميه
ميرفت بغل: ماشي خليكم فاكرينها مش هتعدي بالساهل علي فكره انا قولتلكم اهو.
خرجت بغضب وهيا عماله تهزق فيهم…
تمارا بغيظ: كنتي مستحملاها ازاي دي وابنك بيحبها علي اي دي باين عليها الجشع والطمع .
فاطمه بهدؤء: تمارا فلوسك يابنتي تفضل معاكي .. ميرفت لو خدت جنيه هترجع تطلب الف قصاده وتقول حقها لو بتحبيني تحافظي علي مالك ومال اهلك.
تمارا بحنان: حاضر متزعليش نفسك ياحبيبتي.
… بعد شويه…
ميرفت بغل: شوفت مراتك اتبهدلت ازاي قال وانا اللي رايحه ارجع امك واقول اشيلها فوق راسي عشان انت زعلان تقوم تكرشني هيا والبتاعه اللي معاها.
حسام بصدمة: وهيا ازاي تاخد امي اصلا.
ميرفت بغل: ياخويا شوف انت بقا هي عايزة اي من امك اه يا ناري منها اكيد البت دي شغاله في تجارة الأعضاء أو شغل مشبوه عشان تعيش في العز دا كله.
حسام بغضب: انا هروح ارجع امي.
ميرفت بخضة: نعم ياخويا ترجعها لي.
حسام باستغراب: مش انتي كنتي رايحه ترجعيها دلوقتي ؟؟
ميرفت بتوتر: اه بس طالما طردتني متدخلش بيتي ابدا الست دي خليها مع البت اللي معاها يارب بس تنفعها
حسام بهدؤء: خلاص متزعليش نفسك هاتي راسك ابوسها.
ميرفت بغل: بلا بوس بلا زفت بقي أنا يضيع مني خمسين الف
حسام باستغراب: خمسين الف اي.
ميرفت بغيظ: انا رفضتهم من الهانم عشان كانت عاوزه تشتري امك وانا رفضت وقولت عندها ابنها اولى بيها ترجع تعيش معاه
حسام بحنان: طب صل علي النبي و كل حاجه هتتصلح.
ميرفت بصت له بسخرية: يعم غور ده الحراس اللي عندها انضف منك.
حسام بجمود: تشكري يا بنت الاصول.

 

 

ميرفت بغيظ: بلا اصول بلا فصول بقا كلتوا دماغي.
سمعوا الباب اتفتح ب رزعه كانه اتكسر..
نزلوا جري..
حسام بابتسامة: رعد حمدالله على السلامة يا قلب اخوك.
بوكس قوي نزل علي وشه: امي فين يا حقير يزباله … بقي هيا دي الامانه اللي انا سايبها لك.
حسام بألم: يا رعد دا لمصلحتها اسمع مني بس.
بوكس تاني: مصلحتها يا دلدول السن … دا الكلام اللي بنت النصابين دي حفظتهولك.
ميرفت بغضب: ما تلم نفسك انت كسرت الباب وداخل تضرب وتشم انا هجيب لك البوليس.
رعد بصوت هز البيت: لو بنت راجل بجد هاتيه.
حسام بوجع : ميصحش كدا يا حسام دي مراتي.
رعد بغضب: ودا بيتي وبيت امي …وامي هرجعها وانتي هطردك طردة الكلاب
ميرفت بغضب: نعم يا خويا انت عايز تطردنا من بيتنا.
رعد ببرود: ده بيتي انا يا ميرفت متنسيش نفسك جوزك خد ورثه وضيعه عليكم وانا اه مبقتش محتاج البيت دا واقدر اجيب عشرة غيره لكن لا البيت اللي امي تطرد منه اللي زيكم ميبقوش فيه لحظه واحدة.
ميرفت بغل: أنطق يا حسام قول حاجه!
رعد بسخرية: يالله اتكلم يا جوز الست …الراجل اللي تمشيه كلمة ست ميبقاش راجل والله اللي مراته تخليه يرمي امه في دار مسنين بعد تعبها وشقاها عليه يبقا ميسواش وانت بقيت الاتنين … طول عمري نفسي تكون راجل لكن للاسف.
حسام بغضب: لا انت زودتها اوي يا رعد.
رعد بجمود: وريني هتعملي اي انا عاوز اتفرج.
ميرفت نزلت وقفت قدام حسام بغضب: مش هخرج من بيتي سامع ولو جبتلي الحكومه مش هخرج..

 

محمود بدموع: عمو ماما مسكت تيته من شعرها وفضلت تضرب فيها و كانت بترمي لها الاكل البايظ اللي باقي مننا
رعد بصدمه : ايييييي ؟
حلقه جديده ومختلفة كالعاده …أتمني تعجبكم واتمني متبخلوش عليا بالدعم والتفاعل وانتظروني في حلقه جديده

 

 

• لقراءة باقي فصول الرواية أضغط على (رواية دمعة فاطمة)