رواية غول الصعيد الفصل الخامس 5 بقلم بيري الصياد

رواية غول الصعيد الفصل الخامس 5 بقلم بيري الصياد

 

 

البارت الخامس

 

 

رواية غول الصعيد الحلقة الخامسة
يركض مصطفي الي مكان تمارا ويرى وجهها ينزف ليجلس امامها ويضع يده علي شعرها ويقول بخوف شديد.تمارا حبيبتي ايه اللي حصلك يا روحي
تنزل دموع تمارا وتقول وهي تشير علي شئ.القطه دي نطت في وشي و خربشتني يا مصطفي
ينظر مصطفي الي القطه التي قفزت في وجه تمارا وبالفعل خربشتها باظافرها ويخرج مصطفي منديل من جيبه ووضعه علي جرح تمارا ويمسح الدماء ويضمها بخوف شديد إلى أحضانه ويقول.خلاص يا حبيبتي محصلش حاجه هاخدك المستشفى دلوقتي وهديكى إبراء وهتخفي
تمارا بغيظ ووجع من ما حدث بها فهي لا تعلم من أين أتت عليها هذه القطه.انا مش هاخد ابر يا مصطفي مليش دعوه
يتنهد مصطفي بقوه ويقول.ماشي يا تمارا تعالي بس نروح المستشفى عشان نطمن ابوكي
تبتعد تمارا عنه وتقول.انا عايزه اروح انام يا مصطفي يلا بقى
انهت حديثها وتنهض وينهض مصطفي هو الاخر ويمسك يدها ويسحبها معه الي السياره وكان أن يركبها لكن يرى بالذي ينزل من السياره وينظر الي تمارا وكان روحه عادت اليه من جديد وكان يغيب عنه الهواء يذهب كمال ويضم تمارا بقوه كبيره الي أحضانه ويقبل شعرها ويقول بخوف شديد.انتي كويسه يا تمارا اتكلمي يا حبيبتي وقولي ايه اللي حصلك
تنظر تمارا الي مصطفي وتقول.مفيش حاجه يا بابا القطه معرفش نطت عليا منين وهي خربشتني مش اكتر
يبتعد كمال عنها ويقول بغضب شديد وهو ينظر الي مصطفي.بقي هي دي بنتي اللي مامنك عليها يا مصطفي انت ازاى تسيبها لوحدها وتسمح ان يحصل فيها كده
يضع مصطفي يده علي شعر تمارا ويقول.مخدش بالي يا عمي والله كنت بكلمك ومعرفش القطه دي جاتلها ازاي كده اصلا
يمسك كمال يد تمارا ويذهب بها الي سيارته دون ان يتحدث ويركبها ويركب بجانبها وتنظر تمارا الي مصطفي وتقول.يلا يا صاصا خلينا نمشي
اومأ لها مصطفى وقال.هاجي بالعربيه وراكي يا قلبي روحي انتي مع ابوكي
تميل تمارا برأسها بخفه ويقود كمال السياره بسرعه كبيره وينظر مصطفي حوله وهو مازال يشعر بأن احد يراقبه لكن لا يرى احد وهذا ما يجعله يستغرب بشده ليركب مصطفي السياره ويقودها خلف سيارة كمال وهو ينظر في المراه لكي يرى هل سوف يتبعه أحد أم ماذا يحدث
ينظر هذا الغول خلفه ويبتسم بجمود شديد وهو ينظر اليه عبر شاشة الهاتف ويتذكر ما أمر به وهو يرى ابنة كمال تجلس وعلم بأن مصطفي يتحدث مع كمال من متابعته إليه فهذا الحارس يجعله يرى كل ما يريد وجعله الغول يرمي القطه علي تمارا لكي يحدث ما حدث (عمو همام عمو همام انت شرير ☺️☹️)
وراء الغول خوف كمال ورعبه علي ابنته ليضع قدم علي الاخري ويغلق الهاتف ويرمي بجانبه وينظر أمامه ويقول في داخله.هجيلك يا كمال وهسحب منيك بتك وهخليك تبكي بدل الدموع دم عليها
نهي حديثه ويبتسم ببرود شديد ويمسك الهاتف ويدق الي عيسى الذي رد عليه علي الفور ويقول همام دون سابق إنذار.جهز حالك هندلوا علي القاهره انهارده
يستغرب عيسى بشده ويقول.قاهرة ايه دي اللي هنسافر ليها يا غول
همام بصرامه وصوت قوي.اجهز يا عيسى معيزش حديت كتير
نهي حديثه ويغلق الهاتف وينظر الغول أمامه وهو يخطط لكل خطوه سوف يفعلها في القادم وهو يعلم جيداً ماذا سوف يفعل ويرمي جسده علي السرير وينظر الي سطح الغرفه ويقول بتلذذ شديد.تمارا الشناوي
يبتسم همام ابتسامة لا يستطيع يفسرها ويضع يده أسفل رأسه وهو يفكر جيداً ماذا يفعل بكمال الشناوي وابنته في القادم فما هو الذي ينتظر هذه الصغيره وبماذا يفعل هذا الغول (توقعاتكم للقادم واللي هتتوقع صح هديها بوسه 😂♥️)
كده يا تمارا ايه اللي عملتي في نفسك ده يا بنتي:كان هذا صوت فاطمه التي تضم تمارا إلى أحضانها وهي تخاف عليها بشده
تقول تمارا بغيظ شديد: يعني انا اللي عملت كده يا داده دي هي القطه اللي نطت عليا مالي انا دلوقتي
تبعدها عنها فاطمه وتقول بغضب.بس انتي اللي روحتي الملاهي يا تمارا ليه تروحي هناك انتي صغيره علي الحاجات دي
اومأت لها تمارا وقالت:انا صغيره وكنت عايزه العب يا داده بس هما جابوني هنا وصاصا قالي انه هيوديني هناك تاني مش كده يا صاصا
انهت حديثها وهي تنظر الي مصطفي التي ابتسم اليها وقبل شعرها وقال:هوديكي المكان اللي انتي عايزه بس تسمعي الكلام يا تمارا
اومأت له تمارا وتقول بفرحه: ممكن نروح بكره
يبتسم مصطفي علي ابتسامتها وكان أن يوفقها علي ما تريده لكن يقول كمال بصوت عالي: مفيش طلوع من البيت تاني بعد كده يا تمارا لا مع مصطفي ولا مع حد انتى هتفضلي في البيت اليومين دول
تنهض تمارا وتقول بغضب: ليه يعني يا بابا انا مبحبش الحبسه دي انت بتقول ايه
كمال بغضب شديد: زي ما سمعتي يا تمارا مفيش طلوع وده اخر كلام عندي يلااااا علي اوضتتتتتك يلااااااا
تتفزع تمارا بشده من صوته وهي لا تعلم لماذا والدها يغضب عليها بهذه الطريقه وتركض تمارا الي الاعلى وهي تحزن بشده وينظر مصطفي الي كمال ويقول بصوت عالي:انت بتزعلها ليه دلوقتي يا عمي هي مالها ولا ايي ذنبها في كل ده ايه المعامله دي
كمال بغضب اعمي: ذنبها انها عنيده ومبتسمعش الكلام يا مصطفي وكده ممكن تضيع مننا
مصطفي بغضب شديد: مين اللي تضيع انا مش هسمح ان تمارا يخدشها خدش واحد يا عمي وبعدين انت ايه اللي بتقوله كل ده عشان قطه نطت في وشها
كمال بصوت عالي: تقدر تقولي قطه ازاي تنط في وشها بطريقه دي يا مصطفي انت بتستعبط ولا فين عقلك فكر شويه اللي كان بيراقبك وان يحصل كده لتمارا ده تهديد مش صدفه ابداً
ينظر اليه مصطفي قليلاً ويفكر ويقول:لا معتقدش يا عمي الموضوع اكيد مش كده انت فاهم غلط لو تهديد فعلا اللي رمي القطه كان قادر يعمل حاجه اخطر او بعد الشر يقتل تمارا لكن هيستفاد ايه بأنه يرمي قطه عليها يعني انت اللي خوفك علي تمارا عميك هي مستحيل يحصلها حاجه اهدى شويه وفكر بعقل
ينظر اليه كمال ويفكر قليلاً بالفعل ويذهب الي غرفته وتنظر خلفه فاطمه وهي تفهم جيد ما يخاف منه كمال وتنظر الي مصطفي وتضع يدها علي كتفه وتقول: روح يا ابني لتمارا شوفها هي اكيد زعلانه اوي من كمال دلوقتي
اومأ لها مصطفى ويذهب الي الاعلى وتنظر خلفه فاطمه
وتنظر أمامها وتذهب الي غرفة كمال وتدق علي الباب وتسمعه يأذن اليها بالدخول وتدخل فاطمه بالفعل وتنظر الي كمال الذي يجلس علي السرير وتبتسم فاطمه وتقول.خايف لا يتردلك اللي عملته في بنتك يا كمال باشا
ينظر اليها كمال ويقول بغضب شديد.انتي بتقولي ايه يا ست انتي انا معملتش حاجه عشان تترد في بنتي
تبتسم فاطمه وتقول.أمال ايه اللي مخوفك كده يا كمال بيه الا اذا خايف لا تحاسب دلوقتي علي اللي عملته زمان
يتوتر كمال بشده وينظر أمامه ولم يتحدث لتبتسم فاطمه وتقول.بس متقلقش يا كمال بيه بنتي انا مش هتشيل ذنوب ربنا رب عادل ومش هياخد البنت بذنب ابوها
يغلق كمال عينيه بقوه كبيره ويقول:ياريت يا فاطمه انا مبتمناش حاجه في الدنيا غير سعادة بنتي وأنها تعيش حياه مستقره وسعيده مش طالب اكتر من كده
تنظر اليه فاطمه قليلاً ولم تستطيع ان ترد عليه ام تتحدث وتذهب الي الخارج علي الفور وينظر كمال خلفها وينظر أمامه وهو يفكر بماذا يفعل لكي يحافظ علي ابنته ولا يجعل شئ يحدث اليها فهل سوف ينجح كمال في هذا ام ماذا سوف يحدث بعد
يدخل غرفتها بعد أن دق ولم يسمع صوتها وينظر اليها يراها تبكي بعنف شديد فهي لم تتعود علي هذا من والدها وهذا ما يجعلها بهذه الحاله آلان ويذهب مصطفي إليها ويجلس بجانبها ويضمها إلى أحضانه لتبكي تمارا بقوه اكبر وتقول.بابا بيزعقلي كده ليه يا مصطفي انا عملت ايه عشان يزعقلي كده حرام عليه اللي بيعمله فيا ده والله انا معملتش حاجه
يضمها مصطفي بقوه كبيره الي احضانه ويقول.اهدي شويه يا حبيبتي اهدي عمي خايف عليكي وانتي بتعاندي علي اقل حاجه
تبتعد تمارا عنه وتقول بغضب شديد: طلعت انا الغلطانه في الاخر مش كده انتوا ليه بتعاملوني المعامله دي يا مصطفي بجد انا زهقت من كل ده ومبقتش قادره استحمل بجد
يمسكها مصطفي ويقوة: ممكن تهدي شويه يا تمارا وبعدين انا قولتلك ايه دلوقتي انتي كنتي تقدري تسكتي وانا هوديكي المكان اللي انتي عايزه بس كنتي سيبتي ابوكي وهو متعصب دلوقتي وانتي عارفه اني مبرفضش ليكي طلب وكنت هوديكي بكره الملاهي تلعبي وتعملي اللي انتي عايزه
كادت تمارا ان تتحدث لكن تسمع ما يقول.لا محدش يودي بنتي الملاهي غيري انا يا حيوان
تنظر تمارا لصاحب الصوت تراه والدها لتنظر بعيد عنه علي الفور ويذهب كمال ويقف امامها ويقبل رأسها ويقول.حقك عليا يا نور عيني أنا من خوفي عليكي بس عملت كده
لا ترد تمارا عليه ولم تتحدث ليقول كمال:انتي عارفه ان ميهونش عليا زعلك يا تمارا انتي اغلى حد في حياتي كلها ولو كنت زعقتلك فده عشانك وعشان مصلحتك يا بنتي مش اكتر
تمارا بغيظ شديد وهي تنظر بعيد عنه.والله يا مصطفي عمر ما الزعيق يكون عشان مصالحه ولو خوف كان ممكن تتكلم معايا براحه وانا بفهم بس تزعقلي بطريقه دي انا مبحبش ده ومش بقبل بي
(بكره تسمعي سرينة همام ونشوف رايك وقتها يا حجه تمارا😂😂 )
يبتسم كمال علي طريقة حزن ابنته فهي تفعل هذا من ان تحزن وتتحدث بهذه الطريقه دائما ويقول:خلاص بقي متبقيش قفوشه كده كل ده من زعيقه يا تمارا امال لو ضربتك كنتي هتعملي ايه
تشهق تمارا بقوه وتقول:هتكون نوتي يا بابا عايز تضربني بجد
يبتسم كمال ويقبل جبهتها ويقول:تتقطع ايدي قبل ما اعملها يا بنت ابوكي
تبتسم تمارا وتذهب الي أحضانه بسرعه وتقول.بعد الشر عنك يا بابا بس متزعقليش كده تاني عشان كان شكلك يخوف بجد
يضمها كمال بجميع قوته وينظر الي مصطفي الذي قال بغيظ شديد:طب لحظه اني واقف حتي محدش عملي اعتبار ليه كده
كمال بغضب:امشي يا كلب من هنا كل المشاكل دي بسببك انت لو مكنتش طلعتها وحصل اللي حصل مكنتش زعقتلها ولا حصل اللي حصل ده
يشهق مصطفي بقوه ويقول: الغلط في الاخر طلع عندي انا يا كمال بيه
كمال بغضب شديد.لا عليا انا ياخويا مش كده
تبتعد تمارا عنه وتقول: يا بابا متعصبش نفسك عشان واحد زي ده صحتك بالدنيا يا حبيبي
يصدم مصطفي بشده ويقول بصوت عالي: الواحد اللي زي ده مش هيوديكي في مكان يا تمارا وابقي شوفي بقي هتطلعي ازاي من غيري يا واطيه بقي تبيعيني عشان ابوكي
تمارا بغيظ شديد: امال الراجل يتعصب الضغط يوطى عنده يا صاصا
ينظر اليها مصطفي بغضب شديد ويقول:اتصدقي انا غلطان يا تمارا خلي ابوكي ينفعك بقي
نهي حديثه ويذهب الي الخارج وتقول تمارا بغيظ شديد الي والدها.عجبك اللي بيعمله ابن اخوك يا بابا
يضحك كمال بقوه وتضحك تمارا معه علي ما يفعلونه بهذا المسكين وتذهب تمارا الي أحضانه ويضمها كمال بقوه كبيره وهو يتمنى ان يستطيع ان يحافظ علي ابنته ويتمنى هذا
(ايي حاجه تحصل للبت دي اعرفوا انه ذنب الواد صاصا بس 🙂)
في صعيد مصر كانت حلمية تجلس وهي تفكر بعدة أشياء وترى بمن تدخل عليها وهي تمسك كأس الشاي وتقول:منوياش تتجوزي بقي
تنفخ زينه بقوه وتقول.منخلصوش من الموضوع ده يا جده
حليمة بغضب:لا مهنخلصوش غير لما هنخلصه منك يا زينه جعدتك في البيت اكده جايبلنا الكلام الكتير وانتي مهتفهميش ومعيزاش تريحي حالك ولا حد
تغلق زينه عينيه بقوه كبيره وتقول: وانا مش هتجوز يا جده وده اخر كلام ومهما تجولي وتعيدي ميفرجش معايا حاجه انا مهدمرش حالي عشان اريحك واريح الناس
تضرب حلميه بالعصا الخاصه بها الأرض وتقول: يعني مهتتجوزيش عناد فيا مش أكده يا بت ولدي
تبتسم زينه ولا تتحدث لتنظر حلمية الي ابتسامتها وتقول بصوت عالي:عفاف عفاف
تخرج عفاف من غرفه توجد وهي تحمل ابنة ضاحي واميره لكي ترى اميره عملها في المنزل وتقول:في حاجه يا حجه ولا ايه
حلميه بغضب شديد.بتك هتكسر كلامي ومهتسمعش مني وانا محدش يكسرلي كلمه خدي بتك وفهميها زين عشان لو مسمعتش مني هجتلها وهرتاح منيها
تنظر عفاف الي زينه وتقول:عملتي ايه لجدتك يا زينه
تذهب زينه وتأخذ الطفله من يدها وتقول.بتحكي في المحكي ياما وعشان اكده متعصبه معرفش ليه
تفهم عفاف علي الفور عن ماذا تتحدث وتقول:ما جدتك معاها حج يا زينه اسمعي منها مينفعش اللي هتعملي ده يا بتي جدتك عايزه مصلحتك وعارفه هي هتعمل ايه زين
تنظر اليها زينه وهي تعلم جيداً ماذا تفعل والدتها لتقول بصوت عالي:وانا مهسمعش منيكم ياما عشان عارفاكم عايزين تخلصوا ومهيفرقش معاكم حياتي تتدمر او لا
حليمة بغضب شديد.البت ملهاش غير جوزها وعيالها في الدنيا وانتي لا عملتي جوز ولا عيال هتعيشي كيف وانتي اكده سيبك هتعيشي بين الناس كيف
كانت زينه ان تتحدث ولكن ترى عيسى يدخل المنزل لتنظر إليه ويسمعون ما يقول وهو ينزل علي الدرج.احنا مهنخلصوش من الموضوع ده عاد
ينظرون الجميع الي صاحب الصوت يرونه همام لتقول عفاف بطيبه مزيفه: نفسي اطمن علي بتي يا ولدي هي مهترضاش تريح جلبي عليها والعمر مبجاش في جد اللي راح ومعيزاش أفارقها وانا ممطمناش عليها
همام بوقاحة:موتي انتي بس يا مرت ابوي وملكيش صالح بزينه بس موتي انتي وارتاحي بجي
تغضب عفاف بشده لكن تبتسم غصب عنها وتقول: هرتاح بعد ما اشوف بتي في بيت عدلها يا ولدي
ينظر اليها همام وينظر الي زينه ويقول.تبجي في بيت عدلها يوم ما مزاجها يجيب لده يا مرت ابوي غير اكده محدش لي صالح بزينه ومحدش يجيب ليها السيرة دي
نهي حديثه وهو ينظر الي حليمه التي فهمت بأنه يقصدها هي بالاخص بحديثه هذا وتبتسم اميره التي استمعت لحديثه وتنظر الي ابنتها التي تريدها لتذهب إليها وتاخدها وتضمها إلى احضانها وهي تشتاق اليها بشده وتسمع ما يقول وهو ينزل علي الدرج.معندناش بنات تفكر بمزاجها يا ولد ابوي احنا رجاله ومعندناش بنات تجرار وتجول إذا تتجوز او لا
ينظر اليه همام ويقول:خلي حد غيرك يتكلم يا ضاحي عشان مهبش فيك جدام مرتك وما اخليك ترفع عينك فيها تاني
يغضب ضاحي بشده ويقول بغضب شديد:كل ده عشان عايز مصلحة اختي يا غ
همام بصوت افزع الجميع.صوتك ميعلاش يا نجس ممكن اخبطك زي ما تمشي ايدك علي رأسك ولا هفكر في حاجه لا مرتك ولا عيالك لم حالك ومسمعش صوتك تاني
يخاف ضاحي منه ولا يتحدث وينظر همام الي حليمه ويقول:والكلام ليكي يا كبيره
حليمه بغضب.هتخبطني يا ولد ولدي ولا ايه
يبتسم همام ويقول: لاه انتي مينفعش اعمل معاكي اكده يا كبيره بس لو زينه اشتكت من حد ولا حد في البيت ده زعجها بكلمه انتي عارفه زين ايه اللي هيحوصل وجتها
تفهم حليمة ماذا يقصد علي الفور لتنظر الي زينه وهي تغضب منها بشده فهمام يقف في وجهها لأجلها ويبتسم همام ويقول.ابجي جربي يا جده
قال هذا وهو يفهم حلميه ويفهم بماذا تفكر ويشير الي عيسى وهو يذهب الي الخارج وينظر خلفه عيسى وينظر الي زينه ويذهب خلف همام يراه يركب السياره بعد ان فتح اليه احد الحرس ليذهب ويركب بجانبه السياره وهو يريد ان يتحدث معه بشده ويشير همام الي السائق ويعلم عيسى إلى أين يذهب همام الآن لينظر اليه ويقول.ليك ايه انت في القاهره يا واد عمي
ينظر همام أمامه ويبتسم بجمود شديد وينظر الي عيسى ويقول بغموض وشر شديد.في روح عايز اقبضها وروح عايز اكسرها يا عيسى
(روح وكسر ايه بس يا عم صلي علي النبي امال ده احنا اهل برضو عيب كده وادي دقني لو فالحنا 😂😂

يتبع….

 

 

• لقراءة باقي فصول الرواية اضغط على (رواية غول الصعيد)