روايات
رواية أهلكني حبه الفصل الأول 1 بقلم هدى رامي
رواية أهلكني حبه الفصل الأول 1 بقلم هدى رامي
البارت الأول
-لو سمحت يا انسه ممكن اعرف عماره رقم ١٠١ فين
جمله قالها شاب طويل ولابس لبس ضباط بصتله وتوهت في ملامحه
-يا انسه انتي كويسه ؟
=ها؟..ايوه .ايوه هي العماره اللي هناك دي
-شكرا
ابتسملي ومشي وهو متجه على العماره اللي انا اصلا ساكنه فيها وانا اتنهدت و روحت اجيب الحاجه الللي نزلت علشانها….
-افتحوا البااااب يا اهل الدار انا جيييت
= فيه ايه يا بنتي وطي صوتك عندنا ضيوف
ـ ضيوف مين ؟
كلمه قولتها لأختي لما فتحتلي الباب وقالتلي عندنا ضيوف..
=معرفش .تقريبا حد تبع بابا
-طب ما تيجي نشوف مين
= لا يا حبيبتي روحي انتي أنا مليش دعوه
نفخت بضيق وقولت
-ماشي انتي حره
وطلعتلها لساني وطلعت لقيت بابا قاعد مع نفس الشاب اتفاجئت وتنحت وفوقت على صوت بابا
-تعالي يا ندى سلمي على مازن ابن عمك سليم
“عمي سليم هو امتى خلف ولد “
قلتلها في سري باستغراب
-ازيك يا ندى
= ال ..الحمدلله. ام .امال عمي سليم مجاش معاك ليه ..
-معلش بقى انا جيت فجأه المره الجايه يجي
قال بابا بابتسامه°مازن لسه منقول جديد هنا وهيقعد معانا فتره لحد ما يلاقي مكان اتمنى بقى يبقى مفيش مشاكل ولا ازعاج انتوا معاكوا ضابط في البيت
قولتله وانا بضحك.
-هو احنا برضو بتوع مشاكل يا حاج
°ايوه انتي هتقوليلي
ابتسم مازن وقال
-ليه بس يا عمي ما شكلها كيوت اهي
ابتسمت وخدودي احمرت وقولت
= قوله بقى
°فين الشاي ؟
بابا قال كده ولسه هتكلم لقيت اختي منه طلعت بالشاي
ضحكت وقولتها
-لحقتي نفسك ..
مازن قالها
‘ازيك يا منه عامله ايه .
*الحمدلله..اتفضل الشاي…..
شربنا الشاي واكلنا و مازن دخل يستريح من السفر وبابا من الشغل ودخلت انا ومنه الأوضه
-فيه ايه يا بنتي. راحه جايه شبه الهبل كده
= شوفتي يا منه شكله حلو ازاي وطويل كده وليه هيبه
-ايوه اتغير قوي عن زمان
= ده على اساس انك شوفتيه زمان غير كام مره
-هو اللي كان مش بيحب يكلم حد ولا يقعد مع حد علشان كده دايما كنا بنقعد مع عمي سليم ومراته وبناته وهو مكانش بييجي معاهم
=انا اصلا مش فاكره شكله كان عامل ازاي شوفته مرتين تلاته وكنت صغيره ومن بعدها مشوفتوش لدرجه اني نسيت أن عمو سليم عنده ولد اصلا ..
=اممم.
-هو ايه اللي امم
= اصل شايفه عينك بتلمع يعني وانتي بتتكلمي عليه
-بتلمع!؟ لا عادي اي نعم هو قمر وكاريزما وعينه حلوه وطويل وشبه الابطال اللي في الروايات اللي بقرأها بس عادي يعني
=والله
قالتها بضحك
فبصتلها بغيظ و قولتها
-اه والله
= امم ماشي. انخمدي بقى علشان عندك جامعه الصبح
بصتلها بقرف وقولت
-ماشي يا ست فزلوكه
ضربتني بالمخده وقفلت النور وكل واحده نامت على سريرها..
منه اختي الكبيره ..هي اختي وصحبتي ومامتي اللي شالت مسئوليتي بعد ما ماما ماتت خلصت الجامعه ومشتغلتش علشان تهتم بيا وببابا متعرفش حد في الدنيا غيري انا وبابا وحسن (خطيبها)
تاني يوم
-ندى يا ندى قومي يلا هتتأخري على الجامعه
= يوه بقى خمس دقائق.خمس دقائق بس
-قومي يا بت بدل ما اخلي بابا هو اللي يصحيكي
=ليه وعلى ايه انا صحيت اهو
قومت لبست وخلصت وطلعت
-تعالي افطري يا بنتي
=لا يا بابا مش هحلق اتأخرت على الجامعه هبقى اكل اي حاجه من هناك
-طيب يا بنتي ربنا يوفقك
ابسمتله وكنت لسه همشي وقفني مازن وهو بيقول
°استني يا ندى هوصلك وانا رايح الشغل هدخل بس اجيب الچاكت واجي
هزيت راسي فدخل جاب الچاكت ونزلنا
“في العربيه”
-انتي في كليه ايه يا ندى؟
= انا في كليه حاسبات ومعلومات
-انتي عندك 21؟
ضحكت وقولت
= لا 22
-فرقت يعني
=ايوه طبعا فرقت متعرفش انت بيحصل ايه في السنه دي
ضحكنا والكلام خدنا لحد ما وصلنا الجامعه
-هتخلصي الساعه كام ؟
= الساعه 6
-طيب استنيني هعدي اخدك
= لا شكرا هروح لوحدي
-بصلي وقالي انا مش بسألك انا بقولك هعدي اخدك
مشي وسبني بضحك على طريقته اللي قلبت على ضابط في ثانيه
خلصت ولسه بطلع علشان اشوفه جه ولا لا لكن …………….
- لقراءة باقي فصول الرواية أضغط على (رواية أهلكني حبه)
____
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)