رواية بطلة الخديعة – نهى ورؤوف الفصل العاشر 10 بقلم يسرا
رواية بطلة الخديعة – نهى ورؤوف الفصل العاشر 10 بقلم يسرا
البارت العاشر
وضحك وقال وقال انا اللى كنت بقول ياخساره لو كانت مى طلعت هاديه لمامتها
اقرت نهى بهدوء العيله ده مافيش فيها حد هادى
قاطعتهم مى شايفاكو بتضحكو قلت اجى بدال ما انا قاعده هناك لوحدى زهقت الصراحه ها بتضحكوا على ايه
نهى جبتى الشاى
مى لاء مش ده كان سيم كده ولا انتى فعلا عاوزه شاى
وائل لا شاى ايه بقى انا عازمكو على الغدا
همت نهى بالانصراف وهى تقول
معلش يا وائل وقت تانى انا كنت هشرب كوبايه الشاى واروح ازور واحده صحبتى لكن يظهر ماليش نصيب هشربها عندها
مى قوام كده يا ماما
نظرت نهى وعينها تحمل نفيا لما قالته شفتيها لو عايزه تقعدى براحتك
ردت مى
مسرعه لا انا ماشيه معاكى
وائل طيب اوصلكم
نهى البيت قريب مش بعيد هتمشى انا ومى
وائل خلاص براحتكم مع السلامه وفرصه سعيده
نهى انا الاسعد يا وائل
قالت مى وهى تشعر بالاسف مع السلامه يا وائل
ودعها وائل بعينيه وقال مع السلامه يا مى
انصرفت مى بصحبه امها والتى توقفت الاخيره وقالت نسيت نضارتى على التربيزه هروح اجيبها خليكى هنا يا مى
مى اوك اجى معاكى
نهى لا خلى سلام العشاق ده لوقت تانى
قابلها وائل فى منتصف الطريق وقال نضاره حضرتك
اومأت نهى برأسها واخذتها منه عندها ادرك وائل انها تركتها عن عمد فقال حضرتك كنتى عايزه تقوليلى حاجه تانيه
نهى اتمنى ان موضوع الشراكه ده يفضل ما بينا بس مش عاوزه مى تعرف بيه
لم يفهم وائل سبب طلبها ولكنه اجاب ماشى انا اصلا ما كنتش هقولها
هزت نهى رأسها وقالت كويس سلام
وائل سلام
كانت مى تراقبهم من بعيد ولكنها التزمت بأوامر والدتها وبعد عوده الام قالت كنتو بتقولو ايه
ردت نهى بغموض ابدا ولا حاجه
اللهم انت مدبر الامر من قبل ومن بعد
سارت مى برفقه والدتها والتى كان يبدو ان هناك امرا يشغل ذهنها
مى ماما انتى ايه رأيك فى وائل
نهى كويس
نظرت لها مى بتعجب كويس!!! بس!!! طيب ما انا عارفه انه كويس
نهى اتعلمى الصبر يا مى هينفعك بجد يابنتى بلاش تستعجلى وخليكى مع ربنا
وهتلاقى الحاجه تجيلك لحد عندك ان الله مع الصابرين يامى
مى ماما انا حساكى اتغيرتى اووى وبقيتى ساكته على طوول ودايما ذهنك مشغول
نهى انا مشغوله بيكم ياحبيبتى مش عنكم وربنا وحده اعلم وانتم اللى بتهونوا عليا اللى انا فيها
مى ربنا يخليكى لينا يا ماما بس انا لحد دلوقتى ماعرفتش ايه اللى حصل بينك وبين بابا انتو كنتو نازلين كويسين ترجعوا بعد ساعه كده وبعدين خلافكم كتر اووى يا ماما وماعدتيش تصالحى بابا دايما زى ما كنتى بتعملى
نهى ااه ااه يا نهى فعلا هوه دايما كان يزعل ويتقمص على اتفه الاشياء وانا اجرى اطبطب وادلع وادادى لكن خلااص يا مى وبقولهالك وانتى بقيتى على وش جواز اينعم لسه بدرى شويه بس الحياه يابنتى خد وهات
مش ااقصد على الفلوس لاء الود والرحمه زى ما تحنى وتوديه كمان هوه بالمقابل
اوعى تفضلى تدى لحد ما خلاص تهونى عليه ويبقى وجودك زى عدمه اعمليلك كرامه ووضع وحياه مستقله اوعى تسيبى نفسك ليه زى الريشه يجيبك هنا ويوديكى هناك ساعتها وزنك وقيمتك هيكون برضه زى الريشه
مى يااااااااااااااااااااه يا ماما كل ده كاتماه فى قلبك
نهى معلش يابنتى ادينا بنتعلم وبرضه
وماكان ربك بظلام للعبيد انا احتسبت اجرى عند ربنا يجازينى خير فيكو فى الدنيا والاخره المهم انا عندى مشوار كده هتروحى البيت ولا هتعملى ايه
مى وانا ماينفعش اجى معاكى المشوار ده
نهى لاء للاسف
مى اوك هستناكى فى البيت سلام
نهى فى حفظ الله يا حبيبتى
انطلقت نهى بعدها الى بيت خالتها فقد كانت رتبت موعدا معها لتقابل عصام عندها بعد عودته من سفره
وماهى الا نصف ساعه حتى كانت جالسه مع عصام فى صالون بيت خالتها التى انصرفت لاعداد سفره الطعام بعد رفضها معونه نهى لها باصرار
عصام ازيك يا نهى والله زمان يا بنت خالتى
نهى ازيك انت ياعصام وازى غاده والولاد
لوى عصام شفتيه عند ذكر نهى لاسم زوجته ولادى الحمدلله كويسين وغاده اكيد ماما قالتلك اخبارى ايه معاها
اخفضت نهى رأسها ربنا يهديلكو الحال
عصام وانتى يا نهى الولاد عاملين ايه ورؤوف اخباره ايه
ظهر الاسى على محيا نهى العذب وكادت ان تبكى عند تذكر مافعله رؤوف معها فلم يكتفى باهمالها والجرى وراء شيري بل تركها مع صديقه الذي لا يطاق
قال عصام بعصبيه مالك يانهى رؤوف مزعلك!!
نهى سيبك من رؤوف دلوقتى مش ده اللى كنت جايالك عشانه
عصام امال كنتى عايزه ايه يانهى انا تحت امرك
نهى عصام انت ممكن فى شغلك تعمل تحريات كده عن اتنين اعرفهم ولا ده ممكن يسببلك مشاكل
عصام انا لو هعدى البحر عشان خاطر حاجه انتى عايزاها وارجع تانى انا ما اتأخرش يا نهى
خجلت نهى من عصام ومن تفانيه فحتى الان وبعد مرور عشرون عاما لازال يكن لها تلك المشاعر الفياضه
تماسك عصام نفسه فقد شعر ان بالغ فى اظهار مكنونات قلبه هاه قولى بأه كنتى عايزه ايه انتى بتستخفى بيا هههههههه محسوبك على درجه عقيد فى المخابرات عيب عليكى
نهى ربنا يوفقك كمان وكمان ياعصام انت تستاهل كل خير باختصار انا اعرف واحده عايزه اعرف مدى علاقتها بأيمن شريك جوزى فى الشركه
عصام اوى اوى سهله ادينى نمر موبايلاتهم وتحريات بسيطه فى شركات المحمول هنعرف ان كان بينهم اتصال ولا لاء
نظرت له نهى فزعه ايه ده انتو ممكن تشوفوا الناس بتتكلم مع مين
عصام ونسجله كمان بس دا طبعا شغل امن دوله فى الغالب لكن انا ليا علاقاتى ماتقلقيش مش كل الناس يعنى بنسجلهم اللى شاكين انهم مثلا عاملين شبكه مخدارات مثلا ولا تجسس دا شغلنا
نهى طيب انا مسجله نمره صحبتى على الموبايل لكن ماعييش نمره ايمن ممكن اما اروح ابعتهالك فى رساله
عصام خلاص ابعتيلى النمرتين مع بعض وانا هبعتهم فى رساله للظابط اللى هطلب منه انه يسجل مكالمتهم ان وجدت ماشى كده
هزت نهى رأسها وقالت ماشى
غادرت نهى بعد تناول الغذاء برفقه خالتها وعصام ابن خالتها
وعندما وصلت الى البيت توجهت فورا الى غرفه المكتب واخرجت من الدرج اجنده الهاتف ودونت رقم هاتف ايمن المحمول فى رساله وارفقت نمره هاتف سلوى
ونظرت الى خارج النافذه المقابله لها تحديدا الى السماء الزرقاء والملبده بالغيوم وقالت يارب اظهرلى الحق يارب وسامحنى ان كان فيه وزر لكن هما اللى ابتدوا بالاذيه
بعثت نهى بالرساله واتجهت الى غرفه ابنتها لتطمئن عليها
بطلة الخديعة رؤوف ونهى كاملة بقلم يسرا مسعد
الفصل التاسع 9
اعمى الفكر ام اعمى البصر
تغيرت شخصيه نهى اصبحت تفكر بمفردها لم تعد نهى القديمه التى كانت لا تسير خطوه الا بالرجوع لرؤوف كى تحصل على مشورته فيما تفعله او لا تفعله
فهو رب الاسره رجل البيت القوام عليها واذا امرت المرأه ان تسجد لمخلوقا غير الله عز وجل فلتسجد لزوجها وعلى المرأه ان تلبى طلب زوجها ولو كانت على ظهر جمل
هذا ما ترسخ فى ذهن نهى عن طاعه الزوج كى تفوز بجنه الخلد
لم تعلم قيمتها هى الاخرى وان الله كرمها وجعل القوامه للرجل مسئوليه وليست فخرا وعنجهيه وامتيازا لجنس الرجال فوق جنس النساء
وان ليس مقابل طاعتها مأكلها ومشربها وطلبات البيت المجابه
وانه رجل يكد ويشقى فى عمله يكفى مايجد من شقاء وعناء خارج البيت فلتتحامل هى على نفسها وكل ماحرمت منه فهو على سبيل انها من يجب عليها الاهتمام براحته ومراعاه لظروفه
وهذا هو الرجل الشرقى الانانى الذى وان رأى ان زوجته تضحى لاجله اليوم فغدا يرى ان هذا من حقه وان هذا اقل ماتفعل الا ترى النساء من حولها وكيف هى احوالهن فلتحمد ربها على الاقل هو ليس كبقيه الرجال ليس سبابا لعانا يضربها ويهينها
واصبحت تلك القاعده العامه العريضه من الرجال وان من لا يفعل ذلك هو الشاذ العجيب وكأن حسن المعامله اصبحت أستثناء يوضع
تحته الف خط وخط
المهم عوده للاحداث مره اخرى وتحديدا فى مكتب رؤوف حيث يجالس صديق السوء بالطبع ايمن يبث سمومه على هيئه افكار باليه تعلق بها قلبه وصدقها رؤوف خاصه وانها تتناسب مع مافعله حتى الان فى حق زوجته المتفانيه المخلصه طيله عشرون عاما
ايمن.. مالك يارؤوف من ساعه الحفله الخيريه اللى كنا فيها وانت متغير
رؤوف.. نهى ياسيدى
ايمن.. يااااادى نهى ياأخى اخلص من الموال ده بقى وفوق لروحك هيا هتنكد عليك عيشتك كل شويه
رؤوف.. ياريت يارتها منكده ولا حتى بتنطق بكلمه ساكته على طول وفى حاجه بتدبرها مش عارف هيا ايه اتغيرت اووى
فين نهى اللى كانت متستحملش ابات ليله زعلان وتفضل تحايل فيا من يومها وهى بتنام بره فى الصاله
قال ايمن مستفسرا بقلق.. يعنى هيا ماكلمتكش فى حاجه ابدا من يومها
رؤوف.. لاء بدخل واطلع كأنى مجيتش اصلا انت متأكد انها ماشفتنيش فى الحفله مع شيرى
ايمن.. انت عارف ان مراتك مابتطقنيش لا ف سما ولا ف ارض وطبعا حاولت ان اخليها بعيد عن الجنينه لكن هيا سابتنى وراحت هناك
رؤوف.. نعم وجاى تقولى الكلام ده دلوقتى
ايمن.. اطمن اطمن روحت وراها ولما لقتنى وراها رجعت تانى للقاعه وبعديها خرجت بعديها لقيتك انت روحت وراها قلت اكيد ما شفتش حاجه لانها لو اخدت بالها مش بعيد كانت طبطت عليكو
رؤوف.. والله يا اخى انا حترت اكتر ووجعتلى دماغى ومش عارف مالها ومستنى لو هيا بدأت تفاتحنى بالكلام يبقى ساعتها اقولها وتخبط راسها فى الحيط بس كده حرق اعصاب ياترى عارفه ولا مش عارفه ااقولها وافرض طلعت مش عارفه يبقى جبت لروحى وجع الدماغ بدرى بدرى
ايمن.. انا رأيي انك تقولها وزى ماقولتلك ديتها كام يوم تتقمص وخلاص
رؤوف.. تعبت والله يا ايمن يا اخويا وشيرى اليومين دوول طالبتها كترت اووى وانا خلاص مابقتيش طايق
ايمن.. لاا بقولك ايه ركز الله يخليك عندنا مناقصه مهمه الشهر اللى جاى عايزين نستعدلها كفايه الخساره الاخيره
رؤوف.. الا انت ماعرفتش شركه مين اللى كسبت المناقصه اللى فاتت
قال ايمن ممتعضا لاويا شفتيه.. شركه وليد المنجى ياسيدى
رؤوف.. ايه تصدق العمليه دى كان فيها ان ده طول عمره بيحاربنا وكنا دايما بنغلبه
ايمن.. خلينا فى اللى جى احسن ونركز عشان نعوض الخساره
رؤوف.. على قولك طظ فى نهى وطظين فى شيري انا هجبها منين ولا منين
ايمن.. الله الله لاا يا حلو مش هينفع تقلب على الاتنين كفايه واحده
رؤوف.. انت رأيك كده
ايمن.. طبعا
رؤوف خلاص طظ فى نهى وياحلاوه شيري هههههههه
فى المساء قبيل عوده رؤوف للمنزل رن هاتف نهى انها سلوى
سلوى.. الو ازيك يانهى انا زعلانه منك خالص
ردت نهى بهدوء.. ازيك ياسلوى ليه ربنا مايجبش زعل
سلوى.. كده تنسينى الفتره اللى فاتت دى كلها ولا من لقى احبابه ينسى اصحابه
ردت نهى بسخريه.. وهما فين احبابى دول
سلوى.. جرى ايه انتى هتخزى العين امال مين القمر اللى كان مع رؤوف فى الحفله الخيريه من كام يوم
اندهشت نهى لمعرفه سلوى بالامر وقالت.. انتى عرفتى منين
سلوى.. هههههه ماتعرفيش انى ااقدر اعرف كل اخبارك ومن عنيكى ااقدر اقرى افكارك هههه
نهى.. همم بقيتى حكيم روحانى يا سلوى
سلوى.. طبعا يا بنتى انتى مستهونه بيا ولا ايه
ردت نهى نافيه.. لا طبعا بالعكس انا بقيت مؤمنه بيكى جدا وبقدراتك
لم تفهم سلوى ماتقصده نهى واستطردت نهى قائله.. انتى كنتى فى الحفله
سلوى بتردد.. ااه ااه بس خفت اجى اسلم عليك احسن رؤوف يشوفنى تبقى مصيبه قلت خلينى بعيد احسن
اردات نهى ان توقع سلوى
نهى.. بس ايه رأيك فى فستانى الاسود كان لايق عليا ولا مغمقنى اووى رؤوف ماكنش عاجبه
سلوى.. ده كان هياكل منك حته تلاقيه كان غيران ولا مغمقك ولا حاجه يا ابيض انت
علمت نهى ان سلوى تكذب وانها لم تكن بالحفل فكانت نهى ترتدى فستانا نبيتى اللون اذن شخص ما اخبرها اما ايمن او شيري وحدسها ينبأها انه ايمن فشخصيه مثل سلوى لاتتماشى مع شخصيه شيري فالمتماثلون يتنافرون كلتاهما يطمعان بمال رؤوف
نهى.. انا هقفل دلوقتى يا سلوى رؤوف بيركن تحت
سلوى.. طيب بصى فى مناقصه اعلنو عنها واكيد رؤوف هيدخلها همتك معانا
نهى.. معاكو وانتو مين
سلوى.. لاء لاء مش ااقصد قصدى
يعنى همتك عشان تخسرى رؤوف العمليه دى وكده يبقى فاضل ضربه كمان وتوقع شيري فى شر اعمالها هبقى اتصل بيكى تانى اديكى التفاصيل اوك
نهى.. اوك سلام
حقيقه سلوى
فى اليوم التالى صباحا اتصل عصام بنهى والتى كانت بمفردها
عصام.. الو ازيك يانهى عامله ايه
نهى.. ازيك انت ياعصام وازى خالتو وولادك معلش انا مقصره معاكو
عصام.. لا ولايهمك هيا الدنيا كده غصب عنا بتبعدنا عن اللى بنحبهم المهم انا بعت لظابط اعرف نمر تليفونات سلوى وايمن والى مش عارف من حسن الحظ ولا ايه فهم انى عاوز مكالمتهم الاتنين امله سواء مع بعض او مع غيرهم بس لحد دلوقتى مالقيتش مكالمه مابينهم
احتارت نهى.. معقول ولا مكالمه واحده ?????
عصام.. انا قلت نراقبهم مده شهر كده وعامه المكالمات اللى عندى حصيله يومين ممكن قريب يتكلمو الله اعلم انتى واثقه انهم على علاقه ببعض
نهى.. والله ما انا عارفه ياعصام بس كنت شبه متأكده
عصام.. لاا خلاص اذا كان كده نراقبهم شهرين تلاته ان شالله 6 شهر ولا يهمك
نهى.. طيب وبقيه المكالمات كانت فيها حاجه مريبه
عصام.. بالنسبه لايمن لاء مكالماته مابين شغل ومابين ستات وكلام مش محترم بالمره
نهى.. ماجبتش حاجه جديده يا عصام
عصام.. انا الصراحه ماعرفش واحد بالاخلاق دى ازاى رؤوف يشاركه
نهى.. اللى حصل طيب سلوى فى حاجه غريبه بالنسبالها
عصام.. سلوى ياستى كانت بتتكلم مع واحد اسمه وليد بالتحريات عرفت انه اسمه وليد المنجى مكالمتهم كتيره وطويله وفى بينهم بيزنس وبيتكلمو عن مناقصه قربت وهتكون ضربه جامده لرؤوف
ده اللى خلانى ماستناش للاخر وقلت اتصل اقولك انا كنت مدى نفسى مهله اسبوع اكون جمعت منكالمات كتير تظهرلنا الحقيقه
شعرت نهى بالصعقه وبتأنيب حاد للضمير فوليد المنجى شبه عدو لزوجها وهاهى سلوى تساعده على النيل منه بالمعلومات التى امدتها بها نهى
نهى.. غبيه غبيه ومتسرعه
عصام.. مين اللى غبيه ومتسرعه
نهى.. هه لاا ابدا مافيش انا متشكره جدا ياعصام مش عارفه اشكرك ازاى
عصام.. العفو يانهى انا تحت امرك وهفضل وراهم الاتنين واول مكالمه مابينهم هكلمك فورا
نهى.. انت بتحتفظ بالتسجيلات يا عصام
عصام.. طبعا ماتقلقيش ولو عايزاهم انا تحت امرك
نهى.. لاء بس لو لقيت مكالمه مابين اين وسلوى ممكن ساعتها اخدها ممكن
عصام.. ممكن جدا خدى بالك من نفسك يانهى وماتقلقيش على رؤوف الحاجات دى شبه عاديه الشغل دايما فيه منافسه
نهى.. طبعا طبعا
اغلقت نهى الهاتف وجلست تفكر عن مدى العلاقه بين سلوى والمدعو وليد المنجى فقد سمعت زوجها يتحدث عنه من قبل ولكن صممت ان تعرف مدى العلاقه بينها وبينه فقررت سؤال سميه علها تملك الاجابه
اتصلت بسميه على الفور
نهى.. الو ازيك ياسميه معلش بتصل فى وقت مش مناسب
سميه.. ازيك يانهى تصدقى والله كنتى على بالى وكنت هكلمك الليله وحشتينى اووى وانتى تتصلى فى اى وقت انتى فكرانى فى امريكا عندم نهار يبقى عندى ليل
نهى.. ههههه لاء ااقصد تكونى مشغوله بالغدا والذى منه
سميه.. انا تحت امرك كنتى عايزه حاجه مش عايزه اطول عليكى انتى بتتكلمى دولى
نهى.. لا مايهمكيش انا بس كنت عايزه اسألك تعرفى واحد اسمه وليد المنجى وان كان ليه علاقه بسلوى
سميه.. علاقه بسلوى!!!!!!! طبعا يابنتى ده طلقيها
نهى.. ايه!!!!!!!!! طلقيها
سميه.. ايوه رجل الاعمال اللى اتطلقت عشان تتجوزه حتى اجهضت نفسها بعد ما كانت حامل من جوزها الاولانى عشان تبقى فاضياله
نهى.. نعم!!!!!!!!!!!!!!! اجهضت نفسها
سميه.. الموضوع ده سر طبعا انا عرفت بيه لانها كلمتنى بعد ما اجهضت وكانت تعبانه اووى ومخبيه على اهلها فروحتلها اخدتها عندى البيت وقعدت فيه لحد ما قامت
طبعا بررت انها اتجوزت جوزها الاولانى وهيا مش بتحبه وخلاص مش طايقاه ولا طايقه عيال منه فحين انها كانت منمره على وليد وكانوا متفقين أول ما العدة تخلص يتجوزوا علطول
وده اللى حصل فعلا بس جوازهم ما استمرش كتير سلوى كانت طمعانه فى فلوسه بس وليد مكنش اهبل ولا كان بيحبها اووى يعنى
اختلفو واتطلقوا بعدها بست شهور تقريبا بس بعد ما اخدت مؤخر طلاق نص مليون وكان بالنسبالها ولا حاجه
نهى.. انا مش مصدقه اللى بسمعه معقول كل ده يطلع من سلوى
سميه.. فاكره يانهى لما كنتى بتقولى عليها طيبه
نهى.. كنت هبله فعلا
سميه.. انا اللى عرفت سلوى على حقيقتها وعشان كده قولتلك تبعدى عنها
نهى.. بس هيا اللى تبعد عنى
سميه.. تحبى اكلمها
نهى.. لاء اوعى ياسميه اوعى بجد اوعدينى ان كل كلمه نتكلمها تفضل سر مابينا
سميه.. ناويه على ايه يانهى
نهى.. مش ناويه على حاجه يا سميه انا وكلت ربنا ومسلماله امرى هو خير مولى وخير نصير
سميه.. ونعم بالله يانهى ونعم بالله ابقى طمنينى عليكى يا نهى واوعدك كل اللى بينا هيفضل سر
نهى.. ربنا يكرمك ياسميه ويباركلك فى ولادك
سميه.. ويباركلك فى ولادك انتى كمان يانهى مع السلامه لا اله الا الله
نهى.. محمد رسول الله
بطلة الخديعة رؤوف ونهى كاملة بقلم يسرا مسعد
الفصل العاشر 10
ضربه اخرى قادمه
استيقظ رؤوف ولم يجد نهى الى جواره كما اعتاد دائما فكانت بعد كل لقاء تجلس الى جواره تداعب خصلات شعره بحب وهيام الى ان يستيقظ فتحضر له كوبا من العصير كى يستعيد نشاطه
قام رؤوف من مضجعه واغتسل وارتدى ثيابا نظيفه وخرج ليجد زوجته تجلس فى غرفه المكتب تطالع كتابا عن الاجرام السماويه
رفع رؤوف حاجبيه.. ايه خلاص هتبعتى لوكاله ناسا!
ردت نهى بتحزلق.. هما بعتولى بس لسه بفكر
ارتفعت ضحكه رؤوف وقال.. تعرفى شكلك احلى كتير وانتى فرداه كده
اتبسمت نهى وقالت بثقه.. انا حلوه على طوول
رن هاتف رؤوف انها شيري اخذ رؤوف نفسا طويلا فقد كان يرد امضاء بعض الوقت برفقه نهى
عبست نهى.. موبايلك بيرن كتير
امسك رؤوف بالهاتف واغلقه.. شغل شغل مابيخلصش وادينى قفلته هاه انا جعان اووى مش هتأكلينى
ردت عليه نهى بغنج.. انا ماعملتش اكل النهارده ممكن تطلب دليفرى
رؤوف.. طيب طالما كده كده هناكل من بره ماتيجى نخرج سوا ناكل فى مطعم
هزت نهى رأسها وبعثرت شعرها الناعم الطويل حول وجهها الجميل وقالت اوك
نظر لها رؤوف وابتسم ثم تذكر ان يضع اوراقا مهمه خاصه بمناقصه الشهر القادم فى درج المكتب
فسألته نهى.. انت هتشتغل.
رؤوف.. لاا
ده ورق المناقصه اللى هدخلها جيبته معايا عشان اراجعه ربنا يسهل ونكسبها المره دى
نهى.. هوا مين اللى اخد المناقصه اللى فاتت
رؤوف.. مش هتصدقى عارفه وليد المنجى.
نهى.. عارفاه مش ده اللى كان بينافسك زمان ايه اللى رجعه تانى لشغل المناقصات
رؤوف.. ااه ياستى رجع تانى وكسبها
اللى هيجننى انها نفس المواصفات اللى كنت داخل بيها بس بسعر ااقل 3
نهى.. غريبه فعلا مش ممكن يكون حد بيتجسس عليك.
رؤوف.. حد حد زى مين. وبعدين الموظفين اللى عندى معايا من زمان
نهى.. انت ماعينتش حد جديد فى المكتب الفتره اللى فاتت
رؤوف.. لاء كل المهندسين والمحاسبين اللى معايا هما هما
نهى.. امال مين اللى شوفتها فى الحفله اللى قالتلى الباشمهندس مش بيبطل كلام عنك
تردد رؤوف.. دى دى دى شيرى
شيرى بتاعه العلاقات العامه
نهى.. طيب مش دى جديده…
رؤوف.. لا حرام عليكى دى غلبانه وبعدين دى علاقات عامه ايه اللى يفهمها فى المناقصات والشغل الفنى ده
نهى.. اى حد يقدر يستخدم مكنه التصوير ياخد الورق اللى خاص بالمناقصات ويصوره مش لازم يكون حد بيفهم فى الفنيات بتاعه الشغل يارؤوف
نظر لها رؤوف غير مصدق وشعر انه تلقى ضربه على رأسه
رؤوف.. قصدك ايه قصدك ان هيا اللى بتنقل الورق لوليد المنجى لا ياشيخه استحاله شيري تعمل كده
نهى.. نعم. استحاله شيري تعمل كده. ليه ان شاء الله وبعدين تعالى هنا ايه اللى بينك وبينها يخليك واثق اووى كده ويخليك تتكلم عنى معاها وتحكلها عنى.
رؤوف.. جرى ايه يانهى عادى يعنى موظفه عندى والكلام بيجيب بعضه وبعدين دى كانت مجامله منها وكفايه اصلا انك اتصرفتى معاها بقله زوق دى مدتلك ايدها تسلم عليكى وانتى تجاهلتيها
نهى.. بصراحه شكلها معجبنيش واحده شكلها بيئه ولوكال وايه اللى كانت لابساه ده ده لبس واحده محترمه شكل ايمن هوه اللى معينها ماهى الاشكال اللى بيعرفها بتكون كده
احمر وجهه رؤوف بشده وقال.. نهى من فضلك كفايه كلام لحد كده لانك بتغلطى فى ناس كتير اووى دلوقتى خلصتى شيري واتدورتى على ايمن
نهى اقتربت منه.. يا رؤوف يارؤوف انا قصدى افتحلك عينك وتشوف اللى واضح قدامك زى عين الشمس ماسألتش روحك منين وليد يجيب نفس مواصفاتك ويقدمها هه .لازم يكون حد عنده القابليه والقدره انه يدخل مكتبك ويدور فيه ويديه للى اسمه وليد ده
فكر رؤوف ان نهى محقه ولكن ليس شيري مستحيل فهى زوجته اولا واخيرا ومكسبه يصب فى صالحها وهو لا يمنع شىء عنها
رؤوف.. طيب طيب سيبك من الموضوع ده دلوقتى وتعالى نخرج انا محتاج اغير جو
نهى اخذت تدعو الله سرا ان يهديه
فى اليوم التالى دخلت شيري مكتب رؤوف وهى غاضبه للغايه لاحظ رؤوف غضبها
رؤوف.. مال الجميل . زعلان ليه.
شيري.. نعم!!! حضرتك بتستهبل انا رنيتلك امبارح اكتر من مره ومارديتش عليا وقفلت موبايلك ومن ساعتها ما اعرفش عنك حاجه انا عايزه اعرف انا هفضل كده لحد امتى ان شاء الله
رؤوف.. وطى صوتك ارجوكى وبعدين انا كنت تعبان امبارح وماقدرتش انزل وفيها ايه ما انا كل ليله بجيلك
شيري.. ايوه كل ليله بتجى وتنزل تتسحب بليل وترجع على بيتك عشان الهانم مراتك ماتعرفش حاجه وطبعا ماتقدرش تبات معايا انا بردو مراتك زيها.. اعمل حسابك انك اذا ماجيتش الليله وبت معايا انا هرفع سماعه التليفون واكلمها واقولها على كل حاجه
رؤوف.. ايه اللى انتى بتقوليه ده ده ماكنش اتفقنا انا ماضحكتش عليكى يابنت الناس ومن الاول قولتلك على ظروفى وانتى وافقتى عليها
شيري.. وانا خلاص مش هستحمل بعد كده انت لازم تعدل مابينا الشرع بيقول كده
رؤوف.. هههههه والشرع بيقول تتحجبى وتلبسى واسع وطويل ولا انتى فالحه تاخدى اللى يجى على مزاجك من الشرع والباقى لاء
ارتبكت شيري وقالت.. دى حاجه ودى حاجه تانيه وبعدين هو انت لولا لبسى وشياكتى كنت هتتجوزنى اشمعنا دلوقتى مش عاجبينك
رؤوف.. فعلا معاكى حق انا اتشديتلك بسبب لبسك اضيق والقصير وقصاد جوازى منك انتى واخده حقك تالت ومتلت شقه بأسمك وعربيه على الزيرو ودهب وفلوس
عايزه ايه تانى مستخسره فى الغلبانه التانيه ارجعلها وش الفجر بسببك وكمان مش عاجبك وانا وشى فى وشك طول النهار
عندها علمت شيري انها ستخسر كثيرا اذا استمرت فى تلك المعركه الخاسره فقامت وجلست على سطح المكتب
وقالت بصوت اشبه بفحيح الافعى.. ماهو من حبى ليك يا اوفه يرضيك بالليل انام لوحدى كل ليله انت ماتعرفش انى بخاف
نظر لها رؤوف وقد سكرت ابصاره وقال.. خلاص هبات معاكى بس مش النهارده بكره الخميس هقول لنهى انى مسافر القاهره بالليل وابات معاكى
شيري.. طيب مافعلا نسافر القاهره خان الخليلى بيبقى تحفه بالليل
ثم اشارت الى شيري الى السلسلة وقالت.. السلسه اللى اديتهالهى فى عيد ميلادى اتقطعت بالمره تجيبلى واحده غيرها
الى ان قاطعهم طرقا على الباب فقامت شيري مسرعه ودخل ايمن
الذى لاحظ وجهه رؤوف الاحمر بشده ونظره المكر والدهاء فى اعين شيري فابتسم بخبث وحك ذقنه
ايمن.. صباح الخير يا آنسه شيري
شيرى.. صباح الخير يا استاذ ايمن
رؤوف.. روحى انتى ياشيري هنبقى نكمل كلامنا بعدين
نظرت له شيري برقة وقالت.. فى انتظار معاليك
ايمن.. ياعينى. معاليك ياسيدي على الدلع
رؤوف.. الله يخليك مش ناقصه قر انا ماصدقت انها رضيت عنى بس شكلها هتغرمنى بقولك صحيح انا بكره بالليل والجمعه والسبت مسافر شغل للقاهره ماشى اوعى تلخبط الدنيا
ايمن.. ماشى ياسيدى ومنغير قر بس انت كده هترجع على ميعاد اعلان نتيجه المناقصه هما طبعا بياخدو شهر عشان يعلنوها رسمى بس انا اعرف واحد فى اللجنه قالى هيعلنوها الحد الجاى او الاتنين بالكتير ودى كده لحد اما يمضوا العقود وتبقى رسمى
رؤوف.. ماتخفش انا خلصت كل حاجه وسايب الورق فى البيت هبقى اجيبه المكتب بكره تروح انت تسلمه ماشى
ايمن.. ماشى
فى تلك الاثناء وفى مكتب وائل كانت نهى تجلس معه لتمضى على اوراق العقد المبرمه بينه وبينها
نهى.. ها يا وائل ادينى مضيت كل حاجه ارتحت بقى من هنا ورايح اما ابقى عندك فى المكتب هكلمك بصفتى شريكتك بره المكتب اعتبرنى حماتك المستقبليه
عندها ابتسم وائل وقال.. طيب واختى الكبيره امتى
نهى.. على طووووول ههههههه المهم جهزت نفسك للمناقصه شد حيلك
وائل.. ان شاء الله هنكسبها ولو ان رؤوف باشا داخلها قصادنا
نهى.. لاا قصادك انت الشراكه دى بينك وبينك مفهوم
وائل.. مفهوم وانا طبعا مقدر حساسيه الموقف وبكره ان شاء الله هكون من النجمه عند اللجنه ااقدم اوراق المناقصه واخد الايصال بيها
نهى.. ربنا يسهل ويرزقنا من وسع
فى المساء اخبر ها رؤوف انه مسافر ليله الغد الخميس و يوم الجمعه والسبت للقاهره لقضاء بعض الاعمال
لم تنطلى الكذبه على نهى والتى اصبح ذهنها متفتحا لما يخبرها به رؤوف
فاصبحت تعى كل كلمه وكل حرف وتخلت عن ثقتها الزائده والعمياء به
فقالت.. وهو الناس بتشتغل فى الاجازه يارؤوف دا الجمعه كل الشركات والمصالح قافله والسبت البنوك حتى قافله
انتبه رؤوف ان كذبته لم تكن متقنه وبها بعض الثغرات
رؤوف.. لاا ما هو ماهو انا اصلى هروح ازور ناس معارفى يوم الجمعه عشان محتاجلهم فى موضوع كده
وهقابل واحد السبت صاحب شركه استيراد وتصدير بفكر اتوسع معاه يفتحلى سوق فى الصعيد هوه شغال فى الصعيد بس مقر شركته فى القاهره
نهى.. وهيا الصعيد فى اسواق اليومين دوول !!!
رؤوف.. ااه طبعا امال ايه مش فيها نا عايشه زيهم زينا
نهى.. بس القدره الشرائيه عندهم مش زى وجه بحرى
رؤوف.. القدره الشرائيه !!!!!!! انتى بتجيبى الكلام ده منين نفسى اعرف
نهى.. هيكون منين يعنى ولا فكرك انى مش عايشه فى الدنيا ومابشغلش دماغى
رؤوف.. لاا ازاى بتشغليها بس بتشغليها بشكل اوفر اليومين دوول
نظرت له نهى بتمعن لاويه شفتيها.. تاعبك الموضوع ده مش كده .
نظر لها رؤوف بعمق وقال.. لا تاعبنى ولا حاجه ياستى ممكن ادخل انام بقى عشان اصحى لشغلى
نهى.. اتفضل تصبح على خير
نظر لها رؤوف نظره ذات معنى وقال.. انتى مش هتيجى تنامى
فهمت نهى ما المح له رؤوف اليه فى الحال ولكن ان كان ذاهبا لقضاء عطلته مع شيري فليذهب برغبته الى الجحيم فهى لن تصبح بعد الان تلك اللعبه المكسوره والتى كسرها هو بأنانيته المفرطه ثم ما ان لبثت واصلحت من ذاتها يريد ان يلعب بها مره اخرى ليلقيها بعدها بعيدا تاره اخرى ويذهب الى شيري لقضاء عطلته معاها فى القاهره او اى مكان على ظهر الخليقه
فقالت بعند.. لاء انا هسهر اتفرج على التليفزيون فى فيلم حلو جاى
شعر رؤوف بخيبه الامل فلم يكن ليظن ان ترفضه نهى فقال بكبرياء مجروح.. طيب براحتك تصبحى على خير
نهى.. وانت من اهله
لم تنم نهى ليلتها فقد كانت تشعر بالجرح فهى تعلم ان زوجها سيسافر الليله برفقه شيري
زاد من جراحها الما انها ستعد له حقيبته
عندها خطرت لها خطه جهنميه ستعد له حقيبته وان كان ظاهرها التنظيم الا انها ستضع له قليل من الملابس والكثير من القطع الغير متناسقه وربما غير النظيفه فان كانت شيري تريد الذهاب لتقضيه وقت ممتع فستحرمها من الخروج فما ان يصل رؤوف الى القاهره سيفاجىء بحقيبته الغير كامله
وهى تعرف زوجها حق المعرفه فهو دائم التأنق وبخاصه فى الرحلات لانه يقابل اناسا غرباء ويريد دائما ترك انطباع جيد لديهم
ابتسمت نهى وقامت واغتسلت تناول رؤوف افطاره الشهى بسرعه وتوجهه الى عمله
فؤجئت نهى باتصال سلوى تسألها عن اخبارها وعن اخبار
رؤوف
سلوى.. الو ازيك يانهى اخبارك ايه .
ردت عليها نهى.. الحمد لله ياسلوى
سلوى.. عرفتى رؤوف قدم المناقصه ولا لاء .
نهى.. لسه على حسب معلوماتى
سلوى.. طيب حلو خالص بكره الجمعه ياجميل روحى المكتب وصورى الورق وابقى تعالى عندى ادهولى وانا هعرف شغلى
نهى.. اوك على ميعاد بكره ان شاء الله
اتصلت نهى بوائل واطمأنت انه سلم الاوراق الخاصه بالمناقصه
نهى.. هاه يا وائل سلمت الاوراق
وائل.. ااه ورايح على المكتب كمان شويه
نهى.. طيب كويس عايزاك تجهزلى ورق بمواصفات تخلى اللى يقدمها يخسر المناقصه
تعجب وائل من طلبها للغايه.. نعم….!! ليه .هوا احنا عايزين نكسب ولا نخسر
نهى.. ومين قالك انها لينا ثم انت سلمت ورقك خلاص
وائل.. طيب بس افهم ليه .
نهى.. مش لازم تفهم دلوقتى هتفهم بعدين نفذ اللى بقولك عليه ولا لازم اديك فرمان حماتى قنبله ذريه عشان تنفذه
وائل.. هههههههه لاء على ايه الطيب احسن
نهى.. ساعه كده اعدى عليك تكون جهزت الورق ماشى بس عايزاه يكون بروفيشنال يعنى مش لخبطه كده واى كلام
وائل.. حاضر ولو انى مش فاهم بس حاضر بس حيث كده بقى خليهم 3 ساعات ماشى
نهى.. طيب ححود عليك بالليل تكون خلصته براحتك على سبعه كده ماشى
وفى طريقه الى العمل اتصلت شيري برؤوف وقالت بغنج.. انت فين يا اوفه
رؤوف.. رايح على المكتب
شيري.. احنا مش اتفقنا اننا نسافر الليله
رؤوف.. طيب ياقمر احنا فين والليل فين
شيري.. وماله لما نسافر بالنهار ماتيجى نسافر دلوقتى حتى تبقى شايف السكه كويس والليل يبقى بتاعنا على راحتنا
راقت الفكره لرؤوف.. طيب خلاص انتى جاهزه احود عليكى دلوقتى
شيري.. طبعا انا جاهزالك على طوول يا اوفه
انطلق رؤوف الى شيري واصطحبها معه الى عطلتهما سويا الى القاهره
استغرقت رحتلهم ساعتين وما ان وصلا الى القاهره حتى فوجىء رؤوف باتصال من ايمن
رؤوف.. ايوه يا ايمن خير فى حاجه
ايمن.. نموسيتك كحلى يا استاذ انت فين كل ده ماجيتش المكتب ليه.
قال رؤوف بخبث.. انا فى القاهره
ايمن.. نعم. ايه انت مش كنت قلت هتسافر بالليل
رؤوف.. وسافرت دلوقتى ليك عندى حاجه يا استاذ
ايمن.. ليا طبعا انت بتستهبل انت ناسى ان اوراق المناقصه معاك
عندها ضرب رؤوف جبهته بيده بقوه وقال.. اااخ تصدق فعلا
ايمن.. لاااا مش ممكن دى مش طريقه شغل يا رؤوف يظهر ان النسوان خلاص بقت لاحسه مخك
رؤوف.. خلاص بقى يا اخى بلاش غلط الله خلاص محلوله انا شايل الورق فى درج المكتب روح انت البيت عندى وخلى نهى تديهولك
لمعت عينا ايمن بحماس وقال بهدوء.. امرى لله انت تتفسح وانا اتشحطط بس مراتك هتقول ايه وانا جاى اخد الورق منها دلوقتى مش تستغرب انك ماتجيش انت تاخده وانت قايلها انك مسافر بالليل مش بالنهار
رؤوف.. اااه صح لاء بقولك ايه انت تروح بالليل تاخده منها وتسلمه السبت الصبح وهيكون لسه باب التقديم مفتوح صح كده
ابتسم ايمن بخبث وقال.. صح كده هروحلها بالليل
بطلة الخديعة رؤوف ونهى كاملة بقلم يسرا مسعد
الفصل 11
زياره ابليس
فى المساء استعدت نهى للخروج كى تذهب الى مكتب وائل وقاطعها اتصال من ابنتها مى
مى.. الو ازيك يا ماما
نهى.. ازيك يامى اتأخرتى ليه كل ده قلقتينى عليكى
مى.. معلش يا ماما اصلى خلصت كليه وحودت على سلمى وخالتو اخد منها ملزمه كنت عايزاها خالتو مسكت فيا اتغدى معاهم وعايزنى كمان ابات
نهى.. كده طيب براحتك
مى.. خدى خالتو عايزه تكلمك
نهى.. الو ازيك يا نرمين
نرمين.. ازيك انتى يا نهى بنتك طلعت اجدع منك كل يومين والتانى تيجى تسأل
فينك انتى ده حتى سماعه التلفيون نسيتيها
نهى.. معلش والله يانرمين مشغوله على اخرى وبقول اهى مى بتطل عليكم وبتطمن منها
نرمين.. طيب اعملى حسابك تيجى انتى كمان تباتى معايا الليله انا عرفت ان رؤوف مسافر
نهى.. لاا ماينفعش واسيب احمد يبات لوحده
نرمن.. طيب خلاص بكره تعالو الصبح بدرى انتى واحمد جايلى دعوتين لدريم بارك ايه رأيك ناخد بعضنا بربطه المعلم ونروح كلنا سوا ونغير جو وفرصه رؤوف مسافر والجو اتحسن
نهى.. حلوة الفكره انا من زمان ونفسى اتفسح ولو انى مش غاويه ملاهى وتنطيط بس عشان الولاد يتبسطوا خلاص على سبعه الصبح كده هنكون عندكم ماشى
نرمين.. خلاص اتفقنا وانا ححضر السندويتشات ماتتعبيش روحك واما
نروح هناك نتغدى فى المطعم
نهى.. خلاص طول عمرك شاطره فى تظبيط الرحلات ههههه
نرمين.. طبعا يا بنتى ده شهريا لازملنا خروجه هقعد استنى محسن جوزى اما يرجع من قطر مرتين فى السنه عشان يفسحنا لاء طبعا
نهى.. يابختك هقولك ايه غير يابختك
نرمين.. الله اكبر بكره اشوفك عايزه مى
نهى.. منستغناش سلميلى عليها
انتهت نهى من محادثتها مع شقيقتها وما ان اغلقت هاتفها حتى تصاعد رنينه مره اخرى انه احمد ابنها
نهى.. الو ايوه يا احمد ازيك
احمد.. انا الحمد لله ياست الكل انتى عامله ايه
نهى.. انا كويسه انت فين
احمد.. لااااا ماتستنيش انى ارجع بدرى النهارده خااالص
نهى.. نعم!!! ليه بقى ان شاء الله
احمد.. النهارده ماتش الزمالك مع الاهلى الساعه 9 وهسهر بره اتفرج عليه مع معتصم صاحبى والشله
نهى.. يادى الزمالك والكوره الى واكله عقلك وهترجع على كام ان شاء الله
احمد.. بصى لو الماتش خلص فى ميعاده ببدل الوقت الضايع والبلنتات على 12 ونص كده واذا كسبنا ان شاء الله يبقى على 1ونص اتنين بالكتير
اتسعت عينا نهى.. ياسلام يعنى فى الحالتين بعد نص الليل تصدق انى غلطانه خالتك من شويه كلمتنى وقالتلى اجى ابات معاها قلتلها لاء احمد هيبات لوحده
احمد.. ليه وهيا فين مى
نهى.. بايته عندهم يا فالح واعمل حسابك بكره الساعه 7 الصبح هنروحلهم عشان عازمينا على دريم بارك معاهم يعنى احسنلك بلاش السهر وتعالى بدرى عشان تنام كويس وتعرف بكره تسوق بينا
احمد.. لا ماتقلقيش عليا ياست الكل سبعه بالدقيقه هوصلك عند خالتى انما دريم بارك والكلام الفاضى ده اعفونى ماليش فيها
نهى.. احنا عيله نخرج سوا ونتفسح سوا ومش مهم المكان طالما نتبسط مع بعض
احمد.. اييييييه طيب ماشى خلاص ماتقلقيش عليا واقفلى على روحك بالمفتاح وانا اما اجى هفتح
نهى.. طيب امرى الى الله
اغلقت نهى الهاتف ونظرت الى الساعه وقالت.. ياخبر انا اتأخرت خالص دى الساعه بقت 7 الا ربع وانا لسه ماجهزتش
ارتدت نهى ملابسها على عجاله من الزمن وخرجت وركبت سياره اجره وتوجهت الى مكتب وائل
وائا.. اهلا اهلا ازيك يامدام نهى
نظرت له نهى شاعره بالذنب.. اعذرنى يا وائل بجد انا مش من عادتى ابدا اخلف ميعادى لكنل خلاص بجهز نفسى عشان اخرج والتليفونات اشتغلت
وائل.. لا ويهمك انا اصلا كنت منتظر عميل عنده حته ارض وعايز يبنى عليها فيله فى برج العرب وشك حلو على المكتب
ابتسمت نهى وقالت.. ربنا يوسع رزقك ان شاء الله ويكرمك واعمل حسابك انى ماضيه معاك عقد الشړاكه على شغل المناقصات وبس اى شغل هندسى تانى ده بتاعك مش ليا
وائل.. ازاى انتى مموله المكتب لحد النهارده ب 100 الف جنيه
نهى. . ومن اول مره قابلتك فيها فهمتك كويس انى بوظف فلوسى فى المناقصات والاستثمار فى شراء الاراضى يا وائل صح ولا انا غلطانه
وائل.. انتى انسانه كريمه اووى بجد وانا سعيد انى كسبت انسانه زى مى عندها ام زى حضرتك
ابتسمت نهى وهزت رأسها.. وانت انسان طيب وتستاهل كل خير الجواب بيبان من عنوانه المهم جهزتلى ورق المناقصه
وائل.. ااه جاهز اتفضلى اهوه
اخذت نهى الاوراق والقت عليها نظره سريعه
هز وائل رأسه وقال.. بس انا مش عارف انتى عايزاه ليه
نهى.. ناس طالبينه منى
وائل.. طالبينه عشان يخسروا
نهى.. لاء طالبينه عشان احنا نخسر
وائل.. انا كده مش فاهم حاجه
نهى.. بكره هتفهم وعندى نصيحه ليك يا وائل حطها حلقه فى ودانك وانت على اول الطريق لانى للاسف اتعلمتها متأخر اووى اووى
وائل.. اتفضلى حضرتك اى كلمه بتقوليها بعتبر قيمتها قيمه الدرر
نهى.. مش اووى كده
خد بالك من اقرب الناس ليك ياوائل
انسى نهائى مصطلح الثقه العاميه
فى مجال البيزنس ماتثقش حتى فى اخوك المثل بيقول احذر عدوك مره واحذر صديقك الف مره
اوعى اسرارك واسرار مكتبك حد يعرفها حتى شريكك ماتضمنش النهارده مصلحته معاك بكره ياعالم
وائل.. بس الكلام ده لو جينه عكسناه هنلاقى ان حضرتك وثقتى فيا وشاركتينى منغير اى ضمانات
نهى.. لاااااااااا تفرق كتير يا وائل انا الدنيا اخدت منى كتير واديتنى كتير برضه والحمد
لله وان كان على ال الف فهم مش حاجه جنب اللى اخدته منى انا عامله حسبتى كويس لكن انت لسه على اول الطريق
نظر لها وائل باعجاب فقد كانت محقه فى كل كلمه قاطع حديثهم طرقا على الباب
وائل.. ادخل
السكرتيره.. باشمهندس وائل استاذ حازم توفيق فى انتظارك
نظر وائل الى الساعه المعلقه على الحائط.. جه فى ميعاده بالظبط .خليه يتفضل
قامت نهى من مجلسها وقالت.. طيب استأذن بقى معلش عطلتك عن ميعادك
وائل.. لا ابدا انا سعيد بزيارتك اووى ممكن تستنى شويه اهو اعمل برستيج قدام الراجل
ابتسمت نهى وقالت.. ماشى احلى برستيج كمان
دلف العميل الى المكتب رحب به وائل على عجاله.. اهلا اهلا استاذ حازم جيت فى ميعادك
نهى.. استأذن انا يا باشمهندس وبجد مش عارفه اشكرك اد ايه انا لحد النهارده عمرى ما اتعاملت مع حد بالذوق ولا بالكفاءه اللى عند حضرتك
نظر لها وائل وابتسم.. العفو يا مدام نهى انا تحت امرك
نهى.. وان شاء الله ده مش آخر تعامل بينا
انصرفت نهى وتوجهه وائل بحديثه الى عميله الذى كان محدقا بنهى وبجمالها الاخاذ.. اهلا اهلا المكتب نور تحب تشرب ايه حضرتك
ظل حازم سرحانا فى نهى!!! فاضطر وائل لاعاده سؤاله.. استاذ حازم!!! تحب حضرتك تشرب حاجه
حازم.. هه لا لا ولا اى حاجه متشكر اووى ياباشمهندس جهزتلى الرسومات
وائل.. جاهزين يافندم جاهزين
انطلقت نهى بعد مغادرتها الى اقرب متجر للادوات المكتبيه طلبت من البائع ان يصور لها اوراق المناقصه وان يضعها فى مظروف كبير
نظرت فى الساعه وجدت انها تجاوزت الثامنه فلابد ان اخر عامل فى مكتب زوجها قد انصرف فاتصلت بسلوى
نهى.. الو ازيك ياسلوى
سلوى.. ازيك انتى يانهى عامله ايه معرفتش اتكلم براحتى معاكى امبارح عامله ايه ياقمر
نهى.. انا الحمد لله بقولك رؤوف مسافر النهارده وانا ممكن اروح المكتب دلوقتى واجيب الورق ايه رأيك احود عليكى ادهوليك كمان ساعه كده
سلوى.. بجد!!!! ده يكون احسن ياريت لو عايزانى ااقابلك عند المكتب مافيش مشاكل
نهى.. لاء لاء بلاش انا مضمنش يمكن يكون الساعى اللى هناك سهران او حاجه خلينى اروح واول ما اجيبه هجيلك لو حصل حاجه تانيه هبقى اكلمك
سلوى.. اوك فى انتظارك
بعد مرور ساعه زمنيه كانت نهى فى منزل سلوى والتى رحبت بها ترحيبا شديدا.. اهلا اهلا يانهى والله زمان ازيك عامله ايه ونفسيتك اخبارها ايه
نهى.. ماشيه ياسلوى المهم انا مش هقدر اتأخر عشان الولاد مايقلقوش عليا خدى الورق اهوه
سلوى.. بس شاطره انك جبتيه فى الوقت ده
نهى.. ماهو الساعى بيقفل الساعه 8 والموظفين بيكونو مشيو من قبله بساعه كده انا لما كلمتك كنت قريبه من المكتب لما لقيتك فاضيه قلت خلاص اطلع اجيبهم ماضمنش بكره ممكن يحصل ايه
سلوى.. طبعا انتى من هنا ورايح اتعلمى انك تنتهزى الفرص والوقت المناسب ماتضمنيش فعلا ايه اللى ممكن يحصل بعد كده
نهى.. المهم استأذن انا بقى
سلوى.. مابدرى
نهى.. لا الوقت اتأخر وانا لازم اروح
سلوى.. طيب ياحبيبتى ربنا معاكى سلام
نهى.. مع السلامه
سلوى.. الا صحيح يانهى رؤوف مسافر فين
نهى.. قالى انه رايح القاهره
سلوى.. كان حقك تتصلى بالمكتب النهارده وتسألى عن اللى اسمها شيرى دى
نهى.. وعلى ايه ما انا عارفه انه معاها
سلوى.. همم على قولك بس خلاص فاضل على الحلوه تكه وتقع فى شړ اعمالها
نهى.. مش عارفه يا سلوى ساعات بحسك بتكرهيها اكتر منى
سلوى.. انتى بس عشان طيبه وقلبك ابيض لكن انا فعلا بكرها لانها واحده ولا تسوى قدرت تاخد كل اللى اخدته ده
نظرت لها نهى وشعرت انه من المستحيل وجود علاقه بين سلوى وشيرى لذلك قررت ان تقوم بضړبتها فى وقت لاحق حتى تتأكد من وجود علاقه بين سلوى وايمن عندها ستوقع بين الاثنين لاتدرى كيف ولكنها كانت تشعر يقينا بأن الله سيبصرها اى السبيل تسير
نهى.. مع السلامه يا سلوى وياريت اول ماتعرفى بنتيجه المناقصه تتطمنينى
سلوى.. طبعا انا اول واحده هقولك هيا هتتعلن الاتنين الجاى بالكتير
نهى.. معقول بالسرعه دى
سلوى.. لاء هيا رسمى بعدها بشهر بس اللجنه بتاخد قرارها بسرعه باب التقديم هيتقفل السبت الساعه 3 فهيبقى قدامهم يومين كده حلو اووى بيكونو حددوا مبديئا لحد مايمضو العقود والحاجات الرسميه دى بتاخد شهر
نهى.. ااه قولى كده طيب هستنى منك تلفون يوم الاتنين
سلوى.. ماشى ياقمر
نهى.. مع السلامه
سلوى.. مع الف الف سلامه نورتى
انصرفت نهى وامسكت سلوى بالاوراق وقبلته بعدها تناولت هاتفها واتصلت بأحد الارقام المميزه لديها وقالت.. مش هتصدق جبت الورق ههههههه. جهزلى الفلوس بكره اوك ..سلام
نظرت نهى الى ساعتها الانيقه انها العاشره والنصف وهاهى اخيرا فى منزلها دخلت نهى واتجهت رأسا الى غرفتها واغتسلت وتؤضئت وجلست تقرأ بعض ايات الله الكريمه بصوت عذب خشوع بعد قليل قاطعها رنين جرس الباب
نظرت نهى فى الساعه انها ال الحاديه عشر والنصف
تورادت الى نهى تلك الافكار.. معقول يكون احمد!!! رجع بدرى يعنى تلاقى الزمالك خسر طيب فين مفتاحه!!!
قامت نهى وكانت لازالت مرتديه اسدال الصلاه لحسن الحظ فتحت الباب وللاسف لم تتخذ احتياها بالنظر عبر العين السحريه ففوجئت بأيمن والذى ابتسم ابتسامه صغيره لدى رؤيتها
اتسعت عينا نهى محدقه فيه.. انت!!!!!!!!
قال ايمن بصوت اجش.. ازيك يانهى
نهى.. انت جاى تعمل ايه هنا وعاوز ايه رؤوف مسافر !!!!!!
ايمن. . ما انا عارف اصل رؤوف كلمنى من شويه وقالى انه نسى ياخد ورق
المناقصه من المكتب هنا والسبت اخر ميعاد لتسليم الورق وهو عبال مايرجع باب التقديم هيكون اتقفل فقالى اجى اخده من عندك
نظرت له نهى غاضب وقالت.. وماكلمنيش ليه يقولى ولا حتى كلم احمد كان يوديه ليك فى المكتب
نظر لها ايمن نظره ذات معنى.. انت بتسألينى انا اهو عندك اما يرجع ابقى اسأليه لكن انا دلوقتى عاوز الورق ضرورى جدا
نظرت نهى له وهى تعلم انه بالفعل محق فالعيب ليس عليه العيب على رؤوف زوجها المستهتر بحرمه البيت حتى يبعث اليها صديقه الوغد فى تلك الساعه من الليل.. خليك هنا هدخل اجيب الورق واجى
ايمن.. هوا احمد مش موجود
نهى.. وانت عاوزه فى ايه
ايمن.. لاء يعنى كنت ادخل اسلم عليه انتى قاعده لوحدك
نظرت له نهى وقالت بتردد.. وانت مالك استنى هنا هجيب الورق واجيلك
انصرفت نهى الى الداخل تاركه ايمن منتظرا على مدخل البيت واتجهت الى غرفه المكتب وهى تشعر بحنق كبير على رؤوف وتصرفه المقيت طيب طيب يا رؤوف اما اشوفك بس
ولكن لم ينتظرا ايمن كما امرته بل دخل واغلق باب المنزل بهدوء شديد واتجه خلفها لى غرفه المكتب حيث كانت
فتحت نهى درج المكتب واخذت تبحث عن الاوراق ووجدتها بسهوله فرفعت انظارها عندها فؤجئت بأيمن يقف عند باب المكتب نظرت له نهى غير مصدقه.. انت ازاى تدخل لحد هنا
رد ايمن باستهتار.. اصل كان فى قطه طالعه على السلم خفت لتدخل البيت فدخلت وقفلت ورايا
نهى.. انت بتستهبل قطه! اتفضل خد الورق اهوه وامشى اطلع بره
اخذ منها ايمن الاوراق والقاها ارضا وجذبها نحوه
عندها شعرت نهى بالذعر الشديد فحاولت افلات نفسها منه قائله.. انت اتهبلت سيبنى بقولك
عندئذ افلاتها ايمن ورفع يديه الى الاعلى بحركه استسلام وقال.. اهوه خلاص سيبتك اهوه نتكلم بقى براحه
سارت نهى الى الخلف بضعه خطوات وقالت.. مافيش بينى وبينك كلام وامشى احسنلك بدل ما ابهدلك واوريك مقامك
عندها تصاعدت ضحكته الساخره.. تبهدلينى وكمان تورينى مقامى
انا فعلا يمكن مقامى مش من مقامك بس كمان رؤوف مش من مقامك فكرك ان رؤوف احسن منى راجل اكتر منى!!! تبقى غلطانه اصحى وفوقى وشوفى اللى بيحصل فعلا من وراكى ياربه الصون والعفاف
نهى.. انا للمره الاخيره بقولك امشى اطلع بره بيتى والا
عندها قال ايمن.. والا ايه هه !!! هتقولى لرؤوف هه واذا كان رؤوف بقى خلاص ماعدتيش عنده تسوى حاجه عارفه جوزك فين دلوقتى طيب عارفه مع مين
انهمرت دموع نهى بغزاره.. عارفه
عندها قال ايمن بهدوء.. عارفه انه بيخونك مع شيري عارفه انه مسافر معاها من الصبح بدرى وعشان ماتعرفيش قالى اجيلك بالليل
نهى.. عارفه انه مسافر مع شيري عارفه كل حاجه ومايهمش توقيت السفر ولا انت ايه رأيك
نظر لها ايمن وقال.. رؤوف ده لو كان راجل بجد ماكنش بعت واحد زيي بيته فى السعادى خاصه وانه كان ممكن زي ما انتى قولتى يبعتلى ابنه بالورق بس من كتر ماهو مش هامه انتى وكل اللى فى فكره وقلبه شيري باعك خلاص ماعدتيش تهميه
شعرت نهى بكلماته كخناجر تطعن صدرها خاصه وانها صادره من رجل مثله رجلا كانت ولازالت تستحقره دوما وهاهو الان يظهر مدى حقاره مكانتها عند زوجها الذى امضت نصف عمرها معه
نهى.. خلصت كلامك خد ورقك واطلع بره
ايمن.. لاء لسه يانهى لسه ماخلصتش انا بحبك وبحبك من زمان اووى عارف انى فى نظرك انسان مش محترم وانا فعلا كده بس عشانك انا مستعد اتغير من اشاره من اصغر صوبع فى ايدك تدهانى هتغير وهكون انسان تانى وصدقينى هكون احسن من رؤوف ستين الف مره بس ادينى انتى الاشاره
نهى.. يوم ما هديك اشاره هكون انا ساعتها اللى مش محترمه لانى لسه على ذمه راجل مهما ان كان فهو لسه جوزى
هز ايمن رأسه وقال.. هتفضلى زيي ما انتى تقدرى تقوليلى هتعيشى كده لحد امتى هه انتى لسه صغيره والاستاذ اللى بيجرى يلحق اللى فاضل من عمره اصلا اكبر منك ولا هو حاسس بيك من حقك تعيشى مع واحد عارف قيمتك
نظرت له نهى وقالت.. ماتخفش عليا انا عارفه مصلحتى كويس ومش هفضل كده كتير
نظر لها ايمن والامل يلمع فى عينيه.. وانا فى انتظار اشاره منك
نهى.. ممكن تخرج دلوقتى انت مش شايف ان زيارتك دى طولت وابنى زمانه جاى هكون ايه المنظر ساعتها لما يرجع يلاقيك
ابتسم ايمن.. الماتش لسه فاضله نص ساعه بس ماشى انا همشى دلوقتى خدى بالك من نفسك واقفلى على روحك كويس والمره الجايه ابقى بصى من العين السحريه
نهى بسخريه.. اوعدك
خرج ايمن ولدى خروجه اخرجت نهى من صدرها اهه طويله وخرت الى ارض تسجد لله وهى تدعوه اللهم انى اشكو اليك ضعف قوتى وقله حيلتى وهوانى على الناس ان لم يكن بك ڠضب على فلا ابالى واخذت تردد ذلك الدعاء وقامت بعدها واغتسلت فكانت لا تزال تشعر بلمسه ايمن وقد دنستها فأخذت تفرك جسدها پعنف خرجت بعدها لتجد ابنها احمد قد عاد وهو يشاهد اعاده لبعض مشاهد من ماتش الزمالك
نهى.. حمد لله على السلامه ياباشمهندس
احمد.. الله يسلمك يا ماما عامله ايه
نهى.. الحمد لله احسن
احمد.. شوفتى عمو ايمن ادانى بمبه
نهى.. نعم ازاى
احمد.. لقيت واحد بيتصل بيا الو ازيك يا احمد .الحمد لله مين معايا .
انا عمك ايمن قولتله اهلا ياعمو ازيك قالى ماتش الزمالك والاهلى النهارده
قولتله ااه هتفرج عليه انا واصحابى فى الكافيه بره
قالى فين الكافيه ده قولتله فى جرين بلازا قالى خلاص استنانى هناك هبقى اجى اشوفه معاكم قولتله ماشى فضلت قاعد مستنيه ماجاش
نهى.. كده!! يعنى كان عارف انك بره
احمد.. مين ده
نهى.. ماتشغلش بالك يالا ادخل اتشطف ونام عشان تعرف تصحى الصبح بدرى
احمد.. الليله بايت لوحدينا انا وانت ياجميل هقوم اعمل كوبايتين شاى بلبن كده وتعالى انا عازمك على لقمه القاضى من احسن حلوانى فى اسكندريه
ابتسمت نهى وقالت.. ايه الزمالك كسب
احمد.. لاء بس قلت لازم اعمل معاكى الواجب برضه وانتى النهارده فى ضيافتى انا وبس
نهى.. ضحكتنى وانا ماليش نفس
واخذت دموع نهى بالانهمار مره اخرى عندها قام احمد من مجلسك واحتضن امه.. مالك ياست الكل بس فهمينى طيب
نهى.. بص يا احمد انت خلاص كبرت وماعدتش صغير وبقيت راجل ملو هدومك
احمد.. خير ياست الكل فيه ايه طمنينى
نهى.. انا خلاص هطلب الطلاق من ابوك
احمد.. ايه ليه يا ماما
نهى.. خلاص يا احمد ماينفعش اعيش مع ابوك بعد اللى حصل النهارده
احمد.. طيب فهمينى ايه اللى حصل النهارده
نهى. . مش هينفع اقولك على حاجه انا قلت اقولك دلوقتى عشان تعمل حسابك وماتجيش تتفاجىء عبال ما امهد لمى الموضوع
احمد.. الموضوع جد .خلاص ده آخر قرار عندك
نهى.. انت عارف انه عشانكم انا استحملت يامه بس خلاص يا بنى مش هقدر استحمل اكتر
احمد.. بس ياماما بابا ممكن يتغير اديله فرصه
نهى.. اديتله كتير كتير اووى وخلاص ماعدتش ينفع اديله تانى على الاقل دلوقتى
احمد.. ربنا يهدى سركو يارب مش عارف اقولك ايه
انا عارف انك ضحيتى عشنا يامه وان بابا ماعدتش زيي الاول ونفسى تعيشى مبسوطه بس نفسى نفضل سوا ومانفترقش
مش انتى يا ماما اللى قولتيلى احنا عيله والمهم نكون سوا مش ده كان كلامك ليا من شويه ده عشان الكلمه دى انا سيبت اصحابى رغم انهم لسه سهرانين وجيت عشانك
نظرت له نهى بتأثر وقالت.. ربنا يقدم اللى فيه الخير ياله قوم بقى اعمل كوبايتين الشاى بلبن ولا رجعت فى كلامك
نظر لها احمد وقال مستسلما.. لا قايم اهوه انا اقدر ارجع فى كلامى
امسكته نهى من كتفه وقبلته عندها امسك احمد يدها وقبلها فاحتضنت نهى ابنها وهى تدعو الله له بصلاح الحال
بطلة الخديعة رؤوف ونهى كاملة بقلم يسرا مسعد
الفصل 12
انما نملى لهم
لم تنم نهى ولا احمد ابنها فالتفكير اخذ حيزا كبيرا من عقليهما ولم يمكن سلطان النوم عليهما
قامت نهى لصلاه الفجر توضئت وايقظت ابنها ليصلى بها اماما رساله غير نصيه بعثتها نهى لابنها انه من الان فصاعدا هو بمثابه وليها
استجاب احمد لامه وقام فصلى وانتهى الاثنان من صلاتهما وجلست نهى تذكر الله بعد قليل توجهت نهى الى غرفه ابنها وجدته وقد ارتدى ملابسه فنظرت له بحنان الام.. هتوصلنا!!!!
احمد.. ااه مش اتفقنا على كده
نهى.. نمت امبارح
احمد.. انتى اللى نمتى ياماما
نهى.. لا والله يابنى وبفكر اتصل بخالتك بس عارفه انها هتزعل وخاېفه لتوصلنا انت وانت مش نايم كويس
احمد.. ماتخافيش عليا هشرب نسكافيه هبقى زى الفل روحى انتى ياماما اجهزى والبسى لبس يساعدك على الحركه عشان انا ناوى انططك يا نونا
ضحكت نهى وقالت.. انا مش ناقصه تنطيط من اولها كده براحه عليا حاضر يا احمد هروح البس مش هاخد حاجه ان شاء الله
احمد.. اعملك معايا نسكافيه
نهى.. ماشى ياحبيبى
رجعت نهى الى غرفتها وارتدت ملابسها على عجاله نظرت فى هاتفها لا توجد رساله واحده او حتى مكالمه من زوجها والذى يبدو انه قد نسى وجودها تماما
وكما قال ايمن لها فهى لم تعد مهمه له شعرت نهى انه هو ايضا لم يعد بعد الان مهما لها
فى الايام القليه الماضيه كانت عازمه على استرجاعه اما الان فترغب بكل قوتها من دفعه بعيدا والاڼتقام منه فستكون دوما معه كما عتاد حتى اخر يوم الزوجه المتفانيه والتى لفظته خارج حياتها بعد ان كان كل محور حياتها هذا هو انتقامها بعدها سيعرف قيمتها ولكن بعد فوات الاوان
خرجت
نهى برفقه احمد واتجهت الى منزل اختها نرمين والتى كان وجهها يشع سعاده لدى رؤيتها لاختها الصغيره فاحتضنتها بشده وقالت.. وحشتينى اوووى اووى يا نهى كده برضه ماشوفكيش من اكتر من شهر
تنهدت نهى وقالت.. معلش والله يانرمين ماتعرفيش انا مشغوله اد ايه
نظرت لها نرمين وفى عيناها نظره تحمل اهتماما بليغا.. باين عليكى مانمتيش خالص امبارح مالك مع ان رؤوف مسافر يعنى
كادت الدموع تنهمر من اعين نهى الحزينه لدى سماعها لاسم زوجها فتماسكت وقالت بصوت خفيض.. مش دلوقتى هحكيلك بعدين عشان خاطر الولاد
هزت نرمين رأسها متفهمه وقالت.. طيب يالا بينا ثم نادت على ولديها التؤام على وعمرو .يالا يا ولاد يالا بينا هنتأخر كده
خرجت سلمى برفقه مى وسلمت على نهى.. وحشتينى اوى يا خالتو واحتضنتها سلمى برفق
نهى.. وانتى اكتر ياحبيبه خالتو
مى.. صباح الخير يا جميل ايه شكلك مانمتيش امبارح الواد احمد عملك حاجه
نهى.. لا احمد زى الفل انزلى لاخوكى مستنى تحت عشان مايقعدش لوحده عبال ما خالتك تجهز الصبيان
لمعت عينا سلمى بهيام.. ايه ده هوه احمد هيجى معانا
نهى.. ااه ماهو العربيه الواحده مش هتكفينا فقولتله يجى معانا احنا فى عربيه وانتم فى عربيه
مى.. لا يبقى نركب انا وسلمى مع احمد وانتى اركبى مع خالتو والولاد عشان نشغل الكاسيت براحتنا عشان انا عارفه ممكن شويه وتقوليلنا طفوا البتاع ده جالى صداع
نهى.. لاا على ايه انا من دلوقتى مصدعه طيب اسبقو انتو
نرمين.. خلااص انا خلصت لازم طبعا على وعمرو يعفرتونى على الصبح كده
نهى.. بكره يكبروا ويعقلو
نرمين.. امتى بقى عندهم 13 سنه ومافيش امل ههههههه
انصرفت الاختان برفقه الابناء الى دريم بارك وقبيل ذهابهما قالت نهى لاحمد سرا.. احمد كلم باباك قوله اننا رايحين دريم بارك
احمد.. انا كلمته فعلا من شويه تليفونه مغلق هكلمه تانى
ركبت مى وسلمى مع احمد السياره فى المقعد الخلفى وكانو يتناولون موضوعا شيقا لكلتاهما عن احدث خطوط الموضه عندها قاطعهم احمد قائلا.. لاا بقولكم ايه احنا هنبتديها كده انا مصدع وبالعافيه شايف قدامى وانتم طول الليل بايتين مع بعض خدو استراحه قصيره كده لحد اما نوصل
سلمى.. سلامتك يا احمد الف سلامه عليك تاخد اسبرين
احمد.. لاء مابحبش الدوا
مى.. سيبكى منه يابنتى هوه ده بيحس
احمد.. لا مابحسش وماعنديش ډم وايه رأيك بقى هقفل الكاسيت كمان هه
مى.. احمد بطل بقى غلاسه طيب وطيه حتى شويه يعنى لا كلام ولا كاسيت
سلمى.. حرام يا مى بيقولك مصدع
مى.. ياحنينه يا اختى
احمرت وجنتا سلمى فيما كان احمد لايعيرهم انتباها بالمره فقد كان يتصل بوالده للمره الثالثه والذى اخيرا فتح هاتفه ورد على ابنه.. الو ايوه يا احمد خير. بتتصل بيا على الصبح بدرى كده ليه حد حصله حاجه
احمد.. لا يابابا صباح الخير الاول اصلنا رايحين دريم بارك احنا وخالتو وولادها فقلت اتصل اقولك
رؤوف.. ياسلام وامك ماكلمتنيش تقولى ليه لما انتو متفقين
احمد.. خالتو عزمتنا امبارح بليل بس
رؤوف.. هوه الكلام اصلا مش معاك الكلام مع امك بس ماشى ياسيدى روحو انتو واتفسحو واتبسطوا وانا لما ارجع النهارده ليا كلام مع نهى
احمد.. مش حضرتك كنت راجع بكره
رؤوف.. ااه ياسيدى بس الست والدتك معرفش جرالها ايه محضرالى شنطه هدومى حاجه اخر عجب لا عارف البس ولا اخرج اشوف مشاويرى عشان كده هرجع بدرى ولا اروح للناس وشكلى يكسف كده
احمد.. تيجى بالسلامه يا بابا مع السلامه
رؤوف.. مع السلامه
مى.. ايه بابا زعل اننا رايحين
لم يرد عليها احمد فقد كان غير راغبا فى تدوال احاديث تخص والديه فى حضور ابنه خالته
مى.. احمد مابترضش ليه
احمد.. يامى قولتلك مصدع سيبينى اعرف اسوق
وصل افراد العائلتين الى دريم بارك ومرت الساعات كان يبدو على على وعمرو السعاده الشديده فيما كان احمد صامتا على غير العاده اما مى وسلمى فلم تتوقفا عن الكلام المباح فيما جلست نهى ونرمين اغلب الوقت يتابعن الابناء باهتمام
نرمين.. ايه مالك يانهى شكلك مش عاجبنى
نهى.. انا خلاص يا نرمين معوتش قادره استحمل رؤوف
نرمين.. طنشيه وعيشى حياتك وبصى لولادك انتى قايداله صوابعك العشره شمع وكنتى طول عمرك زى اللى عيشاله فى قمم
نهى.. لا ماخلاص ماعدتش يفيد
نرمين.. قصدك ايه
قالت نهى بصوت مختلج ضعيف.. رؤوف اتجوز عليا يانرمين
اتسعت عينا نرمين من هول المفاجأه.. اييه ليه ان شاء الله!هو قالك ولا انتى اللى عرفتى
نهى.. لاء هوه مخبى عليا البيه متجوز موظفه عنده فى المكتب وانا مجبتش سيره ليه انى عرفت ولا للولاد
نرمين.. ليه ان شاء الله انتى لازم تتطربقى الدنيا فوق نفوخه كان ناقصه ايه ووشكلها ايه ان شاء الله اللى اتجوزها دى
نهى.. مش عايزه اتكلم عنها عشان ماتاخدتش من حسناتى بس ربك يمهل ولا يهمل
نرمين.. نهى ماينفعش انك تسكتى لازم تكلميه وتواجهيه
نهى.. ده اللى حيحصل فعلا بس مستنيه الولاد يخلصو امتحانتهم مش عايزه أأثر على نفسيتهم وانا خلاص مش ناويه اكمل معاه انا قررت انى اطلق
نرمين.. بلاش كلام فاضى اوعى تهدى بيتك يانهى وانا اللى بقول عليكى اعقل منى انتى ااه بهدليه وسودى عيشته لكن الا الطلاق
نهى.. ليه بقى مش ده شرع ربنا
نرمين..
ده ابغض الحلال يانهى وفكرى فى ولادك بنتك بقت عروسه وابنك خلاص كبر
نهى.. ماهو عشان كده ماعدوش لسه عيال صغيرين كل واحد فيهم ماشاء الله يشيل مسئوليه نفسه وانا لما كنت فى سن مى كنت شايله مسئوليه بيت كمان
نرمين.. مش عارفه ااقولك ايه بس انتى حتى بتحبى رؤوف
نظرت لها نهى وفى عيناها نظره تصميم.. كنت .كنت بحبه لكن بعد اللى عمله معايا خلااااااص مش فاكراله ولا حاجه حلوه غير انه سبب فى وجود ولادى بعد ربنا وزى ماقولتلك كبروا الحمد لله وماعدوش عيال صغيرين
نرمين.. كان نفسى ااقدر انصحك واقولك على حل تطلعى بيه من المشكله دى بس اذا كان انا ومحسن على طول بينا خلاف هوه ماسك بأيده وسنانه هناك فى قطر وانا عايزاه يرجع مصر ولولا انى عارفه انه ماسك فى القرش واستحاله يبعزقه كنت قلت زمانه متجوز هناك
ثم استطردت نرمين قائله.. طيب ماتهدديه يا انا يا البت اللى انت اتجوزتها دى وشوفى مش يمكن يطلقها
نظرت لها نهى وهى لاتدرى كيف تجيب عليها.. اولا يانرمين حرام انك تطلبى طلاق واحده تانيه
ثانيا مش انا اللى احط نفسى فى نفس الكفه معاها دى واحده استغفر الله العظيم لو شفتيها
ثالثا وده الاهم بعد اللى حصلى امبارح انا خلاص كرهته ومش طايقاه
نرمين.. وايه اللى حصل امبارح
نهى.. مش عايزه افتكر ارجوكى يانرمين انا جايه اغير جو ماترجعيش الذكرى عليا
قالت نرمين بتأثر.. طيب طيب قومى نتمشى احنا جايين نغير جو قومى بقى
مر اليوم سريعا وقاربت الساعه على الخامسه مساءا غادرت الاختان برفقه ابناءهما ولكن تلك المره استقلت نهى السياره برفقه ابناءها فقال لها احمد.. على فكره ياماما كلمت بابا الصبح وقالى انه راجع النهارده اسكندريه وكان شكله زعلان انك ماكلمتيهوش تقوليله اننا رايحين دريم بارك
هزت نهى رأسها وقالت فى سرها.. يتفلق
وصلو الى الاسكندريه بعد ساعتين فى الطريق وما ان دخلو منزلهم حتى قالت مى.. انا تعبانه اووى هدخل اخد دش وانام
خرج رؤوف من غرفه المكتب لدى سماعه صوت ابنته قائلا.. حمدلله على السلامه
فؤجئت مى بوالدها ولم تكن بمفرها فنهى ايضا فوجئت بعودته مبكرا فقد ظنت انه سيعود قرابه منتصف الليل كما اعتاد
مى.. بابا حمد لله على سلامتك
قبلته الابنه الصغرى واحتضنه الابن الاكبر فيما تجاهلته زوجته واتجهت الى غرفتها فتركهم رؤوف واتجه الى الغرفه هو الاخر
رؤوف.. مش تقوليلى حمد لله على سلامتك
نظرت له نهى وقالت له بامتعاض.. حمد لله على السلامه
رؤوف.. ومالك كده بتقوليها منغير نفس ولا هو خدوهم بالصوت ليغلبوكم
نهى.. نعمم قصدك ايه وبعدين ان مازعقتش ولا حاجه ولا انت جاى ونفسك تتخانق
رؤوف.. انا اللى نفسى اټخانق ولا انتى اللى حضرتى شنطه سفرى بكل اهمال اللى فى الدنيا
ايه الى انتى كنتى حطاه ده حطالى شورت على بلوفر على قميص كروهات قديم عندى ومابلبسهوش ولا حطالى فوطه واحده والشربات مش ماشيه مع بعضها فرده كحلى وفرده بنى اييه انتى كنتى نايمه على روحك وانتى بتحضريها
نهى.. يمكن
رؤوف.. بقولك ايه انا مش ناقص حرقه ډم انتى ازاى تسافرى النهارده منغير ماتتصلى بيا تقوليلى
نهى.. وانت ازاى تبعتلى صاحبك الى مش محترم فى نص الليل وانا قاعده لوحدى
فوجىء رؤوف بقولها.. ايه هوه جالك نص الليل
نهى.. ايوه ليه ماتصلتش تقولى هه ليه ماكلمتش ابنك يروحله بالورق طالما عايزه ثانيا ايه وجه السرعه ما النهارده الجمعه وكان ممكن يجى ياخده فى ميعاد احسن من كده ماترد عليا سكت ليه
لم يدرى رؤوف بما يجيبها فقد كانت محقه فهو مخطىء ويعلم بمدى فداحه خطأه ولكن عوضا عن ذلك اتخذ الھجوم وسيله للدفاع.. يعنى انتى بتعاقبنى بقى هه رايحه النهارده مع اختك عند فيا اعملى حسابك انى مارضيتش اعكنن عليكم واقوله يرجعكم البيت بس دى اخر مره انتى فاهمه
نهى.. مارضتش على سؤالى انت ازاى تبعت ايمن فى نص الليل عندى هنا وانا قاعده لوحدى
شعر رؤوف انه قد حشر فى خانه اليك كما يقولون.. وانتى كنتى قاعده لوحدك ليه هه فىن احمد سايباه كالعاده يتصرمح مع اصحابه مش كده وطبعا البنت كانت بايته عند خالتها منغير ماترجعلى صح
نهى.. ماتخرجش بره الموضوع زمان لما كانو بيتحركو ااقل خطوه كانو بيتصلو بيك لحد ما انت قلتلهم مايتصلوش وقولتلهم بالحرف كده عندكم امكم
ماتجيش دلوقتى تقولى مش بيرجعولى
رؤوف.. بقولك ايه انا راجع من سفر وتعبان وعاوز انام
نهى. . وانا كمان عايزه انام فاتفضل اطلع بره
رؤوف.. نعم اطلع بره ليه ان شاء الله مكسوفه تغيرى قدامى
نهى.. لان السرير مش هيسعنا سوا
المره اللى فاتت نمت انا على الكنبه المرداى الكنبه فى انتظارك
رؤوف.. انت ناسيه ان ده بيتى انا وودى اوضه نومى عايزه تنامى هنا معايا اهلا وسهلا عايزه تنامى بره براحتك
نهى.. لاء مش بيتك لو بيتك بصحيح كنت حافظت على حرمته ومابعتش راجل سمعته فى الطين فى انصاص الليالى هنا
امسكت نهى لسانها بالقوه كى لاتخبره ان ايمن شخصية غير أمينة فقد عزمت ان تجمع كل مالديها لتلقيه فى وجهه مره واحده وعندما يسنح الوقت ويكون مناسبا كى تنال حقها كاملا
نظر لها رؤوف.. يعنى بتطردينى من اوضتى ماشى يانهى يابنت الاصول
نهى.. انا بنت اصول ڠصب عنك
رؤوف.. نهى انا بجد ماسك اعصابى ومستحمل مافيش داعى للغلط فيا اكتر من كده عشان ماتندميش
نهى.. لا مش انا اللى هندم انت اللى هتندم يارؤوف بس خلاص كلامى معاك فى الوقت الحاضر انتهى اتفضل عشان عايزه انام
نظر لها رؤوف ولم يفهم ماتقصده بأنه من سيندم عندها تصاعد الشك داخله ان تكون بالفعل تعلم بأمر زواجه من شيري وانه كان برفقتها لربما قد اخبرها ايمن..وكيف له ان يذهب لها فى ذلك الوقت المتأخر فعزم على محادثه من يظنه صديقه فى الصباح ولكن عليه الان ان يعد نفسه للنوم على الاريكه
- لقراءة باقي فصول الرواية أضغط على (رواية بطلة الخديعة)
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)