رواية رشوة كاملة – جميع الفصول في مكان واحد | بقلم هدى حسام
رواية رشوة كاملة – جميع الفصول في مكان واحد | بقلم هدى حسام
رواية رشوة هي واحدة من الروايات الحديثة نسبيًا للكاتبة هدى حسام والتي حققت تفاعل كبير بين القراء، وأحبوها بشكل كبير، مما دفعنا لأن ننشر الرواية كاملة لكم للقراءة في صفحة واحدة بدون إعلانات حتى تتمكنوا من الاستمتاع بالرواية بشكل كام.
اقرأ ايضًا:
رواية رشوة الفصل الأول
– إنتَ مُتخلفة!، إزاي تروحي تتجوزي من غير إذني!
– : والله يابابا انا ناضجة كفاية أختار شريك حياتي ودي حياتي و انا حُره!
بابا بصلي وزعق بصوت عالي :- هو إيه اللي حياتي وانا حُره، إنتِ فاكره الحوار سهل إنتِ محسساني إنُه فستان عجبك و منعتك منُه دا جواز يابني ادمة! عريتينا و قرفتيني ياشيخة جاتك القرف
بصيتلوا شوية و لفيت ضهرها ولسا هتمشي قام إتكلم ؛
– لـ علمك الجوازه دي لو منتهتش و صممتي تختاريه و حطيتيني قُدام الامر الواقع يبقى إنتِ لا بنتي ولا اعرفك ولا ليكي ورث ولا فلوس عندي .
– وانا من امتى كُنت بنتك يابابا ولو على الفلوس خليهالك .
مشيت و اديتو ضهري لقيتو زعق في الحرس :
( متدخلش هنا تاني ولو دخلت إطردوها فورًا فاهمين!)
كملت طريقي لحد البيت، بيتي انا وهو اخيرًا بعد كتير قدرت اتجوزه بعد تعب سنييييين طويلة ورفض اهلي ليه عشان مش نفس مستوايا، هو كان مُصر يتجوزني برغم كل الرفض اللي شافوا منهم لحد ما إتجوزنا اخيرًا؛
وصلت عند باب شقتي وفتحتوا براحة نظرًا لان تميم معهوش اي فلوس تكفي نجيب شقة إشتريت انا واحده و كتبتها ب إسمُه عشان هو يستحق،طلعت المُفتاح وبفتح الباب لقيت في هدوم واقعة كتير عالارض كانت كُلها هدومي، إستغربت ودخلت ناحية اوضتنا، سمعت صوت همس خفيف لِـ تميم كان بيتكلم بصوت واطي تجاهلت و فتحت الباب قام من عالسرير بسُرعة :
– وحشتيني يا نور عيني عملتي إيه عند باباكي؟
مطيت شفايفي اما إفتكرت بِزعل :
– قال إني لو مسيبتكش مش هاخد أي ورث،ولو طلبت منه فلوس في اي وقت هيرفض .
ملامحوا إتبدلت و إتعصب:
– يعني إيه مفيش ورث ولا فلوس؟، انتِ عارفة إنه اكيد طردني، هناكل و نشرب و نعيش منين!
– يا تميم إنزل إشتغل إنتَ كليتك تجيبلك شغل كويس، بقالك من ساعة ما ابويا رفضك لما اتقدمتلي تاني مره وانا اللي بصرف!
– إنتِ بتعايريني يا نهله!
– تقدر تقول اني زهقت، انت عمال تضغطني كل همك الـ
قاطعني رنة موبايلوا اول ما شاف الاسم وشو قلب و بعد عني فَ قربت اسمع لقيتوا بيقول …
رواية رشوة الفصل الثاني
قاطعتني رنة موبايلوا اول ما شاف الاسم وشو قلب و بعد عني فَ قربت اسمع لقيتوا بيقول :
– يا عمي إفهمني، انا فعلا بحب نهله والله..لو مكُنتش بحبها مكنش زماني إتقدمتلها كُل ده و ..
عرفت إنُه بيكلم بابا، ف بعدت حسيت إني غلط جدًا لما بقيت اشُك في ( تميم ) وحسيت بالذنب بجد، خلص المُكالمة وقرب مني قعد جنبي عالكُرسي و سند علي كِتفي و فضل ساكت،
– حصل إيه ياتميم ؟
تميم – محصلش يا حبيبي خلينا قاعدين كده شوية
– اممممم ماشي زي متحب
فضلنا قاعدين بلا هدف لحد ما نمت على نفسي،صحيت لقيتني عالسرير وهو مش موجود، قومت اشوفوا في الشقة ملقيتهوش رنيت عليه و جالي جرز وبعدين،
تميم – نعم في ايه
– إنتَ فين ؟
تميم – بشوف شغل ياستي فيه إيه
– ليه مفيش صوت عندك يعني ؟
تميم – يووووه يا نهله سلام انا مش فاضيلك.
قفل في وشي، معاملته إتغيرت و انا إتخنقت جدًا من الحوار ده وقومت عملتلي اكل و قعدت اتفرج شوية لحد ما نمت، صحيت و ملقيتش تميم فضلت ارن لقيتوا مُغلق فَ قلقت اوي، فضل كده الوضع طول اليوم و اليوم اللي بعده مردش فَ قررت انزل ادور علية في الحته اللي بيحبها.
روحتلوا الكافية اللي بيحب يقعد فيه لقيت الويتر ف ندهت عليه قرب وقالي :
– نعم يا مدام عاوزه حاجة ؟
– ايوا عارف تميم؟ اللي بييجي كُل يوم ده و ..
الويتر :- أه جيه اول إمبارح و مشي.
– طيب تمام كان معاه حد ؟
الويتر :- لا بس هو جالو مُكالمة و مشي بسرعة .
– تمام شكرًا .
مشيت وانا مش عارفة أعمل إيه ولأ أروح فين عدا يوم تاني روحت لأهله قالولي انهم ميعرفوش عنه حاجة، فَ عملت محضر في القسم؛
روحت البيت لقيت الباب مردود فَ إستغربت و إفتكرته جيه!، دخلت بسرعة وانا مبسوطة..لقيت بابا واقف في نص الصالة، ف إتصدمت و لسا هتكلم .
– إيه بتتلفتي علي مين؟، تميم مش موجود متخافيش،تميم باعك يا حبيبه بابا عشان شوية فلوس !
رواية رشوة الفصل الثالث
الفصل الثالث من رواية رشوة قيد الكتابة الآن، ويمكنك أن تكتب تعليق أو تنضم لقناتنا على تليجرام كي يصلك أشعار بمجرد نشر الفصل الجديد.