رواية مُبهر أيلين (كاملة) جميع الفصول للقراءة والتحميل pdf روايات مافيا واتباد

رواية مبهر ايلين هي رواية من الروايات المميزة جدًا وهي رواية رومانسية تدور أحداثها في أجواء المافيات التي تحبوها

ونوفرها لكم كاملة اليوم سواء للقراءة المُباشرة أو للتحميل pdf

” أيلين ” شابه عراقيه دكتوره طموحه تمتلك شخصيه قويه في يوم ما اثناء مناوبتها في المستشفى يأتيها مُصاب يدعى ” ظفّار ” احدى رجال المافيا ويهددها بأن تنقذ حياتها والا سوف يدمر حياتها فـ يحدث مالم يكن بالحسبان !!

رواية مُبهر أيلين (كاملة) جميع الفصول للقراءة والتحميل pdf روايات مافيا واتباد

رواية مُبهر أيلين الفصل الأول

#مُبهر_أيلين
#أوتار_العرداوي

—
ما اريد اطولها عليكم او احچي هواي بس احب اگللكم شغله
رواياتي 30‎%‎ منها احداث حقيقيه يعني البدايه اول كم بارت اما الباقي كُله تأليفي او مُقتبس وانطيكم حچايه اي روايه اني كاتبتها تستمتعون بيها من كُل النواحي لان اني شخصياً اقره رواياتي فـ اعرف شعور القارئ شنو يريد وشنو يدور وبس والله ♥️ .

—

. . حضرت الريوگ لـ ماما وسويت گهوه

أيلين : يلا ماما اني طالعه

رحاب : وين لولو حبيبتي بعد وكت؟

أيلين : احبجججج مو تنسين دواچ ، بستها من راسها وطلعت

. . رحت لـ صديقتي زهراء جوارينه بس احبها واعزها احسبها اخت وصديقه

زهراء : صباح الخير لولو بعد لو مكسره الباب؟
1

قد يعجبك أيضاً
الادعج ” قاع الظلام ” بقلم zahralsadi
الادعج ” قاع الظلام ”
1.1M
68.2K
الأدعج" قـاع الظلام " تنـتظـِركم لـيالـي قاسية وعيـون لاتنـّام وأيـام سوداوية فـْي أعـماق قــاع الظلام هـيا يـا رِفـاق انـتـّزعو ثـُوب النجاة لـنغوص مـعـ…
RIDA : Heartbeat Of Eternity بقلم Collywobbles63
RIDA : Heartbeat Of Eternity
136K
13.4K
𝐑𝐢𝐝𝐚 𝐱 𝐏𝐫𝐚𝐤𝐡𝐚𝐫 "𝘏𝘦 𝘸𝘢𝘴 𝘵𝘩𝘦 𝘴𝘵𝘰𝘳𝘮 𝘴𝘩𝘦 𝘸𝘢𝘴 𝘯𝘦𝘷𝘦𝘳 𝘮𝘦𝘢𝘯𝘵 𝘵𝘰 𝘴𝘶𝘳𝘷𝘪𝘷𝘦.𝘚𝘩𝘦 𝘸𝘢𝘴 𝘵𝘩𝘦 𝘩𝘦𝘢𝘳𝘵𝘣𝘦𝘢𝘵 𝘩𝘦 𝘵𝘳�…
منجل الجنوب بقلم zahralsadi
منجل الجنوب
1.1M
61.4K
تقف إمامه وتقول له بـ بحه جنوبية " جنوبية انا گليبي دوهان ومحنة " يرد عليها بنفس اللهجة لكن النبرة مختلفة اقسى ، وارعب ، وأخشن "وانا هذا الجنوبي الأسمر…
DONKEY SKIN (m. yanderes x reader) بقلم MarieJNora
DONKEY SKIN (m. yanderes x reader)
40.2K
2.5K
(Y/n) would be deemed lucky by most, having lived her life comfortably in the riches of her father’s influence as the leader of an important mafia group. However her com…
Aradhya- The Warrior بقلم yukiwrites02
Aradhya- The Warrior
425K
38.8K
📌 Disclaimer / Intro Note for Readers: When I first started this story, I was accused of copying from a book named Siara. At that time, I honestly didn’t know about it…
Ghost [Trinetra Trilogy- Book 1] بقلم SwatiSandeep
Ghost [Trinetra Trilogy- Book 1]
68.9K
11K
Agney Garewal is a man with nothing left to lose, and everything to avenge. His sister’s death shattered the only bond he had, and now the agent-turned-avenger has one m…
𝐓𝐇𝐄 𝐔𝐍𝐃𝐄𝐑𝐖𝐎𝐑𝐋𝐃 𝐋𝐎𝐕𝐄 بقلم Authorcalen
𝐓𝐇𝐄 𝐔𝐍𝐃𝐄𝐑𝐖𝐎𝐑𝐋𝐃 𝐋𝐎𝐕𝐄
144K
6.9K
Yuvraj Singh Yadhuvanshi is a strikingly handsome yet ruthless mafia king, a billionaire whose life is steeped in darkness and intimidation. He revels in the thrill of t…
أيلين : انچب ولك لسه ممبدل مو كون نبصم فضيها لا تأخرينه

زهراء : يلا دقايق ما اطول

. . أسمي أيلين بس كُلها تصيحلي لولو ليش ما ادري؟؟

زهراء : يلا لولو كملت

. . رحنه للمستشفى بصمنه ومثل كُل يوم عادي مراجعين وعمليات وهيچ سوالف وبعد تعبب ساعات واخيراً بصمنا وطلعنه ساعه بـ الوحده

أيلين : هلو ماما اني رجعت

. . يمكن هواي اسولف بس ليش اني دخلت الطب؟
ماما من چنت طالبه چانت كُلش مريضه وماگدرنه ؏ علاجاتها ولا تحسنت ولا شي فـ دخلت طب علمودها والحمدالله هسه حالتها احسن ومستمره بالعلاجات

رحاب : شو تأخرتي ماما ضل بالي يمچ

أيلين : مو تغدينه اني وزهراء

رحاب : يلا ميخالف بالعافيه بس لو گايلتلي

أيلين : عبالي منتأخر

رحاب : يلا ميخالف

أيلين : تغديتي؟ اسويلچ اكل؟

رحاب : لا ماما ما اشتهي روحي ارتاحي هسه

أيلين : شلون ودواچ؟

رحاب : اخذته

أيلين : بدون اكل؟؟ ماماااا؟؟؟؟

رحاب : ميخالف عادي هسه روحي ارتاحي ستوچ جايه حاره اسبحي نامي

أيلين : اوف منچ ماما اوف

. . سبحت وارتاحيت سولفنه اني وماما ومشى اليوم حاله حال اي يوم روتين طبيعي
صار الليل ماما نامت واني دخلت انام
گعدت الصبح ماليييي خلگ فد مرهه اتصلت ؏ زهراء گلتلها تحاچي دكتوره تبدل وياي حتى اني اناوب بالليل يعني ودبرت السالفه رجعت نمت گعدت الظهر اكلت واخذتلي فد علاج صرت احسن شويه

زهراء : ( اتصال ) ها لولو شلون صرتي حبيبتي

أيلين : الحمدلله احسن

زهراء : سلامتك حبيبي گوه خلص اليوم الدوام بدونك مو حلو

أيلين : بعد روحي

زهراء : تره فاطمه داومت اليوم عنچ يعني كون بالليل تناوبين بدالها

أيلين : ايي ادري اني محسبه حسابي هيچ

زهراء : يلا تمام لعد اني اروح تعبانه كُلش من الدوام اريد انام

أيلين : تمام حبيبتي ، ( انتهى الاتصال )

. . بالليل بدلت ورحت للمستشفى بصمت وبديت بدوامي
الوضع طبيعي شويه هدوء چان مو مثل الصبح
لحد ما ؏ ساعه اجت الاسعاف دخلو ناس وهوسه ما ندري شكو ركضت شخص متصاوب ببطنه شلت ضماده حطيتها ؏ الاصابه داحاول اخفف النزيف

. . المتصاوب گوه يتنفس وشبه فاقد الوعي يجرني من ياختي ويقربني الوجهه يحچي بأذني ويهددني !!!

ظفّار : اسمعي لچ دكتوره دكتوره

. . باوع ؏ اسمي الي بالسكراب

ظفّار : دكتوره أيلين اذا ما شفتچ مره ثانيه رح تنگلب المستشفى فوگ راسكم فهمتي؟؟

. . يقصد اذا ما عاش يگلب المستشفى !!
3

أيلين : بيا حال انتَ وتهدد ؟؟ فقد الوعي
دخلنه للعمليات والعمليه چانت صعبه بس الحمدلله نجحت بصعوبه

. . طلعت من العمليه احسني مسويه انجاز تعبت من هالهوسه وهواي هواي وياه زلم متصاوبه اكو بالذراع متصاوبين بطلق وبالرجل واكو مضروبين وين گاعدين شسالفه؟؟؟

خلصت مناوبتي بصمت وطلعت وچان هوه بعده ما صاحي من العمليه ، رجعت للبيت وسولفت كلشي لزهراء

زهراء : ( اتصال ) ولچ هذا بس لا مافياوي

أيلين : ههههههه شبيچ ولچ يا مافياوي تلگي ديبوگ وكمشو

زهراء : ولچ لولو شنو هاي مداستوعب

أيلين : ولچ الي يغث يهدد وهوه گوه مفتح عينه

زهراء : اگلچ لولو ماتزوجين

أيلين : زهراء انچبي

زهراء : والله انتِ الي انچبي ونامي تره جدولچ تخربط كون تداومين وياي بعد شويه

أيلين : لا اداوم الظهر وره متبصمين

زهراء : يبو اي وراهه تكدرين وياي نسيت

أيلين : ايي يلا روحي خل انام

زهراء : يلا بيباي ، ( انتهى الاتصال )

. . چان انام واگعدلك الظهر زهراء داگه عليه 27 مره!!!!!
ركضت بدلت سريع ورحت بصمت

زهراء : ولچ أيلينننن

أيلين : زهراء 27 اتصال وين صايره هاي صدگ تحچين؟؟

زهراء : ولچ أيلين رح اطلع اني ابصم واطلع استلمي الي رح يصير رح تتزوجييييننن يلا رايحه رايحهه

أيلين : هاي شبيها هاي ؟؟

رقيه : هلا أيلين

أيلين : هلو حبيبي صدگ شصار ؏ الي متصاوب البارحه؟

رقيه : طبي شوفي

أيلين : ليش شبي؟؟

رقيه : رايحه عندي تحاليل كون اشوفها

أيلين : هاي شبيهم ذوله؟
طبيت للغرفه مالته

ظفّار : دكتوره أيلين

أيلين : وهاي شفتني ؟

ظفّار : وين چنتي؟

أيلين : ها؟

ظفّار : انتِ الي سويتيلي العمليه البارحه موو؟

أيلين : ايي اني

ظفّار : وانتِ الي البارحه . .

أيلين : اي اني الي البارحه هددتها

ظفّار : هههههههه ههههههههههه اهخخ بطني ههههه

أيلين : كمش بطنه وگام ينزف تقربتله اريد اشوفه
چان واحد مثل الغول يگول ممنوع تتقربيله؟؟؟؟؟؟

ظفّار : اطلع برا عوفنه وحدنه اني والدكتوره أيلييين

أيلين : لعبت روحي هاي شديصير؟؟ تطمنت ؏ الاصابه وگعدت اضمدها مره ثانيه ، شنو حضرتك مسؤول

ظفّار : لا

أيلين : زين لعد

ظفّار : من شوكت تشتغلين هنا

أيلين : لا تتحرك مو داضمد؟

ظفّار : ها العفو

أيلين : هاي انتَ نفسك البارحه؟ الي هددتني؟

ظفّار : لا بدلوني

أيلين : ظريف

. . ظفّار

أيلين : شنو؟

. . اسمي ظفّار

أيلين : شعليه بأسمك قصدي انتَ ظريف تتظارف

ظفّار : زين

أيلين : الحمدلله ؏ السلامه وان شاء الله ما تنعاد و

ظفّار : الله يسلمچ دكتوره كملي شنو و

أيلين : لا هيچ اذا تريد صيح هذا الي يحرسك او مدري شيسويلك هنا

ظفّار : دكتوره!

أيلين : نعم اخذ راحتك ، اني وداطلع گلت ، الله لا يجيبك لهنا مره ثانيه

ظفّار : هاي شگالت؟

علي : الله لا يجيبك لهنا مره ثانيه

ظفّار : ها يعني ما سمعت خطأ

علي : ايي

ظفّار : اسمع علي هاي الحلوه شفتها مو؟

علي : أأمرني

ظفّار : حتى تاريخ تنفسها اريده واضح؟
3

علي : صار

–

رقيه : ها أيلين شصار

أيلين : شنو شصار؟

رقيه : مو دخلتي ؟

أيلين : ايي يعني؟؟

رقيه : ولچ من گعد ما قبل لا زهراء ولا اني ولا اي احد اشوف حالته

أيلين : شلون شلون؟ ليش؟!

رقيه : ههههه

أيلين : رقيه احچي عدل وياي فهمتي؟

رقيه : اسفه مو قصدي بس مچان يقبل احد يشوف حالته وگال الي سوتلي العمليه تجي وبقينه ؏ هالحال لحد ما اجيتي

أيلين : اها زين يلا روحي كملي شغلچ

. . بعد كم ساعه سوينه كم تحليل فـ رحت لغرفته

ظفّار : واخيراً جيتي

أيلين : نعم ؟

ظفّار : دكتوره أيلين ردت اقدملچ هديه بسيطه

أيلين : هدية شنو؟

. . اجه الغول وانطاني ظرف فتحته مليييان فلوس صفنت عليه بنظره استصغار سديت الظرف وذبيته بالزباله

أيلين : اسمع اول شغله الي سويته وياك اسوي ويه اي شخص لان هاي شغلتي اساعد الناس حسب ما تعلمت ثاني شغله اني ما سويت غير المطلوب مني هاي وظيفتي فقط لا اكثر

. . هوه والغول صفنوا عليه ميدرون شيگولون

أيلين : تمام ؟؟؟ وخلصت تحاليلك وكُلشي زين سلامتك !
طلعت من الغرفه واني متنرفزههههه!!!!

ظفّار : عجبتني اكثر علي انتَ اول المدعوين

علي : وين؟؟
1

ظفّار : ابتسمتله بنظره

أيلين : خلص دوامي بصمت وطلعت رحت لبيت زهراء

زهراء : ها ولچ شكو

أيلين : اذا ما اسولفلچ هسه رح اطگ
سولفتلها كُل شي

زهراء : أيليننننننن چذاااابههههه
هلا هلا هلااااا عروستنا ماكو مثلهاا

أيلين : مدافهم دتشوفين هالتصرف حلو؟؟

زهراء : بس هالشي معناهه مهتملچ اني ادري من رفض كُل الدكاتره وضل يهلوس بأسمچ اني عرفتت وهسه هيچ سوه وياچ يعني عاجبته

أيلين : زهراء! اني دكتوره اسوي شغلتي واطلع ما منتظره اعجب احد ولا منتظره احد يهيني وينطيني فلوس مثل المگديه استوعبي تره اهانه هاي!

زهراء : شبيچ ولچ

أيلين : انتِ عبالچ سكتت؟ لا طبعاً قبل ما ابصم حولته ؏ غير دكتوره يعني بعد معليه بي واذا ما عاجبه يرگع راسه بألف حايط اصلاً بعد هوه صار زين ميحتاج شي

زهراء : ربع تفكيرچ واحكم العالم شبيچ ولچ

أيلين : يمكن هسه انتِ لان ماصار وياچ هالموقف فـ تحسي عادي وحلو بس والله حسيت بالاهانه ورزلته گلتلچ

زهراء : خو افتهمنا بس لا تضخمين الامور مو انتِ تسوين شغلچ؟ لعد غلسي ؏ كُل شي وكملي شغلچ شكو حولتي ؏ غير دكتوره هذا الشي مو حلو منچ

أيلين : عساس حلو منه من قدملي فلوس الي يشوفه يگول نمت وياه حتى هيچ ينطيني سعري

زهراء : هههههه لاا بالغتي لولو

أيلين : المهم خلص خل نسد الموضوع ؏ كُل حال اني حليته وهاهيه خيولي شسويله گبر

زهراء : يلا يلا بس لا تضوجين صدكككك واخيراً باچر نداوم سوههه

أيلين : ايي واخيراااااا

زهراء : تنامين يمي؟

أيلين : لا ولچ ارجع ماما وحدها كون اشوف علاجاتها واكلها

زهراء : جيبيها يمنه

أيلين : لا يابه ارجع

زهراء : بكيفچ حبيبي الي يريحچ

–

ظفّار : منو انتِ ؟

فاطمه : داسويلك المغذي

ظفّار : ليش وينها الدكتوره

فاطمه : أيلين ؟

ظفّار : اي

فاطمه : اني المسؤوله عنك من اليوم دكتوره أيلين عندها غير مراجعين

ظفّار : اها

فاطمه : الحمدلله تقريباً حالتك كُلش زينه فد يومين ان شاء الله تگدر تطلع

. . شلع الكانونه من ايده بطريقه خطأ وايده صارت تنزف

ظفّار : مابيه شي خلص علي طلعني

فاطمه : ميصير بعد اكو علاجات وتحاليل فد يومين گلتلك

ظفّار : لا تتدخلين !

فاطمه : عطت ، ما متدخله اني مسؤوله عليك الي دتسوي خطأ دتعرض حياتك للخطر بعده جرحك!! وايدك دتنزف من غير اصابتك خطأ تگوم تره اذا بقيت هيچ تفقد الوعي

ظفّار : ههههههه

. . سمعنا اصوات ركضت للغرفه

أيلين : شديصير هنا

ظفّار : ايي وين چنتي انتِ

أيلين : تمام فاطمه اني رح اتصرف ، طلعت فاطمه
شدتسوي انتَ !! كمشت ايده وحطيت ضماده امسح بالدم اريده يوگف

ظفّار : دكتوره

أيلين : شنو صار؟
تقرب ؏ اذني وحچى

ظفّار : اذا حولتيني ؏ غير دكتوره فـ كُل يوم رح تصبحين بمشكله

أيلين : لا تهدد ، فقد توازنه سندته عليه ما گدرت احطه ؏ السرير گعدت بالگاع وحطيت راسه بحضني كامشه ايده ولافتها بضماده گام يضحك وهوه دايخ

ظفّار : مو تعوفيني بعد

أيلين : فقد وعيه عطت ، ممرضههه اييييي احدد يجي!!

. . نيمناه ؏ السرير وشديتله كانونه بأيده الثانيه وضمدت ايده الي جرحها وبطنه نزفت هم حليتها هذا شگد متعب!
بقيت گاعده يمه لحد ما گعد

ظفّار : دكتوره

أيلين : جبت ضوء وحطيته بعينه وحركته ، اتبع حركه الضوء

ظفّار : دكتوره جوعانه عادي اكل

أيلين : لا

ظفّار : هاي ليش دتعاقبيني

أيلين : لو بأيدي اعاقبك

ظفّار : ليش

أيلين : تصرفاتك خطأ اكو شخص هيچ يسوي بروحه ؟؟
انتَ ستوك بديت تتحسن ليش هيچ دتسوي؟

ظفّار : اي غير ماكو دكتوره تاخذني اريد اطلع مو تحسنت؟

أيلين : شلون ماكو كُل هذوله الدكاتره وماكو؟

ظفّار : غير الي سوتلي العمليه تاخذني بس ماكو غيروها

أيلين : اوف شگد ظالمين ذوله

ظفّار : موو بالله

أيلين : شوكت تصير زين

ظفّار : ليش هيچ مهتمه بصحتي

أيلين : لا بس حتى تطلع

ظفّار : لا دكتوره شو تطردين

علي : داباوع عليهم ومستغرب هذا شبي گاضيها يهين بينه وميتحاچى وهسه هيچ وياهه؟؟

أيلين : يلا ارتاح ولا تشيل الكانونه اريد المغذي يخلص ، طلعت من الغرفه

ظفّار : علي طلبت منك شغله شوكت ناوي تسويها؟؟!

علي : چنت منتظر الدكتوره تخلص حتى انطيك

ظفّار : شنو هالزحمه ؟

علي : تفضل

الملف :

الاسم : أيلين عماد الدين

مواليد : 1997 / 10 / 28

العمر : 27

الحاله : غير مرتبطه

ومعلومات اخرى . . .

ظفّار : خوش مره موو بالله؟

—

أيلين : اخذت گهوه من الكافيتيريا وياي زهراء گعد سولفتلها زهراء تمرغلت بالگاع

زهراء : يمه حبيت حبيتتتتتتت أيلين

أيلين : خرب يومچ

– ثاني يوم

أيلين : شلونك اليوم

ظفّار : زين

أيلين : هاي شنو جابولك التحاليل؟

ظفّار : ها هذا الملف؟

أيلين : ايي
مديت ايدي داخذه

ظفّار : لااا هذا هيچ شي يخص الشغل

أيلين : اها تمام العفو خل اشوفلك ايدك

ظفّار : عادي
دكتوره

أيلين : نعم

ظفّار : تدرين شلون تصاوبت؟

أيلين : لا وثبت ايدك

ظفّار : زين تدرين بشغله ثانيه؟

أيلين : شنو هيه؟

ظفّار : تدرين انو

. . دخلت ممرضه – دكتوره يردوچ حاله طارئه

أيلين : تمام جايه وهاي كملت ايدك

—

زهراء : يلا أيلين بصمت شوكت تبصمين

أيلين : روحي عندي مراجع اخلص وابصم واطلع

زهراء : تمام حبيبتي

. . كملت شغلي بصمت وطلعت من المستشفى دامشي للبيت چان احس اكو شخص ديلحگني كُل شويه التفت واني ميته خوف ؏ ساعه ينشمر بطل گزاز وينكسر درت وجهي شفت البطل بنصه رساله اخذتها من بين الگزاز اصبعي نجرح فتحتها مكتوب بيها

” انتبهي من محيطچ اذا ما أذوچ ”
” غيرهم يأذوچ وهمه السبب ”
+

يتبع . .

رواية مُبهر أيلين الفصل الثاني

#مُبهر_أيلين
#أوتار_العرداوي

—

. . قريتها واني ممفتهمه كُل شي شديصير شكو هاي؟
سديت الرساله وحطيتها بجنطتي ورجعت للبيت

أيلين : ماما رجعت من الشغل رح اطلع عندي شغله محتاجه شي؟

رحاب : لا حبيبتي براحتچ بس مو تتأخرين

. . ولچ فتحي الباب شنو ميتين

زهراء : لولو تره اريد انام ميته تعب شتريدين ولچ

. . طلعتلها الرساله وسولفتلها شنو هالرساله

زهراء : هاي شنو ولچ شديصير ؟؟؟ منو عود هيچ يسوي مدافهم وليش ؟؟

أيلين : ما ادري شنو الموضوع

زهراء : احس لا تهتمين للموضوع مبين ديضحكون عليچ او يردون يخوفوچ غلسي والله

أيلين : ههههههه والله ما ادري

زهراء : لولو ولي من وجهي اريد انام

أيلين : بس تنامين تمبل ؟؟

زهراء : انچبي تعبانه والله

أيلين : ديلا روحي نامي

– ثاني يوم

. . دخلت لـ غرفه ظفّار مالگيته! طلعت من الغرفه مفزوعه گلت اكيد صاير فد مشكله

رقيه : يا مريض؟

أيلين : ظفّار الي متصاوب ببطنه؟؟

ظفّار : ها دكتوره خايفه عليه

أيلين : خرعني ، استغفرالله يلا تفضل لغرفتك

. . دخلنه للغرفه وساندته ؏ كتفي حتى يستريح ؏ السرير

ظفّار : دكتوره ريحه المستشفى والله تخنگ هاي شلون مستحمليها

أيلين : شلون انصابيت ببطنك؟

ظفّار : والله يغارون

أيلين : ؟؟؟

. . وصلته للسرير داگعده حچه بأذني .

ظفّار : دكتوره تدرين اني والسلاح مثل القلم والورقه

. . دفعته ؏ السرير

ظفّار : اهخخ هاي ليش دكتوره مو بطني

أيلين : مو علمود تستراح ؏ السرير بسرعه ومره ثانيه لا تتقرب مني هيچ

ظفّار : دكتوره شوفي جرحي؟

أيلين : هوه بس باچر هانت بعد

. . دينزع التيشيرت ساعدته

ظفّار : ؏ كيفچ تره اگلب المستشفى فوگ راسكم

. . صفنت عليه گصيت الضماده وضغطت ؏ جرحه حتى يسكت

ظفّار : اخخ دكتوره ؏ كيفچ

أيلين : لعد اسكت خل اشتغل براحتي

. . حطيتله ضماده جديده ولفيتهه ورتبت الامور ورحع لبس

ظفّار : اريد انام

أيلين : يلا اني كملت شغلي اساساً

ظفّار : ايي ساعديني ما اگدر امدد

. . هوه چان گاعد ؏ السرير منتچي فـ وخرت المخده ونزلتها كمشت راسه وحطيته ؏ المخده وساعدته ينام چان يكمش ايدي

ظفّار : دكتوره

. . تبلعمت ، نعم؟ باوع ؏ رگبتي بنظره وگام يضحك ابتعدت عنه

أيلين : شن شنو الي يضحك؟

. . باوعلي وحچى وهوه مبتسم

ظفّار : لا ماكو شي هيچ

أيلين : ديلا نام راح اطلع !

—

زهراء : رقيه وين دكتوره فاطمه؟

رقيه : تتذكرين الدكاتره الي رح يباشرون ويانه ؟

زهراء : اي ؟

رقيه : هيه وياهم هسه بالقاعه

زهراء : تمام

. . رحت للقاعه دخلت وگعدت جايين 5
3 دكاتره ودكتورتين وصاحب المستشفى جاي والدنيا مشتعله هههههه ، خلصو كلام واتفاق وهيچ اني طلعت من القاعه نزلت للكافيتيريا چان يجون الدكاتره كلهم اخذت گهوه وگعدت

اجو دكتورين ودكتوره ، تسمحين ؟

زهراء : طبعاً طبعاً تفضلو براحتكم

. . تعرفت عليهم امير وعمران وليندا وبعد ثنين وحدهم گعدو مخطوبين اسمائهم طاهه ونور
بس يحچون دخت طبت لولو للكافيتيريا شعرت بالسعاده !

زهراء : هلاا أيلين تعاليي

أيلين : مرحباً

زهراء : عرفتهم ع الدكاتره

أيلين : اهلاً فرصه سعيده

زهراء : سولفنه وياهم شويه وكذا امانه عمران حلو هههه!

أيلين : زهراء وين صافنه

زهراء : ما صافنه وياكم

امير : دكتوره أيلين من شوكت هنا تداومين؟

أيلين : سنتين

امير : اها حلو

أيلين : يلا من رخصتكم عندي شغل

زهراء : يلا اني هم حلوه السوالف وياكم ونورتونا

—

أيلين : زهراء انتظرچ لو تطولين ؟

زهراء : لاا روحيي مطوله كُلش هم

أيلين : تمام حبيبي من تطلعين عود راسليني او اتصلي

زهراء : يدلل الحلو

. . گعدت اشتغل عندي مراجع وكم شغله اسويها والدكاتره الجدد كُلهم موجودين بعدهم ما عندهم جدول يعني
لليل يلا طلعت من المستشفى چان توگف سياره گدامي وتنزل الجامه

عمران : محتاجه توصيله ؟

زهراء : باوعت مصدومه ، اممم لا

عمران : صعدي

زهراء : ترددت بس صعدت

عمران : شگد عمرچ

زهراء : شنو هاي تحقيق

عمران : لا بس اسأل زميلتي مابيها شي

زهراء : 25
ضحك وما حچى شي شنو يستهزء؟؟
ضل يسأل كُل ما اجاوبه شي يضحك تنرفزت

زهراء : تمام عاشت ايدك وتعبتك ومقصرت اطبگ اريد انزل

عمران : شبيچ ؟

زهراء : شنو هالاستهزاء احترم شويه داگلك اطبگ السياره
طبگ السياره نزلت ورگعت الباب وصعدت ؏ الرصيف امشي متنرفزه هوه راح وره شويه رجع اني امشي ؏ الرصيف وهوه بالسياره يمشي ؏ كيف ويحچي .

عمران : يابه مو قصدي داضحك مستلطفچ تره

زهراء : لا تستلطف بعدك ستوك اول يوم و هيچ

عمران : اعذرينه

زهراء : تمام ماكو مشكله

عمران : اصعدي دنيا الليل خل اوصلچ

زهراء : ما اريد اني امشي

عمران : دكتوره اصعدي

زهراء : رح اصعد بس كلشي ما نحچي

عمران : اتفقنا بس اصعدي

. . صعدت وضلينه ساكتين وصلني للبيت
الله وياك!

– ثاني يوم

أيلين : دخلت للمستشفى وبصمت
زهراءء شلونچ

زهراء : هلا حب

أيلين : البارحه ما اتصلتي

زهراء : اي ولچ رجعت ميته تعب
سولفتلها ؏ عمران

أيلين : شنو هاي جايبين زعاطيط للمستشفى

زهراء : والله ما ادري ، يبوو اجه اجه ختليني لولووو
ختلت وره ظهرها

عمران : هههه صباح الخير دكتوره أيلين

أيلين : ثنينه كامشين الضحكه من وره زهراء ، صباح النور

عمران : سلميلنه ؏ دكتوره زهراء عود

أيلين : يوصل ، عافنه وراح
زهراء شبيچ ولچ

زهراء : ماحبه ماحبه غثيث گبر

أيلين : ديلا هسه انتِ شكو هلگد مهتمه سلكي للموضوع

زهراء : ولا تگعد راحه توماس شلبي

أيلين : شعليه توماس ولچ انتِ منايمه خاف؟

زهراء : دوخري روحي شوفي المافياوي مالتچ يلا

أيلين : انچبي زهراء

. . دخلت للغرفه مالگيته شطلعت هاي كُل يوم يسوي هاي سوالف شبي؟؟
ما احس اله واحد ملثم طلع من الحمام حط سچينه برگبتي وايده ؏ حلگي حتى لا اعيط

– اذا متردين انحر رگبتچ صوتچ ما اريد اسمعه !

أيلين : تت تمام تمام

. . سحبني للحمام والسچينه حاطها ؏ رگبتي

– بس يجي الحلو رح تسوين . . .

—

زهراء : نزلت للكافيتيريا

عمران : گهوه لو چاي؟

زهراء : ماي

عمران : اي طيب الماي ليش لا

زهراء : انتَ شتريد بس اريد افتهم؟

عمران : كُل شي ما اريد بس لا تتجنبيني بسبب البارحه گلتلچ ما اقصد شي

زهراء : واني گلتلك ماكو مشكله بعد شنو؟

عمران : يعني هاهيه متصافين؟

زهراء : ايي .

عمران : يلا لعد گهوه؟

زهراء : استغفرالله ، اي اي گهوه

ليندا : خرب يومها والله لزگت بي!

امير : هوه عمران هيچ متعرفي نسونجي

ليندا : بس هاي لازگه بي تره

امير : لا يابه هسه فد اسبوعين ميگلبها بعد ولچ لان جديده دخلي يتونس اول وتالي يرجعلچ مثل كُل مره

—

. . دخل ظفّار للغرفه طلعت من الحمام بهدوء واني خايفه

ظفّار : ها دكتوره شبيچ؟

. . طلع هذا المادري منوه وحط السچينه ؏ رگبتي بقوه انجرحت وعيني تدمع ما ادري شديصير ، ظفّارر !
طلع ظفّار سلاح بسرعه چان حاطه يم الباب اخترعت !!

أيلين : شديصيرر هنااا!!!
وجه السلاح ؏ الملثم وحچى بنبره تخوف

ظفّار : نزل السچينه وعوف الدكتوره ما الها دخل!!!

– ولك ظفّار اخبلك وحق ربك مثل ما وعدتك اي شخص يتقربلك تخسره حذرتك من قبل وخسرت ناسك بس ما تسمع كلام مستمر هههههه والله تحب تعاند

ظفّار : الدكتوره معليهااا ما اعرفها ولا تعرفنيييي

– امممم افكررر حسب يجوز نقرالهه الفاتحه ويجوز نفرح بيكم بأيد الله بعد

أيلين : ميتهه خوف ، منووو هذا وشديصيرر؟؟؟

ظفّار : سامحيني أيلين .

. . عيني غرغرت رح اتخبل منو هذا وشديصير وشديحچون!!!

—

امير : دكتوره أيلين اختچ؟

زهراء : ههههه لا يابه مو اختي

امير : لعد شتصيرون من بعض؟

زهراء : صديقات من الطفوله وجوارينه اعزها مثل اختي

ليندا : تعسسسيها مثل اختچ؟

زهراء : عفواً؟

امير : ههههههههه تشاقه

. . الاستهزاء يمشي بدمهم مو طبيعي گمت بدون ما احچي شي گام عمران ورايه طلعنه من الكافيتيريا

عمران : يابه هيه هيچ طبعها لا تضوجين منها

زهراء : رح اسأل سؤال ومو قصدي شي

عمران : لا عادي براحتچ

زهراء : اكو شي يربطكم او چان اكوو شي ؟

عمران : اي

زهراء : اي؟؟

عمران : چنه ؏ ابواب خطوبه بس هيه ليندا بعد

زهراء : مافهمت

عمران : مرتبطين تقريباً سنه هيچ من ردت اتقدملها رفضتني

زهراء : اها زين ليش؟؟ يعني مچانت تحبك؟

عمران : ما اعرف بعد شسويلها براحتها عوفينا منها

زهراء : واضح كلامنه سوه ديزعجها فـ ياريت تحط حدود بيناتنه

عمران : ليش؟

زهراء : لان مالي خلگ مشاكل وهاي سوالف

عمران : ماكو اي مشاكل اذا صار شي گوليلي

زهراء : ماكو داعي حافظ ؏ المسافه وهاذهو يلا من رخصتك

—

ظفّار : عوفها اني موجود گدامك!!
ذب السلاح ؏ الارض

– شوف شوف بطل ديسوي تضحيات

ظفّار : عوف البنيه !!!!

– اذا عفت البنيه ومثلت بيك ما رح استفاد شي ولك گلتلك شكو واحد تحچي وياه ينلف بالكفن

أيلين : ردت اعيط سد حلگي

– اذا تردين تحافظين ؏ لسانچ لا تحركي هواي

. . تقرب ظفّار يريد يغافله وياخذ السچينه

– لااا لااااا ظفّار شنو كُل هالسنوات وبعدك متعرفني

. . گمت ادعي الغول يطب للغرفه او اي احد

—

امير : دكتوره دكتوره

زهراء : نعم

امير : دكتوره أيلين وين مختفيه ؟؟

زهراء : لا ما مختفيه بس عندها شغل ومراجعين يعني مشغوله

امير : اهاا

زهراء : بس ليش اكو شي مهم ؟؟

امير : لا هيچ اخذي راحتچ

—

– رح انطيك فرصه ظفّار ورح اعوف الدكتوره اطمئن

ظفّار : شتريد؟

– احبك والله لان ذكي تفهمني تدري ما اسوي شي بدون مقابل

ظفّار : احچي!!

– ولو ماكو مقابل احلى من حزنك بس يلا

. . ديتلاعب بنفسيتنه وثنينه متوترين واني گلبي رح يوگف!!!

حسب كلام ظفّار : شخص مجهول لا يعرفه منين ولا يعرف شكله ولا يعرف اسمه كُل الي يعرفه انو اي شخص يحبه يتقربله دينكتل من هالشخص لسبب ظفّار شخصياً ميعرفه الشي الوحيد الي يعرفه انو هالشخص يكره ظفّار كره شديد ومستعد يسوي اي شي حتى يأذي بدون ما يتقربله او يلمسه مريضضضض!!!

– يلا يلا اريد منك شغله

ظفّار : احچييييي!!!

. . وخر السچينه عن رگبتي وطعني ببطني!

ظفّار : لااا لااا دكتورههههه !!!!!!
عاط بكُل قوته ، علييييي !!!!!! تعالللللووووو !!!

. . عافني الملثم وشرد من الشباك وگعت ؏ الارض گعد ظفّار يمي واصابته !!!
حطيت ايدي ؏ بطني حط ايده فوگاهه وعيني غبشت . .
+

يتبع . .

رواية مُبهر أيلين الفصل الثالث

#مُبهر_أيلين
#أوتار_العرداوي

—

امير : شنو هالعياط؟؟

زهراء : هاي شكو !

. . فتحو الباب ودخل علي والاطباء كُلهم يريدون يشوفون شكو

زهراء : هاي أيلين؟؟؟ أيليننننن
دخلت للغرفه مصدومه !!!

. . تدخلنه بسرعه والحمدلله اصابه أيلين ما چانت قويه وتداركنا الامور و ظفّار حالته ساءت لان صارت حركه زايده والاقطاب مال العمليه تأثرت وصارله نزيف !

– بالليل

زهراء : گاعده ومتوتره وضايجه ومقهوره كُل المشاعر السلبيه بيه

عمران : لا تخافين ان شاء الله تتحسن يومين بالزايد ترجع مثل قبل واحسن

زهراء : وين چنت اني ليش ما ساعدتها ليش ما چنت يمها
چان المفروض اني احميها واكو هواي علامات سؤال براسي منو الي هيچ سوه بيها وشديصير

عمران : اهدي دكتوره زهراء

. . عفته وگمت دخلت لغرفه أيلين گعدت يمها وابچي

أيلين : فتحت عيني لگيت زهراء يمي دتبچي ، شبيچ تعصرين يمي

أيلين : ايي أيلين هاي شجابني لهنا

زهراء : غير زرفو بطنچ

. . چنت نايمه فـ گعدت انتچيت ، هاي شنو صدگ تحچون منيميني هنا

زهراء : هاي شبيچ ولچ شلون صرتي يعمرييي ؟؟؟؟

أيلين : زينه كُل شي مابيه

زهراء : ها أيلين وين گايمه؟؟؟

أيلين : شعندي نايمه ؟؟ تمام انجرحت وهسه صرت زينه هاهيه كافي

زهراء : أيلين الخبله شبيچ ؟؟؟ گعدي

أيلين : زهراء تدرين بيه اتخبل من نومه المستشفى

زهراء : بس ميصير ولچ بعدچ ؏ الاقل ابقي هالليله بس

أيلين : استغفرالله هاي بس لخاطرچ

زهراء : شنو الصار؟
تغيرت ملامح أيلين من سألتها

أيلين : ما ادري

زهراء : شنو ما ادري منو الي سوه بيچ هيچ ؟
بس لا من وره ظفّار ؟؟

أيلين : لا زهراء شخص منعرفه حتى ظفّار ميعرفه

زهراء : تدرين ظفّار شصار بي؟

أيلين : شبي ؟

زهراء : ولچ تخبل گام يعيط ومن هلگد مارفس علمودچ صارله نزيف

أيلين : واذا اي شخص هيچ چان رح يسوي

زهراء : اي لولو اي صح يلا ارتاحي ونامي

أيلين : خزرتها

زهراء : يمهه شبيچ

أيلين : مابيه شي

—

ظفّار : دكتوره أيلين بأي غرفه؟

رقيه : بس جرحك ما يصير هلگد تتحرك

ظفّار : سألتچ عن غرفه الدكتوره!

رقيه : اولاً ما يصير تدخل لغرفتها ثانياً تفضل للغرفه واستريح لان اي حركه خطأ ممكن تأثر عليك

ظفّار : رح ادخل لغرفتها واضح؟

رقيه : بس دقيقهه تعال ويينن

. . فتح كم غرفه لحد ما لگى غرفتها واني اركض وراه واحاول امنعه بس ماكو فائده دخل لغرفتها وقفل الباب!

أيلين : شهگتت ، ظفّار !

ظفّار : أيلين !

أيلين : شدسوي هنا

ظفّار : شلون صرتي

أيلين : زينه
اجه گعد يمي يمشي وكامش بطنه ادري متوازي

ظفّار : الي صارلچ بسببي

أيلين : فعلاً! ، شنو المشكله؟ اذا الموضوع شخصي فـ مو قصدي اتدخل

ظفّار : شوفي دكتوره هالموضوع روتيني صار مو من اليوم ولا من البارحه كم سنه

أيلين : مبدئياً سمعت شنو گال بس ليش هيچ ديأذيك وحاقد معقوله اكو شخص هيچ يگدر يسوي ؟

ظفّار : دكتوره انتِ متعرفيني وشنو اني وشنو حياتي

أيلين : اسمعك

ظفّار : ماكو شخص يأذي شخص اذا الطرف الثاني ممأذي

أيلين : قصدك انتَ مأذي؟

ظفّار : ما اعرف لان الشخص ما اعرفه منو اصلاً ولا عندي اي فكره عنه

أيلين : وانتَ مأذي اشخاص يعني؟؟

ظفّار : المهم

أيلين : شنو المهم سألتك سؤال؟

ظفّار : دكتوره أيلين ما اضمنلچ هالموضوع ميتكرر

أيلين : ” سولفتله سالفه البطل “

ظفّار : لا صدگ !! ليش ما گلتيلي؟؟

أيلين : العفو بس بصفتك منو؟؟

ظفّار : دكتوره كم شخص قريب مني خسرتهم بسبب هالشخص وما رح اسمح انو تتأذين بسببي رح اگلچ شغله بس اذا ممكن لا تفهميني خطأ

أيلين : تفضل ؟

ظفّار : بعد الي صارلچ اليوم وبعد ماعرفت بسالفه البطل
انتِ مو بأمان والله

أيلين : يعني؟؟

ظفّار : تزوجيني

. . انصدمت هذا شبي ؟!

ظفّار : هيچ اضمن انو رح تكونين بأمان ورح احميچ لان ما اريدچ تتأذين

أيلين : اخي اني ما محتاجه احد يحميني!! ، اطلع برا

ظفّار : بنت عماد الدين وعد مني رح اتزوجچ سمعتي لو لا؟

أيلين : داگلك اطلع براااا!!!!

ظفّار : رح تصيرين الي فهمتي؟

أيلين : رگعته راجدي كمش ايدي

ظفّار : هالايد الي رفعتيها عليه

زهراء : افتحو الباببب!! أيلين ! ” خايفه عليها “

أيلين : گمت فتحت الباب

. . باوعت لگيت ظفّار موجود ووجه أيلين احمررر كمشتني الضحكه

زهراء : شكو قافلين الباب لولو خفت والله !

أيلين : شبيچ تردين تضحكين؟

ظفّار : هلا بالنسيبه

زهراء : شنو شنو هذا شگال؟؟؟

أيلين : معليچ بي مخبل يمكن من المخدر هيچ يجچي يهلوس

زهراء : ولچ شنو هاي شبيكم كبسلتو ؟؟

أيلين : كُله من وراچ وخري لزگتي ابقي وابقي
شلعت الكانونه وطلعت من المستشفى بوجهي گبل وعدل للبيت

طبعاً ماما متدري محد گاللها ولا رح نگللها لان قلق وتوتر وخوف وهيچ سوالف كُلش يأثر عليها وعلى صحتها

طبيت للبيت . .

رحاب : صدگ تحچين ليش هلگد تأخرتي يوم كامل صارلچ؟؟

أيلين : ماما شغل شسوي تعرفين

رحاب : اتصلي كم مره اگلچ؟

أيلين : ما گدرت كُلش ضغط علينه

رحاب : شبيچ وجهچ شاحب؟ مدتاكلين موو؟

أيلين : لا قبل شويه اكلت

رحاب : يلا ادخلي نامي باچر اخذي اجازه

أيلين : ماما

رحاب : ماكو ماما باوعي وجهچ شصاير بي صدگ چذب

أيلين : تمام ماما تمام اشوف !!

– بعد 3 ايام

أيلين : رجعت للدوام بعدد إجازتي

زهراء : يمه هلا هلا بالبنيات نورتينا

أيلين : حبيبي انتِ شلونچ

زهراء : الحمدلله انتِ شلونچ شلون صرتي

أيلين : زي الفل

” طبعاً ظفّار طلع من المستشفى وماكو يعني بهالايام ماسمعت عنه شي نهائي “

امير : صباح الخير دكتوره الحمدلله ؏ سلامه

أيلين : الله يسلمك شكراً

. . اجتمعنا كُلنه وگعدنه نسولف

زهراء : ايي لاا شنو هايي تره دكتوره أيلين تستاهل نسويلها عزيمه عشه حلوه لطيفه ونطلع كلنه موو بالله

عمران : تمام ماعندي مشكله تستاهل

امير : ايي والله تستاهل

ليندا : ويه نفسها ، شدعوه واذا قابل منو هيه ، اني ما اگدر مشغوله

زهراء : يلا لعد نطلع بالليل لـ***

أيلين : ههههه تسلمون والله ماكو داعي

زهراء : بعد هاهيه قررنه شنو ماكو داعي

—

. . بعد الكثير من المراجعين والشغل واخيراً خلصنه وطلعنه سوه للمطعم

امير : بصحة دكتوره أيلين

. . سولفنه وتونسنه وضحكنه چانت طلعه لطيفه وحلوه كُلش واستلطفت امير كُلش مؤدب وحباب

گمت للحمام داغسل وحده دفعتني بقوه وانطتني فلاشه وراحت بسرعه خفت وما ادري شسوي حطيتها بالجنطه وتظاهرت انو هالموقف انو ما صار وكملت وياهم طبيعي

زهراء : امير اجت اجت

أيلين : ها منيه اجت اجت

زهراء : انتِ

امير : يلا تاخر الوقت نطلع

أيلين : ايي والله ياريت

. . زهراء سوت شغله كُلش ضوجتني منها ادري هيه متقصد شي بس !!!!!

زهراء : براحتكم طلعو اني و عمران عدنه كم شغله نتناقش بيها علمود المستشفى شويه ونرجع اذا هاي روحو انتِ وامير

. . انطيتها نظره وكُلش منزعجه من هالتصرف كُل شي ما حچيت طلعت اني وامير بهدوء !
صعدنه بالسياره

امير : ادري بيچ ضجتي

أيلين : لا نهائياً

امير : هيه تحبچ ومن معزتها الچ هيچ تتصرف

أيلين : ادري بيها

امير : الله يحفضكم

أيلين : تسلم

امير : وين عايشه

أيلين : ***

امير : حسب الي عرفته انتِ ودكتوره زهراء جيران؟

أيلين : ايي صح

امير : حلو

. . وصلنه نزلت

أيلين : تسلم زحمتك وياي

امير : لا تدللين ما بيناتنه

أيلين : يلا تصبح ؏ خير

امير : وانتِ من اهله

. . خوش شاب رزن وشخصيته حلوه

—

أيلين : طبيت للبيت شغلت الفلاشه

” صعب اوصل الفكره بس عباره عن شخص ديراقبها ويتعقبها وين مدتروح حتى امها واصللها “

. . خفت كُلش وما ادري شسوي خفت ؏ ماما وخفت ؏ نفسي وضليت الليل كُله افكر ما گدرت انامم

– ثاني يوم

أيلين : گعدت وتجهزت حتى اروح للشغل طلعت من البيت سياره سوده واگفه گدام البيت اكلتلي هبطه من الصبح
نزلت الجامه طلع ظفّار اشرلي بأيده

صعدت بالسياره

ظفّار : صباح الخير

أيلين : بعد صبحت بوجهك بس بيها الخير ان شاء الله

ظفّار : دكتوره

أيلين : نعم شدتسوي هنا بلاا زحمه؟

ظفّار : فكرتي؟

أيلين : بشنو؟

ظفّار : بالعرض؟

أيلين : ياعرض؟؟ ” اغشم روحي “

ظفّار : الزواج دكتوره الزواج

أيلين : ما اتذكر هيچ موضوع

ظفّار : أيلين وعدتچ بشي واني أوفي بوعودي !

أيلين : شتريد مني انتَ؟؟

ظفّار : أيلين داگلچ حياتچ مو بأمان

أيلين : ليش حضرتك شنو مثلاً حارس شخصي لو تلعب كوماندو حتى تحميني؟؟

ظفّار : فتحي هاي

. . فتحتها بيها مسدس اخترعت وانكتمت

ظفّار : بدون ما اشرحلچ وصلت الفكره مو؟

أيلين : زين انتَ شرطي لو شنو؟

ظفّار : لا

أيلين : لعد شنو هاي المسدس

ظفّار : اذا حصلت موافقتچ اشرحلچ كُل شي

أيلين : لا اكيد مارح اوافق ؏ شخص ما اعرف شنو هوه وشنو طبيعه عيشته وحياته!!

ظفّار : متأكده تردين تعرفين؟

أيلين : اي متأكده

. . شغل السياره وتحركنه

ظفّار : يلا برنسيسه نزلي

أيلين : فتحلي الباب ، لا شنو هالرومانسيه المفرطه تأثرت

ظفّار : اذا دخلنه صوتچ ما اسمعه داحذرج انتبهي

. . دخلنه للمكان عباره عن زلم كُلها لابسه اسود و اصوات كُلش عاليه عياط وصياح كُل شي ممفتهمه اني گمت ارجف هوه انتبه ؏ هالشي انو اني خايفه
دنمشي واحد انرگعت بكتفه بالخطأ گام يفشر !!!

ظفّار : صاحب لسانك البنيه وياي

صاحب : واذا وياك شنو عميه متشوف شكو مدخلها اصلاً گمت تجيب گحابـ** لهنا؟

. . ظفّار عصب ورگعه بوكس وكمشني من ايدي وجرني بسرعه كملنه مشي طبيعي بس هوه متنرفز واني هابطه من الخرط الديصير

فتح باب غرفه ودخللها وگال ابقي هنا باوعت واحد مربط وشابع كتل واكو زلم بالغرفه گاعدين ديشربون!
هوه دخل يسولف ويضحك وياهم طبيعي شنو هاي؟

ظفّار : خو ما تأخرت عليچ

أيلين : ما حچيت شي ضليت مصدومه وخانسه

. . حط ايده ؏ كتفي ومشينه حتى لا انرگع مثل قبل شويه صعدنه بالسطح

ظفّار : دكتوره

أيلين : ممكن تطلعني من هالمكان !!!

ظفّار : تره مجايبچ اسويلچ جوله بالمكان واونسچ !!
دافهمچ شنو طبيعه شغلي

أيلين : وانييي اگوول هذا شنو هيچ يأذيك وانتَ متعرف ومصدومه شلون هيچ يگدر يأذيك طلعت انتَ الوحش!!!

ظفّار : أيلين !!

أيلين : نعممم شنوو أيلين انتَ شنو ؟؟

ظفّار : اني ما أأذي بشر صفحته بيضه

أيلين : يعني صفحته سوده تحرگها!!!

ظفّار : اي احرگها هذا شغلي

أيلين : بلاا زحمه يعني شغلك تكتل بالناس ؟

ظفّار : لا گلتلچ اذا حصلت الموافقه افهمچ

أيلين : شكراً فهمت الي يكفيني طلعنا من هالمكان واطلع من حياتي فهمت؟!!

ظفّار : أيلين اوگفييي اني اشتغل لصالح الدوله

أيلين : متأكد؟؟

ظفّار : الحچي اذا طلع دكتوره معناهه دتحرگين صفحتچ !

أيلين : الزم حدودك !!

. . گعد يفهمني ويشرحلي شنو شغلته بالضبط وشويه شويه داحاول استوعب وافتهم

ظفّار : فهمتي؟ لهذا السبب داگلچ احميچ وتزوجيني

أيلين : مستحيل هالشي مستحيل انتَ واني نتزوج مستحيل تمام؟؟ طلعني منا اذا ممكن

. . بس ظفّار يوفي بوعوده

أيلين : *** بوعودك داگلك طلعني منا شبيك انتَ؟

. . تنرفز من الي گلته جرني من ايدي وطلعنه من المكان صعدنه بالسياره وصلني للمستشفى بدون منحچي شي نزلت ورگعت الباب بقوه

زهراء : ولچ تأخرتي لسه ممبصمه عزه بعينچ

أيلين : صارتلي شغله شسوي

– خلصت شغل ورجعت للبيت المغرب اكلت وارتاحيت گاعدين اني وماما ناكل ونباوع مسلسل سوه بأمان الله چان ؏ ساعه تنشمر حجار ع الشبابيك و كُلها تتكسر والگزاز بكُل مكان البيت كُله تفلش!!! وماما اختنگت من التوتر

أيلين : مامااا ماماااااا شبيچ!!!!!!!!

يتبع . .

رواية مُبهر أيلين الفصل الرابع

#مُبهر_أيلين
#أوتار_العرداوي

اهمشي بنوتات تتابعوني حتى من انشر بارت يجيكم اشعار هذا الشي ضروري لا تنسون 💙
—

. . بعد الهوسه والفوضى الي صارت وبعد ما امي تخربطت وما اعرف شسوي بوسط هالوحوش الي ديشمرون علينه حجار واخيراً صارت هدوء وراحوا گبل ركضت بـ ماما للمستشفى

زهراء : شبيها خاله شكو أيلين ؟؟

. . اجو الممرضات وربطنه الاجهزه و نبض ماما شبه ديتوقف سوينه انعاش قلبي بس بس!! ماما گلبها توقف!!!
الكُل عافها لان فقدوا الامل بس اني ضليت وازود بالدرجه مال الانعاش ومنهاره عيني متغوشه مداشوف گدامي كُل الي داشوفه انو ماما لازم تعيش

زهراء : بصعوبه حچيت وياهه ، أيلين حبيبتي كافي عوفيها تعالي

أيلين : عطت ، وخرييي زهراءء لا تتقربين ديري بالچ!!!!

امير : دكتوره كافي مايصير !

زهراء : گمت ابچي ؏ حاله أيلين وعلى خاله چانت حبابه انسانه نضيفه من الداخل ومن الخارج الله يرحمها

زهراء : اييي كافي أيلين كافي !!! ، سحبت الجهاز منها وانطيته للمرضات اريد بس اطلعها من الغرفه

أيلين : عوفينييي زهراءءء حبابههه لاا عوفينيي ابوس ايدچ !!!

زهراء : حرفياً!! أيلين انهارت! اول مره اشوفها بهالحاله فقدت مدتشوف گدامها مدتقبل تعوف الاجهزه وتعوف امها وضلت تصيح وتتعارك ويه اي شخص يحاچيها وكسرت المكان كُله تخبلت حرفياً لحد ما اجت ممرضه حقنتها بمخدر يلا سيطرنه عليها .

. . أيلين وديناهه لغرفه ونيمناهه وكملنه اجراءات الوفاه وديناهه وكتبنه سبب الوفاه والوقت وهيچ اجراءات

– بعد شهرين

أيلين : شنو اگدر احچي ؟ شنو اگدر اگول ؟ خسرت اعز شخص بحياتي ، الوحيده الي حبتني بدون مقابل كرست حياتي علمودها دخلت طبيه علمودها علمود شوفتها كُل يوم بس خسرتها! خسرت ماما! وگفت الحياه يمي

زهراء : دگيت باب أيلين

أيلين : ها زهراء ؟

زهراء : طبيت للبيت ، هاي شنو البيت أيلين؟ رح احچي شي ادري يضوجچ بس اسمعيني ، الله سبحانه وتعالى اخذ أمانته معناهه انتِ هم تردين تلحگيها؟؟ وتنهين حياتچ؟
خاله مچان قبلت ؏ الي دتسوي ولچ چنتي وجبه تفويت تضوج منچ وتنقهر وهسه شصاير بيچ ؟!!! ولچ ليش هيچ دتسوين بروحچ يا عمري انتِ كافي صارلچ شهر بالبيت لا تطلعين لا تاكلين لا تختلطين بالناس

أيلين : اذا خلصتي كلامچ سكتي اريد انام

زهراء : أيلين شبيچ ولچ؟

أيلين : اطلعي برا زهراء ما اريد احچي ويه اي احد

زهراء : اول يوم اول يومين اول اسبوع و . . كُل هالمده انتظر شوكت تردين تحچين ويه احد كُل ما اجيچ هيچ تگولين

أيلين : زهراء مالي خلگ نتعارك حبابه

زهراء : والله مجايه اتعارك وياچ ياعمري انتِ ولچ حياتچ دتتدمر اصحي

أيلين : حياتي مو حياتچ لا تتدخلين

زهراء : والله مو صوچچ

أيلين : سدي الباب وراچ

زهراء : طلعت متنرفزه اريد حل لهلغبيه عسى ولعل ترجع
رحت للمستشفى ادور ؏ اي شي يوصلني لـ ظفّار

. . بعد بحث طوييييلل بالملفاتتت وبصعوبه يلا گدرت لان اولاً المريض مو الي وثانياً صارله هواي فـ عانيت بس واخيراً لگيت رقمه اتصلت ~

زهراء : ( اتصال ) ، سلام عليكم

ظفّار : وعليكم السلام تفضلي منو وياي

زهراء : حضرتك ظفّار صح ؟

ظفّار : اي اختي تفضلي

زهراء : اعتذر ؏ الازعاج بس الموضوع ضروري اني الدكتوره زهراء صديقه الدكتوره أيلين

ظفّار : اهاا أيلين ايي كمليي؟؟؟؟

زهراء : ” سولفتله “

ظفّار : ” يدري بكُل شي بس ما بَين هالشي ” ، تمام دكتوره

زهراء : اعتمد عليك ؟

ظفّار : ايي

زهراء : تمام ادزلك عنوانها لو شلون؟
طبگ الاتصال بوجهي! ههههه هذا شبي؟

—

أيلين : اندگت الباب طلعت دافتحها ، زهراء اني مو گلتلچ عوفيني بحالي ، اباوع الگى ظفّار گدامي

ظفّار : دكتوره

أيلين : من الصدمه سديت الباب بخلقته

ظفّار : هاي هيچ ترحبون لو شنو
1

أيلين : خير شتريد روح منا ما اريد اشوفك

ظفّار : شنو رح نضل نحچي من وره الباب؟

أيلين : اي ما افتحها للغربه روح يلا

ظفّار : دفتحي

أيلين : ما اريد اشوفك

ظفّار : بس اني اريد

أيلين : شتريد؟

ظفّار : امدلچ الايد لان دتخربين حياتچ

أيلين : ستوك تتذكر وين چنت؟ ظفّار روحح روححح !

ظفّار : بس افتحي الباب اگلچ شغله وراهه اروح

. . فتحت الباب شالني !

أيلين : ظفّار ولكككك ظفّار !!!! منا الجوارين نزلنيييي!!!

ظفّار : مابيها شي شايل مرتي شكو بيها

أيلين : نزلني !!!!

. . گعدني بالسياره وسد الباب بسرعه اريد افتحها ماتنفتح صعد وعاط بيه

ظفّار : اگعدي ولچ شبيچ!!

أيلين : شدخلكك!! ولك انتَ شعليك بس اريد افتهم؟؟
خربت حياتي لو لا انتَ شدخلكك!! نزلني والقران هسه ابلغ عليك

ظفّار : اي تفضلي شنو بلاغچ

أيلين : ايع ايع افتح الباب يلا !!

ظفّار : ما افتح

أيلين : ظفّار مدالعب وياك افتح الباب

ظفّار : ولا اني دالعب والباب متنفتح

أيلين : شتريد ؟؟؟

ظفّار : شايفه عقلچ المحجر هذا؟

أيلين : وخر ايدك!

ظفّار : خبلني

أيلين : شنوه؟ شدتحچي انتَ دوختني؟

ظفّار : اريدچ ترجعين مثل قبل

أيلين : اخي انتَ شدخلك بحياتي روحح حير بروحك حير بنفسك لا تتدخل بيه افتح الباب والله رح اكسر الجامه وافتحها تره

ظفّار : گلت الباب متنفتح

. . صفنت عليه بنص الصفنه انكسر شباك السياره گلت يا الله رح اخلص منه بس !! مو اني الكسرته !!

ظفّار : أيليننننن نزليييي راسچ

. . طلع المسدس وگام يرمي صارت عباره عن رمي يرمون علينه وهوه يرمي عليهم ويريد يشغل السياره راميين على التايرات ، اني نزلت جوه وحطيت ايدي ؏ اذاني وغمضت عيني تذكرت من ماما تخربطت .

ظفّار : أيلين أيلين !! أيلين ولچ ، عاط ، أيلينننن

أيلين : اخترعت ، هااا

ظفّار : هاچ اتصلي

أيلين : منووووو منوو عليمنن

ظفّار : فتحييي اللمبايلللل واتصلييي علىىى F

. . اتصلت ماكو محد يرد بس يرن !

أيلين : عيني گامت تدمع ، ماما جايتچ حبيبتي

ظفّار : أيليننن مو وكتهاا فتحي باب السياره ونزلي بس على كيف بدون ما احد ينتبه

. . ابتسمتله وهزيت براسي معناهه ( لا )

ظفّار : أيلينننن اذا ما نزلتييي اني رح انزل واذا انزل اموت گدامچ

. . غمضت عيني وسديت اذني

ظفّار : الطلق خلص انعل ابوهم الگوا** السفله ميتذكروني اله من وياي بنيه

. . هوه وديحچي اجه واحد متحلفله فتح الباب وسحبه من ياخته ظفّار رگع راس الولد بالمسدس ورگعه بوكس بس اجو وچتفوا ظفّار ما گدرلهم كُلش هواي بيهم 15 واحد

– والگحـ** الوياه هم نزلوهه

ظفّار : ديربالككك والله اكتلكككك سمعتتت عوفوا البنيههه
عوفونيي خل اكتلههه هالچلب

. . كمشني من شعري وقربني على وجهه وباوع عليه بنظرات مقززه و ظفّار وجهه صار احمر يرفس يريدهم يعوفوا بس ماكو

– هالمره خوش گحـ** مختار

ظفّار : عوفهاا والقران ايدكك هاي رح اكسرهاا وعد منييي بس خل اكمشك يا گو** ابن گوا** تطلع قوتك ؏ بنيه تف عليك وعلى خلقتك

– هههههههه

ظفّار : خلال دقيقتين بالزايد انتَ بأيدي وشوف شرح اسوي بيك

– ولك گحـ*ـتك بأيدي وتهدد شنو هالجرأه

. . وصلوا عناصر وقبضوا ؏ الكل و ظفّار كمشه دگه دگ المطي وكسر ايده

ظفّار : سرمد اخذوهم وهذا لحد يتقربله خلو الي واريد سياره من الموجودات

سرمد : ليش شتسوي بيها؟

ظفّار : ذيچ السياره متحتاجها مو؟ أيلين صعدي بسرعه

سرمد : وين ظفّار ؟ تعال تره نحتاجك

ظفّار : بالليل جاييكم يلا في امان الله

أيلين : ها ظفّار ؟

ظفّار : سكتي خل نروح

أيلين : اي ظفّار اسمعك؟

. . ابتعدنه شويه طبگ السياره بفرع

ظفّار : رح احچي حرف واحد ما اريد اسمع لحد ما اخلص
اول شغله طيشچ وسوالف ما اريد اعيش وهسوالف بطليهن
ثاني شغله واحددد من يحچيي وياچ اسمعي كلاممم

أيلين : هيي لا تصيح فهمت!!

. . رگع الدشبول وعاط

ظفّار : داحچييي ما اريد اسمع صوتچ
ثالثثث شغلهه هيلگتچ بطليهاا

أيلين : الزم حدودك كُلش قللت احترام! ، فتحت الباب ونزلت من السياره نزل ورايه جرني من ايدي

ظفّار : تعالي بابا تعالي وين رايحه

أيلين : احترمني اذا تريد تحچي وياي !

ظفّار : تمام

أيلين : ما اسمحلك تتعامل وياي بهالاسلوب وتتجاوز عليه وتريدني اسمعك شتحچي واحترمك واسمع كلامك ديربالك تكرر هيچ شي والله ما احچي وياك بعد

. . حط ايده ؏ كتفي وابتسم وباوع عليه بنظره تجننن بنص ضوجتي ابتسمت بسبب نظرته كمشني من رگبتي وجرني وباسني من شفتي!!! ، دفعته بصدمه رگعته راجدي
1

ظفّار : هههههههه احلى راجدي بحياتي

أيلين : ولككك ولكك!!!! شسوييييتتت انتَ !!

. . گام يضحك بالاكثر وانطاني نظره

ظفّار : شسويت

أيلين : عود صدگ ؟؟؟؟ متستحييي؟؟ ادبسززز !

ظفّار : يا عيني متستحي وادبسزز لعد ليش بقيتي مادفعتيني گبل

أيلين : اي صدمتني يعني!

ظفّار : ايي هلگد تنصدمين زين لعد

أيلين : ايع وخر ما اريد اشوف وجهك بعد حقير متستحي والله شتحس !!!

ظفّار : تعالي بس لا ناويه ترجعين للبيت؟

أيلين : شعليك لا تتدخل!!! ظفّار اذا بقيت لازگ ابلغ عليك وروح ماما!!

ظفّار : براحتچ يابه بس لا ترجعين للبيت لا يصيرلچ شي

أيلين : معليييييييكك معليك استوعب

ظفّار : هاي شبيها

أيلين : شبيهاا غيرر جزعتنيي

—

. . رجعت للبيت ونظفت البيت كُله وغسلته وسبحت ونظفت روحي وكُلشي واشتريت ورد ورحت زرت ماما

أيلين : ماما حبيبتي كُلش محتاجتچ ياريتچ موجوده وياي اتمنى ارجع اشوفچ واحضنچ واسولف وياچ مداگدر بدونچ ياروحي انتِ ليش عفتيني ورحتي تدرين بنيتچ ماعندها غيرچ

. . من كملت رحت اشتريت اكل من المطعم ورحت لزوزه اصالحها

زهراء : ياياياايايييايا هايي منوووو هاايييي لولوللوولولوو ، حضنتها

أيلين : حبيبتي شعندي غيرچ بالدنيا حبابه مو تضوجين مني

زهراء : انچبي انچبي يلا دخلي تعاليييي فدوهههه

. . گعدنه نسولف ونفضفض وضحكنه واكلنه بالليل كُلش رجعت للبيت

اندكت الباب ، زوزو هايي انتِ؟؟

أيلين : منوو ؟؟ ، فتحت الباب ، تفضل ؟

– مرحباً ياحلوه

. . بسرعه اريد اطبگ الباب حط رجله ركضت للغرفه وقفلت الباب ضل يدمدم ؏ الباب يريد يكسرها واني بسرعه اريد اتصل ؏ ظفّار بس كسر البابب !!!! گلبي وگف
4

يتبع . .

رواية مُبهر أيلين الفصل الخامس

#مُبهر_أيلين
#أوتار_العرداوي
2

اهمشي بنوتات تتابعوني حتى من انشر بارت يجيكم اشعار هذا الشي ضروري لا تنسون 💙
—

مبدئياً ما ادري شگول بس لو بدالكم اكمشني واكتلني واخلص 😂😂 ، شوفو حبيباتي اني عندي دوام حالي من حالكم ومشغوله كُلش وحايره بدراستي الي ماخذه كُل وقتي بس هل هذا يعني اعوف اكثر شي احبه والي هوه الكتابه؟ اكيد لا بس رح نخفف يعني شنو اول شي اعذروني صارلي شهر وماكو بارت بس شوفو نظامنه الجديد حتى ثنينه منزعل من بعض ومنضيع وقتنا ونقصر بدراستنا ♥️
رح يكون النظام بارت او بارتين كُل اسبوع وشوكت يكون البارت؟ كُل خميس جمعه سبت انزللكم بارت او بارتين ؏ الاقل بهالشكل اني اگدر اكتبلكم بالعطله وانتو تگدرون تقرون موو حل منطقي؟؟ ♥️ ، واسفه كُلش ؏ هالسحبه بس دارتب اموري حتى نرجع ببدايه منظمه وحلوه متفقين بنوتاتي ع هالنظام ؟🥹
ما اريد اطول عليكم اعوفكم تقرون البارت 💋 .
2

—

أيلين : اريد بس الحگ اتصل ؏ ظفّار كسر الباب ودخل ضغطت ؏ اتصال وشمرت المبايل بسرعه

أيلين : منو منوو انتَ ؟؟؟

– منو اني؟ اني واحد

. . صفنت عليه وخايفه ما ادري شديصير
جرني من شعري

– خل نشوف هسه گوا*دچ هم يجيچ خبصونه بي

أيلين : عوفنييي عوف شعريي شترييد منييي !!!

– تردين تعرفين منو اني؟ اني امسح گحـ*اب ظفّار من الدنيا هسه عرفتيني؟؟ اذا حچيتي شي بعد تتندمين!

أيلين : هههههههههههههه

– هاي انتِ هم بيچ شخطه منه؟

أيلين : لا بس داضحك لان گعدت اتخيل شكلك وانتَ دتنكتل

. . صفن عليه چان يرگعني رگعه بظهري طفت عيني

—

. . لحُسن الحظ أيلين عندها حظ !

دفع الباب بقوه ودخل للغرفه ، ظفّار : سرمددددد

سرمد : شكووو؟!! بنص الليل شبيك سكران؟

. . چان سرمد گاعد ؏ الكرسي اجاله ظفّار متنرفز كمشه من ياخته ثبته ؏ الحايط وگال لسرمد بقهر !

ظفّار : دخلت أيلين بالدائره !

سرمد : ليشش شبيهاا ؟؟

ظفّار : أيلين ماكوووو ولكك ولك اتصلت عليه ” سولفله شصار اثناء الاتصال ” وراهه رحت بسرعهه اريد لبيتهاا بس ما لگيتهااا سرمدددد

سرمد : هسسههه بس عوفنييي اني شعليهه

ظفّار : هذا الچلب الي عدنههه وينهههه محدد حاچاهه موو؟؟؟ چنت جاي اريد احاچي قبل لا يصير هيچ ويه أيلين وينه وينه؟!!!

سرمد : تعالل

. . دخلو للغرفه الي بيها هذا القذر

– اوو اهلاً وسهلاً والله مليت واخيراً اجيت اشتاقيت لخلقتك

. . سحب ظفّار مسدس من خصر سرمد ورفعه بوجهه

– لا حبيبي اشتاقيت لخلقتك مو لسلاحك اگعد خنسولف

. . صفن عليه رگع طلقه برجله

ظفّار : هاي الاولى والمسدس تقريباً بي ، فتحه بي 3 ، اي 4 طلقات وحده راحت بقن 3 رح اسألك كُل ما تجاوب خطأ يقلن الطلقات !

– هههههه گحـ*تك غير ؟؟ وحق ربك متلگاهه

ظفّار : فشخ راسه بطرف المسدس ، وينها ؟

– وينها ؟ ما ادري وينها انتَ تدري سرمد ؟ لا ما تدري حالي حالكم ما ادري شمعرفني اني هنا وياكم يعني شلون اعرف؟

ظفّار : اجابه خاطئه ، رگعه برجله الثانيه

– اهخخخخخخخخ ظفّاررررررررر

ظفّار : والله العظيم اكتلككك!! فتهمتتت !!!!!
بقن طلقتين يا قندره ابن القندره سألتك أيلين وين !

– گتلككك ما ادرييييي ما ادريييي

سرمد : ظفّار عوفه اني اخلي يحچي انطينه مجال هالليله !

ظفّار : هالليله؟

سرمد : ظفّار لا تتخبل

ظفّار : ولك هذا ما يجزع!! كم شخص قتلل؟ ما ارتاح

– ظفّار حبيبي انتَ هم كم واحد قتلت ويدزلك غيره؟

ظفّار : گوا*دك الچبير لو بي خير يجي يواجهني مو يدزلي ذيوله!!!

– ما يواجهك بعده ما مرتاح!

ظفّار : أيلين وين! عوفوها !!

– تدري الچبير ما يسوي شي بدون مقابل!

ظفّار : ادري!

– اني المقابل!

ظفّار : سهله !

. . كمشه ظفّار شبعه كتل لحد ما الولد فقد الوعي !

– –

. . گعدت گدام نفس الشخص الي دخل للبيت !

– ها واخيراً گعدتي

أيلين : ليش خطفتني؟!

– وانتِ شعليچ

أيلين : يعني مو من حقي اعرف ليش داباوع بخلقتك الي تطرد النعمه ؟

. . الله شاهد رگعني راجدي صرت اشوف الواحد 4 من قوته احس جهه من وجهي خدرت !

– ما احب الواحد يحچي هواي ادوخ كُلش فـ لا تدوخيني احسن ما ترجعين لبيتچ بملامح جديده

أيلين : صح بملامح جديده! بس مو اني انتَ!

. . طلع وعافني

—

. . صارت الفجر وسرمد مگابل هالچلب حتى يگعد

– هاي بعدك شنو هيچ تحبني ؟

سرمد : اي كُلش !

. . ظفّار شافه بالكاميرات فـ اجه فتح ايده ورجله

سرمد : ظفّار شدسوي!!

ظفّار : مو گلت انتَ المقابل؟

– هاي شنو ما توقعت تقبل

ظفّار : لا تحچي هواي چهرتك كُلش خربت مو مال اخربها بعد !!

سرمد : ظفّار ما يصيرر!! هوه مو الك حتى هيچ تسوي تره تتحاسب عليه !!!

ظفّار : انعلبوهم خوش؟

سرمد : ظفّاررر!! شبيككك ولكك

ظفّار : شتريد تسوي سوي رُوح گللهم يلا او تعال وياي ما يهمني المهم عندي البنيه الي ما الها دخل!
مشينه ؏ القانون قبل وانتظرنه وشنو الي صار؟ هسه جوه التراب ما مستعد يموت شخص من وره هالگو** فهمت سرمد؟!

سرمد : حقككك والله بس حتى رح يستبعدوك تره فكرر ظفّار

ظفّار : ما يهم!!

سرمد : بعدهم محد درى والكاميرات هنا احنه حالياً مسؤولين عنها نگدر ننظف قبل لا يشوفو ظفّار !

. . دفعه وقفل الباب عليه ولبّس الي وياه فد شي براسه وطلعو من المكان !

ظفّار : اسجد لربك ما كتلتك مثل القبلك !

– دائماً اگللهم هذا حنيّن بس محدد يصدگني

ظفّار : بس خل أأمن عليها اراويك الحنيه!!

– يلا تحمستت

ظفّار : يا جهنم اوديك؟

. . سولفله شنو وشنو يسوي حتى ينقذ أيلين

ظفّار : وصلنه يلا انزل

– رح اشتاقلك كُلش

ظفّار : لا تخاف اوعدك راسك تاكله الچلاب !

. . بعدها راح لفلان مكان گال عليه القذر
نزل ودخل للمكان گلب المكان گلاب بس أيلين ماكو !
طلع من وراه واحد يصفگ

– لا لا تأثرت شنو هاي

. . ظفّار تنرفز حس دينضحك عليه

ظفّار : منو انتَ انوب!!! وينها ؟!!

– منيه؟

ظفّار : أيلينننننن !!!!!

. . اعصابه تلفت كُلش وصارله يومين متخبل منايم علمود ينقذها وبالنهايه هاي النتيجه! حرگ بالاعصاب هذا !

– شبيك أيلين دگول من البدايه

ظفّار : والله العظيم رح احرگكم واحد واحددد دتلعبوننن بيههه !!! احچي وينهاااا

– أيلين غير ؟

. . رگعه دفره ببطنه وگعه بالگاع

ظفّار : ايييي ايلينننن ايليين وينهاااا؟؟

– أيلين ؟

ظفّار : اييييي ؟؟؟

– منيه منيه بالله ؟

. . اقصى درجات الاستفزاز؟؟؟

ظفّار : ههههه ولكمممممم صدگ تحچووننن؟؟؟

– شتريد هسه انتَ؟

ظفّار : رح اسألك لاخر مره وبكل ادب وينها ؟؟

– منيه ؟

ظفّار : ايليننن ايليين حفظت اسمها لو لا؟

– لا بعدني بالله عيده

. . كمشه يكتل بي ويه كُل كتله يگول اسمها لحد ما الولد راد يموت ، حفطته لو بعدك؟؟

– اييي ايييييي بس اوگففف !!

ظفّار : احچيييييييي !!!!

. . وگف الولد بصعوبه گام يمشي و ظفّار وراه
نزلو جوه كُلش وچان اكو مكان بي طابوگ بالگاع گعد يشيل بيهن ومن الكتل كُل ساعه يريد يوگع گوه واگف ، وره مشال الطابوگ طلع باب بب قفل فتح الففل اكو درج داخلي !! نزلوا
لگى أيلين واخيراً!!!!!!! بعد عناء طويل بس شافها كسر رگبته !

. . چانت فاقده الوعي ونايمه بالگاع ركضلها وحضنها يحاچيها بس ماكو

ظفّار : أيلين أيليننن !!

. . شالها وهوه ميت خوف عليها خايف لا بيها شي صعد فوگ وطلع من المكان صعدها بالسياره وتحركوا

أيلين : باوعت لگيت ظفّار بصفي متوتر كامش ايدي وايده حرفياً كلها جروح وبيها دم وديسوق بسرعه شافني گعدت گبل طبگ السياره

ظفّار : أيلين !

. . صفنت عليه بچيت

ظفّار : احچي شيي ليش ساكتههه

أيلين : حطيت ايدي ؏ وجهي وكملت بچي ما حچى شي باسني من راسي وكمل طريقه ” عرف اني بخير “

. . وصلنه لبيت اتوقع بيته شالني ودخلني للبيت بدون منحچي شي نيمني ؏ سرير

ظفّار : نامي وارتاحي

أيلين : تعال لا تطلع ابقى

ظفّار : ليش؟

أيلين : اگعد

. . جاب كرسي وگعد گدامي

أيلين : سولف

ظفّار : شسولف؟؟

أيلين : مدام وصلتلي اكيد ردبت ؏ الاتصال صح؟؟

ظفّار : ايي

أيلين : گمت ابچي ، ايي وشصار ؟؟

ظفّار : لا تبچين اروح فدوه لدموعچ لا تبچيننن!

أيلين : مداگدرر والله

. . سولفلي شصار اني كلشي ما حچبت فقط گعدت اسمعه من كمل الي گاله صفنت عليه

ظفّار : المهم صار الي صار هسه انتِ ارتاحي اني رح اطلع اذا احتاجيتي شي اني موجود

أيلين : ظفّار اوگف لا تروح

ظفّار : گولي محتاجه شي؟

. . اي تعال

أيلين : اجه يمي حضنته بكُل قوتي هوه انصدم كُل شي ما سوى ، شكراً

ظفّار : المهم انتِ بخير

—

. . گعدت ثاني يوم ما لگبته بالبيت بس هواي هواي هواي ناس اكو بالبيت فـ سألتهم وينه بس محد يعرف فـ اني طلعت من بيته ورجعت لبيتي گلت لزهراء تطلبلي اجازه كم يوم ولاول مره ما سولفتلها ؏ الي صار وياي

أيلين : اتصلت ؏ ظفّار ما رد وينه هذا شسالفه

. . مر تقريباً 6 ايام ظفّار حرفياً مختفي!!
رجعت لدوامي وحياتي الطبيعيه بس ظفّار وكل الاحداث الي صارت متطلع من بالي

أيلين: ها زهراء رح ابصم واطلع اني

زهراء : تمام حبيبتي اني فد شويه وابصم

أيلين : رح اروح للمطعم الي يم المستشفى انتضرچ هناك تمام ؟

زهراء : تمام لولو

. . طلعت بباب الستشفى امير صاحلي

امير : دكتوره

أيلين : نعم

امير : بصمتي مو؟

أيلين : اي ليش ؟

امير : اذا ما عندچ شي نتغدى بالمطعم الي هنا؟

أيلين : اهوووووووو ، شسمه بس منتظره زهراء نتغدى اني وياههه بس اوكي عادي يلا

. . دخلنه للمطعم وصينه غدى وهيچ فـ گعدنه نسولف

امير : والله شبيچ لو تشوفيها من انتِ ما موجوده

أيلين : ههههههههه عود صدگ يا يابه متت هاي ليش ما ادري ههههه

امير : ايي تضل تشوف الكل أيلين

. . داضحك ومندمجه بالسوالف شربت ماي چان الگى واحد بالطاوله التصير گدامي وبنفس الوقت بظهر امير اني وداشرب الماي ركزت بشكله چان يطلع ظفّار غصيت غصه بالماي ماكو منها ضليت نص ساعه اگح

امير : دكتوره !! ؏ كيفچ لا تختنگبن بالاكثر

. . انوب هذا لزگ ضل يدگ ؏ ظهري وينطيني كلينس واني عيني بعين ظفّار

امير : ها شلون صرتي؟ هاچ اشربي ماي

أيلين : زينه زينه احسنن

امير : تعالي گومي نطلع اشتمي هوه شويه

أيلين : لا اني زينه هيچ تمام

. . گام امير يجيب الغدى چان يجي ظفّار يگعد يمي

أيلين : شدسوي هناا وين اختفيت

ظفّار : رح اطلع منتظرچ بسرعه تجين خوش؟

أيلين : ليش

ظفّار : اسمعي كلام بدون ليش

أيلين : اي ليش

امير : منو هذا ديزعجچ أيلين؟

أيلين : لا لا هيچ يمكن مخربط
انطاني خزره من هاي الخزره

ظفّار : مثل مگتلچ !

امير : هذا شبي ؏ شنو نافخ روحه تفضل اخي محتاج شي ؟

أيلين : حسيته راد يفشخه بگلاص الماي بس اني تلاحگت ، لا لا ممحتاج هسه يروح

زهراء : هاي شكو ولكم

. . جرني من ايدي ومتنرفز يريد نطلع بره بس وقفه امير حط ايده ؏ كتفه

امير : تعال هيي بكيفك تاخذها منو حضرتك عوفهاا!!!

. . ظفّار دفع ايده لواهه نيمه ؏ الميز وگاله : خطيبتي

زهراء : ظفّار !!
+

امير : هذا!!!! تذكرتههه واني اگول وين شايفه!! بعدين شنو خطيبتكك !!؟؟؟ شوكت؟!

ظفّار : قبل لا تعرفك !

. . اخذني وطلع من المكان

يتبع . .

رواية مُبهر أيلين الفصل السادس

#مُبهر_أيلين
#أوتار_العرداوي

اهمشي بنوتات تتابعوني حتى من انشر بارت يجيكم اشعار هذا الشي ضروري لا تنسون 💙

رح نتزاعل شنو هذا التصويت 😔
مو مدللتكم ورجعت انزللكم وهاي انتو هم دللوني صوتوا علقوا والله ازعل تره 😔💔

—

. . اخذني جر ايدي وطلعنه من المطعم يريد نروح للسياره

أيلين : ظفّار شبيك عوف ايدي

ظفّار : امشي بدون لا تحچين شي

أيلين : داگلك عوفني اعرف امشي تره لا تضل تجرجر

. . وصلنه للسياره فتح الباب حتى اصعد سديتها وانتچيت ؏ السياره وهوه صار گدامي وايده ؏ باب السياره بصف راسي

– خير ظفّار ؟

ظفّار : شنو؟ ليش متصعدين؟

أيلين : وتسأل بعد؟

ظفّار : ؟

أيلين : شنو هذا الي سويته جوه وشنو خطيبتك شو انتَ تحچي من كيفك؟

ظفّار : لا محاچي من كيفي اني وعدتچ اخذچ ان وافقتي لو لا

قد يعجبك أيضاً
الادعج ” قاع الظلام ” بقلم zahralsadi
الادعج ” قاع الظلام ”
1.1M
68.2K
الأدعج" قـاع الظلام " تنـتظـِركم لـيالـي قاسية وعيـون لاتنـّام وأيـام سوداوية فـْي أعـماق قــاع الظلام هـيا يـا رِفـاق انـتـّزعو ثـُوب النجاة لـنغوص مـعـ…
RIDA : Heartbeat Of Eternity بقلم Collywobbles63
RIDA : Heartbeat Of Eternity
136K
13.4K
𝐑𝐢𝐝𝐚 𝐱 𝐏𝐫𝐚𝐤𝐡𝐚𝐫 "𝘏𝘦 𝘸𝘢𝘴 𝘵𝘩𝘦 𝘴𝘵𝘰𝘳𝘮 𝘴𝘩𝘦 𝘸𝘢𝘴 𝘯𝘦𝘷𝘦𝘳 𝘮𝘦𝘢𝘯𝘵 𝘵𝘰 𝘴𝘶𝘳𝘷𝘪𝘷𝘦.𝘚𝘩𝘦 𝘸𝘢𝘴 𝘵𝘩𝘦 𝘩𝘦𝘢𝘳𝘵𝘣𝘦𝘢𝘵 𝘩𝘦 𝘵𝘳�…
منجل الجنوب بقلم zahralsadi
منجل الجنوب
1.1M
61.4K
تقف إمامه وتقول له بـ بحه جنوبية " جنوبية انا گليبي دوهان ومحنة " يرد عليها بنفس اللهجة لكن النبرة مختلفة اقسى ، وارعب ، وأخشن "وانا هذا الجنوبي الأسمر…
DONKEY SKIN (m. yanderes x reader) بقلم MarieJNora
DONKEY SKIN (m. yanderes x reader)
40.2K
2.5K
(Y/n) would be deemed lucky by most, having lived her life comfortably in the riches of her father’s influence as the leader of an important mafia group. However her com…
Aradhya- The Warrior بقلم yukiwrites02
Aradhya- The Warrior
425K
38.8K
📌 Disclaimer / Intro Note for Readers: When I first started this story, I was accused of copying from a book named Siara. At that time, I honestly didn’t know about it…
Ghost [Trinetra Trilogy- Book 1] بقلم SwatiSandeep
Ghost [Trinetra Trilogy- Book 1]
68.9K
11K
Agney Garewal is a man with nothing left to lose, and everything to avenge. His sister’s death shattered the only bond he had, and now the agent-turned-avenger has one m…
𝐓𝐇𝐄 𝐔𝐍𝐃𝐄𝐑𝐖𝐎𝐑𝐋𝐃 𝐋𝐎𝐕𝐄 بقلم Authorcalen
𝐓𝐇𝐄 𝐔𝐍𝐃𝐄𝐑𝐖𝐎𝐑𝐋𝐃 𝐋𝐎𝐕𝐄
144K
6.9K
Yuvraj Singh Yadhuvanshi is a strikingly handsome yet ruthless mafia king, a billionaire whose life is steeped in darkness and intimidation. He revels in the thrill of t…
أيلين : شبيك صدگ تحچي وخر عني اريد ارجع بأي حق هيچ تسوي يعني بصفتك شنو لا تضل تگول خطيبتي ومن هالحچي فهمت؟

ظفّار : أيلين

أيلين : نعمم!

ظفّار : اصعدي بالسياره خل نروح منا

أيلين : اي وين نروح؟

ظفّار : بكيفچ بس امشي

أيلين : عود غرت لو شنو؟

ظفّار : أيلين

أيلين : لا اني اجاوب عنك ايي غرت ليش لان حضرت جنابك بكيفك تروح 10 ايام تجي يوم ولك فد مره اريد تبقى كم يوم بدون لا تختفي !

ظفّار : ضايجه لان مدنشاوف لو شنو؟

أيلين : لا ظفّار يعني هسه صارلك اسبوع تقريباً وين چنت؟؟ اكلت بروحي اكل مابقى تفكير ما فكرته خفت لا صارتلك مشكله هسه اني معليه بيك حياتك خو مو تضل هيچ عادي بس شنو معناهه تنيمني ببيتك وراهه تختفي ؟؟

ظفّار : يمه شگد تحچين اخذيلچ راجدي بعد

أيلين : اخذ تره لا عبالك ما خايفه منك

. . ابتسم ابتسامه تطگ بالگاع وانطاني نظره تموتت وگال
ظفّار : هسه شنو متصعدين

أيلين : ما احچي وياك اني رُوح يلا رُوح عمو

ظفّار : يلا عمو اصعد اصعد خل نروح اني اسف والله

أيلين : والله اذا مره ثانيه هيچ سويت وتختفي بعد انسى احچي وياك خوش؟؟

ظفّار : يمه شينسيچ انتِ بس لسانچ كافي

أيلين : ها مو قبل شويه چنت منزعج لان احچي هواي وما اسكت

ظفّار : لا بالعكس عادي سولفي واني اعرف شلون اسكتچ

أيلين : ولكككك والله ما رح اصعد تره وخر

ظفّار : هههههههههههه

. . فتح الباب وصعدت ورجعني للبيت گبر خبصنه عبالي يريد يوديني شو وين

—

ظفّار : الله بالخير

علياء : يمههههه وليديييي حبيبييي

مرايم : هلا هلا بظفّار

. . والدته حضنته وبچت

علياء : بعد روحي وليدي شلونك حبيبي والله مشتاقتلك هوايي

مرايم : ولك صارلك شگد مجاي شسالفه

ظفّار : تدرون بشغلي والله فد مره

مرايم : بس هسه الي ادري بي مو وكت استراحتك ؟؟

ظفّار : اي والله صاير خطأ بالشغل واستبعدت بس مو كُلياً

علياء : صدگ ؟!

ظفّار : ايي والله شنسوي الحمدلله بعد هيه فتره وارجع

علياء : اي يمه لعد مدام خف شغلك نگدر نزوجك ونفرح بيك فدوه حبيبي لا تحرمني من هالفرحه اريد حفيد فدوه

ظفّار : ها حجيه هم رجعنه لهلسالفه

مرايم : ولك لو تشوفها من انتَ ما موجود 24 ساعه تخابر وتطلع وتطب تدورلك ؏ وحده والله كُلش تعبتنه

ظفّار : هههههههههه حجيه ليش هيچ

علياء : اي اي انتِ خو گبل ما صدگتي شفتي ولك حبيبي غير ابني وليدي ماعندي غيرك لعد مو من حقي افرح بيك المفروض انتَ تگلي ادورلك

ظفّار : حجيه بعدد بعد

مرايم : يعني شوكت بعد ولك حتى شيباتك يلمعن

ظفّار : ها اتفقتن عليه

مرايم : ههههههههه

ظفّار : صدگ لعد مينا وين

مرايم : بالدوام بعدها

ظفّار : خوش يلا والله تعبان رح اصعد ارتاح

علياء : يلا حبيبي ارتاح وفكر فكررر بالموضوع بس كول اي والله اجيبلك احلى بنيه بالعراق كله متلگى مثلها وتطلع برزتكم تخبل حتى خوش حفيد تجيبولي

ظفّار : ريما طفيها بربچ طفيها خل اشرد احسلي

مرايم : ها يمه ارتاحيتي شردتي الولد

– بالليل

ظفّار : ( اتصال ) ، شلونچ

أيلين : زينه انتَ شلونك

ظفّار : زين ، عندچ شي هسه؟

أيلين : لا ليش ؟

ظفّار : حضري روحچ جاييچ ، ( انتهى الاتصال )

أيلين : وين ، يا يا طبگه!!

علياء : ها ظفّار وين

ظفّار : ها حجيه طالع عندي شغله

مرايم : تجي وره العشه لو ننتظرك؟

ظفّار : لا حبيبتي بالعافيه

مرايم : تمام

ظفّار : ها ولچ مينا

مينا : هاا

ظفّار : شلونچ وكحه

مرايم : ولك شنو وكحه شوفها شكبرها صارت

ظفّار : هوه غير اني مربيها

مينا : ههههه اي صح

ظفّار : شوفيها شلون خجلت خل اشرد

مينا : دشوفي شلون ديحاچيني شنوو وكحهه

مرايم : معليچ بي عادي

مينا : ماكو هواي فرق بينه كم مره اگله بس يلح والله داضوج

مرايم : حقچ بس هوه ممنتبهلچ اذا انتبه انتِ تحبي وتردي والله رح يحبچ حبيبتي اخويه واعرفه ما يدور من بره اصلاً زين اذا اتزوج واذا راد يتزوج كون وحده يعرفها
1

مينا : ياربببييي والله متوتره وخايفه دائماً شوكت رح نصير لبعض اخاف لا يروح لغيري

مرايم : لا يابه هههههههه

مينا : ادري هوه الي ومرح يصير الغيري بس من اشوفه هيچ يحاچيني والله انقهر

علياء : ولجننن شتبسبسن متجن تساعدني عايفاتني وحيدي

مينا : اجينه خاله

—

. . ظفّار بالباب يدگدگ هورنات خو ماكو شي عرس ؟
طلعتله بملابس ألبيت ممبدله

أيلين : هااا

ظفّار : يلا

أيلين : اني ما وافقت حتى يلا

ظفّار : صعدي بالسياره خل نحچي خو مو نضل هيچ

. . صعدت

أيلين : اي شتريد جاييني بالليل شگالولك عليه

. . انطاني علبه خاتم فتحتها باوعت عليه بأستهزاء

أيلين : شنو هاي؟

ظفّار : خاتم يعني شنو مثلاً ؟

أيلين : شنو ماعندي مثلاً ؟

ظفّار : ولچ والله رح تعبيني كُلش

أيلين : هاك اخذه وارجع لبيتك خوش !؟

ظفّار : ولچ افتهمي اريدچ

أيلين : اني ما اريدك اوكي ظفّار مواقفك وياي حلوه وما انساهه بس مو معناهه اروح أتزوجك

ظفّار : قصدي اريدچ احميچ أيلين كم سالفه صارت وياچ وشگد دتتأذين خايف عليچ وخصوصاً اخر شي ماتعرفين شصار بيه

أيلين : ادري شصار مو سولفتلي؟

ظفّار : اي بعد شكو

أيلين : بس ما اريد

ظفّار : ليش متريدين

أيلين : اني اهدافي مو اتزوج واصير زوجه صالحه وام بيت

ظفّار : منو گال هيچ تره الفرق رح يصير بأيدچ خاتم فقط وتوقيع وموافقه ونكمل حياتنه طبيعي داومي بالمستشفى عادي واني اداوم بس تصيرين مرتي اضمن حمايتچ واضمن انتِ بأمان

أيلين : هالحچي ميوكل خبز تدري كُلش زين شنو الزواج واني مالي خلگ اجر طول وعرض اكمشك واكتلك

ظفّار : اوف اوف شتسوين شتسوين

أيلين : اكتلك

ظفّار : ههههههههه والله تونسين انتِ

أيلين : هسه شتريد

ظفّار : اريد توافقين

أيلين : اوكي رح انطيك فرصه

ظفّار : يا الله بسم الله

أيلين : انطيني سبب يخليني اوافق

ظفّار : احميچ بروحي

أيلين : سبب حلو بس انتَ بدون ما اصير مرتك حميتني والله يكثر من امثالك ما انسى اي شي سويته

ظفّار : تمام لعد سديتيها ؟

أيلين : اي

ظفّار : ما چنت ناوي اسولفلچ والله ولا تفهميني غلط بس رح اسولف ؏ امل انو توافقين

أيلين : تفضل

ظفّار : تدرين من چنت احاول اوصلچ چان يمنه هذا الچلب وچان لازم مقابل فـ يردون اعوفه حتى يدلوني مكانچ

أيلين : اي ادري گلتلي

ظفّار : هالشي ممنوع عدنه

أيلين : شلون يعني؟

ظفّار : مجرم وعفته ؟

أيلين : اي؟

ظفّار : وبما انو شي ممنوع واني سويته فـ عليه حساب

أيلين : دقيقه داستوعب

ظفّار : استبعدوني مؤقتاً بس بعدني اشتغل

أيلين : صدگ ؟؟؟؟

ظفّار : اي بس مو بنفس المكان ومو نفس الشغله تختلف

أيلين : انتَ تدري انو چنت رح تتحاسب موو؟

ظفّار : اي ادري

أيلين : لعد ليش هيچ سويت ؟

ظفّار : گلتلچ احميچ بروحي

أيلين : ما ادري شگول للصراحه

ظفّار : لا تگولين شي موافقتچ كُلش كافيه

أيلين : والله ما ادري ظفّار

. . كمش ايدي

أيلين : زين انتَ ليش هلگد تريد اوافق معقوله بس لان تريد تحميني ؟

ظفّار : ايي

أيلين : لهدرجه؟

ظفّار : أيلين خسرت قبلچ اشخاص كُلش يهموني وحاولت احميهم بس للاسف ماگدرت فـ مارح اسمح لهلشي يتكرر فهمتي ؟

أيلين : تمام لعد هاهيه

ظفّار : يعني؟

أيلين : موافقه

ظفّار : خل ابوسچ لعد

أيلين : ههههههه لا لا تتحمس

ظفّار : هههههههههه

أيلين : اكو شرط بس مستحيه شويه

ظفّار : عادي اسمعچ

أيلين : شسمه

ظفّار : شسمه

أيلين : ما اصير زوجتك صدگ يعني بس بالورق ويعني بالموافقه وهاي بس غير شي لا لان احنه زواجنه اساسه انو تحميني فـ يعني فهمت ؟؟

ظفّار : تمام ماعندي مشكله

أيلين : تمام هاذهو لعد وماكو داعي مبالغه بالسوالف هوه گبل نختصر كلشي بسرعه نعقد وهاذهو وماريد عرس وكلشي ماريد

ظفّار : مهر؟

أيلين : بكيفك مايهمني اي شي

ظفّار : تمام يلا نزلي وباچر شوكت دوامچ؟

أيلين : الظهر ابصم اطلع يعني

ظفّار : تمام عصريه اجيچ اعرفچ ؏ امي

أيلين : امك؟!!

ظفّار : شبيچ انصدمتي

أيلين : ما ادري بس تمام

– ثاني يوم بالمستشفى

زهراء : يمه لولو شنهاي مداصدگ؟!!

أيلين : والله حتى اني

زهراء : ما ادري ما حبيت شنو هاي

أيلين : الله كريم شنسوي بعد

. . بصمنه اني وزهراء وطلعنه لگينه ظفّار بالباب خييير مو گال العصررر شبي!

أيلين : يلا حبيبتي مع السلامه ، صعدت بالسياره

ظفّار : تردين نروح گبل لو اوديچ للبيت

أيلين : بس ليش هيچ كُلش متأخر بالجيه توقعت تجي اوكت

ظفّار : نروح گبل تمام

أيلين : هاي شبيكككك

ظفّار : اي جاوبي عدل

أيلين : يلا رُوح خل اخلص

ظفّار : تخلص

أيلين : ايي

. . وصلنه نزلنه دگ الجرس ادري شنو ما عندك مفتاح

ظفّار : اني احبچ وانتِ تحبيني تمام ؟

أيلين : شنووووو

علياء : مينا بنيتي فتحي الباب يمكن هذا ظفّار

. . فتحت الباب وصفنت عليهم

ظفّار : ها وكحه مندخل شنو نبقى بالباب

. . دخلنه واني مستغربه ما ادري شسوي

علياء : هلا بوليدي هلا مينا حبيبتي جيبي مايات

. . قدمتلنه وقدمت عصاير وهيچ سوالف شربنه وتسليكات للسماء السابعه

علياء : اي حبيبي مارح تعرفنه منو هالضيفه الحلوه

ظفّار : چنتچ

. . يعني گالها منا هاي مدري شسمها گحت گح من هذا الزين وگامت ترجف مدري شبيها الكل استغرب واني من ظمنهم
وامه گامت تهلهل حرفياً اريد واحد صاحي ماكو

علياء : اللهم صلي على محمد وال محمد اليوم نذبح ونوزع يا الله الف الحمدالله والشكر حبيبتي من اليوم انتِ بنيتي

. . اوكي هيه لطيفه ومبينه فرحانه بس شسالفه اعرفيني اعرفي اني منو وشنو وعود تحمسي هيچ

مرايم : شسمچ انتِ

– أيلين

مرايم : منين تعرفتو شلون شوكت

ظفّار : ؏ كيفچ ريما

. . عرفتهم عن نفسي وگعدو يحققون امهم استلطفتها هاي البنيه الي گحگحت كُلش تغث واخته دنغوزه من جوه ليجوه

ظفّار : يلا بعدد نترخص عدنه هواي اجراءات نسويها ونحدد هواي سوالف

. . طلعنه من البيت

مينا : تعالي مرايم
صعدنه فوگ

مرايم : شبيچ

مينا : انتِ شنو گلتيييي هاييي منووو اخوججج رح يتزوججج!!!

مرايم : اني شمدريني اصلاً شوفيها چنها سلبوحه !! من كُل عقلچ اخويه يكمل وياهه والله فتره ويتعاوفون هاي اذا تزوجو

مينا : ظفّارررر الييي انتِ چنتي تقنعيني وتسكتينيي كُل ما اريد احاچي ليشش شلوننن رح اتحمل اشوفه وياهه قبل شويه حسيت گلبي ديتگطعع مرايم حباببههه حليها لا تخلي يتزوجها فدوهههه

. . رگعتها راجدي

مرايم : شبيججج اصحيي داگلچ ميكملوونن سوههه عوفيهممم هسه فتره يتونس ويرجعلچ والله تصيرين اله

مينا : انتِ ما رح تسوينن شيي رح تعوفيهمم موو؟؟؟
اني اسويي والله العظيم ما يطلع اسمي مينا اذا مر عليهم يوم بدون مشاكلل ظفّار الي وما اعوفه الها ما اعوفه ابد !!!
+

يتبع . .

تحميل رواية مُبهر أيلين pdf

الرواية لا تزال قيد الكتابة، وسنقدم لكم رابط التحميل pdf حين تكتمل الرواية بالكامل.

____

لو عاوز تقرأ الفصول الجديدة من الرواية دي بشكل حصري قبل صدورها

أنضم لقناتنا على تليجرام (من هنا)

رواية مُبهر أيلين الفصل الأول

رواية مُبهر أيلين الفصل الثاني

رواية مُبهر أيلين الفصل الثالث

رواية مُبهر أيلين الفصل الرابع

رواية مُبهر أيلين الفصل الخامس

رواية مُبهر أيلين الفصل السادس

تحميل رواية مُبهر أيلين pdf

اترك تعليقاً إلغاء الرد