رواية تزوجت ملتزمه الفصل الثاني عشر 12 بقلم آمنة الصادق

رواية تزوجت ملتزمه الفصل الثاني عشر 12 بقلم آمنة الصادق

 

البارت الثاني عشر

 

#تزوجت ملتزمه ✨💗 {12}
#للكاتبه آمنه الصادق {ميمشكة ❤️}
#عمار :- اي ياااخ 💃😃
بعديها مشيت بيت البت و فضلوني
مصطفي :- م عرفتك ي ولدي
عمار:- اي م بتعرفني ي عمي انا جيتك في موضوع كدا خير
مصطفي :- ان شاء الله خير قول ي ولدي
عمار :- والله بتك الدكتورة الصيدلانيه عجبتني و عايز اناسبكم و جيتك عشان اخد منك موافقه مبدئيه و اجيب اهلي للتعارف و كدا و يعني اصلا م متواصل معاها و لا اي شي بس هي زولة محترمه ظاهر عليها و بتمني تقبل نزوركم انا و اهلي في اقرب وقت “طبعا كنت بقول في الكلام دا و انا متوتر شديد حتي بقطع في الكلام بس هو كان زول واعي و راقي و م جاط فيني زي ما كنت متوقع”
مصطفي :- طالما انك ي ولدي جيت البيت و قبل حتي تتكلم معاها ف انت زول راجل والله و ابشر ي ولدي م عندك اي مشكل بشاور اهل البيت و بديك خبر ان شاء الله اديني رقمك
عمار:- شكرا ي عم والله م بتقصر
بعديها اديتو الرقم و مشيت منتظر منو التلفون
🍁🍁🍁🍁🍁🍁🍁

 

 

سلمي :- ي بتي شايفه كانو بطنك كبرت سريع يعني مفروض تظهر في الرابع زي دا
وئام :- 😳😳 لا هوو …
يقين :- ي خالتي في نسوان وقت ياكلو كتير في الحمل طبعا الوحم بكون علي شكل اكل مستمر و طبعا م الكل واحد عشان كدا بتسمن و بطنها بتظهر م اكتر من كدا ي خالتي
سلمي :- ايوووا م كنت عارفه 🙂
وئام :- اي صاح 😮‍💨
بعد دخلنا جوااا انا وهي
يقين :- م لازم تتوتر كدا بكشفوك اسئله بسيط شديد دي اذا م قدرتي تجاوبي منطقي اعملي فيها عايزة تستفرغي و قومي و اساليني ولو سالوك تاني يكون الجواب عندك ولو لا خلاص
وئام :- تمام و شكرا 🫂🥹
يقين :- قلنا شنو نحن 🙄
وئام :- تمام تمام م بشكرك تاني 🙂
يقين :- خلاص يلااا انا ماشه بيتي راجلي بجي بعد شويه
وانا طالعه شفت عمار طالع
عامر :- مرت الاخ
يقين :- ي هلا كيفك
عامر :- ماشي الحال الحمدلله وانتي كيف
يقين :- بخير الحمدلله
عمار :- ماشه وين عشان اوصلك
يقين :- ماشه البيت مافي داعي اعطلك
عمار :- تعطليني شنو اصلا ماشي الاقي الشباب ف عادي اوديك بيتك اول بعدين امشي ليهم
يقين :- طيب تمام و ركبت ورا … معليش يعني لانو ركبت ورا
عامر :- لا لا عادي العفو منك ياااخ 🙂
المهم وصلني و كمل طريقو
🍁🍁🍁🍁🍁🍁🍁

 

 

#عمار :- وانا في الطريق اتصل لي حاج مصطفي و قال لي ممكن تجو يوم الجمعه لتعارف فرحت شديد و كلمت الحاج و يأمن و قلت ليهو يجي المساء عشان نتفق ح نعمل شنو و اكد لي جيتو
🍁🍁🍁🍁🍁🍁🍁
#يأمن.:- مساء الخير علي الحلو ☺️
يقين :- مساء النور 😊 اكب ليك تاكل
يأمن :- اي لو سمحتي جعان والله
يقين :- مسافه تستحم كدا بكون جهز
يأمن :- تمام
عملت ليه الاكل و بعد طلع اكل و عملت ليه عصير و جبتو ليه
يأمن :- 🍹وهو بخت في كبايه العصير من يدو “اليوم ماشين نتعشاء مع الحاج ”
يقين :- تمام م عندي مشكلة مع انو كنت معاهم قبيل
يأمن :- اي لانو عمار دا يوم الجمعه ان شاء الله ح يمشي يتعرف علي اهل البت و عايز نتفق علي الموضوع دا
يقين :- عليك الله 😃😃حلو بس قبيل لما وصلني م قال لي كدا
يأمن :- يمكن الزمن داك م كلمهو
يقين :- يمكن .. لكن الله يتم ليه علي خير ان شاء الله
يأمن :- ان شاء الله ي رب
بعديها مشينا و اتفقنا علي انو نشيل شويه حاجات معانا و كان اليوم الاربع و بتنا عشان نلحق نطلع الصباح نجيب الحاجات اللى قلناها بدري و فعلا تاني يوم جبنا شويه حاجات و هدوم جديدة نلبسها في المناسبه دي و يوم الجمعه بعد صلاة المغرب مشينا عليهم ضيفونا و ما شاء الله لقيت اخواتها الكبار كمان منقبات كلهم و عرفت انو هي محجبه و اتونسنا معاهم كدا و الرجال كانو بالجهه التانيه و كنت منتظرة يأمن يرسل لي اتفقنا يكلمني بالتلفون البحصل شنو و كمان سجي بت جميلة شديد تبارك الرحمن و ظريفه و زولة طيوبه كدا تتحب من اول مرة
🍁🍁🍁🍁🍁🍁🍁
#عمار:- مشينا البيت و ضيفونا و بدينا في الونسه و جرت الونسه عندها اخ واحد و تلات اخوات و مع الونسه و حديث يجر حديث اكتشفت انو اخوها كان دفعتي في الجامعه قرا سنه وحدة و تاني انتقل من الجامعه و كان حصل موقف كدا وقفت معاهو فيه بس م كنت متزكر الا هو كلمني بيه و ابوهو طوالي وافق قال لي بس اسال البت اول مشى و جاني قال لي قالت عايزة تتكلم معاك اول و فعلا مشيت معاها غرفة التلفزيون و معاها وحدة من اخواتها و قعدت بعيدة مننا شويه و مسكت تلفونها و ركبت السماعه عشان تخلينا نتكلم براحتنا
سجي :- انا م عندي مشكلة في العرس بس م عايزة اخلي شغلي بعدين و تاني شي عايزة لي فترة خطوبه عشان اتعرف عليك فيها
عمار :- م عندي مشكلة انا
و اتكلمنا في كم حاجه تاني و اتفقنا عليها و عرفتها علي و عرفت عنها حاجات جديدة و علي كدا طلعت كلها زي ساعه او كم و 40 دقيقه و بعديها اتفقنا علي الخطوبه بعد اسبوع و الحمدلله 🙂
🍁🍁🍁🍁🍁🍁🍁
#يقين :- اووووف الحمدلله الكلام دا بقي في الاجازة لو م كدا كان اتهلكنا
يأمن :- الحمدلله و ان شاء الله العرس يتم قبل تبدو السمستر الجديد
يقين :- يسمع منك الله ي رب
ياهو بعديها بقينا في تجهيزات الخطوبه و كدا

 

🍁🍁🍁🍁🍁🍁🍁
#يوم الخطوبه :-🍃🍃
#عمار :- والله ي مان متوتر عديل كدا
يأمن :- عادى ي مان حصلت معانا كلنا ان شاء الله بتم علي خير م تخاف
عمار :- ان شاء الله… و عايز نصايحكم ي خُبراء “وهو بعاين ل محمد و احمد و يأمن”
أحمد:- انا برا منهم ياداب عريس و م بعرف اقدم نصائح انا
عمار:- 😅خلاص خليناك ي مان
محمد و يأمن:- م تخاف معاك خبراء هنا 😉
عمار:- كويس انكم هنا
محمد :- هي خلاص ارح نطلع لانو اصلا النسوان ديل بياخدو زمن بعدين يأخرونا
يأمن:- علي قولك بنتاخر والله عشان كدا ارح نسعجلهم
🍁🍁🍁🍁🍁🍁🍁
يأمن :- يقين وئام امي اطلعو خلاص عليكم الله
يقين :- اصبر ياااخي م عايزين ننسى شي اصبر شويه
سلمي :- جنك استعجال اصبر ي ود شويه في حاجات ناقصه
يأمن :- يااااخ لمسافه نصل هناك الزمن بتاخر
وئام :- اصبر ياااخي عايزنا نمشي هناك و نلقي في كم حاجه ناقصه
يأمن :- خلاص اسرعو بلاااي
المهم بعد زمن. طلعنا و اتجهنا علي بيت البت و ركبت معاي النسوان و عمار الرجال و محمد اهلو و دخلنا فضلونا و اتونسنا شويه و بدينا في المراسم بتاعت الخطوبه
🍁🍁🍁🍁🍁🍁🍁
#سجي:- عرفت منو في الفترة دي انو شافني في الصيدليه و كان في موقف كدا كان جاتني شافعه عايزة دواء ملاريا و قالت ابوها مات و امها عيانه وهي الشغالة و قالت لي اديها دواء لحدي م امها تبقي كويسه اديها الدواء لانو بالجد محتاجة ليه كنت كم مرة بشوفها مع امها في الشارع ببيعو شويه حاجات كدا و قلت ليها مافي داعي تجيبهم اصلا بعد خطيتهم في كيس و اديتهم ليها جا هو عشان يشتري دواء و سمعها بتقول لي شكرا ليك و بكلم امي انك اديتني ليه ساي عشان بعد تبقي كويسه تجي تشكرك و علي كدا مشت البيت و هو من الموقف دا قال اعجب بي و انتظرني تاني يوم جنب الصيدليه لحدي م رجعت البيت و علي كدا عرف بيتنا و انتظر لحدي م كون نفسو و جا و كان متابعني طوالي و اليوم الخطوبه كنت متوترة شديد و خايفه ي رب ح يكون لي سند و لا ح يكون لي غلطه دعيت الله و استخرت لو ما فيهو خير لي م يتم بس الحمدلله تمت و معناها فيهو خير 😮‍💨🙂
🍁🍁🍁🍁🍁🍁🍁
#عمار :- الحمدلله تمينا الخطوبه و حددنا العرس بعد شهرين و في الفترة دي اتعرفنا علي بعض و في يوم امي عزمتها في البيت عشان كان في قعدة بتاعت نسوان و انا م كنت عارف
🍁🍁🍁🍁🍁🍁🍁
#سجي :- في الفترة م بعد الخطوبه اتعرفت عليه كويس و حبيتو كان بحاول يسعدني علي قدر م اقدر و اليوم امو عزمتني و اول مرة تعزمني م حبيت احرجها و كلمت امي عشان تمشي معاي و فعلا جات معاي 🙂
🍁🍁🍁🍁🍁🍁🍁
#يقين :- اصلا خالتي سلمي داخله صندوق مع نسوان الحلة و كل مرة في بيت زول و من فترة ل فترة بكون في بيتها مرات بنمشي لما نفضي و مرات لا و اليوم انا فاضيه مشييت و طبعا امي و ضحي عزمتهم برضو
🍁🍁🍁🍁🍁🍁🍁
#عمار :- صحيت من النوم غسلت وشي و مشيت المطبخ عشان اشوف لي حاجه اكلها لانو م فطرت و م كنت قايل سجي عندنا “دقيقه دقيقه دا م انا والله” و جريت علي الغرفه استحميت و لبست لبسه حلوة و نظمت شكلي و جيت طالع و قلت ليها دا انا القبيل دا الشغال عندنا ساي 😅😂 م تشتغلي بيهو قعدو يضحكو علي و ادوني حاجه اكلها و بعديها طلعت طوالي لانو عرفت في نسوان جايات لسه اتصلت ل يأمن قال هو في الشغل و احمد برضو طوالي اتصلت ل واحد من اصحابي و اتفقت اطلع معاهو
🍁🍁🍁🍁🍁🍁🍁
#سجي :- عرفت انو واحد مجنون بعد الموقف اللي حصل دا و كمان بعد استحمي قال لي كدا ياداب دا انا ضحكت عليه و عجبني اكتر و بعديها طلع
🍁🍁🍁🍁🍁🍁🍁
#يقين :- ونحن قاعدين كدا الكلام جاب الكلام في موضوع الحمل و م الحمل قامت وحدة من النسوان قالت لي م يكون م بتلدي لانو انتي عرستي قبلهم زعلت صراحه و م جوبتها
سلمي :- استغفر الله الكلام دا قسمه و من عند ربنا م صاح منك تقولي كدا خليك زولة واعيه
طبعا بعد كلامها دا فرحت شديد انو عندى نسيبه زيها وبعد طلعو قالت لي
سلمي :- ي بتي م تشتغلي بيها بعرف الحاجه دي قسمه م بيدك انا زاتى يأمن دا جبتو بعد سنتين من زواجي 🙂
يقين :- طالما عندى نسيبه زيك كلام الناس تاني م بهمني 🙂
سلمي :- الله يخليك ي السمحه و يرزقك الزريه الصالح ي بتي اشوف اولادك كدا يجرو في البيت
يقين :- ان شاء الله ي رب 🙂يسمع منك الله
المهم بعديها رجعت البيت و انتظرت يأمن لما جا و عملت ليه الاكل و في الاكل لاحظ لي شاردة
يأمن:- الحلووو شارد وين 😉
يقين:- عايزة امشي الدكتور بكرة انا
يأمن:- مالك حاسه بشنو 😳
يقين :- لا ماشه لدكتورة نساء و توليد
يأمن:- 😃😃حامل
يقين :- لا بس عايزة اعرف اذا عندي مشكلة صحي 🥺
يأمن:- بسم الله جبتي الكلام دا من وين
يقين :- قبيل في العقدة في وحدة من النسوان قالت لي يمكن م حملتي للان لانو عندك مشكلة و انا اول وحدة عرست في البنات زي م عارف
يأمن :- اوووف منك عارفة انتي انو الكلام دا قسمه مافي داعي ل دا كلو
يقين :- ايوااا عارفه بس اتاكد عشان كان في شي نحلو من هسه قبل يحصل شي تاني
يأمن:- خلاص اذا كدا بتطميني تمام م عندي مشكلة امشي

 

 

يقين :- تمام بمشي
المهم مشيت فحصت و الحمدلله مافي مشكلة و بقت مسالة قسمه تاني
🍁🍁🍁🍁🍁🍁🍁
#يوم العرس :- 💞💞
#سجي :- طبعا في الفترة الفاتت دي اتعرفت علي عمار كويس و حبيتو و كان بسعدني ولو ب ابسط الاشياء و اليوم العرس و كنت في الكوافير و منتظرة يتمو العقد و انا متوترة شديد بعد عقدو اتصل لي
عمار :- الف مبروك لينا ي عروس عقدو
سجي :- الله ي بارك فيك 😭😭😭
عمار :- لا لا بس لحدي هنا انا م معاك م بقدر استحمل دمعه بتنزل منك حتي ولو كانت فرحه… دموعك دي جواهر عديل م بقدر احمل م تبكي ي روحي و الله يقدرني اسعدك و اهنيك و اكون سندك في كل وقت
سجي :- امين ي رب و الله يقدرني انا كمان اصونك و اصون بيتك و حبك في وجودك و غيابك ان شاء الله و اكون سندك في كل لحظة
سجي :- امين + الله يخليك لي ي اعظم انتصارتي 😊
يقين :- اححيي عاينو لينا ياااخ 😉
سجي :- ي زولة هي امشي شوفي راجلك ب وين 😏
يقين :- عان الفرحانه دي 🙄 + تعالي جاي 🫂الف مبروك ان شاء الله تتهنو وبيت مال و عيال ان شاء الله
سجي :- الله يبارك فيك ان شاء الله
يقين :- 💞
طبعا مشينا مع سجي الكوافير لانو م عندها صحبات كدا كان عندها صحبه واحدة و طلعت خاينه و خلتها و من بعدها م دخلت في البنات تاني و في الوقت دا غيرنا م لقت زول يمشي معاها نحن بعد خلصنا هناك جينا ليها و لما جا المساء جا العريس ل عروستو …..
💞_—{#أن تَعرف مكانك في قَلبِ من تُحب
يشبه أن تَعرف الطريق للمنزِل .}—_

 

 

• لقراءة باقي فصول الرواية أضغط على (رواية تزوجت ملتزمه)