رواية تزوجت ملتزمه الفصل الحادي عشر 11 بقلم آمنة الصادق

رواية تزوجت ملتزمه الفصل الحادي عشر 11 بقلم آمنة الصادق

 

 

البارت الحادي عشر

 

#تزوجت ملتزمه ✨💗 {11}
#للكاتبه آمنه الصادق {ميمشكة ❤️}
#يأمن:- تمام م تخافي م بعمل ليك شي بس ارح معاي عايز اتكلم معاك برانا
وئام :- 😳لا لا كيف 😭😭 صدقني م كنت عارفه و م كنت في وعي حتي وقت الحيوان داك عمل كدا صدقني
يأمن :- اهدي شويه م بعمل ليك شي و تعالي معاي 👫
#يقين :- بعد شفت الهدوء اللي في وشو انا خفت خليها هي و قلت ياهو اللي قتلها و مسكتو من يدو ابتسم لي كدا و قال لي م تخافي م بعمل شي بس ح اتكلم معاها شويه و مشو جوااا و م كنت سامعه صوت منهم خالص و كنت متوترة شديد يالله ح يعمل شنو ي رب م يتهور و يعمل ليها شي
أحمد:- مالك خايفه كدا م واثقه فيني
يقين :- م كدا بس خايفه من ردت فعلو
أحمد :- م تخافي صدقيني م بعمل شي

 

 

يقين :- ان شاء الله
🍁🍁🍁🍁🍁🍁🍁
#وئام :- كنت خايفه شديد من الهدوء اللي ظاهر في وشو دا بس فاجئني انو بالجد كان هادي و م عمل شي غير سالني من الحصل و لو بتزكر الطريق و الشقه و طعلنا طوالي عليها نحن الاربعه
🍁🍁🍁🍁🍁🍁🍁
#يقين :- انتي كويسه 👀
وئام:- ايوااا كويسه الحمدلله 🥺💔
يقين:- م تخافي بتتحل ان شاء الله 🥹
وئام :- ان شاء الله 🥹💔
ياهو بعديها مشينا علي الشقه و سالنا و عرفنا انو الولد اجرها يوم وحد عشان يعمل عملتو دي و بقينا نفتش في البت اللى اسمها نسمه دي عشان نعرف منها بس اختفت من الجامعه من يوم الحادثة و الموضوع بقي في إيد أحمد و يأمن و نحن منتظرين الجديد
🍁🍁🍁🍁🍁🍁🍁
عفران :- يقين الحقي الطيب وقع هناك و راسو كابي دم و م عرفت اعمل شنو و عارفه الطلاب كلهم في حفلة استقبال الطلاب الجدد و غيرك مافي زول يساعدني 😭💔
يقين:- الطيب منو … طيب تمام ارح اسرعي 🚶‍♀️🚶‍♀️
مشيت معاها و م لقيت زول قلت ليها وين قالت هناك التفت للمكان اللي اشرت لي عليه و لقيتها خطت حاجه في انفي و بعدين م حسيت ب شي الا و انا في بيت كنت بحاول افتح عيوني علي قدر الامكان و شفت زول صدمني جداا 😳😳اتخيلو شفت منو ياسر صحاب يأمن 😳😳
يقين :- بصوت واطي و مقطوع {يااااسر 👀}
ياسر :-😳😳بتعرفني من وين
عفران :- كدي خليك من بتعرفك من وين وامش نومها قبل توعي عديل لانو تاني م بتقدر عليها
يقين :- كنت سامعه بس م قادرة اقاوم و انا تحت تأثير المخدر و نومني تاني 💔
🍁🍁🍁🍁🍁🍁🍁🍁
#ياسر:- دي مرت. يأمن لو عرف بقتلني ي بت

 

 

غفران :- ح نختفي و ح يعرفك كيف
ياسر :- شافتني و عرفتني خلينا نجيب ليه وحدة تانيه ياااخ
غفران :- حيوان انت عايز تخرب لينا الشغل خلينا بلااي و م تشتغل بيها كتير
ياسر :- بس بيني و بينكم عرفت ليه اتغير كدا و خلي باقي البنات يااااخ اللى عندو دي ملاااااك عديل كدا
غفران :- جنك بنات انت خلينا نمشي احسن 🙄
🍁🍁🍁🍁🍁🍁🍁🍁
#يقين:- صحيت و لقيت نفسي في سرير في غرفه و جنبي في الكرسي واحد قاعد بهدوم داخليه لحدي م وعيت للي شايفه كان قريب ربع ساعه من صحيت و قمت سريع اعاين ل نفسي الصدمه لقيت انو م قرب علي و هدومي زي م هي بس شايلين النقاب مني …. انت منو و عايزين مني شنو انتو …
جيمي :- اسمي جيمي م سوداني انا بس امي سودانيه و جيت هنا م بعرفك بس جابوك لي كنت عايز وحدة اقضي معاها ليله و جابوك لي
يقين :- ياسر و غفران
جيمي :- لا اسمهم سنا و علي كدا قالو لي
يقين :- كدا عرفت انو غشو عليه او يمكن علينا … و طيب ليه م هبشتني وانا مخدرة
جيمي :- بصراحه جربت بس م قدرت 😧
يقين :- كيف ؟
جيمي :- كل م اقرب منك بشوف حاجه مخيفه فيك و مرعبه م بقدر اقرب ببعد سريع من بعيد بتكوني جميلة شديد اول م اقرب بشوف الشكل المخيف اكتر من 10 مرات انا بجرب و في النهايه خليتك
يقين :- استغربت من كلامو لانو يأمن بقرب علي عادي بس فرحت شديد انو م قدر يقرب علي .. و بعدين طلبت منو يخليني ارجع البيت
جيمي :- م عندي مشكلة بس م ح تعرفي الطريق براك و ممكن ارجعك و صدقني م بعمل ليك شي بعد اللى حصل دا ممكن كمان اخليك في الشارع الرئيسي وانتي كملي براك اذا خايفه
يقين :- بعد تفكر وافقت اصلا انا لما جيت م كنت واعيه و يمكن اضيع و في الطريق اقنعتو انو يعترف بيهم و بالفعل وافق و ماشين علي البيت اول
🍁🍁🍁🍁🍁🍁🍁
يأمن :- اهدا شنو ي أحمد شايف الساعه كم و ل هسه م معروف هي وين و تلفونها غافل حصل عليها شنو انا م عارف
أحمد:- صدقني بتكون كويسه هسه بتجي و نعرف حصل معاها شنو
و اثناء م نحن بنتكلم دق جرس الباب و طلعت دي يقين
أحمد :- يقين ؟ و عينت لل وراها .. وين كنتي و دا منو
يقين :- خلينا ندخل و بحكي ليك … ادخل ي جيمي
أحمد:- جيمي؟؟🤔
يأمن :- يقين انتي كويسة حاصل معاك شنو وين كنتي ليه تلفونك غافل و دا منو اللي معاك دا م تحكي ي بت
يقين :- احكي كيف وانت م اديتني فرصه

 

 

يلاااا الحصل ك الاتي….💔
قامو عليه و ضربو و يالله قدرت اهديهم
يقين :- عايزين تقتلو يعني ح يشهد لينا منو عند الشرطه وانت ي احمد اللى قلت واعي شنو و؟
أحمد:- بعد اللى حصل اهدا او اوعي كيف ولا و هو قدام وشي كمان 😠😠
يقين :- قلت ليك جا عشان يساعدنا لو مات ح تبقي جريمه ضدنا عارف كدا اهدو اهدو 😠
يأمن :- زحو من وشي لانو بالجد ح اقتلو و م بسال 🙄😠
بعد فترة كدا سالتني وئام و كيف حصل الشي اللي قالو دا و م قدر يقرب عليك
يقين :- اصلا كل يوم بعد صلاة الصبح بقرا سورة البقرة حتي ابدا يومي وهي بتحفظك من كل شر جايك و يمكن دا السبب والله اعلم
وئام :- 🥹ياريت لو كان حظي زيك و ياريت لو كنت بعمل زيك اصلا انا متهاونه في الصلاة بصليها لما القي زمن 😭😭💔
يقين :- اصلا اي شي بحصل لينا ل خير
وئام :- ب رايك دا خير لي
يقين :- استغفر الله اكيد في خير جاي بعدو م تقولي كدا ربنا قال انو بعد كل عسر يسر م معروف ح يكون الخير وين و يمكن عشان تتغيري و يمكن في حاجات كتيرة بعدها م تيأسي من رحمه الله و ارضي علي المكتوب مهما كان شر لينا فيهو خير اكيد من عند ربنا
وئام :- ان شاء الله 🥹
يلاااا في ليلنا داك مشينا رفعنا بلاغ عليهم و داك اعترف ب كل شي بعرفو و قال هم جماعه كتار جو من برا و اتفقو مع ناس بعرفو البلد انو كل مرة يجيبو ليهم وحدة و يدهم قروش و مخدرات و اسلحه و بعديها دخلنا في دوامه تحقيق و شرطه و كلام كتير و طبعا مافي زول عرف ب حكايه وئام من البيت فاكرين انو دا لانو خطفوني و كان في التحقيق قصه وئام برضو عدينا فترة تلات اسابيع تقريبا تاني نحن في التحقيق و المحكمه دي انا جمدت الجامعه في الفترة دي لانو نفستي بقت صفر حتي انو عندي صحبتي دكتورة نفسيه ايوااا هي اكبر مني سناا بس بعرفها يعني من موقف حصل معانا و بقينا اصحاب بقيت اتعالج نفسيا نقول لانو الفترة الفاتت كانت صعبه شديد
🍁🍁🍁🍁🍁🍁🍁
وئام :- يقين 😭😭انا حامل
يقين :- 😳😳😳كيف
وئام :- م عارفه اعمل شنو 😭😭😭ح انفضح خلاص
يقين :- لا لا اصبري ح نفكر
وئام :- انزلو 🤔👀😭
يقين :- استغفر الله عايزة تقتلي روح قبل تطلع زاتو 😠
وئام :- طيب اعمل شنو لو عرفو الناس م بخلوني ارقد علي جنبه 😭😭
يقين :- بتتحل ي بت ما تخافي خلينا نفكر نعمل شنو
بعديها م لقيت حل و قررت اكلم أحمد و يأمن
يأمن و أحمد:- شنوووو 😳😳😳😳😳
يقين :- دا اللى حصل و م عارفه نعمل شنو و قلت اكلمكم نحل المشكلة سوا و انتو اصلا عارفين بيها
يأمن:- ي ربي ليه كل م نطلع من مشكلة ندخل في التانيه 💔
يقين :- استغفر الله م تقول كدا ي يأمن بتعترض في حكم الله يعني
يأمن:- م كدا بس هسه الحل شنو لا بنقدر ننزلو ولا بنقدر نخلي وهي اصلا م متزوجه عشان م يتكلمو عنها
أحمد :- بتزوجها انا
يأمن و وئام و يقين :- شنووو 😳😳😳
أحمد:- زي م سمعتو و نقول ولدت مبكر … صحي في الكم انتى
وئام :- الاسبوع التاني قالت لي الدكتورة
أحمد :- م تميتي شهر بتتجازف و ان شاء الله كمان يطلع يشبهك م يشبه الكلاب داك 😠
يأمن:- لا انت جادى يعني
أحمد :- و دا موقف بخليني اهظر يعني 🙄
يأمن:- بس انت م مجبور
أحمد :- عارف و انا اللي قلت م قالو لي 🙄
يأمن:- طيب
أحمد:- بس لازم يكون سريع
🍁🍁🍁🍁🍁🍁🍁
#سلمي :- بسم الله ي ولدي في حبسه و في حاجات كتيرة عايزين نعملها.
يأمن :- امي اقول ليك الولد مسافر و برجع بعد شي شهرين او شهر و نص و عايز يسوق مرتو معاهو و انتى تقولي لي حاجات
وئام :- و بعدين ي امي اصلا م عايزين حفلة نحن قولي خير ي امي … هاااا ابوي قلت شنو
محمد :- م عندي قول اصلا هم رجال م شاء الله عليهم مافي منهم و طالما اتفقتو ف علي بركه الله 😊
🍁🍁🍁🍁🍁🍁🍁
#سميه :- كيف الكلام دا ي ولدي في عرس بتم في اسبوع في تجهزات و حاجات كتيرة لازم تتعمل
أحمد :- ي امي ي ابوي اقول ليكم عندي شغل مهم برا لازم امشي و انا ك زول مسوؤل متزوج عشان احصل عليه وانت بتعرف تفكير ناس برا و بعدين م عايزين حفله انفقنا علي كدا
يقين :- ح نجيب ليها الشيله و الحبسه هي م محتاجه و ممكن تدخن بعد العرس بعد يجو عادي م الا الدخان دا اهااا قلتو شنو …ابووووي🥹
حامد :- اقول شنو تاني اذا انتو متفقين علي كل شي نقول علي بركة الله 😊
يقين:- ييييي 💃💃💃
🍁🍁🍁🍁🍁🍁🍁
#وئام :- تم العقد و هسه منتظرة يجي علي
أحمد :- شنو ي عروس 😊
وئام :- وانا خجلانه منو “عروس😅🥲وييين عروس ” ..💔
أحمد:- حتي ولو في النهايه الليله يومك 🙂
وئام :- م كان لازم تخرب حياتك عشاني 💔🥹
أحمد :- عشانك انا بعمل اي شي 😊
وئام :- 😳😳منتبه علي كلامك انت
أحمد:- ايوااا اصلا من يوم عرس يقين و انا خاطي عيني عليك و الحمدلله بقيتي قسمتي
وئام :- بس انت عارف … 🥺💔
أحمد:- هووووش🤚 ولا كلمه م عايزين نتزكر الكلام دا في اليوم دا بالتحديد و خلينا نعيش اللحظه
قمت حضنتها علي مسافه و بوستها في راسها و هي م ابدت اي حركه او رد فعل لل اللي عملتو و كانت مصدومه بعديها طلعنا عملنا الجرتق و اي زول مشي بيتو بعد الغداء و بقينا نحن ناس البيت
سلمي :- م. كنت قايله ممكن تعرسي بسرعة دي ي بتي 🥹
سميه :- اصلا البنات بمشو سريع و دا حال كل بت 🥹
بعديها اتونسنا كدا لحدي م زمن الطيارة قرب و مشينا المطار اصلا كان الشغل ل يأمن بس خلاهو لي عشان يكون سبب للعرس ايوااا وانا مهندس استغلت من شركتي و اشتغلت معاهم عشان يديني المشروع و عشان يتم العرس سريع و ياهو تمت الخطه و نحن هناك كان بتصلنا اخبار المحكمه من يأمن و يقين وانا و وئام كنا طبيعين ايوااا م قربت منها بس كنا حلوين مع بعض حتي اتفاهمنا في حاجات كتيرة و كنت بدعي الله كل يوم انو الولد اللي في بطنها يطلع يشبها عشان م يكتشفو شي

 

 

#وئام :- كان انسان لطيف معي ل درجه بعيد حتي كنت بخجل من لطفو مرات و كان بساعدني في حاجات كتيرة و ايام الوحم كان واقف معاي شديد زي تقولو هو ابو الطفل و كان كل م اصحي مرات بليل بلقي بصلي و بدعي انو الولد يشبهني كنت بحس ب غصه في قلبي و بديت احبو و رغم اللي حصل معاي م حسسني ب شي خالص و كان طبيعي كانو اللي في بطني منو م من غيرو و قال لي انو طالما هو جزو منك ف ح اعتبرو زي ولدي بكفي انو هو منك و خلاص 🥹🥹
🍁🍁🍁🍁🍁🍁🍁
#يقين :- كدا تمينا شهر و الحمدلله مسكوهم كلهم نسمه و غفران و ياسر و حتي التافه اللي اعتصب وئام و حكمو عليهم كل واحد علي حسب جريمتو ياسر و غفران “وطبعا هم اخوان” كانو غير بوقعو البنات ببعيو مخدرات و اسلحه و حكمو عليهم ب سجن 15 سنه مع اعمال شاقه و نسمه 10 مع اعمال شاقه لانو كان بتوقع البنات و تبيع المخدرات و التافه داك 17 سنه للمخدرات و الاغتصابات و تاجر اسلحه اما جيمي خففو ليه الحكم لانو هو اللي وصلهم ليهم ادوهو سنتين مع اعمال شاقه لانو كان بس بقضي زمن مع البنات و م عندو دخل في المخدرات و الاسلحه غير انو بعرفهم بس
بعدها حاولت انزل الجامعه و الحق الناس رغم انو فاتوني كتير بس شجعتني الدكتورة و يأمن قالو لي انتي قويه و بتقدر تتخطي و كلام كتير و بالجد عملت نفس اللي قالو لي و نزلت رغم انو راسي جايطه كان في الاسبوعين الاوئل بس اتخطيتهم الحمدلله
🍁🍁🍁🍁🍁🍁🍁
#وئام :- امي انا حامل 🥹 “و اتصنعت الفرحه رغم انو عارفه م من راجلى الولد بس قدام امي عملت فيها مبسوطه ايوااا هو م عندو ذنب بس هو جا غلطه يمكن عشان كدا م مبسوطه بيه ”
سلمي :- كضااابة 😃😃 لازم لازم نعمل كرامه للخبر السمح دا
وئام :- ان شاء الله
🍁🍁🍁🍁🍁🍁🍁
#ضحي :- يقين 🥹
يقين :- احكي 👀
ضحي:- انا حامل 🥹😃
يقين :- كضااابه 😃😃الف مبروك ياااخ 🫂😃
ضحي :- الله يبارك فيك عقبالك ي رب 😊
يقين :- امين ان شاء الله
🍁🍁🍁🍁🍁🍁🍁
#يقين:- بعديها تمينا السمستر معدلي كان م زي المعتاد بس كويس في الفترة دي لانو كانت صعبه شديد و قلت اعوض في الجاي و اليوم ماشين عاملين قعدة عائليه بالنسبه ل نجاحنا انا و البنات طبعا وئام زاتها نزلت تكمل السنه هي بتدرس ادارة اعمل كان اخر سنه ليها قبل يحصل الحصل و جمدتو و نزلت من جديد قبل فترة و ياهو نجحت كمان و عاملين لينا قعدت حلوة في بيتنا
🍁🍁🍁🍁🍁🍁🍁
#عمار :- طالما انو نحن اجتمعنا هنا و في اليوم الحلو دا ف عايز اقول ليكم حاجه
كلهم انتبهو معاهو
عمار :- انا عايز اعرس بعد دا
الكل اووووووووو متين كدااا
عمار :- خلاص قررت ابقي زول مسوؤل
يأمن :- اوووو وعينا
عمار :- لازم م صغير زاتو انا
يأمن :- اهااا من منو ي مان
عمار :- وحدة اسمها سجي بت راقيه و مؤدبه و عاجبني والله
يأمن :- اتعرفت عليها وين
عمار:- والله شفتها م اتعرفت عليها اصلا هي م عندها فكه للاولاد و انا كنت متابعها فترة عرفت اللي عايزو و عايز اتقدم ليها و كدا
يأمن :- ااووووو حلو قدام ي مان
محمد :- ابوهو انت ي زول 🙄
يأمن :- م كدا ي حاج العفو بس يعني انا م عندي مشكلة بس و بعدين القرار عندك اكيد
حامد:- م تخوف الراجل ي حاج
محمد :- لا رجل كرسي انا يعني
يأمن :- العفو ي حاج العفو
عمار :- اهااا هسه قلتو شنو انتو 🙄
محمد :- ي زول علي بركة الله انت حدد يوم و نحن معاك
عمار:- اي كدا يااااخ 💃
💞_—{#دع ضميرك دائما علي صحوة و اختار جيدا صديقك الذي يرافقك و يخرجك من عتمة الليالي وليس الذي يجعل ليلتك اشد ظلما و إياك ثم إياك و صحبه السوء}—_

 

 

• لقراءة باقي فصول الرواية أضغط على (رواية تزوجت ملتزمه)