رواية تزوجت ملتزمه الفصل العاشر 10 بقلم آمنة الصادق

رواية تزوجت ملتزمه الفصل العاشر 10 بقلم آمنة الصادق

 

 

البارت العاشر

 

#تزوجت ملتزمه ✨💗 {10}
#للكاتبه آمنه الصادق {ميمشكة ❤️}
#وئام :- بعد شربت السم الهاري داك فجأة بقيت م قادرة اتحرك و عيوني بغمضو براهم و سمعت نسمه بتتكلم معاهو بس م قادرة اتكلم معاهم و قالت ليه ياها جبتها ليك اعمل اللى عايزو و ارميها جنب البيت و اختفي من هنا و يلااا جيب اللى اتفقنا عليه ادها حاجه و انا في الوقت داك بحاول م اغمض علي قدر الامكان بس م قدرت و في النهايه غبت عن الوعي 💔
🍁🍁🍁🍁🍁🍁🍁
مجهول ××:- ي ود انا بت و بعرفها كويس البت دي ح تعمل شغل تقيل لو قدرنا نوقعها
رد من مجهول اخر:- و كيف نوقعها انتي م شايفه م عندها تعامل مع الاولاد و غير كدا هي زولة منقبه
مجهول××:- اذا م قدرنا عليها ب الكلام ب المخدر بنقدر عليها 😏
رد مجهول اخر ××:- طيب اعملي اللي بريحك انتي بس سوال ليه هي بالتحديد في بنات تاني غيرها يعني و م ح يفرق كمان معاهم الموضوع دا شديد
مجهول××:- م بخصك انت بس خليك جاهز بعد اخطط ل كل شي بكلمك
مجهول الآخر ××:- تمام بكون جاهز
🍁🍁🍁🍁🍁🍁🍁
#يقين :- ي بت انا زاتى في الاول م كنت قادرة اوفق بين البيت و الجامعه بس عملت لي جدول ممتاز ماشه عليه 10 علي 10 ي ستي
ضحي :- اديني ليه عشان امشي عليه لانو حياتي بقت صعبه ياااخ🥺

 

يقين :- تمام م تخافي قدرها انتى بتقدري توفقي بينها
ضحي :- ان شاء الله.. يقين
يقين :- اي احكي
ضحي :- عايزة اتنقب انا 😊
يقين :- حاجه حلوة شديد 😃 بس م يكون دا محمد قال ليك كدا
ضحي :- لا لا م هو انا اصلا من زمان كان نفسي اتنقب بس كان منتظرة حاجه معينه توضح لي و هسه اقتنعت خلاص
يقين :- طيب حلووو مبروك 🫂😃😃
ضحي :- الله يبارك فيك + بكرة لازم تمشي معاي السوق نشتري حجاتي 😎
يقين :- اكيييييد طوالى 🫂😃فرحت ليك ياااخ
🍁🍁🍁🍁🍁🍁🍁
#وئام :- لما وعيت لقيت نفسي جنب البيت و جسمي برجف و مشي م قادرة امشي و عرفت انو اخد منى عذرتي 😭😭😭💔💔 و جدعني زي الكلبه في الشارع الله ياخدك ي نسمه وعلي اللي عملتي فيني الله لا يوفقك ان شاء الله و بكيت قدرتي و بعدين مشيت البيت و اصلا كان الدنيا بعد العشاء و المكان اللى.جدعني فيهو بعد الزمن داك م بجي زول دخلت البيت و انا كنت ببكي و طوالى علي غرفتي امي حست في شي بس م حكيت ليها و عديت اليوم داك بكاء بس 💔😭😭
🍁🍁🍁🍁🍁🍁🍁
#يقين :- في الصباح مشيت مع ضحي السوق اشترينا عبايات و نقابات و شويه حاجات تاني و رجعنا البيت طبعا كان معانا محمد وصلوني بيتي اول و بعدين كملو طريقهم
يأمن :- ليه م دخلو اخوك و مرتو
يقين :- والله فضلتهم بس محمد قال عندو شغل م خلصو عشان كدا م اصريت عليهم
يأمن :- ايوااا تمام .. طيب وريني جبتي شنو
يقين :- جبت ليك دي حسيت بتجي معاك روعه جربها
يأمن :- واااو حلوة شكرا ليك
يقين :- اصلا من قروشك بتشكرني ليه 😅😂
يأمن :- بس بعد اديتك ليها بقت حقتك يعني م مجبورة تشتري لي منها
يقين :- اممم 🥴 طيب م تشكرني لانو م عملت شي🙄
يأمن :- تمام ي ستي 😊
🍃🍃🍃🍃🍃🍃🍃
يقين:- اي نعم ي خالتو
سلمي:- ي بتي عاملة قهوة بكرة ان شاء الله رايك شنو تجي تحضريها لو م عندك جامعه
يقين :- اكييييد بجي ي خالتي معقولة بس اسال يأمن اول
سلمي :- اي ي بتي اسالي و وريني
يقين :- تمام ..و قبل اغفل اشر لي يأمن علي انو موافق كلمتها و غفلت علي كدا
يأمن :- بيتنا او بيتكم امشي من غير تساليني تمام
يقين :- تمام 😊 بس برضو بحب يكون عندك خبر
يأمن:- تمام م مشكلة يعني فيك العزومات توافقي من غير تساليني و تكلميني بعدين 🙂
يقين :- طيييب 🙂
🍁🍁🍁🍁🍁🍁🍁
#يقين :- تاني يوم لقيت انو عازمة امي و مرت ولدها اللي هي ضحي و معاها نسون تاني قعدتنا اتونسنا و شربنا القهوة و في القعدة فقدت وئام
يقين:- خالتي
سلمي :- نعم ي بتي
يقين :- انتي وين وئام
سلمي :- والله ي بتي من اول امس مشت حفلة ميلاد صحبتها و جات حابسه نفسها في الغرفه و بتاكل مرة وحدة في اليوم و الجامعه بقت م بتمشي م عارفها مالا حاولت اتكلم معاها و بتقول لي مافي شي بس انا حاسه انو في شي
يقين:- طيب بمشي اشوفها و اتكلم معاها
سلمي :- اي عليك الله ي بتي
🍁🍁🍁🍁🍁🍁🍁
#وئام :- انا من اليوم داك بقت جسد بلا روح ببكي الوقت كلو و م باكل الا مرة. و بعد تحانيس من امي و حتي الجامعه خليتها و بقيت افكر كتير و في النهايه قررت انو انتحر اي انتحر كيف اعيش وانا خلاص شرفي راح مني و لو اكتشفو الكلام دا اخواني و ابوي و امي ح يعيشو كيف و انا زاتي اقدر اواجهم كيف 😭💔دعيت الله ياخد روحي بس م اخدها و انا م بقدر اعيش كدا 😭💔
🍁🍁🍁🍁🍁🍁🍁
#يقين :- جيت دخلت عليها و لقيتها عايزة تنتحر جريت عليها سريع و مسكت منها الموس …. جنيتي انتي عايزة تموتي و لشنو كمان 😠
وئام :- يقين خليني م دخلك بي م عجابني حياتي عايزة اتخلص منها
يقين :- استغفر الله العظيم كفرتي خلاص ي بت و عندك اعتراض في امر الله يعني
وئام :- انتي م عارفه الحصل شنو ف عشان كدا اسكتي
يقين :- طيب اللي حصل شنو خلاك تفكري بالتفكير المتخلف دا
وئام :- م بقدر اقول ليك لو يأمن عرف بقتلني م بقدر😭😭😭
يقين:- احكي و م تخافي م بكلمو انتي اختي
وئام:- جد🥺
يقين :- ايوااا اثقي فيني
وئام :- طيب حصل ك لاتي …
يقين :- 😳😳😳😳شنو كيف يعني
وئام :- والله م كنت عارفه انو ممكن يحصل كدا او انو هي كان بتكضب علي
يقين :- م عارفه اقول شنو او احلها كيف + دا م سبب تخسري حياتك عشانو

 

 

وئام :- 😂😂م سبب انا بقيت بلااا شرف تقولي لي دا م سبب😒😒
يقين :- اي م سبب لانو م عملتي كدا ب رضاك
وئام:- بس الناس ح يفهمو كدا
يقين :- م دخلنا ب الناس نحن و ليه يعرفو اصلا
وئام :- م ح اقدر اتزوج وم بقدر ارفض العرس كدا لحدي م اعجز اكيد الناس ح يشكو و ناس البيت كمان و اكيد اذا اتزوجت و عرف اني م بت ح يخليني
يقين :- خليك من دا و الله بسهل ليها ل الزمن داك و هسه لو انتحرتي عايز تقابلي ربنا كيف. و ح تقولي ليه شنو جاهزة انتي
وئام :- طيب اعمل شنو وريني 😭😭😭
يقين :- م عارفه بس بفكر بفكر
وئام :- م تكلمي يأمن بقتلني 😭😭😭
يقين :- م بكلمو م تخافي
طبعا عديت اليوم داك م فهمت فيهو شي و بفكر الوقت كلو
يأمن :- مالو العسل سرحان وين
يقين :- مافي شي بس الامتحانات قربت
يأمن:- متين؟
يقين :- بعد شهر و نص !!
يأمن :- 😒 هسه دا قرب!؛
يقين :- اي ح اقدر الحق يعني
يأمن :- ايوااا بتلحقي اكيد واثق فيك انتي شاطرة و زكيه بتجازفيها
يقين :- 😊ان شاء الله خلاص ماشه اقرا شويه عايز حاجه
يأمن:- لا سلامتك 🙂
طبعا كضبت عليه لانو م عرفت اقول شنو ولو حاولت اقول حاجه تانيه بعرف انو كضابه و غير الامتحانات م كان في شي بتشغل بالي عشان كدا صدق دا اللي انا شاردة فيهو و في الحقيقه كنت بفكر كيف احلها و طوالى خطر في بالي احمد اخوي شلت التلفون و رسلت ليه عايزك تجيني بكرة ضروري و فعلا قال جاي .. بعديها قريت شويه و مشيت نمت صحيت الصباح بعد عملت الشاي ل يأمن و ودعتو اتصلت ل احمد و قلت ليه جاي متين قال لي بجي بعد ساعه كدا عندي حاجه اخلصها و اجي بعد جا
أحمد:- خير مالك في حاجه او. مشكلة بينك و بين يأمن
يقين :- لا لا الحمدلله بس عايزك تساعديني في حاجه و انت عارف م عندي سند غيرك في النهايه
أحمد :- و راجلك م سندك يعني 🙄
يقين :- احمد😒😒😒
أحمد:- طيب طيب احكي
يقين :- ي سيدي الحاصل ك الاتي …..
أحمد :- كيف 😳😳😳 متين حصل الكلام دا
يقين :- قبل اسبوع و هي خايفه من يأمن و قالت لي م اكلمو و انا وعدتها و م لقيت غيرك يحل لينا المشكلة دي لانو م بثق في زول يكتم السر غيرك
أحمد:- طيب تمام بس م عارف اقول شنو
و قعد يفكر ساعه بعدين قال لي
أحمد:- بس لازم يأمن يعرف في النهايه اختو و عشان يقدر يساعدني م بقدر اطلب المساعدة من زول غريب
يقين :- يأمن متهور و م بقدر يتحكم في نفسو يمكن يقتلها بالجد 🥺
أحمد:- يأمن خلي علي بس لازم يعرف
يقين :- متاكد بتقدر
أحمد :- اي ان شاء الله.. و هسه اتصلي ليه يجي سريع و خليها هي كمان تجي
يقين :- طيب تمام
🍁🍁🍁🍁🍁🍁🍁
يقين :- يأمن انا م كويسه ممكن تجي البيت 😭
يأمن :- ي بت بسم الله مالك يقين يقين
غفلت في وشو عشان يجي سريع و فعلا جا
يأمن :- يقين مالك في شنو انتي كويسه 😳 … مالا ي احمد حصل ليها شنو
أحمد:- كويسه هي بس كنت عايزك انا
يأمن :- في شنو خير 😳
أحمد :- م تخاف اهدا و تعال معاي
مشو غرفه الضيوف و اتكلم معاهو
🍁🍁🍁🍁🍁🍁🍁
أحمد:- انا ح اقول ليك حاجه بس عايز منك تهدا وتفكر ب عقل م عصبيه سامع
يأمن :- خير احكي في حاجه
أحمد :- ي سيدي الحصل ك الاتي
يأمن :- شنو 😳😳😳 كيف يعني انت فاهم انت بتقول في شنوووو 😠😠 م بسمح ليك تقول كدا
أحمد:- كلمتك اهدا و دا اللي حصل و انا كلمتك بس و اللي عايزو منك تساعدني نحل المشكلة دي هي كانت خايفه منك عشان كدا كلمت يقين و يقين كلمتني
يأمن :- 😠😠😠😠م بصدق بسالها هسه
و جاااا علينا وهو معصب و مسكها من يدها شديد و قال ليها الكلام دا صحي م تتكلمي ي بت وهي انهارت من البكاء و قالت ليه اي هنا جنا جنونو و قرب يضربها الا أحمد مسكو و دخل بيهو جوااا تاني
أحمد :- انت قايل كدا بتحل في مشكلة يعني 😠😠انا افتكرتك زول واعي و عاقل عشان كدا كلمتك م تخليني اندم في اني كلمتك رغم انو م كانو عايزنك تعرف انت بدل تكون ليها سند في مشكلة زي دي تبقي ليها مصيبه تانيه بدل تخليها تلجأ ليك لانو انت من المفروض تكون سندها تخليها تهرب ل غيرك خليك واعي يااااخي 😠😠😠😠
يأمن :- واعي اوعى كيف بعد اللي حصل دا
أحمد:- هي م غلطانه لو غلطت كان نقول حتي ولو غلطت تحل ليها مشكلتها اول بعدين تقتلها اذا عايز م تزيدها عليها و تنسي انها جاتك عشان تحل ليها المشكلة😠اهدا و اسمعني روق {بعد ساعه تقريبا حتي هدا شويه و غفلت عليه في الغرفه المدة دي كلها لحدي م هدا و قعدة اتكلم معاهو }
أحمد:- انت عارف ليه يقين لما عرفت بالمشكله لجأت لي هسه
يأمن:- ليه
أحمد :- زمان كان عمرها زي 15 كدا ياداب كانت شافعه و مراهقة كان في واحد معاهم في المدرسه بتحبو و كان بينهم رسائل و من الكلام دا في يوم طلب منها تلاقي في بيت مهجور جنب المدرسه و هي رفضت و قام قال ليها الرسائل حقتك عندي و بوريها ل اخوك و هددها ي تجي ي يفضحها قدام الناس و يكلمني و هي كانت خايفه شديد و بعديها جات كلمتي رغم انو كانت خايفه بس جات و كلمتني و كان بتبكي انت عارف اول شي عملتو شنو
يأمن :- شنو ؟
أحمد:- مشيت ضربت الولد و شلت الرسائل و المتخلفه كان كاتبه اسمها في كل رسالة و قلت ليه تاني تقرب منها بقتلك و جبت الرسائل حرقتهم قدامها و بعديها شاكلتها و ضربتها علي اللي عملتو و قاطعتها كم اسبوع و هي كان ب كل الطرق بتحاول تصالحني و في النهايه بكت لي عديل و وعدتني م تعمل كدا و ياهو من الوقت داك زي م انت شايف م عندها علاقه مع اولاد اصلا … انت عارف لو كان في الزمن داك عملت العكس يعني ضربتها قبل احل المشكلة م كان هسه بقت كدا و انت ك راجل واعي لازم تشغل عقلك لازم تخليها تلجأ ليك انت في المشاكل بدل الغير بعد تحل مشكلتها اعمل فيها اللي عايزو فهمت
يأمن :- فهمت فهمت 😞💔
أحمد :- يلااا قوم افهم منها باقي الكلام ووين حصل الكلام لانو اكيد م ح تقدر تقولو لي انا
يأمن :- تمام تمام … و شكرا ليك كمان 🥹 م عارف كان ممكن اعمل شنو من غيرك
أحمد :- العفو نحن عيله 🙂
🍁🍁🍁🍁🍁🍁🍁
#وئام :- انا والله م كان ب راضي و م كنت عارفه ممكن يحصل كدا 😭😭😭😭اسمعني اول عليك الله
يأمن :- تمام م تخافي م بعمل ليك شي بس ارح معاي عايز اتكلم معاك برانا
وئام :- 😳😳😳كيف ….لا لا 😭😭😭…
💞_—{#فِي هَذه الحَياة يُصارع الإنسَان أشياء لا يَبوح بِها ، ولا يَراهَا أحد إلا الله
#مَعارِك داخليَه ، ضغوط نَفسيه ، مَخاوف كَثيره…. وبِالرغم مِن ذلك يُحاول الإنسان بِكل ما أوتِي من قوة أن يُساعد نَفسَه ، و يُسانِد مَن حَوله
#و لكِن سَيأتي ذَات يوم وتَجده صَامِتًا
#لا يَشكو ، ولا يُفسر ، ولا يَشرح ما بِداخله
#فَ لا تَلومُوه فَ هُو فِي معارك لا تُرى وخَفايا لا يَتحدث بِها

 

• لقراءة باقي فصول الرواية أضغط على (رواية تزوجت ملتزمه)