رواية تزوجت ملتزمه الفصل السادس 6 بقلم آمنة الصادق

رواية تزوجت ملتزمه الفصل السادس 6 بقلم آمنة الصادق

البارت السادس

#تزوجت ملتزمه ✨💗 {6}
#للكاتبه آمنه الصادق {ميمشكة ❤️}
#اتسحبت براحه و فجأة القي ليك امي في وشي
سلمي :- خير في شي
يأمن :- اهه🙃لا كنت عايز اشوف لي حاجه اكلها جعت و قلت م اصحيكم امشي براحه (و الحمدلله كنت بين المطبخ و الهول و صدقت كضبتي )
سلمي :- خلاص تمام في شويه اكل اسخنو ليك
يأمن :- لا لا ارتاحي انتي بسخنو براي ي نبعوو 🙂
سلمي :- بطل حركاتك دي و امش اكل اكلك 😏

يأمن :- تمام
بعد مشيت عرفت انهم م نامو ورجعت بخفي حنين
محمد :- مالك رجعت
يأمن :- يتونسو لقيتهم م نامو 🙄
محمد :- 😅معليش تكبر تنسي بكرة بتكون معاها 🙄
يأمن :- قلت بصوت واطي ل بكرة تاني بعيدة ياااا
محمد :- 😅😅 كلنا لما كنا عرسان كنا زيك كدا يوم واحد اشتاق ليها حبه
يأمن :- سمعتني هو + انا ولدك ي حاج م صحبك لو ملاحظ م بتخجل مني
محمد :- بعد كدا بقيت راجل و عارف اللي بحصل مافي شي بخجل 🙄
و ل اول مرة اتونس مع ابوي ونسه زي دي كان بوصيني اكون راجل عندي كلمه و م اخليها تحتاج ل زول و هي في عصمتي و شويه من تجارب الحياة الزوجيه و كلام قيم صراحه ..نمت بعد ونسه طالت بينا
#يقين :- 🍁🍁🍁
الليل كلو قعدنا نتونسنا انا و امو و اختو و بعد اختو نامت امو بقيت توصي فيني قالت لي قلت ليك الكلام دا لانو معتبراك زي وئام م عشان ولدي و كلامها كان حلو و قيم صراحه و قدمت لي نصايح زوجيه بالجد كنت بحاجتها رغم انو امي قالت لي بعض من كلامها بس اي زول تجاربو مختلفه ف عشان كدا انا استفد منهم الاتنين و حبيتها و احترمتها شديد و نمنا بعد ونسه طويله
🍁🍁🍁🍁🍁🍁🍁🍁.
#في الصباح الباكر :-
يقين :- 💞💞💞
بعد شربنا الشاي يأمن اصر انو بعد كدا نمشي بيتنا رغم انو حنسوه للفطور بس ابا يقعد و في النهايه مشينا بيتنا
يأمن :- شايفك حابه الوضع و عايزة القعاد
يقين :- م كدا بس حنسونا
يأمن :- يكفي يومين بعيدة مني 😏 مافي تاني حاجه اسمها اهلي و اهلك قريب سامعه
يقين :- حاضر ي سيدي 🙄
🍁🍁🍁🍁🍁🍁🍁
#يقين :- 💞💞💞
وصلنا البيت و كان جميل شديد م كان قريب من بيتهم و لا من بيتنا و كان واسع و مبني بطريقه رهيبه ايوااا لازم يكون مبني بطريقه حلوة في النهايه دا بيت مهندس كان من طابقين في غرفتين ضيوف تحت و هول و غرفة للتلفزيون و في المطبخ و حمام في الطابق الفوق غرفة نوم و تلات غرف تاني و غرفة مكتب و كان الوانو حلوة شديد و الاثاثات متناسقه مع بعض حاجه في قمة الرهابه و اثناء جولتي في البيت جا يأمن و شايل حاجاتي
يأمن :- انتي شايله بيتكم كلو هنا ولا شنو

يقين :- لا طبعا دي بعض حاجاتي
يأمن :- بعض يعني لسه في 😳
يقين :- اي مالك متفاجئه
يأمن :- لا عادى عادى {قال بعض الحاجات قال ولو شالتهم كلهم ح تجيب البيت معاها ولا شنو ي رب🙄😅 }
عدينا اليوم داك عادي مافي حاجه تزكر و في اليوم التالي جونا اهل يقين عشان رحولها و كدا و جابو شويه حاجات ليها و خبيز و فطاير يعني العادات المعتادة و فطرو معانا و من بين الناس شفت وحدة م كنت مركز معاها في فترة العرس تعرفو شفت منو {اتخيلو معاي ح يكون شاف منو عرفتو منو 🙄🤔}
ضحي اي ضحي عرفت من يقين انو اسمها ضحي و صحبتها شديد زكرتكم ب شي ضحي دي اي اي يعني البت اللي ضحكت فيها اليوم داك في المطعم تتخيلو هي مرتي الان 😅😂 يالي سخريت القدر مني ضحكت فيها الزمن داك و كان انا نفس الزول المقسوم ليها يالله قدر شنو الدنيا دي ضيقه و غدارة😅😂 ضحكت فيها الزمن داك و القدر قال لي يبقي انت تتزوجها 😅اااخ ي دنيا عديت اليوم كلو بضحك علي نفسي كل م عيني تقع علي ضحي و بعد طلعو
يأمن :- يقين 👀؟
يقين :- نعم
يأمن:- عايز اقول ليك شي
يقين :- قول سامعك
يأمن :- انا صراحه شفتك قبل اتزوجك
يقين :- ايوااااا يعني عشان كدا م كنت عايز تشوفني لانك متاكد من شكلي
يأمن :- لا لا م قصدي كدا يعني من غير نقاب 🙄
يقين :- اهااا طيب كيف 🤔
يأمن :- شفتك ب نقابك دا
يقين :- و كيف متاكد دي انا في بنات تاني منقبات يعني
يأمن :- من ضحي
يقين :- كيف يعني من وين بتعرف ضحي
يأمن :- اووووف م كدا دقيقة دقيقه احكي ليك القصه كاملة م تقاطعيني تمام
يقين :- تمام احكي
وحكيت ليها اليوم داك كلو
يقين :- 😅😂صحي الدنيا صغيرة و يمكن كمان عشان تعرف انو م كل ملتزمه شينه 🙄
يأمن :- صاح و انا والله من قبيل بضحك علي نفسي و علي الدنيا اللي ضحكت علي
يقين :- طيب انا تعبانه ماشه انوم حبه
يأمن :- نمشي ننوم وين المشكلة 😈
يقين :- قلت انوم م ننوم تمام خليك في مكانك 😏
ومشيت نمت و خليتو صاحي 😅😂
🍁🍁🍁🍁🍁🍁🍁
#بعد مرور اسبوع 🍃🍃
#يقين :- 💞💞💞
صحيت صليت الصبح و اتستحميت و اتسوكت و خطيت الشاي في النار في الزمن دا يأمن جا راجع من الجامع كبيت ليه الشاي و شربنا و جهزت ليه حاجه ياكلها خفيفه كدا اكل و طلع الشغل بعد طلع نضفت بيتي و بخرتو و غسلت الهدوم الوسخانه م بحب اخليها تتراكم علي و بعديها عملت الفطور و قعدت اكل وبعد اكلت قعدت و مسكت تلفوني دقه جرس الباب مشيت لبست توبي و غطيت وشي و لقيتو دا اخوي محمد سلمت عليه و فضلتو
محمد :- معليش م كلمتك قبل اجي عليك بس عايزك في موضوع ضروري
يقين :- عادي علي شنو بيتك كمان + خير في حاجه
محمد:- خير خير ان شاء الله كدي اقعدي احكي ليك

يقين :- اهااا احكي
محمد :- ي ستي انا عايز ضحي صحبتك دي علي سنه الله و رسولة
يقين :- تمام حلو و عارفه
محمد :- و عايز اتقدم ليها اليوم
يقين :- 😳😳شنو بسم الله
محمد :- اي م ح انتظر ود عمها يعرسها و انا اقعد اعاين ليها ح امشي اتقدم ليها اليوم و عايز منك رقم ابوها
يقين :- م عندى لكن
محمد :- عارف قصدي تجيبي منها يعني
يقين :- بس ي محمد اخوى الكلام دا م بتم بين يوم و ليله لازم تقعد اول و تتفاهمو و تتفقو مع بعض و تاخد موعد منهم
محمد :- اجانب نحن عشان ناخد المواعيد+ انتظر ل متين لما تعرس يعني
يقين :- ل بكرة بس يجهزو حالهم علي الاقل
محمد :- 🙄طيب ل بكرة بس اما رقم ابوها عايزو هسه دي
يقين :- تمام دقيقه بس
كلمتها و فرحت شديد اصلا م عايزة ود عمها و كنت عارفه انو محمد عاجبها كمان 🙄😅ادتني الرقم طوالي وقلت ل محمد خليك طبيعي كانو م عارف انو ود عمها عايزها و كدا و الحمدلله ابوها وافق نقابلهم بكرة و بعديها اخوي طلع مبسوط مني و شكرني و قال لي لازم بكرة تكونو جاهزين في الموعد انتي و راجلك فاهمه و كان اتاخرتو بقتلكم فرحان فرحان خلو الله يسعدو ☺️ و طبعا البايرة ديك ماسكني البس شنو و اطلع كيف و انا خايفة و متوترة و اتكلمت معاها كدااا بعديها قلت ليها هوي راجلي قرب يجي ماشه اعمل ليه الاكل قبل يجي و مشيت عملت الغداء و طلعت ليه لبس عشان يجي يستحمي و انتظرتو لما جا فتحت ليه الباب و حضنتو ابتسم لي و دخل قلت ليه اجهز ليك الاكل قال لي ممكن و دخل يستحمي
#يأمن :- جيت من الشغل تعبان و غافله معاي لانو الشغل اتراكم علي و اتشربك في بعض و راسي كان واجعني شديد من الايام الفاتت دي م اتحلى و شكلي ح ادخل في فترة صعبه شديد + الايام دي اتغيرت و بقيت اصلي الصبح في الجامع حاضر ب فضلها بعد الله طبعا لانو دخلها في حياتي و شكرتو و حمدتو انو دخلها حياتي لما رجعت البيت و لقيتها منظرني و كان رائحه البيت حلو شديد حتي ريحتني شويه سلمت علي و حضنتني و جهزت لي الاكل
يقين :- الحاصل معاك شنو اليوم شكلك تعبان
يأمن :- اي و م قادر اتكلم في اللي حصل معاي هسه
يقين :- تمام اكل طيب 🙂
يأمن :- باكل اي🙂
🍁🍁🍁🍁🍁🍁🍁
#يقين :- شفتو م طبيعي و كان تعبان و مضايق شكلو من حاجه م قال لي بس م حبيت اضغطو و يضايق زيادة قمت عملت حاجه شفتها في النت و افادتني شديد والله انو الزول لما يكون و مضايق من حاجه و تعبان تعملي ليه مساج ب زيت النعناع في اصابع رجليه و كتفو و راسو ولما جربتها عليه استرخه لدرجه بقي يحكي اللي حصل معاهو شنو في اليوم و ليه مضايق
يقين:- {وانا لسه بعمل ليه في المساج علي راسو } مشاكل بسيطه و بتعدي صدقني م تزعل نفسك ادعي ربنا و بتتسهل

عليك ان شاء الله
يأمن :- ان شاء الله 💆‍♂️ ااااخ طبعا م عارف اقول ليك شنو بس ب صراحه ارتحت شكرا ليك و بوستها في يدها
يقين :- العفو 😊
طبعا بقيت اعمل ليه الحاجه دي كل م احسو مضايق و هو ب دورو بقي كل م يكون مضايق بيجي يحكي لي عشان يرتاح شويه رغم انو م بقدم ليه حلول ل مشاكلو بس علي الاقل بخفف عنو حبه
اااا نسيت كلمتو ب موضوع اخوي و بكرة ان شاء الله نحن ماشين نتقدم ليها 😊
#يأمن :- بحركتها دي جذبتني ليها من غير احس و كنت كل م اواجه مشكلة بجيها رغم انو م بتقول لي اعمل كدا او كدا بس نفسيا لما احكي معاها برتاح و بزات وقت تعمل لي المساج حقها داك ااااخ بحس انو حلول الدنيا كلها ادتني ليها في الزمن داك
{طيب طيب خلونا في الاحداث بتاعت بكرة و نتم باقي كلامنا دا لقدم 🙂 اصلا اذا قعدت اتكلم عنها ل بكرة م بخلص }
🍁🍁🍁🍁🍁🍁🍁
اليوم التالي :-
م حصلت حاجه تزكر في الصباح غير التجهيزات لازم كمان نمشي نشيل معانا شويه حاجات و في المساء بعد وصلنا واصلا محمد قال عايز يشرب معاهم شاي المغرب م قال عايز بتهم قال احسن يفتح الموضوع وش ل وش بعد شربنا
حامد :- والله صراحه ي حاج على نحن جاين عشان نطلب يد بتك ضحي ل محمد ولدي
على :- شنو 😳
حامد :- في حاجه 👀
💞_—{#إذا أردت التوقف عن القلق والبدء بالحياة ..
إليك هذه القاعدة البسيطة ؛
– عدد نعمك وليس متاعبك.}—-_💞

• لقراءة باقي فصول الرواية أضغط على (رواية تزوجت ملتزمه)