رواية تحدي حبك الفصل السادس عشر 16 بقلم مريم علي

رواية تحدي حبك الفصل السادس عشر 16 بقلم مريم علي.

البارت السادس عشر

الحلقة 16 ❤ ❤ ❤

فى مكتب خيااال …….
خيال بتريقة :يعنى هو بخير مفيهوش حاجة
ايه دا يابنتى فى موظفة تسال على مدير لها فى الشغل تقول لمامته كداااا
فريدة بضحك :اعمل ايه يعنى ماانا همووووت من القلق عليه
خيال :هاااا واطمنتى ياختى
فريدة بقلق :طنط رجاء بتقولى مش فى البيت هيكون رااح فين يعنى
خيال :يابنتى هو عيل صغير بندور عليه بكرا يجى الشركة ونعرف كان فين
فريدة وهى تتنهد بشدة :وحشنى اوووووى ياخيال
جاءهم صوت من ورائهم :
هو مين دااا ياانسة فريدة
نظرت كل من فريدة وخيال الى مصدر الصوت بصدمة بانت اثارها على وجوههم ………

كان على واقف على الباب ويضع يديه فى جيب بنطاله وينظر لهم باستفهااااام ………
على وهو ينظر لفريدة التى كادت تبكى من صدمتهاااو كسوفها :
هاااا مين اللى واحشك للدرجة دى ياانسة فريدة
نظرت فريدة لخيال لتنقذها مما هى فيه …….
خيال وهى تحتوى الموقف :انت ياعلى اللى واحشهاا عمالة تقولى على واحشنى اوووى انتى اخدتيه مننا ولا ايه وانا اقولها انتى اللى مش بتيجى الشركة ولا البيت عندنا زى الاول
على بعدم تصديق :والله !!
فريدة بكسوف وتلعثم فى الكلام :طبعاااا يابوب انت ماتعرفش انت بتوحشنى اد ايه
على بشك :ماشى يافريدة انتى كمان بتوحشينى اوووى
ثم قال بخبث :وماكنتش اعرف انك بتحبينى اوووى كده
فريدة وهى تتحاشى النظر له :
طبعاااا ياعلى مش اخوياااا والكبير كمان
نظر على الى كل من فريدة وخيال نظرة لم يستطيعا تفسيرها وتركهم وخرج متجهاااا الى مكتبه ………
خيال براحة :الحمد لله عدت على خير
فريدة بقلق :يبقى انتى ماتعرفيش على لسه
خيال :اشمعنة
فريدة بقلق اكبر :على ماصدقش ياخيال انا عارفة اخوياااااا
____________________________________________
على الجانب الاخر فى مكتب مراد طلب من السكرتيرة ان تخبر كل من على وخيال بالحضور الى مكتبه ……….
دخلا كل من على وخيال الى مكتب مراد معااا ……..
مراد وهو يتفحص الورق امامه :فى صفقة جديدة مع شركة (_____)عمرو وعلى عارفين عنها كل حاجة ياخيال هتتم فى شرم الشيخ ومطلوب منك انتى وعلى السفر عشان تتموها هناك وعلى هيمضى العقود بالنيابة عنى عقبال مااعرف عمرو بيه مابيجيش الشركة ليه
مال على على خيال وقال بهمس :
اول مرة الواد عمرو دا يعمل حاجة خير فى حياته دااهيبقى احلى سفر فى حياتى
شعرت خيال بالخجل الشديد من كلامه وحاولت تخفى الابتسامة التى ظهرت على شفتيها …
مراد :ااااه صح حجزت لكو فى نفس الفندق اللى انت وصاحبك علطول بتنزلو فيه
على وهو يفرك يديه بحماس :على خيرت الله واحنا جاهزين
مراد وهو يرفع عينيه من الورق امامه وينظر لعلى باستغراب :
غريبة يعنى داانت كل مرة تعمل مشكلة اد كدااا عشان متسافرش اشمعنة المرة دى
على وهو يحدث والده وينظر لخيال :اصل المرة دى مش هسافر مع عمرو
مراد وقد فهم مايرنو اليه ابنه فابتسم وقال :طيب يللا ياخويا على مكتبك وخد مراتك فى ايدك …..
كانت خيال تشعر بالخجل الشديد من تلميحات على امام والده ……
______________________________________
دخلت خيال مكتبهااا وهى تبتسم بحب ……..
فريدة :والله ….ايه سر الابتسامة السعيدة دى
خيال باابتسامة حب :اصل انا وعلى مسافرين شرم
فريدة بخبث :مسافرين شهر عسل بقى بقى مين قدك
خيال بخجل شديد :لا طبعااااا انا رايحين شغل على فكرة مش حاجة من اللى فى دماغك
فريدة بضحك :مالك اتكسفتى كدااا ليه وفيها ايه يعنى لو كانت حاجة من اللى فى دماغى
خيال وهى تتفحص الورق امامها :فريدة اطلعى من راسى انا مشغولة وانتى واحدة فاضية
وبعدين انا مش عارفة انتى كل يوم عندنا فى الشركة
ماتهتمى بمذاكرتك شوية يابنتى
فريدة :ايه ياخيال بتوحشينى بلاش اجى اشوفك يعنى
خيال :والله انا بردو اللى بوحشك الكلام دا تقوليه لحد غيرى ياهبلة
داانا شريكتك فى الجريمة
فريدة وهى تقوم من مكانها :
تصدقى بقى انك رخمة وانا مروحة ومش جيالك تانى
خيال بضحك :احسن بردو
________________________________________
فى المساء حضر كل من على وخيال حقائبهم واتجهوا الى شرم الشيخ…
دخلا الفندق وانصدمت خيال عندما عملت ان مراد حجز لهم سويت واحد باسم على وزوجته …….
دخلا الاثنان الى غرفتهم وكانت الصدمة الاخرى لخيال انها وجدت الغرفة بسرير واحد ……..
على عكس على الذى فرح بشدة ولكن حاول ان يظهر الامر عادياااا…….
على وهو يلاحظ التوتر والخجل الذى اصابا خيال :فى حاجة ياخيال مالك واقفة كده ليه مش هتغيرى هدومك
خيال بخجل وتلعثم :هو ….هو مفيش غير سرير واحد بس
على وهو يحاول ان يكتم ضحكته :ااه بابا حاجز لنا سويت بسرير واحد ليه هو فى حاجة
لم ترد خيال واكتفت باابتسامة خجولة واخذت حقيبة ملابسها واتجهت الى الحمام الملحق بالغرفة تحت نظرات على الذى كان يشعر بالسعادة بسبب خجلها وخدودها الحمر التى جعلتها فى غاية الجمال فى نظر على …….
ابدلت خيال ملابسها ببجامة حرير بااكمام واسدلت شعرها على ظهرها وخرجت من الحمام ثم دخل على هو الاخر وابدل ملابسه وخرج وجدهااا تجلس امام التلفاز ……..
على وهو يجلس جوارها :ايه ياخيال مش جعانة
خيال وهى تتحاشى النظر له :لا مااحنا اكلنا فى الطريق
على وهو يريد ان يربكها فاقترب اكثر منها :
طب مش هتنامى وانتى حلوة كدااا
خيال وهى تشعر بالخجل الشديييد من قربه فنهضت من مكانها :
لا مش هنام دلوقتى
على وهو يضحك على منظرها :
مالك قومتى كده ليه هو انا جيت جنبك
جلست خيال مرة اخرى وبدات تظبط شعرهاا بعشوائية :
لا اصل انا مش هنام هتفرج على التليفزيون
على :وانا كمان مش هنام هقعد معاكى شوية
ثم همس فى اذنهااا : اهربى زى ماانتى عاوزة بس انتى فى الاخر بتاعتى وانا مش مستعجل الصبر حلووووو
نظرت له خيال بعدم فهم فأدار وجهه للتلفاز وتجاهل نظراتهااا…….
ظلا الاثنان يشاهدان التلفاز حتى نامت خيال مكانهااا
ابتسم على على منظرها وهى نائمة فكانت تشبه الملاك
قام على من مكانه وحملهااااا ووضعها على السرير وخيال لم تشعر به
ثم نام بجانبها وظل يتاملها وهو مبتسم وعندما احس انها غاست فى نوم عميق اخذها فى حضنه وقبل راسها ونام هو الاخر
لم تشعر خيال به وهو يحملها من مكانها ولكنها شعرت بقبلته واحتضانه لها فسرت قشعريرة فى جسدهاااا واحست بالفرحة الشديدة بداخلهاااا وتركت نفسها بين احضانه……………..
________________________________________
على الجانب الاخر كان عمرو ساهراااا فى مكانه المعتاد الذى كثيرااا مايتردد عليه مع على ……………….
كان يجلس مستريحاا فى مقعده ينظر للسماء وشاردااا للغاية …..
قطع شروده صوت هايدى وهى تقول :يااااااااه للدرجة دى بتحبها
نظر عمرو الى مصدر الصوت ثم ادار وجهه مرة اخرى غير مبالياااا بها……….
جلست هايدى امامه وقالت :انت بجد اتغيرت اوووى انت ماكنتش كداااا
على وهو لايتطلع بهاا :عاوزة ايه ياهايدى
هايدى بتحدى :عاوزاك ترد عليا فى الكلام اللى قولتهولك المرة اللى فاتت
عمرو وهو ينظر لها بسخرية :هو انتى ماكنتيش سمعااانى المرة اللى فاتت ولا ايه
هايدى :اعتبر انى انا ماسمعتش
عمرو :بسيطة انا بحب وبموووت وبعشق بنت تانية واتمنى يجى اليوم اللى ربنا يجمعنا فيه بالحلال
هايدى بغل وغيظ :دااخر كلام عندك
لم يرد عليها عمرو وانما ابتسم باستهزاء ………….
قامت هايدى من مكانها وقالت بنرفزة :
افتكر ان انا اللى جيت لك لحد عندك
________________________________________
فى صباح اليوم التالى استيقظت خيال ووجدت نفسهااا فى حضن على يضمها بشدة وغارق فى النوم ابتسمت خيال واحمرت وجنتيهااا خجلا
وكادت ان تقوم فاحست انه بداا يفيق فاغمضت عيونها بسرعة مرة اخرى………….
استيقظ على فوجد خيال بين احضانه فضمها بين يديه وطبع قبلة على جبينهاااثم قام دون ان يوقظهااا ودخل الحمام ………….
عندما خرج على بعد ان ابدل ملابسه وجدها استيقظت من النوم
على مبتسما :ياصبااااح الفل ياقمر
خيال مبتسمة :صباح النور
ثم قالت بخجل :هو مين اللى نقلنى على السرير
على بخبث :اناااا هو انتى ماحستيش ولا ايه شكل نومك تقيييل اوووى
خيال بخجل :اااه فعلا ….احم احم هو هو الاجتماع الساعة 10 صح يعنى لازم نبقى موجودين هناك دلوقتى صح………………..
ابتسم على عندما شعر من خجلها انهااا تريد تغيير الموضوع :
ااااااه انا خلاص جهزت
خيال وهى تتجه للحمام :ثوانى واجهز انا كمان
اتجهوا الاثنان الى الاجتماع وانهوا الصفقة …….
ثم اخذ على خيال وتجولوا فى شوارع شرم الشيخ وتناولوا الطعام فى احدى المطاعم الراقية ……
وكانت خيال تشعر بالسعادة والحب الشديد وهى بجانب على واهتمامه بها حتى انه لم يترك يديها طوال اليوم حتى عادا الى الفندق ………..
قضوا هذه الليلة فى الفندق وهى ليلة سفرهم
ولكن خيال فعلت فى ذلك اليوم مثل مافعلته امس حتى تنام فى حضن على هو الاخر شعر بذلك مما اشعره بالسعادة الداخلية……………….
_______________________________________
على الجانب الاخر فى الشركة
تدخل سكرتيرة مراد الى مكتبه تخبره ان احد ما يريد مقابلته
فيطلب منها ان تدخله على الفور …….
مراد وهو ينهض من على كرسى مكتبه ويقول باابتسامة :
اهلا وسهلا ياعادل بيه الشركة نورت
(عادل :رجل فى اواخر العقد السادس من العمر ولكن يظهر اصغر من ذلك صاحب اكبر شركات الاستثمار يبدو عليه الهيبة والوقار وكان يرتدى حلة سوداء انيقة )
عادل وهو يبادل مراد الابتسامة ويمد يده لمصافحته
:الشركة منورة باهلهاااا يامراد بيه
جلس مراد على كرسى مكتبه وجلس عادل بدوره على احد كراسى مكتب مراد ………
مراد :ايه ياعادل بيه يعنى حتى ماترفعش سماعة التليفون وتسال عليا
عادل :والله يامراد بيه الشركة واخدة كل وقتى ماانت عارف ومجرب
مراد :عااارف انت هتقولى
صحيح اخباار احمد ايه
ابتسم عادل وقال :ماانا جيلك النهاردة عشان عاوزك فى موضوع بخصوص احمد ويارب ماتكسفنيش
مراد :خير ياعادل بيه
_______________________________________
رجع مراد الى المنزل باكرا وجلس على اقرب مقعد امامه ……..
امال باابتسامة حنونة :حمد الله على السلامة يامراد
مراد :الله يسلمك ياامال
امال فين فريدة
امال :فى اوضتهاا بتذاكر عاوزها فى حاجة
مراد وهو ينهض من مكانه :ياريت تقولى لها ان انا عاوزها فى المكتب
امال باستغراب :خير يامراد فى حاجة ولا ايه
مراد باابتسامة :ماتقلقيش ياامال عاوزها فى موضوع كداااا
اخبرت امال فريدة ان والدها يريدها فى مكتبه……..
فريدة وهى تدق غرفة مكتب والدها وتقول باابتسامة :
حمد الله على السلامة يابابا
مراد باابتسامة :الله يسلمك ياحبيبتى
فريدة وهى تجلس :خير ماما قالت لى ان حضرتك عاوزنى
مراد :عاملة ايه فى الجامعة ياحبيبتى
فريدة بحماس :كله تمام يابابا ماتقلقش
مراد :طيب الحمد لله
ثم اردف قائلا :فريدة انتى عارفة عمك عادل صاحب شركات الاستثمار اللى شركتنا ليها شغل معاها
فريدة :ايوة طبعا يابابا …. ماله
مراد :طالب ايديك لابنه احمد
فريدة بصدمة وهى تنهض من مكانها :نعم !!!
مراد باستغراب :ايه يابنتى مالك قومتى مفزوعة كده ليه
فريدة وهى تجلس مرة اخرى وتحاول ان تبدو عادية :
يابابا انا لسه بدرس ومش حابة المواضيع دى دلوقتى
مراد :ومين قالك انكوا هتتجوزوا دلوقتى
دى هتبقى خطوبة لحد ماتخلصى دراستك
فريدة والدموع تترقرق فى عيونهاا :
دااحضرتك متفق على كل حاجة بقى
…بس لا يابابا انا مش هتجوز وانا بدرس
مراد :بصى يافريدة انا مابحبش القرارات المتسرعة وانتى عارفة كويس
وبعدين انتى شوفتى الراجل ولا حتى قعدتى معاه مش يمكن يحصل قبول وانا بصراحة مش شايف ان الراجل فى عيب ماشاء الله ماسك كل شغل ابوه وعادل بيعتمد عليه فى كل حاجة وانا شخصيا قعدت معاه وعجبانى شخصيته
وغير كل دااا اتقدم لك من الباب يافريدة
فريدة بحزن :
يعنى ايه يابابا حضرتك موافق عليه…هتغصبنى على الجواز
مراد بحدة :لا طبعااا ايه يابنتى اللى انتى بتقوليه دا
بس بردو انتى بترفضى لمجرد الرفض لو عندك سبب مقنع قوليه
فريدة وهى تتلعثم فى الكلام :
مفيش سبب ولا حاجة يابابا كل الحكاية زى ماقولت لحضرتك ان انا لسه بدرس ……
مراد وهو ينهض من مكانه :
مش مقتنع بسبب الرفض دااا عموما انا هسيبك تفكرى كويس
وزى ماقولت لك ماتستعجليش وترفضى وخلاص
خرج مراد من المكتب تحت نظرات فريدة التى كانت تجلس خائفة وبشدة من ان تصبح لاحد غير حبيبهااا ……..
خرجت فريدة من المكتب وذهبت الى حجرتها والقت بجسدها على الفراش واخذت تبكى بحرقة
ثم حدثت نفسها بصوت هامس :
ياااااارب مااكون من نصيب حد غير عمرو يارب
ياارب اجمعنا فى حلالك عن قريب ياااااارب …….

• لقراءة باقي فصول الرواية أضغط على (رواية تحدي حبك)